انتهت الحلقة

عاوز اقول حاجة مهمة يا جماعة طريقة النشر صعب جدا ان انا انشر صفحة او صفحتين فى كل مشاركة وانتظر بين كل مشاركة والتانية دقيقة امر فى غاية الارهاق ، دانا فكرت اعدل عن الكتابة كليا

السلام عليكم
فى البداية اهلا وسهلا بيك استاذ عمرو و مبروك علينا انضمامك لاسرة ليلاس كسبنا كاتب قدير
الحقيقة اللى شدنى للرواية هى ان الكاتب راجل حبيت اشوف وجه نظر الراجل هتكون ازاى خصوصا لما عرفت ان الرواية رومانسية و بعدين احيك جداً على اسم الرواية اللى لوحده يثير اهتمام اى قارئ
من حظى انى قرأت التلات حلقات مرة واحدة و جت الحلقة التالته بالرد على سؤال كان بيثير فضولى جداً و انا بقرأ الحلقات السابقة هل وحيد أختار زوجته بإرادته و ايه الظروف اللى ادت لزوجهم هل هو زواج عن حب او زى ما بيقولوا زواج صالونات بس اللى اكتشفته انه كان زواج عن حب و اللى لفت نظرى من كلام مامته مع باباه ان الأم كانت رافضه الجواز و هى الوحيدة اللى شافت ان مش فى توافق بين وحيد و مراته فهل هو اصر كرد فعل لرفض مامته ولا اتجوز عن قناعة؟؟؟
من جهة تانية فى حنين اللى بتهرب من واقعها اللى هى رفضاه لعالم الخيال صحيح احنا مش اتعرفنا على شخصيتها كويس بس انطباعى عنها انها شخصية ضعيفة
مشاهد وحيد مع فهد كانت اكتر من رائعة و خصوصا المشهد اللى كانوا بيتناقشوا فيع عن معنى اسم وحيد.
فهد كان يعتبر الحاجة الوحيدة اللى بتصبر وحيد او بتحسسه بكيانه حتى انه بعد ما ودع صديقه علشان يحس انه مش افتقده راح يدور عليه فى كتاب كان هديه له
شوف انا مش قادره اعبر بس وحيد...... مفتقد شريك يشاركه افكاره يتقاسم معاه اراءه حد يتكلم معاه يحسسه انه انسان مش عايز علشان يأكل و يشرب و ينام و المشاركة شئ مفقود بينه وبين زوجته حتى فى يوم اجازته المفروض اليوم اللى بيقضيه مع عيلته هو اللى جهز فطاره و اكان مراته اخدت اجازة هى كمان منه و قضى اليوم كله برا البيت
لما ساله ياسر سؤال بسيط عن ايه اللى يشربه طلب بنى ادام
مشهد وحيد مع باباه اللى كان الاب بيحاول يطلع وحيد من حالته و بيقنعه ان طالما مراته قايمو بواجبتها و تخلى بالها من بيتها و اولاده يبقى الأمور بخير حسيت ان الأب بيقنع نفسه بحاجة هو مش مقتنع بيها.
شكرا اخى الفاضل و بانتظار الحلقات القادمة
صحيح شكراً لأن لغتك العامية بدون ابتذل و بدون مصطلحات لا تمت للعامية باى صلة بجد شكراً لرقيك