كاتب الموضوع :
فيتامين سي
المنتدى :
القصص المهجورة والغير مكتملة
رد: خريف الحب / للكاتبة خياله،،والخيل عشقي
عند الرجال
دخل عبدالرحمن وقصي قاعة الرجال الكبيره وحاول يشوف عم مساعد وسط الجموع،كان في طرب ورقص بالسيوف وإبتسم لما شاف الرجال محتزمين بالبنادق والمسدسات ،ألتفت لقصي/منظرهم مايفكرك بأعراس صنعاء.
هز قصي رأسه وبحماس/متى بيرموا بالأوالي (البنادق).
عبدالرحمن بضحكه/ لاتتحمس عالفاضي،
وين تحسب نفسك ..ذي شكلها بس للعرض.
قاطعهم واحد بجديه/أفاا يالعلم.. من قال إنها للعرض بس.
عبدالرحمن بإبتسامه/السموحه منك ياأخوي، بس أظن ذي الحاجات ممنوعه عندكم ولا لا.
مد يده وسلم عالرجال اللي رحب فيه بود/حي الله من جانا..أهلا وسهلا.. ناصر المنذر.
عبدالرحمن بإبتسامه/الله يحييك ويبقيك، عبدالرحمن الجابر..وذا قصي.
مد قصي يده وسلم عليه قبل مايمشوا مع مشاري اللي تابع بجديه/تقدر تقول معنا ترخيص وبنأخذ راحتنا الليله.
عبدالرحمن/إذا مافيها كلافه..تدري وين عم مساعد.
مشاري/ظنيتك تعرف أحد من الشباب..
وصله لمجموعة رجال وشباب أصواتهم عاليه، وبهدوء/يبه مساعد..في ضيوف ينشدون عنك.
أتفرق الجمع وعيونهم على عبدالرحمن وقصي،اتقدم عبدالرحمن لأبو مساعد اللي وقف لماشافه وسلم عليه بالخد وضمه بفرح/ياحيا ياسهلا..أسفرت وأنورت ياعبادي.
بعد عنه عبدالرحمن وباس رأسه وبإبتسامه/الله يحييك ومنور بكم ياعم مساعد ..
سلم عليه قصي وباس يده/شلونك جدي مساعد..عساك طيب.
شد على يده بحب/زان لونك ياوليدي الحمدلله..
طالع في الشباب بإبتسامه/ذا عبدالرحمن وذا قصي..وهذولي أخواني وعيالهم أبو سلمان وأبوسلطان،ناصر وراجح وبندر وسلمان ومحمد.
سلموا عليه قبل ما يروح مع أبوسند لعند أبوه.. وبعدها أستئذن أبوسند والجد وقعد عبدالرحمن مع الشباب اللي أرتاحوا لبعض وكملوا سوالفهم لين رجعوا، أبوسند/الحمدلله على سلامتكم..ليه ماقلتوا لي إنكم رديتوا.
عبدالرحمن بإبتسامه/يعني ما تعرف حركاتها.. حلفتني ماأكلمك قالت بتخليها مفاجأه .
الجد/وش اتفقتوا عليه ياعبدالرحمن.. أختك وين بتقعد فيه.
عبدالرحمن بهدوء/أنا بجلس هنا معها ياجد.
أبوسند/وأوراقك وشغلك وش بتسوي فيها .
عبدالرحمن/فيصل ماقصر هو بيتكفل بأوراقي،وقدمت إجازة مفتوحه من عملي في صنعاء..وهنا بشتغل في جده مع فيصل مثل منت عارف..
أبوسند بإعجاب/فيصل رجال والنعم فيه.
عبدالرحمن بتأييد/فيصل أخو دنيا ومامنه أثنين.
جاهم ناصر مبتسم/عبدالرحمن لك في السلاح ولا لا.
عبدالرحمن بضحكه/ السلاح ذا حقنا ..بس أنت مانسيت.
ناصر /ذي فيها علووم،شلون أنسى.
أبوسند بإبتسامه/خل كلنا نقوم..
خرجوا كلهم برا القاعه المكيفه وكل واحد يجهز سلاحه.
راح ناصر لوضاح وسند وبحماس/أبوي مساعد يحتريكم.
وضاح مال على سند بهمس/من اللي واقف جنب أبوي العود وأبوي مساعد.
سند ببرود/أي واحد.
وضاح/اللي لاف الغتره على رأسه ومطقم مع ولده.
طالع سند في عبدالرحمن اللي لابس ثوب سكري ومسوي الحمدانية بالغتره ومعاه سلاح وجنبه قصي وكان مطقم معاه نفس اللبس والغتره، وبلامبالاة/ماشفته قبل كذا
قربوا منهم وعرفهم أبوسندعلى بعض/عبدالرحمن ذا ولدي الكبير سند..سند ذا عبدالرحمن.
سلموا على بعض،عبدالرحمن بإبتسامه/عبدالرحمن الجابر..
سند ببرود/سند المنذر..حياك الله.
حس عبدالرحمن ببروده وأختفت إبتسامة بسرعه قبل مايترك يده وبهدوء/الله يحييك..عن أذنك.
ألتفت للجد صقر وكمل سوالف معاه.
سند ببرود/الظاهر الوقاحة منتشره في العيله كلها.
مسك وضاح ضحكته وبهمس/الحين هو الوقح ..أنت ما شفت نفسك كيف تحاكيه من طرف خشمك.
رفع له حاجب وبإستنكار/إن شاء الله تبيني أخذه بالأحضان.
وضاح بهمس/وأنت ماعندك وسط..الرجال باين عليه آدمي ومحترم ماله داعي تقفل معاه ذي القفله بسبة كلمتين قالتها قريبته رد على كلامك وأسلوبك.
سند بنرفزه/كلمتين!!!أنت ماسمعتها وهي تحاكيني..أنا كلامي تافه..كيف اتجرأت ت--
وقف كلامه وأخذ نفس للحظات ومسك سلاح من اللي واقف جنبه وتابع بصوت حاول يكون هادي/وضاح واللي يسلمك قفل السيره وخلنا نركز في اللي بين أيدينا.
جهز سلاحه وأطلق أول رصاصة في الهواء وتبعه الكل بحماس،وفي لحظات نورت السماء وعجت بأصوات الرصاص.
دق الباب ودخل سند ومعاه الدفتر ..رمت ديما نفسها في حضنه وهو ضمها بحنان/ألف مبروك ياأميرتنا..الله يوفقكم .
ديما يبكى/ سند خلص مابي أتزوج..قل لمشعل هونت.
بعدها عنه برقه وبهدوء/تبي مشعل ينجلط، تراه ناشب في حلوقنا ويبي يطلع لك من المغرب..
ديما/سند والله خايفه.
أخذ منديل من أمه ومسح دموعها وبجديه/مشعل رجال كفو ويحبك حيييل .. يلااا حبيبتي وقعي.
أخذت القلم ووقعت برجفه وسط زغاريد أمها وصافي وعمتها نوره.
باس رأسها وبإبتسامه نادره/ثريا شوفي حل بوجهها اللي صار شبه دب الباندا،أخاف مشعل يهون لاشافها كذا.
طالعت فيه ثريا بإستمرار قبل يضحكوا بفرح لما شافوا مزاجه الرايق قبل مايتركهم وينزل.
جاء وقت الزفه والكل لبس العبايات إستعداداً لدخول العريس،إنطفت الإنارة وسطع نور قوي في أعلى الدرج وظهرت ديما في بقعة الضوء وهي ماسكه عصى في نهايتها قناع ذهبي أخفي الجزء الأعلى من وجهها وأبرز مكياج عيونها الأسموكي وجنبها العريس.. أرتفع صراخ البنات لما باس جبينها وهمس لها بشيئ.. بعدها رمت لهم ورود ونزلت تتهادى في مشيتها بكل نعومه ومشعل ماسك يدها في يده..
حد منكم شاف في الدنيا بدر *** مقبلٍ يمشي و من حوله بشر
من حلاه يزف للناظر ضياه *** ان ظهر للناس و لا ما ظهر
هذا ما هو بدر ليل يختفي *** مع طلوع الصبح و بزوغ الفجر
او بدر يصبح بعد مده هلال *** هذا بدر مكتمل طول الشهر
هي عروس النور في هذا الزمان *** هي ملاكٍ بس في صورة بشر
من غلاها انقول صلوا على الرسول *** يا اللي شفتوها بقلبٍ او نظر
الله يا نور في ها الدنيا نراه *** مستحيل ان نشوفه في بشر
و التقت شمس الظهيره بالقمر ***
و في محياها بدى الصبح بضياه *** مشرقً و خدودها واحة زهر
و العيون الي كما عين المهاه *** تمتزج فيها البراءة بالسحر
الليله .. الليله محلاها الليله *** الليله .. الليله حلوة و جميلة
شعرها ليل كسا الدنيا دجاه *** حالك متحدر كانه نهر
يحسبه قطعة حرير من رآه *** و الحقيقة هو حريرٍ من شعر
و الحسام الي صفا الوجنه كساه *** يبعث اشواق الحواجب للثغر
و الثنايا كالبرد بين الشفاه *** او كحبات الندى و لا المطر
عذبةٍ لو تلمس اطراف الحياه *** كل غصن فتح بوردٍ حمر
و العفاف بروحها يسقي بوفاه *** و الوفا في عينها النجلاء سهر
شاعر الوجدان واحلامه سماه *** مبدع و احساسه المرهف شعر
ماخذ من وصفه مبتغاه *** يا عسى الله يوهبه طولة عمر
الله يحفظها و يسعدها معاه *** شيخ بطيبة فواده يشتهر
والله يجعل كل دنياهم هناه *** يكتسي بالسعد كله و البشر
وصلوا للكوشه وساعدوها وتين ورؤى تجلس براحه،مشعل برجه/خلص تقدروا تذلفوا مشكورين..ولاأقولكم نطلع حنا أزين.
وتين بضحكه/تو مابدينا..وين تطلعون.
رؤى/أول بتلبسها الشبكه..وبعدها الكيكه
وبعدها----
قاطعوا مشعل بإبتسامه/قسم لو ماخليتوا عنكم هالخرابيط لأخذ زوجتي وأطلع من هنا.
أم مشعل/ أركد وأنا أمك لاتفشلنا..شوي وبنطلعك مع زوجتك لحالكم.
وقف باس رأسهاوبفرح/لبى قلبك يمه أنتي اللي فاهمتني.
وتين بغمزه/شعولي لبسها الشبكه.
ديما بهمس/موبلازم،بلبسها بروحي .
مال على إذنها بهمس/والله ماغيري يلبسك لوفيها موتي.
وقف ووقفها معاها وبإبتسامه/ألف طلب من هالطلب.
أخذ العقد ولف وراها ولبسها العقد بشويش وهو متعمد يلمس رقبتها بنعومه،أرتجفت ديما من لمساته،همست بحده/ مشعل أستح على وجهك.
باس رقبتها ببطء وفلتت منه ضحكه لما حسها إتصلبت من حركته وبهمس/هوشش لا تخليني أتهور قدامهم.
بعد عنها ولبسها الخاتم والأسوره وقبل مايلبسها الحلق همست ببكى/مشعل تكفى خلاص.
طالع فيها بصدمة ماكان متوقع إنها تبكي من حركاته،رجع الحلق في العلبه بهدوء/زين لا تبكي خلص.
خلصوا باقي الشغلات بدون حركات وبعدها طلع بهدوء.
قفلت ساره جوالها ولبست عبايتها وطالعت في جوري بإبتسامه/يلا جوجو لازم أمشي..بذبحك إذا مادقيتي علي أول ماتصحي.
جوري بضحكه/قبل ماأغسل وجهي حتى.
سلمت عليها وعلى ثريا وياسمين وراحت.
ثريا/يلا نروح لديما.
طلعوا الكوشه اللي اتملت ببنات عيلتهم وصحبات ديما..كانت جوري واقفه على جنب علشان يرقصوا البنات ..سحبتها ثريا بشويش وجلستها جنب ديما وبهمس/الوقفه موبزينه لرجلك.
الحين ذي جوري اللي أذيتوني فيها..فعلاً ماعندكم ذوق يامها..ظنيت بشوف ملكة جمال .
مها بضحكه/وأنتي من متى تمدحي غيرك يا شذى..
شذى بغرور/أنا شذى و محد يدخل مزاجي بسهوله..وذي لالبس ولاميك آب وشكلها جداً عادي.
اتأملت مها فستان جوري بتمعن كان من الشيفون البني الغامق،كان الفستان ماسك عالصدر ومبين خصر جوري النحيف ومتداخل فيه شرايط ساتان باللون الوردي بطريقه غريبه وطالعه للكتف والتنوره كانت واسعه ومطبوع عليها شجرة الكرز الياباني بلونها الوردي وكل ماتحركت جوري كان القماش يتحرك ويوحي للناظر إن زهور الكرز بتطير مع الهواء ..وشعرها كان ضفاير متداخلة في بعض ومرفوع رفعه بسيطه مع خصل متمرده نازله على وجهها بنعومه والمكياج أكتفت برسمه فرنسيه وكحل أسود وروج وبلاشر وردي..وأكسسوار وردي.
مها بإعجاب/فستانها صح موفخم بس ملفت وقمه في الذوق ومبين رشاقة جسمها وطولها، وتسريحتها رايقه ووجهها جذاب ومو بمحتاجه ميك آب ثقيل..
شذى بسخريه/كل ذا فيها..يبي لك تراجعي دكتور عيون.
مها بهدوء/والله ذا رأيي ورأي كل اللي شافوها..شكلها رايحه بروح أسلم عليها.
|
12-12-15, 02:13 AM
جديد مواضيع قسم القصص المهجورة والغير مكتملة
العرض العادي
