اللة يشفيها وتقوم باسلامة

السلام عليكم و رحمة الله وبركاته
صباح الخيرات للجميع
إتمنى من الله تكونوا جميعا​ بخير وعافيه...
أدري أني مقصره معاكم وماطمنتكم على حالة (خياله ) الصحيه بس صدقوني أنا ماكنت في حالة تسمح لي بهذا الشيئ ومهما حكيت لكم مارح أوصفلكم مقدار الألم والمعاناة والخوف اللي مرينا فيها وهي بتذبل قدامنا يوم وراء يوم وأحنا بنتفرج عليها ومابيدنا شيئ لكن الحمدلله الذي لا يحمد على مكروهٍ سواه والله لايكتب لمسلم ولا لعدو أو حبيب اللي شفناه وعشناه طول الفتره اللي فاتت بسبب إنا ماكنا عارفين أيش مشكلة (خياله) ومن أول مره دخلت فيها المستشفى محد عرف أيش علتها بالضبط والدكاتره ماقصروا فينا وكانوا كل فتره يطلعولنا بتشخيص شكل وماخلوا تشخيص ولا أدوية إلا وجربوها عليها وبعد ماأظهرت تحسن كتبوا لها خروج لكن للأسف مالحقت تستقر في البيت إلا وإنتكست مره ثانيه وذحين صار لها شهرين تقريباً وهي بتتعالج برا المملكه وحبيت أبشركم إنها ولله الحمد بدأت تتحسن وتتماثل للشفاء وزي ما قال الدكتور إن شاء الله كلها مسألة وقت وبترجع لطبيعتها وهتنور بيتنا من جديد..
ولعلمكم ترى كنت معاها ومارجعت غير قبل أسبوع علشان الأختبارات النهائية ووصتني أطمنكم عنها وحملتني سلامها وتقولكم بالحرف(وحشتوها مررررررررره والله لايحرمها منكم ويجمعكم على خير وأدعوا لتوليب تنجح) هههههههههههه الأخيرة من عندي *-
بس ياريت تدعوا لي من جد لأني كنت في حاله نفسيه أزفت من الزفت وكل ما فتحت كتاب قفلته بدون مااقرأ حرف وداخله الأختبارات ببركة دعاء الوالدين زي ما بتقول خياله..
في الأخير أحب أشكركم على صبركم ووقفتكم ودعواتكم لأختي الحبيبه وجزاكم الله خير وطبعاً الرواية مستمره بإذن الله لكن سامحوني عالتقصير ..
(توليب)

وعليكم السلام ورحمة الله وبركاته،

الحمدلله على سلامة خيالة وربي يواليها بالعافية ..

شكرا توليب ع تطمينك النا.. وربنا يوفقك وينجحك بإمتحاناتك ..


مع خالص الود