بارت وجع لي قللبي
سلطان ناوي علي الشر ...اتمني عقب يسمعها و يدري وش صار
من ذا اللي ينبش ورا الصور ؟؟
مليونين عاد ..الموضوع كايد

طلعت البنات المول خفت منها ..توقعت يطلع لهم احد ..لكن الحمد للع عدت علي خير

اللي شكلها ما بتعدي علي خير خالد ..يا تري بتلاقي معه احد ؟؟
ننتظر و نشوف

متعه القراءة لك يا قمر
في انتظارك

البارت9
تطلع بهدوء مريب جدا وصلت وكان الباب مفتوح دخلت وصارت تنادي جوري مالقت اي رد مافي احد بداء التوتر يلعب بأعصابها رفعت جوالها بخوف وهي ترتعش دقت على جوري ماترد جلست على الارض بضياع
ودموعها تأخذ مجرى في خدها بدت تحس بشي سائل براسها رفعت اصابعها ولمست وسط شعرها تفاجئت من منظر الدم في ايدها تذكرت شي ممكن يفيدها اخذت جهازها واتصلت على سامر رنة واثنين وصلها صوت سامر المتعب :الو
الهام بسرعة ممزوجة ببكاء :سامر خالد ضاع
سامر :الهام اهدي شوي اكيد جوري تدري وينه
الهام :سامر جهاز المراقبة اللي نحطه بلبس خالد اكيد راح نلقاه بسرعة روح جيبه من الفلة
سامر :انا بالفلة الحين اشوف وادق عليك
قاطعته :لا لاتسكر
سامر :طيب ايه لقيته بمستشفى ال----
الهام :طيب شكرا "طلعت تجري من الشقة وقفت تكسي "مستشفى ال بسرعة دقائق وكانت هي عند باب المستشفى سألت الاستقبال عن غرفة خالد
الموظف :غرفة 206 الدور الثاني الممر اللي في اليمين
الهام :شكرا صعدت لغرفة خالد كانت جوري نايمةجمب خالد ابتسمة وهزت كتف جوري ببطئ
رفعت راسها وارتعبت من منظر الهام
جوري :وش فيه وجهك
الهام :ابد بركاتك اكملت بغضب :بعدين ليش خالد يمرض ويتنوم وانا اخر من يعلم
جوري:والله صحيت اخر الليل وكانت حرارته مرتفعة اخذته ل اقرب مستشفى من البيت وطلب الدكتور انه يضل هنا علشان يعملون له فحوصات ماحبيت اخوفك اخر الليل قلت الصبح اخبرك وراحت علي نومة
الهام :مرة ثانية لو يصير اي شئ تخبريني حتى اذا الساعة 2 فاهمة
جوري :فاهمة خلاص الهام والله اسفة
الهام:ليش انا اقدر ازعل منك بس كل هذا من خوفي عليه
فتح عيونه العسلية ببطئ :ماما
التفتت عليه الهام بفرح :ياعيون ماما

تجري بسرعة في ممرات المستشفى
سمر :ياربي من اول يوم عملي راح اتهزء ياويلي "ثواني وكانت على ارضية الممر
الدكتور :اسف ماكنت منتبه
سمر رفعت راسها كانت راح تهاوشه (عيونه ياربي كنها عيون الهام والله نفس اللون الرمادي )قطع عليها تفكيرها
الدكتور :ادري ان عيوني حلوة
سمر :اقول انا ماعندي وقت علشان اقضيه بلكلام الفاضي "مشت وتركته
ابتسم واتجه لغرفة التحضير
دخلت غرفة التحضير وحمدت ربها ان الدكتور ماوصل كان في بنت جمبها
سمر :عفوا بس بسألك وين القى الجدول
البنت :برى معلق
سمر :شكرا معك سمر عبدالله ال
البنت بدهشة :تشرفت معك رهف عامر ال تعرفين سعود ال والهام ال
سمر ببتسامة :ايه سعود اخوي والهام بنت عمي
رهف :اذا مافيها تتطفول الهام كم عمرها
سمر :21 بعمري
رهف :المفروض تكون تدرس اذا بعمرنا
سمر:ايه هي درست سنة بكندا بعدها على طول صارت تشتغل بشركة لبوها بس هي ماهرة بشغلها
على فكرة اللي يشوفها بتلفزيون يقول عنها مغرورة بس ترى هو هدوء موب غرور
رهف كانت راح ترد بس قاطعها دخول الدكتور
الدكتور ببتسامة :السلام عليكم اليوم اول يوم تحضير لك راح يكون تعرف بس من بكرا بنبداء ايه نسيت معكم الدكتور سلمان ال
رهف تهمس لسمر :ياويل حالي اروح ملح على هالجمال
سمربدون شعور ضحكت بصوت مرتفع :ههههههههههههههه
د سلمان :انتي ويها (يقصد رهف وسمر ) ضحكونا معكم
سمر :ابد دكتور سلمان مافي شي
رهف :اي معها حق
اكمل سلمان :انا اعتبروني مثل اخوكم بس وقت الشغل مابي اي تصرفات سوقية (ماكن يقصد شخص محدد )
سمر وقفت :دكتور لوسمحت صح انا ضحكت بس ما اسمح لك تقول عن تصرفاتي سوقية
سلمان :انا ماكنت اقصدك والحين وش قلت الذوق هذي
سمر بغرور :انا سمر ال وعيلتي عرفت كيف تربيني
سلمان :ونعمة التربية اكمل بستهزاء انسة سمر ال والحين امسكي ايد رفيقتك وروحي اخذي لك لفة برة هنا عندي مانتعمل بالعوائل هنا انتي مثلك مثل اي احد فاهمة والحين اجلسي واسمعي بدون اي كلمة
دخلت البيت هدوء يلف االبيت سألت:wher is my mom
الخدامة :in hir room
الهام :ok" طلعت غرفتها رمت الشنطة اتجهت غرفة الملابس اخذت بجامة وسمعت جوالها يرن اخذته وستغربت من المتصل
ردت :هلا
سعود :كيفك
الهام :تمام
سعود :باقي يومين على العرس لازم نروح نشوف لهم منتجع ولانسيتي
الهام :ايه والله نسيت خلاص نروح اليوم بس متى
سعود :شوي اخلاص من شغلي وامرك
الهام :اوك see you
سعود :باي
رجعت البجامة واخذت لها بنطلون اسود وبدي بني لبست معه سكارف بني وساعة بنية مع صندل نفس اللون اخذت جوالها ودقت على جوري دقائق واجها صوت جوري :الو
الهام:كيفك وكيف خالد
جوري:بخير خالد اليوم المغرب طالع
الهام :ماقدر اجي طلعي خالد للحديقة مع الحرس اوك
جوري:طيب باي
الهام :الله يحفظكم
سكرت واتصل سعود الو ...طيب طالعة ....مين بيروح معنا .....نعم لحالنا ......ليش وين سمر ....طيب طالعة

[b][b][b] البارت10
راقدة على فراشها وحاضنة مخدتها ودموع تتخذ مجرى على خدها تفكر كيف راح يكون حالها بعد يومين اكيد راح يعاملها مثل ال------- لا يمكن يكون نسى كيف ينسى اكيد يكون اخذني بس علشان يعذبني وينتقم لحبه اه بس والله ندمت كثر شعر راسي مستحيل سلطان ينسى مستحيل اعرفه صحيح انه طيب بس ماينسى بسهولة

في جهة اخرى كانت سعيدة جدا واخير سيتوج حبها بالليلة بيضاء مثل نقاء قلبها الصغير لطالما حلمت مثل اي فتاة بهذه الليلة لكن لابد من التوتر فسوف تعيش تجربة مختلفة من المسؤليات وان تكون زوجة مسؤلية ليست سهلة بتاكيد فرحتها الصغيرة يخالطها شي من التوتر اتجهت للمرة المليون لدولاب واخذت تنظر لفستان زفافها
سمر:اووووف سحورة كم مرة الحين تطالعين فيه ياخي حفظتي مكان كل خيط فيه
سحر:موب شغلك خليني افرح ولا غيرانة بعد
سمر :مالت اغار على شنو زوجك المصون ولاانتي ياست الحسن
دخل سلطان :المفروض تكونين خايفة مو تناقرين سمر
سمر :اسكت بس طول الليل وهي تبكي لاتذكرها
سحر:تبيني ابكي وفرها لبعد بكرا بتشوف الدموع من احلام "تغيرة ملامح سلطان للغضب وطلع من عندهم من دون لاينطق حرف


الهام :ايه يلا اناانتظر عند مدخل بيتنا
سعود :دقايق واجي
ثواني ووصل عندها
سعود"امشي السيارة ب الباركنج
الهام :اوووف ليش ماجبتها هنا
سعود :بلا دلع لا الحين ارجعك بيتكم
الهام :تهدد انت لايكون ناسي من تكلم
سعود :لا ابد موب ناسي بس شكلك انتي اللي نسيتي من تكلمين انا سعود ال وكلامي اهو اللي يمشي
الهام :والله محد يمشي كلامه على فاهم "صقعت باب السيارة بقوة ركب سعود واتجه لخارج المجمع طول الطريق كان الطرفين صامت
الهام بهدوء :خلنا نأجلها لبعد العرس عندي فكرة ممكن تعجبك
سعود :اسمعك

يفكر في حياته كيف راح تكون مع سحر وهل راح يكون زوج صالح وكيف راح يتحمل هل مسؤليات
وسحر راح تتحمل معي ايه اكيد بتتحمل سحورة تحبني وراح تعيش معي على الحلوة والمرة
رجع بذكرياته لليوم اللي حبها فيه قبل سنين معدودة
تركي :سلطان ارميها يامعفن ارمي لي الكورة قبل ما ياخذها سعود
سلطان :خذها
سعود :ههههههههه كذا الناس تشوت
تركي :ههههه رجلك مايلة
فهد :اجل انت يافالح روح جيبها
تركي :مالي دخل خله اهو يجيبها
سعود :اقول انقلع جيبها احسن لك
تركي :اوووووف
سعود بحدة :موب انا اللي تتافف عليه ياولد
فهد :سعود الله يهديك ترى مايسوا
تركي يتحلطم :ايه مايسوى يحق لك "اتجه لجه الحريم من الشاليه لقاها مرمية عند المطبخ اخذها وهو رايح لجهتهم من الشاليه سمع صوت من ورى الحمامات تعوذ من الشيطان ولكن الصوت كل ماله يقوى راح لجهة الصوت وشاف بنت متكورة على نفسها وتبكي وشعرها يغطيها من كل جهة قرب له وهو يهمس :لوسمحتي
رفعت راسها بخوف لك سرعان مازال الخوف لما شافت تركي قامت حضنته بقوة وهي تحس بخوف
استوعب واخيرا انها سحر
تركي:سحورة وشفيك هنا لحالك
سحر:كنت العب مع سمر واحلام بعدين جيت هنا وماعرفت ارجع
نظر تركي لوجهها الاحمر ودموع تمليه اول مرة ينتبه لجمالها البسيط :تعالي اوديك للفلا
سحر؛:طيب "صارت تمشي وراها وهو كل دقيقة يلتفت لها ويسترق النظر لحد ماوصلها للفلا
عاد للواقع وتترسم على محيه ابتسامة بريئة

بارتيييييييييييييييين
يس يس ي س

البارت11
ارتمت على سريرها بتعب لازم تنام بكرة راح يكون يوم متعب لها عرس اختها من جهة وسوق الاسهم من جهة ثانية جاء في بالها الموقف اللي حصل لها مع سعود اليوم في الاجتماع
الهام :حمد لو سمحت اذا انتهينا من الاجتماع انسخ ملخص للاجتماع وعطيه الاستاذ سعود
حمد :حاضر انسة
سعود :ترى الاجتماع الماضي ماخذيت له ملخص
الهام :حمد عطيه ملخص لكل الاجتماعات
حمد: بس انسة انا ماعندي نسخ لكل الاجتماعات
الهام :بس كرم اخذ نسخ لك ولبقية الموظفين
سعود :الله على الاهمال ماتدرين وين ملخصاتك
الهام :سعود لو سمحت مااقبل تتهمني بلاهمال
سعود :سعود ومن متى مطيحين الميانة
حمد: اانا استأذن
الهام بحدة:استاذ سعود اظن الاجتماع انتها
سعود: هاذي هي طريقتك يامديرة شركات ال المحترمة
الهام وهي واقفة :اذا انت موب طالع انا اطلع "مشت متجهة للباب باغتها سعود ووضع رجله في طريقها دقت في رجله ودقائق وكانت الهام مرتمية في حضن سعود وحصل هذا في انظار الموظفين لان زجاج غرفة الاجتماعات يمكن من في الخارج من رؤية كل مايحصل في الداخل وضعت يديها على وجها المحمر من الغضب
سعود: اقول ماكنه عاجبك الوضع
الهام بغضب :اقول انت انطم كله بسببك محد قالك حط رجلك بطريقي بعدين جاي تقول عاجبني الوضع اكيد عاجبني الاحراج بين الموضفين
سعود :احم ترى انتي لين الحين بحضني
الهام بأحراج :انقلع برى شركتي مابي اشوفك هنا ثاني اجتماعات معك ماأبي خلاص ابي عمي يجي بدالك انت
وقف ونفض ملابسه وتعداها بهدوء ولا كأنه احد يتكلم طلع من غرفة الاجتماعات وترتسم على وجهه ابتسامة نصر لكن سرعان ماختفت الابتسامته لما مر من عند موظف وسمعه يقول لصاحبه
.... انا كنت داري ان في بينهم شي كم مرة اشوفهم سوى طالعين
الاخر :ايه ودايم يجي عندها يجلسون بساعات لحالهم كنت اقول بس محد يصدق واليوم الله كشفهم لناس
--- صدقت يمهل ولا يهم "ليكمل من تفاجئه بوجود سعود تقدم اليه سعود بهدوء:اناماراح اقول لك شي بس ابيك تعرف ان عيال ال—اشرف منك ومن اللي خلفوك يا------- "وتركه وتجه لمواقف السيارات ابتسمت وغمضة عيونها كمحاولة لنوم
جالسة على سريرها وتبكي متجاهلة نداء امها وطرق تركي القوي للباب رمت الوسادة بقوة على الباب :مابي اطلع اتركوني لوحدي
تركي :يايمة اهي بخير بس اكيد خايفة من بكرة
ام تركي :لاوالله اكيد فيها شي كايد ولا ماكانت قفلت على نفسها الباب من دون لاتاكل أي شي من الصبح
فتحت الباب ورتمت في حضن امها وعادت للبكاء من جديد
ام تركي بحنان :وش فيك يابنتي من الصبح وانتي تبكين فيك شي احد مزعلك
احلام :يمة مابيه مابي اتزوج ابي اقعد عندك
تركي :اقول عن الدلع الفاضي بعد ما وعدنا الرجال الحين تقولين مابيه بتاخذينه ورجلك فوق رقبتك
ام تركي :يايمة مايصير الكلام اللي تقولينه اكيد انتي بس خايفة وانت الثاني مالك شغل فيها رح شوف شغلك ابرك لك من طوالة اللسان
تركي :كذا ياطويلة العمر تضيعين هيبتي قدام بنتك
احلام: تركي والي يسلمك تعال معي وقت الزفة ابيك تكون جمبي
تركي :ماطلبتي شي كم حلومة عندي انا
ام تركي :ربي يخليكم لبعض ولايحرمني منكم
تركي واحلام :امين

للمرة الالف تفتح دولابها وتناظر في فستان زفافها العد التنازلي لبقائها في منزل اهالها بدء كلها كم ساعة وتنتقل من وصاية ابوها لوصاية تركي حاسة بتوتر فظيع بس اللي يخفف توترها ان تركي بيكون من اليوم حقها اهي وبس

يتبع