وطلع فوق وقفل الباب يبي يأخذ شور سريع ...ويطلع للمطار
ريتاج
ناظرت شوق وانا متضايقه ...من وقت ما
دخلنا جلسنا في الصاله مابي اطلع ..فوق وهوويجي آكيد معصب ويسعمعني كلام يوجعني اجلس هنا أبرك حتى تخف عصبيته شفته مره من عندنا وهو معصب وقافله معه ...بعده بثواني عمي طلع من غرفته . وخالتي وراه..آه شكله اللحين يبي يقط كم كلمه ....اللحين ندمت
ليتني طلعت فوق واتحمل وليد ولا كلام عمي
ابووليد بسخريه:افاا وش هالاحتفال اللي كمل في ساعه
ام وليد: آكيد مراح يتأخرو عشان وليد طالع للمطارقالي قبل مايطلعوا
ريتاج
ابتسمت لخالتي يوم اعفتني من الرد الحمدلله يعني عنده رحله
تنهدت براحه ودي أجلس لحالي ..
وبسرعه اخذت شنطتي اليد وطلعت فوق الجلسه مع وليد ا
أبرك اوف من وين احصلها انا ...وقفت عند الجناح ..وجيت افتح الباب انصدمت ...لما حصلته مقفول ...وش ذي افهمها طرده
...صح هو طردني من جناحه ..بس مو اللحين ..قال يبي يجيب مفتاح جناح بندر وبعدها اروح فيه...
وش السوات ..ياربي تلفت يمين ويسار ....يارب شوق تتطلع
بسرعه عشان اجلس معاها في غرفتها ....بس تذكرت انه عنده
رحله .أيه آكيد بيطلع اللحين ...بس ليته يخيلي الجناح مفتوح...عشان ماتفشل أكثرر
حسيت بمغص ذبحني زاد مع نفسيتي .الخايسه ....جلست غصب عني في الأرض ..وانا ماسكه على بطني...أبيه يخف عضيت شفتي بألم سكاكين تقطع فيني آه ...وينك ي عصام تشوف أختك قد ايش ...مذلوله ...ناظرت الدريشه اللي في الصاله والمطر يضرب بقوه صوته فيها حسيت بدموعي تنزل آه رفعت رأسي وانا أدعي يارب فاض فيني صبري خلاص ....
فرحت يوم سمعت صوت مفتاح .الباب رفعت راسي شفته لابس وجاهز....
وليد بصدمه وهو فاتح عيونه كيف جالسه قدام بااب الجناح زم شفايفه بقهر : انقلعي ادخلي شكلك يفشل وانتي جالسه في الأرض ي شيخه خلي عندك كرامه وانقلعي بيت ابوك وقولي مابيه وانا والله مستعد اطلقك والحين
ريتاج وقفت بألم وبغصه: ابشرر لك ماطلبت راح ترجع ان شاءالله ماتلقاني صديت عنه
ودخلت الجناح. وقفلت الباب وبسرعه..فتحت الشنطه وطلعت الجوال وهي . ...تدق على رقم ابوها ...دقت ودقت مايرد .رجعت تتدق على جوال امها .وهي تتدعي ترد عليها ..ردت عليها على آخر رنه : الو
ريتاج ودموعها تنزل : الو يمه وين ابوي
ام عصام حست من صوتها فيها شي: ابوك مو هنا مسافر دبي بس يومين وجاي سلامات ايش فيه
ريتاج وهي تحاول تمسك نفسها : طيب أرسلي السواق خليه يجي
يأخذني من هنا
ام عصام بحده: اقول من متى تركبي مع السواق لوحدتس هااا والله لو يدري ابوك لايحش رجولتس وبعدين وش تبي جايه
خليتس عاقله وانثبري في بيتس لاتفضحيني مابيهم يقولوا رجعت بيت ابوها وهي عروس توو
ريتاج بقهر: يمه لا تخافي مراح أفضحك عند جماعتك وبعدين ليه انتي كذا قاسيه اقولك انا وليد مستحيل نتفق .. حرام يكفي اللي صار فينا لاهوو عاد يقدر يصل للطيفه ..و صدقيني يمه افضل لنا الانفصال والله يمه تعبانه انا هنا وبكت منهاره مافيها عاد تكبت
ام عصام بحزن عليها وعاطفة الام غلبت عليها وتدري بريتاج عاقله مستحيل تتكلم لو فيها شيء إلا شيء كايد ..: طيب خلي وليد يجيبك بس جيه مع السواق مافي
ريتاج وهي تسمح دموعها: راح يمه
ام عصام : عمك موجود هو يجيبك ولا يركب مع السواق ويوصلك بس لحالك ماتركبي وهذاني حذرتك ي ريتاج
ريتاج قفلت بيأئس ... خليني اجرب ادق على رقم وليد ان شاءالله قريب .. ويرجع يأخذني لبيت اهلي . واكيد بيفرح ..سمعت صوته
وليد بدون نفس: نعم
ريتاج برجآ : تكفى ارجع ودني بيت اهلي وبعدها روح
وليد بسخريه: لا ي شيخه دقي بس على أبوك
ولا مسويه كذا عشان تبيني اقولك خلاص أجلسي
ريتاج قفلت عيوني بقهر من حكيه قالت بصدق: والله دقيت على ابوي في دبي ماهو هنا وامي رافضه اروح مع السواق وبغصه يالله تبي ترتاح مني ارجع ودني
وليد بصدق:ياليت بس ماترجعي عاد واطلعي انا لسى برا وقفل في وجهااا
ريتاج مجروحه حيل منه ناظرت الجوال يوم قفل في وجهي ...اشك ان عنده قلب ..هالادمي ..والله حتى عدوك ماتعامله كذا .....وقفت والعبايه علي لسى مافسختها سحبت الشنطه والجوال في يدي ..طلعت من الجناح وانا أدعي ماشوف عمي قدامي ....مسحت دموعي اللي تنزل ...غصب عني .....شفت خالتي جالسه تكلم تلفون ....وشوق جالسه مثل ماخليتها الحمدلله عمي ماله أثر
بسرعه مريت من عندهم من غير ماتكلم سمعت شوق تنادنيي بس مافيني ارد عليها ...وطلعت آه الجوو مطر بسرعه رفعت العبايه لاتتوسخ بعد متأكدت ان ناصر ماله أثر كمان هوو ...بسرعه مشيت شفته ينتظرني ...ركبت وراء ..من غير ماتكلم
وهو على طول حرك
آه ضميت يدييني في بعض ابي أحس بدفى...
..العبايه تبللت ...
وليد وصلها لبيت اهلها رفع عيونه لمرايا وقال بسخريه: ان شاءالله ابوك يفهم عاد
ريتاج بببرود: ان شاءالله
وليد عصب من برودهاا سكتتتت ينتظرها تنزل اليوم تأخر حيل
رتياج
نزلت ودخلت البيت وهي تشوف امها جالسه ....تنتظرها
بكت بقوه وهي ترمي حالها في حضن امها : يمه تكفين مابي ارجع له تكفين اقنعي ابوي
ام عصام وهي تضمها لصدرها وبهدوء: اهدي اللحين ويصيرر خير ان شاءالله
وبستفسار : وش مسوي فيك
ريتاج : ولا شيء بس مابيه ولا يبيني ورفعت راسها وناظرت امها يمه ماينجبر قلب على قلب
ام عصام رجعت ضمتها لصدرها بحنان وحزن عليها : طيب بالله تتوقعي عمك راح يرضى بهالكلام
ريتاج بعدت عنها وبقهر: ليه يمه عمي يتحكم في حياتنا ليه قولي وش هالتعسف والظلم .ليه كذا ابوي ماعنده شخصيه قدامه
يطلع بس حيله علي .. وانتي مطاوعتهم في اللي يسووننه فيني
ام عصام بحده: بنت عيب تتكلمي كذا على عمك وأبوك كم مره حذرتس من هالاسلوب وانا ماطاوعتهن الا لمصلحتتس واي ام تفرح لما تشوف بنتها في بيت رجلها
ريتاج: يمه انتي ماتدري ايش يصيرر فيني وزواجي منه ماهو مصلحه لي والله عذاب
ام عصام وهي تتطمنها : ماعليه لازم بداية الزواج كذا
ريتاج وهي تهز راسها بقوه:لا لا يمه ماهو كذا انا وليد مستحيل نعيش مع بعض صدقيني
ام عصام بحده: قولي وش مسوي فيتس ضاربتس شيء
ريتاج هزت راسها بلا
ام عصام : اجل مدام مامد يده عليتس اكيد انها بتنحل لما تهدي
شوي
ريتاج
سبيت نفسي ..أكثر من مره ليه ماقلت انه أعطاني كف...بس اخاف تصيرر مشاكل ..وتتعقد سالفة ..عصام وشوق و أخذ اثمهن هم كمان ...طلعت لغرفتي ..وانا متحطمه عارفه ابوي لما يجي بكرا او بعده ...بيرجعني له وانا مغصوبه عارفه والله ...
وبذات لو عمي دق عليه بس ان شاءالله هالمره يخيب احساسي
:
:
:
:
:
في المستشفى
ساامي بضحكه عليها : بشويش عليها تراها لسى عروس
الممرضه وهي تخلع المغذي : بالبركه
غلا
ااه فيني قهر منه فاك الخشه ومبسوط اني عروس اااه ليت فيني قوه اخليك تشوف ايش .العروس .. تسوي فيك
سامي رفع يدها قال بحنان : عورتك
غلا سحبت يدهاا بحده وهي تناظر الممرضه اللي طلعت: مالك شغل فك عني
سامي وهو يحاول يقلد صوتها : افااا الحين مالي شغل وفك عني ومن اول تكفى سامي ودني ابي اموت
غلا فتحت عيونها بصدمه من طريقة حكيه : انا كذا احكي والله انتحر لو كذا صوتي
سامي بستهبال : اوك امشي أنتحري في البيت أفضل عشان تموتي امااا هنا يمكن يلحقونك بشي ..وترجع لك العقده وترجعي تعيدي المحاوله وتتعذبي وبضحكه يوم شافها تناظره بقهر شفتي كيف احبك مابيك تتعذبي
غلا
ااه مافيني اتكلم معه.. واجاريه على شخافته ياناس من جد سخيف
وممل واحسه كذا بس.. فاك الخشه مدري على وشهو.. فشلني من الممرضه كل وقته يقول لها أنه عريس صدق ماهو شايف خيرر
وقفت بسرعه يوم جاا يساعدني بدون نفس : اقدر امش ماهو محروله
سامي ناوي يرفع ضغطها زود: لا والله حلفت
غلا بعصبيه وهي فاتحه عيونها ع كبرها: وعلى وشهو حلفت من جدك انت
سامي بضحكه استفزاز : يالطيف الطف فينا وش قلنا حنا اللحين
غلا بتعب: صدقني مافنيي ع جنوك يكفي اللي فيني
سامي ابتسم : اوك امشي
غلا مشت قدامه سامي بسرعه لحقلها وهو يمسك يدهاا شافها معترضه وتبي تسحبها قال بهمس:تعبانه واجبي أساعدك
شافها تبي تكلم قال :اوششش ماارح افكها
وصلها السياره
وفتح لهااا الباب وساعدها تركب
ورجع ركب وحرك السياره بسرعه جنونيه
::
::
غلا مسنده نفسها بتعب ومقفله عيونها تحس بتعب بس ماهو مثل قبل المغذي فادها كثيرر بس فزت بخوف : هييي وش فيك كذا تسوق
سامي بوناسة وهو يلف بقوه : اخخخ لا تلوميني أحس لي دهرر
مامسكت طاره ...خليني أفلها شوي مدام ابوي أعطاني
وهو يغمز لها وامشيك شوي
غلا حسيت راسي يفتر والله ياربي مافيني عليه مكسره تكسير قلت بضعف: ترا حدي تعبانه تكفى رجعني البيت
سامي بأبتسامه : وحشتك غرفتي شفتي قلت لك لاتتمسخري عليها مصيرك تحبيها بس مافتكرتك بسرعه سحر وربي هالغرفه
غلا
حالفه يمين مارد عليه اجلس تكلم من حالك ..وكاد تسكت من سواليفك اللي مدري كيف قايله ...
سامي عرف ان رفع ضغطها أبتسم : خلاص ي قلبي اردك البيت
مروا من عند فندق ال***** فخم مره قال بحسره وهو يناظره ليت عندي فلوس ....كان أحلى ليله مع غلاي ..اخخخ الله يهدي ابوك عجل بالزواج وماخلاني اجمع لي كم ريال كان عيشتك ملكه شافها كمان مطنشه اخخخ قام زود العيار شوي اقول غلاي مافي فلوس منا مناك معك أعتبريها سلف ي شيخه خاطري أنزل فيه وبعدين انتي عروس ولازوم تتدفعي ترا يوم في العمر اخخ الحب طلعت بخيله . صدقني مايتعوض وده ترد
عليه عشان يعرف انها بخيرر
غلا حبك برص ان شاءالله ..ي ال***** وكمان تشحت موت حره مارح أرد عليك والفلوس حتي لو معي والله ماعطيك
ي عالم قد شفتوا مخلوق كذا انا اعرف تكاليف الفنداق دايم على االعريس من متى صارت العروس هي تدفع
بس هذا عنده بالمقلوب ليت فيني قوه قسم كان بالشبب ع وجهكك
ذا اللي فرحان فيه وبعدين وش ذي الاسطوانه ابوك زوجني وابوك استعجل علي مالت عليك من أصله حد يبيك
بس والله لا احقره الخايس
سامي : افاا مطنشه ياربي وش هالحظ معي امي بخيله وزوحتي بخيله
غلا
آه يتكلم عن امه تقول أخته في حد يقول عن أمه كذا بس تذكرت سب أمه عليه اخخ العايله كلها خربانه ويبي لها تصليح ذات
سامي
حزن عليها صدق اني ثقيل دم البنت تعبانه وانا مع وجهي
مزودها
وصلها البيت ونزل بسرعه وهو يفتح لها الباب ومد يده:
غلا طنشته
ودخلت وهي تمشي غصب عنها
ع طول اتجهت للغرفه تاففت يوم لحقها ..تمددت وهي لسى بالعبايه
سامي :الحمدلله على السلامة
وقومي خلني اساعدك تخلعي هالعبايه عشان تنامي لك شوي
صدقيني بتقومي مثل القرد اقصد غزال
غلا بغيض لازم تكلمه عشان تنفك منه : خلني مرتاحه
سامي بسخريه: مرتاحه ولا عندك أمل لسى ترجعي بيت أبوك
انتي وهالعبايه تقول ام هلال بس لابستها
غلا بغيض من حكيه اعطته ظهرها آه ام هلال حسبي الله عليك قالت بتنهيده: ليت اقدر
سامي : المهم وش حابه تأكلي
ونزل نفسها لها شوي وقال بهمس تدللي ي العروس
غلا قفلت عيوني بقهر اوف كرهني في هالكلمه قلت بصرخه : قسم بالله كرهت هالكلمه ي خي فك عني خلاص عاد افهم استهبالك ذا مايمشي علي وهاتي جوالي اللي أخذته
سامي ولع من صوتها العالي قال بعصبيه: صدق مافيك خيرر
وطلع شاف أبوه قدامه
قال في نفسه اخخخخ لسة ماتهنيت والله بسرعه طلع له كذبه: معليش يبه مقدر أعطيك المفتاح الحين رايح الصدليه اجيب دواء
البنت مره تعبانه ولو ماجبت لها يمكن تروح فيها
ابو سامي مد يده بدون صوت
سامي ياربي وش اسوي قال بكذبه أكبر : يبه ترضى نخلي البنت كذا حرام يبه والله صدقني راجح صح غبي بس والله بنته مراح
يسكت لو صار لها شيء عندنا
ابو سامي بطفش منه: طيب انقلع ساعه والمفتاح عندي
سامي ايه هين ساعه قسم لااابرد خاطري : ابشر ع هالخشم وطلعت وانا ارفع المفتاح وابوسه راح افلهااااا اليوم
وينك ي الدحمي ......
:
:
:
:
ترجل من السياره وهوو حده تعبان من أمس مداوم دخل البيت
..مآشاف أحد قدامه استغرب ..أمه دايم موجوده في الصاله
بسرعه رقى الدرج ...مر من عند غرفة أخته شاف باب غرفتها مفتوح..تنهد بحسره عليها...سمع صوتها تصيح ...دخل عليها وفعلاً كان منهارة مو بس تبكي ...قال بحنان: ليه ي روح أخوك
وهو يمشي ناحيتها وبسرعه هي أول ما شافته وقفت ورمت حالها في صدرة وتبكي بقهر وغيره وحب للي قهر قلبها قالت وهي تصيح: قهروني ي اسامه جاين بأنفسهن
أسامه قفل عيونه وهو يسمع حكيها حزن عليها من قلب .. وهو يطبطب على ظهرها ماعليه ي روح أخوك مصيري أخذ حقك منهن وأخليه يطلقك من فوق خشمه ..
لطيفه رفعت رأسها وناظرته بعيون كلها دموع:ايه تكفى خذلي حقي منهن وخليه يطلقني معاد أبيه
أسامه: ماعليه مصيري اربي هالوليد واخليه يعرف كيف ثاني مره يفكر قبل مايجرح حبيبة أخوها
لطيفه بحقد تدري بحبه لاسيل قال لها مره أنه ناوي يخطبها آه يومها فرحت لأنها أخت صديقتها ...وبتقوى العلاقة بينهن أكثر قالت وهي تناظر ملامح وجهه الحاده : اسيل معاد تبيها صح ؟
تنهد بضيق هذا اللي خايف منه البنت اللي اسرته وهي طفله ...تروح منه بعد هالسالفه .... يذكر يوم ملكة بدروليد
كلم ابوها ..وطلب موعد لأهله عشان يطلبوها له رسمي..يومها قال له اسيل لسى صغيره ...بس ابشر...وقت ماتخلص دراسه بنفسي اقولك جيب أهلك ..وان شاء الله خير ....
قال بضيق وهو عاقد حواجبه: خير ان شاءالله
لطيفة بتصميم ودها تنتقم من ريتاج لأنها مره قالت لها أن أسامة يبي أختها : لا أسامه اوعدني لأنك انت بتجيب لي حقي
واثقه بعد
أسامه ابتسم بهدوء : وين رائد يسمع هالحكي
لطيفه : رائد كلام على الفاضي... وخلاص راح أطلق من وليد وننسى هالعايله الحقيره الخاينه
أسامه بضيق :اوك وهو يغير السالفه إلا على طاري رائد رجع من البر ؟
لطيفه وهي تمسح دموعها : مدري عن أحد ماطلعت مني غرفتي
أسامه هز راسه بضيق من عمايل أخوه ....
.. ابتسم لها رايح أنام ..من أمس مكروف
لطيفه هزت رأسه بهدوء: نوم العوافي
اعطاها ظهره ...وهو حزين عليها وحزين على حبه ...اللي بيروح فعلاً. ..مع هالظروف....دخل غرفته فك ازرار بدلته العسكريه ...وهوو يردد خيره ان شاءالله ..
:
:
:
:
:
بيت ابو وليد
ام وليد حاسه من طلوع ريتاج ان بينهن شيء
بس ماتبي تسأل شوق وتأكد لها احساسها ..ياربي مايكون بينهن شي والله سلطان راح يحوسنا ..وهو مشاكله الله يهديك ي وليد كم مره حذرتك... لا تعلق مع ابوك بسم الله.. وش فيني اتفأل عليهن ان شاءالله مابهن الا الخير ناظرت لشوق اللي تناظر جوالها: يمه شوق كيف طلعتكم كان
لان حسيت وليد متنكد يوم جااا سلم علي قبل يطلع
شوق بصدق: يمه حنا رحنا للطيفه
ام وليد بصدمه: وشهوو
شوق : ايه يمه آسفه والله بس خفنا نقول ابوي يعترض
ام وليد : ماعليه يمه بس بشريني ايش صار ان شاءالله قدرت ريتا ج تغير رايها
شوق بحسره:مع الأسف يمه لطيفه راكبه راسهاااا
ام وليد :تصدقي اليوم وليد الظهر قبل طلوعكم كلمني يقول يبي يوديني عند أهل لطيفه وكاد اقدر اقناعها
شوق خافت تغلط على امها بس افضل شيء تسكت وماتقول شيء و يمكن بعد امها تقدر تغير رايها ...ووليد يرتاح بدل العصبيه اللي هو فيها صراحه مره مصدومه في أسلوبه متغير حيل ...قالت بهمس: حلووو
ان شاءالله بس تقتنع
ام وليد : ايه ان شاءالله وماقدرت تخبي أكثر تبي شيء يطمنها قالت بقلق : يمه طلوع ريتاج ماهو مريحني
خايفة لو وليد مسوي فيها شيء قسم بالله ابوك مايرحمه
شوق وهي تتطمن امها تخاف من ضغطها لا يترفع لأنه بس مشللل بعد موت بندر: لا يمه مستحيل يحصل بينهم شيء ريتاج عاقله و شكلها تبي ترتاح بيت أهلهاا مدام وليد مسافر
ام وليد بقلق : ان شاءالله وصدت ناحية الباب يوم دخل ناصرر
وهوو مهلوك نزل بنته اللي ملابسها مبلله : ااه ذبحتني بس لعب ماتبي تتتدخل البيت
ام وليد بعتب:حرام عليك من اول وانا أرسل سوكيا لها ..ابيها تدخل من هالبرد والمطر وبحده شوي شوف كيف ملابسه معدومه
ناصر : هذي جنيه مثل امها مايصير فيها شيء وقت ماتقوى
المطر دخلنا المقلط
ام وليد بحده: بسم الله على البنت من عينك
ناصر رفعها وهو يبوسهااا يموت في هالبنت : ماعليها شيء
صح ريماس قال بستهبال: مين حبيب بابا
ريماس بسرعه ضربته ع وجههه معصبه ليه دخلهااا لسى تبي تلعب
ناصرر بألم جت الضربه في عينه : والله ي الزفته
شوق بضحكه : امااا هذي فعلاً مثل امهاا
شريه بتتطلع
ناصرر نزل ريماس وقال بجديه شوي: سمعتوا بآخر خبرر
شوق : اعطنا الأخبار
ناصر بجديه : ابوي يبيني اتزوج اسيل
ام وليد غصت بالقهوه:وشهو
شوق ماهي أقل صدمه من امهاا قالت بقهر: ولا يكون انت موافق
ناصرر ببرود : مع حنة ابوي شكلي ابي اوافق
شوق بقهر : حرام اللي يصير في بنات عمي من ابوي
كلهن يتزوجن رجاجيل معهن حريم حرام كذا وفي النهايه
يروحوا فيها هم الضيعفات
ناصرر بقهر من كلام شوق: ليه تفتكري أرخمه مثل وليد
شوق بقهر وعصبيه منه تحسه موافق : ايه صدقني بتنظلم مدام حرمتك منيره النسره ولا نسيت مشاكلها
ناصرر بدون مبالاه : لا ماعليك اقدر فيهن
ام وليد بقهر: ناصر قول انك موافق وبس ماله داعي
تقول ان ابوك اللي غاصبك
ناصر بكذب : لا بس رديت ع شوق
ام وليد بزعل: اسمع من هالحكي أجل.. أخوك ماهو رخمه ي ناصر وزواجك من اسيل صدقني مراح ترتاح البنت دلوعه ماراح تتحمل زوجتك
وهذا نصيحتي لك
ناصر بحيره: يمه ابوي وش يقنعه طيب
شوق بصراخ : بلا كذب تقدر تقنعه ولا نسيت يوم وقفت في وجهههه يوم يبي يزوجك بريتاج
ناصر بضحكه: طيب انتي ليه معصبه
وش حارك في الموضوع
شوق بصدق : مقهوره على بنات عمي وش ذنبهن يتدبسن فيكم
ناصر بدأ يعصب: شوفي لو أبيها أخذها ..وغصب عنك ولا مفكر في حكيك ذا كله والحمدلله رجال واقدر افتح أكثر بيتين وش لك أنتي
شوق وقفت بعصبيه: بالطقااق الللي يطقك بس والله اسيل مارح توافق عليك ولاتنسى ذي دلوعة امها وخالتي مستحيل ترميها علي ذره
ناصر بسخريه :رمت قبلها ريتاج ع ذرة وش فرقت اسيل
شوق : لا ي قلبي ريتاج وضعها غير
ناصر :قصدك أرمله وفرصتها قليله ليه كذا نظرتكم للارمله والمطلقه حرام والله
شوق بقهر : هييي لا تقولني كلام ماقلته
طلال برفعة حاجب :تراماهو انا اللي قلت كلامك واضح
ام وليد بحده شوي: خلاص انت وهي
شوق طلعت فوق وهي معصبه حدهااا حرام اسيل والله
استغفرالله بس الله يهدي ابوي وش يبي جالس يلزقهم في أخواني
ام وليد بعد ماطلعت شوق قالت بجمود: وش لك بالثنيتن يمه
وبعدين منيره ماهي مقصره معك صح شوي لسانها متبري منها بس صدقني تحبك
ناصر بقهر: منيره يمه طفشتني بمشاكلها حتى أهلها ماسلموا من
لسانها وبحقد ودي اكسر خشمها هذا اللي رافعته
ام وليد بدون رضى على كلامه: وش ذي تكسر خشمها ي ناصر لاتنسى ترا انت اللي صممت تأخذها محدن غصبك عليها
ناصر بغيض : انخدعت في جمالها يوم شفتها صدفه جت زيارة مع امها عندكم بس ماتوقعت كذا أخلاقها من جد يمه يوم قالوا الخلاق اهم شيء وهي
زينة الروح ماهو الجمال اللي
والله معاد أشوفه شيء
ام وليد :يمه حرام عليك تحكي عن مرتك كذا مهما كان هي ام عيالك وصدقني منيره طيبه بس عسرا شوي وترا ذا يعود عليك انت اللي دلعتها والحين جاي تتندب حضك يأما قلت لك شد شوي بس كان تقولي يمه مابي ازعلها
ناصر وقف وهو يحمل بنته اللي غفت في يده : والله عشان ريماس وسلطان متحملها
ام وليد ناظرته بنص عين:قسم بالله مو مرتاحه لك
احس ناوي والسالفه ماهو خايف من ابوك قول ودك في هالزواجه وبس
ناصر ابتسم وطلع
فعلاً وده يتزوج الثانيه مايدري ليه يحس ان اسيل بتريحه
تذكر حبه لمنيره.. وكيف كان طاير فيها بس بعدين عرف يوم عاشرها انه الجمال ماهو الراحه يوم شاف كيف تحب تسوي
مشاكل ودايم تسمعه كلام يقهر بس ماعليه الزمن بينهم راح ينتقم منها ويقهرها مثل ماتقهره بس يكذب على نفسه لويقول
مايحبها وماصارت كذا إلا بثقتها بحبهه لها بس طيب
الدلع كله بيروح ولا ماكون ابو سلطان ...
ركب السياره
وحركها وهو متجههه لبيته وصل
وحمل بنته دخل البيت والدنيا مركبه قدامه مثل العاده
قال والله هذي ماتساهل وحده بس تجي على راسها إلا ثلاث وكاد ينفع ....شافها قدامه مسنتره ماسكتن جوالها اللي أربعه وعشرين ساعه في يدها رمى شماخه على الكنبه وجلس بعد ما مدد بنته
منيره ناظرته وهي رافعه حاجب: داخل على كفار
ناصر بحده : فكيني من شرك ي مره
منيره : ليه طيب ماتسلم تراه واجب ولا تسوي زعلان
ترا انت اللي مدري وش فيك متغير وحالتك حاله
ناصر بعصبيه وهويرميها بالخداديه: أنكتمي مابي أسمع صوتك
منيره رفعت يدها وهي تصد الخددايه وناظرته بصدمه : هيييي خير جاي بشرك وش فيك الحين.. وبعدين من متى هالاسلوب الزفت
ناصر وقف وبصرخه:تصدقي كاره كل شيء منك وكاره البيت بكبره من هالقرف اللي اشوفه وهو يناظر حوله
منيره وقفت وقابلته بغرور : اقول سيد ناصرر جيب شغاله لاني مو متعوده على الشغل كان بابا مريحيني
وبعدين لاتنسى حامل وتعبانه
ناصر بقهر:قلت بلاش منه ها الحمل لازم تتبدسيني زياده
منيره فتحت عيونه بصدمه لا من جد متغير عليها : هييي هذا من عند ربك ماهو بكييفي
وبعدين وش هي تتبديسته
ناصرر سحب شماغه من على الكنبه وحطه فوق كتفه بعصبيه : احسن شيء اطلع
منيره بدون مبالاه :طلعة جدي اللي مارجع
:
:
:
بعد يومين
بيت ابو سامي
غلا
مسحت دموعي بقهر ماهي عاجبني ذي الحياة ...قلت بقهر يوم شفته رمى حاله بجنبي يبي ينام : اعطني جوالي ابي اشوف وين ابوي مختفي
سامي وهو مقفل عيونه: اوش روقينا ي شيخه أنام شوي واعطيك الجوال تكلميه
غلا بعصبيه : ليتك تموت وانفك منك بس عشان صدق أرجع لابوي ماهو بس أكلمه
سامي بسرعه سحبها من يدها وهي طاحت على صدره بهمس: صدقيني بتحزني علي
غلا بصدمه من سحبتها لها عصبت من قربها منه بذي الطريقه : ي كبر احلامك
سامي وهو يناظر الغمازه : اقول طالعه لمين والله ان راجحوه ابو سعبوله شين
غلا بقهر وهي تحاول تفك يده عنه وترفع نفسها : والله ماشين غير وجهك واستح تقول عن ابوي كذا وبعدين وش ذي ابو سعبوله
سامي بأبتسامه تقهر : يالله قولي اني أكذب ان أهل الحاره ماينادونه ابو سعبوله آه صح نسيت انه ترقى وصار عنده اسم ثاني "السكيرر "
غلا بصرخه قهر من كلامه: لا تقول السكيرر
سامي دفها يوم صرخت في وجههه : وجع ان شاءالله أنتي وهالصوت ياربي صوتك مو على حجمك
وبعدين انا ماغلطت ابوك فعلاً سكيررالحاره وهذا اسمه الجديده بس بيني وبينك احسن من ابو سعبوله
غلا بعصبيه:وانت سارق الحاره تذكرر يوم مسكتك الشرطه بسبب سرقة والله ان سمعتك صارت تراب ي السارق
سامي وجهه تغيرر يوم ذكرته بالسالفه اللي انظلم فيها مد يده ومسك فكهاا بقوه : عيديها وشوفي وش يحصل لك
غلا مسكت يده وهي تحاول تبعدها عن فكها مافيها حيل على تتحمل بذات لما شد عليها صرخت بوجع :آه
سامي شد عليها ازود
غلا صرخت بألم أكبر : آه
سامي دفها على وراء بقوه ظهرها ضرب في الجداراللي لازق في السرير وبعصبيه:انكتمي
السالفه ذي ماتنعاد اوك وبعدين لاتحكي عن شيء أنتي مو فاهمته وقام بسرعه
واعطاها ظهره ودخل الحمام اخذ شور سريع ولبس وطلع
شافها قدامه جالسه تبكي تستاهل ذي محد يتساهل معاها
طنشها وطلع من الغرفه
وهوو..متضايق ..و.دق على صاحبه قال وهو فيه عصبيه ودها يطلعها. ..: اقول كيف اليوم ترا فيني حره ودي اطلعها في الهجوله
عبد الرحمن : ماكفاك قبل أمس حرقت الموتر حق ابوك
سامي بضيق : بتدبر سياره ولا اشلون
عبد الرحمن : صدقني ابوي ماارح يعطيني سيارته وأخوي تعرفه اقشررر
سامي بقهر: يلعن ام المذله ليت المجنونه صالحه كان ماطلبت
منك ي الخايس
عبد الرحمن بضحكه : صدقني ماراح تصلح الكاميري ذي معك من زمان جدي وجدك شفت آخر واحد ايش قالك كل شيء فيها معدوم ي آخي حرقتها
سامي بسخريه: لا ي رجال والله انها تتطيح احسن لقزز وبغيض روح زين انت وش يفهمك في السيارات يالجبان
اخخخ كل ماذكر صياحك قبل امس اموت ضحك
عبد الرحمن بقهر: طيب ي ****عشر دقائق وانا عندك
سامي بضحكه عرف انه استفزه : لاتنسى نبي قوم ابي تعزيز يحبه قلبي
عبدالرحمن : اوك اللحين ادق على الشله واكيد تعرف هيصتهن
سامي بجمود: تكفى رائد لا اشوفه اقسم بالله احوس خشتك وخشته جميع
عبدالرحمن بجمود: لسى مانسيت
سامي بحقد : ولا راح أنسى مصيري أخذ حقي منه ال******
عبد الرحمن بضحكه: خلاص نجيب فهد
سامي بسخريه : قصدك الجبان لا هذا جيبه ابي ارفع ضغطه واسطره كم كف يحبه قلبي
عبدالرحمن ضحك بصوت عالي: ههههههههههههه
قفل من عنده وهو فيه قهر لسى ماطلعه .... الزفته نرفزتني
ناظر دريشة غرفتة بضيق ...وده يدخل ويسطرها وكاد قلبه يبرد شوي .................
:
:
:
كتتتتتتتتتتتتتتتتتتتت
نوني
القفله ماهي قويه هالمره بس عشان اثبت لكم قلبي قد ايش طيب هههههههه
لا ابيح ولا اسامح من ينقل روايتي بدون ذكر اسمي وماراح اسامح اللي ينقلها على الانستقرام حتى بذكر آسمي
استودعتكم الله الذي لا تضيع ودائعه
سبحان الله وبحمده سبحان الله العظيم
21-11-15, 01:30 AM
رد: أعشق أنانيتك عندما تتمناني لك وحدك
جديد مواضيع قسم القصص المهجورة والغير مكتملة
العرض العادي
