اليوم الثاني الظهر
،
،

في غرفة ريتاج
رفعت السجاده بعد ، ماصليت جلست اسبح ..و.أستغفر..
وقفت عند المرايا ... ناظرت شكلي ...يالله شعري طول ...واصل تحت كتوفي.. ...رفعته كله لفوق بطريقه مرتبة ..وحطيت مرطب ...وبخيت عطر..وحطيت الجلال على كتوفي... ....وطلعت من الغرفه أساعد خالتي ....في الغداء
نزلت ..شفت.. وليد جالس ..في الصالة رديت السلام ...بس مارد
اعطيته ظهري واتجهت للمطبخ مستغربه وش مجلسه هنا وغريبه بعد وين لطيفه.. عنه ماشفتها.. من وقت ما جيت .. من السفر بس توقعت يروح لها يوم ..يصحى بس وقفت يوم سمتعه ييقول
: لسى ماحنيي علي وش ذي القساوة
لفيت لها وقلت وانا اتنهد : انت اللي زعلان مسوي فيها بس
سكتت وانا مصدومه يوم رفع ...يده انه مايكلمني ... شفت السامعه في أذووونه ..وهو مبتسم بوقاحه ....حسيت.. بفشله يالله،،،.ا شلون مانتبهت ..
للسامعه ...نزلت نظري للجوال شفته منزله ...
لفيت بسرعه وانا ودي اذبحه ... على فشلتي ذي
دخلت المطبخ ...وقلت وانا أحاول ابتسم: كيفك يمه
ام وليد: هلا والله بخير يمه جيتي في وقتك شوي والغداء يجهز
ريتاج : فديتك والله تقربت منها وانا اناظر ميري هاتي السلطة
انا اسويها أنتِ روحي جهزي السفرة ...
ام وليد بهدوء : اليوم عمك معزوم
ريتآج اتسغربت : وين
ام وليد : مدري يمه دق علي وقالي
ريتاج هزيت رأسي ورجعت اقطع السلطه ...وانا مقهورة ..اشلون. .. ذليت حالي كذا وبعد حركة يده وهو يصرفني... قهرتني حيل مع ابتسامته ....طيب وليد شكلك. شفت حالك حيل يوم.. شفت اني ادور رضاك ...ورجع لك غرورك اللي معروف فيه .... بس من الحين أوريك ....كملت تقطيع ..وغسلت يدي وبعدها بديت أحضر مع ميري في صاله الأكل
ام وليد :روحي يمه قولي لرجلك يالله
ريتآج هزيت رأسي ورحت له وانا مجبره.. مافيني أقول لا لها ..
قلت ببرود ظاهري : حياك الغداء جاهز
وليد وقف وتقرب منها وقال بوقاحه:شغل اللقافه خليه اوك ويوم تشوفيني أكلم لطيفه لا تحشري حالك ..مابي أدخل بمشاكل معاها عشانك أكثر من اللي انت مسبتتها لنا ..
ريتاج فتحت عنيي بصدمه من حكيه ..قلت بقهر : محترمه
المكان إلا كان بيكون ردي غير ي وليد. .وقد قلت لك قبل مليون مره مالي فيكم وقول لها تتطمن أنت لها وحدها
وليد بقهر من كلامها : لوتعرفي الاحترام كان فكرتي.. كيف تحترمي زوجك قبل
ريتاج اعطيته ظهري وببرود: مايستاهله .
وليد تقدمها بسرعه ومسك كتفها بقوه : صادقه ماستاهله... يوم
خليت وحده ..مثلك تمشي كلمتها... علي لكن قلتها لك ي رتياج راح اطلعها من عيونك هالقوه المصطنعه.. وفكها يوم شاف ميري طلعت من المطبخ ...
ريتاج

حسيت بقهر ..من حكيه ...ليت مانزلت ..كان منثبرة في غرفتي ابرك لي ....ناظرته وهو يمشي متجهه لطاوله الأكل ..عضيت شفتي يوم خالتي صيحت علي .. رحت .. ناحيتهن وانا نفسي منسده ...جسلت قريب من خالتي ومقابله لوليد ...سحبت المغرفه من يد ها : هاتي عنك وبديت أغرف لوليد
وليد بجمود:خلاص يكفي
ريتاج غرفت لخالتي بعد ...وغرفت لي شوي وجلست أكل مجامله لخالتي الي جالسه تسولف ...احسها تأحذ راحتها بالحكي ...لما يكون عمي ماهو موجود ...بس انصدمت من حكي وليد ...
وليد :ايه جالسه هالفتره عند امها تساعدها عشان زواج اسامه وتحضيراته
ام وليد : ماشاءالله اسامه بيعرس ..غريبه ماعزمتنا امها
وليد : لسى ماحددوو متى بس أكيد بتسوي لكم عزيمه
ريتاج

اسامه بيتزوج ...طيب وين االي قايله لي لطيفه انه يبي أختها. ..
هزيت راسي اشلون انصدم ... وانا عارفه انه مستحيل مدام العايله معاد مثل أول ...ناظرت وليد يالله بزواجنا ماهو بس نكدنا على بعض حتى على اللي حولنا .....
ام وليد وقفت:بالعافيه على قلبكم برتاح شوي قايمه من الفجر
ريتاج وليد :الله يعافيك
ريتاج
ناظرتها لما طلعت وقفت ابي اطلع احس بخنقه ...وجلستي كلها عشانها...حسيت بيده تمسكني يوم مريت من عنده لفيت ناظرته. ..ببرود: فيه شيء باقي ما سمعتني فيه وتوك تذكرر
وليد وقف وهز رأسه ببرود :لا بس لمي السفره وسوي كوب شاي وهاتيه في الصاله
ريتاج فتحت عيني بصدمه من حكيه بس كبرت عقلي وقلت: ان شاءالله روح ودقايق وتشوفه قدامك ...
وتقربت من السفرة وحملت بعض الصحون ودخلت المطبخ :ميري روحي لمي الباقي غسلت يدي ورحت اسوي شاي ...وبعد ماكلمت تحضيرة
طلعت له ..شفته جالسه مكانه ...حطيته ..واعطته ظهري..
وليد بجمود:اجلسي يمكن أحتاج شيء
ريتاج لفيت له وقلت بقهر: أنت اليوم مشغلني عندك وانا مدري
وليد :هذا رد بالله وعقد حواجبه وبعدين وش فيها لو خدمتي رجلك ....
ريتاج جلست على الكنبه بقهر:مافيها شيء
وليد :خلاص روحي

رتياج : نعلب حنا
وليد وقف واعطاها ظهره وطلع. ...
ريتاج
حست بعصبيه ...وهي تناظر ابربق الشاي والكاس ...الي مالمسه حتى ....صدق انه ماينعطي وجههه ..وقفت بقهر ...وطلعت غرفتي ...وانا اردد عساك ماترضى ان شاءالله ....افف يقهر
ي ناس ....
،
،
،
،
ناصر
وقف عند ...بيت أهل زوجته ونزل ...شاف خالد في إستقباله مثل ماتفق معه ..سلم عليه ودخل المجلس
خالد : حي الله ابو سلطان
ناصر : الله يحيك ويبقيك ان شاءالله
خالد قال بجمود: أمي قالت لي .. ايش بينك وبين زوجتك
..وبعد جلست مع منيرة ..ومع الأسف معنده ..ولا تبي ترجع لك أبد
ناصر فتح بصدمه توقع حكي خالد مايكون كذآ هذا اللي كان عنده أمل فيه لان كل البيت يهابه قاطعة : وشلون هالحكي يوابو منصور والله أملي كان فيك
خالد : اصبر ي رجآل وان شاء الله خير ... بعد ماتجلس معاها الحين وان شاء الله تتفاهمن
ناصر فرح بحكيه ..قال وهو مبسوط : تسلم والله

طلع ودخل الصاله ..وقال بجمود: وينها ماهو قايل تنزل تجلس مع زوجها وتتفاهم معه ولا السالفه عناد
ام خالد : يمه ماهو كذا من وقت ما عصبت عليها أخذت عيالها وطلعت غرفتها ...
خالد:يعني وشهوو قايل لها الرجآل راح يجي ويبي يتفاهم معها وبعدها انا أشوف موضوعهم إذا ماحلوه مع بعض ...
وبسرعه طلع لغرفتها ودق الباب ودخل وقال بزعل: هذا الي موصي به ي منيره
منيره بحده: مابي اطلع له
سلطان قال وهو شوي ويبكي : ماما ابي أشوف ابوي وجلس يبكي خال ابي اروح عنده
خالد بحده:الحين عاجبك كذا حال عيالك وبعدين ليه حابستهن
عندك خليهن يطلعوا لابوهن
منيرة بقهر:ايه عشان تقول له خذهن وتلوي يدي فيهن اعرفك ي خالد ..طول عمرك قاسي علينا ..
خالد قال بعتب: يعني لهالدرجه ي منيره تفكيرك فيني ولو هو غلطان يعني مايتحاسب ارجعك له كذآ لا والله لو..غلطان بأخذ حقك منه ...وانا اخوك بس أول ودي تنحل بينكم قبل مادخل ..ويالله ..تفاهمي مع رجلك ولو سمحتي بدون اعتراض لاني معطي الرجال كلمه وصدقيني لوالحق لك بتأخذيه وانا أخوك
منيره بعناد : مابي اطلع له وقول له مابيه خلاص يفهم عاد خليه يروح يتزوج وينبسط بعد
خالد بصرخه: يعني اشلون ....

ام خالد قالت بتعب من صعود الدرج وبخوف على منيره منه :
خلا ص انزل وهي تنزل بعدك اوعدك يمه
خالد اعطاها ظهره وطلع
منيره : يمه ماراح انزل لو يذبحني اليوم..
ام خالد وهي تصك على فمها بقوه:بتنزلي وغصب عنك وصدقيني هالمره لو خالد رجع والله لا يذبحك وبرجى يمه عشاني مافيني اشوفه يمد يده عليك ...
منيرة بعصبيه: يالله وش ذا الحال .وناظرت سلطان اللي جالس
يبكي وبصرخه انكتم ..أنت بعد .
وقفت وقالت بقهر:امش اشبع بأبوك االي سندرت راسي فيه ...

ونزلت ..بدون ماتعدل شكلها ولا فكرت بعد . وفي نظرها مايستاهل ..انها تتعدل عشانه ..اتجهت للمجلس ...دخلت شافته جالس في وسط المجلس جلست في أول. ..كنبه قريب من
الباب ...وبدون حتى ترد السلام
ناصر
يوم شافها انصدم ..شكلها متغير حيل ..ماهي منيره أبد ..وقف وهو يفتح يده لسلطان اللي جاه يركض ...وهو فرحان
وقال بفرحه: هلا بروح ابوه ... ورفعه وقال وهو يسلم عليه وين ريماس
سلطان : نايمه ماما عصبت عليها
ناصر ناظرها بعتب:وانا اقول الحمدلله صايرة تحني عليهن
منيره ناظرت سلطان وهي تتحلف فيه وقالت بقهر:عادي غلطت وهاوشتها فيها شيء ذي بعد ولا خلاص في نظرك مجرمه ولا في ذرة حنان في قلبي

ناصر طنش حكيها ..وقال وهو يغير السالفه ..بعد ماقرب منها
وجلس وجلس سلطان في حضنه وقال بعتب: حتى سلام مافي وبعد جالسة عند الباب وش افهم من هالحركه
منيرة وهي صاده : ي ابو عيالي لا تفهم ولا شيء هي كلمتين ابيك تطلقني وبعد عيالي ماتأخذهن مني
ناصر قال بعصبيه: اشلون أكيد مافيك عقل وأنت تقولي هالحكي
منيرة ناظرته وبسخريه : خليت العقل لك ي ابو الثنتين
ناصر بضيق : منيرة خلاص هالموضوع انتهى وبعدين ماتم عشان تقولي كذا
منيره : ي حرام صراحه بابكي
ناصر قال بحده:شوفي منيرة ماوصلنا لهنا إلا غرورك وشوفة حالك انا الحين جاي ابيك ترجعي بيتك ..ومستعد لاي طلب تتطلبيه بس تكفين.. شغل التمسخر في الحكي ذا ماحبه تدري
فيني
منيره ناظرته وقالت بقهر : ارجع معك بيتك واطلب اللي ابي لا ناصر مستحيل العيشه مع بعض تدري ليه لاني مابيك تجلس متحملني
وبقهر ولا ناسي كلامك يوم تقول صابر وساكت ليتك قلت بتزوج بدون كلامك اللي سمعتني فيه
ناصر :هذا في لحظة غضب ...قلته خلاص انتهى هالموضوع
لا تجلسي تعيدي وتزيدي فيه عشان ماتوجعي حالك
.منيره: لا ناصر ماهو في لحظة غضب وقتها واذكرك لو كنت ناسي .. كنت مسويه لك حفلة بسيطه ..عشان اراضيك فيها بس كان المكافأة لي انك قلت بتزوج عليك شفت مكافأة مثل كذا ومسحت دموعها بقهر .. الي نزلت غصب عنها
ناصر ناظر سلطان وقال بجمود: ياليت تهدي شوي عشان
سلطان بس
منيرة بقهر: خلاص ناصر ارجع وين ماكنت واللي طلبته منك ليت يتنفذ ...وقفت ماتبي تبكي قدامه ....
ناصر نزل سلطان ومسك يدها ورجع جلسها غصب: ماهو كذا ي منيره التفاهم
منيره فكت حالها منه .... واعطته ظهرها بس وقفها كلام سلطان
سلطاه بكى يوم شاف امه بتطلع: لا بابا مابي اجلس هنا ابي اروح البيت معاك هنا خال حسون يضربني وبعد يصرخ فيني .كل مرة وماما ماتهوشه ..
ناصر بعصبيه : وشهوو يضربك وبقهر شفتي كيف بعنادك وعقلك الصغير بهذلتي عيالنا
منيرة بقهر: مافيها شيء غلط وأخذ جزاه وبعدين خاله عادي يعتبر والد
ناصر قرب منه وحمله وسلم عليه :خلاص بابا لا تزعل وبعدين أكيد غلطان عشان كذا ضربك ويالله .. روح العب شوي
في الحوش وانا جاي وأخذك ..معي بعد
سلطان نط بفرحه:طيب هاتي المفتاح والجوال عشان ماتروح وتخليني
ناصر ضحك: تبي ضمان بعد يالله وهذا الجوال والمفتاح وناظره يوم طلع ..
قرب منها .ومسكها من عند كتوفها:ممكن نتكلم مثل الناس الفاهمه
منيره بجمود :ماعندي شيء اتكلم فيه هذي طلباتي وليت تنفذها
ناصر :اطلقك واتنازل عن عيالي لك ليه طيب وانا مالي فيهمن
..ولا فكرتي وش حالي من بعدهن ..وش ذي الأنانية اللي فيك ....
منيرة :عادي يمديك تجيب عيال من بنت عمك
ناصر شد على كتوفها: كم مره أقولك ..خلاص كنسلت الخطبه
افهمي عاد ولا تجلسي ماسكتها على ذله
منيره بضيق :خلاص ناصر روح مافيني عاد
ناصر بعتب: مافيك تتحملي وجودي
منيره: ايه
ناصر هز راسه : اوك انا طالع بس ابي أقولك شيء والله لو اخوك مد يده على واحد من عيالي راح أخذهن وغصب عنك فاهمه. وكلمتك ان الخال والد ماقلت شيء والد على عيني ورأسي بس . اناالحمدلله لسى عايش وانا إلا لي الحق بس
اربيهن ... وكلمة اتنازل عن عيالي هذي طلعيها من بالك أبد حابه ترجعي البيت موجود.. وحياك بعد وعلى الرأس... بس عيالي لا مافي قوه تحرمني منهن فاهمه ... ويالله نزلي لي ريماس ابي أخذهن ..اليوم كله وبعد يبيتن ... عندي
منيره باعتراض :خذهن بس نوم لا
ناصر بحده : مثل مالك بعد لي ...لا تنسي وطلع وهو معصب
هذي هي منيره ومستحيل تتغير .أبد ......شوفة حالها ذي بتضيعنا وتضيع حياة عيالنا .... ...

بعد أسبوعين


ام اسامه قالت بجمود : خلاص ي ام سمير كل شيء جاهز وحتى العرس تحددد ان شاءالله يوم الخميس
ام سمير بقهر : خير ان شاءالله والله يجزاك خير مثل مافرحتي هاليتميه
ام اسامه بدقه لها: وليه ماكسبتي أنتِ بعد أجر وسويتي لها عرس مثل الخلق ماهو ولدي ... جا طق بابكم مدري أخوها عرضها عليه واعطيتوه كذآ حتى العالم ماتدري .. ...صراحه العتب عليك والله
ام سمير حست بقهر من حكيها بس ماهو في صالحها لو ردت يمكن تعصب عليها وماتقدر تحضر : الظروف تحكم وحنا سوينا ...لها عرس على قدنا ..
ام اسامه ببرود: خلاص مثل ماقلت لك تعالي وشرفي بنت رجلك
ويالله نتلاقى على خير وقفلت ...تحس بحقد على زوجة الأب حتى لو طيبه ...بس هي عندها عقده منها ....تنهدت بضيق الله يسامحك ي اسامه قلبت على المواجع ....
تذكرت ...كيف أهلها جلسوا يستفسروا كيف واشلون مسوين ملكه محد درى عنها ....ومتى صارت وليه ماعزمتونا.. تنهدت بضيق ...آه حتى هي ماحضرت ..وبعد اشلون لو دروا انها عنده لها شهرين يارب الصبر ...بس..
رفعت الجوال مره ثانيه ودقت رقم زوجها وزفرت براحه يوم رد دايم مايرد بسرعه إلا لما يرفع لها الضغط ..: السلام عليكم ورحمة الله وبركاته
ابو اسامه : هلا وعليكم السلام كيفكم
ام اسامه بضيق : بخيرالحمدلله ..وباقي أيام من الزواج وأنت لسى جالس في هالبر متى ناوي تجي ولا بعد ماودك تحضر وتفرح له
ابو اسامه بزعل: ولدك ماعطانا فرصه نفرح به

ام اسامه بضيق : خلاص ماينفع هالحكي والبنت انا شفتها بنفسي شكلها مسكينه ولسى صغيرة ..ماهي فاهمه ...شيء والعتب ماهو عليها على أهلها
ابو اسامه : بس ولدك ماهو صغير وفاهم وعاقل وشلون يسوي كذا
ام اسامه : خلاص تكفى ي منصور لا تزودها علي ..واسامه صدقني ندمان كثير وأكيد كلمك وقالك

ابو اسامه :ان شاءالله قبل العرس بيومين جيت لاني هالفتره مشغول معي النايفه مستعسره ...في ولادتها
ام اسامه بزعل : دايم حلالك.. أغلى من أهل بيتك
ابو اسامه بحده: حرام عليك هذي دابه وش يفهمها لازوم حد يمها
وبعدين اقولك متعسره ولا تنسي دافع فيها حول المية ....
ام اسامه بضق : رعيانك كثير ليه ماينتبهن لها وبعد.. شهاب ولد أخوك اللي مشارككك وينه عنك مايساعدك و...لا كذا شاركه بس بالإسم
ابو اسامه بحده : وش يعرفك أنتِ خبل عشان اخليها لرعيان وشهاب ماهو فيه ..جالس عند امي ..في الديرة ..ويالله ان شاءالله
قبل الزواج بيومين تشوفيني قدامك
وقولي لرائد يجب لي الاغراض الي طالبها منه

ام اسامه بضيق من هالحال :ان شاءالله يالله في حفظ الله وبعد لا تنسى قول لشهاب يجيب خالتي
ابو اسامه : امي ماهي حق مشاوير ولا أعراس وأنت عارفه بحالتها
ام اسامه :ماعليك بدق عليها وان شاءالله تقدر هذا حفيدها وصدقني ب تتعنى وتجي
ابو اسامه : على كيفك سوي الي تبي ويالله خليني اشوف شغلي
ام اسامه : في حفظ الرحمن ....وقفلت وهي متضايقه حيل ..تعبت وهي كل شيء قايمه فيه ...
في غرفة لطيفه
قالت بضيق: خلاص حبيبي قلت لك والله صعب اخلي أمي كذا
وصدقني ماهو زعلانه وعشان أثبت لك تعال أسهر اليوم عندي
وليد : حلوة ذي أسهم في بيت أهلك
لطيفه: وليد والله مقدر آمي معصبه وحالتها حاله وبعد ودي أكمل اغراض ريوف ..البنت ماتدري وين الله قاطها
وليد : ريوف
لطيفه :ايه زوجة اسامه والله احسها ماهي طبيعيه أبد
وليد بضيق: طيب وش ذنبي انا في ذا كله
لطيفه: اصبر حتى يوم الخميس وينتهي كل شيء
وليد :اوك يصير خير بكره أمر عليك قبل ماسافر
لطيفه : اوك
وقفلت من عنده ..وهي تفكر كيف جالسه بيت أهلها ومخليه
ريتاج على راحتها معه آه تنهدت بضيق وهي ماودها ترجع
البيت ..،تكرههه حيل وبذات لما تحس ان ريتاج معاها في نفس البيت ماهي متحملة ضرة أبد ...بعض مرات تلوم حالها ليه تممتت الزواج ...جالسه تتعذر بجلستها عند امها عشان الزواج وهي بس حابه تجلس لحالها شوي ..وتفكر تنسحب من حياته بهدوء ولا ترجع وتتحمل وجودها .. ..وقفت بضيق. ..وهي ناويه تروح عند ريوف شوي ..هالبنت تقطع قلبها .....دقت على رائد بس مارد .... رمت الجوال ...ونزلت تشوف أمها ..
،
،
،
،
،
،
،


في ابو سامي
حسيت براسي مصدع ودي في قهوة تعدل مزاجي ..افف اتقهوى لحالي ..ناظرته بقهر ...من وقت ماجاا وهو نايم ....يالله صاير نفسيه مدري وش فيه ...معقول كل ذا حقد علي ليه تكلمت عند ابوه عنه...ماهو دايم ماقصر فيه ...ايش معنى قدام ابوه عصب وجن علي ...وقفت وغيرت بجامتي.. بقميص... ساتر اخاف اصادف الهم ابوه ..وطلعت وانا اقفل الباب ...بقوه وعناد فيه ابيه يقوم .. ..واتجهت للصاله ودخلت المطبخ وسويت .. قهوة . وجلست ادور تمر ..ودي فيه ..يالله ي خدوج وين مخبيته ...امس
شفتها تأكل منه ..وطلعت نفسي فيه ..بس خفت أكل معاها تهب
فيني ..ضحكت ماهو لهالدرجه ..بس والله من جد صاير عندي عقده من بخلها ...فرحت يوم شفته حطيت منه شوي ..وطلعت ..للحوش العصريه ماتعوض فيه ....
جلست وصبيت فنجان قهوة ..وأخذت حبة تمر...أكلتها ..ناظرت الباب يوم فتح ...شفت ام سامي ...تنهدت براحه افتكرت ابو سامي...وبعد في وقتها جت ودي اسولف طقت نفسي ...قلت بترحيب: هلا هلا خالتي هابشري... عسى هالمره نفعت نصايح
سامي
ام سامي جلست بتعب: وين نفعت إلا قالوا هاللي قايله اسمه مايثقون فيه مايعجبهن إلا العطور اللي اشريها من ابو مصلح
علا : ضحكت بقوه مايبون قزاز ويبون عطور ابو مصلح يمه عليهن عقل مدري كيف قايل اقولها لك .. هذولا يتحججن مايبون يأخذون منك خليهن .... وماعليك فيهن هاتي انا أخذ منك بس على حساب ولدك يستلم الراتب يعطيك ..لاتجي تتطالبي بأي مبلغ مني
ام سامي :ليه شايفتني مخبوله ابيع منتس ولدي خليه يعطيني اللي عليه أول
غلا صغرت عيونها :هذا جزاي يعني ابي انفق بضاعتك
ام سامي : صبي قهوة بس وماعليك في بضاعتي وتلفتت وينه الهايت ماشوفه
غلا : ههههههههههه تصدقين ي خدوج احسن ماحبه فيك انك ماتنكري حقيقة عيالك
ام سامي: اقول خلي عيالي و جيبي مثلهن بس
غلا عضت شفتها: آه بلاي إني بجيب مثلهن

ام سامي :يحلصتس ي العوبه .. وش زينهن والله
غلا غصيت بالتمر : وش زينهن يمه اي زين تحكي عنه في بدريه ولا سامي
ام سامي : كلهن بسم الله عليهن من عينتس ذي ...وينه بس ابيه أعطيه خبر يوديني المستشفى بكرة ماهو يروح الدوام ويغط مايرجع إلا العصر
غلا: نايم وسلامتك وش فيك
ام سامي :مابه بس أشوف سكري
غلا سحبت صينة التمروانا اضحك : كا ن ودي أعطيك ..منه بس مدام فيك سكر مافي ...
ام سامي بحده: اقول هاتي بس وماعليتس ي بنت ابوك
صحتي وانا خابرة فيها ..وبعدين وشهوله تروحي لتمري هاا هذا
غالي ..


غلا اخخ ماهو قلت لكم ..صدق لو خبيته كان أحسن ..الحين وش يسكتها أعطتها .. الصحن وقلت :افااا وهذا وانا خايفتن عليك وبعد لوصار لك شيء مين يقصف جبهة سامي وبدريه
ام سامي: ناظرتها وهي عارفه انها تكذب عليها ...

غلا
ودي اضحك على نظراتها ي ناس والله اتريها فله لفيت عيوني جهة غرفتي ...هلا هلا ..ولد امه صحي ..وبعد شكله منفس بعد ..قلت بترحيب: هلا صحيت بوقتك .. تعال تقهوى وبغيض لخدوج وكل تمر تراه طعمه زين وغالي بعد اخخخ حسيت بكسحه ...يوم طنشني اخخ ي ولد امك مسوي فيها.....
سامي طنشها وتمددد على الفرشه وحط رأسه على رجول امه
ام سامي بخوف حطت يدها على رأسه : وش فيك تعبان
سامي بتعب: ايه رأسي يعورني وبعد عندي وأحد في دوامي منكد علي ويبي علي إشارة ..وانا ماسك حالي غصب والله ودي افرك خشته الارض
غلا قلت بقهر يوم سمعت حكيه : ي سلام السالفه فيها فرك خشش أجل كدينا خير والله البدايه كذآ تهاوشه ..وبعدها آكيد تتنفش والله اني قلت ماهو وجههه نعمه ...
سامي ناظرها بحده : مالك دخل فاهمه واسكتي قبل ماقوم افرك خشتك هنا بداله

غلا بقهر: ايه اشوف بالله قوم
سامي بصرخه:غلا لا تسفزيني

.ام سامي بصرخه : خلاص لا تبدن انت وهي ..وبعد انت ماعليك منه يمه خليك في شغلك ..وبس ولا تنسى يمه انك تعبت عشان حصلتها ورفعت نظرها لغلا صبي لها وشهو تنتظري يقول لتس راسه يوجعه ولا بس تعرفي تمدي لسانتس عليه ...

غلا مديت يدي وسحبت فنجان وصبيت له:تفضل ما مد يده نزلته في الأرض..وقفت اقوم بكرامتي أفضل الرجال أبد ماهو طايقني ...ولا معبرني ..والله ماهميتني أبد .. ناظرت صوب باب الشارع يوم فتح

تتاففت .. من ابو سامي الحمدلله وانا قمت قبل مايجلس معنا ..
.. بس انصدمت وقفت مكاني من اللي ساحبها وراه
وهو يرحب:هلا هلا .. تو نور البيت
،
،
،
،
،
،
،
كتتتتتتتتتتتتت

لا ابيح ولا اسامح من ينقل روايتي او يقتبس بدون ذكر اسمي
ولا ابيح من ينقلها للانستقرام حتى بذكر آسمي
،

،
استودعتكم الله الذي لا تضيع ودائعه
"سبحان الله وبحمده سبحان الله العظيم "
"الوتر أحبتي "

، سبحان الله العظيم

اللهم صل وسلم على نبينا محمد
" صلو عليه "

البآرت التاسع والعشرون
،
،
ناظرت الباب بصدمه،،،من اللي ساحبها وراه.....
لفت وناظرت سامي وأمه شافتهن بعد مصدومين أكثر منها همست .:من ذي
أبو سامي شافهن قدامه يناظروه من غير صوت قال ...وهو يتنحنح: قوموا سلموا على مرتي
غلا
فتحت فمي بصدمة ..مرته ...تزوج على خدوج ..ناظرت سامي اللي فز بقوة و شكله عصب ..بعد ...و.مصدوم في نفس اللحظة ..
سامي بعصبيه : يبه وش اللي تقوله
ابوسامي: سلم على خالتك
سامي قرب من أمه اللي فزت واقفه ..ومافتحت فمها بكلمة ....
ام سامي
اللي الصدمة شلت لسانها ..تحس الدنيا سودة.. في عيونها
تزوج ..علي ..ليه طيب .. بس أكثر شيء ذبحها...يوم قال سلم على خالتك قالت بصرخة: الله لا يسلم فية عظم لو فعلاً سوى الي تطلبه منه
وبعصبيه تقربت من الي واقفه وراه: وهي تمد يدها تبي تسبحها : وذي ال**** من وين ساحبه لنا قول
ابو سامي بحقارة ابعد زوجته وحط يده على كتفها وقال وهو يقربها منه وبتشفي : اقولك زوجتي فاهمه ويالله لا اسمع لك
نفس ..قبل مافصل عليك وتعرفي فصلتي اخليك تعضي الأرض

سامي حس بقهر على امه ..وهو يسمع كيف يذلها بحكيه. .. قال بعصبية: والله مافي حد يقدر يبه يكسرها حتى لو كان أنت

ابو سامي بستفزاز: اقول ي ولد أمك خذها وفارقوا

ام سامي بصرخة : والله ماطلع من بيتي تبي تطلع انت والخمه اللي ساحبه معك درب يسد مايرد ان شاءالله

ابو سامي بحده: اقول لو ابي أقلعك قلعتك وغصب عنك ي العجيز

سامي بقهر: يبه من غير تقليع راح اطلعها معي ..وافكها من الجحيم اللي معيشها فيه ..

ام سامي بصرخه: والله ماطلع من بيتي لو على جثتي وانا الي مشتريته من ورثي اللي جاني من ابوي والطلعه لهن ماهو بلي

ابو سامي ضحك بقوه وبخبث : طيب بإسم مين

ام سامي بعصبية وهي منهارة:هذي غلطتي لكن والله لااطلعك منه
ابو سامي بصرخة: تطلعي مين اقول ليت تسكتي بس وتحفظي
ماتبقى لك من كرامه

ام سامي بعصبيه: ..والله ي وافي ماجلس لك دقيقه في هالبيت لو كان لك ...بس عارفة انه لي ومصيري أرجعه باسمي ..
ابو سامي بسخريه : ترجعيه بإسمك ههههههههه
قرب زوجته أكثر منه وبخبث: ملاك ...تعالي حبيبتي وماعليك في هالمجنونه وبعد تسوي خير يوم تفضي لي البيت مع الحلوة ذي ورجعه بإسمك لا تحلمي فيها

ام سامي بقهر: اقولك بيتي تقول تفضي لي البيت حسبي الله عليك من رجآل

سامي ناظر امه اللي منهارة ضمها من عند كتوفها وقربها منه وقال بعصبيه : يبه اشلون تسوي كذآ وبعدين ليه ماعندنا خبر ..
كذا مدخلها علينا وتقول متزوج يبه امي من حقها تدري

ابو سامي بعصبيه أكثر : والله ماباقي غير تقول ... تعال أخذ الأذن مني

سامي بعصبية : وش مسويه فيك أمي عشان كذا تحرها وتحط على رأسها مره وناظرها بتحقير ..وهي تعلك بدلع ...

ابو سامي بعصبيه: والله هذا حقي وماسويت شيء وامك عساها الحريقة يكفي متحملها لي اربعين سنه خلاص طفح الكيل منها
أبي اعيش ماتبقى من حياتي مع وحدة تفتح النفس ...
ام سامي بصرخه : اي الحين عفتني خلاص بعد مادمرتني
وأخذت الي وراي وقدامي حسبي الله عليك من رجآل وبقهر
اكثر خلي هالعصلا تفيدك وهي تناظرها من فوق لتحت.. بقهر صغيرة حيل ...وقالت بوجع: صغيرة حيل بعد ي وافي

ابو سامي بحدة: اقول بلا تبلي أنتِ حد يأخذ منك قرش واحد عشان تقولي أخذت اللي وراك وقدامك ....واكيد اجيب صغيرة ابي اعوض حياتي اللي معك ولا تبيني اجيب وحده عجيز وتجي تصف جنبك
وبسخريه ناظر سامي: يالله خذ أمك ..وقلعها عن وجهي خليني افضى لمرتي

غلا بقهر منه
يعني وشهوو يتزوج ..ويطرد زوجته ام عياله بعد...وبعدين وش ذي قلعها . من اول .. ساكته ومابي أدخل بينهن ..بس قهرني الخايس ...كلامه يذبح ....ي الله قد ايش هالانسان حقير ...وبعد ..مرة كبيرة يقول لها كذآ ...وش ذا يطرد ام عياله ويدخل الغريبه والله ماسكت هذا يبي له من يوقفه عند حده ..وبذات سامي احسه ماهو اللي أعرفه شكله مصدوم حيل ..قلت بعصبيه: تقلع ام عيالك عشان ذي البزر ساحبها معك

ابو سامي ناظرها بنرفزة يكره طولة لسانها :اقول ي بنت راجح خليك في حالك وبعدين انبسطي جبت.. لك وحدة في عمرك ماهو هالعجيز مقابلتها أربعه وعشرين ساعه وعليها حامت كبدك أكيد ..وبعد ماهي كافيتك شرها
غلا بقهر ناظرت خدوج اللي تبكي وسامي ضامها ويهدي فيها قلت بعصبيه أكثر : محد شكى لك الحال وقالك ابي هالبزر
اجلس معاها ...
ملاك من اول تناظر اللي معصبين ومشطتين عليها قالت بعصبيه : لو سمحتي انا ماهو بزر
غلا بقهر:ي غبيه وش حدك تأخذي واحد كبر جدك

ابو سامي بعصبيه: اقول اشوف خدوج ما عصبت مثلك وناظر سامي اللي يهدي في امه ..سكت مرتك قبل ماربيها لك

سامي طنشه ماهو يمه أبد وعارف غلا ماتسكت عن حقها ..

.غلا: نعم نعم تربي مين ي الشايب العايب اقول ربي حالك قبل
صدق مخرف يبي يعيش زمانه وزمان غيرة الله لايبلانا بس
الحمدلله والشكر بس

سامي ناظرها فرحان وهي فزعت مع امه بس مهما كان مايصير كذا تتطول لسانها عليه صرخ لما تمادت : غلا خلاص روحي غرفتك

ام سامي ناظرت سامي: خلها تبرد خاطري انا مافيني وصاحت غصب عنها ...تحس حالها انكسرت حيل...على العذاب والعيشه المقرفة اللي معيشها فيها ..يكون آخر تعبها كذآ ...آه ي الجزاء اللي أخذته محدن يحسدها عليه. .قالت بتعب وهي تحس ضغطها وسكرها مرتفع : يمة شكل ضغطي مشلل ودني الغرفة
سامي مشاها لغرفتها ..وهو يسمعها تتحسب على ابوه ..آخر شي توقعه أبوه يسوي كذآ معقول يسويها وبعد كيف محد يدري
...نيمها على السرير ..وغطاها ..وسلم فوق راسهاوبهمس:ماتنكسري ولدك موجود

وطلع بعد ماقفل آلنور ...وانصدم من وقفتهن لسى قال بقهر : خلاص يبه خذ مرتك وفكنا ... وأنت ..انا وش قلت
غلا بعصبيه : مفروض ماتطردني وتخليني .. أخذ حق امك منهن ...
ابو سامي ضحك بقوة:اقول خذ مرتك هالنتفه يقال .. ايش تأخذ حقها من متى هالحب اذكر انكم ماتحبن بعض...
غلا بعصييه: مالك دخل....
سامي قرب من غلا وسحبها من كتفها وبحده: خلاص فكينا من طولة لسانك ...ودخلها الغرفه وبعصبيه :ماصدقتي تحصلي شيء وتبردي خاطرك فيه
غلا بصدمة فتحت عينها:هذا جزاي آه ي حسافة بدل ما تفرح إني. ..واقفتن مع أمك
سامي : والله ودك تبردي خاطرك من ابوي ولقيتها فرصه إلا أمي مافكرتي فيها غلا لا نلعب على بعض أكثر وحدة قليلة أدب معي أمي أنتِ

غلا دفته من كتفه بقهر:صدق مجنون ولو برد عليك بأكون أجن منك
سامي مسكها وقربها منه ..ونزل رأسه لها وبهمس : والله الزواج استاهله انا ماهو ابوي اللي طول عمرة امي ما هو مقصرة
فيه ودايم تتحمل اللي يسويه فيها ..

غلا رفعت عيونها لعيونه وقالت مثل همسه: مافي أحد يردك لا تقصر ابوك ماهو أحسن منك

سامي ابتسم بخبث: لالا بعد مانتهي منك اشوف حياتي صدق
ماهو ناقص وجع رأس يكفي ابوي الحين بغيتي تأكليه أجل انا وش تسوي ....
غلا : لا تطمن ماراح افتح فمي بكلمه عليك لأني مالي شيء عندك ولا لك شيء عندي ....غير اللي متفقين عليه

سامي ابتسم بسخريه :يالله ي قساوة قلبك تقوليها كذا بدون احساس حتى بأنك بتفقدي ضناك وأول فرحتك
غلا وهي ترد عليه بقساوة: قلتها مليون ومايضر اعيدها ضناي منك مابيه
سامي ابعدها عنه بعنف .. وجلس على السرير وهز راسه بحسره على حاله يعني يوم حب حب وحدة بهالقساوة يالله ..على الحظ اللي عليه ...قال بحسرة أكثر : ودي اتذكرك بشيء زين يوم ننفصل بس شكل ماعندي اتذكر إلا الشي الردي منك

غلا بقهر: اي زين تبيني اظهره والمكان الي حولي كلة ردي

سامي وقف وكور يده بعصبيه وقال بحده: أنتِ ..قصدك تغثيني ولا شخصيتك كذا

غلا بستفزاز : شخصيتي كذا
سامي بقهر:والله اني مابي ازود مشاكل أكثر في البيت إلا كان عرفت كيف ارد عليك وبعصبيه ياربي احصلها من ابوي والمصيبة الي جايبه معاه ولا منك

غلا بسخريه : ابوك توك حسيت انه جايب مصيبة بدري والله
سامي ناظرها بقهر وبصرخة : قصدك ماهو حاس في آمي غلا لا تتكلمي وأنتِ ماهو عارفه شيء ...
غلا جلست قريب منه ..وقالت بطفش من المشاكل اللي بينهن : ممكن تخلي مشاكلنا على جنب ونتكلم على المصيبة اللي صارت لامك ... هزت رأسها آه ..الله يعينها المقارنة بينهن صعبه ...من كل النواحي ..
سامي لف راسه لها وناظرها بقهر: أنتِ جالسه تقهريني ولا
وش قصتك
غلا هزت رأسها : لا بس هذي الحقيقة شفت كيف صغيرة وبعد ماهي شينه حلوة والله حرام ضيعت حالها مع وأحد مثل ابوك

سامي عض شفته وهو مطنش حكيها : طيب والله ما اخليها تتهنى .. هنا وانا اللي برد حق امي من ابوي ومنها ولا ماكون سامي
غلا قلت بسخرية : يالله نشوف ايش يطلع منك ..
سامي مسك رأسه بألم :آه الصداع ذبحني اليوم وبعد الحين زاد علي من اللي صار
غلا : تعال اهمز لك رأسك مثل ابوي كان اسوي له حركة تبعد الصداع كله
سامي تمددد وقال بتعب : نشوف ايش يطلع معك وقفل عيونه
غلا جلست جنبه ومدت يدها وبدت تهمز له رأسه. .ناظرته وهو مقفل عيونه ....ابتسمت ..بحزن عليه ..صدق والله قهر. .اللي يسويه ابوه في أمه ...
سامي فتح عيونه وناظرها وقال بهمس: مشكورة ريحتيني شوي
غلا :غريبه بسرعة جا مفعولها معك ابوي كان يغلبني
سامي :ابوك صداعه حق شرب وكيف
غلا سحبت يدها بعصبية :انا استاهل ليه كذا ع طول تذكرني
سامي مسك يدها وباسها وقال بهمس : خلاص آسف ورجع قفل عيونه بألم ...
غلا تفاجأت ...من اعتذاره ....رجعت همزت له بدون صوت
....

غرفة ريتاج
،
،
من وقت ماطلعت من الجامعة .. وانا أحس بعتب وقرف ..من حالي ..ومن العيشه اللي عايشتها في هالبيت ...وبعد من وجعي بكلامه .وتذكرت قبل اسبوعين
آيش صار ... كل ماتذكر ايش قال . .. تتوجع
هذا اللي ادور رضاه ..والله مايستاهل ....
قفلت عيونها وهي تذكر الموقف ..سمعت صوت الصراخ من تحت عرفت ان فيه شيء ..نزلت بسرعة ..بس شافت ناصر موجود .. في الصالة وقفت ..على الزوايه حق الدرج ..بحيث مايشوفها ...
ابو وليد بصرخة: اشلون تقول كذآ ومين معرفك في هالحكي
ام وليد بقهر من شوق : حرام عليك ي شوق ماهوهاوشته وطقيته ..وشهوله قايلة بعد لأبوك
شوق بقهر: يمه البنت ماهي على بعضها ولا تفكري ريتاج من النوع اللي يتكلم

ناصر بعصبيه: والله يبه يستاهل التمردغ إلا حد يقول كذا
ام وليد : بزر وغلط ...وبعد ضربته قدامها وش اسوي أكثر يعني ...
ابو وليد بعصبيه: قول مين قالك كذا وقلت بعده
حسام بخوف ...من أبوه الي معصب وبعد خايف من وليد وهو يناظره ..قال بتردد: ام حسين يوم كنت العب مع ولدها في حوشهن سألتني عن ريتاج وبعدها ناظرت بنتها وقالت ...الله يستر عليه لا يلحق بأخوه ..هذي شكلها دخولها نحس عليهن ...
ريتاج
قفلت عيوني وانا مجروحه حيل ..الحين المشكله عشاني ...
الله يسامحك ي شوق ...ماتمنى كذا بس انصدمت من آخر كلام قاله

ابو وليد بعصبيه : وش لها هي و الموت لها ان شاءالله ..
ام وليد : ماعليك فيه هذا بزر اكيد ام حسين ماتقول كذا

وليد :خلاص يبه حسام عندي وصدقني ماعاد يعديها
حسام بلع ريقه بخوف يوم قال كذا وليد ..لا لا عنده ابوه يعصب عليه بس وليد لا يعصب ...
ابو وليد : بدل ماتربيه انت على كلامه ذا تقوم تفزع معه

وليد : اربيه ليه هو سمع وجاا قاله بس ...وبعدين وكاد صدق يبه بليتني فيها والظاهر اني لاحق اخوي وضحك بقوة ههههههههه

ناصر :وليد مايصير تقول كذا

وليد بسخرية: ماهو انا اللي قلت حريم الحارة يقولون ورجع ضحك هههه بالله مسوين سالفة على شيء تافهه.

ابو وليد بعصيية: والله انها حرام فيك ي الرخمه
ليتك تلحق به بعد ..عشان صدق يكون الحكي ماهو تبلي عليها

ام وليد بصرخة خوف : حرام عليك تدعي عليه

وليد : تدعي يبه علي عشانها ...وبعدين وش فيك كذا عصبت ترا امزح وناظر حسام وانت اقسم بالله لو اسمعك تعيد في هالحكي الفاضي ذبحتك فاهم ..وشوف كم مرة جالس امرر لك حركات المبزرة اللي تسويها ...ترا بكيفي ي حسام وتعرف كيف لو حطيت في يدي
ناصر : خلاص يبه هدي شوف كيف هاوش حسام
ابو وليد : انت انثبر بعد سواتك اللي تسود الوجههه لا تحكي معي
ناصر : يبه هذي سالفة وانتهت وشهوله تعيد وتزيد في شيء انتهي من مدة ..
ابو وليد بصرخة : حسبي الله عليكم من عيال لا كبير ولا صغير فيه خير
ريتاج
انصدمت من الكلام الي سمعته حسيت.. رجولي ترجف وماهي
شايلتني ...يقول صادقه ... ..ام حسين. .وبعد خايف على عمرة ...ليه وش شايفني ...
همست الاعمار بيد الله .انسحبت وهي تسمع عمها يهاوش ناصر ورجعت .. غرفتها وهي تتحسب عليه وعلى ام حسين ذي اللي تكلمت فيها ...
ندمت انها طلعت من غرفتها وسمعت الحكي كلة ..آه واللي واجعها ..أكثر ...ان ناصر موجود ..يعني حريم الحي يقولون عني نحس ....مسحت دمعتها اللي نزلت ...ومشت لناحية الصندوق ...الصغير ..وفتحته وطلعت ...العقد الصغير اللي مكتوب عليه ...اسم بندر ...لبسته ..عناد لوليد هي فكته إحترام له بس صدق مايستاهل ...حد يحترمه ..
فاقت من سرحانها وهي تتنهد وشهوله تنكد على حالها الحين هي ناقصه ...وجع قلب ......اليوم زواج أخو لطيفه. ..كل ماتذكر كيف وزعت على الشله كروت دعوه ..وهي طنشتها ...يالله ليت شيء يستاهل عشان ذا كله وليت بعد أحبه ولا ناشبه لها فيه وليد والله إني ماشوفه. .وبعد المشاعر الي حسيتها شوي صوبه .دفنتها ..وعدت نفسي ماسلم قلبي له ..وهو يقول كذآ عني بدون احترم ..
،
،
بعد مرور ثالث أيام

يوم الزواج
،
،
عند ريوف
اللي من وقت ماصحت وهي ..متوترة ..و.خايفة من اتصال لطيفه
قالت لها انها بتمر عليها عشان يرحون المشغل بس ماقدرت ترد عليها بشي وبعد خايفه تروح ومايطلع السواق يطلع أخوها. ..وهنا صدق بتصير مصيبه اليوم بدل عرسها يكون موتها . .ناظرت يدها وهي تشوف نقش الحنا. ..ابتسمت وهي شاكرة للطيفه على ،،،كل التعب الي تعبته معاها ،،،صارت لها أكثر من أخت ..... ^^^ شفتوا كيف بنتي التوفي حبوبه ...
....ارتجف جسمي يوم شفته
طلع من الغرفة ...وقفت بخوف وقلت له وانا متردده : ممكن اقولك شيء
اسامه اللي صحي وهو متضايق. ..آه كل مايذكر اليوم بينشهر زواجه وبيتم يتضايق .. ناظرها هز رأسه بحسرة .ماهو هذي اللي تمناها قال بحده : مايشرفني أمثالك يقولي لي شيء
ريوف تنهدت ...حزن كيف تقدر تقول له وهذا ...رده قالت بمحاولة أخيرة وبعد تعطيه الزبدة من غيراي كلام ثاني : لطيفه بتمر علي عشان نروح المشغل وقالت لي السواق الي رايح فينا واخاف تجي وانصدم مثل آخر مره وسكتت ماقالت اسمه
اسامه ناظرها بتحقير: يعني الحين جايه تقولي عشان توضحي

لي قد ايش ماتبي تروحي معه ..ولا خايفه تنصدمي على قولك
ي شيخه تلعبي على مين اقطع يدي لو مو متفقين بعد
ريوف رفعت يدها :انا .. قلت لك عشان مايكون علي شيء
وصدقني لو فعلاً مصدق إني متفقه معه كان سحبت الجوال مثل أول

اسامه بحده ناظر يدها المزينه بالحنا قال بعصبيه: لأنك ماتهميني سوي الي تبي مدام الزواج بينشهر اطلقك عادي مافيها شي ...انا قطعت عهد على أخوك ..يوم سترت عليكم ..بس الحين خلاص انشهر الزواج ..وبيكون سهل الطلاق ...لان ماهو أول ناس ولا آخر ناس .تتطلق..يعني اخوك ماراح تنضر سمعته ...لو رجعتك له ..ورائد اللي كنت خايف عليه ...في ستين داهيه ..من اصله ندمت إني ...فزعت له ...ليته ذبحه وذبحك معه ..وعشان سحبة الجوال ابي اقولك . .الصايعه ..لو .بتصيع حتى لو جوالها مسحوب عليها ... يعني أنتِ وضميرك وخوفك من ربك يكون .. ماهو مني
ريوف عضت شفتها بقهر من كلامه :أخاف ربي أحسن منك يكفي إني ماقذف ولا اظلم وأنت ومرة ابوي بدعي عليكم في كل فرض أن ربي يأخذ حقي منكم
اسامه : لو لك حق بتأخذيه
ريوف : ان شاءالله لي وبأخذه
اسامه ابتسم بسخريه وهز رأسه وجلس على الكنبه وهو
يشوف جواله شاف كمية الطلبات اللي أمه طالبتها منه وتبيه يأكد عليهن قال بسخرية : . الحين هالشيء كله ..مسوينه لك أنتِ عض شفته بقهر .. حرام والله ..خسارة ..على الفاضي ..دافع حول مية الف حالياً.
كلها في قاعه وخرابيط .في وحدة ماتستاهل
ريوف
حسيت بتصغير من حيكه قلت بقهر : رزق وجاني الحمدلله
اسامه عض شفته من ردها : تمنيت يوم عرسي أكون فرحان ماهو يمر علي وانا كاره حتى عمري مثل حالي الحين
ريوف اعطته ظهرها ورايحه للغرفه تبي تجهز اغراضها الي وصتها عليها لطيفه .... : نصيبك كذا وش تسوي

اسامه فز بسرعه و مسك كتفها وقال وهو يناظر عيونها :مستقويه ولا يتخيل لي ....
ريوف قلت بخوف وانا اذكرة : اليوم عرسي لا تشوهني
اسامه فكها وقال بقهر: أجل احترمي حالك ...عشان تنزفي
وأنتِ بخير . ..وانقلعي ..جهزي حالك انا اوديكم ....
،
،
في بيت ابو وليد

على الساعة 10 /م

قلت بطفش: خلاص شوق صعبة روحتي حسي عاد وبعدين اشلون اروح بدون دعوة

شوق بمحاولة : يمكن لطيفة تشوفك تحضري زواج اخوها تعرف انك قد ايش ماتبي تخسريها وصدقيني بتفرح .وبتكبري في نظرها

حسام الي جالس يلعب على جواله. قال بضحكة: ايه هين تفرح والله انها بتلها من شعرها وتكرشها برا الصاله

ريتاج وانا لسى زعلانة منه لي.. أسبوعين ماكلمة .. قلت بقهرمنه : لو سمحت لا تحكي معي اوك
حسام: اووه من حدك ريتاج لسى زعلانة ومسوية فيها
ريتاج بجمود: ايه زعلانه ولا حكيك كان مايزعل
شوق : والله يزعل قلت ..لابوي وابوي بغى يذبحه
ريتاج ..حسيت بغصه يوم ذكرتني ....
حسام : يمه على الكذب متى صار ذا كلة

شوق بعصبيه لما كذبها:قول ابوي ماهاوشك
حسام : لا ماهوشني عشان ريتاج هاوشني ليه ضربت ميري
ريتاج بقهر منه : سبحان الله مافيك صفة زينه وبعد مستقوي على الضعيفة
حسام : لو سمحتي لا تكلميني بالمرة
ريتاج بقهر منه عضت شفتها وسكتت..
شوق : والله فيها تفرمة بس هي مدلعته بالمرة قال ايش هذي مثل بيبي مالت عليه من بيبي
حسام طنشهن ورجع لجواله ... رجع رفع راسه وناظر شوق :الحين يقال أنتِ كاشخة ورايحة عرس
شوق :اية عندك مانع سيد حسام
حسام: لا بس الله يستر على اللي في الصالة لا يتخرعن
ام وليد طلعت وقالت بعصبيه :والله ي حسام لو تأذي ميري وانا ماهو موجودة وتجلس تعزم في بزران الحي وتخليها تسوي عشاء وتكرف ياويلك.. مني خليها تنام بكرة جمعه أخوك . عندة عزيمة ..
ريتاج ناظرت خالتي بفضول ...وليد عنده عزيمة ...
حسام بقهر ان امه كاشفته اخخ الحين كيف أصحابه اللي وعدهن على عشا ولعب بلاستيشن حتى الفجر ...افف ناظر ريتاح وقال : ماعليه خليها تنام فكه من وجههه اللي بس تهاوش وعندي ريتاج تسوي لي أحسن عشا
ريتاج فتحت عيني بصدمة ...بعد ولد ابوه ضامن اني باوافق
ام وليد :كيفك معاها وناظرت ريتاج حبيبتي ما فيك حيل ماعليك منه
حسام بقهر : وش ماعليها مني يعني اتفشل منهن وانا واعدهن
وبعدين ايش معني وليد ..بكرة قايمة بعزيمته تجي علي انا وهي كلها خمسة اندومي
ريتاج قلت وانا حزينه عليه : خلاص خالة تسهلي وهذا امرة عندي
حسام قفز: يسسسس
ام وليد ناظرت ريتاج :يمه ماودي تغيري رأيك وتروحي معنا
شوق وهي تتنهد :عجزت يمه فيها
حسام صرخ: هييي ومين يسوي عشا
ريتاج ناظرت حسام آه هم فين وهو فين قالت بتعب من كثر ماتعيد في هالسالفة:صدقيني ي خالة مالي نفس
ام وليد وهي تتنهد: ومين له نفس بس عشان نوجبهن
شوق وقفت يوم دق وليد عليها : يالله يمة وليد ينتظرنا برا ...وطلعوا
ريتاج
آه من متى عنه ..حتى العزيمة ذي ماعندي خبر عنها ...
تنهدت بضيق أكثر يوم تذكرت زعله وحكيه بعد عليها ..مدري لما متى بيجلس كذا معذبني ومنكد علي .....
صحيت من تفكيري في وليد على صرخة حسام: هييي قومي شوي ويجوون اصحابي
عضيت شفتي بقهر ي ناس مستفز بشكل قلت بقهر: شوف على انك غلطت في حقي ..وانا زعلانة منك بس مستحيل افشلك قدام المبزرة الي ساحبهن
حسام فتح عينه بصدمه: اخوياي مبزرة والله انهن رجآل وانا ترا اخاوي رجآل ماهو مثل رجلك ماخاوي ناس رافعين خشيمهن مدري على وشهوو وراح تحكمي بكرة لما تنكرفوا على الغداء
إلا انا اخوياي متواضعين اندومي ولو قلت بدلعهن زيادة اعطيتهن تونه تقول قطاوة ....
ريتاح اقسم بالله مافنيي امسك نفسي :هههههههه حتى اخوياك ماسلموا منك
حسام ابتسم بفرحة انه ضحكها: اخيرا رتوج ضحكتي توقعت مااشوف هالضخكة ...أبد
ريتاح بقهر يوم ذكرها:ايه والله اني زعلانه منك حيل ي حسام

حسام : والله ماهو انا قلت سمعت جارتنا ام خويي تقول الحين مرة اخوك اللي مات رجعت تزوجت اخوك الثاني الله يستر عليه الطيار لا يطير بعد اخوة شكل دخولها شين ..على الرجآل

ريتاج
حسيت ودي اصيح من حكيه ..قلت بغصه: خلاص حسام قولي كم أصحابك عشات اقوم اجهز لهن العشا.
حسام تذكر ان امه حذرتة مايقول لها اللي قالته ام خويه ..قال بخوف:رتياج لا تقولي لامي والله انها تضربني وتعلم ابوي تراه عصب علي وضربني بعد بس وليد اللي فكني منه وقال صادق ماكذبت
ريتاح فتحت عيني بصدمه من كلمته الأخيرة قلت بعصبيه: انت جالس تنقل حكي ولا تطيب خاطري
حسام : لا لا والله جالس اقولك ايش يحصل من وراك
ريتاح وقفت بضيق :خلاص حسام فارق روح شوف أصحابك عشان الحين اسوي لك لان مافيني أسهر ...تعبانه حدي

حسام : طيب خلاص مافي زعل
ريتاح هزيت رأسي ..وانا بالي بعيد ..والله على كلام المرة الي يوجع حيل بس ماوجعني ..على قد تأييد وليد له ...هزيت رأسي بآسف كل يوم ...اكتشف ..انه غير غير ...عن بندر ولا يتقارن به ..وهذا حرام اعطيه حتى مشاعر انتبهت على صرخة حسام ...تتاففت منه .. ناظرته بقهر:خلاص والله اسوي لك بس اسكت شوي
حسام : ابشري بنكتم ..بعد بس تكفين .. اليوم سوي لنا أكلة غير الاندومي اللي ميري دبلت بطونا فيه
ريتاج بضيق : مالي مزاج وبعد ماتستاهل ي نقال الحكي
حسام :افاا وهذا وانا مردغت لك ام حسين

ريتاح برفعة حاجب: ايه مرة مردغتها والدليل جاي تعيد كلامها تقول ببغاء
حسام :خلاص سوي اندومي وبس
ريتاج حزنت عليه : خلاص وبسوي لك وبسأمحك عشان بس تعرف قد ايش انا طيبه ...

حسام بفرحة:آه والله انك أحسن من زوجك الشين
ريتاج ضحكت :الشين أخوك على فكرة مفروض ماتحكي عنه كذا
حسام :وبعد الشين زوجك مفروض ماتحكي عنه كذا
ريتاج: أنت إلا قلت عنه شين
حسام :وبعد أنتِ قلتي شين

ريتاج : خلاص حسام طيرت عقلي بستهبالك ومشت ناحية المطبخ وهو دخل معاها ....
حسام ضحك وقفز على ..الطاولة بخفه وجلس وقال : والله إني جننت
المدرس اليوم والله يستر لو يطلبوا استدعاء يوم الأحد سويت فيه حركه ورجعت البيت
ريتآج ناظرته وقلت وانا عاقدة حواحبي: يعني عادي تقول كذآ بكل برود ....
حسام :وش اسوي يعني بعدين مبسوط هالمدرس نشبه مافي غيري في الفصل يجاوب بس حسام قوم حسام أكتب هالجملة حسام قوم حسام زفت طفش امي ...وقلت اعطيه درس انا عشان يفك عني شوي ...
ريتاج فتحت عيني بصدمه : هذا احترامكم للمدرس ي جيل اليوم آه منكم بس حنا كان نتحرمهن احترام مثل امهاتنا ..ويستاهلن كان
حسام : وش جاب جيلنا لجيلكن انتم كنتم.. بقر وتخافن حنا وش بيسوي يعني كلها سحبه للمدير وكتبك تعهد وكم كلمة عادي متعود عليها
ريتاح : وش يدريك يمكن يرسلوا لعمي وبعدها صدقني بتندم ندم
حسام : عادي يرسلوا لابوي اقدر اطلع منها بس لو رسلوا لوليد افف هذي البلشه ....يختي زوجك ليه بعد ماينبلع
ريتاج قلت بشماته : محد مهجدك في البيت غير وليد اخخخ بس
دواك والله وبهمس حتى انا مابلعته ثقيل الدم ...
حسام بقهر:لا ي شيخه والله اني اعرف كيف ارد عليه بس كله عشانك اخافه اعصبه يكب حرته فيك...وعارفك خبله ماتعرفي تأخذي حقك منه مثل ام حاجب مشطوب .. تعرف اتمشيه مثل الخروف وراها وضحك بقوة والله أبوي دايم يقول كذآ عنه
ريتاج صغرت عيوني : يمه منك يمه الحين يقال خايف علي ي
النتفه وبعدين ليه تحب تكرر كلام الآخرين وليت تكرر الي فيه زين لا الي فيه شر ....
حسام بقهر وقف على الطاولة:رجعوا وقالوا لي نتفه يعني لازم
مايمر اسبوع إلا سامع هالكلمه وأرجع أحتج
ريتاج ناظرته بستخفاف:تصدق والله حرام مضيعه وقتي معك

حسام :يحصلك أنتِ وبعدين ترا احمدي ربك احسن من وليد الي الحين طاير بعروسته الجديدة ومخليك
ريتاج : عروسته مين بسم الله
حسام :يوه أنتِ ماتدري ياربي وضعك ينشفق عليه
ريتاج طنشته :وجلست احضر اغراض العشا
حسام :تراه متزوج وسمعته بإذني وهو يكلمها ويقول يارب لطيفه وريتاج مايدرون عشان هذولا نشب ...وبذات بنت العم

ريتاج بقهر صرخت :حساك برا بسرعه لانك صاير ثقيل دم ومن حقها شوق تطردك شافته معند قالت بتهديداقسم بالله ماسوي لك عشا لو ماتفارق عن وجهي تافهه بشكل

حسام قفز من على الطاولة بخفه : اه الحاجة تذل ورفع صبعه بتهديد من الحين والله معاد اسمع لك مكالمات وليد.. مثل كل مرة
ريتاج..فتحت فمها وهي تشوف اللي واقف عند الباب ويناظرها بسخرية ...ودها كان تذبح حسام اللي لسى مسترسل في الكلام..
وليد بسخريه: ي حياتي مشغلتك جاسوس علي وناظرها مستغله انه بزر ويسوي اللي تبي... ناظر حسام المرعوب قال بصرخه: انت بعد تسوي الي تطلبه منك ...مافيه مخ تفكر بوه
حسام بخوف عشان يصرف نفسه : وش اسوي هي تطلب مني
ريتاح بعصبية من حسام صرخت من غير حس فيه: ي كذاب

وليد رفع حاجب:تصرخي عليه لا نه فضحك وابتسم بسخريه
ريتاج :والله يكذب ماعمري قلت له ابي أخبارك
وليد ضحك بستفزاز :ايه مره صدقتك وناظر حسام اللي خايف :انقلع برا ..وحسابي معك بعدين ..
حسام بسرعة شر د وهو خايف من الي سواه ..بس والله غصب عنه والله عقاب ريتاج اهون من عقاب وليد .....وبعد أمه وابوه ماهو موجودين إلا يستقوي فيهن بس الحين مين بيفك عنه من وليد. ..ريتاج أكبر جبانه زين لو فكت عن حالها ..وده يبكي ..آكيد وقعها في مصييه مع وليد ....
ريتاج بقهر يوم شافته طلع :لا خله يقول الحقيقه
وليد تقدم لها وقال بحقارة :آخر شيء اتوقعه منك ترسلي وراي بزر والله صاير ..اهمك ي الحلوة ...
ريتاح بقهر رمت الصحن اللي في يدها بعصبيه وبصرخة:مين انت عشان ارسل وراك انت ماهميتني أبد فاهم
وليد اللي ابتعد شوي وهو يشوف كيف الزجاج منثر قال بحده: وهذا دليل كذبك لأنك انكشفتي جالسه مسويه فيها عصبية ومدري أيش. ..كله مايمشي عندي ولاتحاولي تغطي على حالك خلاص
ريتاج قفلت عيونها بصبر وهي تتعوذ ....ومرت من جنبه تبي تتطلع ابرك لها خلاص عشان لو جلست شوي يمكن تسوي مصيبة فيه
وليد بسرعه قفل عليها الطريق : وين وين لسى ماخلصنا
ريتاج ناظرته بقهر : وليد ابعد عن طريقي خلاص مابي اعصب أكثر

وليد قال وهو فرحان يعني يهمها مدام ترسل اخوه يتجسس عليه

ابتسم بستفزاز: لهالدرجه الغيرة لاعبه فيك ي ريتاج ..عشان
تسوي كذآ كان جيتي وقلتي لي طيب وحط يده على خدها وانا بنفسي رآح اقدر وضعك وابتسم بخبث ...الليله انتظريني اوك
عشانك ماهو عشاني مدام وصلت معك لكذا وابتسم بوقاحة

ريتاح ناظرته بتستخفاف للي يقولة وبعد ثواني راح تنفجر من عصبيتها أكيد :يمه على اللي مأخذ في نفسه مقلب ..وبعد واثق إني بنتظرة ...
وليد : لا والله ماهو مقلب إلا حقيقه والدليل توووو...

ريتاج بعصييه صرخت:اقسم بالله ماعمري قلت له شيء ولا عمري فكرت فيك ي وليد او .. ارسل عليك حد يتجسس عليك
وليد قرب منها ومسكها من كتوفها بعصبية: مابيك تفكري فيني
فاهمه ولاابي حبك عندي اللي مكفيني.. وزيادة بعد وهزها بقوة
ومن هزه لها طلع العقد اللي مخبيته تحت بلوزتها مكتوب علبه (بندر ) فتح عينه بصدمه من اللي يشوفه ...على ذمته ..ولابسه عقد بأسم اخوه .و.بعصيية سبحه من عنقها
ريتاج صرخت بألم وهي تحس رقبتها انجرحت من ورا....
بس مافكرت قد مافكرت انها تنحرم منه قالت برجى : تكفي رجعه إلا هالعقد
وليد رفعه قدامها وبعصبية:حلم ابليس في الجنه وبصرخة اعلي
اسمه ي ريتاج : و أنتِ على ذمتي اي مرجله فيني لو خليته عندك ....دفها بقوة على الطاولة

ريتاج صرخت بألم : آه ورجعت صرخت بعصبيه : مو من حقك تمنعي اني البس حاجة هو أعطاني هييي
وليد رجع لف لها وبسرعه تقدم لها واعطاها كف وقال بعصبية: آجل حق مين وبصرخه أعلى انطقي إذا انا مالي حق مين اللي له حق ....وطلع معصب ....
رجع للعرس ..هو جاي كان عشان امه نست هدية العروس
...
رجع لها يوم دقت عليه شوق ...اول ماتذكرتها في القاعة
سمع صوتها مع .. حسام بقهر مشى ناحية المطبخ ..وسمع اللي يقول لها ...عض شفته بقهر ..آه وانا إلا فرحت انها ترسل حسام ...يقال يهمها أمري. . ركب السيارة وحرك بسرعه متجهه للقاعه ..االي ماوده يرجع لها ......

في القاعة. .
:
ناظرت لطيفه بخوف :مدري كيف رآح امشي من هالفستان
لطيفه وهي تتطمنها: حبيبتي فستانك رايق أجل لو هو مثل موضة قبل كان وش تقولي
ريوف
نزلت نظري للفستان ..وانا فكري بعيد ..ي ترا وش بيسمعني اليوم من حكي ..آه انا مابي هالشي كله والله ولا أبي. .هالحوسة كلها ..وبعد اللي موترني يوم دريت ان مرة ابوي ...بتحضر ...والله آخر شيء توقعت تحضر شيء لي،،، افتكرت سمير اللي ب يحضر عشان الناس ..بس عشان أخته لا ..آه مرة ابوي ...أكيد ماراح تفوت هالفرصه بتسوي مصيبة لي من مصايبها الي ماتخلص يارب فكني شرها يآرب إنت. ..عالم بحالي ...
ناظرت ام اسامه يوم دخلت ...قلت بخوف الله يستر ذي بعد لا ترمي كم كلمة ماهو ناقصة والله ...
ام سامة بجمود: ياليت ماتفشلينا قدام الخلق ...وتمشي مثل ماقالت لك لطيفه ...ابي زفة مرتبه اوك
لطيفه : يمه الله يهديك فهمتها خلاص ..وبعدين انا يمها
ام اسامه : والله من قهري ابي أنسي أهلي شوي ..وابين لهن ...إن مجهزين كل شيء ومستعدين له ماهو مصيبة وحابين نلمها وناظرت ريوف بقهر وينها خالتك ذي ليه ماشرفت للحين هزت
رأسها بعصبيه آه بس ...آخر شيء توقعت تكون كذا..فرحتها بزواج بكرهاا..حرمها الفرحة. ..الله يسامحه ...
لطيفه مشت ناحية امها قالت بهمس: يمه خلاص يكفي البنت شوي وتبكي وبعدين خلاص مايفيد الحين شيء وأكيد خالتها بتجي هدي بس
ريوف فرحت ..يوم دريت انها ماجت يآرب ماتجي ....

ام سامه بحده:على قولك . خلينا نخلص من هالليلة على خير وبحده أكثر دقي على خالتك شوفيها وين ...
لطيفه ناظرت ريوف بعد مااامها... طلعت قالت بحزن عليها : والله امي طيبه بس من صدمتها ...وماعليك صدقيني بتحبك ..بس هي كذا تعصب وتثور...إذا زعلها اسامه. .لأنها تحبه ..حيل. .
ريوف قلت بغصه: آه انا ايش ذنبي طيب هذا نصيبي مع ولدها اتزوجة بهالطريقه
لطيفة قاطعتها : خلاص اليوم ليلتك .. ي عسل وبقهر وينه الغبي ذا مضيع علية احسن طلة ورفعت جوالها تدق
ريوف خفت ...من حكيها أكيد قصدها من اسامه قلت بضيق: لا تكفين لا تدقي
لطيفه رفعت حاجب مستغربه : ليه ماتبيه ينزف ويصور
ريوف : لا
لطيفه بشك : أنتِ وش قصتك بس ترجفي وخايفه واحس عيونك
فيها حكي اممم تصدقي ماهو وقت هالحكي بس مصيري اعرف وش مخبية ....ودقت على اسامه وبعد ثواني جاها الرد : وينك ي معرس
اسامه ناظر الحضور ..ماتوقع اللكل يحضر زواجه ..وبيكون بهالزحمه ...ناظر رائد اللي جالس يضحك مع فهد ..نزل عينه وهو مقهور من حالة ...واللي قاهره أكثر ...ان ..فهد عارف السالفة كلها ...حس بضيق من المكان ..وهو يناظره قدامه ..اللي داخل قفل في وجهه لطيفه ...يوم
وقف قدامه ..سلم .وهو متفشل وماقدر يحط عينه بعينه
حس من نظرته... مثل اللي يقول له هذا اللي بينا ...يالله حس بحقد أكثر عليهن وبذات مع ضحكت رائد المستفزه ..آه كله منك انت اللي خليتني اتفشل من الرجال ...كذآ
ابو عصام بجمود: مبروك
اسامه بضيق من الحال الي هو فيه : الله يبارك فيك تفضل ..وقطع حكيه رنة جواله. ..رد وهو يناظر ابو عصام يبتعد شوي ويجلس بعيد شوي .... رد وهو صاك عل سنونه : خلاص قفلت انا وشهوله راجعة تدقي
لطيفه : وش فيك ي عريس منفس علينا
اسامه حس ودها يخنقها وهي تقول له عريس....آه اتعس
عريس على وجهه الأرض ...قال بحده شوي: اخلصي علي

لطيفه : يالله تعال عشان نأحذ لكم كم صورة ..وبعدها الزفة ..
اسامه بجمود :ماهو لازم ذا كله زفوها وبعدها دقوا علي ..عشان انتظرها برا
لطيفة بصرخة : نعم ي سلام وش ذا الحكي الحين تقوله
اسامه بحده: من اصلة ما يصير ادخل على الحريم ...
لطيفه بصرخة : نعم سيد اسامه تنزف عروس بدون عريس وش ذا
اسامه بحده: هذا المفروض ماهو لازم ارتز قدام الحريم ومن الحين لا تعبي حالك وترجعي تدقي والله مانزف
لطيفه قاطعته : خلاص لا تهب فيني بس تعال عشان التصوير
اسامه : ماهو لازم التصوير
لطيفه بقهر: حرام عليك يكفي خالاتي جالسين يسألن متى بتدخل عند عروستك عشان يباركن لك وبعدين المصورة وشهوله حاجزتها

اسامه بضيق : اوك اتصور واطلع وقفل في وجهااا
وهو معصب مابقي إلا هي .انزف معاها . يكفي نظرة ابو عصام والله انها ذبحتني ..حسيته يقولي ليه لو مو قد كلمتك. ..ليه جيت وطلبت ...
تنهد بحسرة على الي هو فيه ...وكل مايتذكر طلب لطيفه منه يعصب ازود ...
،
،
نرجع لغرفة العروس
قالت وهي معصبة:شايفة يمه ولدك وحركاته يقول مايبي ينزف
ام اسامه بجمود: على راحته وبعد هو صادق وشهولة يد خل بين الحريم اهم شيء عندي ...صارت هالليلة والزواج انشهر وخلاص ..
ريوف
حسيت بفشله وهو يرفض...بس والله صادق ...من الأفضل مايدخل بس ..انا عارفة ليه مايبي يدخل مايبي ينزف معي ماهو لشي ثاني. ..بس والله على فشلتي من أخته ..والله اني فرحانه

بس تنكدت يوم لطيفه قالت: يمة لا تطلعي نأخذ كم... صورة معاهم اللحين جاي وفعلاً كلها ثواني ولطيفه كلمته عشان يدخل
اسامه قفل من عند لطيفه وجلس ينتظرها ...عند المدخل بسرعه فتحت له عشان يدخل لغرفة العروس ..
حس بضيق ...اول مادخل وشافها قدامه منزله رأسها
لطيفه بصوتها كله: كلاوووشششش ي زين طلتك ي عريس
يالله تعال شوف عروستك كيف خليتها قمر وبالله أحلى طلتها الحين ولا طلتها يوم سوت لها عرس مرة ابوها وزفتها لك وبضحكه ي النصابه مرتين تنزفي ....
اسامه ميل فمه بسخريه وابتسم على حكي لطيفه ...وده يقول أهلها مازفوها أهلها طردوها لانها عار عليهن ...

ريوف
حسيت بريحة عطرة سبقته ...رفعت رأسي شوي ..عندي فضول اشوف شكله بالبشت ....بس نزلت رأسي بسرعة من غير ما أركز من نظرة التحقير... اللي في عيونه ودي يوم اشوف غيرها
.
لطيفه : سلم على زوجتك وبارك لها ماهو تجلس ساكت كذآ

اسامه رفع حاجب وبجمود: هذي خصوصيات ماهو لازم قدام
اللكل
لطيفه بقهر من اسامه : صدق الله يعنيك ي ريوف على الجاف وش ذا ليت الكابتن اعطاك من رمانسيته شوي ...آه بغى يموت يوم شافني عروس
اسامه :الله يهنيكم مع بعض... وبرا اشوف خليني ابارك لعروستي بطريقتي وناظر ريوف بتحقير ....

لطيفة: اوك معك خمس دقايق بس واطب عليك انا والمصورة

ريوف ناظرت لطيفه وانا أتمناها ...تجلس مابي أجلس معاه
بس وين طلعت وقفلت الباب بعد... رجعت نزلت رأسي وانا متوترة.. من اللي بيقوله ..
اسامه مد يده ورفع دقنها وناظر ملامحها مع المكياج هي حلوة وعارف بهالشي ... بس الحين صدق طالعه ملاك ...سبحان من خلقها بس ليت من داخل بعد حلوة .. عض و بهمس: والله وضربت معك ..عرس وصار لك وبعد على مستوى هالليله تستاهلها بنت شريفة عفيفه ..حرام أشكالك يصير لهن.. هالشيء

ريوف ناظرت عيونه وانا ادور عطف لو مره وحده ابي احس برحمه في قلبه هالادمي قلت وانا مجروحة حيل: شفت كيف حظي حلوو
اسامه ابتسم بسخريه :صدقيني حظك حلو بهالليله بس الا بعدها اقسم بربي العزة ي ريوف مثل ماخليتي راس اخوك في الأرض جاي وهو مغصوب وانا فشلتيني من ابو خطيبتي وجاي بنفسه ..يبارك لي لا اطلعه هالحظ.. ضرب معك ... الليلة من عيونك
ريوف فتحت عينها بصدمه: ابو خطيبتك أنت خاطب
اسامه عض شفته بقهر جاا يرد بس ...سكتت يوم دق الباب ودخلت أخته قال بجمود: يالله خليهن يخلصن علينا
لطيفه : أول خالاتي جاين يباركن لكم
اسامه : اوك يتفضلن
لطيفه مشت لجهة الباب : هلا تفضلن
ام فهد دخلت :كلووشششش كلوششش وسلمت عليه وقالت باابتسامه ....وش هاالزين ي اسامه اللي جايبه كنت بعاتب عليك وعلى أمك بس يوم شفت القمر ذي جنبك هونت
اسامه ابتسم مجامله وهو متضايق من حكيها اي زين واي جمال مدام المعدن خايس :هلا بام فهد وهو يسلم فوق راسها
ام فهد: مبروك حبيبي وربي يوفقك ويسعدك معاها ويرزقكم الذرية الصالحة اللي تبر فيكم يمه
أسامه سكت مايدري وش يقول ..ناظر خالته اللي ..من عيونها شاف العتب فيها ....هز رأسه لها مثل اللي يقول ماله حيلة ..جت بسرعة حتى هو مايدري كيف انرمى في هالشيء كله ...
..
غادة خالته الثانيه اصغر من أمه ..بس تزوجت وهي صغيرة ..حيل ..قبل امه حتى . عمرها في الأربعين ...كل اسرر اسامه عندها ..وبعد يقول لها كل شيء يرتاح لها حيل و يغليها أكثر من خالاته كلهن ... قربت منه وسلمت عليه وقالت بهمس : مبروك بس ترا عتبانين ..عليك وضربته على كتفه تملك ولا تقول ..وش بيضر بالله لو خبرتنا بنفرح لك والله
اسامه سلم عليها وبأبتسامه :الله يبارك فيك ومابينا عتب ي الغاليه ..وحبيت اسوي سبرايز ...
غادة ناظرته ..بنظرة مثل اللي تقول له وين حبك لاسيل اللي سندرت راسي فيه ..قالت بهمس: وهي ترجع تسلم عليه ...بالبركه حبيبي وسلمت على ريوف ..وهي تسمي بالله عليها ربي يوفقكم ان شاءالله

وناظرت لطيفه : يالله قولي للمصورة تدخل تأخذ لنا كم صورة مع لحلوين هذولا
دقايق ودخلت المصورة وبدت تصورهن وبعدها طلعوا
،،

المصورة بصوت واطي :ياليت تقرب شوي منها
ريوف حسيت بخوف من طلبها
اسامه بحده: بسرعة اخلصي علينا
المصورة عقدت حواجبها اول مره تشوف عريس ..كذآ هزت رأسها ..بس رجعت قالت بمحاولة أخيرة :قرب شوي عشان الصورة تضبط
اسامه قرب منها وهو متضايق ..بس وده يتخلص وهالنشبه شكلها ماراح تصور إلا اذا قرب ..قال بجمود بعد ثالت صورة: خلاص.. يكفي واعطاهن ظهره وطلع ...
المصورة ناظرت ... ريوف وقالت بهمس: ذا وش فيه
ريوف .. جلست وقلت بضيق : خلاص الله يعطيك العافية
المصور هزت كتوفها:اوك والله يعافيك
حسيت بفشله منها ..وكيف ناظرتني يوم طلع ..بس الصوت اللي سمعته . جاي مع ام اسامه...بغى يوقف قلبي ...
قلت بتوتروانا اناظرلطيفه اللي دخلت قبلهن : صوت زوجة ابوي
لطيفه هزت رأسها :ايه أهلك جوو ...
ريوف هزيت رأسي لا هذي ماهو من الأهل هذي عدووو..وسكتت يوم شفتها ...دخلت ورا .....ام سامه ...حسيت الدم في عروقي نشف ....
ام اسامه بجمود: تفضلي
ام سمير بقهر آخر شيء توقعت كذا فخامة القاعه معقول حفدية الهندية يصير لها كل ذا ..اي انتقام اللي سعت له ...
صح هي تبي تنفك بس تبي... تعذبها وتقهرها مثل ماامها كسرت قلبها. .وأخذت حب حياتها عنها وصار مايوشوفها أبد غير يجي
بيته للواجب ولا لشيء ناقص وبعد ماهو لها لسمير ..وبعد ماتوفت .. زوجته جابها ...ركض لها قال ايش عوضيها عن حنان امها ..اي حنان ترتجي مني وامها سبب تعاستي في هالدنيا ....حرتي في قلبي ولا عمرها تنطفي وبذات كل ماشافت ريوف تذكرت أمها اللي نسخه منها ...طالعة ...ابتسمت بحقد : مبروك ي بنتي
ريوف ناظرتها بكرهه. وحقد علي تسويه فيها أول.. بس والله ماحقدت عليها مثل اللي صار لها الحين .آه وبعد جايه ..تبارك لي بعد على المصيبه اللي بلتني فيها ... ....ناظرت ام اسامه الي تناظرني وفي نظرته شيء مافهمته ...قلت بهمس بعد مانزلت رأسي : الله يبارك فيك
ام اسامه ناظرت لطيفه: يالله مافي وقت عشان نزفها
لطيفه : يمه تكفين نادي لي اريج تساعدني وبقهر مختفيه
حضرتها وين
ام سامه هزت راسها وبجمود :يالله ي ام سمير تفضلي ...عشان يتجهزن للزفة
ريوف
حسيت براحه يوم طلعت ...اففف انفكيت منها
يآرب تروح مابي عاد اشوفها ...رفعت جوالي ...كان ودي ادق على سمير ....ودي يدخل ابي هو يزفني ....فتحت جوالي وكتبت له مسج(( صح انا قلت بيكون آخر اتصال بيني وبينك ياخوي بس ودي في شيء قبل ..وتكفى ماتردني .لانه آخر طلب اطلبه منك ...تعال نزلني من الكوشة .. ابي افتخر فيك ي عزوتي)) وارسلتها ورفعت رأسها وهي تتمنى انه يرد عليها بشيء يفرحها شوي ..
..ابتسمت بسخرية على حالي وانا أشوف ..لطيفه وبنت خالتها وبعد فيه ثلاث معاهن ...يجهزن حركات الزفة. ..بس انا بالي عند اخوي مابي هذا كله والله بس ابي رضى اخوي علي ...آه ي ترا .. راح يقراها ولا يمسحها قبل ما يشوفها ..حسيت بخوف يوم سمعت صوت المسج...فتحته وانا ارجف....انصدمت
من الرد (( ليت فيني انزلك قبرك))
بلعت غصتي ...وعضيت شفتي وانا اقفل الجوال بالمره خلاص مابي اشوف رساله ثانيه منه ...
لطيفه :يالله ي حلوة الزفة
ريوف
هزيت رأسي.. وقفت بدون حس ...وانا موجوعه من رده ... حسيت فيها وهي تضبط فيني بس ..انا مو معاها أبد ..أفكر في قوة المسج ....
آه ي خوي كذا ...ودك ي قساوة قلبك ....
مشيت معاهن وانا مثل المخدرة ....ليت الوقت يرجع.. شوي والله كان مارسلت له ..
طلعت للصاله آه تغير كل شي .مع أغنية الزفة .وتوتري زاد .وانا ..اشوف كثرة الحضور. .آخر شيء اتوقع يكون كثرهن كذآ ...


ياترى وشلون طلتها تكون
وش كثر في (ريوف) من اوصـاف الجمـال
وكيف خطوتها وهي تمشي بهون
مقبلة وتقول للغالي تعال
وكيف حال الشوق في القلب الحنون
وش يميزها الحلا والا الدلال
غنو الليلة على عذب اللحون
ليلة الفرحه ولا كل الليال
الحضور لأغلى عروسه يحترون

مشيت خطوة خطوة مثل ماقالت لي لطيفه ...
وانا اشوفها معصبه ..أذكر يوم أختارت كلمات الزفة
خصت كلمة لأسامه والحين برفضه خرب كلمات الزفة ..الا هي مقبله وتقول للغالي تعال
وين الغالي هذي ماتوصف حالي له ...ي لطيفه ...آه لو تدري وش اللي بينا .....وأكبر دليل إنه رفض ينزف معي ...

وصلت الكوشه ...وانا احس موصدقه اني ..وصلت ..وصلني
حكي خالته .. مع ام اسامه : والله مقهورة من ولدك فيه حد يتزوج هالقمر وماينزف معاها حرام عليه ليته دخل ..
ام اسامه وهي مرتاحه ان اختها مدحت العروس :مدري يقول مايصير يدخل على الحريم ..
: اه من ولدك ذا مدري وش يحس فيه ..
لطيفه وهي ترقص سحبت خالتها ام فهد: .. تعالي خلينا نفالها وماهو وقت الحين عتب ومشاريهه ...
وقفت وهي وتشوف شوق : تعالي تعالي سلمي على مرة أخوي
شوق تقدمت وسلمت عليها وقدمت الهديه : مبروك حبيبتي
ريوف بهمس: الله يبارك فيك وماله داعي تكلفي على عمرك
شوق ابتسمت :تستاهلي والله
ريوف بهمس: مشكورة
لطيفه : كيف أخوي عرف يختار صح
شوق : آيه ازين منك هههههه
لطيفه بقهر:اقول شوق انزلي قبل ماذبحك


ريوف
كنت انا ظرهن وهن يرقصن ...وبعد ام اسامه اللي يشوفها يقول ...فرحانه حيل ..ناظرت ....قدام وانا ادور بنظري لزوجة ابوي ..ماشفتها معقول انقلعت يآرب انقلعت ...
شفت الحريم ينسحبن للعشا....بس انصدمت يوم خفت الزحمه شفتها جالسة ..في نهاية القاعة .بقهر أكيد ماراح تنصرف قبل ما تهبب شيء عارفتها .حضورها أبد ماهو مطمني .....حسيت..ب لطيفه تهمس لي : يالله ي حلوة زوجك ينتظر يقول يالله وبهمس آه
ذحبتي اخوي حتى عصب ليه قلت بدري لسى بس صرخ علي . الأخ مافيه ينتظر ....
ام فهد : لا وش به ولدك مستعجل .. لسى توها انزفت أجلسي شوي حبيبتي
ام سامه:والله رأسه قفل دقيت عليه حاولت أقنعة بس رفض .
ريوف
ناظرتهن ..وانا متضايقه ..مابي اروح معه ..ودي أجلس أكثر. .عندي عقدة صايرة من أجلس معه ...يسمعني حكيه السم. على طول ... ...بس مالي حيله ..وقفت ونزلت على صوت الطقاقة ..
وصلت بعد جهد للغرفة وجلست ابتسمت للطيفه ..ا لللي تجهز اغراضي . قلت بهمس : مدري كيف أشكرك ..بس حسيت بضيق يوم شفت ..زوجة ابوي رجعت
دخلت عندي ..افف هاليله ... ماهو خالصين ..بس ارتحتت وانا اشوف ام اسامه وراها داخله ...يعني بتنكتم ...ماراح تضايقني بشيء. ..

ام سمير بكره: بيضي وجيهنا قدام أهل رجلك تراهن يستاهلن
كل خير ...وناظرت ام اسامه وهي مبتسمه بمجاملة ...
ام سامه بجمود : ان شاءالله مايطلع منها قصور ...
ام سمير بخبث: آيه هذي تربيتي صرت لها أكثر من أم بس ان شاءالله يثمربس وتبيض وجهي من رجلها ومنكم ...
ام سامه بسخرية : مادح نفسه ....
ام سمير حقدت أكثر وش ذي جالسه لها على الحبه ...
قالت بحده وقهر من المثل الي تقصدة ام اسامه : ماناقص إلا
تكمليها ي ام ا سامه وهذا وانا جايه مشرفتكم
ام اسامه : ماهو مشرفتنا مشرفة بنت زوجك ...
ريوف
حسيت .. بخوف يوم عصبت أكيد .... الحين تفضحني ...

لطيفه تدخلت بسرعة : هدي يمه وناظرت ام سمير تكفين ..ي خاله ماتفهمي امي غلط
ام سمير : بس عشان بنتي ريوف بصبر إلا امك شكلها ما تعرف كيف تكرم ضيوفها
ريوف حسيت الدنيا تدور فيني ...من كمية الخبث اللي فيها

ام سامه : على قولك ماعندي خبرة في أكرام الضيف بذات مع مرة الابو ...تجيني حالة غريبه الله يبعدك شري لو تلبستني ... ويالله حبيبتي انتهى وقتك روحي الله يستر عليك والزواج وانتهى باقي... ننزف عروستنا لعريسنا ونوصلهن للفندق حياك اذا تبي تمشي معنا ...واذا ماتبي ربي .. يسهل دربك ....

ريوف
قسم بالله على ...خوفي من ام اسامه وبعد زعلي من معاملتها لي.. بس والله بردت قلبي حيل فيها ...
لطيفه بفشله : يمه خلاص
ام اسامه بقهر وبعد تذكرت حياتها قبل ..قالت بعصبية:لا ماهو خلاص ..وشكله اسامه صادق يوم قال انك معذبتها وموريتها الويل...خافي ربك في هاليتيمه
ام سمير اللي معصبه ومقهورة من اللي تسمعه جالسه تنهان بطريقه بشعه قالت بخبث وحقد : لا لا والله انه غلطان وماعذبتها
أبد إلا سعيت عشان نلم الفضيحة الي صارت من أخوه ..ومنها ...ونقذت ولدك من اللي كان بيصير له
ام اسامه فتحت عيونها بصدمه من الكلام الي تقوله همست: وشهوو
...................

كتتتتتتتتتتت ..
ي حلوين نوقف هنا ....عارفة فيه ناس ودها تذبحني على القفله بس من زمان عن القفلات ...وش اسوي وحشتني وأكيد مايرضيكم تكون في نفسي .......اخخخخ
..
((وانتظروني مع مقتطفات من البآرت الثلاثون ان شاءالله تنزل في أقرب وقت ))
،
لا ابيح ولا اسامح من ينقل روايتي او يقتبس منها بدون ذكر اسمي
ولا ابيح اللي ينقلها على الانستقرام حتى بذكر آسمي

استودعتكم الله الذي لا تضيع ودائعه
سبحان الله وبحمده سبحان الله العظيم
" الوتر أحبتي "

بارت جميل وممممتع متحمسة للبارت الجاي ان شاء الله ما يطول لاني انتظر على احر من الجمر 💜💜

للآن سيارتي البطيئة تسير في أرصفة الفصل ‏15‏ وشكلي ما بكمل الفصول إلا والرواية انتهت ‏/مبدعة نوني ربي يحفظك ووليد هذا حرقلي دمي الله يحرق عدوه يبي زوجته تعذره وماهو قادر يعذر رتاج ‏/شكرا فيتو ولي عودة إن شاء الله بعد ما تسير سيارتي