كاتب الموضوع :
عمر الغياب
المنتدى :
قصص من وحي قلم الاعضاء
رد: أزهرت بهطولك
اقتباس :-
المشاركة الأصلية كتبت بواسطة امال العيد  |
صبآح / مسآء .. الورد 💐
.
*
.
**
" والله ما ألوم أمُي. لا تنسى يا عمر. أمُي ما هي مقصرة معه. والله مره. مره شفته مد يده على أمُـي. شفت انكسارها يا عمير. حرام. والله حـــ.... "
-
تحررت منه أم عمر ورتاحت، مدري متى يصحى قلبب غازي م همه إلا رغباته ونفسه .. أهله وعائلته ولا شي عنده تبي تطيح في شر أعمالك يا غازي ونشوف إيش يصير ع أم عمر
**
" أفا يا ريم تبكين. استهدي بالله يا عيون أخوك. يعني تجهلين حب ياسر لك والا وش وضعك؟! إذا على أبوي. ترى اصابع يدك ماهي وحده. يعني اكبر مثال هل انا مثل أبوي؟ "
-
الحمدلله تطمن ع ديما مع ياسر يكفي يحبها بس أخاف هي تطين عيشته وكله من سبب معامله أبوها لأمها وزواجاته جد فيه ابوان يكرهون عيالهم في الحياة وفيه بعضهم كلامهم يسم البدن
**
"أساساً انت مافي منك اثنين. انا مدري ليه ميهاف رفضتك؟ وش يعني صدق عُمر على شنو شايفه نفسها! " لأبتسم لها بوجع " وش جاب سيرتها؟ الله يستر عليها. يلا مستعجل بمشي الحين. كل وحده تلبس عبايتها بنزلكم في بيت جدي الغازي"
-
ميهاف ليش ارفضت عمر ايش السبب يمكن غرورها وتكبرها، هل هي تزوجت او لا ؟! مدري ليش أحس سبب رفضها باايخ وسخيف، لهدرجة عمر حبها من كل قلبه وتوجع حتى من ذكر إسمها وليش م تزوج بعدها هل هو ينتظرها أو كرة يتزوج من بعد رفضها
**
" عمر من هو اللي يتلاعب معك؟ مين اللي يفكر؟ يحرضني على عملي بالمحاماة! يكون واحد من المتهمين أو له علاقة بمنيع! لكن وشلون؟ "
-
يمكن مثل ما قال واحد من المتهمين أو الثلاثي المدمر ويمكن لهم دخل باللي يلحقون سطام*
**
" واحد اسمه سراج وثاني منير هما اللي ارسلوني عليك هذا اللي اعرفه والله والله العظيم"
-
سراج ومنير هم رعد ومنيع ..اعرفوا يغطون على أنفسهم وحتى اللي مرسلينه لسطام ما معه لاحق ولا باطل
**
*"يا حُب عرفته منذ الصغر. يا ساكنة روحي وظماي لجروحي يا ريما"
-
*ياسر يحب ريما ويموت فيها وأتوقع هي تبادلة الشعور لكن فيها خوف من مستقبلها وتخاف ياسر يقلب عليها ويعاملها معامله ثانية
**
" دام انه يزعلني. هاتي وش عندك؟ "
-
ايش تبي منه وتعرف انه راح يزعل يمكن تأجل الزواج أو تطلب الطلاق بس م أتوقع انهبلت عشان تطلب هههههههههههههههه
**
"حينما صرحت بحبها اللعين! غضبت منها لأنها زوجتي كان عليها أن تدرك بأنها امرأة لا تحب سواي أنا... الخطيب الغافل عن حُبها المزعوم. تضايقني أنانيتي الكبيرة بك! الفياض صديق يعرف بكل شيء لكنه تجاهل أمري"
-
احسنت الظن فيه وقلت الفياض م يعرف في الخطبة لكن خاب الظن قلت مسكين م يعرف إلا سكين* والحين اللي ابي اعرفه إن المهرة تعرف من هي صغيرة انها للفياض محد قال لها والفياض م تقدم لها إلا الحين قبل بس كلام*ايش سر تقدمه الحين يعني يبي يقهر الفارس*أو أبوها سمع إن الفارس خطب من جماعته وقال ليش انتظرة ازوج بنتي لواحد يبيها أو تنفيذ وصية مثلا أبو الفياض وصيته الفياض يأخذ المهرة وايش سبب قطاعه الفارس والفياض السبب قوي لكن ايش مدري
**
"عتبي كبير على والدك والذي لم يخبرك! عتبي على عُمر صديق والذي أكبر عنه بثمان سنين! وعن الفياض الفرق بيننا شهور! بلغتُ هذا اليوم الاربعين. كبرتُ شاباً متزناً استشارياً في النفس. رغم انشغالي بعملي لكن كنتُ من مطلع على العلوم الاجتماعية والعلوم الشرعية وحتى الانسانية حتى وجدتُ نفسي فيها"
_
مثل م قلت سمع انه الفارس خطب من جماعته أما عمر يمكن جدة قال له لا تخبر المهرة عن شي أو مهددين لو يزوجون المهرة الفارس ايش السر اللي خلاهم م يتكلمون*
**
"فأنا اؤمن بأن الحُب لا يأتي ولا يتطور في ليلة وضُحاها، وأنه لا يمكنني أن اُصدق أنك أحببتني لمجرد أنكِ تحدثتِ معي!"
-
المهرة راح يعاملها الفارس احسن معامله ويحتويها ومع الوقت راح تتغير مشاعرها للحب وتبادلة الشعور
**
"ودوم أبوي يحكي عنه! لا اجتمعنا بيوم الجمعة اللي هو يوم العائلة، وكنت استغرب من طاريه! يعني معقولة اكون مخطوبة له من اثنا عشر سنة وانا يا غافلكم الله! مدري عن شيء! وشلون كذا؟ معقولة الفياض حبني! وانا ماني له! وضحك علي وعشمني بكلام مهو بقده ولا هو بثوب يطوله! وعشان كذا جدته ام عواد رفضتني! معقولة تفسيره كذا! وإذا يا المهره! وإذا كل اللي قلته صدق! وش بتغير في الموضوع؟"
-
وهنا الغازي يذكر الفارس كل أسبوع ليش طولها وهي قصيرة كان خبرها إنها خطيبته يمكن مايبي يعشم بنته في الخطبة وهو م يدري وش يصير في الدنيا والحين عرفتي يالمهرة عن خطبتك وفعلا رفض أم عواد يتزوج المهرة كان هذا هو سببها م تبي الفياض يتعدى على خطبة صديقة بس آخر شي وافقت يمكن كسر قلبها حال الفياض ورضخت لأمر أو فيه أسباب ثانيه
**
" ياربي والله انه ماصخ المفتري مشتري اثنين وكأنه حاسب لكل شيء. وش هالوهقة؟ ولا بعد! بدون اللي يغطي ظهري! مهير زوجك اعقلي. ياربي انت عالم بنيتي. خلينا اتزين والله ما ارضى. ياربي وش الحل؟ مالي غير اتزين وانسى موضوع الفستان. حسبي الله على عدوك يا الفارس. كأنك مهبل فيني "
_
ايش سبب شريته للفستانين مثل بعض كأنه عارف في اللي راح يصير يعني مافوت عليه الفستان وشافه عليها ههههههههههههههههه أو له سبب ثاني*
**
"أغمضت عيناي لأجده يهمس لي بنبرة كلها فرحة نبرة البحة صوته الغريب على مسامعي تلك اللحظة التي آمنت فيها أنّ في العمر ما يستحق أن نعيش لأجله أكثر من الخيبات التي زرعت بقلبي أيعقل أن الفارس كان هو النصيب الاكبر! كان هو باب الصبر والخير! هل تكون فلقة الضوء الأولى هي التي يصير للصباح معه لون ورائحة ومعنى، وأكثر من التمني بأن اصير لك بنت الصبا، وأكتب لك الشعر وأرقص أو أكثر جنوناً أن أصبح قصيدتك الأولى ونهايتك انتَ يا الفارس"
*"الله يمنحني نشوة كتابة الشعر لكِ يا قصيدتي وفرح الرقص على الموسيقى، ورضى الابتسامات التي لم تنطفئ من قلبي. منحني الله جنة الدنيا يا المهره " قصيدتي من اليوم انتِ قلبي، وعيوني، وروحي يا المهرة "
-
يااه ياشعور الفارس وفرحته م أقول إلا الله يدوم* فرحته ولا أحد ينغص عليه < قولوا آمين ههههههه
أما المهرة وعلى كثر الخيبات وصبرك وعوضك ربي في الفارس ..إذا كان كلهم شعار ف ي أهلا في الدواوين ^_^
**
"بكره صباح يوم الاحد بلغي ابوك انه عميمتك حنين بتروح للمحكمة وبتقدم الخلع اللي ما يعرفه خالك اني صدق عفته دام انه مهو راضي يطلق بخلعه مثل ما يخلعون المفتاح من الباب يساير امه طيب يعطيني خبر مهو يا غافلكم الله. والله ثم والله ما اخليه ينال اللي في باله والله لا يندم ويتحسر وقولي ما قالت عميمتي حنين هاتي جوالك جوالي كسرته وفكيته ورميته على اقرب سلة نفايات"
" عميمتي من حقك والله كل واحد له طريق بحياته ودام انك عفتيه مستوعبة المجتمع اللي انتِ فيه! ترى كلامهم ما يرحم بتقبلين السنتهم اللي كأنها نار تحرق رجل واطيها انا اعلمك على شيء يوجع. المره لا تطلقت يحطون فيها الف عيب وعيب. وكأن الحرام اللي يمشي على المره مهو مثل على رجال. شايفين انّ رجال منزهين. ولا يقولون لك رجال شايل عيبه. "
وبهدوء " أنا أساساً استخرت كثير. والحمدلله مرتاحة اخلعه. دام انه واثق أنّ حنين تحبه. يعني عادي هو فاهم أنّ أدوس على نفسي عشانه فاهم غلط. اتركي باقي جروحي"
-
كنت خايفه انها ترجع له لكن أثبتت أنها تقدر تستغني عنه وهذا اللي ابيه لأنه ما يستاهلها عاد نشوف من تكون من نصيبة ويقدرها ، راح يذوق غافر الحسايف ويستاهل ما جاءة أما المجتمع وسالفة الطلاق ف محد يسلم من السانهم لو وحدة مهتمه في بيتها وزوجها وتحبه ويحبها م راح يسلمون ف عادي راح يتكلمون وبعدها ينسون ...وحنين استخارات والخيرة فما اختارة الله
**
*سلطان " استهدي بالله فكري مرة ثانية "
-
وراء إصرار سلطان شي أو م عنده سالفة، أحيانا أو دائما تفكير الرجال غير عن الحريم ف عادي لو اشوف كلام سلطان كذا
**
أما سلطان وضياء.. صراحة مدري كيف متحمله ضياء شخصية ومزاجة يااختي أحسه معقد وما ينبلع .. وفستانها وش فيه يا شيخ والله يحب يتحكم ع الصغيرة والكبيرة .. أما حظورك م كان في الحسبان ههههههههههه ويقول اتقي شر الحليم اذا غضب والله مدري مين الحليم والصابر وبعدين كل واحد يستفز الثاني ويظهر قوته ع الثاني ... السحر لحد الآن م تشافوا منه ع كذا يكرهون بعض .. أما سالفة يتزوج سراب هو صادق أو يمزح بس كلامه كأنه صادق ويمكن سراب وراء السالفة سوت شي مثل السحر وجابته لها .. ما أقول إلا حسبي الله ونعم الوكيل على كل ساحر وساحرة اللهم ياقوي ياعزيز ابطل سحرهم واجعل كيدهم في نحورهم ياسميع ياعليم آمين
-
" مرت ثمان واربعين ساعة، ومثل ما انت شايف الضربة كانت قوية من فضل الله انها جات قريبة من القلب مع الأسف اقولك تن أخوك بغيبوبة الله العالم متى يصحى منها! استأذنك "
**
انكتب له عمر جديد ...لكن راح يفوق من الغيبوبة م فيه شي أو راح يتضرر من بعد الحادث نشوف الأحداث
-
" يكفي عتب يا ديم! يكفي! يعني انا والله مهو مقصدي ادعي عليه افهمي عليّ"
**
وعرفت وهج ليش تكرة نايف بسبب الموقف وهو استفزها م قصر وهي كانت في فترة مراهقة* فترة حساسة حيل وأي شي يأثر عليها ..ومرت السنين إلا إن كرها له يزيد ..مدري كيف راح تمشي حياتهم ويمكن النايف اذا صحى من الغيبوبة يفركش الخطبة وخاصه اذا عرف عن ردت فعلها أما الموقف اللي كرهت فيه يااختي العيال فيهم نعومه ما شاء الله عليهم أجل ثعبان ..زين م طار عقلها أمانه الثعبان م يخرع يممه بس ...الحين تكن له مشاعر أخو مو خطيب ولا زوج والله مدري كيف راح تمشي حياتهم احتمال م راح يتزوجون ولكن نايف م راح يستسلم واضح عليه يحبها بس لازم يطول باله ويصبر لأجل عيونها
-
"أنا لو علي يا وهج كان وافقت على سعود بس في شيء يمنعني ما اتمم هالزواج أولها عشان أختي ريم بتطمن عليها وبـ استريح لا شفتها مبسوطة"
**
وعذرك يا ديما اختك وايش السبب الثاني اللي يخليك م توافقي على سعود ؟ يمكن عارفه شكه فيها لكن كيف عرفت سامعه شي أو سبب ثاني
-
"أبي حضورك بهالمكان، ولا أسمع انك حكيت الشرطة، حتى نفسك ما أبيها تعرف"
**
تهديد صريح .. أتوقع بس مسوين الفوضى كذا م يبون اوراق ولا شيء لكن يبون عمر بنفسه .. يعني منيع وشلته أو أحد المتهمين عنده* .. إذا م يبون اوراق أو غلق قضية ايش يبون في عمر مثلا يذبحونه لأنه يعرف أشياء عن مخططاتهم ...انا كل حياتي إجرام هههههههه
**
" مدري يا عُمر متلخبط متشتت، مو فاهم وش اللي يصير بالضبط؟ أكثر من مره نايف ينبهني من الاتصالات من أرقام غريبة! "
لتتسع عينه بصدمة كبيرة " يكون منيع له يد في الموضوع ! "
-
أولاد العيله كلهم مراقبين من سطام ونايف وديما وعمر وباقي ياسر* والباقين الدور عليهم يمكن مطنش ياسر التهديد* ويمكن م جاء شي بعد
**
"ما قصة الأرقام الغربية، والتي يحذر منها نايف! "
فتارة أقول بأن هناك أمر بين منيع وبين هذه الفوضى والمجهول الذي أحدثها، وتارة كيف يحدث أنه لم يلتقِ، وقصة العمة المهرة! لحظة بالأمس كانت تحدثني عن جدي أكان لديها علم! أيعقل يربطني عن أسرار أهلي، ولا عن سر اختفاء العمات ثلاث! ما هذه الكارثة يا عمر؟"
-
ويمكن التهديد كله وراء اختفاء العمات* مثل ما قال .. لكن ليش التهديد ؟! قدامنا مشوار طويل في الأسرار طووويل
**
" يا زينك يا زهرة صح عليك شور والله وبدأت تتجاوزين مراحل كثيرة، وهذا بفضل الله ثم اجتهادك، والمفاجأة الثانية مع العام الجديد احتمال كبير راح تدخلين المدرسة "
-
افضل قرار اتخذوا أو اتخذته ليلى لزهرة، في الزمن هذا أهم شي الشهادة ولو تعليمها جاء متأخر إلا إن العلم م يعرف عمر
**
" صح كلامك. ما الله كتب لي نصيب اني اتزوج، ما يمنع اني اقول لك تجربة هذه علمتني الصبر. تدرين عندي جارتنا أسمها ثريا! هالبنت طيبة لأبعد حدود! مير مشكلتها مع زوجها! ما تخرج من البيت ابد. حاولت معها أخرجها باللي هي فيه! تقولين كأنها يأست من الحياة. رغم عندها عيال تقدرين تقولين الله عوضها بـ اطفالها! "
لتتسع عيني بصدمة " معقولة! طيب ليه ما تخرج؟ وتجي هنا وتغير جو! "
ليلى بحزن " زوجها يمنعها. ما غير انا اجي لها بين فترة وفترة! اللي يحزن صدق! لها عن أهلها فوق عشر سنين ما شافتهم! "
وبنبرة حزينة " يا حياتي ليه زوجها كذا قاسي عليها مهما يكون هذولا أهلها! الله يفرج عليها كربتها! يصير يوم تأخذني لها! "
لتهز رأسها بإيماءة " إذا الله كتب ليه لا "
-
يمكن نصيبهااااا عممر وخاصه انهم تعرفوا على بعض بلا ميهاف بلا بطيخ .. وبعدين ميهاف ليش رفضت عمر وش السبب وخاصة انها صديقة المهرة رفضها كان له مبرر قوي < شكلي ابي ارحمها شوي بشوف عذرها وبعدين أحكم ارحمها أو لا ههههههههه
جاء بالي توقع يمكن تكون محرمه عليه حرمه أبدية الله يعينكم على شطحاتي بس استقبلوها في صدر رحب (: أو هي اللي متزوجها الفياض تكون ميهاف يمكن لأن المهرة قالت اللي قهرني انها بنت وبعدها اغمى عليها أما ثريا يا قربها من أهلها ووطنها ويا بعدها عنهم ايش دافع ضاحي لنفيها عن أهلها 10 سنين وحملت ولدت وربت اعيالها يا صبرها ع الفرقى انا عندي امل ان زواج ياسر فاتحة خير وكل أملي فيه وهم خايفة انه م يتم... راح تعرف أم غيث عن زهرة وأهلها ويمكن تعرف سر زواج زهرة من أبو حاتم وتفرح ولدها في الخبر .. وأم عبد الله تستبشر وتفرح اذا عرفت من ليلى عن بنتها وخاصه أن زهرة تعرف اسم العائلة ويمكن هي راح تبشرهم*
**
" معليش ما اقدر اخليك هُنا، وخصوصا أهلي يبون يحتفلون بعرسنا، وانا هالفترة مضطر اتركك عشان شغلي! كان بودي نسافر شهر عسل مير العُمر قدامنا"
-
صراحة فراق الاهل شين وخاصه لك يالمهرة .. وهو خايف عليها وحتى يمكن يهددونه فيها أو يهجمون عليها ويخطفونها قايله كلي إجرام هههههههه ... وخلاص صرتي مرة متزوجة يالمهرة لازم تهتمين في بيتك وزوجك وهذي هي الحياة لازم الفراق**
**
" كلهم ضحكوا عليك! ليه كتموا سالفة اني خطيبته؟ ليه تقدم الفياض؟ وعشمني بحب كبير ونهايته زواج! ليه أبوي في كل مرة يقول لي خذي الفياض؟ وليه غازي أخوي يقول احتوي محمد ما له ذنب؟ وأنا وش كان ذنبي عشان اكون مجهولة بكل شيء! بكل شيء! لـــيه؟ "
-
ودي افهم ليش أو دافعهم لإخفاء الخطبة قلت يمكن سمع الغازي إن الفارس خطب وقلت يمكن زوج بنته عشان وصية بس متأكدة فيه سبب ثاني ويمكن مهددين اذا وافقوا ع الفارس* وآخر توقع يمكن الفارس صار له حادث ودخل غيبوبة مده طويله وعلى كذا قال ازوج بنتي والصدمة إن الفياض يعرف انها خطيبة صديقة ليش خطبها ايش السبب م طلع معي شي صراحة*
**
" كذا مزاج. مابي اسافر معك الإحساء تدري ليه؟ لأنك. لأنك قاسي وظالم. تبي تروح لشغلك وشهر! شهر بتخليني بروحي ما كأني عروس! لا تنظر لي كذا. من حقي أمنعك، ومن حقي أرفض. ومن حقي بعد... "
حتى يضمني لصدره ويضحك " الحين كل هالزعل وما تبين تروحين، وهذاني موضح لك انه عشان شغلي. بس خلاص ولا يهمك خلي شغل يولي ولا تزعل المهره. هِدي، وبعدين في هالبرد مأخذه دش بارد، ما تحسين بالبرد! "
-
أما ردت فعلها م توقعتها منها جد ضحكت ي عيني يالفارس قاسي وظالم كأنك افتريتي عليه ههههههههه وهاه يالمهرة ترك شغله ويبي يجلس عندها ...نشوف الأحداث كيف تكون حياتهم
**
" الفارس! ياربي وش ذا اللي فيني؟! وش ذا الألم الموجع؟! "
حاولت أن أبلع ريقي وأعتصر بطني لأنحني وبأنين " الفــــــــــارس "
-
يالله يا الوجع والألم اللي مرت فيه صبرت كثير وبعدها م تحملت وصار اللي صار اللي مرت فيه حسيتها كثير صبرت وتحملت كثير كثير زين انها صبرت اللي هذا الحد اشوفه أعلى مراحل الصبر وتحمل
**
" لو تهمك عمتك! كان حكيتوا عن اللي صار قبل ما اهجر الرياض قبل ما انتقل للأحساء يا عُمر. "
يبلع ريقه عُمر " انت حكيت لها! الفـارس وش قلت لها؟ اعرفها عنيدة وتنبش بالماضي كثير. "
وبضحكة ساخرة " عمتك يا الفالح تعبانة مريضة! تدري ليه. لأن صدمتين فوق رأس توجع! الحين تجي يا عمير، والا بتشوف علوم ما تسرك! "
-
ليت اعرف السبب الحقيقي وش دافعهم لخفاء الخطبة وليش الغازي م كان قد كلمته وليش الفياض خطبها وهو كان يعرف انها خطيبة صديقة وليش عمر م تكلم وهو صديق الفارس وقريب من المهرة
**
وسلامتكم يا أصدقاء أزهرت بهطولك
|
وصباحك ومساك بالمثل يا آمال.
حي الله منوره المكان كعادتك $:
اي أخيراً تحررت أم عُمَر، لكن وش ردة فعل غازي! الله يستر
ياسر & ريما ديما لسعود*
ههههههههههههههه بالنسبة لجنون رييم ما يندرا عنه، بالفعل كلامك صحيح.
***
ظلمتِ مهياف المسكينة!
الاسباب توضحت لك آمالي
***
وما زالت قصة عُمَر مجهولة لكن كل شيء بيتضح بوقته بإذن الله.
***
ههههههههههههههههههه آه يا بطني، اللي مرسلينه لسطام من جد لا معه لا حق ولا باطل
***
برافو حللت خوف ريما صح 
فعلا كانت ناوية أن تأجل الزواج، بس أجواء المطر نستها كل شيء 
***
الفياض، والقصة تطول عنده!
مهو قهر كثر مهو يحبها وما يبي يفرط فيها لكن رفض جدته كان صدمة له.
لا لا مالها دخل الوصية. سبب الغازي ابسط من كذا 
عُمَر توضحت اسبابه بالجُزء التاسع.
نقول إن شاء الله المهره تنسى كُلّ وجعها وتعيش حياتها بعيد عن الماضي الموجع بالنسبة لها.
***
|
اقتباس :-
|
وهنا الغازي يذكر الفارس كل أسبوع ليش طولها وهي قصيرة كان خبرها إنها خطيبته يمكن مايبي يعشم بنته في الخطبة وهو م يدري وش يصير في الدنيا والحين عرفتي يالمهرة عن خطبتك وفعلا رفض أم عواد يتزوج المهرة كان هذا هو سببها م تبي الفياض يتعدى على خطبة صديقة بس آخر شي وافقت يمكن كسر قلبها حال الفياض ورضخت لأمر أو فيه أسباب ثانيه
|
صح برافو عليك هذا واحد من اسباب الغازي. ما يبي يعشم بنته، رغم أن الفارس جاء له بثاني سنة من زواج الفياض، وجدد خطبته ببنته لكن! وش سبب الثاني اللي خلىّ الغازي يكتم عن الموضوع.
***
الفستان اللي ارسلها لها مع الهدايا، يعني محطي جميع الاحتمالات من المهره لذلك كان مشتري فستانين من نفس نوعية  
ههههههههههههههه آمين يا آمال.
اي والله هم مو شعار لكن لهن ذوقن بالقصيد وكذا ^^
***
حنين شعور الاستغفال، وخيبات كبيرة من غافرها.
لكن تهقين بترجع بكلامها ^^
ههههههههههههههههههه سلطان من يوم ما سحروه ما عنده سالفة.
سالفة سحرهم من بداية زواجهم لكن آثاره ما طلعت الا بالسنة الاخيرة وخصوصا كملوا خمس سنين. 
اي والله حسبي الله ونعم الوكيل على كل ساحر/ة.
***
نايف وغيبوبته بنشوف وش بيصير له.
وهج مواقف المراهقة مأثره عليها كثير، لذلك ما كانت تبي نايف!
ههههههههههههههههه العيال فيهم نعومة من ناحية ايش يا آمال!
الا والله يخرع الثعبان عاد أنا اكتب واتخيل ووووه هلا بتخرع استغفر الله العظيم، تعرفين العيال ومن ضمنهم نايف عشقه غريب!
إن شاء الله ما يصير الا كل خير بينهما.
***
بالنسبة لديما تقدرين تقولين هي اخت الكبيرة، وشخصيتها الباردة يعني ما توقعت أنه أحد بيهتم لها لذلك ما كان في بالها زواج ابد ابد، وتبي تتططمن على أختها، ما يندرا وش عقب بيصير.
***
ههههههههههههههههههه عُمَر وقصة المجهول، مع الوقت بيتضح لكم كُلّ شيء.
يمكن على قولتك.
يب شوي شوي بيتضح لكم كُلّ شيء بإذن الله.
***
بالفعل العلم ما يحتاج له عمر.
وخطبت ليلى لعمير يا زينك والله ههههههههههههه
أما شلون حرمة ابديه مت مت ضحك على أفكارك يازينك والله.
وقصة ثريا باقي ما يندرا وش بيصير عليها!
الافكار تدور برأسي الله يستر بس. يمكن والله صايرة تخوف أفكارك يا آمال
بس برافو عليك
***
وبلسان المهره "تقول إن شاء الله عمتي آمال."
الحمدلله توضحنا شوي من إخفاء الخطبة لك.
صدقتي والله تحملت كثير بخدعة كبيرة والله.. يمكن الايام كفيلة تداوي وتطيّب جروحها.
***
والله يسلمك، وشكراً على ردك الجميل، ممتنة لك آمال كثير
عسى الله لا يخليني من هالحضور.,
|
21-01-16, 11:26 PM
جديد مواضيع قسم قصص من وحي قلم الاعضاء
العرض العادي
