*
هزت راسها وتقدمت من السيارة وادخلت رجلها اليمين داخل السيارة بهدوء
لكن في إيد سحبتها واخرجتها من السيارة بسرعة تفاجئت رفعت راسها حتى تشوف مين سحبها نظرت للشخص بتمعن لكنها عجزت انها تعرف هويته
في هذه الاثناء خرج الشاب من السيارة وعلى راسه علامه استفهام كان وده يتكلم لكن قاطعة حمد بصرامه : من سمح لك تركب البنت بسيارتك الدنيا سايبه عندك ؟
الشاب ببراءة : وش علاقتك بالموضوع وبعدين كنت ودي تدلني على بقالة قريبة من هنا فيها شي بعد ذي ؟!!!!!
حمد بعصبية : ما فيها شي واتمقلع من هنا قبل ما اتصل بالشرطة وتاخذك بتهمة اختطاف
كان الشاب يحلف لحمد انه نيته طيبه وانه غريب عن هذي المنطقة وما يعرف شي عشان كذا طلب منها تدله على مكان البقاله ....
*
*
*
تركت حمد يتفاهم مع الشاب ومسكت يد ريم وشدت عليها وتوجهت قريب من سيارتهم وجلست على الرصيف واجلست ريم بجانبها

كانت ريم تمشي معها بهدوء لحتى تعرف مين هاذي اول مرة تشوفها ذبحها الفضول عشان كذا مشت معها <قلنا لكم ملقوفه هههه



جلست على الرصيف واجلستها جنبي وسألتها بهدوء وحنيه : ليش يا ريم تعملي كذا ما تعرفين انه خطأ تطلعي مع شخص غريب يمكن يسرقك
كانت متفاجئة وعلامات الدهشة على وجهها طنشت كلامها وسالت : كيف تعرفين اسمي ؟!!!!

مسحت على شعرها بحنيه : يمكن ما تعرفيني بس انا اعرفك وتنهدت لما جيتي عند اخوي ابو سيف كنت موجودة وبس بعدها سافرت مع زوجي ورجعت الحين عشان العيد

ريم ببراءة : يعني انتي اخت ابو سلمى قصدي ابو سيف الحقير ؟!!
الهنوف : ما يصير كذا يا ريم انت كبيرة وعاقلة وشطورة ما يصير تغلطين وبعدين لازم تحترميه لانه بكون ابو ....
قاطعتها ريم :بس انا ما احبه لانه واحد حيوان
الهنوف :انا وش قلت لك ما يصير وسرحت الهنوف تتأمل بوجه ريم متغيرة حيل عن اول اذكر لما جت كانت صغيرة وبيضاء وخدودها منفوخات صحيح ما كانت ظاهره معالم وجهها مضبوط وقتها من كثر البكاء بس كنت اشوف جمالها لكن الحين اختلفت نهائيا وجهها اسمر حتى غره لشعرها ما في ونحيفه بشكل وقصيرة يا حليلها صايره تشبه الاولاد ونزلت دمعه من عيني غصب عني على حالها كيف وجهها احمر من الضرب وفي بقايا دم في وجهها تنهدت بقهر وانا اتمنى نايف قدامي واطلع حرتي كلها فيه وقسم بالله لولا انه اخوي وما ودي اعمل مشاكل غير اروح واشتكي عليه لمركز الشرطة

قاطع افكاري زوجي حمد : يالله خلينا نمشي

مسكت يدها حتى اقومها معي لكنها سحبت يدها وهزت راسها دلاله على الرفض
الهنوف بحنان: يلا الشمس حاره قومي اكيد الحين ابو سيف قلقان عليك

ردت بحزم وعصبية : الله ياخذه ما ودي ارجع عنده وديني لدار الايتام بطريقك لاني خلص ما رح ارجع له لانه واحد حقير وكلب ونذل
حمد كان مستغرب من لسانها وبنفس الوقت يناظر الشخص للي واقف خلف الهنوف وريم وطبعا مو منتبهات له وطبعا يسمع كل الكلام وعيونه حمر من العصبية ......
قاطعتها الهنوف : يا ريم عيب تتكلمي كذا يالله قومي نرجع
ريم لوت بوزها : ما ابغى اروح عند الوحش وديني عند
قطع كلامها اليد للي سحبتها ووقفتها على حيلها نايف من بين اسنانه : انا للي رح اوديكي على جهنم
وقفت الهنوف بسرعة وسحبت ريم من يد نايف : انت متى جيت ؟!
وكملت كلامها بقهر :وبعدين معك يا اخي انت ما عندك احساس ما تفهم هاذي طفلة كيف تعمل فيها كذا شوف وجهها خرايط من الضرب حرام عليك اليوم العيد كل الاطفال مبسوطين إلا هي وبصوت عالي كافي حرمان حرام عليك حرمتها من كل شي
كانت الهنوف تتكلم و تمسح دموعها للي كانت تنزل حزن على حال هالبنت
نايف ببرود : حلو اقول يا حنونه وش عرفك اني حارمها من كل شي وانتي من يوم جت سافرتي وما رجعتي إلا الحين ؟ وكتف يدينه ينتظر الاجابة
الهنوف بقهر منه : الكتاب باين من عنوانه بالله هاذي ملابس عيد ؟ هذا شكل طفلة يوم العيد نازل فيها طق إذا انت مو قد المسؤولية اعطيني إياها واربيها واكسب فيها اجر

نايف ومن داخله بركان بس يتظاهر بالبرود : حلو يا ام قلب رهيف خذيها وربيها عندك بتريحيني منها وكمل بعصبية انتي تعرفين بعد كم سنه ريم رح تكبر كيف ودك إياها تعيش مع زوجك وبصراخ جاوبي ؟!

تدخل حمد بعصبية : وبعدين معكم حنا بالشارع مو بالبيت فضحتونا ووجه كلامه للهنوف يالله عالسيارة بسرعة
الهنوف بعناد : ما رح اطلع إلا ومعي ريم ومسكت يد ريم وشدت عليها
حمد وهو يكتم اعصابه : هذي بنته لو يذبحها يموتها ما لنا دخل فاهمه ويالله بدون عناد

سحب نايف يد ريم من الهنوف وبأمر : الحقي زوجك بسرعة ولا تعملي مشكله معه على شي تافه

الهنوف من بين دموعها : حلفتك بالله لا تضربها

نايف ببرود : روحي وما عليك منا ما رح اضربها

توجهت الهنوف للسيارة وهي خايفة على ريم من نايف دخلت السيارة وهي تمسح دموعها
حمد تنهد : عارف انك شفقانه على البنت بس حنا ما يطلع بدينا شي هو ابوها وادبر فيها هزت الهنوف راسها تؤيد كلامه وغادرت سيارتهم المكان .........

كانت ريم تناظر السيارة ولما غابت عن نظرها تذكرت إنه نايف ماسك يدها نفضت يدها منه بقوة وبقرف : من سمح لك تمسك يدي وبدت تمسح يدها وكانها منقرفه منه

نايف كتمت غيضي وخاصة اني وعدت الهنوف ما اضربها توجهت للسيارة وطلبت منها تلحقني كما توقعت رفضت تركب ولسانها الطويل ما سكت
كنت تعبان من الحر وانا ادور عليها قرفان نفسي ومو فاضي للعناد تقدمت منها حملتها كانت تحاول تفلت من يدي فتحت الباب الخلفي وسكرت الباب وركبت السيارة وتحركت راجع للبيت
اتصل ابوي وخبرته اني لقيتها سكرت الخط واستغربت سكوتها نظرت من المراية شفتها جالسة ورافعه رجلينها وحاطه راسها عليهن ووجهها لجهة الشباك وكانت نايمة حسيت بنغزة الم بصدري على حالها شو ذنبها اذا انا انحرمت من شي غالي على قلبي احط حرتي فيها هي ما لها ذنب تنهدت بتعب وبررت موقفي ذنبها انها تذكرني بالماضي نزلت دمعه من عيني مسحتها وانا اجهل سببها تعودت من الشيطان وكملت طريقي وانا استغفر ........
*
*
*
*
*
دخلت من البوابة الكبيرة متجه لبيت اهلي الكل مجتمع هناك كانت سيارة حمد موجوده زفرت بضيق نزلت من السيارة وفتحت الباب الخلفي كانت غاطه بالنوم هزيتها لحتى تصحى فتحت عيونها بشويش ونظرت حولها حتى تعرف هي وين وبعدين وجهت نظرها لجهتي ولما استوعبت اني انا للي قدامها عبست ملامحها وكانه قدامها جني تكلمت بامر : يالله تنزلي
نزلت بهدوء وهي ساكته استغربت يمكن النوم اثر عليها وصارت هاديه مشيت وكانت هي خلفي تمشي بهدوء وصلنا للمجلس مجتمع فيه الجميع دخلت ورديت السلام على الجميع .
*
*
*
*
*
كانت انظار الجميع خلف نايف يناظرون الكائن الغريب بالنسبة لهم
دخل نايف وجلس على الكنبه بتعب وكانت ريم واقفه عند الباب والكل مبحلق فيها تقدمت كم خطوة بثقه ومتجاهله النظرات للي من حولها نادت عليها الهنوف بحنيه : تعالي ريوم اجلسي عندي

نغز عمر سليمان بصوت واطي : احلا وهاي عمتي الهنوف بدلع خطيبتك وصار يضحك بشويش
قرصه سليمان بقهر بيده وهو يتوعد فيه
تقدمت ريم بتكبر وجلست جنب الهنوف
يكمل بدر تعليق على سليمان بصوت واطي : اموت على هالكبره يا ناس محد قدك سلوم
نواف مو قادر يثبت نفسه من الضحك على شكل سليمان للي يتوعد بالشباب
الجد بحزم : علامكم تضحكون ؟!
نواف وهو يكتم ضحكته : لا ابد بس نتشاور متى نروح عالملاهي صح شباب وغمز لهم

ايد الشباب كلام نواف وطلبوا من الجد يروحون الحين .
الجد : لا مو الحين بعد المغرب بنروح كلنا ورجع الجد لكلامه وكان حديثهم عن الشغل والشركات اما الحريم فكانت سوالفهم كلها حش
والصغار خارج المجلس يلعبون والشباب قاعدين ضحك وتعاليق على بعضهم
طبعا ما عندهم بنات صبايا اكبر عمر للبنات عندهم 12سنه بالبارتات القادمه رح نتعرف على شخصيات جديده
*
*
*
*
*
كانت ريم جالسه عند الحريم طق كبدها من سوالفهن ولا تخلو الجلسة من نظرات الجده ام سلمان للي لو يطلع بيدها توكل ريم بسنونها بس للي مانعها زوجها ابو سلمان حلف يمين عليها ما تفتح فمها معها وخاصة انه العيد وما وده يزيد النكد بالبيت .

مر الوقت وصار الوقت بعد المغرب وكان الكل مستعد للروحه
الهنوف وهي تكلم ريم : يالله تعالي معي اغسل لك وجهك عشان تروحي معي
قاطعها نايف بحزم وجه كلامه لريم : الحين اتصل بميري تيجي تاخذك وترجعي عالبيت بسرعة
الهنوف بعناد : لا رح تيجي معنا وش ناقصة عن الاولاد حتى تمنعها تروح
نايف بعصبية : والله والله والله ما تروح الملاهي وهذا انا حلفت
الهنوف ببرود : مشكلتك روح كفر عن يمينك
الجده جلست : اذا ريم راحت ما رح اروح
الهنوف بعصبية : قسم بالله اذا ما راحت ريم معنا يحرم علي اجي عندكم او تشوفون وجهي مره ثانيه
نواف يهمس لسليمان : تدخل انت وقول خطيبتي ودي اخذها معي ما حد له دخل
ضرب سليمان نواف بوكس ببطنه وهو يتوعد فيه

تدخل ابو سليمان بحكمه : يا نايف وش يضرك لو طلعت البنت واستانست لا تنسى اليوم العيد وغمز له يعني مشيها عشاني
تنهد نايف بقهر وما قدر يرد اخوه الكبير : اوكي توكلنا على الله وتوجه لامه عشان خاطري قومي معي ولا ترديني
وايد كلامه اخوه سلطان : يمه اليوم العيد والاولاد ينتظرون هذي الساعة عشان الالعاب لا تحرميهم
تنهدت وقامت وهي مغلوبه على امرها ما تحب ترد اولادها
كان نايف واقف ويناظر ريم ومقهور من نظراتها كانها تقول له خاوه غصب عنك وكان بداخله بركان يغلي من القهر
وكانت ريم تبتسم ابتسامة نصر <مو قليله هالريم هههه
*
*
*
*
*
توجه الجميع للملاهي وريم ركبت مع الهنوف لانه نايف رفض يركبها معه
كان الكل يلعب ومبسوط الا ريم كانت تحس بغصه بحلقها اصرت عليها الهنوف تلعب لعبت لعبه وحده وكان باين من عيونها الحزن كانت تحاول الهنوف تسعدها بكل الطرق بالمقابل نايف ما سأل عنها كان منشغل مع بناته للاسف
تركتها الهنوف على المقاعد وراحت تشتري بعض الاشياء ....
*
*
*
*
كانوا واقفين مبسوطين عالاخير سكتهم عمر وهو يوجه سؤاله لسليمان : ما هقيتها منك يا سلوم تترك خطيبتك لوحدها و تيجي معنا واشر على ريم

سليمان بقهر : اقول قسم بالله اذا ما بتغيروا هذي السالفة اني الحين ارجع عالبيت
وكمل وبعدين ناسي العمر بيني وبينها اصحى اكثر من 10 سنوات واشر على بدر ليه ما تاخذها انت العمر بينكم اقل وكمل بقهر وبعدين اولاد اعمامي في كثير من نفس عمرها عندك عبود وحموده هم اولى بها
نواف وهو يبتسم : اعصابك يا حلو يلا شباب خلينا نشوف بنت العم وش قاعده تعمل
سليمان بقرف،: روحوا انتم انا استناكم هنا
طنشوه الشباب وتوجهوا لعند ريم
نواف : حيالله بنت العم
ريم على راسها علامات استفهام ؟؟؟؟؟؟
عمر : ليه ما تلعبي بالالعاب ؟
نظرت له ريم نظرت استحقار
بدر :اموت انا عالثقيل يا ناس ريوم
قاطعه سليمان بقهر : وبعدين معكم انتم خلو البنت بحالها
نواف : يا عيني يغار على خطيبته ما حد قدك يا ريم خطيبك بيغار عليك وانسدح عالارض من الضحك
سليمان وجه كلامه لريم : وش تسوين وحدك هنا وبحزم جاوبي؟
ريم بقرف : وش علاقتك فيني ما لك دخل فاهم ويالله انقلع من هنا
سليمان بثقة : بصفتي انك خطيبتي لما تكبرين
ريم ببراءة : ومين قالك اني ودي اتزوج وسكتت بتفكير وبعدها كملت ببراءة انا اذا تزوجت رح اتزوج سالم لانه مو طويل مثلك واحلى منك
عمر وهو مو قادر يتكلم من كثر الضحك : خبرتكم بنت العم مزبطه وضعها مع الولد اقول سلوم راحت عليك البنت مخطوبه لصديقها
وانسدحوا عالارض كلهم من الضحك إلا سليمان للي فور من العصبية ومسك يد ريم وهزها بقوه
وهو يقول انا من زمان وانا اقول هذي البنت رح تجيب لعيلتنا الفضيحة وقطع كلامه كف على صباحه خلاه منصدم من هذا الشخص
*
*
*
*
*

الحمد لله و الشكر
العائلة الكريمة كلها علي الضعيفة ..

ما في بارت اليوم؟؟

*
عمر وهو مو قادر يتكلم من كثر الضحك : خبرتكم بنت العم مزبطه وضعها مع الولد اقول سلوم راحت عليك البنت مخطوبه لصديقها
وانسدحوا عالارض كلهم من الضحك إلا سليمان للي فور من العصبية ومسك يد ريم وهزها بقوه
وهو يقول انا من زمان وانا اقول هذي البنت رح تجيب لعيلتنا الفضيحة
وقطع كلامه كف على صباحه خلاه منصدم من هذا الشخص!!!!!!
ابو سليمان بقهر : هذا عشان تثمن كلامك مرة ثانيه وتبطل المصخرة والكلام للي زي وجهك هذي بعدها بزر تعلمونها بكلام كبير على عمرها وماصخ مثلكم وانت وجه كلامه لسليمان اذا كنت صدق ودك البنت انا الحين اروح لجدك واحيرها لك اما اذا كنت تتغشمر قسم بالله انك حتشوف شي ما عمرك شفته وبصراخ فاهم ووجه نظره للشباب الباقيين يا حيف الشوارب واللحى للي خاطه بوجهكم لانها للرجال مو للبزران ومسك يد ريم ومشى فيها
*
*
*
مرت عشر دقايق كانوا ساكتين وما تكلموا بشي بعد كلام عمهم بهذا الوقت رجعت الهنوف نظرت للشباب باستغراب دايما ضحكهم يملي المكان عالامهم ساكتين ! تقدمت منهم وردت السلام رد عليها والبعض ظل ساكت
الهنوف بتعجب : علامكم ساكتين مو من عادتكم
نواف بدون نفس : ما في شي
الهنوف رفعت حاجب بعدم تصديق : اها صدقتكم طيب وين ريم ؟!
ما حد رد عليها
الهنوف بنرفزه : ليه ما تردون انا اسالكم ؟!!
سليمان بعصبية : افففف وبعدين مع اسئلتك الكثيره ابوي اخذها ارتحتي الحين

الهنوف بتفهم : قول من الاول انه ابوك كان هنا اكيد قصف جبهتكم ههههههههه
وتركتهم وراحت وهي تضحك على اشكالهم المبهدله
بدر بقهر: قسم بالله لولا انها عمتي لقوم اتوطى ببطنها حضرتها بتستظرف
سليمان بقهر : كله بسببكم الله ياخذكم يعني عجبكم كذا ابوي زعل مني
نواف : خلص روح حيرها لك وكذا بيعرف ابوك انك كنت صادق ويرضى عليك
قاطعه سليمان بعصبية : اقول تلايط انت ووافكارك للي مثل وجهك وسحب حاله وتركهم وغادر المكان
نواف يمسح على وجهه وبغرور : يا زين وجهي يحصلك توصل جمالي ...
جلسوا الشباب مكانهم وظلوا متضايقين من كلام عمهم للي بنظرهم طعن برجولتهم .

*
*
*
*
* كان يمشي وماسك يد ريم كانت ريم مو فاهمه كلام ابو سليمان وتحاول تستوعبه لكنها عجزت خاصة التحيير مصطلح جديد عليها .

*
*
*
كنت بلعب بناتي بالالعاب وساميا جالسه بعيد عند الحريم ومعها سيف التفتت شفت اخوي ابو سليمان بيمشي لجهتي وماسك بيده ريم ووجه ما يبشر بخير توقعت ريم عامله مشكله جهزت نفسي حتى اعاقبها لكني تفاجئت باخوي وقف ريم بجنبي وبعصبيه تكلم : ياخي انت هنا وتارك هالبنت وراك افرض حد سرقها
قاطعه نايف : بس هي كانت مع الهنوف
قاطعه ابو سليمان : اتوقع انه حمد اكيد وده يتمشى مع زوجته وما هو مجبور يسرح بالريم وتركه وهو مفول من اهمال نايف مهما كان يكره البنت بس ما توصل لدرجه الاهمال هاذي بنته وسمعتها من سمعتنا استغفر وتوجه لعند الرجال يكمل جلسته وصل عندهم وجلس وتنهد بقهر
الجد : ليه الشباب ما يردون عالجوال
ابو سليمان : سكت شوي وتذكر انه راح يشوف ليه الشباب ما يردون عالجوال لكنه لما راح يشوفهم لقاهم عند ريم وجن جنونه من سوالفهم الماصخة ومن القهر من عمايلهم نسي يسألهم ليه ما يردون تنهد ورد ببرود : يقولون ناسيين جوالاتهم صامت
الجد بعصبية : انا كم مرة قايل لهم ما يحطونه صامت بس انا اوريهم عقابهم عندي
ابو سليمان تعمد يقول كذا لانه يعرف ابوه بيجن جنونه من وضع الصامت ويعاقب الشباب اذا حطوه صامت
ابو سليمان وهو ناوي يأدب الشباب: انا اقول الشباب بعد يومين ودهم يسافرون مع اصحابهم عاقبهم وامنعهم يروحون هذا احسن عقاب لهم
*
*
*
*
*
*
كانت ريم واقفه جنب نايف ومخنوقه من الداخل
مخنوقة من حالة التشتت للي عايشيتها كل واحد يشوتها عالثاني بلعت غصتها وناظرت نايف للي يلعب بناته ومطنش وجودها
ولا كأنها موجودة كان يضحك مع سلمى ويشجعها ما تخاف من اللعبة تمنت يكون عندها اب يلعبها صارت تناظر حولها كانت تشوف الحريم مع اولادهن نادت بقلبها يمه وينك رحتي وتركتيني وبلعت غصتها للمرة الثانية مو قادرة تستحمل اكثر
ودها امها تكون معها مثل باقي البنات صارت تتلفت حولها لعلها تشوف امها من بين الحريم بلغت قهرها كيف تشوفها وهي ما تعرفها حولت نظرها لنايف للي اشر لها يالله
اتجهت له بهدوء تحت استغراب نايف للي مو من عادتها ترد عليه
نايف ببرود : امشي وراي و يا ويلك اذا بتضيعيني
وما انتظر منها اجابة مسك بيده اليمين سلمى ويده اليسار لينا وكانت ريم تمشي خلفه مشيت انكسار وضياع
وصلوا المطعم واجلس سلمى ولينا على الكراسي ونادى ريم للي ما وصلت الطاوله بسبب مشيتها البطيئة : يالله ريم اجلسي هنا واشر على الكرسي تقدمت منهم
وجلست على الكرسي بهدوء
وما رفعت راسها
جلس مقابلها وتكلم : يالله الحلوين وش تبغون تشربون ؟
سلمى : انا ابغى عثير برتووقال (ابغى عصير برتقال)
نايف بابتسامة : من عيوني وانت يا لينا
لينا : ابغى عثير ماندا( ابغى عصير مانجا)
ضحك نايف على لهجه بناته المكسره
رفعت ريم نظرها له اكيد رح يسألها لكن شافت مقفاه وهو رايح يجيب الطلبات
بلعت غصتها ونزلت راسها وهي تحس بالحرمان كانت تسمع سلمى ولينا يتكلمون بس كلامهم مو مفهوم مكسر بس من كلامهم يدل على سعادتهن
بعدها بدقايق رجع نايف ووزع العصير وحط امام ريم عصير برتقال ما رفعت ريم راسها حتى تشوف وش جاب لها
جلس نايف يشرب عصير ورن جواله ورد عالجوال بعد ما انهى مكالمته للي تجاوزت خمس دقايق نظر لسلمى : ان شاء الله عجبك العصير ؟
هزت راسها بالموافقة وهي تشرب
نايف: وانت يا لينا عجبك العصير ؟
لينا : ايوه ابغى بوده(بوزها)
ضحك نايف :من عيوني كم ليونه عندي ؟
اشرت لينا بصبعها بطفوله : وحده
والتفت على ريم كان العصير مثل ما هو اما شربت منه شي
سالها باستغراب : ما عجبك العصير يا انسه ريم ؟!
ما ردت عليها وراسها منزليته مو باينه ملامح وجهها
كانت دموعها تنزل وكانت تكتم شهقاتها قام نايف من مكانه واقترب من كرسيها ورفع راسها وتفاجئ بالدموع للي ملت وجهها وانفها احمر
سألها بدهشة : ليه تبكين حد ضربك او شتمك سلمى ولينا ضايقوك بشي ؟!!!!!
ظلت ساكته ودموعها تنزل وعيونها ذابلة وحزينة
مسك يدها بحنية : وش للي مزعلك يا بابا
ريم لاول مرة تسمع كلمه بابا وكانها فجرت هاذي الكلمة كل الحرمان للي كانت تكتمه بداخلها
طلعت شهقات من ريم وهي تبكي اكثر ومن بين بكاءها كانت تقول : ابغى ماما ودخلت بنوبة بكاء اكثر وكانت تمسح دموعها بيدها ببراءة
حضنها نايف لاول مرة بحياتها وهو يمسح على شعرها بحنيه : خلص يا بابا وعد مني اخليكي تزورين امك وكانه هذا الموقف صحاه من غفلته طفلة صغيرة اكيد تحتاج امها وخاصة في هذا العمر اكيد حست بالنقص لما جت عالملاهي وشافت الاولاد مع امهاتهم ابعدها عن حضنه ومسح دموعها بيده وبحنان : وعد مني اني رح اخليك تزوري امك يا .....
*
*
*
*

صحيت ريم الصبح وبكل نشاط كانت فرحانه خلاص خلال هذا الاسبوع رح تشوف امها سعادتها لا توصف
دخلت ميري ووضعت الفطور على الطاوله وكانت مستغربه من سعادة ريم اول مرة تشوفها مبسوطها طول السنين للي مضت
تقدمت ريم لتناول فطورها ونفسيتها مفتوحه للاكل
هل يا ترى ستدوم سعادتها ؟
*
*
*
*
*
قبل ما تنزل من السيارة : وعد ما اتأخر عليك بس امهلني نصف ساعة وأكون عندك
حمد تنهد : يالله انتظرك بس لا تتاخرين عشان نلحق عالطيارة
هزت راسها بالموافقة ونزلت من السيارة وهي تحمل كيس في يدها
دخلت على بيت نايف بعد ما دخلتها الخادمه
دخلت كانت ساميا جالسة في الصاله تلاعب بسيف ردت الهنوف السلام
قامت ساميا بابتسامة : هلا والله تو ما نورت
الهنوف : الله يحييك
وجلست على الكنب وبعد السؤال عن الحال والاحوال تكلمت الهنوف بتردد : وين ريم ؟
ساميا ببرود : فوق بغرفتها
وقفت الهنوف : بعد إذنك ودي اطلع اسلم عليها قبل السفر
ساميا : إذا تحبين اناديها لك هنا ما في مشكله
اشرت الهنوف بيدها : لا انا بطلع لعندها
نادت ساميا على ميري لحتى تدل الهنوف على غرفة ريم ورجعت مكانها تلعب سيف
*
*
*
*
مشيت خلف ميري حتى وصلنا لغرفتها اشرت ميري على باب الغرفه وانصرفت
تنهدت وطقيت الباب ما سمعت لها صوت فتحت الباب ما أنكر اني تضايقت لما شفت غرفتها كانت جالسه عند الشباك وسارحه بخيالها حتى ما انتبهت على دخولي
ناديتها بهدوء : ريييم
التفت وقالت : مير
وسكتت وكانها تفاجئت بوجودي
ابتسمت لها بحنان : تعالي ريم
تقدمت بهدوء سلمت عليها وجلسنا على السرير : كيفك ريم
ردت بابتسامة جميله : بخير
الهنوف مسكت الكيس وناولتها نظرت لي بحيره وتساؤل جاوبتها قبل ما تسأل : هذي هديه مني لك إذا رفضتيها ازعل منك
تناولتها بلطف ووضعتها بجانبها
مسكت يدها بحنان : انا زعلانة منك يا ريوم
ريم ببراءة : ليه زعلت مني انا ما رفضت هديتك

تكلمت معها وانا ناوي انبها على بعض الامور لاني متأكدة ما في حد يعلمها الصح من الخطأ : زعلانه منك ليه تركبين مع ذاك الشاب البارحه ما تعرفين انهم يسرقون الاطفال ؟!
ريم بهدوء : اعرف الابله خبرتنا
الهنوف باستنكار : تعرفين ؟؟!! ليه تركبين دامك تعرفين ؟
ريم بحزن عميق رفعت راسها ونظرت الهنوف بانكسار : عشان يقتلني ويريحني من حياتي وامتلت عيونها دموع
حضنتها الهنوف بحنيه : يا حبيبتي ما يصير كذا الحين بتفكرين كل الناس سعيده بالعكس في ناس كثير محرومه في اطفال ما يلاقون لقمة خبز ياكلونها في ناس يطقون من الحر ما عندهم مكيفات وفي ناس بالمستشفى مريضين ما يقدرون يلعبون ويحسون بالالم انت ما شاء الله عايشة في بيت وسيع وتاكلين احسن الاكل وجسمك سليم لازم تقولين الحمد لله
تعرفين انه في اطفال كثير مشللولين وما يشوفون انت تخيلي طفل ما يمشي ما يقدر يروح ويلعب حتى المدرسة صعب يروح لها !!!
وبعدين ليه تقتلين نفسك ما تعرفين انه الانتحار حرام وفي بعض ناس اغبياء اذا واجهتم مشكله ينتحرون !! تعرفين انه عقابهم عند ربنا النار ؟!!
بتحبين تدخلين النار ؟
هزت ريم راسها بالرفض
مسحت الهنوف على راسها : شطورة ما ودي هذي السالفة تتكرر وعد
هزت ريم راسها ببراءة : وعد
الهنوف بتشجيع : ايوه كوني كذا قويه
ريم : يعني الحين راضيه مو زعلانه ؟
الهنوف وهي ناويه تعطيها دروس بالادب بشكل غير مباشر : لا بعدني زعلانه منك شوي
ريم : ليه بعدك زعلانه خلص وعدتك ما اكررها
الهنوف : انا زعلانة منك لانك تغلطين على الاكبر منك ليه كذا يا ريم تشتمين الكبار وما تحترمينهم
نزلت راسها ريم ما عندها إجابة
رفعت الهنوف راس ريم : لا تنزلين راسك خلي راسك دايما مرفوع وكملت بحنان تعرفي انه الرسول نهانا عن الشتم والسب واللعن ما يجوز تشتمين حد وبعدين للي يشتم الناس يوم القيامه كل للي شتمتيهم ياخذون حسناتك وتبقين بدون حسنات وبعدها حتروحين النار لانه ما معك حسنات يعني بتحبين يوم القيامه تدخلين النار ؟
هزت ريم راسها بالرفض : بس الناس يغلطون علي
اكملت الهنوف خلهم يغلطون ويوم القيامة بتاخذين من حسناتهم وبعدين الرسول قدوتنا ما كان يشتم حد
والبنت المؤدبة للي ما تشتم حد وتحترم الناس عشان يحبونها ويقولون عنها هذي بنت مؤدبه اما اذا كانت تشتم الناس يعيبونها صح ؟
هزت راسها بالموافقة : وسألت ببراءة
طيب ليه ابو سيف دايما يشتم ويلعن يعني الكبير عادي يشتم ؟!

تنهدت الهنوف وبداخلها هاذي المشكله لما الطفل يشوف للي حوله كلهم يشتمون ويلعنون
البيئة تؤثر باخلاق الاطفال وهي من اهم اسباب سوء اخلاق الاطفال لما يشوفون الام والاب يشتم ويلعن اكيد رح يقلدهم نظرت لريم واكملت : لا يا ريم الكبير ما يصير يلعن ويشتم وبعدين انت قدوتك الرسول والا ابو سيف ؟
ريم بدون تردد: الرسول قدوتي
الهنوف وهي تنظر لساعتها تأخرت على حمد: احسنتي الرسول قدوتك والحين ابغى منك وعد ما تغلطين على الاكبر منك
كانت ريم ودها تتكلم بس قطعها فتحت الباب
نايف بسخريه : اشك بعقلك يا الهنوف متأخرة على زوجك عشان تقعدين مع هاذي واشر بسخرية على ريم
واكمل كلامه :وكمان تنتظرين منها وعد ما تغلط وضحك بسخريه هاذي واشر على ريم عمرها ما رح تنعدل وخاصة لسانها لانه اللسان الطويل وش يقصره غير القص اما سوالفك ونصايحك يالهنوف نكته وبامر يالله قومي زوجك معصب عليك لانه تاخر وبسخريه يالمربيه يالله قومي
وقفت الهنوف بعصبية : حرام تكون اب ما حد بيضيع البنت غيرك
نايف بتطنيش : لا تحرمين على كيفك ويالله بسرعة لانه زوجك معصب ومسكها من يدها وسحبها خارج الغرفة
نفضت يدها الهنوف وناظرته باستحقار ونزلت بدون اي كلمه .......

استند على الجدار لعدة دقايق وبعدها توجه لجناحه ليرتاح وهو عازم على انه يخلي ريم تكرهه لوحده .


ليش نايف وده ريم تبقى تحمل له مشاعر الكره ؟!

*
*
*
كانت جالسه وما تحركت مو قادره تستوعب الموقف ليه نايف يعاملها كذا ؟ طيب هي ما شتمته ولا آذته ليه كل الناس يكرهونها ومسحت دموعها وتذكرت الهنوف وهديتها مسكت الكيس واخرجت الهدية وفتحتها كانت دمية جميلة جدا صارت دموعها تنزل وهي تجهل السبب هل من كلام نايف بتبكي او لانها خايفه نايف ما يفي بوعده او لانها اول مرة بتمسك لعبه

حظنت اللعبة والقت نفسها بعشوائيه على السرير ودموعها على خدودها ......
بعد مرور ساعات ....
دخلت ميري غرفتها لقتها نايمه وحاضنه اللعبة ووجها اثار بكى ....حملتها وحطتها على السرير وغطتها وخرجت وتركت ريم باحلامها .
*
*
*
*
*
انتهى البارت