11111111
جالسه تمشط شعر روعه وتتأمله قصير
لحد اذنها لونه اسود حالك
تحب هذا اللون تنرفزت من حركه روعه الكثيره
وكل ما تربط لها قرن صغير تتحرك
وما يضبط معها : وبعدين معك ؟!!
روعه وهي تحط يدها على شعرها بضجر : لاص ماما «خلاص ماما»
ريم بإصرار : لا ما خلصنا
اقعدي بدون حركه
وبطلوع الروح حتى رتبت شعرها
بعد ما كملت وقفتها وناظرتها ومشطت غرتها
وعدلت ملابسها
وباستها على خدها بقوه : عسل يا ناس
منيره من خلفها : عسل طبيعي والا مغشوش ؟؟؟
ريم بدون ما تناظر لمنيره : اكيد طبيعي 100%
تأملت منيره روعه بإعجاب دائما مرتبه ونظيفه
بالرغم انه ملابسها عاديه
بس تحس بأناقتها وترتيبها
وتلفت الانتباه مع ملامحه العاديه بس فيها جاذبيه
اقتربت منها وقرصتها بخدها : ربي يحفظك
روعه بدلع وهي تمثل البكاء بحضن ريم : ماما
ابتني «ضربتني»
ابتسمت ريم على كلام منيره : يمه منها شكايه
روعه وهي ماده بوزها وتضرب بالهواء وكأنها تضرب منيره : آمه «خامه»
اقتربت منها منيره وقرصتها بخدها : اراويك مين الخامه
فرخت صوت روعه وهي تبكي وحضنت امها
ريم ابعدت منيره وابتسمت : بعدين معك
ما تجوزين عن حركاتك ؟؟
منيره بابتسامة : تجنن يا ناس ما اقدر لازم اقرصها بخدودها
وقفت ريم وهي تحمل روعه وتهز فيها : خلاص يا حبيبتي
منيره ضربتك
رح اضربها هالدبه
ابعدت وجهها عن حضن ريم وناظرت منيره ودموعها
على خدودها : دبه
حاولت تمسكها منيره وتقرصها ابعدتها
ريم وصارت تركض وهي تحمل روعه
وصوت ضحكهم طالع
قاطعتهم ام منيره وهي داخله : الحمد لله على نعمه العقل
ريم من بين ضحكاتها : شوفيها يا خالتي اكلت ابنتي مثل الغول
منيره بتوعد : رح تشوفين مين الغول انت والدب القطبي للي بحضنك
ريم مسحت دموع بنتها وابتسمت : بسم الله عليها
كل هالحلاوه وتقولين دب
كملوا مناقرتهم بالضحك وكملواوالاستهبال**
حياتها كانت بذي القريه جميله بالرغم من بساطتها
تحس بالسعاده وهي مع منيره وامها
لكن لما تتذكر اهلها وعناد تتبخر السعاده
ويخيم عليها الحزن والألم
نفسها تشوف عناد وتسأله ليه عمل فيها كذا ؟؟؟
نفسها تشوف ابوها وتسأله مبسوط وهي بعيده عنه ؟؟
نفسها تشوف امها للي انقطعت اخبارها
وتقول لها شوفي يمه صرت جده وعندك حفيده
تنهدت
و توجهت للمزرعه الصغيره تشتغل فيها هي ومنيره وروعه تركض خلفهم وتضحك
والبراءة تشع من عيونها

**
**
__
**
**
**
علاقته مع ابوه متوتره بسبب ريم
صار هذي الايام يتجنب يجلس معه
حتى ما يفتح نفس الاسطوانه
ما حد حاس فيه
نار تغلى بداخله لما يسمع نغزات ياسر
واسئله امه المشككه
هو على يقين وثقه بريم
بس احيانا الشيطان يدخل ويوسوس
له
بس بداخله رفض نهائي للفكره
لانه ثقته بريم تعدت الحدود ولو يشوف بعيونه
ما يصدق
وبدت له الشكوك بكلام الجاره ومصداقيتها
هو كيف صدقها لما قالت انها راحت مع عمها
لازم سأل كل الجيران وتأكد منهم
او على الاقل المفروض سأل ام منيره
كانت علاقتها بريم قويه
ضرب على جبهته يشتم غباءه لانه لما راح مع نايف
سأل عن ام منيره وقالوا له ما احد يعرفها
كل الجيران للي كانوا بالمنطقه رحلوا
بس لو سأل ام منيره قبل سنتين كان لقى الاجابه
بس قهره لما خبرته الجاره انه ريم راحت مع عمها
جن جنونه وتضايق كيف تتركه وتروح بدون ما تخبره
وتوقع انها تركته مو عاجبيتها الحياه معاه
مع انها ولا مره شكت له
من لما طلع من السجن وهو يعصر مخه ويفكر
بمكان تروح له ريم
مو خاطر في باله شيء
مسح على وجهه وطلع من غرفته متوجه للجامعه

**
**
**
**
**
**
في المجلس
الجد مو قادر ينام لا ليل ولا نهار
وهو يفكر بريم مو عارف وين يلاقيها
المشكله انها مو مختفيه يوم او يومين
سنتين !!
عض على شفته بقهر وعقله مشوش
خالد طالع جده : يا جدي ريح نفسك شوي
الجد بملامح مهمومه : كيف ارتاح
وهي مختفية
هذي من عرضنا ولحمنا ودمنا
سلطان بقهر من ابوه واخوانه عند العرض والسمعه تصير ابنتهم ولما طردوها ما كانت ابنتهم: دامها من لحمنا ودمنا ليه طردوتها
دامها تهمكم هالكثر ؟؟
فيصل وحس انه المقصود من الكلام : سلطان
ترى مو ناقصين محاضراتك
سلطان سكت ما يبغى يعمل مشاكل وفيصل اخوه الكبير لازم يحترمه
ابو سليمان بهدوء : لا تخاف يبه ما حد يدري عن اختفاء
ريم
قاطعه الجد بقهر : كيف ما حد يدري
واهل عناد ؟؟؟
وش يناظرون لنا الحين ؟؟؟
وحده طالعه بدون اذن زوجها مع رجال يقال انه عمها
اكيد رح يطعنون بعرضنا
سلطان بعصبية : يخسون يمسون ريم بكلمه وحده
شيخه البنات كلهن
وخليني اسمع حد جايب سيرتها بالعاطله وقسم بالله لأشرب من دمه
خالد يهدي الوضع : يا عمي هدي ما صار شيء
ولا حد يتكلم عليها
انا متأكده انه في سوء فهم بالموضوع
وان شاء الله قريب ينحل الموضوع
الجد بنبره ضعيفه : والله مو مرتاح
صقر زفر بضيق وشد على اسنانه من هالعناد لو يطلع بيدي كان
دفنته بمكانه
يا كرهي له
ابو سليمان بنهر : فكنا من مشاكلك يا صقر
وخلينا بالمشكله هذي

**
**
**
**
**
**
**
واقفه كالعاده تناظر وقت الغروب
وتحس بالبرد يسري بعظامها
شدت على الوشاح من البرد
وهي تتأمل المنظر
قاطع تأملها صوت منيره من خلفها بهمس : تفكرين فيه؟؟
ريم بدون ما تلتف ردت وعيونها تلمع بالدموع : اكذب عليك ان قلت لك ما افكر فيه
وقفت منيره على مستوى قريب منها وناظرت
غروب الشمس : انسي ولا تفكرين
دامه تركك وراح ليه تتحسفي عليه ؟؟؟
ريم بهمس رقيق وخصلات من شعرها تتحرك بعشوائيه : لاني احس بأعماقي انه عناد ما تركني
منيره ما تبغاها تتأمل وبعدها تنكسر فوق انكسارها وبهمس : لا تتأملين
سمعت سميره وش قالت بإذنك؟؟
ريم طالعتها بألم : وش يضمن لي صدقها
؟؟؟
ومين قال لها انه راح وتركني كيف عرفت ؟؟؟
منيره : ترى سميره هذي عباره عن محطة اخبار
تلاقي عندها كل الاخبار
فلا تستغربي
ولا تنسي اعطيناها العنوان في حال رجع عناد
شوفي صار لك سنتين
لو رجع كان شفتيه هنا وجاء اخذك
انا متاكده ما رجع
ولا تنسي ترى اكدت على سميره اذا لمحت خياله
تروح له وتعطيه العنوان
رجعت ريم تناظر الشفق والامل بداخلها انطفى
بعد كلام منيره
انتظرته اسبوع بالبيت وما كان له اثر
وظلت لاخر لحظه بالبيت تنتظر لعله يكون كلام سميره كذب
حتى جاء صاحب البيت وطلعهم تحت التهديد بالشرطه
تركت البيت وبعدها دخلت المستشفى
وولدت بعد ما تخرجت من المستشفى
طلبت من ام منيره يمرون على البيت
ويسألون اذا رجع عناد
تحطمت آمالها لما قالت لهم سميره
انه ما رجع
مسحت دمعه نزلت من عيونها تشكي
ضعفها
مسحتها قبل ما تلاحظها منيره
حست منيره فيها وشعرت بالحزن على حالها
للحين ما فقدت الامل
**
**
**
**

عيون الشوق تذرف دمعها من فرقة الاحباب
وانا مالي سوى ربي يصبرنالفرقى

قضيت العمر في وصل مع الخلان والاصحاب
ومن بعد الوصل غاب و عيني بدمعها غرقى

الا يا أحبابنا تقسون ترى دمعي غدى سكان
كفايه الهجر تكفون خلو هالوصل يبقى

هجرتوني وانا ماادري وش العله وش الاسباب
واخاف البعد يقتلني من اللي انا له ألقى

انا حبي لكم قصة وفاء في شوقها غلاب
انا حبي لكم أعذب من مزون السماء وانقى

تخليتوا عن وصالي وعذب خاطري الغياب
و كله بسبة الطيبه وصرت بدنيتي اشقى

عفى الله عنكم ابرحل وانسى من نسى الاحباب
كذا هي سنة الدنيا وصال وبعدها فرقى

بفارقكم وانا راضي ولا بقول اي عتاب
ولا بندم على ناس تناسى الوصل والرفقه
**
**
**
جالسين على طاوله الاكل وينتظرون الجميع
يتواجد حولها
بعد ما جلسوا
ناظرت ام بندر كرسي عناد وباستفسار : وين عناد ؟؟
ياسر مو عاجبه حركات عناد : كالعاده بنهايه الاسبوع
يروح يدور على زوجته
اسيل : ما فقد الامل ؟؟؟
وين رح يلاقيها ؟؟؟؟؟
ابو بندر بهدوء : رح يلاقيها بإذن الله
ام بندر وهي متضايقه على شتات ولدها : دامها تركته وراحت خلاص ينساها
واهلها يدورونها
ابو بندر بحده : تراها زوجته
ومسك الملعقه وحرك الصحن بهدوء
وهو بداخله يحط اللوم على عناد ما كان
قد المسؤوليه
المفروض خبرهم بالبدايه
ولما دخل السجن أعطاهم كان تفادوا
كل هذي المشاكل
بس راسه اليابس وغروره هو للي دمره
ما ينكر انه ندم زوجه لانه بعده صغير
وعقله مو ناضج لو زوجه بعد ما تخرج
رح يكون تفكيره افضل
ويقدر يفتح بيت
اما هو صغير وهي صغيره خرب بيتهم بسرعه
وقف عن الاكل ويحس نفسه مسدوده
واستأذن وطلع من صاله الاكل

**
**
**
**
**
**
رجع مهموم بزياده ما لقى لها اثر وين يلاقيها
بهذا العالم
نفسه يشوف هالجاره ويحقق معها من جديد
مع الايام يحس انها مو صادقه وفي شيء
تخفيه
بس لو نفرض انها تكذب وش الدافع للي يخليها
تكذب عليه
مسح على وجهه بندم على حياته من بعد ما تزوج
وحس انه كل تصرفاته كانت تصرفات مراهق
وما عنده مسؤوليه
حاسب على الاغراض من البقاله
ورن جواله
طلعه من جيبه ورد بهدوء وطلع من البقاله : هلا .......
ايه
وبدون ما ينتهبه صدم بشخص وقعت الاغراض على الارض
تضايق وتكلم على الجوال « لحظه »
نزل الرجال وساعده بجمع الاغراض
وقف عناد وهو يرتب الاغراض
تكلم الرجال : اسف يا اخوي
طالعه عناد وحس انه شافه من قبل بس ما يدري
وين
تفاجئ من الرجال لما قال : عناد
عناد استغرب ورد بهدوء : ايه عناد
من وين تعرفني ؟؟
الرجال ابتسم : مو كنت ساكن بمنطقه ....حي .....
عناد باستغراب : ايه
الرجال : علامك نسيتني ؟؟
انا كنت ساكن بنفس الحاره وكنت اشوفك بالمسجد
دقق عناد بالرجال وتذكره : ايه ايه تذكرتك
وسلم عليه : وش اخبارك ؟؟؟ استقريت هنا ؟؟
الرجال : والله بخير
ايه جيت اسكن هنا من بعد ما طلعنا المستأجر من البيت
عناد عقد حواجبه : طلعكم من البيت وليه ؟؟
الرجال عقد حواجبه : علامك مستغرب
حسستني انه مطلعني من البيت لوحدي
ترى انت بعد طلعك من البيت والحجه ام منيره
والشايب ابو احمد للي جنبي
عناد بصدمه : متى هذا الكلام ؟؟؟
الرجال بتفكير : امممم اذكر وقتها ما كنت
موجود وسمعت من الجيران انك رجعت لاهلك
وقتها
جاء صاحب البيوت وطلب منا نطلع من البيت
وهدمها كلها واعاد عمارها من جديد
لو تشوف المنطقه الحين ما تعرفها
عناد بهتت ملامحه ما عنده خبر بذي السالفه : ومين قال اني رجعت لاهلي ؟؟؟؟،
الرجال ابتسم : وهو في غيرهم بيت ابو مصلح
اذا تذكرهم
كانوا عباره عن اذاعه ما ادري من وين يجيبون الاخبار
عناد عقد حواجبه مو متذكرهم : ابو مصلح ؟؟/
وين بيتهم ؟؟؟
الرجال وهو يوصف له : شفت البيت للي كنت ساكن فيه
بيتهم مقابل لبيتكم بالضبط
انصدم عناد لهذا الخبر
بيت الجاره للي خبرته بطلوع ريم مع عمها
وما جابت له سيره صاحب البيوت للي طلب منهم
يتركون البيت !!
عناد يسأل لعله يستدل على مكان ريم : طيب والجيران للي رحلوا
وين راحوا ؟/؟
الرجال : والله ما ادري انا طلعت من ثاني يوم
وما ادري وين راحوا
سكت عناد وبتردد واحراج : زوجتي
فهم الرجال مقصد سؤاله وقاطعه حتى ما يحرجه : انا للي سمعته بعد ما تركتها
خبرتني زوجتي انها تبغى طول المده للي حددها صاحب البيت رح تبقى
لوقت رجوعك
وحتى ام منيره قررت تنتظر معها
بس وش صار معهم ما ادري !!
حس بالاختناق بعد ما سمع كلام الرجال
السالفه دخلت بمنحنى اخر ما لها دخل
بالافاده الاولى
يعني صاحب البيت طلعها منه
عض على شفته بقهر وين راحت الحين ؟؟؟
توجه للسياره وحط الاغراض والجوال ونسي انه نايف كان على الخط
وجلس
ومسح على وجهه بتعب
ونفسه يمسك جارتهم ويحط كل حرته
فيها
نفسه يفهم وش الدافع وراء حركتها هذي ؟؟؟؟؟
***
***
**
***
**
**
** قفل الخط بعصبية لما سمع الحوار للي دار بين عناد والرجال
ويحس نار بداخله يعني صاحب البيت
طردها
ضرب على المكتب بقوه
ورجع يتصل بعناد مره ثانيه بس ما رد عليه
اتصل بأبو بندر وخبره بالسالفه للي سمعها
ابو بندر انحرج ما يدري وش يقول
وطلب منه نايف اول ما يرجع عناد على البيت يتصل فيه
قفل الخط وتكلم
نايف بقهر : ضيع البنت وشردها
دامه مو قد المسؤوليه ليه يتزوج ؟؟؟؟
كان سلطان جالس على الكنبه قدام مكتب نايف
وابتسم باستهزاء : دامك مو قد مسؤوليه تكون اب ليه تتزوج ؟؟؟
نايف فتح عيونه وما قدر يرد بكلمه
تابع سلطان كلامه بقهر : تقول عن عناد انه شردها
وانت اول واحد شردها
رميتها هنا وهنا
وعمرك ما حسستها انك ابوها
وبنبره حزن
بالله عليك عمرك سمعت ريم قالت لك يبه ؟؟؟
ناظره نايف وحياة ريم تعرض قدامه
ولا مره يتذكر انه سمعها منها
سلطان يكمل
شفت كلمه صغيره حرمتها تنطقها وانت عايش
والله ما ادري وش سبب انحراق اعصابك الحين عليها
عشت طول حياتك بدون ما تشوفها او تسأل عنها
وش فرق الحين ؟؟؟؟
تدري ليه عناد ما اهتم فيها وما قدرها وحافظ
عليها ؟؟
لانه عارف ما في لها سند واهل وعزوه
وأكبر دليل
سنتين اختفت ما حد عرف عنها او فقدها
لو عناد بالسجن للحين
كان بعدنا ما معنا خبر عنها
ليه تحط اللوم على عناد بضياعها
وحنا للي ضيعناها
كمل سلطان وهو يطالعه وكأنه متهم ويلوم فيه : انت ظالم يا نايف
ظلمت البنت كثير
عاشت عندي فتره بصغرها
كنت اشوف لمعه الدموع بعيونها لما عيالي
ينادوني بابا
كنت اشوف بعيونها الحرمان والتشتت
وهي بعدها طفله
تعرف ليه كنت مصر تبقى عندي
كنت ابغى اعوضها عن الحنان للي فقدته
طفله امها وابوها عايشين
بس تعيش مثل اليتامى
ما شافت حنان الام والاب بطفولتها
وشعرت باهتمام احد فيها
عايشه على الهامش
وكأنها طفله بدون مشاعر واحاسيس
اذا تظن انه الاطفال ما يحسون ويشعرون بالنقص
فأنت غلطان
الاطفال كلهم احاسيس
اي كلمه تجرحهم واي كلمه تبكيهم واي كلمه
تضحكهم
عمرك ضحكت ريم ؟؟
عمرك لعبتها لو مره وحده ؟؟
عمرك سألت عن اخبارها او حسستها بأهميتها
عندك
مثل باقي عيالك ؟؟؟؟
عمرك سألتها وش ناقصها ؟؟؟
انا مليت من السكوت يا نايف
وكل ما اتدخل تقولون ما لك دخل ابوها
حر فيها
بس انت مو اب ابدا
ليه كل الحقد على البنت من لما طلعت لذي الدنيا
اعطيني ذنب واحد بس اقترفته تسوغ قسوتك عليها ؟؟
لو عماد عايش صدقني ما رح يرضى بحقدك
وكرهك لريم
ورح ينزعها منك ويربيها بنفسه ويعوضها
عن كل الحرمان للي شافته منك
تذكر يا نايف ترى عماد كان حنون وقلبه طيب
وما يقبل بالظلم
كان يجور على نفسه حتى ما يظلم احد
تيجي انت وتظلم ريم علشان عماد ؟؟!!
وبعدين وش دخل ريم وساره
بعماد وغاده
وش دخلهم ؟؟؟
حتى ساره تزوجتها وظلمتها وش دخلها ؟؟
لا تكون حقود هالكثر
كرهك وحقدك لعائله سالم
لا تخليه يدفعك تظلم بنتك للي من لحمك
ودمك
طالع سلطان نايف للي يناظر ورقه بيضاء
قدامه
تركه وطلع وهو يحس دموعه تبغى تنزل
مقهور من اهله ومن نايف كيف
حطموا حياه ريم
الطفله البريئه
عض على شفته بندم لازم ما سكت
واخذها عنده ورباها من هي صغيره
بس للي سكته عياله
كيف يربي بنت بينهم ؟؟؟؟؟
يتبع

جلست بالحوش مع منيره والملل خيم عليهم
قطع مللهم
دخول روعه وهي تضحك : ماما دب
ولوحت بيدها وهي تمسك فيه
ناظرتها ريم وهي تركض لجهتها : سوفي ماما دب ريم مسكت الدب وقلبته وسألتها : لمين هذا ؟؟؟
روعه وهي ترفع نفسها حتى تسحبه من ريم : لي
ريم ناظرتها : من وين جبتيه؟؟؟
روعه : لي لي هاتي
قطع تحقيق ريم طرقات على الباب
وقفت وبيدها الدب وتوجهت تفتح الباب
وروعه خلفها تتمحن تبعى الدب
فتحت ريم الباب وشافت بزران الحاره
وتضايقت لما قالوا انه روعه اخذت الدب وهربت
ريم طالعت روعه وما تبغى تتعلم تأخذ شيء مو لها مسكت الدب وحطته على مستوى روعه : من وين جبتيه ؟؟
روعه بتصميم : لي لي
واحد من البزران : هذا لي اخذته مني وهربت
ريم تعلمها على تصحيح الخطأ : ارجعيه وقولي اسف
تناولت روعه الدب وبسرعه لفت وحهها تهرب وهي تقول : لي لي
ريم مسكتها بحزم : روعه
ارجعي الدب للبنت
روعه بدت دموعها تنزل رمت الدب على الارض
وابتعدت كم متر وتكورت على نفسها يقال انها
زعلانه
تناولت ريم الدب واعطته للبزران وسكرت الباب
وناظرت روعه
كسر قلبها منظرها كذا
وقررت تشتري لها دب
جلست على مستواها : حبيبتي زعلانه
ما ردت روعه
كملت ريم : خلاص رح اشتري لك دب اكبر من هذا
ما ردت روعه وهي تتظاهر بالزعل
ابتسمت ريم وهي تشوفها تناظر بطرف عينها
ضحكت بنعومه من هالجيل البعبع
تركتها وهي عارفه ثواني رح ترجع خلفها
****
****
***
***
***
***
بحث نايف وعناد عن ابو مصلح يستفسروا منهم
اكثر عن ريم
بس ما لقوهم
كيف يلاقوهم وهم ما يعرفون الا لقبهم ابو مصلح ؟!!!
ما كانت في علاقه بينهم وبين عناد
علشان كذا ما قدر يتوصل لهم
كانت اغلب الاعين تناظر عناد باللوم وانه هو السبب بضياع ريم
بعد ما عرفوا سبب ترك ريم للبيت
كان يشعر عناد بالضيق بزياده لما يشوف هذي النظرات
مهند حط يده على كتف عناد يواسيه لانه حاس بضيقه ومعاناته : يا ابن الحلال
توكل على الله وبإذن الله تلاقيها
عناد بيأس : وين الاقيها ؟؟/
صالح : حطوا اعلان بالجريده
عن فقدان زوجتك
بندر اشر لصالح : اسكت
سكت دهرا ونطق كفرا
صالح وهو يفكر بحلول : طيب اعملوا مكافأه للي يلاقيها
وزعوا الاعلان بكل مكان
عناد مو رايق لسخافته : وبعدين مع سخافتك يا صالح ؟؟
يا أ خي حل عني تراني قرفان حالي
صالح بروقان : اموت على العاشق الولهان
ما تنلام صار لك
اكثر من سنتين ما شفت الحب
بندر تنرفز من سخافه صالح : وقسم بالله اذا ما انقلعت من الصاله الا اقوم وادفنك هنا
صالح بخوف بس يحاول يظهر عدم خوفه : تراني مو صغير تخوفني
داخل بالواحد والعشرين
وقف بندر بعصبية : الحين رح اخلي 21 سنه تتحسف عليهم
قفز صالح وبسرعه هرب من بندر
وصوت ضحكاته تضج بالمكان
**
**
**
**
**
واقفه عند الشباك الصغير وتناظر المطر الغزير
ناظرت ريم للخلف : المطر غزير كثير
ام منيره وبيدها السبحه : الله يجيب الخير
هزت ريم راسها وهي تحس بعدم الارتياح
جلست عند المدفأة وناظرت روعه الجالسه بحضن
منيره وتلعب معها
صرخت ريم بلا وعي لما سمعت صوت الرعد
وعلى صرختها
انرعبت روعه وصارت تبكي من الخوف
ام منيره بلوم : الله يهديك يا ريم
الواحد اذا سمع صوت الرعد
يقول سبحان من سبح الرعد بحمده والملائكة
من خيفته
مو يصرخ
شوفي كيف ارعبتيها
واشرت على روعه
ناظرت ريم روعه وهي دافنه راسها بصدرها
ومتمسكه فيها بقوه وتبكي
ريم بهدوء وهي تمسح على شعر روعه : خلاص يا ماما لا تخافي
روعه متمسكه بأمها وما زالت دافنه راسها بصدر ريم وتبكي
ريم بحنيه وابتسمت على خوف روعه : بسم الله عليك
منيره : حسبي الله على شيطانك تنفعين تكونين فزاعه
اذا انا حسيت قلبي انفجع من صرختك
ما الوم هالطفله
تقول صفارة انذار وصرخت
وش حاطه بحلقك صفاره ؟؟؟
ام منيره نهرت منيره : خلاص اكلتيها
منيره : تستاهل وقسم بالله للحين قلبي يدق
بقوه من الخوف
ضحكت ريم بنعومه على منيره وخوفها
وروعه ما زالت متمسكه فيها
صار وقت المغرب وقفت ريم بصعوبه
وروعه بحضنها نايمه
بس ما زالت متمسكه بثيابها
توجهت لفراشها وحطت روعه ومسحت على وجهها وباستهاوغطتها كويس حتى ما تبرد
وتوجهت تصلي المغرب
بعد صلاه المغرب جلست ريم حول المدفأة
وشغلت لسانها بالاستغفار
وعم الصمت بالغرفه
لثلث ساعه
قاطع الصمت صوت ارتطام قوي
رفعت ريم نظرها بخوف
وانصعقت لما شافت جزء من السقف
انهدم
صرخت بقوه : روووووووعه
**
**
**
**
**
**
**
يحس بضيق ومخنوق ما يدري وش السبب
اقترب من شباك الصاله
وناظر من خلف القزاز كان الجو شبه مظلم الا من اناره خفيفه من الحديقة
كان يناظر حبات المطر
لما تضرب بالشباك وتأخذ مجرى وتسيل لاخر الشباك
تنهد واستغفر ربه
ما ينكر اشتياقه لريم من لما راح يخطبها
مع انه ما كان مقتنع بالموضوع
بس لما رفضته وتشرطت
بداخله عجبه قوه شخصيتها
واخفى هذا الشيء بداخله
يبغى ام عياله شخصيتها قويه مو مهزوزة
بعد ما تزوجها ما كان يجلس معها كثير
كان منشغل مع ربعه
يعترف انه قصر بحقها كثير واكتشف مدى مراهقته
وعدم مسؤوليته
والا شخص ناضج وحامل المسؤولية
يترك زوجته وينام عند ربعه
ما يدري كيف وافقت ريم تسكن بالخرابات للي سكنها فيهم
ومع ذلك كانت راضيه
وما اعترضت
كانت فعلا زوجه صالحه
رفع يده بخفه
ورسم على الضباب المتكون على قزاز الشباك
قلب حب
ورسم سهم وكتب عليه حرف اسمه
وبالطرف الثاني حرف اسم ريم
ما ينكر اشتياقه لها تعلق فيها بالفتره الاخيره
وكانت كل يوم تكبر بعيونه
ما توقع انه محظوظ لذي الدرجه ويتزوج ريم
بس يا ليت يلقاها ويرجعون
رح يعوضها عن كل شيء
رفع يده يكتب عن ما يجول بخاطره
توقفت يده عن الحركه لما سمع الصوت من خلفه : يا عيني على العاشق الولهان !!
حركات والله
سكت للحظات بدون ما يلتفت للخلف
وبدون تردد مسح للي رسمه
وطالع صالح بتحذير : للمره الاخيره اقول لك لا تتدخل
مره ثانيه فاهم
وطلع من الصاله متوجه لغرفته
وتضايق من صالح قاطع عالمه للي كان غارق فيه
اما عند صالح ناظر بندر : والله مو قصدي امزح معه
بندر بعصبية : كم مره قلت لك اترك عناد بحاله
مو فاضي لسخافتك
صالح : خلاص ما رح اعيدها
ناظره بندر وسكت وهو يحس بالحزن على عناد
الحين عرف سبب سكوته وبروده
الظاهر انه يتذكر زوجته
ما يلومه لو حزن لفراقها
زوجه عاقله ثقيله وملتزمه وفوق هذا جمال
استغفر بندر ربه وتوجه لجناحه

تم بحمد الله تعالي البارت 48

بسم الله



قاطع الصمت صوت ارتطام قوي
رفعت ريم نظرها بخوف
وانصعقت لما شافت جزء من السقف
انهدم
صرخت بقوه : روووووووعه
وقفت على حيلها مفزوعه وركضت باتجاه روعه
وقلبها يدق بقوه ما تتحمل فكره فقدانها
ويدينها ترجف وتتنفس بسرعه
وبسرعه حملت روعه وحضنتها بقوه وهي تبكي
وتشاهق
هذي روحها وضناها
لو تفقدها وش يصير فيها ؟!!
ام منيره بتأثر : قومي يمه احمدي ربك
وقع بعيد عن ابنتك وربك حفظها
ناظرت ريم السقف المهدوم بعيون مليئه دموع
والمطر بدأ يدخل من خلاله
مسافه قصير كان وقع على رجلين روعه
وزاد صوت بكائها
وهي تتخيل لو كانت روعه تحت هذا الحطام
منيره مسكت يد ريم : قومي من عندك
الحين يمكن يسقط جزء ثاني
هزت ريم راسها ووقفت وهي حاضنه
روعه بقوه
رجعت نامت روعه بحضن ريم بعد ما صحيت على صوت الارتطام
ام منيره : خلينا نجلس بالغرفه الثانيه
رممناها قبل مده قصيره
حالها افضل من هذي
ريم وهي حاضنه روعه ودموعها على خدودها : انا طالع من هنا
وش يضمن لي ما يسقط مره ثانيه ؟؟
منيره جن جنونها من كلام ريم : مجنونه ؟؟
وين تطلعين بالجو هذا
مطر ورياح ورعد وبرق
وين تروحين ؟؟؟؟
ام منيره حطت يدها على كتف ريم وبنبره حانيه : يا يمه
قل لن يصيبنا الا ما كتب الله لنا
خلي إيمانك بالله كبير
والحافظ ربنا هو للي يحفظنا من كل سوء
والحين تعالي اجلسي بالغرفه الثانيه
وان شاء الله ما هو صايبنا شيء
هزت ريم راسها ومسحت دموعها من على خدودها
وتوجهت للغرفت الثانيه
وجلست وروعه حضنها رفضت تحطها على الارض
بعد ما صلوا العشاء
شهقت منيره لما شافت مويه المطر تدخل للغرفه
لانه الباب فيه تسريب وفيه فراخ بين الباب
والارضيه
ام منيره وقفت وهي تردد الاذكار
لا إله الا الله
لا حول ولا قوه الا بالله
ريم برعب : يا خوفي نغرق هنا
خلونا نطلع من هنا ؟؟؟
ام منيره وهي خايفه اول مره يصير كذا
وينزل بالقريه مطر بذي القوه
بس لازم تكون شجاعه بينهم : اهدي يا يمه وناظرت منيره
هاتي ملابس قديمه بسرعه ودلو مويه
هزت منيره راسها بالموافقه والرعب دب بقلبها
مسكت الملابس القديمه وحطتها على المويه وبعدها تعصرها بالدلو
وصارت منيره تعمل مثل امها
شافت ريم روعه نايمه قررت تساعدهم
وقفت بصعوبه وريم بحضنها
شافت طاولة خشبيه بأرجل مرتفعه بصدر الغرفه
توجهت نحوها
وفرشت لريم تحتها
تحسب لو وقع السقف ما يصيبها شيء
غطتها وألقت نظره عليها
وتوجهت عند منيره وامها تساعدهم
مر الوقت عليهم وهو بذي الحاله
ريم ضمت يدينها لبعض ونفخت فيهم
لعل وعسى يروح البرد
تحسهم تصلبوا من البروده
وكل لحظه تناظر روعه تتطمئن عليها
منيره بتعب : على ذي الحال رح نسهر الليل بطوله
المطر مو متوقف
شوفي المويه كيف تدخل ؟!!
ريم ورجعت تكمل : خلاص روحي ارتاحي يا منيره
انت وخالتي
وانا اكمل عنكم
منيره ورجعت تكمل بعد ما اسندت ظهرها : نكمل مع بعض لاخر لحظه
ريم ناظرت ام منيره : يا خالتي روحي ارتاحي
انا ومنيره نكمل نضح المويه
ام منيره بتعب ما ترددت توجهت للمدفأه
وجلست بالقرب منها
ريم وشفتها ترجف من البرد
وظهرها صلب مو قادره تسنده
ومع ذلك مستمره بالتخلص من المويه تخاف تنام
وتغرق فيهم الغرفه
ناظرت ريم الدلو مليان وقفت وحملته وفتحت الشباك
غمضت عيونها وعفست ملامحها
لما حست بقطرات المويه تضرب وجهها
بقوه بفعل الرياح
تحاملت على نفسها وفرغت الدلو
بالخارج
خلاص تحس العمود الفقري صار مثل العوده
متصلب
من البرد
حطت الدلو على الارض وسكرت الشباك
مسحت بأكمامها قطرات المويه عن وجهها
بحركه بطيئه متجمده
وتوجهت لمنيره بعد ما حملت الدلو
بعد وقت
منيره بتعب وهلاك : خلاص ما اقدر استحمل
وطالعت يدينها لونهم ازرق من البرد
ريم ؛ روحي اجلسي عند المدفأة شوي
منيره بتردد : وانت ؟؟
ريم وهي تحاول تمثل الصلابه وقوه الاحتمال : ما عليك مني
روحي ولا تضيعين الوقت
توجهت منيره للمدفأه ويدينها حول المدفأة
ناظرت امها نائمه بعمق
زفرت بضيق وتمنت انها ساكنه بالمدينه
مو بذي القريه
المنعزله ما فيها خدمات مثل العالم
لو يموتون ما حد درى عنهم
لم تستطع المواصله اكثر
واستسلمت للنوم
ناظرتهم ريم نائمات وحست انه المسؤوليه
صارت برقبتها
ما تقدر تنام تخاف تغط عينها
وتغرقهم المويه
واصلت نضح المويه وكل شوي
تروح للمدفأه تدفي يدينها
وترجع تكمل
تحس عيونها صارت تغفي من النعس والتعب
بس هذي مسؤوليه
ما تقدر تترك
لازم تواصل حتى النهايه
**
**
**
**
**
جالسين بالصاله يفطرون
والصمت يخيم عليهم
ام بندر توجه الكلام لعيالها : ترى جدتكم
قريب رح تيجي هنا

اسيل ناظرت رهف ولوت بوزها
وهمست لهاجر : الله لا يجيب الطريق للي جابتها
هاجر بضجر : الله يكون بالعون
صالح طالع امه : ليه تبغى تغلب حالها
وتيجي ؟؟
اذا مشتاق لك ليه ما تروحين تزورينها
ام بندر بحده وهي تعرف عيالها ما يحبون جدتهم : ولا كلمه فاهم
وجدتك تحترمها غصب عنك
وناظرت ابو بندر : عاجبك صالح وش يقول ؟؟
ابو بندر بنفسه ان شاء الله يصير شيء ويمنعها
تيجي الله يعين العيال عليها بس ما احب احسس
ام بند اني ما اطيق امها : عيب يا صالح احترم
جدتك
والبت بينها متى ما بغت حياها الله
وطالع ام بندر وابتسم مجامله
وهو حس باللقمه وقفت بحلقه
لما سمع انها جايه
كيف لو يشوفها
حس نفسه انسدت عن الاكل وقام وطلع لشغله
وبعدها طلعت ام بندر لجناحها
دانا لما تأكدت انه امها طلعت تأففت بصوت عالي : افففففففف
وش ذكرها فينا ؟؟؟
رهف تقلد جدتها : انت ليه يا اسيل شعرك كذا وكأنه
صايبه التماس كهربائي ؟؟
دانا تكمل نفس طريقه جدتها وهي تطلع الكلام من انفها : وانت بعدك برميل نفط ما انحفتي
واشرت على هاجر
صالح يكمل تقليد واشر على مهند : وانت انفك ليه طويل كذا
مثل رجل الثلج
اعمل له عمليه تجميل
اسيل تكمل تقليد واشرت على رهف : وانت ليه
وجهك كله حبوب وكأنه مصفصف حصى جنب بعض ؟؟؟
بندر وهو يكمل تقليد واشر على زوجته : وانت
ليه ما حملتي للحين ؟؟
اصغر واحد بعيالك عمره سنتين
انا اقول يا ام بندر شوفي زوجه لابنك
كل سنه تجيب له عيال اثنين
مو هذي مثل البط كل مدري كم سنه تجيب
لها بزر
زوجة بندر بقهر لما تتذكر كلامها : من الحين اقول لك يا بندر
لما تيجي جدتك انا رايح عند اهلي ولما تغادر
اتصل بي
ما اقدر اتحمل كلامها
بندر ابتسم : خذيني معك عند اهلك
ياسر ضحك ما انصحك تروحين لاهلك
لانها لما تيجي رح تقول وقلد صوت جدته : وينها زوجتك يا بندر
تاركيتك هنا
ومرابطه عند اهلها
انا اقول تزوج وحده سنعه ما تتركك ولا ثانيه
بندر ضحك : حشى اتزوج لصقه
مهند ضحك : ههههههه
ترى جدتك ما تجوز عن سوالفها
قال تزوج لك وحده تجيب لك عيال اثنين بالسنه
ههههههههه
بندر ضحك : يمكن تبغاني اتزوج قطوه ههههه
اسيل : نازله انتقاد بالناس وما اشوفها
مطبقه شيء
تعمل العكس
ليه ما جابت لجدي كل سنه عيال اثنين ؟؟؟،
زوجه ياسر : الله يستر ما تفتح لي اسطوانه
اخوك واخوك
رنا بتسمت : ما حد قال لاخوك يتزوج على حفيدتها
زوجه ياسر وهي تقرص عيونها : والله عاد
صبر عليها اكثر من 6 سنوات وهو بدون عيال
هذا هي تبغى تزوج بندر
لانه ابنه الصغير صار عمره سنتين وبعدها ما حملت
صالح طالع عناد : علامه العاشق الولهان
ساكت
ناظره عناد بطرف عينه وما رد وكمل شرب الشاي
بندر اعطى نظره قويه لصالح : انا وش قلت لك ؟؟
صالح : والله نسيت
وقف عناد بهدوء وتوجه للجامعه
**
**
**
**
**
**
**

منيره ناظرت ريم المستغرقه بالنوم وحرارتها مرتفعه
ام منيره : مسكينه ما نامت الليل
رب يجزاها كل خير
الله يسرها لنا والا كان غرقت الغرفه من المويه
منيره : شفتي اغلب اهل القريه دخلت المويه بيوتهم
وخربت اثاثهم
لو تشوفين عيال الحاره ما عندهم ملابس كافيه
تدفيهم
كلها غرقت بالمويه الله يكون بالعون
حتى البقاله معظم المواد فسدت من المويه
ما لقيت شيء اشتريه
لو رجعنا للمدينه كان احسن يمه
ام منيره : الحمد لله على كل حال
قلت لك من قبل خلينا نرجع للمدينه
بس انت عارضت
منيره : بعد اليوم اقتنعت وخلاص ابغى ارجع
وابحث عن شغل ونعيش هناك
احسن من هنا
ام منيره هزت راسها :،وانا اقول كذا
خلال هذا الاسبوع نرجع بس اصبري
يتحسن الجو والطريق
منيره : على خير
اقتربت من فراش ريم وحطت يدها على جبينها
وناظرت انفها الاحمر
وعلامات الارهاق والتعب عليها : حرارتها مرتفعه
بعدها
بس اخف من الصبح
ام منيره : غطيها كويس لا تبرد
وان شاء الله رح تخف درجه الحراره
غطتها كويس وناظرت روعه نايمه قريب من
ريم ومستغرقه بالنوم
**
**
**
**
**
**
ما زالت الاجواء بارده ناظرت من الشباك
حطت يدها على جبهتها تتحسس
حرارتها
خفيفه اخف من البارحة بس الزكام متعبها
قررت ترجع مع ام منيره للمدينه
ما رح تبقى هنا لوحدها
حست قلبها يتقطع ويتمزق لما كانت تبكي
روعه تبغى بسكوته
والبقاله بضاعتها فسدت
ومنيره راحت ما لقت شيء الناس اخذت كل شيء
الصالح والفاسد من الجوع
واليوم رجعت ام منيره من المزرعه
ووجهها مخطوف كل الزرع مضروب
من البرد ومن البرده والسيول
حطت يدها على حلقها تتحسسه بيديها النحيلات بلعت ريقها بصعوبه
وهي تحس اللوزتين منتفخات
رددت بصوت هامس مبحوح من الزكام
«اعوذ بالله وقدرته من شر ما اجد واحاذر »
دخلت منيره الغرفه
التفتت لها وابتسمت لها بامتنان بعد ما غسلت ملابس
روعه ونشرتهم كلمت منيره بصوتها المبحوح : يعطيك العافيه
منيره بابتسامة : هو بالله اسكت
وصارت تقلد صوتها
بح بح بح بح
تقول شايب على حفة قبره وقاعد يتكلم
ابتسمت ريم بنفس الصوت :،شايب بعينك
كشت عليها منيره وتوجهت تكمل شغلها

**
**
**
**
**
في اليوم الثاني
دخلت منيره ومعها روعه وبيدها اغراض
حطت الاغراض تحت نظرات ريم وام منيره
المستغربه
منيره بفرحه : ما تدرون ؟؟
وصلت المعونات للقريه بعد السيول للي اصابت اغلب البيوت
وقفت ام منيره و استبشر وجهها : الله يبشرك بالخير
خليني اروح ألحق وأخذ معونه البيت فاضي ما فيه شيء
طلعت ام منيره
وركضت روعه عند ريم وهي تضحك
وبيدها بسكوته : ماما سوفي
حست ريم بالضيق ما تبغى ابنتها تتعود
على المعونه والصدقه من الناس
بعد هذا الموقف رح تطلب من ام منيره يرجعون باكر
رح تبحث عن شغل وما تبغى مساعده من احد
رفعت نظرها للمنيره للي تكلمها : بسرعه يا ريم
روحي خذي معونه
ريم ونفسها رافضه تأخذ معونه من احد
ما تعودت تأخذ صدقه من احد
غمضت عيونها للحظات بألم للحال للي
وصلت له :،ما ابغى اروح
فاطعتها منيره : ليه يا غبية؟؟
ما فيها شيء
وبعدين اذا انت ما تبغين بكيفك
بس حق روعه ما يطلع لك تحريمها
لها حق بالمعونه روحي خذيها
ما يطلع لك ترفضين
وبعدين شوفي وضعنا كيف
هذي روعه ما تتحمل الجوع
ولا تفهم
شفت كيف بكت البارحه تبغى بسكوت
ما فهمت وش يعني ما فيه
ريم قاطعتها : خلاص باكر نرجع للمدينة
منيره باستهزاء : لا يا شيخة اول ما تروحين
رح تلاقين شغل ؟
احسبي حسابك شهر ما تلاقين شغل
من وين رح تصرفين على روعه
اقول قومي شوفي المعونه
وجيبي لروعه
شوفيها كيف مبسوطة بالبسكوته
ناظرت ريم روعه تأكل من البسكويت ومبسوطه
حست بتأنيب الضمير
قررت تدوس على قلبها وتجيب من المعونه
يتبع. ....

كانت تمشي رجل للامام ورجل للخلف
متردده
كيف تطلب المعونه وتكسر نفسها
بس علشان روعه تعمل المستحيل
ناظرت روعه وهي ماسكه يدها
وتتكلم بسرعه بكلام مو مفهوم
بس باين عليها الفرحه
شافت سيارات المعونه
حست بتردد بداخلها ناظرت جاره لها حامله اغراض وتكلم ريم : عجلي قبل ما تخلص المعونه
واذا تبغين يعالجونك مجانا
هزت ريم راسها بدون نفس
وتابعت مسيرها
وقفت ما شافت احد عند السياره
حست انها فرصتها تهرب
بس وقفها صوت : نعم اختي
تبغين معونه ؟؟
حست ريم بغصه ما قدرت تتكلم
وتطلب شيء
وبسرعه لفت نفسها وعادت ادراجها
ما قدرت
صعب صعب فوق طاقتها
مستعده تشتغل ليل ونهار وما تطلب
المساعده من احد
حست بدمعه تسلسلت على خدها
الحياه تطلب منها فوق طاقتها
كانت تمشي بسرعه وروعه تمشي قدامها وتركض
وتضحك
ما حست الا باليد للي تمسكها من معصمها
حست وكأنها كهرباء لسعت يدها
وبسرعه نفضت يدها
بقوه
والتفتت بعصبيه : يمالي الكسر للي يكسر يدك
رد باحراج وتوتر : انا اسف
يا ريم
**
**
**
**
**
**
**
نزلت من الدرج بعجله : ماما وين بابا ؟؟
ساميا وهي تتصفح مجله : مو هنا
لينا بخيبه وقفت : وين راح ؟؟؟
ساميا ناظرتها : الجامعه عملت حمله تبرعات
لاحدى القرى تضررت من الامطار
وعملوا يوم طبي لهم حتى يعالجونهم
وراح معهم
لينا :،اكيد رح يتأخر
كنت ابغى اشتري اغراض من المكتبه
ساميا رجعت تناظر بالمجله :،اتصلي بعمك صقر
او شوفي سلمى خلها تتصل ببدر
وقولي لها الاغراض للي تبغينها
لينا باحراج : اتصل بروان تقول لسامر يجيبهم لي
سامبا ناظرتها بوعيد : لو يدري ابوك يعصب
تراك للحين ما ملكتي
مثل ما قلت لك اتصلي بعمك صقر
لينا باستسلام لاوامر امها : ان شاء الله ماما

**
**
**
**
**

والتفتت بعصبيه : يمالي الكسر للي يكسر يدك
رد باحراج وتوتر : انا اسف
يا ريم ارعبتك
فتحت ريم بعيونها بصدمه من لما سمعت يقول اسمها
وش عرفه فيها ؟؟
وبلحظه ضعف ناظرت الشخص حتى تعرف هويته
وكانت الصدمه للي اخرستها

************
************
أنت وينك....؟
أنت وينك ليش عن عيني تغيب...؟
وانت في بالي ومن قلبي قريب...
ليش تتركنا وتحياء في بعاد...؟
وأن دعيت للتداني ما تجيب...
ليش بعد الوصل حبيت الفراق...؟
وابتديت السير في الدرب الصعيب...
ليش تجعل وصلنا يصبح غياب...؟
والفرح يغدوا بقلبينا نحيب...
ليش تترك دمع عيني با نسكاب...؟
في غيابك والدفى فيني لهيب...
أنت وينك طال بالعمر السفر...؟
وأنت في غربه وأنا مثلك غريب...
يا حبيبي قد مضى عمري و مر....
وأنطوى وقتي وانا مالي حبيب...
غير طيفك وانتظاري والسهر...
وللأسى والليل والصمت الرهيب...
والجروح اللي غدت فيني قدر ...
ما يداويها سوى وصلك طبيب...
أنت وينك طال في الغربه مداك...؟
أنت وينك رد يا خلي وجيب...؟
********
********
عناد همس بحنين :وين اختفيت؟؟
وتركتيني ؟؟
طالعته ريم وباستهزاء وقلبها يدق طبول : اختفيت ؟؟؟
والا انت للي تركتني ورحت
قاطعها بتبرير : كلها للي غبتها اسبوع
رجعت وما لقيتك
سألت عنك قالوا لي انك رجعت مع عمك
ريم بمرار : مو عذر لك تتركني لو يوم بدون
ما تعلمني عن مكانك
قاطعه بنبره ضعيفه : حتى لو كنت بالمستشفى ما تعتبريه عذر ؟؟؟؟
بس قبل ما تتكلم قاطعها صوت من
خلفها مستحيل تنساه : حنا ندورك وانت هنا ؟/
وش تعملين هنا ؟؟؟
ناظرته ريم سنتين ما شافته
معقول هالسنتين ما تغير ؟؟؟
ناظرت عناد للي واقف قدام نايف
وعيونه تشع حنان ولهفه لها
رجعت نظرها لنايف وردت بحده : بكيفي اروح
وين ما ابغى
عناد تقدم منها خطوه بلهفه
ريم لفت وجهها تاركيتهم خلفها
بس وقفها نايف لما مسكها من معصمها : وين رايحه ؟؟؟
امشي معي رح ترجعين معي للبيت وافهم الموضوع
عاجبيتك العيشه هنا عالصدقه ؟؟
عناد بإصرار : رح ترجع معي يا عمي
نايف بغصه : علشان تضيعها بسبب اهمالك
هي تتشرد وانت ترجع للسجون
لكن حامض على بوزك رح ترجع معي
عناد بقهر : ريم زوجتي
ورح نرجع مع بعض انا وهي
ونبدأ من جديد
وش قلتي يا ريم ؟؟؟
قبل ما ترد ركضت روعه باتجاه ريم ومسكت
بطرف عبايتها وهزتها وهي تلهث : ماما ماما
انيره ابتني «منيره منيره ضربتني »
نزلت نظرها ريم لروعه ومسحت على راسها
بحنيه : الحين اضربها
روعه بابتسامه بان غمازها : الوح ابحها ؟؟«اروح اذبحها »
رفعت ريم نظرها وشافت عيون التساؤل بعيون
نايف وعناد
نزلت نظرها لروعه وامسكت بيدها قبل ما تروح
وجلست على مستواها
مستحيل تعمل مثل امها ساره لما خبرتها انه
ابوها ميت
عاشت سنين وهي تظن انه ابوها
ميت عيشتها باليتم وابوها عايش
ما تنكر انها كانت صدمه كبيره بالنسبه لها
لما عرفت انه نايف ابوها
تحطمت كل آمال الطفوله وهي تنتظر الاب المنقذ
للي يخلصها من حياتها
ما رح تخلي روعه تعيش بنفس السراب
للي عاشته
للحين اثره السلبي بقلبها
اخذت نفس
واشرت على عناد : هذا بابا
ناظرت روعه عناد للحظات وبعدها ابتسمت : اين اديتي؟؟؟ «وين هديتي »
كان عناد لا يقل دهشه عن نايف
عناد ناظرها وما فهم وش قالت روعه
وبلعثمه سأل ريم : كيف ؟؟؟
واشر على روعه
نايف ناظر عناد بحده : كيف قلت انه الجنين ميت ؟؟؟
عناد بعدم استيعاب : انا متأكد سمعت الدكتوره
تقول انه الجنين ميت
واقترب من ريم : الجنين كان عايش ؟؟؟
ريم بنرفزه وهي تتخيل لو روعه كانت ميته : بسم الله على ابنتي
وسكتت لما تذكرت كلام الدكتوره
اكيد عناد فهم غلط
الحين عرفت ليه ما سألها عن وضع الجنين
وكان يحاول يهديها
هدت نفسها ما تبغى تظلمه مثل ما انظلمت بحياتها
والظاهر صار سوء فهم
عناد بالمستشفى كان ؟!!
ليه ؟؟؟
رجع للحاره يسأل عني ؟؟
طيب سميره ما شافته ؟؟
مين للي قالت له اني رحت مع عمي ؟؟
اسئله كثيره تدور في بالها
ما لقت لها جواب
لازم تعرف اجاباتها ما تبغى تظلم عناد
تكلمت بهدوء :،الدكتوره وقتها ما كانت تقصدني
استبشر وجه وحضن بيدينه وجه روعه الصغير
وهو فرحان فيها
ما اجمل شعور الابوه
ياه شعور جميل لما تسمع كلمه بابا : اخبارك يا حلوه
وقبل ما ترد حضنها بقوه وباسها على خدها
بقوه
ومسح دمعه نزلت من عيونه
طالع روعه للي تناظره باستغراب : قولي بابا
روعه عفست ملامحها بطفوله : ماما سوفي
دلبني«ماما شوفي ضربني »
عناد ابتسم لها : يا شكايه انا ضربتك ؟؟
روعه مدت بوزها وناظرت امها : ماما
ريم بهمس : هذا بابا
عناد قرص خدها : مو انا بابا ؟؟
يلا قولي بابا
روعه بابتسامة : بابا
حملها عناد بفرحه وطيرها بالهواء
تحت صرخات روعه الخائفة
ناظرت ريم عناد وروعه
وحست بالغصه خنقتها
وهي تقارن لقاء نايف فيها
ولقاء عناد بروعه
وش تفرق عن باقي الاطفال؟؟
عناد اول ما عرف انه روعه ابنته اخذها بالاحضان
ونزلت دموع الفرح فيها
اما هي قابلها بالطراق والشتائم
ليه ؟؟؟؟؟؟؟؟؟
لفت ظهرها وغادرت المكان بهدوء
ودموعها تتسابق على خدودها
تشكي ايام طفولتها

**
**
**
**
**
روعه بضحكه طفوليه رنانه
ناظرت عناد : ألص «خلاص»
مسح على شعرها وباسها على خدها
وناظر نايف للي واقف ويتأمل عناد وروعه
وبعدها طالع حوله : وين ربم ؟؟
نايف تنبه لاختفاء ريم وناظر حوله
يبحث عنها بعيونه
روعه وشوي تبكي : ماما
نزلها عناد على الارض ومسك يدها : يالله نروح
عند الماما
توجهت تمشي روعه باتجاه البيت
وعناد ممسك بيدها ونايف خلفهم

**
**
**
**
**
جلست عند ام منيره بالغرفه بعد ما مسحت دموعها بهدوء
ومخنوقه من داخلها
كانت ام منيره تتكلم مع منيره
بس ما كانت يمهم
ما توقعت تشوفهم بعد مرور الوقت
دخلت روعه وهي تلهث : ماما
بابا بلا « بابا برا »
ام منيره عقدت حواجبها لكلام روعه : مين بابا ؟؟؟
روعه ما ردت على ام منيره
ومسكت يد امها تسحبها بعجله : بابا
وقفت ام منيره تشوف وش السالفه
بس وقفت لما عن المشي لما سمعت
ريم تقول : هذا عناد برا
ام منيره باستنكار : عناد ؟؟؟
منيره فتحت عيونها : كيف عرف مكانك ؟؟
ريم بدون نفس ما لها نفس تتكلم : ما ادري
هزت ام منيره راسها وطلعت تشوف
كيف الوضع
طلعت برا وشافت عناد ونايف
واقفين برا البيت ام منيره : حيا الله عناد
عناد عرفها : اخبارك يا خالتي
ام منيره : بخير يا ولدي
عناد : وين ريم يا خالتي ؟؟
ام منيره بحرج : ادخل يا ولدي
عناد : مشكوره يا خالتي
بس نادي ريم لنا
ام منيره بتصميم : ادخل يا ولدي انت وضيفك
على الاقل بالحوش
عناد باستسلام مع انه الجو بارد : خلاص نجلس بالحوش
دخلوا وجلسوا بالحوش
ناظر نايف البيت بفوقيه
وبعدها سأل ام منيره : وش جاب ريم عندكم هنا ؟؟
ام منيره حست بغروره ويتكلم بفوقيه بس طنشت
وردت بهدوء : حنا كنا جيران لعناد
ولما جاء صاحب البيت وطلعنا من البيت
قررنا نرجع للقريه
وريم قررت ترجع معنا لانه حسب ما وصلنا انه
عناد رجع لاهله وتركها هنا
عناد بقهر : مين قال اني رحت وتركتها ؟؟؟
ام منيره : بنت ابو مصلح هي للي قالت لنا
انه اخوها طلع معك بالسياره وانت قلت له
انك خلاص تارك المكان وما رح ترجع
عناد فتح عيونه باستنكار : لا حول ولا قوه الا بالله
وش مصلحة هالعالم من الكذب ؟؟؟؟ طيب ما اكلف عليك يا خالتي تنادي لي ريم
ام منيره وقفت : ان شاء الله
توجهت للداخل وبعد دقائق طلعت ريم
وروعه ماسكه بطرف عبايتها وتتكلم شيء تفهمه
وشيء ما تفهمه
اخذت نفس ووقفت قريب منهم
عناد ابتسم لها : ما في احد غريب ليه مغطيه
وجهك ؟؟؟
ردت ريم بهدوء : وش تبغون ؟؟
نايف تنرفز من طريقتها بالكلام : ريم ؟؟؟؟
وش نبغى يعني؟؟؟
يالله شرفي خلينا نرجع والا عاجبك هالخرابه ؟؟؟
ريم بحده : خرابه احسن من قصر عند
قاطعها عناد : خرابه والا قصر
الحين جهزي نفسك خلينا نرجع
نايف زفر بضيق : وين ترجع ؟؟؟
ناسي حضرتك انك ملتزم مع الجامعه
ورانا شغل
وطالع ريم : جهزي نفسك
لما نخلص شغلنا هنا نمرك وترجعين معنا
وناظر عناد للي يناظر ريم وروعه : يالله قوم
قدامي اشوف
عناد : يا عمي الحين ألحقك بس خليني
شوي
نايف بهدوء : لا تتأخر
وطلع من البيت
عناد ناظر ريم وهي يحس بتأنيب الضمير
اشر لها : تعالي اجلسي ابغى
اسمع منك واطمئن عليك
جلست ريم مقابل له بهدوء والدموع تلمع بعيونها
عناد يبغى يوضح لها ظروفه حتى ما تفكر انه
رماها وهجرها
حس بجروحها ونظراتها للي تسرق النظر لنايف
ما يدري عن طبيعة العلاقة بينها وبين نايف
بس يعرف انها عاشت عند اهل امها
ومن خلال عده مواقف حس انها العلاقه بينهم غير مترابطه
ما ينسى يوم راح معها تزور جدها
كان ينتظر بالخارج علشان يدخل وتفتح له
مجال
ما ينكر لما طردوها حس بالنار تغلى بداخله
سحب نفسه وشاف نواف
وقرر يحرق قلبهم عليه مثل ما كسروا
بخاطرها
كان مثل البركان بس ينتظر شراره
وينفجر
شاف نواف يناظره من فوق لتحت
وكانت هي الشرارة للي يبحث عنها
هجم عليه مثل المجنون
حتى يقهرهم مثل ما قهروا
ريم
ناظرها وهي لابسه النقاب وتناظر الارض
وتنتظره يتكلم
اخذ نفس وتكلم بهدوء وهو يروي لها
ما حدث بالماضي
حدثها عن شوقه لها وكيف حس بمعنى
الغدر منها
لما سمع انها تركته ورجعت مع عمها لاهلها
كان يتكلم ويفرغ الكبت للي حسه
بالسنتين للي مروا بالسجن
والضيق للي اصابه لما عرف انه عمها واهلها
ما يدرون عنها
حدثها بكل ما يجول بخاطره وعيونه
تلمع بالدموع
ولاول مره يكون عناد كذا
ويفتح قلبه لشخص بذي الشفافيه
واختتمها بفرحته لما شاف روعه
وكميه الالم للي حس فيها لما عرف انه الجنين
ميت
عناد بنبره صادقه بعد ما انتهى من سرد
الاحداث للي صارت معه : وهذا انا قلت لك
وش صار معي بالضبط
ابغى اسمع منك وش صار معك ؟؟؟
طالعته ريم وقبل ما تتفوه بحرف واحد
رن جوال عناد فتح الجوال وهو عافس
ملامحه كانت الشبكه ضعيفه والصوت يقطع
بس للي فهمه من نايف يبغاه
ييجي وما بتأخر
قفل الخط وتأفف : افففف
الحين مضطر اروح اكمل شغل جهزي نفسك
وناظر حوله : وين روعه ؟؟
ريم بصوت هامس : داخل البيت
هز راسه ووقف واقترب منها قبل جبينها
وغادر المكان بعد ما استأذن
**
**
**