البارت 32

*
*
*
*
*
رجعت عالبيت وانا تعبانه وحاس نفسي ضايق من الشيله دخلت وبعدني راكبه اول درجتين وقفني صوت جدي : ريم
لفيت عليه وانا متغشيه :: نعم
تكتف وهو يناظرني بحده : وش علاقتك بزياد ؟؟
بصراحه استغربت السؤال ورديت بغباء : مين زياد ؟؟
جدي بعصبية وهو يناظرني بحده : مين زياد تنكتين حضرتك وشد على اسنانه زياد خطيبك

ابتسمت بفهاوه وبعدها حكيت راسي بطريقة غبيه : هذا انت جاوبت بنفسك وقلتها بدلع خطيبي
عصب جدي وهو يرفع اصبعه : بنت تأدبي خلي عندك شي اسمه حيا
وباسلوب تحقيق متى طلب منك تتغطين كامل وناظرني نظره قويه
اعمامي وجدي عليهم نظرات تخوف
طنشت نظراته وجلست على الدرج وكشفت عن وجهي وانا اركي ظهري على الدرابزين وناظرت جدي للي كان متكتف وبابتسامه قلت : البارحه لما كان هنا زيود وجلسنا انا واياه بغرفتي قال لي يا حياتي ما ابغى حد يشوف جمالك الا انا علشان كذا ابغاك تتغطين فرديت عليه وقلته له حاضر يا اغلى ناسي ...

نقزت على صرخة جدي ونظراته ناريه وخلفه عمي فيصل متى جاء ما ادري المهم كانوا يناظروني وعيونهم حمراء من العصبيه : يا قليله الحياء وش قله الادب هاذي وفوق قله الادب تكذبين وناظرني بحده
عمي فيصل بعصبية : الظاهر انها تحلم تجلس معه
ناظرته وانا اسبل عيوني : كل اليوم احلم فيه فديته
نقزت على صرخة عمي : وقسم بالله اذا اسمعت كلامك الماصخ
قاطعه جدي وهو يناظرني بحده : الحين جاوبيني متى قال لك هذا الكلام وهو يشد على اسنانه

قهروني وقفت بقهر وانا اردح : يعني بتكذبون الكذبه وتصدقونها يعني وين ودي اشوفه والجوال ممنوع واقعد معه ممنوع حتى شكله ما اعرفه كيف اقدر اتواصل معه وتاففت بصوت عالي

عمي فيصل وهو يرفع اصبعه باتجاهي : لا تتاففين فاهمه
ناظرني جدي بهدوء : طيب كيف قلتي لصقر انه زياد طلب منك تتغطين
رديت بعصبيه : هذا صقر الفتان ما له دخل بحياتي يا كرهي له يحشر حاله بامور ما تخصه

تقدم عمي فيصل مني الظاهر وده يضربني بس مسكه جدي : تعوذ من الشيطان يا فيصل

عمي فيصل بعصبية وهو يؤشر علي : هي الشيطان بذاته وبصراخ صقر هذا للي مو عاجبك هذا عمك وتحترمينه غصب عنك فاهمه

لويت بوزي : يعني اخرتوني بتحقيقكم علشان تقولون النسر قصدي الغراب وحكيت راسي قصدي البوم لا لا قصدي الصقر قال

صرخ جدي بصوت عالي : ريم ورفع اصبعه بتهديد صقر عمك تحترمينه فاهمه
وسكت لثواني وبعدها تكلم بأمر : جهزي نفسك بعد المغرب صل وانزلي هنا علشان تروحين عالسوق مع صقر
تخصرت وانا اعترض : لا لا ما رح اروح معه خلص اعطيني جوالك اكلم بنات خالتي واطلع معهن عالسوق

ضحك جدي وهو يناظر عمي فيصل : المشكلة واثقه من نفسها كثير قال بنات خالي وبعدها ناظرني وبحزم انسي شي اسمه بنات خالك مفهوم
كنت ودي اعترض قاطعني عمي فيصل : ولا نفس بنات خالك انسي علشان تهيتين معهن بالسوق وترقيم الشباب
بلعت ريقي معقول عرفوا بس انا ما لي دخل ولا مره رقمت بس كيف عرفوا عضيت على شفايفي وناظرتهم وهم يعطوني نظرة تشكيك بس الظاهر ما معهم خبر عني بس مجرد شكوك لازم ما ابين لهم

تكتفت : ما لكم حق تحرموني من بنات خالي اوكي ما ودكم اطلع معهن عالسوق انا موافقه بس حطوا في بالكم نهايه الاسبوع انا رايحه ازورهم
جدي رفع حاجبه باستهزاء : لا وكمان تعطينا قرارات اقول اصعدي على غرفتك وبلا هذره زايده
وصار جدي وعمي فيصل يضحكون و يتكلمون ويتمسخرون علي بس مستحيل اخليهم يقهروني لازم اقهرهم قبل ما اطلع عدلت وقفتي علشان اهرب بسرعه اذا تطلب الامر وتكتفت وانا اناظرهم :،خلص ما ابغى اروح مع بنات خالي خلص اتصل وبدلع بخطيبي زيود علشان ياخذني عالسوق وسبلت عيوني بدلع
تقدم عمي فيصل بعصبية : انا الحين رح ادفنك هنا يا قليله الحيا

وبسرعة 360 انطلقت لغرفتي وقفلت الباب بالمفتاح احتياط وبعدها تنهدت براحه
قررت اخذ دش واانام واريح نفسي .........
*
*
*
*
*
*
الجده : اخخخ يالقهر والا هذي المنتفه توخذ زياد ............انا استبعدت توقعاتك ............انصدمت مو قادرة اصدق ..............والله الهندي وكثير عليها بنت ساره ............احس بالقهر المفروض خطبوا روان والا رغد احسن من ام السعف والليف ..............حسبي الله عليها ............يصير خير ..........تعالي العصر علشان نتفق على ترتيبات الملكه .........ان شاء الله .............مع السلامه
قفلت الجوال وناظرت ام خالد : احس راسي مصدع من لما عرفت انه زياد خطب ريم اخخخخ يالقهر

ام خالد : بس يا خالتي المفروض يكون نظره شرعيه حرام يظلمون الرجال بكره بعد الزواج ينصدم من شكلها وبعدين يطلق وش يسكت الناس وقتها ويقنعهم انه مو عاجبه شكلها

دخل فيصل وهو يناظر زوجته : ما رح يطلقها علشان شكلها
دخل الجد خلفه وجلس بصدر الغرفه وكمل عن فيصل : بنتنا ما ينقصها شي ويحمد ربه انا اعطيناه والكلام الناقص هذا ما ودي اسمعه مره ثانيه واعطى نظره حاده لام خالد وللجده
فيصل يناظر امه : لو الامر بيدي ما زوجتها لزياد حاولت اقنع نواف بها بس الغبي رفض
شهقت ام خالد وحطت يدها على صدرها وهي تناظره : ودك تبلي ابنك فيها
رفع فيصل حاجب وناظر زوجته باستنكار : وش ينقصها ريم حتى تقولين كذا ؟؟
ام خالد بغرور : ينقصها كثير اهم نقطه الجمال وين نواف وين هي نواف تلزمه ملكة جمال علشان تناسب جماله
رد عليها الجد باستهزاء : متى تعينتي بشركه المعايير والمقاييس حتى تعرفين من تناسبه
وناظر الجده متى الغداء ان شاء الله
الجده بدون نفس : جاهز
الجد بحرص : لا تنسون ترسلون لريم اكل بغرفتها
ام خالد بقهر : ان شاء الله
*
*
*
*
*
*
*
بعد الغداء توجه الجد للمكتب هو وفيصل يتناقشون ببعض المشاريع
قاطعهم دخول صقر بعد ما رد السلام
جلس على الكنبه بهدوء وهو يسأل : سألت ريم عن موضوع الصبح؟؟؟
تنهد الجد وبعدها ناظر صقر : هاذي البنت رح تجلطني قليله الحياء وخبره بالموقف
صقر وهو يشد على اسنانه : وسكتت لها اخخخخ يالقهر لو كنت موجود كان دفنتها بمكانها كله بسبب نايف ما رباها وتركها واهملها
هاذي البنت ضحية هذا الطلاق هو عايش حياته وامها عايشه حياتها والبنت تحطمت ولا تستبعد تعمل كل هذا علشان تنتقم منا وتقهرنا
الجد مسك القلم واخذ نفس : يعني بنظرك يا صقر وش الحل معها نرخي لها الحبل وتعيش على كيفها
فيصل : يبه هذاا الجيل يحتاج لحزم وقد ما تقدر اضغط عليها
صقر وهو يناظر ابوه : انا مع فيصل لازم نشدد عليها ونكون حازمين بس ما يتعدى الضرب لاني ضده هددها بالضرب اما انك تمد يدك عليها انا اعترض

الجد : انا طلبت من اعمامها كلهم ونايف كمان ممنوع يضربونها اذا عملت غلط يخبروني وانا اتصرف معها

فيصل وهو يعض شفته بقهر : اخخخخ يبه لو تعطيني الاشاره الخضراء واعطيها كم طراق يسنعها

صقر عقد حواجبه وهو يناظر فيصل : انت ما عندك الا الضرب وبعدين البنت اكلت ضرب من صغرها حتى شبعت نايف ما قصر معها والله انها تكسر الخاطر وحتى اشر على الجد وحتى ابوي ما قصر نزل فيها ضرب بالعقال وهي بالابتدائي وربي وقتها يسرني وابعدته عنها

الجد يناظرنه وهو يقرص عينه : مسكينه جالسه وانا تبليت عليها وضربتها مو كأنه لسانها مترين
فيصل وهو يتكتف : هاذي البنت مثل المسمار تبغى دق علشان تتسنع
صقر وهو يوقف وهو يناظر الجد : على كل حال انا حبيت اخبرك بكلامها حتى تتأكد لازم ننتبه لها البنت صغيره واخاف يلعب بعقلها زياد
الجد وهو يناظر الورق للي قدامه : يصير خير
وبعدها استأذن صقر وطلع .......

*
*
*
*
*
التعريف بعائله ابو سلمان
ابو سلمان الجد رجل اعمال له سمعته بالبلد حازم وعصبي واهم شي عنده سمعته يحب احفاده مع انه حازم مع الشباب اكثر من البنات

الجده مزنه اهم شي عندها عيالها واحفادها باستثناء ريم
تهتم بنفسها ودايما تحط على وجهها مكياج جسمها وسط لا خي ضعيفه ولا سمينه وسط بشرتها حنطيه طولها 165 سم
الجد والجده عندهم خمس اولاد وبنتين نبدا بالاولاد
سلمان «ابو سليمان » عمره49 سنه طويل وجسمه وسط لا سمين ولا نحيف وجه تقريبا اسمر خفيف له لحيه خفيفه غزاها بعض الشيب هادئ جدا ويحب يحل الامور بالهداوه يشتغل مع ابوه بشركاته

الجوهرة«ام سليمان »: زوجة ابو سليمان عمرها42 جسمها مليان شوي بشرتها حنطيه عيونها وساع وانفها كبير شوي بس مناسب لوجهها وفمها وسط ووجها دائري وسيع وشعرها اسود طويل بس خفيف
سليمان الابن البكر عمره24 سنه اخر سنه له بالطب طوله 186 سم جسمه وسط مناسب لطوله وشعره قصير اسود لون بشرته حنطي اقرب للسمار لون عيونه اسود انفه طويل شوي لحيته خفيفه

عمر عمره 21 سنه يدرس اقتصاد بالجامعه كل فصل يحمل ماده طوله 170 سم نحيف شعره لحد اذنه لون شعره اسود ناعم بشرته بيضاء يلبس نظاره طبيه لحيته خفيفه

رغد عمرها 18 سنه ثالث ثانويه ادبي جسمها مليان شوي طولها 162 بشرتها حنطيه عيونها لونها بني غامق رموشها خفيفه انفها فيه طول بس مو كثير فمها صغير شعرها لحد كتوفها اسود ناعم

مي عمرها 17 سنه ثاني ثانوي ادبي طولها 165 نحيفه وجسمها حلو بشرتها سمراء بس حلوه عيونها وساع انفها صغير وفمها صغير نعومه كثير شعرها قصير لنص رقبتها لونه بني


فيصل «ابو خالد» عمره 48 سنه طوله 175 جسمه اقرب للنحافه شعره مصبوغ :)
وجه نحيف و بشرته حنطيه له غماز على خده اليمين
يشتغل مع ابوه يالشركات امضى وقت طويل بالخارج لكن قبل سنتين رجع واستقر هنا
عصبي كثير

ام خالد طولها 160 نحيفه وتعتني بنفسها حليوه

خالد ابنهم البكر عمره 26 سنه طبيب بيشتغل بالخارج طوله 188 سم جسمه وسط لا نحيف ولا سمين بشرته بيضاء وشعره طويل شوي
اعصابه بارده بشكل
متزوج اجنبيه من كان عمره 18 سنه عنده بنت وولد توأم
طيف بيضاء كثير ملامحها عاديه عمرها 7 سنوات
مصعب يشبه اخته كثير ابيض وشعره قصير ودبدوب شوي عمره 7 سنوات

نواف طوله 172 نحيف كثير ابيض يشبه اخوه خالد يشتغل بإحدى الشركات مهندس عمره 24 سنه


سامر عمره 22 سنه يدرس بالجامعة اداره اعمال جسمه مليان بشرته حنطيه وشعره قصير طوله 160 سم

سديم عمرها 18 سنه ثالث ثانوي علمي <تم وصفها من قبل طولها 163 مخطوبه لسليمان ولد عمها

روان عمرها 17 سنه طولها 157 سم بشرتها حنطيه وجسمها وسط عيونها وسط لونهم اسود انفها كبير شوي وفمها وسيع وحلو في بعض حبوب ببشرتها شعرها خشن ومعقدها كثير

نوف عمرها 10 سنوات ملامحها طفوليه حنطيه صوره مصغره عن سديم

احمد عمره 8 سنوات اسمراني ونحيف كثير


باقي الشخصيات رح نعطيكم نبذه عنهم لاحقا :)

نرجع للاحداث

صحيت وانا افرك رقبتي توجعني من النومه تثاوبت وبعدها وقفت وصرت امشي وانا مثل السكران وصلت للحمام وغسلت وجهي وبعدها طلعت وناظرت الساعه بعدها عصر مطول المغرب بدلت ملابسي و طلعت برا الغرفه وكنت لابسه شباح كابوي وتحتيه بلوزه زهر حفر وشعري ربطته قرون برباط لونه زهر
يمكن تضحكوا علي وتقولوا كبيره وتقلد الاطفال بس ما اعرف السبب احب البس مثل الاطفال يمكن لاني انحرمت اعيش طفولتي والحين قاعده احاول اعيش ايام الطفوله للي انحرمتها
المهم وقفت باب الغرفه وتفاجئت بوجود بزران بالصاله يلعبون بلايستيشن اول مره انتبه لوجوده تقدمت منهم وهم مندمجين باللعب وسحبت السلك من الكهرباء
ناظروني بقهر وصرخت وحده منهم : ليه تفتيه يا دبه
ناظرتها باستهزاء : اول تعلمي تتكلمين زين وبعدين تجين هنا وناظرتهم وحبيت استقوي عليهم وبصراخ مين سمح لكم تجلسون هنا

وقفت وحده تردح لي : هذا بيتنا انتي انقلعي برا
تقدمت منها ومسكتها من اذنها : هذا الطابق كله لي جدي البارحه قال كذا فاهمه
يالله الحين انقلعوا من هنا قبل ما انادي جدي لكم واعطيتهم نظره تخوف وانا بداخلي اضحك على اشكالهم
تقدم واحد من الاولاد وابتسم : انا اثمي احمد انتي اثمك ثو
تكلمت وحده من البنات : انا اثمي طيف ليه ما تثجلي معنا بنفث المدرثه انتي بثف نوف
ناظرت البنت للي تأشر عليها وطار عقلي
نوف ببراءه : انا بالصف الرابع تعالي سجلي بصفي
خلاص الوضع زاد عن حده الشاطر يتمسخر علي حتى البزران يتمسخرون علي
وخلعت الصندل وانا اناظرهم بحقد وبتهديد : وقسم بالله لتندمون وتوجهت لهم وانا رافعه الصندل حتى اضربهم بس هربوا وصرت اركض وراهم بالصاله وانا الهث وصوت صراخ البزران بكل مكان
فجاه شفت صقر واقف عند اخر الدرج ودوبه داخل الصاله
لما شافوه البزران ركضوا بسرعة وتخبو وراه
تقدمت وانا اصرخ : تعالوا هنا وحاولت امسكهم من ورى صقر
بس صقر منعني ورفع حاجبه : ليه ودك تضربيهم ؟؟

ناظرته وانا اردح : اسألهم قليلين الحيا وحطيت يدي على خصري

التف على البزران وبابتسامه : ليه ودها تضربكم ؟؟؟

طيف ببراءة : والله يا عمو ما عملنا اثي بث دلتلها انتي بثف نوف
صرخت عليها وانا معصبه : سدي حلقك يا حيوانه وصرت اتريق عليها بثف نوف
رد صقر وهو يضحك : ههههههه ريم ترى رضاعتك بالمطبخ جهزتها الخدامه هههههههههه والتفت على البزران لا تردوا عليها هاذي مخبوله وتدرس بالروضه هههههه بعدها ما دخلت المدرسه ههههههههه
وبعدها ناظر البزران انزلوا تحت بسرعه
ركضت حتى امسكهم بس ابو طويله منعني اخخخخ يالقهر وبعد ما نزلوا البزران دفشني عالخفيف
واعطاني نظره ما فهمتها وبعدها نزل
قهرني توجهت للبلايستيشن وشغلته وجلست على الارض وتربعت وبلشت العب
وبعد 15 دقيقة تقريبا لمحت ظل صغير وراي بس طنشت وقعدت العب
جلس جنبي بهدوء وبطفوله : العب معك عادي
ناظرته وسالته عن اسمه كان اسمه مصعب وافقت الاعبه وبلشنا نلعب مع بعض بس هالحيوان ما هو قليل بلحظه كان رح يفوز علي بس الحمد لله سبقته وفزت عليه ووقفت انط من الفرحه

شفت البزران واقفين ويطالعوني بتردد وتشجعت نوف وتكلمت : هذا جهازنا واحنا كمان ودنا نلعب
ناظرتهم بغرور : امممم طيب بما انها هذا بيتي رح اسمح لكم تلعبون بإذني بس
يالله تعالوا عالدور تلعبون وقعدنا نلعب وطول الوقت انا العب فزت خسرت ما لي دخل اظل العب وهم على الدور يلعبون معي
انبسطت وسمعت صوت الاذان وتذكرت طلعة السوق
قمت وفصلت السلك وناظرتهم : يالله خلص اللعب
حاولوا علشان يلعبون بس طردتهم واخذت وصله الكهرباء علشان ما يلعبون نذاله

دخلت غرفتي وجهزت نفسي وفكيت شعري وربطته ذيل حصان ولبست الشيله وعدلت اللثمه ناظرت نفسي برضى وبعدها نزلت وانا اتزحلق على الدرابزين وبعدها نزلت بهدوء علشان الكعب للي لابسه
شفت ميرفت سألتها عن صقر خبرتني انه صقر ينتظر برا
طلعت شفته واقف مع واحد من الشباب ما عرفته
ترك صقر الشاب وجاء ناحييتي ومعصب عالاخير
لما وصل عندي وقفت تكلم وهو يشد على اسنانه : ليه حاطه لثمه واعطاني نظره قويه
رديت ببرود : طالعه عالسوق وما اقدر اتغطى كامل عندي ضيق بالنفس

صقر وهو يكتم عصبيته : يا بنت الحلال لا تعصبيني نزل الشيله على وجهك
سمعت صوت من خلف صقر : ردي على عمك وغطي وجهك كله بلا كثره حكي

قررت لاول مرة ما اعاند بما انه الامر فيه مصلحتي ونزلت الشيله على وجهي بهدوء

حضروا بنات عمي ومن صوتهن مبسوطات
صقر وهو يناظرهن : الكل جاهز سلمى ولينا

سلمى بصوت ناعم : انا هنا يا عمي
صقر يبتسم معها : فديتك تعبني نايف حتى يقتنع علشان تروحين انت ولينا والحمد لله وافق بالاخير

ناظرت بنات عمي لابسات نقاب ولينا عبايه وكاشفه بحكم انها صغيره عندهم
جدي يناظر صقر : انتبه للبنات يا صقر
صقر بابتسامة : ان شاء الله
وبعدها توجهنا للسياره وركضت سديم وفتحت الباب الامامي وجلست
كنت امشي خلف البنات وحاسه بداخل نار تكويني اخذت نفس وقفت عند الباب ناظرت للداخل اشر لي صقر اجلس بالخلف
سكتت وجلست بالخلف وجلست جنبي لينا كانوا البنات يضحكون ويتكلمون مع صقر ومبسوط صقر عالاخير معهن بعدها بدقايق وقف عند البقاله وناظر البنات : وش رايكن اشتري لكم عصير الجو حار اليوم
وافقوا البنات وهن مبسوطات عالاخير وكانت لينا واقفه فوق كرسي البنات وتضحك وتشارك معهن بالسوالف
بعد دقايق دخل صقر ووزع على البنات العصير وانا مطنشيني ولا كأني معهم
بعد ما تحرك صقر نادت لينا صقر : عمي عمي ريم ما اخذت عصير
وقف السياره وبعدها ناظر للخلف بلوم : سوري ريم نسيتك اذا تبغين الحين انزل واشتري لك

ناظرته من المرايه ولفيت وجهي لجهة الشباك وانا مخنوقه
رد صقر بعصبية : بكيفك عمرك ما رديتي ان شاء الله

كنت اناظر من الشباك وحاسه العبره خانقيتني كلهم ناسييني دايما على الهامش ما حد يعتني في
ما في يهتم لي
وش يفرقوا بنات عمي عني حتى يضحك صقر معهن وانا بس يعصب علي
كلهن لابسات نقابات وعيونهم برا ليه انا ممنوع
كرهت حياتي وكرهت كل الناس اكرهم كلهم تسلسلت دمعه من عيني مسحتها بسرعة اخذت نفس وانا حاسه حالي مخنوقه
استغفرت ربي وبعدها بدقايق سمعت صوت صقر يطلب منا ننزل
ما كنت ودي انزل خلص ودي ارجع البيت كرهت السوق والطلعه
بس ما في فايده نزلوا البنات وكنت اخر وحده ولما كنت ابغى انزل مسك يدي صقر بعده ما نزل من السيارة وناظرني : والله يا ريم اني نسيتك مو قصدي شي وبابتسامه اذا ودك الحين اشتري لك حليب
نفضت يدي منه بقوه ونزلت وانا مقهور منه يتمسخر علي

دخلنا المول ووقف معنا صقر وتكلم بهدوء : انا عندي مشوار مستعجل ما رح اتاخر عنكم لا تبعدون عن بعض وبينا اتصال اوكي
سديم : خلص عمي احنا رح نتسوق من هنا ولما تكمل رن علينا ونخبرك بمكانا

صقر : ان شاء الله ما رح اتاخر دقايق بس
واستأذن وبعدها غادر
كنت واقفه مع البنات وقرروا يدخلوا احد المحلات
تكلمت بهدوء : لحظه خلينا نروح على محلات العبايات

تكلمت وحده منهم بتكبر وهي تشير علي باصبعها : يا حلوه ما معنا وقت نروح محلات الاطفال وضحكت بصوت منخفض
ردت الثانيه : لو سمحتي لا تيجين معنا ما نحب نشتري ومعنا حد غريب
رديت ببرود عكس القهر للي بداخلي : يقال انا للي ميته امشي معك
لينا وهي تكلم البنات : طنشوها طنشوها لا نضيع وقتنا عليها
ناظرتها سبحان الله هاذي اختي المفروض توقف معي وعضيت على شفايفي بقهر
وغادروا البنات وتركوني
حسيت بالغربه نفسي اهج على مكان ما اعرف حدا فيه وين اروح غمضت عيوني بالم وانا حاسه حالي مخنوقه التفتت حولي وشفت زاويه بعيده عن الناس
توجهت لها وجلست وانا متكوره على نفسي ريال واحد ما معي لو معي فلوس كان روحت واشتريت عبايه لوحدي وعضيت شفايفي بقهر
مر الوقت صقر ما رجع قال دقايق ويرجع اشوفه ما رجع
بعد مرور وقت رفعت نظري شفت رجال كبير بالسن يكلمني بهدوء وحنان : يا بنتي محتاجه شي

اه نبره الحنان بصوته ذبحتني كنت ودي ارد عليه بس قاطعنا شاب من خلفه : يالله يبه تاخرنا
الرجال الكبير : انتظر شوي يمكن البنت محتاجه مساعده
تافف الشاب : يا يبه هذول نصابات ودهم فلوس خلص اعطيها كم ريال وخلصنا وناظر ساعته مستعجل
الرجال الكبير طلع بوكه من جيبته وكلمني : كم محتاجه يا بنتي

الشاب بسخريه : كمان تسألها كم تبي هذي النصابه لو تعطيها كل فلوسك ما قالت لا وضحك بسخريه
كان يتكلم ويستهزئ بي كلهم يسخرون مني كلهم ينبذوني اكره الناس كلها اكرهم تكلمت بصراخ وانا اشر على الشاب : انت اخرس وحط الزفت بحلقك فاهم
واخذت نفس وانا احس حالي مخنوقة مقهوره من العالم
رد الشاب : هي هي احترمي نفسك واعرفي تكلمي مع الاكبر منك زين فاهمه
انقهرت كلهم يرددون نفس الكلمه فاهمه فاهمه فاهمه فاهمه وبصراخ وبدون وعي : لا مو فاهمه وانقلع من هنا وبصراخ اعلى تفهم
ونزلت راسي على ركبي وانا ابكي خلاص مو قادرة اتحمل اكثر قرفت حياتي ووقفت ومشيت من جنبهم بسرعة وتعديتهم كم خطوة سمعت الشاب يقول لابوه : شكلها بزر
لفيت عليه وبتهديد : اخرس
وابتعدت عنهم وصرت امشي ودموعي تنزل مو عارفه السبب مخنوقه يا ناس
كنت امشي وعيوني بالارض مو عارفه وين اروح بس فجاه وقفني صوت صقر : ريم
التفتت للصوت تقدم مني صقر لما تاكد اني ريم وبقهر تكلم وهو يمسك يدي : وين انقلعتي
حاولت افلت يدي منه بس شد على قبضة يدي : تكلمت بهدوء وحاول يكون صوتي طبيعي : لفيت على المحلات اشحد منهم فلوس علشان اشتري عبايه وبعصبيه ظليت مكاني مكان ما تركتني الاميرات رفضن اجي معهن وما معي ريال واحد اشتري عبايه
صقر بهدوء : طيب ليه رفضن يعني ما طولتي لسانك عليهن ؟؟؟
بصراحه قهرني ليه دايما يحطون مني الغلط يا غباي يعني حفيداتهم اكيد رح يصفون معهن وانا بحريقه ما حد سأل عني صاارت دموعي تنزل وما رديت عليه لاني لو رديت بكلمه رح انفجر بالبكاء

رد صقر بهدوء : مع اني متاكد من لسانك الطويل بس هذا مو سبب يخليهن يتركونك هنا لوحدك وتنهد وكمل كلامه الحين تعالي معي اشتري لك عبايه والبنات حسابهم بعدين وسحبني معه
ودموعي ما وقفت وصلنا محلات العبايات وتكلم عمي مع صاحب المحل وخلال دقايق صار يعرض لنا العبايات
ما كان لي نفس اشتري او حتى اناظرهن وخاصة مع الغشوه مو شايفه شي
كان صقر يناظر بالعبايات ويختار ولا كاني موجوده ياخذ راي
اخذت نفس وانا احس نفسي مخنوقه كلما طال الوقت يضيق النفس عندي خلص مو قادره اتحمل اكثر مخنوقة صرت اخذ النفس وانا خلص حاسه روحي رح طلعت صار التنفس عندي سريع
بعد دقايق سمعت صقر يقول يالله مشيت خلفه وانا مو قادرة خلص انخنقت
وبصعوبه وصلت السياره كانوا البنات ينتظرونا فيها ودخلت من الخلف وانا خلاص احس نفسي انتهيت
روحي احسها قربت تطلع غمضت عيوني بألم خلاص رح ارحل عن هاذي الدنيا وما في حد رح يفقدني ويحزن علي
مالي ام تفقدني وتبكي علي مالي اب يحضني وانا بالكفن ويقولي رح افقدك يا بنتي ما لي اخ ما لي اخت تفقدني
كلهم رح ينبسطون ويرتاحون ويمكن يعملون عرس انهم ارتاحوا مني وخاصه جدتي للي تكرهني من طفولتي وتحاسبني بذنب انا ما اعرفه اخذت نفس كلهم رح يفرحون واخذت نفس ثاني مو قادره خلاص انخنقت مين رح يبكي علي ويرثيني ااااااااه واخذت نفس تذكرت زياد معقول يفقدني وهو ما يعرفني كلهم مثل بعض كلهم يكرهوني حطيت يدي على صدري وانا اتنفس بسرعه خلاص هاذي انفاسي الاخيره
كانوا يتكلمون ويضحكون بس ما سمعت شي من كلامهم اوجاعي كانت اقوى اخذت نفس وتذكرت صلاتي وتندمت على تركها كيف الاقي ربي وانا كل حياتي معاصي اخذت نفس وصرت اتنفس بسرعه وقفت السيارة ونزلوا البنات نزلت بشويش وانا حاطه يدي على صدري واخذ النفس احاول استنشق الهواء بصعوبه
خلص ما اقدر امشي اكثر انخنقت وصارت الدنيا حولي ظلام وسقطت على الارض .........

*
*
*
*
نزلوا البنات الا ريم متاخره عنهم وتمشي ببطئ قفلت السياره وناظرت البنات صاروا قريب الحديقه وريم بعدها خطوتين كنت ودي اقول لها تستعجل بس تفاجئت لما شفتها وقعت على الارض
ركضت بسرعة بخوف ورفعت الغطاء عن وجهها كان وجهها ازرق ما في حياه حطيت يدي على نبضها كان ضعيف جدا وبسرعه حملتها وبسرعة حركت وتوجهت للمستشفى باقصى سرعة .......

*
*
*
*
*
دخلوا البنات بيت الجد وكان الجميع مجتمع بالمجلس دخلوا البنات بعد ما ردوا السلام وجلسوا بمكانهم المخصص
الجده بابتسامة : كملتوا اغراضكم

روان بفرح : ايوه الحمد لله كملنا

التفت الجد للبنات : وين صقر وريم ما اشوفهم ؟؟؟
لينا : عمي صقر كان خلفنا وريم كمان خلفنا الحين يدخلون
بعد مرور خمس دقايق وقف الجد وهو ياشر لعبود : روح شوف عمك صقر بالخارج
قام عبود وبعد دقايق،رجع وناظر جده وكان صوته غليظ : ما في احد بالخارج حتى سيارته مو موجودة

عقد الجد حواجبه : طيب ريم وين وطلع الجوال من مخبأه ورن على صقر بس ما في رد عقد حواجبه بزياده وناظر اولاده صقر ما يرد
نواف يناظر جده : الحين ارن عليه
ورن نواف بس صقر ما يرد
استغرب وصاروا الشباب يرنون على صقر بس ما فيه رد
وللي زاد استغرابهم وخوفهم على صقر اختفاء ريم .........


وصل صقر المستشفى وبسرعة حملها على الطوارئ بعد ما دخلوها العنايه المركزه دخل صقر عليها كان وجهها ازرق وشاحب وكمامه الاكسجين على فمها والابر مغروزه بيدها تنهد وطلع لمكتب الدكتور وجلس معه وبعد ما سأله صقر عن حالتها
رد الدكتور بهدوء : البنت متعرضه للاختناق بس ما في علامات تدل انه احد خنقها او حاول انه يخنقها
تذكر صقر الغشاوه وانها عندها ضيق بالتنفس وشد على يده بقهر وهو يلوم نفسه انه السبب
وبعدها ناظر الدكتور تتوقع يصير عندها اضرار
الدكتور وهو يعدل نظارته : شوف يا دكتور صقر للحين ما عرفنا درجه الضرر وان شاء الله ما يكون فيها الا العافيه
وقف صقر : ان شاء الله واستأذن من الدكتور وطلع تذكر جواله فتحه وجد 50 مكالمه من اخوانه وابوه والشباب تنهد واخذ نفس ورن على ابوه ........

*
*
*
*
الكل جالس ومحتار وخايف وخاصة الجده ما خلت فال شين الا حطته وهي تدعي ربنا يرجع لها صقر
فجأة رن جوال الجد للي فوق الطاوله وبسرعة تناوله وناظر الاسم
وبعصبيه وصراخ : انت وينك ؟؟؟ ...........ليه بالمستشفى .........
الكل ناظر وعلامات الخوف على وجههم
وش فيها ريم ؟؟؟..........
الكل تنهد براحه انه صقر بخير
طيب ليه ما خبرتنا ............لو بسيطه ما يحطونها بالعنايه المركزه .......
الكل استغرب العناية المركزه
طيب الحين انا جاي ........طيب خلصنا .......مع السلامه
قفل الجد الخط بعصبيه ووقف
ابو سليمان بهدوء : خير يبه وش فيه صقر ؟؟

الجد وهو يمسح على وجهه : والله ما ادري بالضبط يتكلم وصوته يرجف يا دوب فهمت عليه كم كلمه يقول ريم بالمستشفى حاطينها بالعنايه المركزه الله يستر
وقف ابو سليمان : يالله عالمستشفى واشر لفيصل للي ما كان وده يقوم ونايف للي كان وده يعترض بس اعطاه ابو سليمان نظره خلته يقوم بالغصب
طلع الجد واولاده كان نواف وسليمان ودهم يروحون بس الجد ما خلاهم ......
بعد ما طلعوا التفتت الجده على البنات : علامها ريم صار شي بالطريق ؟؟
البنات ناظروا بعض وبعدها تكلمت روان،: ما صار شي يا جده بس يمكن تدلل
الجده وهي تهز راسها : وانا اقول كذا اكيد تدلل
وكملوا سهرتهم البنات يحشون بريم وساعة يتكلمون عن الملكه والتجهيزات

اما الجوز الثلاثي ما يخلون حد الا يحشون فيه
اما الشباب طلعوا من المجلس وتوجهوا للحديقه .........
*
*
*

يتبع
*
*
*
*
بعد ما خرج الجد من غرفة ريم شد على قبضة يده بقوه وهو يحس انه السبب لو صار شي لها ما رح يسامح نفسه لانها
خبرته بضيق النفس عندها بس ظنها انها تمزح معه وحجه منها حتى ما تتغطى
واصر عليها تلبس خوف عليها لانه بنظره فتاه صغيره وبهذا الجمال ما يحميها من الذئاب الا الحجاب
حتى انه رفض تلبس نقاب لجمال عيونها فما وجد طريقه لحمايتها الا تغطي وجهها كامل بس
ما توقع يصير كذا مع ريم حمد الله بقلبه على سلامتها بعد ما طمنه الدكتور عن وضعها
وحمد الله انه صقر ما تأخر بعد ما فقدت وعيها والا كان صار عندها مضاعفات
واكمل طريقة بالممر وهو يحمد الله وتوجه خارج المستشفى
كان نايف وصقر وفيصل وابو سليمان ينتظرونه عند السياره بعد ما تطمنوا على ريم خرجوا واصر الجد يجلس عندها لوحده وينتظرونه بالخارج
وصل الجد عندهم بعد ما رد السلام
ناظرهم بهدوء وناظر نايف وهو يتأمله سبحان الله من كان يتوقع نايف العصبي المغرور يبكي وعلى مين على ريم
لمح الجد نايف وهو يبكي بغرفة ريم
بس مستحيل نايف المغرور يظهر ضعفه لازم يلبس قناع عدم المبالاه
استمر لعده ثواني الجد وهو يناظر نايف وكان يطقطق بالجوال ويظهر عدم المبالاه للي حوله

ابو سليمان بهدوء : توكلنا على الله يبه
هز الجد راسه بالموافقه وتوجهوا للسياره
كلهم بسياره فيصل والصمت سيد الموقف
الا صقر رجع بسيارته لوحده ........

*
*
*
*
دخلوا المجلس وكان ما فيه غير الحريم والبنات وبعض البزران
جلس الجد بمكانه المعتاد وتنهد بتعب وبعد دقايق دخلوا الشباب
الجده بكره وهي تسأل الجد : عساها ماتت ان شاء الله ؟؟؟
ناظرها الجد نظره ناريه : اسم الله عليها ربي يحفظها من كل سوء واعطى الجده نظره وعيد

سليمان بهدوء يناظر جده واعمامه : ليه دخلوها المستشفى ؟؟
كانت سديم جالسه وحاسه بنار الغيره ليه يسال سليمان عن ريم
الجد بهدوء : البنت عندها ضيق بالنفس من زمان وخبرتنا بس ما اهتمينا للموضوع
ولما تغطت بالسوق لمده طويله اثر عليها وصابها اختناق
الجده وهي ترفع حاجبها بتشكيك : يمكن عملت هاذي التمثيليه عمدا علشان ما تتغطى

وقف الجد بعصبية وهو يناظر الجده : وبعدين معك لازم اخذتك يا دكتوره علشان تقيمين حالتها اذا صادقه او لا
بعدها زفر بقهر وهو يعد على اصابعه الدكتور محمد اخصائي وابنك نايف شافها وابنك صقر شافها والدكتوره نسرين شافتها وكلهم يقولون حالتها سيئه الا انتي مو مقتنعه
عمرك ما اقتنعتي ما علي منك
ويكون بعلم الجميع ريم ما رح تغطي وجهها لا هنا ولا بالسوق ولا بالمدرسه وخلي واحد منكم يعترض والا يسمعها كلمه ويضايقها وقسم بالله ليندم وطلع من المجلس بعصبية ......

الجده بقهر وهي تناظر اولادها : اعوذ بالله حريقه ابوكم تقول انها بنت ساره حاجبيته حسبي الله عليها
عمر يناظر اعمامه : كيف ترضون انها تطلع كاشفه وجهها

صقر بحزن وقف وناظر عمر : انا كنت مثلك ضد انها تطلع بدون ما تغطي وجهها وقبل ما نطلع السوق اجبرتها تغطي كامل بس انا مع ابوي البنت حالتها تعبانه لو شفتوها كان ما اعترضتم
وبعدها طلع وهو مخنوق .......

الجده بقهر ناظرت نايف : وانت ما لك كلمة هاذي بنتك كيف تقبل تصير تطلع بدون تغطايه والا بس تنفذ كلامك على سلمى ولينا والفرعون ريم ما تقدر عليها

اخذ نفس نايف وهو يحاول يضبط اعصابه وما يزعل امه : اتوقع اني تبريت منها فلا توجهي الكلام لي عندك اعتراض قدميه لابوي وبعدها وقف والتفت لساميا : يالله يا ام سيف
وبعدها طلع هو وبناته واولاده من المجلس ........
ناظرت الجده ابو سليمان بقهر : يالله قوم اطلع انت الثاني علشان ريموووووو حسبي الله عليها
وقف ابو سليمان وناظر امه بهدوء : الحين رح اطلع مو علشان ريم وبابتسامه علشان انام تأخر الوقت واشر لام سليمان .........


*
*
*
*
الساعة 7.00 صباحا تحسن وضع ريم ونقلوها للغرفه ثانيه


فتحت عيوني بتعب وحاسه جسمي مكسر غمضت عيوني اتذكر وش للي صار اخذت نفس وفتحت عيوني بعد ما تذكرت
مع اني توقعت انها النهايه قطع علي دخول جدي بعد ما طرق الباب
توجه لناحيتني وباسني على راسي وبابتسامه : الحمد لله على سلامتك

ناظرته دايما جدي متقلب احيانا يكون طيب معي واحيانا يكون معصب ابتسمت ابتسامه باهته كلها تعب
مسح على شعري وهو جالس على الكرسي بجانب السرير : كذا خوفتيني عليك يا لعابه
رديت بصوت متعب : من متى اهمك حتى تخاف علي غريبه تنكت على الصبح يالشايب

ضحك جدي بصوت عالي واستغربت الظاهر انه مروق عالاخير وبعدها ناظرني وما زالت البسمه في ثغره : رح اسامحك هاذي المره علشان انك تعبانه المره الجايه اذانك اقطعهم اذا قلتي عني شايب

ناظرته وانا اقرص عيوني : الظاهر انك مروق يالشايب

اقترب مني وشد اذني اليمين عالخفيف : لا تخليني اقطعها وبعدها ابتسم وناظر الكمدينه للي جنبي ومسك الهديه للي احضرها لي
تكلم بفرح : جبت لك هديه ان شاء الله تعجبك
رديت بهدوء : مشكور وسكتت لثواني وسألت متى رح اطلع من هنا
الجد باهتمام : ان شاء الله اليوم بس اي ساعة ما ادري بالضبط يمكن الظهر
سألت جدي بتردد : ءءءءء اممممم وبعدها ناظرته خبرت خطيبي ييجي يزورني وابتسمت باحراج بس
نقزت على صوت مستحيل انساه
انا اليوم رح ادفنك هنا واحطك بثلاجه الموتى يا قليله الحيا

التفت جدي وبابتسامه : هدي اعصابك يا فيصل هاذي البنت وجهها مغسول بمرقه ما تستحي وبعدها ناظرني بس
يالله نمشيها لك لانك مريضه وش رايك يا ابو خالد

فيصل وهو يقرص بعيونه ويناظرني بوعيد : بس لانك مريضه رح اطنش ولا كأني سمعت بس مره ثانية رح ادفنك بمكانك وباسلوب أمر اثقلي وخليك راكزه

هزيت راسي بهدوء وحاسه بالعبره خانقتني ما حد زارني الا جدي وعمي فيصل المفروض ابوي يكون فوق راسي وامي مرافقه عندي بس وش اقول
ناظر عمي فيصل الساعه وبعدها ناظر لجدي : يالله يبه تأخرنا على الشركه ولازم نوصل ابكر من كذا

رد جدي وهو يوقف : الله يسامحك سمعتني الاسطوانه هاذي قبل ما ندخل والله اعرف انك مستعجل

فيصل وهو عند الباب : قلت لك اجل الزيارة بعد الظهر بس ما سمعت كلامي

وقف جدي بابتسامة : يالله الظهر ان شاء الله امر عليك
وبعدها توجه لعند الباب وهو يكلم عمي فيصل : قلت لك لا ترتبط بي كان رحت والحقتك بعدين

وبعدها غابت اصواتهم عن اذني اخذت نفس وغمضت عيوني بقوه لعل وعسى ادخل عالم الاحلام
حتى اتوقف عن التفكير واهرب من واقعي .........

*
*
*
*
*
*
كان جالس بمكتبه دخل عليه صقر بعد ما رد السلام
وجلس على الكنب مقابل المكتب ومد يده على الكنبه وهو يناظر نايف وبعدها تكلم بهدوء : زرت ريم ؟؟

نايف يرفع حاجب وهو عافس ملامحه : اذا ودك تفتح محاضرات تراه الباب يوسع جمل واشر على الباب
وبعدها حط يده على راسه تراه راسي مصدع مو رايق لمحاضراتك
ومسك ورقه من على الطاوله وصار يقرأ فيها

تنهد صقر وهو يناظر الارض وبتساؤل : نفسي اعرف وش تفرق ريم عن اولادك ؟؟ ليه تعاملها كذا ؟؟ وبقهر رفع راسه وناظر نايف بالله عليك لو سلمى او لينا او سيف بالمستشفى ما بتزورهم ؟؟
ورفع يده لا تجاوب واشر على نفسه انا اجاوب عنك لو سلمى تدخل المستشفى رح تنام وتصبحى عندها وما تفارقها
رفع نايف نظره عن الورقه وببرود : جاوبت بنفسك
صقر بعصبية : طيب ليه وش تفرق عنهم ؟؟
رفع نايف حاجبه وببرود يقهر صقر وببطئ تكلم : الفرق انه سلمى ولينا وسيف ومحمد اولادي اما ريم بنت ساره
هذا الفرق بس وشد على حرف السين

وقف صقر بعصبية : انت حرام تكون اب

نايف ببرود :،لا تفتي على كيفك واعطاه نظره حاده
وبعدين لا تنسى انك كنت سبب رئيسي بمرض ريم رب العالمين لطف والا كانت بعداد الموتى وبحده ناظر صقر والسبب انت

صقر وهو يناظره ويحط يده على صدره : انت قد الكلام هذا للي تتهمني فيه ؟؟

نايف يمسك ورقه ثانيه : لو ما كنت قده كان ما قلته

طلع صقر من المكتب وهو عازم ينفذ للي بباله

طنش نايف صقر ورجع للاوراق للي قدامه
*
*
*
*
بعد الظهر على الساعة 2.00
لبست الشيله وكنت على وشك احط الشيله على وجهي
بس مسك يدي جدي وبهدوء : خلص ما له داعي
صحتك اهم بس اهم شي عباتك هاذي ما تلبسينها

ناظرته بغباء : يعني بس هنا وبالبيت وبالمدرسه اتغطى ؟؟؟
تنهد جدي وبعدها ناظرني : يا بنت الحلال خلص غطاء ما في الا لما يتحسن وضعك والدكتور يسمح لك فهمتي الحين

هزيت راسي بالموافقة وابتسمت ومسك جدي يدي
وتوجهنا خارج الغرفه نزلنا بالمصعد وبعدها وقفنا عند الريسبشن ما ادري ليه
بعدها بدقايق شفت صقر ومعه نايف ابوي وصلوا عندنا تكلموا مع جدي بس بصراحه جرحوني ولا واحد منهم قال لي الحمد لله على السلامة
طنشت تجاهلهم لي وبعد دقيقة تقدم منهم سليمان
سلم على الموجودين وبعدها ناظرني بدهشه نغزه صقر بكتفه بعدها نزل نظره وسال جدي وهو يحك ذقنه : ما اذكر يا جدي عندك بزران ؟؟ وغمز لجدي

ابتسم جدي : اخر هالعمر ربي رزقني بأحلى بزر تملي علي حياتي ولف لجهتي وابتسم صح يا ريم

سليمان رفع حاجب بتشكيك : قول انك متزوج يا جدي ودك تقنعني انها هاذي ريم هاذي بزر صغيره

رد جدي وهو يحط يده على كتفي ويقربني منه استحيت واحس خدودي حمروا : واحلى بزر
فكيت يده عن كتفي بقهر : ماني بزر انا مخطوبه يعني كبيره

ناظرني سليمان بتهديد : باحلامك تتم الخطوبه انا اقول يا جدي بكره تطلب الطلاق من زياد هذا الناقص نزوج بزران والناس تتكلم علينا وبعدين ليه تزوجها غريبه واولاد عمها وش كثرهم

جدي بحزم وهو يمسك يدي وهو يناظر سليمان : هذا الموضوع منتهي البنت عقدت ما حد له دخل بالموضوع لو كلامك صحيح ما تركتوها تروح للغريب وانت فاهم قصدي
وبعدها استأذن جدي وهو ماسك يدي بقوه
وتوجهنا خارج المستشفى وانا احس بالقهر وش دخلهم حتى يلغون الخطبه هاذي حياتي وانا راضيه وعضيت على شفايفي بقهر من ابوي لانه وجوده وعدمه واحد
*
*
*
*
*
بالكفتيريا وهو يعض على اصابعه بقهر : كيف جدي يزوجها بعدها هاذي صغيرة
صقر وهو يقرص عيونه : صغيره
سليمان بلعثمه : هاه لا وحك راسه بتوتر وبعدها استدرك الوضع وكمل اقول لك صغيره بزر الله يصلحك انت وتفكيرك وبعدين اولاد عمي اولى بها من الغريب

صقر بجديه : وش للي مضايقك البنت راحت بنصيبها لا تتدخل بامور ما تعنيك
سليمان بعصبية : كيف ما تعنيني هاذي بنت عمي
صقر وهو يشرب العصير ببرود : الحين اكتشفت انها بنت عمك وينك عنها صار لها اسبوع مخطوبه الحين بس تذكرتها والا علشانها
وسكت صقر
سليمان يرفع حاجب : وش تقصد كمل كلامك
صقر بلامبالاه : خلص انسى واتمنى انك ما تتدخل بموضوع ريم اختصار للمشاكل
ناظره سليمان وهو يتوعد بداخله اذا ما خرب الموضوع ما يكون سليمان .........

*
*
*
*
*
اول ما دخلنا البيت كان هادي توجهت لغرفتي بسرعه
ما لي خلق لمشاكل مع جدتي دخلت الغرفه وقفلت الباب بالمفتاح وبدلت العبايه ورميتها على الارض ورميت بنفسي على السرير حاسه جسمي مكسر
ودخلت بعالم الاحلام حتى اهرب من الواقع .......
بعد مرور وقت من النوم فتحت عيوني وسمعت اذان العصر
جلست على السرير بتعب وتذكرت البارحه الاختناق لو ما كنت اصلي كيف الاقي ربنا نويت اقوم اصلي بس
عفست ملامحي ما اذكر كيف الصلاه
وحكيت راسي بندم لو اروح اسأل حد بالبيت اكيد رح يتمسخرون علي
خلص من الاسبوع الجاي رح اصير اصلي واسال معلمه التربيه الاسلاميه عن الصلاه واقنعت نفسي
بهذا العذر ....


وقفه


قال الغزالي : إن التسويف يسبب أربعة أشياء :

1- ترك الطاعة والكسل فيها .

2- وترك التوبة وتأخيرها .

3- والحرص على الدنيا والاشتغال بها .

4- وقسوة القلب ونسيان الآخرة .

وقال الحسن :إياك والتسويف ، فإنك بيومك ولست بغدك،

فإن يكن غداً لك فكن في غد كما كنت في اليوم ،

وإن لم يكن لك غد لم تندم على ما فرطت في اليوم .

فكم اضعنا صلاتنا وصيامنا وارتكبنا المحارم ونحن نقول غدا سوف اتوب
غدا سوف اصلي
غدا سوف ابر بوالدي
غدا سوف اترك الاغاني والافلام وكل المحرمات
غدا سوف اصوم
غدا سأرتدي الحجاب
غدا غدا غدا غدا غدا غدا غدا غدا غدا غدا غدا غدا غدا غدا غدا غدا غدا غدا غدا هل يا ترى هل تضمن ان تعيش ليوم الغد .............

نرجع للاحداث
في اليوم الثاني ما داومت بالمدرسة وتحسنت صحتي كثير ومع الادويه ناظرت وجهي كانت خدودي لونها زهر وناظرت عيوني سبحان الله كل البنات بالمدرسة يقولون لي عيونك ملونه مع انه عيوني لونهم عسلي مثل جدتي ام محمد عيونها مثلي لوزيات
كان الوقت العصر فقررت اطلع من غرفتي اغير جو
وقبل ما اطلع
غيرت ملابسي ولبست شورت كابوي لنصف الساق لونه اسود ولبست بلوزه بيضاء حفر عليها بعض الرسومات الكرتونيه وتركت شعري سايح على طوله وحطيت طوق لونه ابيض وعليه ورده لونها اسود

وطلعت من غرفتي وتوجهت للبلايستيشن بعد ما اخذت الوصله وبيدي اليمنى عصير سن توب وتربعت على السراميك كان لونه اسود حطيت علبه العصير على الارض
وبلشت العب حتى انسى تعبي
سمعت صوت من خلفي : قال مريضه يالكذوب ضحكتي على جدك وعملتي هالتمثيليه والمسكين
صدق كذبك
وقفت اللعبه والتفتت عليها وغمزت لها بابتسامة : كيف براعتي بالتمثيل وسبلت عيوني بدلع
اقتربت جدتي مني ومسكت شعري وشدته : ليه لابسه هاذي البروكه ؟؟
حاولت ابعدها عن شعري بس كانت تشد بقوه وبعدها تركت شعري وعلامات القهر بوجهها
وبعدها نزلت بقهر .....
رتبت شعري حسبي الله وجعتني كله غيره من شعري قال ليه حاطه باروكه
وبعدها رجعت اكمل اللعب وبعد نص ساعة حسيت بحركه بالصاله
التفتت شفت زول صغير دخل غرفتي وبسرعة وقفت وتوجهت لغرفتي ولما دخلت
شفت طيف كانت لابسه فستان زهر خيط ساده ورابطه شعرها ذيل حصان
ناظرتها وهي مو منتبه لي : وش عندك هنا يا طيف ؟؟
لما سمعت صوتي نقزت وبسرعة تناولت علبه العصير للي على الطاوله وهربت
انا جن جنوني عند عصيري المفضل ما اسمح لحد يشربه او يلمسه
واركض خلفها مثل المجنونه وانزل الدرج درجتين درجتين بس الدبه لفت من خلف الدرج ولحقتها بس طلعت لبرا وانا نسيت نفسي ولحقتها بدون وعي دخلت المجلس
وما انتبهت للموجودين وبصراخ وانا اركض وراها : يا حيوانه هاتي العصير
ركضت طيف عند عمي فيصل وتخبت بحضنه
انقهرت منها مسكت شعرها وشديته وا انتبهت لنظرات عمي كان كل همي اخذ العصير
لما شديت شعرها ارخت يدها وبسرعة سحبت العصير وابتعدت عنها وبابتسامه نصر : علشان ثاني مره تسرقين مني العصير
سكتت لثواني وانا اشوف نظرات عمي النارية استغربت وناظرت جهة اليمين شفت زوجات اعمامي وجدتي للي تناظرني بقوه وفاتحه فمها
استغربت ليه يناظروني كذا ناظرت جهة اليسار وكانت الصدمه
كل الشباب موجودين
بصراحه صدمه وكرده فعل حطيت يدي على فمي وشهقت وخلال ثواني نطيت خارج المجلس وبسرعه
ركضت على غرفتي وقفلتها بالمفتاح
يا ويلي من عمي فيصل لا بالله اليوم رح يصلون علي الجنازه
وبعد دقيقتين طق الباب بقوه وبسرعة بعدت عن الباب ونقزت وانا قلبي طبول
وللي زاده صراخ عمي فيصل : افتحي يا قليله الحيا
وبصراخ وهو يضرب على الباب بقوه افتحي
اذا ما دفنتك اليوم ما اكون فيصل
تركته يصرخ ويضرب على الباب وما حبيت اتكلم لانه اذا قلت كلمه زياده اتوقع رح يكسر الباب ويدفني
بعد عشر دقايق الظاهر انه مل وراح وهو يتوعد بي
اخذت نفس براحه بعد ما راح
وحمدت ربي انه جدي وعمي صقر مو موجودين ولا ابوي اففففف الحمد لله

*
*
*
بعد ما ركضت ريم برا المجلس وقف فيصل والتفت للشباب بنظرات ناريه
وطلع من المجلس وعيونه حمراء من العصبيه
الجده بحقد : حسبي الله عليها داخله لا حيا ولا خجل

سامي : جده مين هاذي البنت

الجده بكره : مين غيرها بنت ساره حسبي الله عليها
ام خالد تكلم الشباب : الله يرضى عليكم اطلعوا قبل ما يرجع فيصل ويقلبها نكد

وقف عمر ولوى بوزه : واحنا وش دخلنا يعني حنا قلنا لها اطلعي كذا
ضربه نواف على كتفه: اقول امشي قدامي
وطلعوا الشباب من المجلس بهدوء
ساميا وهي رافعه حاجبها وملامح الاستغراب على وجهها : هاذي ريم ؟؟
الجده بدون نفس : ايه ريم
ساميا : ما شاء الله عليها ربي يحفظها من العين
خزتها ام سليمان بقوه : تلاقينها حاطه 10كيلو مكياج ومركبه باروكه
الجده بكره تتكلم عن ريم وهي تناظر ام سليمان : ما هي باروكه انا شديت شعرها بيدي اليوم شعرها طبيعي حتى شفتها من قريب ما هي حاطه مكياج
ام خالد بكره : طيب كيف اول يوم جت فيه كان وجهها اسود
الجده : خبرني ابو سلمان انه ريم كانت حاطه على وجهها كريم ما ادري وش هو مسمره نفسها حتى اخذ منها العلبه ومنعها تحط منه
ساميا باستغراب : طيب ليه عملت كذا ؟؟
الجده بضيق : وجعتوا لي راسي بكثره اسئلتكم روح عليها هالمقروده واسألوها
وبعدها دخل فيصل ومولع على الاخير توجه للكنبه وجلس عليها وهو يهدد ويتوعد بريم

*
*
*
*
كان الشباب متوجهين لمقرهم بالحديقه بدر وهو يصفق يده : مو مصدق انها ريم هاذي صغيرة

نواف بدون نفس : بلاه تصدق
جلسوا على الارض وتكلم سليمان بقهر : عاجبكم بنت عمكم تطلع للغريب وانتم ولا على بالكم

عمر : وش ودك ايانا نعمل البنت ملكت وانتهى الموضوع

سليمان بقهر وهو يناظر للبعيد : مين قالك انه الموضوع انتهى وبعدها التفت للشباب لازم ريم تتطلق منه وواحد منكم يخطبها
عبود بحماس : انا اخطبها
طقه سليمان على راسه بالخفيف :،انت بعدك صغير ابغى واحد من الاربعه
نواف او بدر او عمر او سامر واحد منكم لازم يخطبها
رد بدر وعمر بنفس الوقت : انا اخطبها
ناظرهم سليمان : واحد منكم تنازلوا
بدر بحده : انا قبلك تكلمت
عمر بجديه : لا انا قبلك تكلمت
وناظروا بعض بقوه
سليمان يهدي الوضع : حنا جينا ننتفاهم مو نتشاجر
وبعدها ناظر نواف وسامر : وش رايكم ؟؟

سامر بابتسامة : فكره مو شينه البنت بحياتي ما شفت بجمالها ونعومتها بس المشكله مع امي ما رح توافق
سليمان : ما عليك من امك وبعدها التفت على
نواف : وش رايك ؟؟
نواف بهدوء : البنت صغيره واحسها ما تناسبني ابد وبعدين قريب افكر اتزوج وريم بعدها صغيرة ما تناسبني لو كانت كبيره والله ما احد يحلم فيها منكم
بس حظكم البنت صغيره.....
سليمان وهو يكش عليه : يا رجال البنت اخرها تكبر
نواف باعتراض : وافرض انها ما كبرت وظلت قصيره
لا لا ما ابغى

سليمان : بكيفك يعني الحين صرتم ثلاثة واحد منكم
يتنازل لثاني علشان لما نخبر جدي نحدد واحد مو الثلاثه

طبعا الشباب كل واحد راكب راسه ومو راضي يتنازل
عمر بقهر لبدر : مو كنت ودك تخطب سلمى ليه هونت الحين
بدر يحط اصبعه على راسه : بكيفي ما ابغى سلمى ودي اخطب ريم
احتدت ملامح عمر ونزلوا الاثنين ببعض شتم
سكتهم سليمان ونواف : الحين من وانتم صغار صحبه والحين تتشاجرون على بنت
بدر بقهر وقف : ما اتشرف بصحبته
وقف عمر وبعصبيه : انا للي ودي اموت علشان اصاحبك يا فاشل يا اناني كل شي تاخذه مني واسكت لك بس هاذي المره حامض على بوزك تفهم
عصب بدر وضرب عمر بوكس على بطنه ويرجع عمر ويضربه بكس على وجهه ويهجمون على بعض
وبعد تدخل ابو سليمان للي كان مار يالصدفه وشافهم
فرق بينهم وبقهر : انتم الاثنين تتشاجرون انتم اولاد عم وطول عمركم صحبه ومثل الاخوان
علموني وش المشكله ؟؟

نواف يستدرك الموضوع ويغطي عليه : موضوع تافه كل واحد يقول انه الصادق والثاني كذاب وكذا من هاذي السوالف حتى تشابكون مع بعضهم
ناظر بدر الموجودين وبعدها ترك المكان بزعل
ناظرهم ابو سليمان بهدوء : الله يصلحكم ثاني مره يا ويلكم اذا تكررت هذي الحركه
وبعدها ترك المكان
وبعد دقايق ناظر سليمان عمر : عجبك كذا ؟؟
عمر بقهر : بدر اناني مستحيل احط عيني على شي الا ياخذه مني ودايما اطنش واسكت بس هاذي المره يحلم انه اسكت له

نواف : على كل حال الموضوع رح ناجله حتى نلاقي حل وبعدها يصير خير ........


*
*
*
*
بعد الموقف جلست بغرفتي يومين مقفله الباب
حتى المدرسه معطيتها طاف واليوم الخميس عطله قررت اطلع من الغرفه
لبست عبايه من للي اشتراها صقر وكانت كبيره خلعتها ورمتها على الارض بتأفف
بحثت بالعبايات للي اشتراها صقر وجدت عبايه مفتوحه من الامام و لها كباسات وحجمها مناسب
لبستها بسرعة ولفيت الطرحه على راسي وطلعت
خارج الغرفه
وتوجهت للدرابزين ونزلت اتزحلق عليه
وبعدها توجهت للصاله الداخليه دخلت ما كان في الا جدتي

دخلت وبابتسامه : حيالله عجوز النار

ناظرتني جدتي بحده : عجوز بعينك يا قليله الحيا
تقدمت وجلست جنبها وبستها على خدها : امواح
ابعدتني وصارت تمسح وجهها وهي منقرفه
ابتسمت : لا لا تمسحي الوان الطيف الحين تروح وضحكت ههههههه الله يسامحك عجوز وبعدك
تلونين وجهك
وبعدها وقفت وخلعت العباية والشيله وحطيتهم على الكنبه
كنت مسرح شعري جدوله ولابسه بنطال برمودا لونه
نهدي غامق وبلوزه اكمامها قصيره كثير وشحاطه اصبع لونها نهدي
وبعدها جلست بابتسامه : اقول انت وش اسم ابنك الكبير
ناظرتني وهي تقرص عيونها : سلمان
.ابتسمت : حلو خلص رح اناديك بدل عجوز النار ام سلوم كيف حلو صح

ناظرتني جدتي ولوت بوزها وما ردت
كلمتها : ما علينا يا ام سلوم المهم تدرين انك حلوه بس تخربين نفسك بالالوان للي حاطيتها على وجهك
عصبت جدتي : يالي ما تستحين
قاطعتها : ليه عصبتي وانا صادقه بكره هالشايب يروح يتزوج عليك لما يشوف هاذي الالوان مو كذا ينحط المكياج


جدتي بسخريه : للي يسمعك يقول فاتحه صالون تجميل وباسلوب نهر فارقي عن وجهي فارقي

دخلت ام خالد : سمعتي وش قالت لك فارقي قبل ما انادي عمك فيصل تراه متحلف فيك

رديت ببرود : عادي ناديه شفته لما طلع قبل شوي وحركت حواجبي
وبعدها التفتت على جدتي : هاه وش قلتي يا ام سلوم وش رايك احط لك مكياج وخالتي ام خالد الحكم

الجده بعصبية : قلت لك فارقي تراك رفعتي لي ضغطي افففففف
ام خالد بسخريه : هذا للي ناقص بزران يحطون لك مكياج
وقفت بتحدي : لا تستهينوا بقدراتي واتحداكم
وناظرتهن بحماس الحين احط لجدتي مكياج اذا عجبكم والكل مدح المكياج اصير صديقتكن وما تطردني
واذا الكل ما عجبه لكم شرطين وانا انفذهن

كانت جدتي ودها ترفض بس قاطعتها ام خالد : خالتي اكيد ريم خسرانه ليه ما نكسب من وراها شروط ونطلعهم من عيونها
جدتي بتفكير : اممم خلص موافقه
نطيت بحماس يالله يا ام سلوم على غرفتي
*
*
*
توجهنا لفرفتي وفتحت الباب ودخلت جدتي وام خالد شهقت : ليه غرفتك كذا ؟؟
ناظرت الغرفه كانت معفوسه حكيت راسي باحراج : بعدين ارتبها
قفلت الباب وطلبت من جدتي تغسل وجهها وتحط مزيل المكياج
وطلبت من خالتي ام خالد تجلس على السرير وما تناظرنا
وطبعا اول شي بديت بشعر جدتي سحبته وبعدين سرحته بطريقه تناسب عمرها
وبلشت اطرش وجهها وانا ابتسم وجدتي تتوعد في اذا عجبت عليها
وبعد مرور من الوقت كملت وعملت اللمسات الاخيره على شعرها

وابتسمت: كملت يا ام سلوم
كانت جدتي ودها تناظر نفسها بالمرايه بس ما خليتها ولبست عبايتي والشيله
وطلبت من ام خالد تشوف جدتي فتحت فمها وههي مندهشه
جدتي تسأل ام خالد : قولي لي كيف وجهي اخاف عجبت علي قليله الحيا

ام خالد باندهاش : يا مقروده وين تعلمتي كل هذا

ابتسمت وغمزت لها : سر المهنه
ام خالد : تدرين خالتي خلص ما رح اقول لك تعالي ننزل تحت ونشوف ردت فعل الجميع الحين تلاقينهم بالمجلس
كانت جدتي ودها تعترض بس مسكتها ام خالد من يدها وسحبتها خارج الغرفه
طبعا وبسرعة لحقتهم

*
*
*
*

دخلنا المجلس واول ما دخلنا كانت النظرات على جدتي والكل مستغرب شكلها
دخلت بابتسامة وناظرت جدي : كيف العروس واشرت على جدتي
ناظر جدي جدتي بمرح : والله بالبدايه ما عرفتها ما كنت ادري انه المكياج يصغر


بدت كلمات المدح تنهل على جدتي والكل يمدحها
وبعدها اقتربت منها وهمست بإذنها : خليك قد كلمتك انتي وخالتي ومن يوم ورايح انا صديقتكم وما تطردوني اوكي

لوت بوزها جدتي : ان شاء الله
وبعدها توجهت عند جدي وبوسته على راسه وبابتسامه : اخبارك يالشايب
جلسني جنبه وبابتسامه مد يده وقرصني بخدي : كم مره قلت لك لا تقولينها
ضحكت : خلص خلص اتركني يالشايب صدقني ما اعيدها
ترك خدي : ملسونه
وبعدها همس بإذني : زياد اليوم اتصل فيني
ناظرته بدهشه وبصوت عالي : احلف
ضربني على راسي : يعني اكذب عليك
وبلهفه سالت : ما قال متى ييجي يزورني
الجد بهدوء : طلب زيارة بس انا رفضت
بصراحه عصبت وبصوت عالي : ليه رفضت ؟؟؟
دخل عمي فيصل : وصمخ ان شاء الله ورفع يده بتهديد هذا صوتك امحيه عن الوجود اذا ظل يبربر
طنشته وسالت جدي بزعل : ليه رفضت ؟؟
جدي بهدوء قربني له : خلص اسكتي بعدين نتناقش في هذا الموضوع

هزيت راسي باستسلام

عمي فيصل يناظرني وهو رافع حاجب ومتكي على يد الكنبه : علامك مبوزه وزعلانه ؟؟؟؟
رديت بدون نفس : ابد يالغالي ماني زعلانه بس بتعرف اذا ما شفت بعض ناس وجلست معهم اتنكد
عصب عمي فيصل واعتدل بجلسته : حامض على بوزك ظلك احلمي يا بابا وبعد سنتين راجعينا
رديت ببرود : عادي الله يعيني على هالسنتين استحملهم
نواف يهمس للشباب : ما ظنيت تقبل ريم بالطلاق
سليمان بحده وصوت هامس : غصب عنها مو بكيفها

دخل مصعب وهو يركض ومسك يدي وكان خلفه احمد
دفش مصعب احمد للخلف وبصراخ : والله ما توخدها اندلع
مسكه احمد من بلوزته وشده : انت اندلع
وقف عمي فيصل وبعدهم عن بعض وناظر احمد ومصعب : وش فيكم يا بابا تتشاجرون ؟؟
مسك مصعب يدي ويشدها واحمد يحاول يسحب يد مصعب من يدي
مصعب وهو وده يبكي : انا دلت ازوز ليم بث هدا يدول هو يزوزها
ضرب احمد مصعب على راسه : اخلس ليم علوستي اندلع من هنا
كل بالمجلس يضحكون انا بصراحه وجهي صار احمر من الفشيله
فلتت يدي منهم وبعصبيه : لا انت ولا هو وبدلع انا مخطوبه لزيادو
مصعب بعصبيه : والله لاضلبه زيادو
فيصل بعصبية : احمد مصعب وش ذا الكلام البايخ عيب وبحزم يالله انقلعوا برا اشوف واذا سمعت هذا الكلام مره ثانية ما يحصلكم طيب
وبعدها التفت علي وهو يشد على اسنانه : الكل يدري انك مخطوبه ما له داعي تفلسفين
لويت بوزي وسكتت يالله هالعم طالع لي نشبه مثل الشوك بالبلعوم

*
*
*
*
نغز سليمان بدر وعمر وبابتسامه : لكم منافسين هههههههه
ناظر بدر عمر بتكبر ولف وجهه
عصب عمر وبصراخ : قسم بالله اتوطى ببطنك الحين واعرفك مين عمر للي تتكبر عليه

وقف بدر بعصبية : لا يمامي خوفتني اقول روح تلايط
صرخ الجد بعصبية : وكمان قدامي ما في احترام تتشاجرون بالمجلس ما احترمتم حريم اعمامكم ولا بنات اععمامكم
ونزل جدي بهدله فيهم وحاول يعرف سبب المشكلة
بس ما حد خبره وقالوا مشكله بالجامعه
وبعدها صعدت لغرفتي ارتاح شوي ....
*
*
*
توجهوا الحريم للصاله الداخليه ومعهم البنات
رغد باستغراب : والله مو مصدقه بدر وعمر يتشاجرون وش للي غيرهم

مي : صحيح 24 ساعة مع بعض وضحك وش للي غيرهم
روان بقهر : الاهم شفتوا الكلبه ريم اخخخ احس بالقهر جالسه مع جدي وتضحك معه وتقول له الشايب يا حسره علينا لو حنا للي قلنا له شايب زمان دفنا

سديم بكره : يا ثقل دمها تتدلع وحالتها حاله مالت عليها

سلمى ببراءه : يمكن يدللها جدي لانها حلوه كثير
روان بقهر : يقطع حلاتها وين جمالها ما ادري وبغيره عاديه واقل من عادي انا احلى منها
سديم بغيره : احنا احلى منها يكفي انها قزم

مي : اتركونا منها لا تنسون بكره الحفله
سديم وهي تخبط على راسه بالخفيف : تدرين اني ناسيه
وجلسوا البنات يخططون للحفله .......

*
*
*
*
*
ام سليمان بانبهار وهي تناظر الجده: والله ما توقعتها هالملسونه تعرف للمكياج طالعه قمر يا خالتي
انبسطت الجده على المديح وخاصة بعد ما شافت نفسها بالمرايه : انا اقول وش رايك تخلين ريم تجهز سديم للحفله

ام سليمان باعتراض : لا لا يا خالتي اخاف تعجب عليها من الغيره هاذي بنت ساره لا لا انسي

ام خالد : انا بكره مكياجي على ريم غصب عنها تزبطني
الجده ناظرت ام خالد : انا قبلك تجهزني
ام خالد باعتراض : يا خالتي انا ام العروس ولازم اتجهز بالاول علشان المعازيم
الجده عفست ملامحها : انا الجده ولازم اكون جاهزه علشان المعازيم واعطتها نظره
ام خالد بدون نفس : ان شاء الله
ام سليمان بتفكير : وانا كمان افكر انها تجهزني
ام خالد تناظر ام سليمان : انا قبلك حجزت
ام سليمان : طيب طيب انتي قبلي

*
*

SIZE="6"] البارت 33

**
**
**
**
**
صحيت الصبح على طرقات على الباب فتحت عيوني
بصعوبة ورجعت سكرتهم مو قادرة افتح عيوني من النعس
زادت الدقات على الباب تاففت بضيق وجلست على السرير وانا مفتح عيني ومسكر عين
وتوجهت للباب افتحه كنت امشي مثل السكران وبلوزه البيجاما رافعه من جهة اليمين وشعري معفوس
سالت من ورى الباب بصوت ناعس : مين
سمعت صوت عجوز النار : افتحي بسرعه
فتحت الباب وانا شبه مغمضه : نعم
جدتي فتحت عيونها : بعدك نايمه اليوم حفله سديم وانتي نايمه
رديت وانا مغمضه: طيب ؟؟
ردت جدتي بعصبيه : ما في وقت يالله يمديك تجهزيني
فتحت عيوني نص تفتيحه : ومين قال لك اني موافقه اجهزك شايفيتني فاتحه صالون

فتحت جدتي عيونها : نعم نعم وانا ما حجزت كوافيره علشان انت تحطين لي مكياج

رديت بصوت ناعس : طيب خلص خليني انام واشبع نوم علشان اعرف اجهزك على الساعه 1.00 ناديني

ردت باعتراض : لا لا ما يكفي الوقت لازم ابكر من كذا
تاففت : اقول لك انا ما ابغى اجهز احد تبغين على الساعة 1.00 حياك ما تبغين خلي الكوافيره تجهزك اوكي
جدتي بضيق وباستسلام : طيب طيب لا تتاخرين
هزيت راسي وانا مغمضه عين ومفتحه عين
وبعدها غادرت جدتي وبسرعة ركضت على السرير
حتى اكمل نومتي


**
**
**
**
**
**
**
كنت مستغرقه بالنوم بس صحيت مفزوعة على
صوت صراخ قريب مني : بعدك نايمه
نهضت بسرعة وفتحت عيوني بشويش
وناظرت جدتي وبعدها غمضت عين وفتحت عين وانا اناظرها
جدتي بعصبية : ريم صحصحي
ناظرتها وانا مغمضه عين وفاتحه العين الثاني وبصوت ناعس : نعم

جدتي وهي شاده على حالها كثير : نعامه تر
وبعدها سكتت واستدركت كلامها نعم الله عليك يالله عجلي ما بقى وقت

ناظرتها وانا افرك عيوني : كم الساعة ؟؟
ردت جدتي وهي تحاول تكتم اعصابها :الساعه 1.00

وقفت وانا اتثاوب: الحين الحقك بس دقايق اسبقيني على جناحك
هزت راسها جدتي وطلعت
اما انا تثاوبت مره ثانيه وبعدها توجهت للحمام وغسلت وجهي حتى اصحصح واخذت اغراض المكياج وتوجهت لجناح جدتي
**
**
**
دخلت الجناح بعد ما طرقت الباب اول ما تدخل تلاقيك صاله متوسطة الحجم كذا شكلها








بصراحه ما عجبتني كثير :) بعدها توجهت لغرفة النوم خلف جدتي وكان شكلها كذا





جلست على كرسي التسريحه وانا اتثاوب
ناظرتني جدتي وعلامات الاستعجال عليها ومرتبكه : يا بنت الحلال خلصيني ما جبتك علشان تنامين هنا عجلي مستعجله ورانا الضيوف ولازم اكون جاهزه قبل وصولهم
ناظرتها ببرود : قبل ما ابدأ فيه شروط نفذتيهن اجهزك رفضتيهن انا الحين طالع من الغرفه
وناظرتها بمعنى وش رايك

ناظرتني جدتي بقهر ولو يطلع بيدها كان خنقتني هي مولعه ومستعجله وانا اتكلم ببرود : يعني ضيعتي علي الوقت والحين جايه تتشرطي وجلست على السرير قبالي وهي تضرب كفها على فخذتها حسبي الله عليك وشدت على اسنانها خلصيني وش هي شروطك

ناظرتها ببرود : امممممم تشتري لي 3 كراتين عصير سن توب
قاطعتني بقهر : خلص خلص اشتري لك يا مشروهه 3كراتين !!!
يالله عجلي تراك رفعتي ضغطي
وقفت ببطئ واشرت لها تجلس مكاني
وبديت اجهز فيها ولما قربت اجهزها دخلت ام خالد وام سليمان
ام خالد وهي مستعجله : عجلي ما بقى وقت
ناظرتها ببرود : الوقت طويل ربع ساعه واكملها
ام خالد رفعت حاجبها : وين طويل الله يسامحك وانا وام سليمان متى تخلصين لنا

رفعت حاجب وعفست ملامحي : نعم نعم ومين خبرك اني موافقة اجهزكم انتم واشرت عليهم
ولويت بوزي وتخصرت اصلا يا دوب اجهز نفسي ما بقى وقت
اتصلوا بالكوافيره تيجي الحين وتجهزكم انا ما عندي وقت
ولفيت وجهي وانا احط مكياج لجدتي
ام خالد بقهر : من وين الحين نلاقي كوافيره كذا قطعتينا
رديت بلامبالاه.: اتوقع اني ما اتفقت مع احد اني اجهزه لو اتفقتم معي وبعدين انسحبت حقكم تعترضون حتى ام سلوم ما اتفقت معها
ام سليمان باعتراض : طيب ليه خالتي ما اتفقتي معها والحين جهزتيها

جدتي وهي جالسه على كرسي التسريحه ومجمده
ملامحها خايفه يخترب المكياج : اسكتي اسكتي رفعت ضغطي حتى وافقت وكمان بشروط مو لله تشتغل هالمقروده

ناظرتها بتهديد : انا مقروده وقرصتها بعيوني
لما شافتني وانا اهدد وما رح اكمل لها ضحكت بتصنع : ههههه لا لا امزح معك
ام خالد بقهر : طيب اشرطي علينا وحنا ننفذ بس عجلي ما ودنا نتاخر
تكتفت وبتفكير : اممممممم الحين ما مو ذاكر شروط بس لما اذكر وعد تنفذوهن
ام خالد بسرعه : وعد ننفذهن بس عجلي
ناظرت ام سليمان بنص عين : وانت خالتي موافقه
ام سليمان وهي تكتم غيضها : موافقة
جدتي بصراخ : خلصيني رفعتي ضغطي
حكيت راسي وبعدها رجعت اكمل لها
وبعد ربع ساعه انتهيت
وتوجهت للسرير وجلست عليه وانا اتمطل
ناظرتني ام خالد : يالله عجلي يا ريم دوري الحين ما فيه وقت
وقفت وانا اتخصر : لحظه لحظه اجهزكم وبعدين تروحون على القاعه وتتركوني لحالي ومين يوديني ؟؟

ام سليمان : يا بنت الحلال ننتظرك لحد ما تجهزين وتروحين معنا
وقفت عند الباب : انا مو مغفله الحين اروح غرفتي البس واتجهز قبل ما اجهزكم
وطلعت من الغرفه قبل ما يعترضن
**
**
**
**
ام خالد وهي تعض على شفايفها بقهر : اخخخ يالقهر
نفسي انتفها من شعرها ذلتنا
ام سليمان بضيق وهي تناظر الساعه : قلت لك خلينا نشوف كوافيره تيجي هنا واحنا ندلل عليها مو هي تذلنا مثل هالحيوانه
ام خالد وهي تتنهد : المشكله هالحيوانه مبدعة بالمكياج شوفي خالتي ما تصدقين انها هي نفسها

ام سليمان وهي تناظر الجده : صادقه
الجده دخلت غرفة الملابس تلبس جلابيه الحفله
وبعد دقايق دخلت على ام خالد وام سليمان : كيف ؟؟
ام خالد ناظرت الجده وهي لابسه جلابيه لونها ازرق وكلها برق واكمامها عريضه ومن عند الخصر ضيقه : واو روعه لاول مره تكونين كذا
اعطتها الجده نظره قويه : وش تقصدين ؟؟
ام سليمان بانبهار : مو قصدها شي بس روعه المكياج ناعم ومناسب لك مو مثل كل مره يكون ثقيل
الجده وهي تناظر نفسها بالمرايه ومبهوره بنفسها : يالله طلع من وراها فايده بنت ساره
**
**
**
**
دخلت غرفتي وتوجهت للحمام اخذت دش عالسريع وجففت شعري
وبسرعة توجهت للخزانه واحترت وش البس اخترت
فستان لونه عنابي ماسك على الجسم كله
خيط ساتر لنصف الساق ومخصر وله سير فضي على الخصر
و لبست صندل كعبه عالي لونه فضي وبعدها سرحت شعري وعملت فيه حركه بسيطه وحطيت فلل لونها فضي ولبست سلسلة فضيه فيها حرف اسمي وخاتم فضي ناعم
وطلعت بسرعه على جناح جدتي بعد ما اخذت العبايه والشيله
دخلت بعجله وانا ابتسم وسمعت صوت جدتي الهامس : بسم الله ما شاء الله
طنشت نظراتهن المبهوره وطلبت من ام خالد تجلس حتى اجهزها وطلبت منها تشتري لي لاب توب ووافقت بدون تردد مقابل اجهزها بسرعة
**
**
**
**
بعد مرور وقت طويل كملت وانا احس ظهري انكسر

جلست على طرف السرير وانا اناظرهن واقول بنفسي الله يخلي المكياج صحيح انهن ناعمات بس بعد المكياج اتوقع يغطن على سديم

بعد ما قفلت جدتي الجوال ناظرتنا وبعجله : يالله عجلوا صقر ينتظرنا تحت
ام سليمان وهي تلبس الشيله: ساميا راحت ؟؟
ام خالد وهي تلبس العبايه : راحت مع بناتها على الصالون
وبسرعه تجهزنا ونزلنا
وصلنا عند السياره نزل صقر من السياره وفتح الباب الامامي وركبت جدتي ومن الباب الخلفي ركبت خالتي ام خالد وام سليمان
ولما تقدمت اركب وقفتني يد صقر الممدوده : وين ؟؟
ناظرته ببراءة : ودي اركب معكم

صقر رفع حاجب وسكر الباب وناظرني بحده : اسف مو سواق عندك
رديت بقهر : طيب مع مين اروح ؟؟

هز صقر اكتافه بلامبالاه : مو مشكلتي
جدتي كانت فاتحه الباب وتتكلم بالجوال بعدت الجوال عن اذنها وسالت صقر : علامك واقف ؟؟

صقر وهو يتكتف : هاذي واشر علي ما تطلع معنا
جدتي بهدوء : ما في حد تيجي ريم معه كل اعمامها بالقاعه خلص مشيها
صقر بصراخ ما له داعي : والله ما تركب انا مو سواق عندها وعند كل واحد يخلف ويرمي بناته علي
لا وهذا انا حلفت ما تركب معي
جدتي كلمت للي كانت تحكي معه بالجوال : سمعت يا نايف بإذنك صقر مو قابل تعال انت وخذ بنتك ....... كيف مو فاضي مين ياخذها للقاعه ..........ناظرتني ببرود هذا نايف يقول لك ارجعي على البيت ما في داع تحضرين وبعدها كملت كلامها على الجوال صقر معصب وراكب راسه ..........خلاص قلت لها ترجع ........ان شاء الله ........مع السلامه قفلت الجوال والتفتت على صقر : يالله يمه عجل تأخرنا
سكر صقر الباب وبعدها لف الجهة الثانية وحرك السياره وغادر المكان
وانا واقفه اناظر زول السياره تسلسلت دمعه من عيني غصب عني وانا حاس بالعبره خانقيتني
ما تتصورون الموقف للي كنت فيه صعب صعب توقعت صقر انه يمزح معي ما توقعته لئيم كذا رفعت نظري للسماء وغمضت عيوني بألم وانا محتار من هالعايله الحقوده
كلهم حقودين لئيمين اكرهم اكرهم نزلت دموعي على خدي وانا رافعه راسي للسماء ومغمضه عيوني
لو وحده من بنات عمي ما تركوها بالبيت لوحدها بس انا ما حد سأل عني
حتى ابوي لو سلمى بيرضى انها تبقى بالبيت لوحدها
ليه بناته وزوجته بنفسه وداهم للقاعه وانا ما حد سأل عني !!!!

جلست على الارض وعضيت على يدي ودموعي تنزل و بداخلي دوامه من الافكار وقررت انفذ للي في بالي وما علي من حد ما رح اضعف وابكي مثل الصغار

وقفت وانا امسح دموعي وشهقاتي تعلى مو قابله توقف
مشيت خطوتين وبعدها وقفت وانا اهز راسي بالرفض الفكره الاولى ما رح انفذها
وبعدها توجهت للبيت ناديت ميرفت وانا في بالي انفذ الفكره الثانيه وطلبت منها تيجي معي بعد ما اخذت العنوان
وبعدها ناظرت نفسي بالمرايه الموجوده ببدايه الصاله وعيوني منفخه من البكاء وانفي احمر وبسرعه توجهت للمغسله وغسلت وجهي ونشفته وعدلت الشيله وناظرت نفسي
وبعدها طلعت مع ميرفت توجهت لغرفة السايق وطلبت منه يوديني للعنوان المكتوب بالكرت
صحيح اني حزينه وقلبي مجروح بس مستحيل ابين لهم ضعفي لازم اكون قويه
كنت جالسه بالسياره واناظر من الشباك وحاسه نار بداخلي نبذهم لي يجرحني ......وصلنا القاعه ونزلت كان فيه رجال قريب من القاعه
ولاول مره احس بالخجل بس طنشت هالشعور ودخلت من بوابه النساء
وقبل لا ادخل للقاعه خلعت العبايه ورتبت نفسي وحطيت مكياج بطريقه يخليني بنت كبيره
وبعدها دخلت القاعه بثقه كانت كثير من النظرات حولي بس طنشت وقفتني جدتي بدهشه وبصوت هامس : كيف اجيتي ؟
رديت عليها بغرور وبدون نفس : ما يخصك
قاطعتنا وحده من الحريم : ما شاء الله تبارك الرحمن هاذي حفيدتك واشرت علي
بصراحه كنت بعدني متضايقة من الموقف وكرهانه كل الناس بس صممت احضر عناد فيهم كلهم وغصب عنهم وحبيت افشل جدتي لانه لو صممت كان ابنها النسر ما تركني
ناظرت جدتي والحرمه بتعالي وبعدها تركتهم ورحت
مع انه مو من طبعي كذا بس ما اعرف الفيوزات كانوا عندي ضاربات :)
**
**
**

الجده باحراج من تصرف ريم : ايييي هاذي ريم بنت نايف

ام زياد بقهر : وعلامها نافشه ريشها كذا وكأننا مو من مستواها
الجده بطيبه زائفه : هاذي حياتها مغروره ونافشه ريشها علينا بنت ساره حسبي الله ونعم الوكيل
ام زياد لوت بوزها وتتوعد بداخلها ريم

**
**
**
**
**
كنت اناظر الناس بكره اكرهم كلهم لا تسألوني البنات وش لابسات لاني من القهر للي بداخلي ما ناظرت حد وبعدها توجهت لطاوله بعيده وجلست عليها وانا حاسه حالي ودي ابكي
قطع علي خلوتي بعض الحريم
الحرمه الاولى : مخطوبه
ما ادري ليه جاوبت كذا يمكن لانه معظم انظار الحريم علي ومطنشين بنات عمي فحبيت اقهرهن : لا مو مخطوبه
الحرمه الثانيه : كم عمرك ؟؟
فكرت ورديت : اولى ثانوي
الحرمه الثالثه : مو كأنها صغيره ؟
الحرمه الاولى : لا لا موصغيره الفصل قرب ينتهي يعني ثاني ثانوي مناسبه
الحرمه الثانيه : مناسبه اممم وش اسمك يا حلوه واسم ابوك ؟؟
رديت بابتسامة ما ادري سببها : اسمي ريم نايف ........
الحرمه الثالثه : هذا النسب للي يشرف
نغزتها وحده من الحريم وبعدها استأذنوا وراحوا
وصار كل شوي تيجي حرمه وتسألني نفس الاسئله وجاوبت نفس الاجابات
وانا مبسوطه لفت نظري بنات اول مره اشوفهن يناظرني بحقد بس طنشت يمكن غاروا مني وبعدها وقفت وتوجهت للمنصه ونزلت ارقص واهز هز كل الانظار كانت علي
وبنات عمي يناظرني بحقد وغيره وخاصة روان
بعد ما كملت قالوا انه سليمان وده يدخل وانا انجن جناني وركضت بسرعه ولبست عبايه وحطيت اللثمه على وجهي اخاف واحد من الشباب يعرفني لاني حاطه مكياج
ورح تصير كارثه اذا عرفوا اني نفس البنت للي كنت بالمول
المهم دخل سليمان واعمامي وابوي ونواف وسامر
والكل كان حولهم
حسيت بالقهر بداخلي ليه سليمان وسديم عملوا حفله وانا لا
حتى خطيبي ما شفته ومنعوني اشوفه
جلست على احدى الطاولات وحاسه حالي ودي انفجر من البكاء
وعيوني مليانه دموع حاسه بالغربه عضيت على شفايفي من القهر متى اتزوج وابعد عنهم
وبعد ما انتهت الحفله توجهت للمغاسل وغسلت وجهي من المكياج ونظفته بالكريم
وعدلت شيلتي
وطلعت برا القاعه وحطيت اللثمه على وجهي ادور ميرفت وين اختفت ما ادري
وما ادري مع مين ارجع مر من قدامي رجال اثنين واحد يقول لثاني : بنات ما يستحن على وجوهن بهاللثمه للي يحطونها لو انها اختي كان كسرت وجهها وبعدها وقف عند سيارته ينتظر الظاهر اهله
بصراحه قهرني ان شاء الله يلتموا عليه عشره ويكسروه تكسير
طلعت جدتي وام خالد وام سليمان طنشتهم وراحن على سيارة صقر يركبن
يمكن يظنن اني الحين ابوس اديهن علشان ارجع معهن بس حامض على بوزهن
لفيت وجهي لمحت طيف ميرفت وبسرعه مشيت خطوه لجهتها بس في يد مسكتني ........

**
**
**
**
بعد ما راح صديقي وقفت عند السياره انتظر امي واخواتي وعيني على قليله الحيا للي واقفه برا لا حياء ولا احتشام وفوق كذا لابسه لثمه وعيونها مكحلات
كنت اتمنى انها تقربلي حتى اروح واكسر راسها تكسير عضيت على شفتي بقلة حيله
بعدها ركبت السياره لما شفت امي واخواتي طلعن
بعد دقيقتين ركبن وردوا السلام
وجلست انتظر الخدامه اخذت بنت اختي على الحمام
ناظرتني امي وبقهر : ما ادري ما بقى بنات حتى ابوك يبليك بهالزواج
ناظرتها باستغراب : وش فيه ؟؟!!
ردت امي بقهر : خطيبتك هالحيوانه نافشه ريشها علي وتكلمني من رؤوس خشومها وكاني حشره عندها
وبعدها التفت لخواتي : خبرنه بعمايلها بنت الحسب والنسب
تكلمت اختي : خطيبتك الحريم يسألونها مخطوبه ترد عليهن انها مو مخطوبه واخذوا اسمها حتى يخطبوها
في بنت تستحي على حالها تعمل كذا
قاطعتها امي : حتى قدام اولاد عمها حاطه اللثمه والمكياج ينقط تنقيط
بصراحه عصبت انها تلبس كذا قدام اولاد عمها بس حاولت اضبط اعصابي واحط اعذار ما احب احكم على الشخص بدون ما يدافع عن نفسه او اسمع منه
هزيت راسي بهدوء
امي بعصبية : مو مصدقنا شوف قدامك واشرت على البنت للي واقفه قدام القاعه هاذي خطيبتك مو مصدقنا روح اسألها
بصراحه انا جن جنوني عندي غيره مو طبيعيه انا خطيبتي تلبس كذا
وبسرعة نزلت من السياره وتوجهت لها قربت منها مشيت خطوتين وهي مو منتبه لي مسكتها من يدها ووقفتها
لفت وجهها وناظرتني باستغراب وبعدها عفست ملامحها وحاولت تفك يدها : يا قليل الحيا فك يدي
ناظرت عيونها كانت وسيعه ومع الكحل ولونهم المحير كانوا فتنه
رديت وانا اكتم غيضي : لو تعرفين الحيا ما طلعتي كذا وناظرتها بنظرات ناريه
ردت بعصبيه وبريق الدموع بعيونها : اتركني وش تبغى مني يا قليل الحيا وبعصبيه وصراخ بدون وعي اتركني اقول لك اترك يدي ما تفهم
**
**
**
**
سمعت صراخ استغربت وناظرت نواف اشر لي نواف ومشينا باتجاه الصوت
شفنا بنت وزياد ماسك يدها بس لما شافتنا نادت : نواف
تقدمنا منهم وشفت ريم والدموع بعيونها وناظرت زياد ماسك يدها بقوه
ناظرته بحده : نعم وش عندك ماسك يدها وبعصبيه اتركها قبل ما اكسر يدك
ناظرني زياد ببرود : بصفتك وش تكسر يدي ؟؟
رديت بعصبية يعني يخفف دمه وهو عارف اني ابن عمها : ابن عمها
رد ببرود : وانا زوجها
رديت بعصبية : باحلامك تتزوجها لو على جثتي وبامر ريم تعالي هنا
التفت زياد على ريم بعصبية : غطي وجهك وشد على اسنانه بقهر
وبسرعه غطت ريم وجهها كامل بالشيله انا جن جنوني يتامر عليها وهاذي مثل الهبله خايفه منه وبصراخ : ريم تعالي هنا ولا تردين عليه
زياد وهو يكتم عصبيته : اذا سمحت وخر منها زوج وزوجته لا تتدخل بينا فاهم
نواف بعصبية : متى ما تزوجتها ساعتها تكون زوجتك اما الحين حامض على بوزك ونصيحه باقرب وقت يا ليت ترسل ورقه الطلاق وبعصبيه ريم تعالي انقلعي هنا واعطاه نظرة تحدي
تقدمت ومسكت يد زياد ابعده عن يد ريم
بس دفشني زياد بعصبيه وبتهديد وهو يرفع اصبعه بوجهي: اذا قربت مرة ثانيه من زوجتي اكسر وجهك مره ثانيه
نواف وعيونه حمر من العصبيه : بدر استنى بس دقيقة نبعد ريم وبعدين نتفضى له
وبامر ريم تعالي هنا
هزت راسها بالرفض
عصبت منها ملزقه بعريس الغفله وبصراخ : يا حيوانه تعالي هنا
ناظرني زياد بغرور : اسمع مو فاضي لك الحين عندي كلام بيني وبين زوجتي بالعاميه فارق انت وللي معك

كلامه وطريقته استفزتني وبدون وعي هجمت عليه وضربته بكس ببطنه
ترك زياد يد ريم وهجم علي بصراحه كان الفارق بالطول واضح ضربني زياد كم لكمه على وجهي وطبعا فزع لي نواف والتفينا الاثنين عليه
كان صراخنا بالمكان كله تجمع الرجال حولنا واولاد عمي سمعوا بالهوشه ووقفوا معنا وطبعا قرايب زياد واصحابه ما قصروا وصارت مشاجره كبيره
حاولوا الشيبان يوقفون الشجار بس لا حياه لمن تنادي
وبعدين حضرت سيارات الشرطه وبصعوبه فرقت بيننا
واخذت كل المشاركين بالشجار لمركز الشرطه
ولحقوا الشيبان لمركز الشرطه حتى يشوفون وش سبب المشكله
......
**
**
**
**
اضطريت ارجع مع جدتي وحريم اعمامي وزوجه ابوي مع السواق
جدتي وهي حاطه يدها على صدرها : يا رب استر واحفظ عيالي يا رب يا رب يا رب
ساميا : طيب وش سبب الشجار ومع مين متشاجرين ؟؟؟؟
ام خالد : علمي علمك ما ادري قلبي ناغزني على نواف يقولون كان ببدايه الشجار

ام سليمان : لا حول ولا قوه الا بالله

كنت اسمع كلامهن وساكته لو يجيهم خبر اني سبب الشجار كان دفنوني هنا
خليني ساكته احسن يا رب احفظ زياد من كل مكروه
حطيت يدي على قلبي وهو يدق بسرعه خايفه وقلبي ناغزني حسيت بالاختناق نزلت الشيله عن وجهي
وانا احاول استنشق الهواء
ناظرتني جدتي بقهر : وانت يا قليله الحيا كذا فشلتيني مع الحرمه
ناظرتها بدون نفس يعني انا وين وهي وين
كملت جدتي تكلم حريم اعمامي : قليله الحيا حماتها ام زياد واقفه ودها تسلم عليها ناظرتها بغر
قاطعت جدتي باندهاش : الحرمه للي كانت واقفه معك نفسها ام زياد خطيبي ؟؟؟
جدتي بدون نفس : ايه نفسها وبعد ما انقلعتي صارت تذم فيك ......

حطيت راسي بين رجليه ويدي على راسي وانا خلاص فقدت اخر امل العريس طار طار والله ما كنت ادري
انها ام زياد ما كنت ادري
وعضيت على شفايفي بقهر الحين عرفت ليه البنات كانوا يناظروني بحقد لانهم بناتها كانوا واقفات معها
خلص طار العريس
علشان كذا كان معصب علي معاه حق يعصب
اكيد امه الحيه واخواته الفتانات خبرنه
يا ربي انا وين ما اروح الاقي بوجهي ناس حقوده لئيمه فتانه
مين مسلطهم علي وصارت دموعي تنزل خلص مو قادره استوعب انه خلاص طار العريس
ما ادري متى وصلنا نزلت وبسرعة ركضت لغرفتي
وقفلته بالمفتاح ودموعي على خدودي
كلما اقول زانت انعمت يا رب لطفك
وجلست جنب السرير على الارض وسندت راسي للجدار
وغمضت عيوني وانا احس خلاص انتهيت دمروا حياتي .........
**
**
**
**
**
**
بالمركز الامني
كانت الدنيا مقلوبه اضطر الضابط يدهل المشاركين
بالشجار حتى يتم التحقيق
توصلوا بالتحقيق انه بدايه الشجار كان بين زياد ونواف وبدر
فاستدعوهم للمكتب
الضابط بهدوء وهو يناظر الثلاثة : ممكن اعرف وش سبب المشكله ؟؟؟

بدر وهو يثبت نفسه حتى ما يقوم يرفس زياد : حضرته ماسك يد بنت عمي ويصرخ عليها بالشارع وضربها
زياد بعصبية : فوق قله ادبك و تكذب كمان
الضابط بحزم يناظر زياد : كلامه صحيح اني كنت ماسك يدها بس اني اصرخ عليها وضربتها اسمح لي انه هذا واشر على بدر كذاب
الضابط باحتقار لزياد : وتقولها كمان ببرود ماسك يد بنت عمه
ناظره زياد بابتسامة نصر : بالاول قبل ما تناظرني كذا يا سياده الضابط إسأل وش علاقتي بالبنت وبعدين تحكم على الناس لانه البنت تكون زوجتي وشدد على الكلمه
ناظر الضابط بدر وهو يقرص عينه : صحيح كلامه ؟؟
بدر بقهر : صحيح انه ملك عليها بس والله ليطلقها

الضابط بحزم اشر لبدر يسكت وبعدها التفت لزياد : كمل وش سبب الشجار ؟؟
وقفت مع زوجتي ومسكت يدها بس هي ما انتبهت لي وخافت وصرخت ولمحت هذا واشر على نواف ونادت باسمه
طبعا تقدم هذا واشر على بدر بفوقيه وتهجم علي وضربني بوكس على بطني وبعدها هجمت عليه ارد له الضربه وبعدين صار للي صار
**
**
**
**
**
**
**
بمكان اخر في بلاد الغرب في بيت بسيط جدا يتكون من غرفتين ومطبخ وحمام في قريه نائيه لا توجد فيها خدمات مثاليه كان جون جالس بغرفه بسيطه فراشها قديم خاليه من الاثاث تقريبا كان يناظر ابنه الصغير
جون : جوليا تعالي بسرعه وانظري ماذا فعل ابنك
دخلت الغرفه جوليا وعفست ملامحها : يا إلهي لقد نظفت الغرفه للتو
ضحك جون بصوت عالي : ابنك هذا مشاغب جدا وليس كباقي اخوته
دخل الغرفه البسيطه الابن الاكبر : امي متى وقت الغداء اشعر بالجوع
جوليا وهي تنظف الغرفه : اصبر قليلا
**
**
**
**
**
**
**

شهر كامل على الشجار انتهى بصلح بين العائلتين وجدي اقام عشاء كبير للصلح ما فاتحني جدي بالموضوع ولا سألني عن شي بس ما خلصت من تحقيق عمي فيصل وصقر وقتها اتهموني اني على تواصل بينه بصراحه يضحكوني بافكارهم وما خلصت من نظرات الاحتقار من الاثنين وخاصه لاني لما جاء الضابط انكرت انه زياد ضربني وقفت بصف زياد لانه اولاد عمي هم المخطين يمكن تقولون انه انا ناديت نواف استنجد فيه وبعدين وقفت ضده
صحيح اني ناديت نواف لاني ما كنت اعرف انه هذا الشخص نفسه زياد
بس الخطأ على اولاد عمي المفروض قالوا لي ترى هذا زوجك مو يتشاجرون معه ويسببون بمشكلة كبيره
يعني ودهم اشهد زور علشان يرضون علي
وطلعت مني اه بالم لما تذكرت موقف ابوي وقتها قام الدنيا وولعها وحصلت منه كم طراق وصار يدعي
علي بالموت ولا هالفضيحه عنجد احيانا احس انه عقلهم فيه تخلف وين الفضيحه ما ادري
وجدتي هاذي عباره عن شريط كل ما تشوفني تعيد نفس الاسطوانه تدرون قسم بالله حفظتها عن غيب كلامها
(يا قليله الحيا تتواعدين معه ولا تصف مع الغريب ضد اولاد عمها الله لا يوفقك عجبك كان رموا احفادي بالسجن علشان تقابلينه......
وموشحات طويله عريضه وكاني مو حفيدتها وطبعا الجوز الثلاثي نفس الكلام يزيدون ويعيدون نفس الكلام
مع ذلك طنشت كلامهم وزدت شطانه تدرون اخذت ثلاث انذارات من المدرسه صرت مزعجه ومشاغبه وكسوله علاماتي كلها صفر واحيانا واحد
لا تلوموني وتقولون مستقبل لانها خلاص ما عادت تفرق معي ما تهمني لا دراسه ولا غيرها صرت كل الضغوطات للي احسها افرغها بالمدرسه اجاكر المعلمات او مع البنات اتشاجر
الظاهر رح اتاخر عن المدرسة وانا اخبركم :)
تنهدت بتعب وحطيت الشيله على راسي ورتبتها وناظرت نفسي بالمرايه وتحسست الحبوب المتواجده بطرف خدي احسها خفت عن اول وبعدها
حملت حقيبة المدرسة وطلعت من الغرفه وكالعادة
انزل على الدرابزين صحيح ما خبرتكم زاد طولي 2 سم
بعد ما نزلت عن الدرابزين لبست الحذاء لاني امسكه بيدي وانا اتزحلق علشان اعرف انط
عدلت الحذاء ورفعت نفسي كان ابن عمي فيصل عرفت اسمه مؤخرا اسمه سامر ناظرني مثل ابوه بإحتقار وطلع
بصراحه انا عصبت يمالي الساحق والماحق انا ما خلصت من ابوه حتى يجيني هو لويت بوزي وطلعت من البيت بهدوء لا تسألوني عن الفطور خبرتكم بالبدايه اتناول جميع الوجبات بغرفتي
مشيت باتجاه البوابه بس المشكله الدكتور نسر قصدي صقر واقف قريب من البوابه ويناظرني بتعالي
يا لطيف يا لطيف من هاذي العايله مشيت من جنبه
وما رديت السلام كذا مزاج سمعت صوته ينادي علي بس طنشت ولا كأنه حد يناديني وركبت الباص وتوجهت للمدرسه

**
**
**
**
**
بالفسحه جالسه مع الجوري واسمع سوالفها عن خطيبها
مرت من جنبنا بنت دايما تناظرني باحتقار وتكبر واسكت لها بس اليوم الفيوزات كانت ضاربه معي
وقفت وناديتها طبعا وقفت البنت وهي تناظرني بتكبر
انا اكره هاذي النظره لانها نفسها يناظروني اهل ابوي بها تحسسني وكاني شي منبوذ قذر ما يستحق الحياه
وبدون وعي ضربتها كف على وجهها وبعدها هجمت عليها مع انه فارق الطول واضح بس ما اهتميت اهم شي افرغ الكبت والقهر للي عشته بحياتي
وما وعيت على نفسي الا بالاداره مين فرقنا عن بعض وش صار ما ادري وكاني كنت بحلم ناظرت البنت وجهها كله تخميش ودم خفيف نازل منه وشعرها منفش
بصراحه استغربت ما توقعت اني قويه كذا نقزت على صراخ المديره : عجبك كذا
الحين لازم اتصل بولي امرك
ما رديت عليها لاني متأكده نايف ما رح يرد او ييجي لانه الشهر الماضي لما ضربني عصب جدي عليه وقال انه لو يشوفني ميته قدامه ما له دخل
فجلست على الكنبه باريحيه وانا ابتسم
اجرت المديره اتصال وبعدها كانت تكتب وبعدها اتصلت على رقم ثاني وكلمته ييجي المدرسة حالا
استغربت رقم مين حصلت كنت بعيده عنها شوي وتتكلم بالجوال بصوت هامس حتى اني توقعت انها تكذب علي وما اتصلت باحد
بس المفاجئه بعد ثلث ساعه المديره والمعلمات تغطوا
رفعت نظري للباب حتى اشوف مين للي حضر بلعت ريقي لما شفت جدي ومعاه عمي فيصل هالعم ناشب لي بكل شي لو ظل مسافر افضل لي

جلس جدي وسال المديرة بهدوء : اتصلتي فيني وطلبتيني فيه شي ؟؟
المديره بقوة شخصيه : قبل ما ادخل بالمشكله الرئيسية احب اطلعكم على امر مهم مستوى الدراسي للريم سيء علاماتها كلها اصفار

رد عمي فيصل ببرود : يعني اذا البنت غبيه نشتري لها مخ حتى تصير ذكيه ولوى بوزه

قاطعته المديره : اتوقع يفرق لما يكون الطالب متفوق وبعدها تصير علاماته اصفار
ومسكت كالمديره كشف العلامات وناولته لجدي
وتكلمت بهدوء : شوف يا عم الفرق بين علامات الفصل الاول والفصل الثاني
ناظر عمي فيصل مع جدي بالكشف وبعدها ناظروني بحده

المديره : لو ريم كسوله كان ما اعترضت بس طالبه متفوقة مثلها وتم نقلها مرتين لصفوف اعلى

المفروض الحين ريم بالصف الثامن بس لانها متفوقة تم تقلها لاولى ثانوي
فتح جدي عيونه على وسعهم وبعدها ناظر الورقه وكانه وده يتاكد من هالمعلومه
عمي فيصل اعطاني نظره قويه : وش السبب يا ريم علاماتك بالفصل الاول كلها كامله والحين كلها اصفار ما شاء الله شي يرفع الراس وبعدها هز راسه بوعيد

المديره : في امر ثاني لازم اطلعكم عليه
ناظرتها بقهر هالفتانه
المديره بهدوء : البنت مشاغبه كثير تتطاول على المعلمات والطالبات واعطيناها ثلاث انذارات

جدي رفع حاجبه : بس ما وصلنا شي من الانذرات !!!!
المديره مسكت القلم وطلعت اوراق ومدتها لجدي : شوف كل انذار كانت تيجي حرمه وتتعهدها
ناظرني جدي بقوه : مين للي اتكفلتك ؟؟
ناظرت المديره نظرة بمعنى خلص يكفي فضايح ونشر غسيل بس لا حياة لمن تنادي هالفتانه

كملت المديره كلامها : انا اليوم استدعيتكم لاني اتوقع انه المدرسه فتحوها للتعليم مو حلبه مصارعه
اشرت علي ريم اليوم تهجمت على بنت وعجبت عليها وجه البنت كله دم وحالتها حاله حتى اتوقع اهلها ما رح يسكتون فحبيت احطكم بالصوره قبل ما يوصل اهل الطالبه وهم الحين على وصول فتفاهموا معاهم انتم
عمي فيصل وعيونه حمر من العصبيه وهو يتوعد بي : ليه تضربين البنت ؟؟
رديت بثقه عكس قلبي يلي يتراقص من الخوف : هي للي بلشت مجاكره ودايما اسكت لها واسأل البنات

هز راسه بتوعد : وتضربيها وكانك خريجه سجون ما شاء الله طالعه لخطيبك
رديت بدفاع : بدر هو للي بدأ وضربه
قاطعني بصراخ : اخرسي حاطينك محامي دفاع عنه
وبتوعد يصير خير يصير خير
جدي بحزم ناظر المديره : اذا سمحتي تعطينا ملفها رح ننقلها لمدرسه ثانيه
فيصل بقهر : من زمان قلت لك انقلها من هاذي المدرسه لانه ما حد خربها غير هاذي المدرسه
كانت المديرة ودها تدافع عن المدرسه بس قاطعتها : ما رح انقل من هاذي المدرسه
اعطاني نظره عمي : ولك عين تعترضين بس يصير خير حسابك بالبيت
صرت اقرا الفاتحه على روحي من الحين لانه اكيد جدي عمي رح يدفنوني .....

**
**
**
**
**

ركبت بالسياره من الخلف بعد ما انحلت المشكله مع ولي امر البنت واخذ جدي ملفي من المدرسه
بعد ما حرك عمي فيصل السياره وجدي جنبه وساكتين
حبيت اكسر الصمت تنحنحت وبابتسامه : عمي وقف عند البقاله اشتري لي عصير عطشانه
وقف فجأة عمي فيصل ولف وجه علي : اختصريني تراني دافنك اليوم بس حليني ادفنك بالبيت مو هنا
رديت بابتسامة تقهر : طيب قبل ما تدفني اكسب في اجر وجيب لي عصير
بما اني مدفونه مدفونة خليني اقهره قبل ما يقهرني
رد علي بصراخ : ولا نفس لا تخليني انزل من السياره
رديت بتلقائية : انزل
فتح عمي الباب تكلمت بسرعة : خلص خلص امزح معك
مسك يده جدي قبل ما ينزل : ما ودنا فضايح تنصل البيت ويصير خير
تردد بالاول وبعدها رجع وحرك السياره وتكلم وهو يكتم غضبه :
انا اقول يبه نسجلها مع البنات علشان اي خطأ عليها بالمدرسه يخبرونا البنات
هز جدي راسه وهو يتوعد الله يستر اليوم لا بالله اليوم رح تطلع جنازتي
غمضت عيوني بالم وبعدها وصلت البيت وانا احس وصلت لعند المقبره اليوم رح يدفنوني
يا ليتهم يذبحوني واموت وارتاح من الحياة وصرخت بداخلي يا ليت
نزلت من السياره بهدوء وانا حاسه نفسي امشي للموت برجليني
عمي فيصل بعصبية : امشي قدامي اشوف
مشيت بهدوء خلفهم دخلنا البيت
فيصل يناظر جدي : خليني بس اليوم اربيها واسنعها
ناظرني جدي والعصبية تشع من عيونه ومسك يدي وصعد الدرج حاولت افلت يدي منه واهرب بس وين اروح وين اهرب
كنت اسمع جدتي وام خالد يسألون عمي فيصل وكنت اسمع كلماتهن خلها تستاهل يمكن تتسنع
وصلني لغرفتي ودخل هو وعمي فيصل وقفلوا الباب بالمفتاح
وبعدها مسكني جدي من شعري وهو يشد على اسنانه : لمتى اسكت عن تصرفاتك الطايشه ها لمتى
ورماني على الارض
وبعدها مسك العقال وشعرت بلسعات العقال على جسمي
غطيت وجهي بيدي كنت احس بالالم بكل انحاء جسمي بس ما صرخت ولا طلبت منهم يوقفون عن الضرب مستحيل اذل نفسي لناس قلوبها حجر وحقوده
مسك الجد يد فيصل ووقفه وبتعب : يكفيها للي اجاها وبصراخ وقسم بالله يا ريم اذا كررتي حركاتك هاذي لادفنك اليوم
وبعدها طلع جدي وعمي فيصل وقفلوا الباب علي بالمفتاح
ما تحركت من مكاني وانا مغطيه وجهي ودموعي ما وقفت
بكيت وجعي وحزني بكيت يتمي انا احس نفسي يتيمه واهلي عايشين وينك يمه تعالي شوفي غلطتك انتي و ابوي تعالوا بس عيشوا معاناتي للحظه بس
عايشين حياتكم ومبسوطين وانا وانا اتجرع مر الغربه
اتجرع مر الشتات مر النبذ
نفسي اعيش مثل باقي البنات اقول بالمدرسه بابا قال وبابا عمل وبابا اشترى لي وبابا وبابا وبابا
لما اجي ابغى اقول قدام البنات بابا ما في شي اقوله الا بابا ضربني بابا تبرى مني
عضيت على شفتي بقهر
حاولت اكتم شهقاتي ما قدرت اكرهم كلهم وش الفرق بيني وبين حفيداتهم مدللينهم وانا مبهدليني
طول الشهر الماضي اسمع الشتايم علي ومع ذلك ابتسم واطنش لمتى لمتى اصبر على هالعيشه
اخذت نفس وانا احس حالي مخنوقه وبعدها غمضت عيوني بألم ..........

**
**
**
**
**
**
قفل الجد الباب على ريم بالمفتاح وبعدها ناظر الجده للي كانت واقفه هي و ام خالد وبعدها نزل بدون اي كلمه ولحقه فيصل
دخلوا الصاله الخارجيه وجلس الجد بصدر الصاله وبجهة اليمين جلس فيصل وبعدها دخلت ام خالد والجده
وبعد سكوت دام ربع ساعه دخل صقر ورد السلام واستغرب السكوت وجلس بجانب فيصل وبهدوء : وش فيه وناظر امه ؟؟
الجده : والله يمه ما ادري بالضبط وش فيه بس رجع ابوك واخوك ومعهم ريم ودخلوا غرفتها ونزلوا فيها ضرب

تفاجئ فيصل وناظر ابوه باستفسار
الجد بقهر : هالحيوانه تظن نفسها خربجة سجون نازله ببنت ضرب ومعجبه عليها وبالموت اهل البنت تنازلوا حتى دفعنا لهم تعويض
وشد على اسنانه بقهر انا اخر هالعمر تشوه سمعتي وتستدعيني مدرسه حكوميه على امور تشرف مثل ذي

فيصل يهدي ابوه : خلص يبه هدي نفسك
ناظر الجد صقر بحزم : اسمع حنا اخذنا ملفها ورح ننقلها لمدرسة بنات عمها ورح توخذها وترجعها مع البنات وانت تتابع سلوكها المدرسي ويا ويلها اذا وصلتني شكوى عنها
صقر بهدوء : طيب وينها ريم الحين ؟؟
فيصل بكره : بغرفتها منطقه وابوي قفل الباب عليها

وقف صقر وهو يكتم عصبيته : يعني ما ادري عنكم
ما عندكم حل الا بالطق وناظر ابوه ما لقيت غير هذا الوحش يدخل معك واشر على فيصل
فيصل احتدت ملامحه : انا اخوك الاكبر منك ثمن كلامك قبل ما تكلمني
طنشه صقر وناظر ابوه : اعطيني المفتاح
الجده لوت بوزها : خايف على مشاعرها
اخذ صقر المفتاح وطنش كلام امه وتوجه لغرفه ريم فتح الغرفه وشافها نايمه على الارض ووجهها مغطى بشعرها
تقدم منها وجلس على الارض وابعد شعرها عن وجهها
وتنهد بقهر بعدها حملها بشويش وحطها على السرير وغطاها وطلع بهدوء من الغرفه
وبعدها طلع من البيت كله لانه ما يضمن نفسه يتشاجر مع فيصل

**
**
**
**
**
**
**
صحيت الصبح وانا اتالم وتذكرت البارحه لما صحيت وبدلت ملابسي كان جسمي خرايط وكل الالوان للي تعجبكم
قمت بشويش وحمدت الله انه اليوم عطله ما في دوام وتوجهت للمرايه اناظر نفسي
ناظرت نفسي كنت لابس بيجاما خيط لونها زهر ومرسوم عليها صوره دبدوب
وشرت البيجاما لحد الركبه ناظرت ذرعاني كانت اشكال والوان حتى رقبتي ما سلمت منهم
وتحسست مكان الضربه على رقبتي لونها بنفسجي
بلعت غصتي وعيوني تلمع من الدموع
خلص قرفت الحياه نفسي اموت واخلص منهم كلهم حتى كف يدي وصله كم ضربه
مسكت شعري ورفعته بالكماشه ما لي خلق امشطه وتوجهت لجنب السرير وجلست على الارض وسندت راسي على الجدار
واناظر بانحاء الغرفه بلا نقطه وبعدها نزلت نظري للارض وسرحت بعالمي الحرمان ......

**
**
**
**
**
دخلت غرفة ريم كان السرير فاضي شفتها جالسه على الارض قربت منها وجلست على الارض
وانصدمت من الضربات المعلمه بجسمها رفعت راسها بيدي وانصدمت من العلامات للي برقبتها
تنهدت بندم كيف ما ضبطت اعصابي ناظرت عيونها
كانت حزينه و تلمع بالدموع
مسحت على راسها وبهدوء وصوت نادم : سامحيني يا بنتي فقدت اعصابي
لفت وجهها عني وما تكلمت مسكت يدها بشويش : يهون عليك تزعلين من الشايب
ما ردت علي تنهدت بألم : يا ليت يدي انكسرت قبل ما امدها عليك صدقيني ساعة غضب
كانت ساكته ولافه وجهها للجهة الثانية وما تتكلم بصراحه سكوتها يذبحني احب اشوف البسمه على وجهها
مستحيل اقبل بالبسمه تنطفي من محياها : انا اسف شوفي انا ابو سليمان اعتذر منك وبابتسامه ترى ولا واحد من اولادي او احفادي ضربته واعتذرت له الا انت سكتت لثواني طيب كلميني واي شي يرضيك انا مستعد اجيبه لك بس ارضي وفكي هالكشره
تعبت معها مطنشيتني عالاخير بصراحه قلبي عورني عليها احس اني اذيت يتيمه مع انه امها وابوها عايشين بس ما حسسوها بالابوه والامومه حتى امها صار لها شهرين ولا مره طلبت تزورها طلبت تزور بنات خالها اما امها ما تجيب لها طاري
متاكد مثل ما عاملها نايف عاملتها ساره بس وش ذنبها هاذي اليتيمه
ناظرتها وهي صاده وجهها عني وقلبي محروق عليها
سبحان طول عمري قاسي لكن ريم ما ادري ليه لها شفقه بقلبي احزن عليها
تنهدت بقله حيله : الحين اتركك لوحدك بس تاكدي ما رح ترتاحين مني الا لما ترضين فاهمه
ناظرتها وهي نفس الحاله كاني اتكلم مع الجدار ولا عبرتني استغفرت ربي وطلعت من الغرفه وانا خلقي ضايق عليها ........

**
**
**
**
**
**
بعد العصر

الجده تناظر ام سليمان : اسكتي اسكتي عمك راح وراضاها بس يقول ما تكلمت معه ولو بحرف ساكته وما تكلم احد حتى الغداء ما تناولته

ام سليمان ببرود : اخرها ترجع توكل لما تجوع
الجده تناظر ام خالد وام سليمان وساميا : وين البنات ؟؟؟
ام خالد : في بيت نايف مجتمعات هناك
الجده تحوس ومو عارفه تقعد : ام خالد اطلعي حاولي بريم تنزل تجلس معنا هالحيوانه مو عارفه اجلس بدونها
ام سليمان : والله صادقه يا خالتي سوالفها وحركاتها
تحلي القعده مع اني ما احبها بس احب قعدتها
ام خالد بضحكه : هههههه وقسم بالله سوالفها نفس سوالف الحريم وتعليقاتها من الاخر
التفت الجده على ساميا : روحي شوفيها خلها تيجي تكمل سولافة ام سعيد ما كملتها وانا احوس ودي اعرف وش صار

وقفت ساميا : ان شاء الله
**
**
**
**
**
**
**
دخلت الغرفه بعد ما طرقت الباب وما حد رد علي كانت جالسه على السرير
ناظرتني وبعدها لفت وجهها وصارت تتطالع الشباك
ترددت وش اقول لها لانه ما في علاقه بيني وبينها : ءءء ريم خالتي تقول لك تعالي اجلسي تحت بالصالة
حتى ما كلفت نفسها تناظرني
عدت مرة ثانية ولا حياه لمن تنادي ساكته وما تكلمت بحرف واحد
قررت اتركها على راحتها وطلعت من الغرفه بهدوء وانا مقهورة من نايف تارك بنته للي وده يستفرد عضلاته
حرام والله حرام دخلت الصالة بضيق
سالتني خالتي : ناديتيها ؟؟
جلست وبعدها ناظرتها : والله حرام يا خالتي البنت كبرت ومخطوبه ما يصير يضربهوها كذا جسمها كله
الوان وسكتت من القهر
خالتي بلامبالاه : خليها يمكن تتسنع وتصير عدل
ام خالد : ما حد يموت من الضرب وحتى تغير الموضوع وش اخبار ام بدر
ام سليمان : رح تبقى عند اهلها لبعد الولاده وضعها تعبان وبنتها مغلبيتها تقول اخواتها يساعدنها عليها
ام خالد : الله يقومها بالسلامه .......




يتبع ..

بعد الغروب شديت على بطني بيدي وانا احس بالجوع
بس ما لي نفس للاكل وقفت وتوجهت للبلكونه
كان الجو خيالي وفيه نسمه بارد ترد الروح للجسد ناظرت
للسماء يكسوها اللون الاحمر وكان فيها بعض غيوم متفرقه وبعدها ناظرت الاشجار بالحديقه كانت تتمايل من الهواء الخفيف وكانها تتراقص
ضميت يدي لصدري والهواء يلاعب شعري الطويل
وتنورتي تتحرك يمين ويسار بخفيف
اخذت نفس وما ادري ليه جات امي على بالي
مشتاق لها ومشتاق لكلمه يمه
ومشتاق لشوفتها رغم كل للي صار وسمعته منها
رح ابقى احبها احبها بالرغم من الجفى احبها اتمنى ارجع وارتمي بحضنها
وارمي كل همومي عليها
اتذكر لهفتي عليها لما تزور بيت جدي اركض من غرفتي بسرعه وانزل عندها بس اتفشل دايما لانها. كانت تنشغل مع خالاتي
وبلعت غصتي حتى اذا سألتها اي سؤال تطنشني ولا كأني كلمتها
ما زلت اذكر الموقف لما سألتها سؤال طنشتني ولا كأنه حد يكلمها
وانا متأكده انها سمعتني بس تشاغلت بالكلام مع خالتي ازهار
ظليت اناظرها وانا انتظر ترد على سؤالي
وبنفس الوقت جاء ابنها وسألها تركت خالتي وجاوبته وهي تضحك وبعدها ضمته وباسته على خده وهي مبسوطة
كنت اناظرها وقلبي ينفطر انا استحق هذا الحنان والاهتمام اكثر من ابنها
انا المفروض تجلس معي وتسألني عن حالي طول المده للي عشتها عند جدي سالم كنت انتظر امي تسألني عن حالي
تسألني كيف حياتي عند نايف
تسألني عن مدرستي
تسألني اذا ينقصني شي
تسألني تسألني تسألني تسألني
واجاوبها عن حالي واقول لها حياتي بدونك وبعيد عنك عذاب
كنت انتظر تسألني كيف قضيت 5 سنين عند نايف
كنت اتمنى اجاوبها واخبرها عن السجن للي كنت اعيشه اخبرها الظلم وقسوة نايف
كنت اتمنى اخبرها عن طفولتي المحرومه
كنت اتمنى اخبرها عن دار الايتام
كنت اتمنى اخبرها عن اول يوم بالمدرسة
كنت اتمنى اخبرها استهزاء البنات علي لانه ما عندي ام ترتبني
كنت اتمنى اخبرها عن كل شي ينقصني مثل باقي البنات
واطلع معها عالسوق وتشتري لي احلى الفساتين
كنت اتمنى اخبرها عن عمتي الهنوف وطيبتها وعن هديتها للي اعطتني اياها
كنت اتمنى اخبرها عن ام بدر وروعتها
واشياء كثيره كنت انتظر الفرصة حتى اخبرها بس ما اعطتني وقت كانت دايما تتهرب مني

عضيت على شفتي بألم وانا اتذكر لما كنا جالسين بالصاله وكنا نخطط لحفلة ذكرى ميلاد شروق ومندمجات بالتخطيط
بس لفت نظري لما خالتي غاده سألت امي : ابنك المقرود هذا متى ذكرى ميلاده واشرت على اخوي
ردت امي بابتسامه وهي تبوس اخوي وفرحانه فيه : ربي يحفظه ذكرى ميلاده ..../......./... ورح يكون بيوم الاثنين
ردت غاده بابتسامة : ول ول الظاهر انك حاسبه كم شهر بقى وكم يوم وكم ساعة
ردت امي وهي تحضن اخوي : بقى شهرين و6 ايام
سألتها خالتي : وريم متى ذكرى ميلادها
ناظرت امي وانا انتظر بشغف اسمع منها تاريخ ميلادي واحس فعلا اني مهمه عندها عالاقل بمعرفه تاريخ ميلادي
راضيه بالاهتمام القليل راضيه بس انصعقت لما سمعت الجواب وكأني زجاج وتحطم لقطع صغيرة
ناظرت امي خالتي وبتفكير : كأنه ....../....../.....
بصراحه كانت صدمه لي تاريخ ميلادي غلط غلط غلط رفعت نظري للسماء وانا هالذكرى تؤلمني ومع ذلك حطيت لها عذر يمكن ذاكرتها ضعيفة وتنسى وهزيت كتفي بحزن وانا اردد يمكن يمكن

اخذت نفس وذكرياتي تحوم لليوم للي غرقت فيه
غمضت عيوني وانا اتذكره بألم

اتفقت مع البنات نطلع للحديقه ونجلس فيها كان الوقت بعد العصر
طلعنا وجلسنا وحضرنا كل لوازم الجلسة وكنا جالسات ونضحك ومبسوطات ونعلق على بعض
شروق وهي تضحك : ههههههه بنات تخيلو شكل ريم وهي عروسه هههههههه
شوق وهي تكمل : ههههه ما اظن تلاقين فستان زفاف على حجمك
منار وعيونها تنزل منها الدموع من كثر الضحك : هههههه خلص روحي على قسم الاطفال عندهم فساتين ههههههه شي من الاخر
شروق وهي توخذ نفس من كثر الضحك : هههههه وتخيلوا العريس طولها ههههههه نقول له يروح على قسم الاطفال ههههههههههه
ناظرتهن : سخيفات اصلا وسكتت وفتحت عيوني على وسعهن
واشرت للبنات بخوف وانا اشوف اخوي الصغير قريب من البركه
وقفوا البنات بخوف وبعدها ركضنا قبل ما يقع بالمويه
بنفس الوقت شافته امي وخالاتي وركضوا مثلنا حتى يمسكونه قبل ما يسقط بمويه البركه
لما اقتربنا منه مدت شروق يدها تمسكه بس بلحظه تزحلق وغرق بالمويه
بنفس الوقت وصلت امي وجن جنونها لما شافت ابنها بالمويه وبدون قصد ابعدتني بيدها عن طريقها
بعجله حتى تنقذ ابنها
دفعتني بقوه عن طريقها وبسبب الدفع وقعت بالمويه وما كنت اعرف السباحه
كنت احاول ارفع راسي لخارج المويه حتى اخذ النفس شفت امي وانا احس نفسي خلاص رح اموت كنت احاول اطلع راسي من المويه وانا احس المويه تدخل حلقي واحرك يديني مثل المجنونه
نزلت امي للمويه ناظرتها وانتظرت تساعدني
بس انشغلت بانقاذ ابنها وطلعت من المويه وهي حامليته وابتعدت عن البركة
للحظه كنت رح استسلم للمويه خلاص ما اقدر اقاومالمويه اكثر ارتخى جسمي وغرقت بالمويه ...
ولما البنات استوعبوا الموقف نزلت بسرعة شوق ومنار وطلعوني من المويه بعد ما فقدت الوعي
كانت امي تصرخ باسم ابنها ما صرخت باسمي وكانه ما في بهالدنيا غير اولادها
وانا وانا يمه وين موقعي بحياتك وين موقعي بحياتك يمه وصرت اردد بيت شعر
يمه يا نبع الحنان .......
ناظرت الاشجار والسماء والغيوم والشفق الاحمر ببطئ وانا اتساءل
وين الحنان ليه ما سقتيني منه يمه ليه ؟؟؟؟

يمه مشتاق لغلاك قلبي الغلا اهداك ........

رفعت نظري للسماء وبألم تساءلت
ليه ما قابلتي الهديه بالمثل اهديت امي الغلا
ليه ما بادلتيني بالشوق والغلا ليه ؟؟؟؟؟؟

شوفتك تسوى كثير وحبك بقلبي كبير .......

غمضت عيوني بألم
ليه ما حبتيني مثل ما حبيتك
مسحت دمعه تسلسلت من عيني لما سمعت طرقه
خفيفه على الباب قطعت علي خلوتي بنفسي

سمعت خطوات قادمة باتجاهي ما تحركت من مكاني ظليت واقفه وضامه يدي لصدري

بعدها استقرت الخطوات جنبي وسمعت صوت دافي قريب من اذني : الجو ما شاء الله روعه
ما رديت وما اصدرت اي حركه وكاني متجمده سوى شعري للي يتطاير وتنورتي للي يحركهم الهواء وكأن الهواء يلاعب شعري وتنورتي
لما ما لقى مني جواب حط يده على كتفي برفق وبحنان وبلهجه تصرخ بالندم : بعدك زعلانه ؟؟ طيب لك رضاوتك اطلبي وانا انفذ وش قلتي ؟؟؟
ما رديت عليه
لفني على جهته وهو ماسك اكتافي بيدينه الاثنتين : وش يرضيكي يا بنتي ؟؟
وكانه بكلمة بنتي فجرت كل طاقه التحمل عندي
بعدت يدينه عني بعنف ودموعي غصب عني نزلوا وبألم رديت : مو بنتك انا مو بنتك لو انا بنتك كان ما ضربتني كذا كان ما خليت المتوحش يضربني
دايما اسمعكم كلكم تشتموني وتحتقروني وتضروبوني ما لي قيمه عندكم ما لي احترام
ضربتوني وكانكم ودكم تنتقمون مني
روحوا على بيت سالم وانتقموا منه انا ما لي ذنب بشي
واشرت على جهة الشارع : روح على سالم وانتقم منه وبضعف انا ما لي دخل فيكم كل يحط حرته فيني وش ذنبي علشان ما لي ام ولا اب يحموني ويدافعون عني
ويوم قررت اخذ حقي بنفسي وادافع عن نفسي ضربتوني
حرمتوني اعيش مثل اي طفله بين امها وابوها
حرمتوني اعيش طفولتي مثل باقي الاطفال
حرمتوني افتخر واذكر اسم بابا او ماما قدام البنات
حرمتوني اعيش جو اسره واحس بالامان
حرمتوني من كل شي تمنيته بحياتي ودكم الحين
تحرموني ادافع عن نفسي ودكم البنات يهينوني واسكت لانه ما عندي ام او اب ياخذون حقي من البنات ويدافعون عني

بعدها خففت نبره صوتي وناظرته بعيون دامعه مكسوره مذلوله : وين اروح ؟؟؟ ما حد طايقني ؟؟ ما حد يحبني ؟؟ انتحر وخلاص ارتاح وترتاحون
وجلست على الارض وحطيت يدي على فمي وانا اشاهق : ابوي يكرهني ما وده يشوفني وفوق هذا متبري مني بدون ذنب وامي ما تبغاني وبدون ذنب اقترفته الا اني غلطه غلطه
اذا امي وابوي كذا متبرين مني وحاقدين علي ويكرهوني لاني اذكرهم ببعض ما اعتب على حد اذا كرهني
وبعدها ناظرت جدي بابتسامة ألم : لا تخاف مو زعلانه منك
جلس جدي على الارض وحضني بقوه وبصوت مهزوز : ما عاش من يذلك وانا راسي يشم الهوى يا ليت يدي انكسرت قبل ما امدها عليك
وبعدني عن حضنه وابتسم على الخفيف وهو يمسح دموعي : انتي بنتي غصب عن الكل انت بنتي للي ربنا رزقني بها بعد هذا العمر مستحيل افرط فيك وبعدين انا اعاملك مثل بناتي اسألي هيفاء والهنوف عن الضرب للي حصلنه مني
انتي ولا شي على الاقل انتي انا راضيتك اما الهنوف وهيفاء كانوا يجون يراضوني هم وادلل عليهم

وبعدها وقفني وهو يبتسم : يالله غسلي وجهزي نفسك بعد العشاء عازمك بمطعم على احلى عشاء ويا ويلك اسمع اعتراض
اتفقنا
ناظرته ودموعي بعدها بعيوني ما ادري ليه رضيت عليه ابتسمت وانا اهز راسي وبصوت مبحوح : ان شاء الله
لا تقولون كيف رضيتين بسرعة انا طبعي كذا اذا زعلت ارضى بسرعة
اقترب جدي مني : ايوه كذا خلي الابتسامه على وجهك كذا احلى
ابتسمت بخجل
كمل كلامه : بعدين لا تقولين لحد عن الطلعه سر بيني وبينك اوكي
هزيت راسي بالموافقة
وبعدها باسني على راسي وطلع

**
**
**
**
**
**
**
بعد العشاء جهزت نفسي وناظرت نفسي بالمرايه واخذت نفس
وانا محتاره من تصرفات جدي احيانا يكون قاسي معي واحيانا طيب بس ما ادري ليه احسه يعاملني مثل بنته
صحيح انه البارحة ضربني بس ما الومه كل اب يعمل كذا لو المدرسة اتصلت به وخبرته ببطولات بنته مثلي اكيد رح يضربها ويعصب ويزعل منها وبما اني تحت رعايته فمن حقه اذا اخطأت يعاقبني بس انا للي زعلني وضايقني عمي فيصل ما له دخل بحياتي وما له يمد يده علي بما انه جدي موجود هو ما له دخل
وبصراحه تندمت لاني ضربت البنت كذا
كان لازم اتخذ اسلوب ثاني اخذ حقي منها مو كذا وكاني خريجة سجون
لحظه غضب بسببها فقدت صديقاتي وانتقلت لمدرسه ثانيه
لويت بوزي وبعدها طلعت من الغرفه توجهت لجهة الدرج وكالعاده ما اقدر اقاوم التزحلق
حملت صندلي بيدي ونزلت تزحلق على الدرابزين ولما قربت اصل للارضيه نطيت باحترافيه
سمعت صوت تصفيق رفعت راسي كان صقر يبتسم : ما شاء الله فاتحين سيرك هنا
طنشته وجلست على الدرجه الاولى البس الصندل
ناظرني وهو يغمز لي وبمرح : لا لا يهون عليك تقاطعين عمي الصغير لانه طردك من سيارته لا لا ما اقدر على بعدك انا
ناظرته بنص عين وبعدها رجعت اعدل الصندل
ناظرني وهو يضحك : ههههههه تدرين يا ريم انك هههههههه تحفه وانتي زعلانه ههههههههه
وقفت بقهر : نفسي افهم شخصيتك المتناقضه احيانا تضحك معي وتمزح وكاني واحد من ربعك
واحيانا تناظرني بفوقيه وغرور وتسمعني كلام يغث
ممكن اعرف وش سبب التناقض وكتفت يديني
ناظرني وهو يبتسم : امممم سؤال وجيه وحتى تعرفوا الاجابه تابعونا بالحلقه القادمه هههههههه
ناظرته بقهر : متاكد انك مو شارب ؟؟
ناظرني وهو يضحك : سالب وإلا موجب هههههههه
قهرني يتريق علي طنشته وطلعت وانا اسمعه يناديني وين رايحه
##
##
##
##
كان جدي بالسياره ينتظرني فتحت الباب الامامي وركبت بعد ما رديت السلام بصوت هامس
وبعدها حرك جدي بهدوء ......
دخلنا المطعم واختار جدي طاوله بعيده شوي عن الناس
جلسنا بهدوء ناظرني جدي وهو يبتسم : يالله المزيونه وش ودها تتعشى ؟؟
ابتسمت بخجل وناظرته : للي تبغاه اي شي
رد علي : وش رايك بكبسه ؟؟

ناظرته باستغراب : كبسه !!!
ناظرني وهو يقرص عيونه : انتم البنات تحبون الاشياء الخفيفه هاذي الاشياء ما تعجبكم تخافون يخرب البرستيج
ابتسمت : لا عادي خلص اطلب كبسه
رد جدي وهو يسند ظهره على الكرسي : اذا ما تبغين كبسه خلص عادي اختاري شي ثاني وما عليك مني لاني لو يطلع بيدي فطوري وغداي وعشاي كبسه
رديت بهدوء : لا عادي خلص اطلب كبسه ما عندي مشكله

طلب جدي لنا كبسه وامور ثانويه وبعدها التفت علي : هاه مبسوطه يا بنتي ؟؟
هزيت راسي بالموافقة
تنهد وهو يسند راسه على يدينه : تعرفين كان ودي اخذك معي لما اسافر بعد يومين تغيرين جو وتتعدل نفسيتك شوي
رفعت حاجب : طيب وين المشكلة ؟؟؟

ضربني على راسي بخفه : ناسيه المدرسه ؟؟؟
لويت بوزي : عادي اعطل ما رح يؤثر !!

رجع جدي سند ظهره على الكرسي : ما شاء الله عليك والاصفار للي تعبتي حتى حصلتيهم حرام يروح تعبك على الفاضي
وناظرني وهو يقرص عينه : تذكرت انا اتصلت بمديره المدرسة الجديده وخبرتها عن وضعك وعن مرضك وقالت مو مشكله تعيد الامتحان الاول عندهم وبعدين لا تنسين انه امتحانات الشهر الثاني على الابواب يعني جدولك فل
لما ينتهي الفصل رح اخذك معي وتختارين المكان للي نفسك تسافرين له اتفقنا
هزيت راسي وانا مقهورة من المدرسه ضيعت علي السفره
ناظرني جدي وسألني سؤال ما توقعته صعقته بالجواب وتناقشت معه بهذا الموضوع
وحنا نتناقش وصل الاكل وبعد ما راح الجرسون ناظرني وابتسم : شرطك ووافقت عليه بس المقابل تدرسين وتحصلين علامات ترفع الراس والحين تعشي وبعدها اطلبي اي شي مني وانا انفذه بس استعجلي وقت الدلال محدود
ابتسمت وتذكرت وحبيت استغلها لصالحي : اممم جدي ابغى خط نت
ناظرني بشك : وش تبغين فيه ؟؟
رديت : يعني كل بنات للي بعمري عندهم لاب توب ويدخلون النت الا انا حتى بنات عمي عندهم
رد بتفكير : بس اخواتك ما عندهم !!
رديت بابتسامة : انت جاوبت اخواتي بنات نايف اما انا بنتك وبعدين انت قلت لي اطلبي وانا انفذ
تنهد جدي : طيب اعتبريه وصلك ولاب توب كمان
وش تبغين
لعبت بالملعقه وانا احركها : اممم جوال
ناظرني وكانه مو عاجبه : بس بعدك صغيرة على الجوال ما له حاجه قبل ما تقولين بنات عمي عندهم اقول لك ما حد عنده الا سديم ورغد لانهم باخر مرحله بالثانويه

رديت باعتراض : بس انا كبيره ادرس اولى ثانوي
ضحك جدي وهو يناظرني : هههههه تذكرين يوم المكتب وانا اسألك أي صف تقولين اولى ثانوي وقتها رفعتي الضغط عندي
رديت بزعل : تضحك وانت كسرت وجهي من الكفوف مشكلتكم ما عندكم حل وسط كله ضرب
ضحك جدي : ههههه لا تقولين ودك الحين رضاوه على هاذي السولافه تراها قديمه
رديت وانا لاويه بوزي : ايه زعلانه وابغى رضاوه جوال
ابتسم جدي : طماعه اوكي خلص اعتبري الجوال وصلك
قمت من مكاني وبسته على راسه : مشكووووووور
وانا مبسوطه على االاخير وانا اتخيل شكل بنات عمي لما يشوفون معي الجوال وكمان عمي فيصل خله يفقع < اعرف اني مجاكره :)
رجعت مكاني وناظرني جدي بحزم : بس من الحين اقول لك لو اسمع خبر انك تكلمين زياد ما رح اسحب منك الجوال رح اكسره فوق راسك مفهوم وما رح اراضيك وقتها
ابتسمت : اوكي اتفقنا وبحماس متى تجيبه لي
ابتسم جدي على حماسي : كملي عشاك وبعدها اشتري لك
كملت عشاي بسرعه وانا متحمسه للجوال احس نفسي ودي اطير وانا اناظر جدي ياكل ببطئ
فزيت بسرعة لما وقف جدي بس ناظرني جدي باستغراب : وين وين ؟
ابتسمت باحراج : اروح معك علشان الجوال
اشر لي بالجلوس : اقعدي وخلك ثقيله انتظري هنا اغسل واجيك ما رح اتاخر
حسيت بالفشيله وجلست على الكرسي باحراج
بعدها رجع جدي وتجولنا بالسوق واشترى لي جوال من احدث الانواع واخترته لونه زهر وبعدها اشترى لي خط للجوال وخط نت وبعدها اشترى لي لاب توب
كنت امشي معه واحس نفسي طايره من الفرح ودي اطير
نسيت كل احزاني اعرف اني بعدني مثل الاطفال يبكون واذا حد اعطاهم هديه ينسون ام البكاء وما يدرون عنه
وانا الحين مثلهم فرحتي كانت كبيره
حاول جدي يقنعني اشتري ملابس او اي شي ينقصني
بس رفضت وانا مستعجله ودي ارجع عالبيت وامسك الجوال بيدي
رجعنا على البيت وانا بقمه سعادتي :)

**
**
**
**
**
**
**
جالس بالمجلس ويهز رجله بتوتر وبنرفزه: يا برود اعصابك تقول انها طلعت ومو عارف مع مين وجالس تنكت مع الشباب
رد صقر ببرود وهو يناظره : بقلعتها وش تبغاني ادور بالشوارع ادور عليها
فيصل بقهر : خلص اسكت ما ودي اسمع صوتك وناظر ساعته حتى ابوي تاخر وين راح ارن عليه ويعطيني مشغول
وبعدها ناظر نايف : وانت بنتك الوقت تأخر وما رجعت وبعدك جالس
صقر ببرود يقهر : يمكن مواعده زياد وبعدها ناظر الشباب كل شي جايز
صرخ فيصل : اخرس ما ودي اسمع صوتك فاهم
وبعدها ناظر امه المشغوله مع الجوز الثلاثي بامور مهمه الله يستر من تجمعهن
ناظر فيصل امه : عاجبك سوالف ابنك
الجده : والله يا بنيه ما ادري وش اقول وبعدها رجعت تكمل سوالف مع الجوز الثلاثي الظاهر سوالفهم خطيره ما تحتمل التأجيل حتى انها ما تهتم لامر ريم

نواف يهمس لسليمان : تتوقع وين راحت ؟؟ تدري لو ادري انها مع زيادوووو الا اكسرها بيدي
سليمان وهو يناظر للبعيد : يمكن ما استبعد عنها شي لا تنسى وقفتها مع زياد ضدنا المره الماضيه
نواف يؤشر بحواجبه على بدر وعمر : لمتى رح يضلون على هاذي الحاله ما يكلمون بعض
سليمان بدون اهتمام : لا تخاف بكره يرجعون لبعض مستحيل تنقطع العلاقه على طول
المهم عندي انه ريم تتطلق من الزفته بس مو لاقي طريقه اطلقها منه
وجدي رافض فكره الطلاق والحيوانه ملزقه فيه وكانه حاجب لها وعض على شفته بقهر
نواف بهدوء: انا معك بطلاقها بس اخاف من الاثم والحرام ولو يطلع بيدي هالحقير يطلقها اليوم قبل بكره
فجأة دخل المجلس الجد ورد السلام بصوت جهوري شوي
ردوا الموجودين السلام وبعدها وقف فيصل حتى يخبر الجد بس سكت
لما شاف ريم داخله المجلس وبصوت ناعم ردت السلام
سليمان ينغز نواف : ما كانت كذا وهي صغيره
نواف : الظاهر انه حرق شمس وبعدها اعطاه نظره تهديد اخبر السلطات عليك واشر بحاجبه على جهة سديم
سليمان يبتسم : لا دخيلك وبعدين مجرد راي شوف شوف هذول الاربعه اكلوها بعيونهم واشر بحواجبه على بدر وعمر وسامر وعبود
ناظرهم نواف : حتى سامي بس تدري احس انهم ودهم يخطبونها عناد ببعضهم
هز سليمان راسه : يمكن كل شي جايز
فيصل يناظر ريم للي جالسه جنب الحريم : وين كنت طالعه بدون استئذان
ناظرته ريم وبابتسامه تقهر : كنت مع جدي عزمني على العشاء واشترى لي لاب توب وخط نت وكمان اشترى لي ورفعت يدها وهي تمسكه جوال
وبابتسامه تقهر : حلو صح ؟؟؟
ناظرها الجد ابتسم وهو عارف مقصدها
وقف نايف بعصبية : لهنا ويكفي مهزله وناظر ابوه سحبت البنت مني وقلت انك ودك تربيها عندك ورفضت انها تسافر معي ومع ذلك ما اعترضت
زوجتها ولا اخذت شوري ومع ذلك ما اعترضت

منعتها من التغطايه وما سمعت اعتراضي
واخرتها تشتري لها جوال اسمح لي يبه رجاء اسحبه منها بدون مشاكل
ناظرت ريم نايف باستغراب وهي تقول بنفسها معقول كان صادق معي و رجع ياخذني علشان اسافر معه بس جدي منعه ليه ؟؟؟
وقف الجد بعصبية : اولا رفضت انها تسافر لاني خبرتك السبب اكثر من مره وش يضمن انك ما تضربها والبنت تهرب وين رح تلاقيها ببلاد الغرب قول لي وين رح تلاقيها
ثانيا زوجتها وعمرها 14 وكثير بنات يتزوجن بهذا العمر مو مثلك لما كان عمرها 8 او 7 سنوات ودك تزوجها لعزام صاحبك !!!
الكل ناظر نايف باستغراب وعلامات الدهشة على وجوههم
كمل الجد متجاهل نظرات الاستغراب
ومنعتها تتغطى لانك تعرف وضعها الصحي اكثر مني
اما الجوال فريم بنتي وانا حر بنفسي اشتري لها للي ودي إياه وبعدها اعطى نايف نظره قويه
نايف بهدوء وهو يحاول يضبط اعصابه وهو يناظر ابوه : طيب خلها ترجع تعيش عندي انت شايف البيت كله شباب عندي توخذ راحتها اكثر
رد الجد بحزم : اتوقع طلبت هذا الشي مني اكثر من مره وقلت لك ريم ما تطلع من بيتي الا لبيت زوجها ويا ليت ما ترجع تفتح الموضوع مره ثانيه
ورجع الجد مكانه وجلس بهدوء
نايف جلس مكانه وهو حاس نفسه مقيد كثير من ابوه تنهد بقهر وعجز

كان فيصل وده يعترض بس سكت لما سمع كلام ابوه اذا نايف ما سمح له يتدخل اكيد ما رح يسمح له كمان يتدخل وعض على شفته بقهر وناظر ريم تلعب بالجوال وكانها تجاكر فيه شد على اسنانه بقهر وهو يتمنى يقوم يطقها

عند البنات
روان بقهر : اخخخخخ يالقهر انا اكبر منها ورافضين يجيبون لي جوال
سديم تناظر ريم بحقد: شوفوا تلعب فيه علشان تقهرنا مالت عليها

مي وارتفع عندها الضغط : ليه يعني جدي يميزها عنا كذا يعني وش تفرق عنا ولا كمان مشتري لها لاب توب و انا ما عندي الا لما ادخل ثالث ثانوي واضطر استخدم لاب رغد
سلمى لوت بوزها : انتم على الاقل عندكم اما احنا ممنوع نستخدمه
روان بقهر : عمي نايف وابوي كبي بيس نسخه واحده بالعقليه والتحجر افففف بعكس عمي ابو سليمان وعمي سلطان تحسونهم في شي اسمه تفاهم عندهم ومواكبه العصر
سديم تناظر اختها روان وهي تقرص عيونها : لو يسمعك ابوي يا عصريه

رغد اشرت بعيونها : اقول ناظرن ريم كيف مندمجه بالسوالف مع الحريم ما ادري كيف تستحمل سوالف الحريم فلانه تطلقت وتزوجت
سديم وهي ترجع ظهرها للكنبه : لا والمشكله جدتي وحريم اعمامي يستانسون معها وامي تقول والله القعده مع ريم احسن من القعده معكن
والله مو عارفه وش يعجبهن بسوالفها
رغد تغمز لسديم وبصوت هامس : ما علينا منها قولي لي سليمان ما اتصل فيك اليوم
سديم بصوت هامس مقهور : لا ما اتصل بس ارسل رسالة
رغد بهمس : خليني اقرأها
سديم خايفه حد يسمع وبصوت هامس : بعدين بعدين
وبعدها رجعوا يكملون كلامهم مع البنات ......

**
**
**
**
**
الجده وهي تضحك بشويش : يقطع شرك يا ريم طيب وما قالت لك البنت وش صار بعد ما ابو سعيد ضربها وطردها

ريم وهي تناظر جدتها والحريم ومعطيه طاف للي حولها : لا والله ما قالت لي البنت لانه صارت المشكله بالمدرسه وما جلست معها
ام خالد : شفتي يا خالتي طول وقتها تقول انا وانا ونافشه ريشها وبالاخير طلع زوجها ضاربها وطاردها كمان
ناظرت ريم ام خالد وام سليمان : انتم ضحكتوا علي وعدتوني بلاب توب وما
قاطعتها ام خالد : انتي للي ما عجبك تتشرطين ودك النوع الفلاني وما ادري ايش انا وعدتك لاب وانتي ما حددتي نوعه وبعدين يا طماعه دوبه عمي مشتري لك واحد
ابتسمت ريم : ومين قال لك اني ودي تجيبين لي لاب توب الحين
خلص فستان زواجي تفصيله على حسابك انتي وخالتي ام سليمان
ومن الحين اقول لك انا اختار التصميم اتفقنا
ام سليمان : بعد سنتين ذكرينا هههههه
ام خالد بتحقيق : وكيف اقنعتي عمي يشتري لك جوال ؟؟
جدتي بقهر وكأنها الحين تذكرت : وكمان عازمها على العشى وانا صار له متزوجني0 100 سنه ولا مره عزمني على مطعم
سبلت ريم عيونها بدلع وهي تبتسم : لانه ما عندكن اسلوب بالكلام والدلع مثلي
ام سليمان وهي تكش عليها : لا يا شيخه اقول طيري
ردت ريم بابتسامة : اذا مكياج ما تعرفن تحطن على وجيكهم ودكم تنعزمون على مطعم
ناظرتني ساميا : صحيح تذكرت من وين متعلمه هذا الرقص
جدتي : اعوذ بالله من هالرقص الله لا يبلانا
ناظرت ريم الجده وهي تقرص عيونها : قولي انك غيرانه لانك ما تعرفين ترقصين مثلي وبدلع اصلا ما رقصت كويس لانه حفلتكم اسلاميه ومو حاطين اغاني
شهقت جدتي وحطت يدها على صدرها وبصوت عالي نست نفسها : وهذا والحفله اسلاميه ورقصتي كذا يا ريم شلون ترقصين لو كان اغاني
ناظروا الكل لجهتنا
ناظرت ريم الموجودين باحراج وصار وجهها الوان وبعدها ناظرت جدتها بمعنى عجبك فضحتينا
وبعدها همست ريم لهن : صدقني ما رح اعلمكم الرقص على اصوله ولوت ريم بوزها
ام سليمان : ومين قال لك ودنا نتعلم ؟؟!!
ريم رفعت حاجب وبدت تلعب براسهن
نتركها تلعب براس الحريم ........
**
**
**
**
**
**
**
**
صقر جالس عند الشباب ومبسوط فجأة سمعوا صوت ضحك عالي
كل المجلس ناظروا جهة الحريم كانوا يضحكون ومو قادرين من كثر الضحك
والجده حاطه يدها على فمها من كثر الضحك ودموعها تنزل
وريم تناظرهن بابتسامة جميله وجذابه
اعطى الرجال الحريم نظره سكتن إلا الجده صارت تضرب على فخذها من كثر الضحك
الجد بحزم : وبعدين
ردت الجده وهي تضحك : ههههههه مو ههههه قادرة هههههههه يقطع ههههههه شرك يا ريم ههههههههه
ودخلت بنوبه ضحك والحريم رجعوا يضحكوا من جديد بقوه
عصب الجد وبصراخ : قومن اطلعن برااااااا ولا وحده تبقى هنا اشوف
وقفن الحريم وهن مو قادرات يوقفن من كثر الضحك والجده تتمايل بمشيتها من كثر الضحك
وصوتهن برا المجلس يقولون ريم
وقفت ريم تطلع بهدوء بس ناداها الجد بحزم : ريم تعالي هنا
تقدمت ريم لعند الجد للي كان جالس بصدر المجلس : نعم
الجد بحزم : وش قلتي لهن حتى ضحكوا كذا
ناظرت ريم الموجودين بالمجلس والكل يناظرها وعنده لقافه يعرف وش سبب الضحك
رجعت ناظرت جدها وبابتسامه : سوالف حريم
فيصل عصب وبقهر : انتي يالبزر وش عرفك بسوالف الحريم وصار يقلدها باستهزاء سوالف حريم
ناظرت ريم عمها فيصل وهي تحط يدها على خصرها : وش شايفني شاب شواربه مترين ؟؟
صقر : لا شايف قزم مضيع رضاعته
ضحكوا الشباب بصوت عالي
اسكتهم صرخت الجد : ولا نفس هاذي بنت عمكم وتحترمونها غصب عنكم وبعدها ناظر فيصل لا تكلم ريم مرة ثانيه كذا البنت كبيره ومخطوبه
وبعدها ناظر ريم : ابغى اسمع سوالف الحريم يالله سمعينا خلينا نضحك
اقتربت منه وهمست بإذنه وخبرته بالسولافه
وقبل ما اكملها ضحك جدي
وهو يناظرني : ههههه انتي داهيه ههههه خلص روحي ههههههه
ناظرته ريم : بس بعدني ما كملت لك السولافه
اشر الجد بيده : هههه خلص ما ودي اسمع اثقلي يا بنت هههههه يالله اطلعي بسرعه
طلعت ريم والكل يناظر الجد وعنده لقافه يعرف السولافه
صقر : علامك يبه تضحك ؟؟؟
الجد زاد في الضحك وما قدر يرد من كثر الضحك
فيصل والفضول ذبحه : وش للي يضحك كذا ،؟؟
الجد وهو يضحك : سوالف حريم ههههههههه خلص انسوا السولافه هههههههه
سكت الجميع وهم متضايقين ودهم يعرفون السولافه والفضول ذبحهم ....

**
**
**
**
**
**
**
في صاله وسيعه جدرانها محجره باللون البني والبيج والكنب اوف وايت وعلى الجدار بالزاويه ساعه كبيره على شكل قلبين حب مندمجات ببعض القلب الاول فيه عقارب الساعه والقلب الثاني منظر من ورد كان جالس بالصاله ومتربع على الكنبه و يطقطق على اللاب ومنسجم
دخلت امه بهدوء وحطت فنجان القهوة على الطاوله
وبضجر جلست مقابله
ناظرها وهو مروق ويبتسم : علامه القمر زعلان ؟؟
ناظرت ابنها ذو البشره الحنطيه والملامح الجميله وبقهر: انت اخرتك تجلطني ببرودك
ناظر امه وابتسم من يوم الشجار وهي تفتح معه موضوع الطلاق ما ملت : يا يمه البنت ما لها دخل باولاد عمها
لوت امه بوزها : وعاجبك انها تكلمني من طرف خشومها وإلا لبسها الماصخ
ابتسم على امه نفس السولافه تعيد كل يوم : يا يمه لا تحكمي على البنت من اول مره يمكن كانت تعبانه واكيد انها ما تعرفك
لو كانت تعرفك كان استقبلتك احلى استقبال ولباسها انا ما رح احكم على البنت اولا لانه يمكن بيئتها ما ساعدتها على الالتزام
وجدها خبرني انها اصلا ما تتغطى عندها مشكله ومع الايام تنحل
وبعدين احس البنت فيها خير كونها ما تتغطى بس بالحفله تقولين تلثمت قدام اولاد اكيد علشان المكياج
والبنت الظاهر انها مطيعه لاني بس طلبت منها تغطي وجها
تغطت بدون اعتراض
رفعت ام زياد حاجبها : تدافع عنها كذا وانت بعدك ما تزوجتها عيل لما تتزوج اكيد رح تبعينا كلنا علشانها ست الحسن والجمال

اخذ نفس زياد ومو عارف كيف يقنع امه واخيرا اجت فكره براسه : اسمعي يمه وش رايك بكره تزورينهم
واذا استقبلتك استقبال ما عجبك انا مستعد اطلقها
لانها للي ما تشيل اهلي بعيونها ما ابغاها
موافقه ؟؟
ناظرته امه بتفكير : موافقه ولا تخاف وتقول اني رح اكذب عليك رح اقول لك الصدق
ابتسم زياد : خلص اتفقنا وتناول فنجان القهوة وشربه بهدوء .......
**
**
**
**
**
**
**
**
**
في اليوم الثاني ( يوم جمعه )

بعد الغداء كانت ريم تحضر فلم سمعت طرقات على الباب وبصوت كله ملل : مين
فتحت طيف الباب : انا تعالي العبي معنا
ناظرتها ريم وبعدها التفتت على التي في : ما ابغى الحين بعد العصر تعالي
تبرطمت طيف وطلعت تخبر الاولاد
ورجعت ريم تتابع الفلم
كانت حياتها فارغه روحيا ما في اي صله بينها وبين ربها
اكملت ريم متابعة الفلم دون ان تدرك ان الله يراقبها ومطلع عليها
وبعد انتهائه توجهت للاب توب ودخلت النت تتصفح بشكل عام بعض المواقع المهتمه بالازياء
بعد وقت دخل عليها احمد بلهفه : يالله اذن العصر تعالي العبي معنا
بدون ما تناظره ريم وهي تتصفح المواقع : وش قاعدين تلعبون ؟؟؟؟
احمد بحماس دخل الغرفه : الغميضه يالله تعالي

ناظرته ريم وتاففت وهي تسكر الاب : الحين اجي
وبسرعه ركض احمد يخبر الاولاد
**
**
**