و يستغربون انها ترادد جدهم ؟؟

البارت 24


*
*
*
*
*
كانت تتجول بأنحاء الفيلا كان المكان كبير وواسع جدا تدخل من غرفه لغرفه واستغربت كثره الغرف وبداخلها تتسائل وش ودهم بهاذي الغرف الكثيره هزت كتفها باستغراب شافت درج ينزل للطابق للي تحت غير للي صعدته كانت حاسه،حالها ضايعه مو عارفه ترجع المكان للي جات منه

قررت تنزل الدرج لعلها ترجع للمكان للي كانت فيه نزلت اول درجه لكنها توقفت وجات في بالها فكره شيطانية بعد ما شافت الدرابزيل وعجبها شكله اللولبي طلعت عليه تزحلق وكانت مبسوطة عالاخير وصوت ضحكها عالي كانت اول مره تشعر بالسعدة والضحك لهذه الدرجه ولما وصلت قريب من اخر الدرج كان جدها طالع من إحدى الغرف وتفاجئ بها

ريم بصوت عالي وهي تضحك : ابعععععععد لادعسك هههههه ولما وصلت لنهاية الدرج قفزت على الارض كانت ركبها على الارض ويدينها على الارض حست بالم بسيط بس طنشت

رفعت راسها وشافت جدها ينظر لها بنظرات ناريه غمزت له وبابتسامه : كيف هاذي الحركه

تقدم منها جدها ومسكها من اذنها ووقفها وهو ماسك اذنها وتكلم بعصبية : مجنونه انتي ؟؟ لو وقعتي وانكسرتي ووقتها اقعد ابلش فيك من مستشفى لمستشفى وشد على اذنها هاذي الحركه لا تعيديها

هزت راسها ريم بالموافقة عشان يترك اذنها ترك الجد اذنها وعيونه تتوعد فيها

مسحت ريم اذنها وضحكت بصوت عالي : ههههههه قول انك غيران مني يالشايب لانك ما تقدر تزحلق مثلي وصارت تلعب بحواجبها
تقدم الجد منها معصب : انا اوريك من الشايب الحين
هربت ريم لجهة الدرج ولما وصلت لنهايته التفت لجدها للي كان بداية الدرج طلعت لسانها لجدها : هههه شايب ما تقدر تلحقني

الجد للي كان وقت صلاة : عقابك مو الحين بعد الصلاة ما رح اتاخر على الصلاة عشان بزر وبنظره ناريه رفع راسه لريم للي كانت بآخر الدرج انقلعي الحين على غرفتك

نزلت درجه ريم بهدوء ونظرت لجدها وهي رافعه حاجب بعد ما كتفت يدينها : تصدق إني اشك انك بديت تخرفن وباستفسار وانا وش عرفني وين هاذي الغرفه باقي كل يوم اصبح وامسي ببيتكم وانا ما ادري ؟!!

نظر الجد لها باسف : ما اقول غير الله يعين نايف على ما ابتلاه اعطاه بنت عقلها ناقص الله يكون بالعون ونادى بصون عالي : ميرفت ميرفت

بعد دقايق جاءت ميرفت تلهث ونظرت للجد للي كان واقف عند اول الدرج ونظره لاخر الدرج : نعم بابا

الجد بحزم : خذي هاذي المخبوله على غرفة الهنوف ومن يوم رايح هاذي رح تكون غرفتها

هزت راسها ميرفت وتوجهت للدرج لجهة ريم اما الجد توجه للمسجد حتى يصلي الظهر .....

*
*
*
*
*
دخلت ريم الغرفة بعد ما وصلتها ميرفت وخرجت وصارت تتأمل المكان بانبهار شافت لون الجدران لونها زهر وعليها صور كبيره لبعض رسوم الكرتون عجبها جدا بس ما عرفت الشخصيات لانها ما عمرها تابعت افلام كرتون لعدها شافت فيه نافذتين كبيرات من السقف إلى الارض كله زجاج وواحد من النوافذ يفتح على شرفه انذهلت وعجبها جدا ولون الستائر ابيض مموج مع لون زهر فاتح وكان فيه خزانه ومقابله فيه مكتبه صغيره للدراسه لونها زهر وسرير كبير وحمام وفيه على السرير دب كبير ركضت على السرير ومسكت الدب كان اكبر منها كانت في حالة ذهول وعجبها المكان حيل رجعت الدب مكانه

واتجهت للنافذه فتحت باب البلكونه وقفت كان الجو حار جدا بما انه وقت الظهر نظرت للاسفل شافت جدها واعمامها ومعاهم نايف داخلين الفيلا ووراهم الشباب واجت في بالها فكرة شيطانية تلفت حولها ما في شي غير قواره على الارض مزروع فيه ورد لوت بوزها وهي تفكر وتبحث عن ادوات لتنفيذ خطتها نظرت داخل الغرفه شافت على المكتب الصغير كاسه فاضيه وانطلقت مثل البرق

واتجهت للحمام بسرعه

*
*
*
*
*
كان يمشون باتجاه بيت جدهم للي كان سراميك ابيض وبجانبه نجيل اخضر وبعض الورود على جنبه
نواف وهو يمسح جبينه : اففف حر شديد

بدر : شباب استعجلوا بمشيتكم خلنا ندخل داخل قبل ما ننصهر من الحر ودز سليمان قدامه استعجل يا شيخ

سليمان وهو يمشي ومبسوط عالاخير ولا مهتم لبدر : اه واخيرا كملنا دراسه واتخلصنا من مغثتها ورفع اديه لفوق وهو يقول ييييييس

ما حس الا بمويه فوق راسه صرخ : اححححح نظروا الشباب لفوق حتى يشوفون مصدر المويه لكنهم انصدموا بالمويه فوق راسهم

نظرت لهم بابتسامه شيطانيه نظروا الشباب لهم وعصبوا من هاذي الحركة وخاصه عمر لانه جواله كان بيده وصار كله مويه

سليمان بعصبية : قد هاذي الحركه يا حيوانه؟؟

ريم لانه صور الشرفه قصير فكان من السهل تشوفهم : امممم بصراحة انخنقت من ريحتكم واصله لعندي اعنبوه إبليسكم تروشو ومدت لسانها ودخلت وتركت خلفها دلوين الماء طبعا هي دخلت الحمام تحط بالكاس مويه تفاجئت بوجود دلوين ماء حطت فيهم مويه لنصهم حتى تقدر تحملهم بعد ما اغلقت باب البلكونة
ووقفت بوسط الغرفه
وهي تشعر بالنصر كانت تقوي نفسها وتقول بنفسها ما رح تسكت لهم ورح تكون شوكه بحلوقهم لانهم حرموها من امها

بلعت غصتها ولفت انتباها شي ما انتبهت له لما دخلت كانت شاشه عرض توجهت بسرعة وبدت تحاول تشغلها لانها ما عمرها شغلتها حتى لما كانت عند عمها سلطان ما كانوا يشغلون تلفاز وبعد عدت محاولات واخيرا اشتغل
ولصدفه كان القناة على قناة اطفال كان فيه رسوم متحركة جذبتها و جلست على الارض تربعت وجلست تتابع وهي فاتحه فمها ومبسوطة عالاخير ودخلت جو مع توم وجيري ......

*
*
*
*
عمر بعصبية : هالشينه والله لتندم وننتقم منها

بدر نظر لسليمان وانسدح عالارض من الضحك
سليمان بقهر : علامك تضحك ؟؟؟

بدر وهو يضحك : هههه شكلك يضحك كأنك صوص مبلول ههههه

سليمان بدون نفس : روح شوف شكلك بالاول وبعدين اضحك على غيرك
نواف بهدوء تركهم ومشى وقفه عمر : وين يا ابو الشباب ؟؟؟

نواف بدون نفس : يعني عاجبك اشكالنا ودي ابدل ملابسي والكلبه للي فوق وقسم بالله لتندم

توجهوا الشباب مع نواف حتى يبدلوا ملابسهم وهم يتوعدون بريم .....

*
*
*
*
*
كانوا جالسين بالصاله كان نايف جالس من جهة الشباك وبصدر الصاله جالس ابوه ويجلس مقابل له سلطان وابو سليمان وكانوا يسولفون بالشغل ووقف نايف والضيقه بوجهو : يالله انا استأذن ودكم شي ؟

دخلت الجده بهذا الوقت : وين يمه اجلس خليك جالس اتغدى هنا
جلست الجده بجانب الجد وهي تنظر لنايف تنتظر جوابه

نايف بهدوء : تسلمين يمه خلها مرة ثانية وطلع متوجه لبيته

الجده بحزن : مو عاجبني حال نايف

الجد بلامبالاه : ما فيه غير العافيه بس انتي لا تظلين توسوسين

الجده بقهر : هذا ضناي وحاسه فيه كله من البلوى للي عندنا ضيقت خلقه

ابو سليمان بلقافه : وكيف الضيفه الجديده عندكم ؟؟

الجد بفقدان امل منها : ملسونه بشكل وقرده تخيل وقال له الموقف

سلطان وضع يده على فمه حتى يخفي ضحكته وبداخله مبسوط على ريم مهما صار يحبها ولها مكانه بقلبه

ابو سليمان بضحكه خفيه : اتحملها بعدها بزر ولازم تطول بالك

الجد بثقة : ربيتكم وما اني عجزان اربيها لانها ودها تربيه من اول وجديد اخوك ما عرف يربيها

ابو سليمان : الله يقويك ويهديها هالبزر يالله انا استأذن الحين

وقف سلطان : وانا بعد عن اذنكم

الجده بحنيه : خليكم تغدو معنا

سلطان اقترب منها وباس راسها : تسلمين يالغاليه مرة ثانية

الجد : بامان الله

بعد خروجهم خيم الصمت بالمكان لعدة دقايق،بعدها دخلت الخادمه ووزعت نظرها على الجد والجده : الغداء جاهز

استند الجد على يد الكنبه وبعدها وقف ووجه كلامه للخادمة : روحي نادي ريم وجيببها على صاله الطعام لانها ما تعرف المكان

وقفت الجده بجانب الجد وبدون نفس : خايف عليها ما تدل المكان هاذي جنيه ما يفوتها شي
تركها الجد وتوجه لصاله الطعام وهو يردد : الله يجيبك يا طولت البال

تبعته الجده وهي تتحلطم ودخلت الصالة وجلست بجانبه جهة اليمين بهدوء

بعد عده دقايق دخلت ريم الصاله كانت الطاوله بشكل اسطواني وكبيره حيل لونها اسود وعليها بعض الاصناف كانت الصاله شبه فاضيه لا تحتوي سوى طاوله الطعام وبعض فازات كبيره موزعه بشكل مرتب

الجده بشراسه : اخيرا شرفتي
التفت لها الجد واعطاها نظره بمعنى اسكتي
لوت الجده بوزها وناظرت ريم وكأنها حشره منقرفه منها

تألمت ريم بداخلها من هذا التصرف وصممت تقهرها مثل ما جرحتها
ريم برفعه حاجب : خايفه على كرشتك تفش شوي اذا تأخر الاكل شوي ارحمي معدتك من كثر تبلعين اكل والتفت حولها يمين ويسار وبعدها نظرت لجدتها وبنظرة وكانها تبي مصلحتها : بكره هالشايب يتزوج عليك يقول وش ودي فيها برميل

فتحت الجده عيونها على وسعهن من هالبنت الملسونه

ريم بلامباله : انا ودي مصلحتك ونصحتك وانتي حره وبعدها عملت حالها متفاجئة بوجود جدها : انت هنا وانا على بالي هالعجوز لوحدها واشرت على الجده

الجد بحزم وهو يحاول يتحكم باعصابه : ريم احترمي حالك وثمني كلامك احسن لك واعطاها نظره

ريم وهي تحس بانتصار وقهرت جدتها وملامح الجده علامات الضيق على وجهها : حاضر وسحبت الكرسي وجلست بهدوء متجاهلة جدتها للي كان قلبها يودي ويجيب خايفه زوجها يتزوج عليها ويتركها وبداخلها تدعي على ريم للي حطت الوسواس بقلبها
*
*
*
*
*

يتبع .......



*
*
اكملت غداها وتوجهت مسرعه لغرفتها للي حفظت طريقها دخلت وبسرعه جلسة على الارض مقابل التلفاز
طبعا تركته،شغال لانها ما تعرف تغلقه بعد ما تربعت حطت يدها على خدها وجلست تشاهد بتمعن وباندماج
مر الوقت وريم بعدها جالسه على نفس قعدتها وعيونها على التي في حتى ملابسها ما بدلتهن بالرغم انه الخدامة احضرت ملابسها ورتبتهن بالخزانه

بعد اذان المغرب فجاة انفتح باب غرفتها بس ريم ما انتبهت كانت مندمجه ولانه الباب خلفها ما انتبهت
وهي جالسه وباندماج فجأة انطفى التي في استغربت التفت خلفها شافت جدها بيده الريموت تكلم بجديه : لعنبوه ابليسك انت من هالصبح جالسه عليه قومي انزلي تحت كل اعمامك متجمعين يالله اشوف قدامي

ريم بقهر : ليه تطفيه يالله شغله ودي اعرف وش صار على هزيم

الجد نظر لها ومو عاجبه مراددتها حتى انها ما تحسب له حساب بعكس احفاده كلهم يحسبون له الف حساب : كلمتي ما اثنيها ونفس زايد واشر على التي في رح اطلعه من غرفتك

نظرت ريم للتي في وبقلبها مو متخيله تعيش بدونه تعلقت فيه وقفت وهي مبوزه ومشت حتى تنزل تحت وصلت عند الجد مسكها بعد ما تقدمت كم خطوه عنه التفت له بمعنى خير

الجد بحزم نظر لها كانت ترتدي بنطال جينز ازرق وبلوزه بدي ابيض وفوقها جكيت حفر جينز : بدلي ملابسك بسرعه وانا انتظرك هنا

بلعت لسانها وخافت اذا تكلمت ياخذ جدها التي في فتحت الخزانه واحتارت وش تلبس دقايق واخرجت تنورة كتان لونها كحلي وبلوزه اكمامها طويله لونها سكري دخلت الحمام وبعد دقايق طلعت

نظر لها الجد وبداخله ضحكه على شكلها وخاصة التنورة لانها ريم قصيره كثير و التنورة كانت على طولها اشر لها الجد انها تلحقه مشيت خلفه وهي تحفظ الاماكن لحتى ما تضيع

دخل الجد المجلس الكبير للعائله وكان الكل مجتمع نظرت بالبدايه ريم للكنب حتى تحفظ وتعرف الغرفه للايام القادمه كان لونه خمري غامق منقوش باللون السكري

بعدها نظرت للموجودين كان الرجال جالسين بجانب بعض بصدر المجلس
اما جهة اليمين كانوا الحريم جالسات جنب بعض وبجهة اليسار الشباب والاطفال متجمعين بآخر المجلس يلعبون من اول نظره ما لفت انتباها الا عبود نسيت الموجودين وكأنه ما في حد إلا عبود ركضت لجهة الاطفال وما انتبهت للعيون للي كانت تراقبها
وقفت قدام عبود و بحماس : عبود تعال نلعب

نظر لها عبود بغرور : ما رح العب معك ولا حد رح يلعب معك صح ونظر للاطفال الموجودين يسألهم

هز الجميع راسهم مؤيدين كلام عبود
عبود دفها من قدامه ورجعت خطوات للخلف : روحي العبي مع البنات رازه وجهك هنا

نايف ومن داخله يغلي على ريم : ريم
التفت بهدوء على مصدر الصوت ورفعت حاجب بمعنى خير
نايف بحزم : روحي اجلسي عند البنات واشر على مكان البنات الصغار

نظرت له ريم من فوق لتحت ولفت وجهها وجلست عند اختها لينا و بداخلها مقهوره من عبود
رغد : لا تجلسي عندنا في اسرار ما ودنا حد يسمعها

مي : ابعدي من هنا لينا لا تجلسي جنبها
سلمى باستهزاء: بنات شوفو شعرها يفشل ههههه
لينا قامت من عندها : ابعدي عنا ما بدنا تجلسين هنا وجلست عند رغد
نظرت ريم بأسف على خواتها المفروض يكونن معها مو ضدها

حست نفسها مخنوقة بعد موقف عبود وزاد ضيقتها هذا الموقف اصعب شعور لما تشعر نفسك منبوذ من الجميع وغير مرحب فيك

بلعت غصتها وهي تحاول تطنش كلامهم لكنها جن جنونها لما سمعت سلمى تقول : يا حرام امها رمتها هنا وراحت
لما سمعت ريم كلامها. ما قدرت تضبط نفسها قامت واتجهت لسلمى ومسكتها من شعرها وصارت تضرب فيها بدون وعي ......

*
*
*
*
*
الجد بجديه : انا طلبت من ابو صقر وهو قال رح يتكفل بالصفقه

سلطان براحه : خلص ابو صقر قد المسؤوليه
قطع كلامه والتفت لصوت الصراخ

كانت ريم ماسكه سلمى وتضرب بها بدون وعي نايف فز على طوله لما شاف كذا وصل لريم للي كانت بآخر الصاله وبصعوبه ابعدها عن سلمى
نظر نايف لسلمى وشاف وجهها مشخبط وشعرها منفوش جن جنونه ما قدر يستحمل يشوف بنته المدلله كذا وقاعده تبكي التفت لريم واعطاها كف بكل قوته
وتكلم وهو يشد على اسنانه : ليه تعملي كذا يا حيوانه

نظرت ريم لنايف بأسى هي بنته مثل ما هي سلمى بنته ليه ما سألها وش عملت سلمى عشان تضربيها مباشره بدون ما يعرف السبب ضربها
حست بغباءها وهي تقول بنفسها هذا هو الاب للي كنت انتظره واحلم فيه ليل والنهار عضت على شفتها من القهر وهي تضحك على نفسها طلع ابوها اكثر شخص تكره على وجه الارض تمنت لو
ظلت على عماها وما عرفت إنه ابوها
هزها نايف بقوه تكلمي
رفعت راسها والتفت وشافت الكل يطالعها وجهت نظرها لنايف وببرود : ما يخصك

كان نايف وده يضربها مسك يده ابوه وبحزم : اعتقد انك تبريت منها مالك حق تضربها فاهم
وخر الجد نايف من امامه وبعصبيه : ريم وسلمى تعالوا هنا
تقدمت ريم من جدها بثقة اما سلمى كانت تبكي وخايفه من جدها

الجد بعصبية : سلمى تعالي هنا
نايف بقهر : يبه شوي شوي عالبنت فوق ما هي مضروبه يعني

اعطى الجد نظره لنايف بمعنى لا تتدخل : تعالي هنا بسرعه
*
*
*
ساميا بضيق : تفرك يدينها ما تطيق تشوف بناتها يبكون وخاصة سلمى الخوافه
ومقهورة من ريم ليه تضرب بنتها
كانت ام بدر ودها تروح يم ريم لكن مسكها سلطان واعطاها نظرة بمعنى ما لنا دخل
تراجعت ام بدر وجلست على الكنبه وبداخلها خايفه على ريم ....

الجد بحزم :،وش السالفه ؟؟

سلمى ساكته والخوف مسيطر عليها وتمسح دموعها
الجد بعصبية : انا اسأل وش السالفه ووجهه نظره لريم

ريم بلامبالاه : سوالف بنات ما لك فيها
الجد للي تفشل من ردها

الشباب كانوا يضحكون بهدوء بعد ما تفشل جدهم

الجد حتى يلقط وجه : ما علينا المهم هذا الموقف ما ودي يتكرر يالله بسرعه سلمن على بعضكم وبصوت عالي بسرعة
تقدمت سلمى للي معروف عنها انها خوافه وتقدمت من ريم ومدت يدها تسلم :ءءءءانا اسفه
نظرت ريم بتعالي وبصوت عالي : قسم بالله لو تكررين كلامك غير تكون نهايتك على يدي انت وشلتك هاذي وبصراخ فاهمه

هزت سلمى راسها بخوف : والله ما اعيدها

نايف انجن جنونه وهو يشوفها تهدد ببنته وقدام الكل وللي قهره بنته الخوافه سلمى

الجد حتى ينهي الموضوع : يالله اجلسوا مع بعض والعبوا مع بعض بدون شجار فاهمين وتوجه خارج المجلس لانه وقت صلاه العشاء بعد ما قال لاولاده يلحقوه ....
اعطى نايف لريم نظرة تهديد وطلع هو وسلطان وابو سليمان ....

الجده بحده للشباب : علامكم جالسين يالله عالمسجد
بدر بتملل : يا جده بعده ما اقام الصلاة
الجده بعصبية : يعني لازم توصلون اخر ركعه يالله عالمسجد بسرعه
قام عمر وهو يضحك على بدر لانه تفشل قدام الحريم
طلعوا الشباب وهم يناظرون ريم بتوعد .....

*
*
*
الجده تقدمت قريب من ريم : قسم بالله لتندمين يا حيوانه

ريم بلامبالاه : اعلى ما بخيلك اركبي وتوجهت للكنبه وجلست بهدوء

تقدمت ساميا من سلمى وصارت تمسح بدموعها وتحضنها وترتب بشعرها
بعدها اعطت ريم نظره حاده واخذت بنتها وطلعت من المجلس تغسل لبنتها

رجعت الجده لمكانها وهي تشتم ريم وتسبها وريم معطيتها طاف ....
بعد هالموقف رغد ومي ولينا خافوا منها وطلبوا يصيروا صديقات لبعض ...
وبعد تفكير وافقت ريم تصادقهم

كان عبود يناظر ريم ومقهور انه البنات صاروا صاحباتها كان وده تبقى وحيده لانها رفضت تلعب معه وقرر إنه يبحث عن خطط حتى يبعد البنات عنها
..

كانت ريم جوار البنات الصغار جالسه بس عيونها على عبود ما فارق نظرها بس اذانها عند الشباب

عمر بهمس : شباب شوفو ريم اكلت عبود بعيونها ولا رمشت

بدر وبتمثيل : يا خساره طارت ريم وسبقنا عبود وخطف قلبها ونظر لسليمان بحزن راحت عليك البنت مو عاجبها شكلك بنظرها عبود احلى

انفعل سليمان و بعصبية وبصوت عالي : تخسى إني ما اعجبها اصلا يحصل لها واحد مثلي

كل بالمجلس ناظروا مستغربين صوته العالي وعصبيته ...!!!!

الجد بنظرة شك : من هي يا سليمان للي تخسى تحصل واحد مثلك ؟؟؟

سليمان توهق وما عرف وش يقول نظر للشباب حتى يخرجوه من الورطه بس ما في فايده للتبرير

وقفت ريم بثقة وغرور وتذكرت مواقف سليمان معاها وخاصة بالملاهي توجهت لعند الجد : اقول لك يا جدي من هذي البنت للي كان يتكلم عنها

الجد باستغراب : قولي يا ريم وهو ينظر لخدها مكان الكف كان احمر بقوه وفيه انتفاخ خفيف

نظرت ريم للشباب بتوعد للي كانوا قاعدين على يسارها وبعدها نظرت لجدها وتقدمت قريب منه انا اقول لك السولافه من بدايتها

الجد باهتمام : قولي يا ريم وانا اسمعك

ريم باسلوب طفولي : تذكر يوم رحنا الملاهي وكنت انا مع العمه الهنوف ؟؟

الجد باهتمام : ايه اذكر وش علاقتها بهذا الموضوع ؟؟

ريم بانتقام : وقتها تركتني العمه الهنوف وراحت تشتري وجلست لوحدي

ابو سليمان تذكر الموقف وخاف تصير مشاكل : ريم روحي العبي ولا تتدخلين بكلام الكبار بسرعه واشر لها تروح اخر المجلس

نظر نايف لاخوه ابو سليمان واستغرب توتره وعدم رغبته انه ريم تتكلم

الجد بحزم : ريم كملي

ابو سليمان بتوتر وخايف انه ريم تجيب العيد : يبه هذي بزر وش عرفها بسوالف الكبار

الجد بعصبية : اقول ريم كملي

ريم بثقة وكتفت يدينها : قول لهم ما يقاطعوني عشان اعرف اتكلم ما احب حد يقاطعني

الجد ينظر لها وعنده لقافه يعرف وش ودها تقول ومتوقع كلام ما له معنى بس كان عنده فضول يعرف وش مخبيه : تكلمي وما عليك منهم

كانوا الشباب بحالة لا يرثى لها ويتوعدون بريم بداخلهم ونظراتهم عليها ودهم ياكلونها

ريم بثقة : جلست لوحدي لما راحت عمتي الهنوف وفجأة ما شفت إلا ذول فوق راسي واشرت على الشباب بقرف

جلسوا يتمسخروا علي وبعدها قالوا اني احب سالم

رفع الجد حاجب باستفسار : من سالم ؟؟

ريم ببراءة : ابن الجيران للي كنت العب معه ويوم العيد اشترالي حلاوه بس هذا واشرت على سليمان سحبني قبل ما اخذها

الجد : اها وبعدين

ريم : قالوا لسليمان ما لك امل توخذها هذي تحب ولد الجيران عصب سليمان ومسكني من يدي وقال انا خطيبك فاهمه وهزني وقال انا متأكد رح تفضحينا وسكتت ريم عن السرد ونظرت

بعدها لسليمان وهي رافعه يدينها وتدعي : الله ياخذك وجعتني وقتها ولفت وجها للجد عشان تكمل
كان الجد بداخله ضحكه على اسلوبها لكن الموقف يتطلب الحزم والموضوع ضايقه كثير ومنقهر كيف يتمادون معها بهاذي السوالف وهي بعدها بزر

ريم تكمل : بعدها جاء عمي ابو سليمان وضرب سليمان كف على وجهه ونظرت لعمها ابوسليمان وبفخر : والله انك شهم لانك طقيته

انفجرو الحريم من الضحك على اسلوبها
واعمامها يكتمون الضحك

الجد بجديه : وبعدين وش صار ؟؟

ريم تكمل : بعد ما ضربه بهدلهم بهدله مرتبه وباسلوب مضحك فاتتكم وبعدها قال لسليمان تعلمون البنت بهاذي الامور اذا كنت جاد ودك البنت احيرها لك واذا كنت تلعب يا ويلك مني ومسك يدي ورحنا بعيد عن الشباب

الجد اعطى الشباب نظرت وعيد وخاصة سليمان : كملي يا ريم

ريم : والحين كنت اناظر عبود وشلته بس كنت اتسمع عليهم كانوا يقولون اني معجبه بعبود ويقولون لسليمان راحت عليك البنت خطف قلبها عبود قام عصب سليمان وقال للي اسمعتوه

الجد بتنهد : تعرفين وش معنى كلامهم يا ريم ؟؟؟

ريم رفعت اكتافها بمعنى لا : من هذاك اليوم وانا حافظه كلامهم ومو عارف قصدهم ايش يعني يحيرني ونظرت للجد باستفهام وتابعت كلامها بس البنات بالمدرسة يقولون انه البنت لما تتزوج تلبس فستان كبير ابيض وييجي العريس ويبوسها على راسها
الجد خاف انها ريم تجيب العيد بكلامها وهي مو داريه عن معناه : طيب
مسح الجد على لحيته الخفيفه بقهر من احفاده وما انتبه على البركان للي قاعد جنب سلطان
كان نايف يغلي قهر وقف نايف بعصبية : عجبك

وقف الجد بعصبية اكبر ونظر لنايف بحده وهو يؤشر بيده : انت لا تتدخل فاهم رفعت يدك عن البنت وانا احل المشكلة فاهم

نايف وهو يحاول يتحكم باعصابه : مثل ما ودك يبه والتفت على ساميا : يالله يا ام سيف قومي انتي والأولاد

خرج نايف وزوجته واولاده من المجلس وهو بركان ثاير ....

الجده وهي تنظر لريم بحقد : حسبي الله ونعم الوكيل فيك فرقتي بين اولادي

جلس الجد بمكانه التفت للجده وبحزم : مزنه اذا كانت النفس عليك طيبه ما ودي اسمع صوت وبتساؤل عاجبك وضع احفادك مع البنت يتكلمون معها بمواضيع كبيره وبعدها نظر للشباب بوعيد : دواكم عندي

بعدها نظر لريم للي واقفه بوسط المجلس قريب منه : ظل شي يا ريم ما قلتيه

حكت ريم راسها بطفوليه : امممم ايوه تذكرت

الجد باهتمام : وش فيه ؟؟

ريم ببراءة : قلت لهم يوم الملاهي ما ابغى اتزوج واذا تزوجت ما ابغى سليمان ابغى سالم لانه اطول مني بشوي مو زي العمود هذا واشرت على سليمان

سلطان ضحك بصوت عالي على برائتها : يا ريم بكره سالم بكبر مثل سليمان ويصير طويل

الجد بحزم : سلطان اسكت عن الكلام الفارغ وبجديه خلص اجلسي مكانك

رجعت ريم وهي تجلس مكانها وهي تشعر بالنصر

الجد بحزم : وش هالكلام هذا انتم بعدكم بزران وانت يا سليمان كملت الثانويه وتنتظر النتايج مو صغير حتى نعلمك الصح من الغلط واشر على نواف وانت وانا اقول عنك العاقل والفهمان بينهم تعمل كذا
بكره على الساعة 8 الاقيكم بالمكتب حتى ننتفاهم وتنالوا عقابكم

ابو سليمان قبل ما يتأزم الوضع : يالله الحين استأذن ووقف والتفت على زوجته واولاده واشر لهم يالله

قام سليمان بتثاقل وهو مو قادر يحط عينه بعين جده استأذن بخجل وبسرعة غادر المكان مع اهله

سلطان للي كان ينظر لبدر بتوعد : يالله يبه الحين استأذن ورانا حساب ونظر لبدر

بدر بلع ريقه وقام وهو يدعي بداخله على ريم الفتانه

ما بقى بالمجلس إلا نواف والجد والجده وريم

الجد بلوم : ليه يا نواف تعملون كذا ؟؟؟

كان نواف وده يتكلم : اشر له بمعنى اسكت وبعدها قام الجد وتوجه خارج المجلس إلى جناحه

بعد خروج الجد لعدة دقايق الجده بكره :،عجبك الحين انبسطتي ؟؟؟

ريم نظرت للجده وبجديه : تعرفين لو تطلعين لي بالليل غير اتخرع من الخوف من وين جايبه الوان الطيف للي بوجهك ؟؟؟؟

سكت الجده واتفشلت قدام نواف للي حط راسه بين يدينه وهو يحاول يكتم ضحكته

وقفت الجده وبقهر ووجهت كلامها لنواف : انا الحين ادافع عنك،وانت تضحك علي ما هقيتها منك
وطلعت خارج المجلس كان وده نواف يلحقها يراضيها بس ما قدر يثبت نفسه من الضحك ويفشل جدته بزياده

نظرت له ريم ورفعت حاجب : تضحك بلا سنون ان شاء الله وطلعت من المجلس متوجهه لغرفتها

ظل نواف بالمجلس يضحك وللي يشوفه يقول هذا مجنون !!!!!

*
*
*
*
في اليوم الثاني تمت معاقبه الشباب بحرمانهم من امور عده من اهمها الطلعات لمدة شهر وتم سحب الجوالات منهم لمده اسبوعين ومنعوا من الجلوس مع بعضهم لمدة اسبوع ...

اما سليمان بعد اجتماعهم الصباحي خبره الجد بخبر الصاعقه انها ريم يعتبرها محيره له حتى مرة ثانيه ما يرجعون لسوالفهم فكان درس لهم قاسي ......

*
*
*
*
جالس على رخام درج الطابق الثاني وكل هموم الدنيا فوق راسه

كان ابوه نازل من الدرج وصل لعنده ونظر له : تستاهل يا سليمان حتى تتعلم مرة ثانية تثمن كلامك

سليمان بقهر : يبه حرام عليكم البنت صغيره

ابو سليمان ببرود : كلك خوف بعدها صغيرة لا تطمن من هنا لغاية ما تكمل دراسة وتجهز نفسك تكون البنت كبرت وجاهزه

سليمان نظر لابوه بقهر : طيب انا ابغى زوجتي جميله مو تكون شيفه جوكر مثل ريم

ابو سليمان بلامبالاه نزل الدرج : تحمل اخطاءك

قاطعتهم ام سليمان بحده : ليه تبلونه بالريم حرام عليكم يعني ودكم تحرموني افرح بابني وتحطوها شوكه بحلقه انا مستحيل اوافق على السخافه هاذي مستحيييل

كمل نزول الدرج ابو سليمان وببرود :،اذا حد طلب رايك اعترضي وقتها
وتركها وخرج من البيت

ام سليمان بعصبية : حسبي الله،عليك يا ريم كسرتي احلام ولدي وتوجهت للمطبخ وهي تدعي وتشتم ريم

*
*
*
*
*
مضت الايام على ريم خلال العطله وكان برنامجها كالاتي من الصبح تفطر وترجع على غرفتها جالسه على افلام الكرتون وقت الغداء تنزل وبعدها تصعد
على غرفتها تتابع كرتون
وبعد العصر تطلع تلعب مع الاولاد كورة بعد ما اجبرت عبود يلعب معها
اما نايف من ثاني يوم المشكله رجع سافر حتى ريم ما شافته ولا طلب انه يودعها .....
*
*
*
*
كانت نازله الدرج بحماس عشان اللعب وقفها صوت الجد : وين وين وبعدين معك طول وقتك لعب بالشمس شوفي وجهك كيف صاير

وقفت ريم وبعد تفكير نظرت للجد : طيب انت تقدر تحل المشكله وبسهوله

الجد يجاريها : طيب كيف ؟؟

ريم : الملعب اعمل له سقف عشان الشمس ما تدخل علينا ورفعت حواجبها للجد بفخر : كيف هاذي الفكرة العبقريه ؟؟

اقترب الجد منها : انا عندي طريقة اسهل من كذا بكثير ومسكها من اذنها وصعد الدرج وتوجه لغرفتها فتح الباب بيده الثانيه ونظر لريم : اقعدي هنا احسن عشان الشمس ما تشوفك
ريم وهي تتململ : طيب ترك اذني وجعتني يالشايب
الجد شد على اذنها : من هو الشايب يا قليله الحيا

ريم بمكر : والله قصدي جارنا
فلت اذنها الجد وهربت داخل الغرفه وبعدها استوعب : مين جارنا ؟؟

ريم بلوم : ما هقيتها منك ما تعرف جارنا للي سكن بالجناح اليمين الطابق الثاني

فتح الجد عيونه على وسعهن وتقدم منها حتى يمسكها : انا اراويك الحين تقصديني
ركضت ريم بانحاء الغرفه حتى تهرب من الجد وضحكتها العاليه تعج بالمكان قدرت تنفذ من الباب وبسرعة وصلت الدرج وقعدت تزحلق على الدرابزيل وبعد ما كملت نزول مدت لسانها لجدها وهربت خارج البيت متوجه للحديقه عشان تلعب ....

ابتسم الجد على حركتها وتمنى يروح يحضنها لانها بحركاتها تذكره بشخص غالي عليه .....

*
*
*
*
يتبع .....

بالمساء اجتمع الجميع بالمجلس وكان الكل موجود وريم جالسه مع الاولاد واعطت طاف لرغد ومي لانهم يوم للي اجت فيه بنات خالتهم وخالهم رفضن يلعبن معها ومن بعدها ريم ما تلعب الا مع الاولاد كانت تجلس بجانب عبود وتستمع له بحماس وهو يروي لها بطولاته الكذابيه وهي اعطته جو بالحماس للي خلاه يزيد عيار الكذب . ...

كانوا الشباب ينظروا لريم بكره وحقد وخاصة سليمان للي بنظره حطمت احلامه

الجد : اي ساعة نويتم تتطلعون لسوق عشان عيد الاضحى

سلطان ونظر لساعة يده : بعد ربع ساعه

الجد بحزم : خذوا ريم معكم واشتروا لها ملابس العيد

سلطان بطريقه حتى ما يزعل ابوه : شوف ابو سليمان ياخذها معه

فهم ابوه عليه لانه حالف يمين الطلاق التفت لام سليمان : ريم بتبقى معك واشتري لها كل شي نفسها فيه ولا تهتمي للسعر ابد مفهوم

هزت راسها ام سليمان وهي تغلي من القهر بس ما يطلع بيدها ترادد

وقفت ريم باعتراض : انا ودي اروح مع عبود ولوت بوزها
الجده بقهر : لا والله لايق عليك تتدللي اقول احمدي ربك ان نشتري لك

ريم بقوه : حقي اشتري مو على كيفك ما دام شيخ القبايل موافق اني اروح انتي ما لك علاقة

انبسط الجد على المديح وقف واتجه لريم ومسك يدها : انا وجدتك رح نروح بس ما نقدر نلف السوق رح ننتظرك بالمطعم لحد ما تكملي ابقي مع خالتك الجوهرة وانتبهي تضيعي فاهمه

لوت بوزها ريم وبدون نفس : فاهمه

سليمان بقهر يكلم نواف بهمس : على وش شايفه نفسها وتتكلم مع جدي ولا هامها احد وشد على اسنانه من القهر

الجد التفت على الجميع : يالله توكلنا على الله

وصلوا السوق وتوزعوا الجد والجده وابو سليمان جلسوا بالمطعم
وسلطان وزوجته واولاده اتجهوا للمحلات وسليمان وعمر ونواف وام سليمان وبناتها الصغار وريم اتجهوا للمحلات

كانوا يلفوا السوق وريم تدخل المحلات وما يعجبها شي وام سليمان ما خلت شتيمه وريم تتعمد تقول ما عجبها حتى تقهرها

سليمان بعصبية : قسم بالله اذا ما اخترتي الحين من هذا المحل لارميك بالزباله

ريم رفعت حاجب ونظرة تحدي : اتحداك تقدر تعملها

مسك نواف يد سليمان : طنشها بزر وتركوها وصاروا يتجولون بالمحل بعد ما اعطاها سليمان نظرة وعيد

لفت وجهها ريم : مالت عليك يالعمود

ام سليمان بنفاذ صبر : اطلعي من المحل يالله بسرعة جلسوا هم بالمطعم مرتاحين وحطوك شوكه بحلقي وطلعت من المحل وهي معصبه

دخلوا محل وقعدت تشوف ريم الفساتين وهي رافعه حاجب وبعدها اشرت على فستان

ام سليمان : باحلامك شوفي سعره يا حلوه انتي لو باعوك ما بتسوي ريال وطلبت من صاحب المحل يعطيها فستان ثاني اشرت عليه

احضره العامل ووضعه بكيس
ريم بعصبية : اقول لك ودي هذا الفستان انتي ما تفهمين ما ابغى للي اشترتيه

ام سليمان مطنشه ولا كأنها ريم تتكلم حاسبوا والتفت على ريم : يالله كملنا خلنا نروح عالمطاعم عندهم

ريم بعناد : ما ودي ما ارح اطلع من هنا الا اذا اشتريتي لي الفستان

ام سليمان : باحلامك امشي احسن لك
وريم معانده انها تطلع

سليمان وهو يحاول يتحكم باعصابه : امشي قدامي احسن ما ادفنك هنا بسرعة

ريم جلست وتربعت عالارض ونظرت بتحدي : اعلى ما بخيلك اركب

توجه سليمان ومسك يدها وجرها بقوه وبما انه ريم حجمها صغير كان سهل عليه

كانت ريم تحاول تفلت منه وتشتمه : يا حيوان والله لاشتري الفستان رجعني عالمحل ودي ذاك الفستان
كان الناس واقفه تناظرهم بالبدايه فكروه خاطفها بس لما سمعوا كلامها توقعوا انه اخوها
سليمان بعصبية : والله ما تشتريه وهذا انا حلفت

وصلوا عند طاوله الجد وقف الجد بانفعال للموقف :،وش فيه با سليمان ليه ساحب بنت عمك وكانها خروف وراك

ترك يدها سليمان يدها بقرف في هذه الاثناء وصلت ام سليمان ونواف وعمر وسلطان وزوجته واولاده مستغربين الوضع

ريم وحاولت تقاوم دموعها وما قدرت وقفت وصارت تمسح دموعها


اقترب الجد منها وسالها : وش صار ؟؟

كان سليمان مندفع وده يتكلم اشر له الجد بمعنى اسكت ووجه كلامه لريم : انا اسالك وش فيه

ريم نظرت لجدها بانكسار : اخترت فستان ورفضت خالتي تشتريه لانه غالي وقالت لي انتي لو باعوك ما بتجيبي ريال واحد وراحت اشترت لي فستان على ذوقها

وبناتها اشتروا كل شي ودهم اياه ليه انا ممنوع اشتري للي ابغاه كل هذا عشان ما عندي اب يدافع عني ما عندي امي تشتريلي

وجلست على الارض ودخلت بنوبة بكاء ....

حيا الله ضاقت انفاسي
اشتقنا لش
و ما زالت ريم تعاني