أنتِ قدري( الخامس والثلاثون)
لاأريد ان أرى دموعك

•

•

ما يرد الدمعه ( الصدر الرحيب )

خذ رحابة صدري .. وعطني هدب

العم سعود /نواف أمل فيها شيء

نواف / لاياعمي بس بردت لما كنا بلندن وتعرف امل ماتسمع الكلام وماترتاح وارهقت نفسهاو رجعنا بعد وهي بخير الحين نايمه في البيت

العم سعود /اتصلت بخواتها

نواف /مااظن لو عرفت قالت لي. تبي انا اخبرها

العم سعود/ خلها اليوم دامها تعبانه وبكره نقول لها امها حالتها مستقره والله يفرجها

نواف/ اللي تامر فيه انا اشوف اقولها احسن ليه رافض انت ومحمد اقول لها

العم سعود/انت قلت انها تعبانه امل ماتتحمل كل ذا

نواف/ اعرف بس هي حاسه واليوم جوها مو طبيعي باحاول امهد لها

تامرني شيء

العم سعود/سلامتك انتبه لها

رجع نواف بالليل ولا امل نايمه الخدم قالوا تصحى تصلي ترجع تنام

غير ملابسه ونام

والصبح بعد نايمه ولا صحت

نواف /حياتي بسك نوم ابي اشوف العيون الحلوه قبل اسافر

أمل / وين

نواف/ جدة عندي شغله صغير ه وراجع انتبهي لنفسك باسها وطلع

أمل /شافت الساعة 11 اخذت شاور حست نفسها احسن كان ناقصها نوم

غيرت ملابسها واكلت فطورها وادويتها صلت الظهر وفتحت جوالاتها الا مليون مكالمات اكثر شيء هند محمد رحاب

اتصلت على هند مايرد جوالها

ورحاب نفس الشيء

اتصلت على محمد

سولف معها عادي ولاقال لها شيء بس مشتاق لك وبجيك بالليل

وسكر

اتصلت على نوف وسوالف معها تقريبا 3 ساعات سوالف.

سكرت منها جلست تشوف ترتيب الغرفة ثم اتصلت بنوااف باقي يومها عادي

بعد المغرب

وهي جالسه على سجادتها الاجوالها ماوقف رنات

الو

وينك

أمل /جوالك مسكر اتصلت عليك وماحصلتك انا اسفه كنت ناسيه جوالي بالبيت

هند/امل اسمعي اللي بقولك وخلك قويه

أمل / هند وش فيك ليه صوتك كذا

هند/أمل.امي تعبانه مره تعالي بسرعه للمستشفى نتظرك

أمل /مو مستوعبه ساكته

هند /فهمتي علي تعالي بسرعه الحين

امل سكرت ودموعها ماوقفت غيرت بسرعه وطلعت الا نواف يتصل من مطار جدة

أمل / نواف امي تعبانه

نواف/ خلك قويه انا جايك من قال لك

أمل /هند. قالت لي وانا رايحه الحين

نواف/ اوكي

اول ماوصلت امل الا محمد ينتظرها

ضمها حيل. وهي تبكي

أمل / ليه ماقلتوا لي

محمد /انتي تعبانه وخفنا عليك

وعلى قسم العنايه المركزه

الا هندورحاب وهدى ودلال واقفين وباين يبكون بس

مايبغون امل تنهار

ضموها خواتها

هند/امل خلك قويه ادخلي لها تسال عنك

دخلت أمل مسكت يدها وسلمت على راسها ويدها أنا أمل

يمه كلميني انا قدامك شوفيني

فتحت عيونها حصه

أمل سامحيني يامل

أمل /سامحيني انا دايم مقصره معك

حصه / انا حملتك ذنب مالك دخل فيه ماعاملتك مثل خواتك

أمل / لاتقولين كذا انتِ امي واحبك ارتاحي لاتعبين نفسك مسحت الدمعه من عيون امها وحاولت تتماسك ثم صارت تدعي لها وهي ماسكتها

محمد/ أمل خليك معاها

أمل /معك مصحف

محمد / طلع واخذ من دلال ووعطاها

أمل / ضلت تقرا قران لين خلصت الزياره

وطلعوها

أمل /انتم ارجعوا مع محمد انا بضل هنا عندها

هدى /بعد انتِ تعبانه

أمل /انا بخير بضل عندها

طلعوا خواتها مع محمد ورجعت دخلت عند امها

بس بعد ساعة تعبت. وطلعوها والاطباء عندها

أمل /نواف الحق علي وتبكي

نواف/ وش صار انا جايك لاتبكين

نواف/ بسرعة جاها الا هي واقفه تبكي

ضمها وش فيك وين محمد

أمل / الدكتور مايطمن يقول الحالتها حرجه والتنفس نازل والنبض ضعيف

نواف/ الله هو الشافي ماعليك من كلامه لاتبكين قولي لااله الاالله ضمها لين هدت بس ماكملت الا الدكتور والممرضات كلهم تجمعوا بالغرفه

نواف/ اتصل بمحمد

نواف /محمد تعال بسرعه مااظن تلحقها

محمد /ا هم شيء امل روح لها

نواف /انا معها وهي اصلا واقفه قدام الحاجر تبكي

محمد/ خلك معها اهم شيء امل الحين

سكر محمد جمع خواته وعلى المستشفى

أمل / واقفه تبكي ولما شافت الاجهزه وقفت والدكتور طلع طاحت

نواف /بسرعه شالها ويفيقها الممراضات على طول بالمهداءات والمويه جاهزين

فاقت بسرعه مااحتاجت شيء

نواف/ أمل امل تشوفيني

أمل / نواف امي

نواف/ رددي معي يامل انَ لله وانا اليه راجعون اللهم اجرنا في مصيبتنا وااخلفنا خيرا منها اللهم اجبرنا مصابنا واجعلنا من عبادك الصابرين

رددت امل وهو حاضنها خايف يصير فيها شيء

الا محمد جايه مع خواته

هند/عرفت من منظر امل

دلال/ وقفت وضمت رحاب يبكون

هدى /مسكت محمد تبكي

هند/ واقفه تبكي وعلى امل ضمتها

نواف/ هند خلك قويه الله يرحمها

أمل /انهارت شالها نواف وهي تصيح

محمد / نواف خلها تدخل تشوفها

نواف /هي منهاره كيف ادخلها لها

محمد/هي مو مستوعبه انها توفت خلها تدخل

دلال ورحاب دخلوا لامهم ومحمددخل بعد

وهدى وهند

نواف / ضل واقف شايلها وهي شوي تفيق وشوي تفقد الوعي

ثم طلع محمد خواته ودخل نواف باأمل بالغصب شوي تصيح ابي اشوفها وشوي تقول مابي

خالها تسلم عليها وتدعي لها بعد نواف سلم ودعاء

وطلعوا

نواف/ محمد باخذ امل للبيت وبرجع لك

محمد /انت خلك معها خلني اتطمن عليها على الاقل وما اشيل همها

نواف على البيت وطلب الدكتور

عطوها مهداءات ومنوم ولما نامت وهدت طلع

راح لمحمد وقف معهاهم وبعد ورجع ومن الصبح ونواف ومعهم بالمسجد والمقبره ووقف لين الليل بالعزاء

العم سعود/نواف امل كيفها

نواف/ نايمه بعد ساعتين بتصحى

محمد/ روح لها وارتاح بعد من امس مواصل

نواف /مافيه تعب

العم سعود / نواف ماقصرت روح ارتاح. وانا بكره الصبح بجي اشوف أمل

نواف/ الله يحيكك. استودعتكم الله وتصبحون على خير

وطلع

راح للبيت اخذ شاور. ولبس شافها نايمه للحين. نام

صحت اخر لليل ورجعت نامت وهي تبكي وحاضنة نواف

من الفجر صحت تبكي وصلت وجلست تقرا قران نواف صحى شافها متخبيه بغرفة الملابس تبكي. صلى ثم دخل عليها شالها. وطلع وجلسها بحضنه وصار يقرا عليها ويهديها

هي عارفه ومستوعبه بس اكيد بتبكي

نواف/ ممكن انام شوي وماتبكين ولاتسوين شيء يزعلني

أمل /تعبتك معي

نواف / وكم عندي أمل شالها وحضنها ونام

أمل / تبكي ولانها ماتقدر تتحرك ماسكها نواف داخت ونامت

نواف/ خاف اذا نام تروح تبكي ولا تسوي بنفسها شيء فضل حاضنها

صحى 11 شافها نايمه مسح دموعها وغطاها اخذ شاور ولبس ونزل تحت

الا العم سعود جاي

نواف /نور البيت الله يحييك يامرحبا

العم سعود /بنور اهله أمل كيفها

نواف /للحين نايمه

اتصل وخلاهم يصحونها

طبعا امل بس تبكي ولا تبي احد يكلمها ولا احد يلمسها

نواف / عمي ممكن شوي استاذنك دلوعتك لازم اطلع اجيبها انا ماهي راضيه تنزل

طلع لها نواف. الا هي حابسه نفسها بغرفة الملابس دخل الا هي متخبيه تحت ثيابه

سحبها وطلعها

وعلى الحمام وهي تصيح

أمل /مابي خلوني لحالي

نواف/اصحي أمل امل انا نواف مافيه احد غيري

أمل / فتحت عيونها شافت مافيه احد ضمت نواف وكملت بكي

نواف حممها بالغصب ولبسها ملابسها جلسهاوغير ملابسه ثم شالها بالغصب ونزلها

نواف/ انا اسف تاخرت عليك

هي شافت عمها وعلى طول بحضنه تبكي

عمها سعود/امل بسم الله عليك اهدي اهدي

أمل /تبكي وتصيح لاتتركني

العم سعود /امل ورفع وجها ماراح اتركك بضل معك لاتخافين

لاتبكين

نواف: /عمي انا ماعدت اعرف وش فيها

العم سعود /ماعليك شوي وتهدى اتركنا لحالنا

نواف / طلع وتركها معه. وراح صلى ورجع

الا ام نواف جايه مع هيفاء وجوري

جلسوا مع نواف

ثم طلع العم سعود ماسكها بيدها

نواف/ عمي

العم سعود / لاتخاف مافيه شيء. هدت والحين كويسه

باخذها معي.

نواف/ بس مااكلت شيء

العم سعود /لاتخاف انا اتصرف

نواف / حبيبتي الوالده هنا بتسلم عليك

ثم مسك امل ودخلوا بصاله ثانيه لونها أحمر غامق دمي كذا مع ذهبي

سلمو عليها وعزوها جلست شوي وطلعت مع عمها سعود

ام نواف/ قالت بجيك لبيت خواتك روحي انتِ لاتهتمين لان شافت امل منحرجه تتركهم

العم سعود /انا جبتك للمطعم اول ابيك تاكلين مابي اخذك لخواتك كذا

أمل /ماني مشتهيه شيء وغصبها عمها واكلت شوي ثم صلوا بمسجد

قريب وعلى البيت

أول مادخلت الا رحاب وخلود ينتظرونها اول ماشفتهم رجعت تبكي

رحاب /امل خلك قويه انتي مومنه. الله اخذ لاتبكين

خلود /خلينا ناخذها لغرفتها لين تهدى

طلعوها لغرفتها ولين هدت وكل شوي وحده من خواتها تطلع لها

بعد المغرب نزلت وقفت بالعزاء

جت نوف وريم. وعبير والهنوف

وبعد العشاء جت ام نواف وبناتها كلهم

ولما راحوا الناس دخل محمدلها وصار يقرا لها قران لين نامت

ونامت عندها دلال

اليوم الثاني بعد صارت احسن ولا بكت مسكت نفسها وقفت مع خواتها بالعزاء لين اخر الليل

نواف / محمد تاكدت انها اكلت

محمد /هند احرص مني ومنك عليها لاتخاف

نواف /تبي تضل هنا ولا ترجع معي

محمد /منك لزوجتك. مالي دخل بدخل اشوفها

دخل الا خواته بالمجلس الكبير سولف الا امل نايمه على رجول سارة

محمد /امل نمتي

سارة / مانامت تسمعك

أمل / جلست سم

محمد / زوجك يقول. تحبين تجلسين مع خواتك ولا تروحين معه

أمل /بجلس مع خواتي

هند / أمل مافيه يالله على بيتك وماعندنا بنت عروس تجلس في بيت اهلها

سارة / محمد قول لنواف بتروح معه

(عايلة امل عندهم تقليد العروس ماتنام في بيت اهلها الفتره الاولى من زواجها تزورهم وترجع بيت زوجها عيب عندهم تنام عندهم )

أمل /مابي ابي بس اليوم اجلس معاكم

نورة / أمول ياقلبي انتي عارفه عيب حنا دايم بنجتمع تعالي مو يعني تزوجتي ماتجين

راحت دانه وجومانه وبشاير ولموا اغراض خالتهم وهشوم وجوجو بحضنها يبكون لما لبست عبايتها

شروق /خاله لاتبكين قطعتي قلبي

محمد/ وانتم وليه تبكون. تراها بتروح بيت زوجها مو رايحه حرب

مسك امل وطلع للمجلس الا نواف يسولف مع عبدالله

عبدالله /عزاها ماقدر يكلمها من جت

نواف/ ليه تبكين ضمها

محمد /نواف مايبي لك وصاه

نواف/امل بعيوني لف طرحتها وشالها

عبدالله يعلق عليه. ونواف ماله نفس يرد عليه طنش وطلع

اول فتره امل لما تتذكر تبكي وبعد اسبوعين رجعت لحياتها تعودت على الوضع الجديد

تزور خواتها خواتها قرروا ينقلون بيتهم الجديد

اوسع امل قالت اللي تبون تسون سوهه لان كلما رجعت للحي صارت تبكي وخواتها بعد كرهوا البيت

نواف /يهتم فيها ومدلعها اخر شيء. وبعد أمل تدلعه وتحبه بزياده

نواف /حياتي انا مااقول لك شيء قلتي تاخذين لغات مع جوري قلت جيبوا رغم انك تتعبين نفسك

أمل /تعدل فستانها القصير الاحمر

انت مشغول وانا فاضيه وبعدين حنا ناخذها بالبيت

نواف / مابي تتعبين وبعدين طول الوقت عند امي وخواتي ماتملون

أمل / ههههههههه لا مانمل والله امي وش اقول بس. انا الله يحبني. الله رزقني زوج مره عسل زيك واهله. يجنون

نواف/ اغار ترى لما تنشغلين عني

أمل /احبك

نواف /وانا اموت فيك وش رايك نسافر

أمل / مابي. عندي زواج جود لازم احضر

نواف /من جود

أمل / تعرف صديقتي نوف اللي تزورني دايم

نواف/ صديقاتك مااعرف لايكون اللي تمشي ومعها بنت كنها لعبة

أمل /هههههه لا حرام عنوده مو لعبه

نواف /مااعرف صغيرونه وشيطونه

أمل /جود اخت زوج نوف وبنت عمها

وتراك معزوم بعد للزواج. وراحت جابت الكرت

نواف/ اول قرا الاسم عرف انها اخت متعب

نواف/ واذا قلت لك مافيه زواج وراح تسافرين معي فرنسا

أمل /بس هي صديقتي وغاليه علي

نواف /بنرسل لها هديه فخمه واعتذري منها المهم روحه للزواج مافيه

أمل /استغربت الشيء ذا ونامت وهي مادخلت براسها

لما جاء العصر وجاتها جوري. قالت لها

جوري/ اجيب لك ليه ونواف رفض بس بشرط

أمل /موافقه. وش شرطك

جوري/ اسافر معكم فرنسا. من زمان ابي اسافر ومابي اسافر لحالي

أمل / تم جهزي اغراضك

جوري وش رايك نسوي بكره بالجمعة بارب كيو سبايسي

وجلسوا يخططون

كل جمعة ام نواف وعيالهم يجتمون احيانا يطلعون للمزرعه واحيانا في بيت ام نواف.

والاسبوع بيطلعون للمزرعه

امل/ لما رجع نواف ماقالت له شيء ولا جادلت وقالت له ان عمامها زاروهم ويوم عادي وناموا والظهر طلعوا للمزرعه

سوالف وضحك وامل جمعت البزران ومسويه لهم مسابقه وندى جلست تتفرج عليهم نواف جالس يسولف مع هيفاء وأمه

العنود جالسه تتفرج على البزران وجوري انظمت تلعب معهم

بعد المغرب جوري جلست تسولف مع نواف

جوري /نواف تبي الجد من تزوجت أمل و حياتنا كلها تغيرت. سبحان الله. دخلت. بكل الخير والسعاده. أمل. على اسمها. الله يسعدها اموت فيها

نواف /امل دعوات امي دايماً لي

جوري /والله جد انت مره من تزوجت وانت متغير وبعد زايد حلا وتقرصه مع خدوده

نواف / امل تغار علي

جوري /خف علينا

اقول بيني وبينك امل. ماش بخاطرها روحت الزواج وانت رافض غريبه وش السالفه

نواف/ مابي تحضرا زوجتي وانا حر

جوري / نواف مو علي انا. تمشيها على امل تمشيها بس مو علي انت ماترفض اها طلب وش معنا شيء تافه بسال مشاعل ترى

نواف /ذا مو تافه

جوري /للايكون فيه شيء. وخايف تتعب وكذا

نواف /لا فهمتي غلط مافيه لو فيه قلنا. لكم

افهمي يا اوم مخ مسكر جود اخت متعب

لو تحضر امل راح يشوفها متعب وانا اموت لو يشوفها فهمتي وقام وتركها

جوري/ لحقته تركض. طيب امل قالت لي اني اقدر اسافر معكم

نواف/ تدلين درب فرنسا روحي لحالك

جوري / تاخذني معك ولا اقول لامل انك رافض على شان متعب

نواف/ جهزي اغراضك بكره بسافر

جوري /الله يخلي لي اخوي

تعشوا ونواف وامل رجعوا للبيت

أمل / شايفه نواف معصب وساكته

نواف غير وتمدد على السرير

أمل غيرت ملابسها والا العصير اللي طلبته جاي

أمل /حبيبي وجلست جنبه

نواف/ عيونه وروحه امري

أمل /من مزعل حبيبي

نواف /ماني زعلان بس ليه واعده جوري ناخذها معانا

أمل /ههههههههه واذا سافرت معانا بالعكس تعال ليه ماناخذ الوالده معانا وتصير رحله عائليه جميله اسمع خلنا ناجلنا ونسافر سوويسرا ابي نلعب بالثلج شفت صور العنود سفرتتها الاخير بليز

نواف /اوكي سوي للي تبغين سويسرا سويسرا وسحب المفرش ونام

امل على طول اتصلت بام نواف

وقالت لها وبعد اتصلت على جوري وقالت لها عاد جوري فرحة فرحة

أمل / سحبت المفرش وقربت لنواف حبيبي نمت

نواف /بالحلم بالثاني بعد شوي فاصل

أمل /احبك وانت مو عاجبك وموافق على شاني

نواف/ سحبها وضمها

أمل /الوالده فرحانه لما قلت لها تقول سفره معانا تفرق. عن كل سفره

نواف/الله يخليك لي

أمل / ويخليك لي

فعلا امل اعتذرت من جود وجابت لها هديه فخمه وجود لانها عارفه الموقف وبعد اسبوع سافروا واحلى اسبوع قضوه في سويسرا.

كله فله وضحك وهبال. نواف اول ماكان راضي عن السفره بس اهم شيء عنده امل ما تحضر الزواج وبعد عرف ان متعب اصلا ماحضرا زواج اخته سمع انه تعبان بامريكا

سلطان بعد زواج جود اخذ نوف وبنتهم وعلى متعب

سلطان /بالله وش فيك ليه حتى المستشفى خرجت منه

متعب / انا كويس وخرجت مليت من جو المستشفى انا هنا مرتاح

سلطان /والى متى يامتعب بتضل معتزل العالم بذا الجزيره

متعب /مااعرف لين ترتاح نفسيتي

سلطان / تركت الطيران سكتنا ماقلنا شيء قلت بعيش برى قلتا بكيفك

بس وضعك كذا مو كويس شوف نفسك

متعب /انا تعبان اتركني لحالي روح لزوجتك شوفها لاتطيح هههههه مهبوله

سلطان /متعب انسى الله ماكتبها لك

متعب طنشه ودخل داخل الفله وطلع لغرفته

وسكر على نفسه

نوف /ايش صار

سلطان /ولاشيء اذا ضل كذا يمكن يصير فيه شيء

نوف /خله يرتاح تجي معي دودي نايمه راحوا تمشوا

باليل

جالسين نوف متعب تراها تقول اسمك والله انا علمتها

متعب عنوده قولي متعب

وعنود تضحك ولاتكلمت

سلطان /دامها تضحك مستحيل تتكلم وقام وعلى المسبح

متعب /الحين انت وزوجتك مسوين جايين لي ولا للجزيز ه

نوف / لكم الاثنين متعب ماشاءالله جميله. نسكن معك وش رايك

متعب/ لكم شهر وبعدها برى

نوف /افا اسمع انا مصورتها. بجوالي بس مااعرف وين حطيته شوفها

متعب /انا داخل بتصل بالوالده. واذا حصلته شفتها.

نوف /الرمز

متعب /اعرف سلطان معروف ههههههههههه

نوف /استحت وسلطان يبوسها

متعب /سمجتوها

ودخل داخل اخذ عصير وجلس يقلب بجواله اتصل بامه ثم سكر الاجوال نوف على الطاوله فتحته وعلى الاستديو. طبعا صور نوف من تصويرها وعاد هي محترفه فا ماتمل من صورها حتى لو كانت عاديه

اول شيء طبعا صور بنتها بكل مكان وبكل شكل ومتعب يضحك. ياربي منها انا الظاهر باخذ ذا البنت وارحمها مسويتها حقل تجارب وانا اقول البنت ذي ماتكبر من بين للاطفال ثم صور نوف وصور سلطان وصور زواج جود ثم صور ماتمنى متعب يشوفها ابد صور من زواج أمل. صورها بزوجها وصوره ونواف معها بالزفه ومقطع لها قبل الزفه ثم صور البنات قبل الزواج واللي قطع قلبه لما صورتها. تجرب فستانها وهي تتكلم متعب ماحس الادموع نازله من عيونه ضم الجوال من غير شعور ثم سكر الجوال وطلع غرفته وسكر على نفسه

سلطان ونوف طبعا بعالم ثاني ماحسوا بمتعب

متعب/ ضم صورتها بكاء من قلب

غرفته كلها صورها. ثم من قهره كسر كل شيء بالغرفه ليه يامل ليه انا احبك ليه تختارين نواف ليه انا المفروض اللي امسكك بالزفه انا اشتريت ذي كلها لك ليه يامل تتركيني لحالي ليه ايه احبك كذا ليه

سلطان /متعب بالله افتح الباب ولا اكسره نوف تبكي وهي تسمع اصوات التكسير. ثم هدت الاصوات

وما رضى يفتح وبس قال خلوني لحالي

نوف /تبكي ليه صار كذا وش صار اتصل بخالتي شوف خاف قالت له شيء زعله

سلطان / اتصل بالرياض بامه سالها بس مااصار شي قالت اصلا ماطول وقالت له اللي قاله

سلطان/ اكيد متصل في احد نزل يركض لجوال متعب

سلطان مقفل.

نوف /اكتب امل وراح يفتح معك

سلطان /اجرب فعلا فتح اخر المكالمات مع امه مافيه اي برنامج محمله ولا رسايل ولاشي وش فيه اجل

نوف/ فتحت جوالها الا على مقطع امل

بكت من قلب من ذا متعب شاف امل بفستان زواجها واكيد انهار

ركض سلطان وكسر الباب. الا متعب مغمى عليه ويدينه جروح من الزجاج المنتشر بكل الغرفه.

واسعفوه ثم انقلوه للمستشفى

امل ونواف رجعوا للرياض

وامل بين خواتها وبين تزور عمها سعود وكل فتره تزور المزاحميه بس اغلب وقتها عند ام نواف وخوات نواف

زيارات حفلات عزايم

ورجعت تكمل ماستر

نواف/أموله ليش نايمه منتي نازله معي تفطرين

أمل / مالي نفس تعبانه حياتي. اكل زين ولااتتاخر اليوم ابي نتعشاء سوى

نواف/قلت لك مااقدر اليوم انا عندي موعد عمل

أمل /طيب اموله زعلانه

نواف/مايهون علي زعلك بس بكره نطلع مع بعض ياروحي انتي

أمل /انتبه لنفسك

نواف / سحب المفرش وباسها ونزل

اكل فطوره وامل تراقبه من فوق وتضحك

ثم طلع وهي وراه

لما فتح الباب الا ورد منثور لين سيارة جديده. ماي باخ مسوى لها تعديل اللي دايم يتخيله سودا ومن داخل بيج

وقف يتاملها الا فوقها بوكيه ورد وكرت فتح الكرت

كل عام وانت بخير وكل عام وانت حبيبي. احبك. حبيبتك امل

الا هي حاضنته من ورى وتغني له Happy Birthday

نواف/ الله لايحرمني منك

أمل /عجبتك. هديتي

نواف/ يكفي المفاجئه الحلوه ماعمري احتفلت ولا احب كذا

بس منك كل شيء حلو

أمل /لاتتاخر انا انتظرك وامسك المفتاح

نواف/ باسها

امل تدفعه روح

نواف / باي حبي باحاول اأجل مواعيدي وارجع بدري

أمل /لاتاجل شيء. بكره نتعشى سوى

طلع نواف للشركه وامل طلعت للجامعه ومنها طلعت لبيت عمها سعود وبعد المغرب طلعت للمحل وسوالف مع البنات لين العشاء عاد العنود تخطي وأمل تلاحقها تصورها

نوف /وش فيك ماعمرك شفتي. بنت تمشي

أمل /زي ذا النتفه الجميله لا. انا طالعه وراي موعد مههم الا ليه دايم معك خليها بالبيت

نوف / وش عليك منها انا اسوي اشغالي وهي تساعدني وبعدين مضيقه عليك

أمل /الا خايفه عليها هي ماتجلس والمربيه تعبت ترجعها لاتطيح من الدرج هنا خطر عليها.

نوف/ اوكي بتركها بالبيت. لاتنسين تشرحين لي ابي اعدي ذا الجامعه مليت منها

أمل / انتٍ ماتذاكرين

طلعت امل ولبست فستان احمر طويل توب وشعرها رفعته ومكياج ملكي ولبس طقم شبكتها وطلعت لفندق الفيصليه البلوره

نواف انا قلت لك اجل كل موواعيدي. ليه مااجلتها

مخلد/ياطويل العمر الموعد مهم ومثبت عندي من اسبوعين مااقدر اجله

نواف /طيب انا طالع ومخصوم عليك

وصل وطلع للمطعم وهو بالمصعد

اتصل بامل

نواف / حياتي انتي بتاخر انا الحين. عندي عشاء عمل لما ارجع راح نطلع

أمل /اوكي. ابي نطلع للثمامه

نواف/ اللي تبغين نروح له تامرين امر

أمل /ابتسم ولاتتضايق ابي لما تدخل لموعدك ابي ابتسامتك اللي اعرف بالتوفيق ياقلبي وروحي ودنياي كلها

نواف/ ان شاءالله لاعدمتك

سكر وقفل جواله واابتسم وطلع واتجه لموعد

اول دخل المطعم فاضي. وبس طاوله وحده وحولها ورد

راح للطاوله. مكتوب عليه اسمه وماحس الا اللي تحضنه من ورى

ومن مثلك حبيب ومن مثل نواف

نواف/ ومن مثلك حبيبه

أمل /كل عام وانت بخير

نواف /احلى موعد عمل الله لايحرمني منك

أمل /ههههههههههه انا اخذت الموعد من مخلد بليز سامحه

نواف/اكيد.

نواف/ أمل وش اقول بس فيك

أمل / ههههه قول اللي بقلبك

نواف/

أبتديتك حب ..

وآمال و..هناا. ليت قلبي

ماله بقلبك خشير

حبني بقد ماتقدر

وأنا قد مااقدر

أبحبك كثير كثير!

أمل /ضمته ونواف رفعها له بقوه لصدره لين صارت انفاسهم سوى

وضل ضامها لين بللت دموعها خده

نواف/ مابي دموع يالغاليه

أمل / أحبك كثير واكثر منك بعد

نواف/انا اكثر

أمل /طيب نصير انت اكثر وانا اكثر

نواف /احب القصيده ذي

أمل /وانا حافظتها

نواف /حلو قوليها وانا اعتبرها منك

أمل /اول نزلني واقولها

نواف/ لا بحضني احلى

أمل /اختلفنا من يحب الثاني اكثر

نواف / واتفقنا. اني اكثر وانتِ اكثر

أمل / عد رمل الصحاري ومن المطر اكثر واكثر

نواف/كيف نخفي حبنا والشوق فاضح

أمل /تضحك وفي ملامحنا من اللهفه ملامح

نواف: عاشقين. .. ليه تضحكين

أمل / تصدق الابيات توصفنا

نواف / بالله وصار يدور فيها ثم وقفوا يتاملون جمال الرياض من فوق مطعم البلوره

نواف /أمل

أمل /عيونها وروحها ودنيتها

نواف /انا اسف لاني اتركك كثير لحالك وبعيد عنك

أمل /مسكت يدينه باستها وحطتها على خدودها لا اعرف انت مشغول وابي لين تصير الشركة اكبر وحده وبالعكس انا فخوره فيك

نواف /الله يخليك لي رجعوا على الطاوله وحطوا العشاء

نواف/ بتاكلين من يدي

أمل /اوك بس تراني مسويه رجيم

نواف / سلامات وش ذا الرجيم اللي طالعه فيه انتي عود وش تنحفين

أمل /بس احافظ على جسمي

نواف/امل بطلي هبال ان سويتي رجيم على قولتك اختفيتي. ارحمي نفسك خلي جوري تسوي رجيم. خطبيتها قربت

أمل / وانا على شانها على شان احمسها

ونواف /انتي اخذي برنامج تسمين. هههههههه

الانسيت.

أمل /امرني

نواف /ابيك تشوفين لنا كذا عروس

أمل / تبغاني اخطب لك. ماكملت سنه تتزوج وحده ثانيه

نواف/ ههههههه مو لي. لفيصل مهبول انا اتزوج غيرك

أمل /وش عنده مو متزوج

نواف/ تراه من زمان طالب مني اول يحسب لك خوات

والحين يقول ابي زوجتك تدور لي وحده زيها

أمل / هههههههههههه اول قوله أمل وحده. وكيف اجيب له وحده زيي

نواف /بكره بيجي يتعشاء عندها وافهمي منه ازعجني والله

أمل /نشوف له عروس وش وراي

نواف /شكلك في بالك وحده من ابتسامتك

أمل /ايوه لقيتها بس لازم اول اشوف فيصل وش عنده. بنت عمك موضي

جمال دلع ابتسامتها ماتفارقها عسل عسل

نواف/ وانتي وش عرفك عنها

أمل / صديقتي كيف مااعرفها

نواف/ هههههه اقول حياتي شكلك ختمتي اهلي. من كثر ماتجلسين مع الوالده

أمل /ايوه حفظت بنات عمامك كلهم بنات خالاتك

بس بعضهم للحق ماحبيتهم والبعض صحبه

نواف /فديت زوجتي الاجتماعيه

أمل / من اجل عين تكرم مدينه

طلعوا وتمشوا لين الفجر ورجعوا للبيت

امل صلت وجالسه على سجادتها تقرا قران االا نواف داخل غير ملابسه

وتمدد على السرير

أمل /شربت ماء وصبت لنواف وجلست جنبه

مسوي نايم مايمديك

نواف/وش دراك اني عطشان

إمل/ اعرف كسلان مار جنبه ليه ماتشرب

نواف /بس يصير حلو لما تجيبنه لي واحلى لما تسقيني

أمل /دلوع اجلس

شربته. وهو يضحك

أمل /الواحد مايضحك وهو يشرب خلك مودب

نواف/ امرك مااعد اسويها ياماما

أمل /وش وش

نواف /اخذ المخده ورماها عليها وحرب مخدات معه وطبعا المنتصر نواف

وناموا

بليل /فيصل. جاء

بعد العشاء

أمل / نواف قال لي. الموصفات اللي تبغاها

فيصل يشرح ونواف وامل. يضحكون

أمل / طيب ننظر في امرك

فيصل / والله نسخة زوجك

أمل /نوافي ما كنه يسب

نواف /الحق مو عليها الحق علي انا اللي معطيك وجهه

فيصل /وانا علي منك اصلا

أمل /المهم البنت. حصلناها اسمها موضي

فيصل / من تصير اختك بنت اختك

نواف/ لا بنت عمي خالد ياغبي

فيصل /لايكون ذيك المعصقله. اللي دايم عندكم بلندن زمان

نواف /هي بس ماعادت على خبرك

أمل /دقيقه اجيب لك صورتها. وجابت جوالها

أمل /شوف هاذي اللي لابسه احمر

فيصل /ماشاءالله امل انتي احلى من الثنتين اللي جنبك

نواف/برجله ضرب فيصل

فيصل /امزح اللمهم. اللي لابسه اخضر المزيونه. منهي

امل /انا قلت اللي عليها احمر وش دخلك فيها ذي

فيصل عجبتني

نواف /ذي جوري اختي

فيصل /لاتقول. مااصدق مو جوري

نواف /اقول هونا ماعاد حنا مزوجينك تدل الباب

فيصل / خلنا نتفاهم غيرت رايي ابي اتزوج اختك جوري

نواف / والله ما تشوفها. ماازوجك اختي

فيصل/افا

أمل /البنت مخطوبه خلاص شوف اللي قلنا مالك الاهي

فيصل /بس جوري احلى

نواف/وجوري ماهي لك

فيصل /ليه حظي كذا

نواف/ ههههههههه

بعد اسبوع سوو خطوبه جوري. وعبدالعزيز ولد عمها

أمل /تعبت مره جوري مره كانت جميله والحمدلله كل شيء تم على احسن شيء

نواف /الله يخليك لنا صراحه الوالده تمدح بنتظيمك

أمل /انا كنت ابيها بقاعة بس الوالده قالت البيت

نواف / ماعليه المره الجايه

بعد أسبوع

نواف/بالشركه وأمل صحت وطلعت لبيت عمها جلست لين الظهر ثم طلعت لرحاب وتغدت عندهم كانت جمعه بسيطه خلود وهند وريم وبنات نوره اختهم

ثم طلعت العصر لبيت ام نواف اول مادخلت عندهم وسلمت على ام نواف وجلست الانواف يتصل

أمل /هلاحياتي

عند الوالده. امرني

لا والله توني جايه وش فيه

طيب. انا طالعه

لا ماراح اتاخر

انتبه لنفسك

وانا اكثر

وسكرت

أمل / يالغاليه انا استاذن. نواف ينتظرني

ام نواف/ وش فيه

أمل :مااعرف يقول ابغاك ضروري الحين مااعرف

سلمت وطلعت

نواف معطي السواق التعليمات وامل على بالها بتطلع للبيت بس رايحين للمطار

أمل / خالد ليه المطار

خالد/ ياطويله العمر هاذي الاومرالي عندنا

اتصلت بنواف

أمل /الو حبيبي

نواف/ هلا حياتي. وين وصلتي

أمل /بتسافر انت

نواف/ انا انتظرك بالمطار لاتخافين عندي سفره سريعه وابي اشوفك قبل اسافر

أمل / حبيبي فيك شيء. ليه بتسافر امس رجعت

نواف/ لا والله مافيني شيء تعالي بس

أنتِ قدري (السادس والثلاثون)
دايم أسولف

للفجر عن وصوفك ..

يا ملح

خلق الله وأجملهم أطباع !

•

•

أمل /وصلت للمطار وتوجهت لصاله الانواف جالس ومغير ملابسه ولابس بنطلون بيج وقميص سماوي من رالف رولين وجاكيته على جنب

أمل /السلام عليكم الحمدلله مافيك شيء

نواف / وعليكم السلام مافيني شيء تعالي حط يده على قلبها الاينبض بسرعه

اهدي مافيه شيء والله بس سفره طارئه وابيك معي

أمل /بس ما جبت اغراضي

مسكها وطلع على الطياره الخاصه

اغراضك وصلت للفندق قبلنا

بعد الاقلاع فكت حزامها ونزلت عبايتها طلبت مويه واسكريم وجلست تاكل ولاسالت ولا تكلمت

نواف /حبيبتي وش فيك

أمل / ولا شيء انتظرك تقول لي السالفه

نواف/ مافيه سالفه انا شفت اني فاضي وحجزت وبعدين ابي نجلس مع بعض لحالنا. ابي اشبع منك

أمل //لاتناظرني كذا والله المويه ذي. راح تصير عليك

نواف/ بعد انا زعلان اصلا اول تشربين قدامي وانا عطشان ولاقلتي تبغا وبعد تاكلين ايس لحالك انام احسن لي

دخل وخلاها غير ملابسه الا أمل واقفه في الباب

نواف/ برى بنام

أمل /اعرف جايه انيمك يالنونو حقي

نواف/ماني نونو. اعرف انام لحالي

أمل /دام تعرف تنام لحالك. كويس

طنشته وصارت تغير ملابسها وطلعت

نواف/ أمل تعالي

أمل /رجعت وشغلت النور وجلست حضنته

ليه زعلان

نواف/ماني زعلان صايره بعيده عني اشتقت لك

أمل /انا اللي بعيده من اللي لي اسبوع ماشفته

نواف/انا بس والله كنت مشغول

أمل /اعرف ليه اجل تلومني

نواف /بس كذا

أمل /شغله عناد فديت دلوعي

نواف/ أشتقت لك كثير

ضمته بقوه ثم صارت تسولف له وتغني ونام

لما شافته نام حاولت تعدله

نواف /خليك معي لي يومين مانمت ترى ممكن انام بحضنك

أمل /ممكن انت تتحلم ولا صاحي

نواف/ نص نص

أمل / ضلت حاضنته واخر شيء نامت بعد

ثم صحتهم المضيفه

أمل /حبيبي وصلنا. اصحى

باسته لين صحى

أمل قامت وجهزت ملابسه وغيرت ملابسها

أمل / بصلي بطل كسل

نواف/انتي عارفه اللي يخلني اصحى

أمل /ياربي منك صاير دلوع

نواف /ايه دلوع وعاشق ومجنونك

باسته وقام اخذ شاور وصلى الا امل تكلم الطيار ولبست نظاراتها واقفه عند باب الطياره

نواف/مفاجئه حلوه صح

أمل /توقعت فرنسا والله بس فنيسيااجمل مدينه الرومانسيه

نواف/ نزلنا

طلعوا من المطار وتمشوا الجو جميل مشمس

نواف /تستاهل المفاجئه ولا لا

أمل/ كثير كثير ماتخيلتها بالجمال ذا

نواف/جميله تعرفين اول ما زرتها كانت جوري نونو كانت اخر سفره لنا مع الوالد الله يرحمه بعدها مازرتها كل مره باسافر لها يطلع لي شيء مكتوب اجي هنا دايما بشيء رومانسي

أمل /هههههه ولما جيتوا هنا وش كان

نواف /الوالد مسوي للوالده مفاجئه جينا من فرنسا وكان ينتظرنا

أمل /مسحت الدمعه اللي بعيون نواف لما تذكر ابوه

أمل /الله يرحمه ويجمعنا فيهم بالجنه انا ابوك وكل اهلك ودنيتك وحبيبيتك

نواف/ الله يخليك لي يارب نتغداء هو غداء عشاء هههههه

أمل /ابي باستا

نواف/بيتزا

أمل /نطلب الاثنين تغدوا ثم طلعوا على الفندق لما دخلو الجناح الا كله ورد وزينات

أمل /واااو This is a wonderful

نواف /اميرتي وسكر عيونها ومسكها بيدها لين غرفة النوم

ثم فتح فتحت عيونها

نواف /باس يدها وسحب دبلتها وطلع وحده جديده وباسها

أمل /ماتوقعت حرام انا مجهزه هديتي بالرياض ليه انت كذا حلو

نواف /احسبك نسيتي

مثل اليوم من سنه . كان اجمل يوم بحياتي.

أمل /كان زواجنا. احلى سنه الله لايجعل لي حياة بدونك. الله يخليك. لي

نواف / باسها وشالها امل ضمته

نواف /غيري ملابسك

أمل لبست. فستان اسود قصير.مره توب بصدره لولو منثور ولابسها جزمات سوداء عاليه ومكياج ملكي ورافعه شعرها

نواف /لبس بدله سموكي سودا واخر جمال

نواف/مسكها بيدها وطلع للشرفه الا فيه تحت فرفه تعزف لهم

نواف/ مسك يدينها. باسها ثم قال لها

الى الانسانه التي أحببتها حباً لا يوصف

الى من تربعت في قلبي وجعلت حبها وساماً على صدري

الى من تعيش ليلى ونهاري الى فتاة أحلامي

إلى من نقشتها الاقدار في قلبي وحفرت إسمها في عقلي

إلى من قضيت معها أسعد لحظات حياتي

أقسم بالله أنني ولا ولن أقدر على أن أحس إذا كانت الحياة خاليه. منك

كل سنه وأنتِ في حياتي و. Anniversaryhappy

أمل /احبك احبك وصارت تبكي مع كلام نواف والموسيقى جو خيال

لما خلصت الفرقه هنوهم ذكرى زواج سعيده

أمل ونواف جلسوا بالشرفه

أمل /نواف جد جد احلى مفاجئه شيء خيال

نواف /يكفيني ابتسامتك الحلوه. دوم وناستك

. وش ابي من الدنيا دامك معي

امل /ضمته ونواف جلسها بحضنه امل وانا اقول لك اسبوع مختفي

نواف/ كنت بدبي. اصلا بس نسقت من هناك وبعدين على شان تشتاقين لي اكثر

نواف/ أمل

ذقنا ملذات الهوى حب وفراق

وشفنا

من صدود الزمن واكتفينا

وعشنا سنه بالضبط عشاق

واحلى سنه مرت علينا

الله يجعل كل ايامنا سعيده والله يخليك لي ياجمل شيء بحياتي

ثم

جابوا العشاء

أمل /نواف وش فيك بنزل

نواف/ليه خلك بحضني مو لازم تجلسين قدامي واكلها

أمل /نواف لاخلاص ماعاد اتحمل كل ذا.

نواف/ شالها ثم رقصوا مع بعض سلوا

أمل /نواف احبك

نواف/ وانا مجنونك شالها وعلى غرفة النوم

بالجهه الثانيه بنيويورك

أنا “نجدي”

و “النجدي” لا عشق مجبور ..

يموت ولا يخون

العشق وعروقه و “نجديَّه”

متعب عايش حياتة عمليه بحت كل وقته عمل عصبي باكثر الاوقات بس

يحاول يعيش بدون أمل

سلطان /قال ارحم من اول من طلع من المستشفى وهو منقبل شخص ثاني

أسبوع رومانسي بكل مكان راحوا له وحتى بالفندق

أمل / نواف بليز مابي ارجع بليز اخلنا يومين بعد

نواف/اللي تامرين فيه ونكنسل السفره

أمل / فرحانه كثير ننزل على القوارب

نواف /لا مابي اطلع ابي نضل هنا

بعد أسبوع رجعوا

العنود /أمل اشتقنا لكم.

نواف /امل طلبت نمدد ومااقدر ارد لها طلب وممددنا

ام نواف/ماعليك منهم اهم شيء انتم تنبسطون

أمل /الله لايحرمني منك ياست الكل ياعسل

ام نواف/ ولامنك وامل جالسه جنبه وام نواف حاطه يدها على ظهر امل ومقرباها لها

شوفي ايش طلبت لك

ثم جابوك اكياس وعلب وحطوها قدام امل

امل /الله لايحرمني منك ليه حلفتي اننا مانشتري هدايا لكم

هيفاء /مانبغاكم تنشغلوا عن بعض وبعدين يامل انتي دايم تجيبين هدايا حتى وانتي ماسافرتي ماتقصرين ابد

أمل /هيوفه واجبي

ام نواف/ افتحي يالغاليه

امل جلست وفتحها. الا فساتين وجلبيات

أمل / تجنن الله لايحرمني منك ابد وحضنتها الله يخليك لي ياحلا ام بالدنيا

ندى /اقول يام نواف بس لامل وحنا

ام نواف/ طلبيه خاصه لامل

جوري / امل بليز ابي من فساتينك الاخيره

امل /بكره تعالي اختاري اللي يعجبك وكم جوري عندي

نواف/ حبيبتي جربي لنا شيء منها

ام نواف /اموله جربي الجالييه السوداء ذي

طلعت وجربتها

ونزلت

نواف / بسم الله عليك الله يحفظك لي ويخليك

أمل /جميله بس كنها واسعه شوي

ندى /لاجميله

هيفاء /لبس العافيه صح واسعه بس والله جميله عليك

العنود /كلامهم صح أسمني شوي وتطلع جنان

نواف/اهم شيء رايي انا لو ماعجبتني تنرمى

ام نواف/ ارحم امل منك ياصبرها عليك وعنادك

نواف /اقول انا ولدك قلبتي علي ترى اغار لما تحبين امل اكثر مني

واغار لما تحبونها

جوري /سمجتها امل بعد لنا مو لك لحالك

نواف /لي لحالي ومسك امل وطلع

أمل/ ههههههه بزر انت ليه كذا

نواف/ بس كذا على شان اخذك منهم ونطلع للبيت بدري

امل /كان قلت لي واستاذنت من الوالده وطلعنا مو لازم تسوي لي سالفه

نواف/طيب اسفين

مر أسبوعين

أمل /جالسه بالصاله تحت تتفرج على فلم

نواف/يسعد لي مساءك ياغلاي غريبه بالبيت

أمل /عادي لاتعبت ياروحي انت انت اللي جاي بدري

نواف /جلس جنبها يتابع ماطعت للعيال مصدع وعندي اوراق لازم اخلصها

امل/ يعني مالها فايده رجعتك بدري اكمل الفلم احسن تمددت وتتابع

نواف/ باسها وطلع غير ملابسه ثم نزل لمكتبه صار يحوس باوراقه ثم رجع للغرفه فوق فيه مللف مايدري وين مضيعه أمل طلعت فوق ومعها عصير دخلت الغرفه الا نواف جالس يكمل الفلم

أمل /مو تقول عندي شغل

نواف /هونت تعالي كملي تحمست معه

جلست بحضنه شربته كالعادة العصير

أمل /حبيبي. امممم وش نفسك فيه

نواف/ اشياء كثيره

أمل /الاهم قول

نواف /اسمعي يادنيتي اولها اتمنى يخلص زواج جوري زي ماخططنا له

أمل /وبعد

نواف/ عندي مشروع وان شاء الله انجح فيه

أمل /وبعد

نواف/انك تاخذين الماستر بمتياز

أمل / وبعد

نواف /بس خلصت

أمل /بنظرات الخبيه ماتتمنى نونو صغير

نواف/ الا ولد واسميه فهد وحضنهها وباسها اخيرا مابغيتي

أمل /خلاص مره قويه حضنك النونو كيف عرفت

نواف/ ياذكيه اوراق التحاليل شفتها وشفت النونو حقنا النقطه

انتِ تاركتها بادراج غرفة الملابس وانا شفتها

أمل / واذا بنوته

نواف/ اهم شيء تصير نسخه منك

شالها فوق ورفعها وصار يدور فيها

أمل /راح النونو نزلتي

نواف/ بسم الله عليك وعليه ماراح يصير عليه شيء اهتمي بنفسك

حضنها بخوف ويسمي عليها

امل /مبروك ياحلا اب بالدنيا كلها

نواف: الله يبارك فيك مااعرف بس شيء مااعرف اوصفه

ضمها. وبكاء

أمل / نواف خلاص وش صاير

نواف/ فرحان اخير تدرين تقريبا كذا راح تولدين ان شاء الله مع العنود

ليه ماقلتي قبل

أمل /انا شكيت بس ماقدر اقول الا لما اتاكد وبعد مااقدر اقول لاحد قبلك انت

نواف/ اسمعي. ابي ترتاحين تاكلين زين

طلعات كثيره مافيه لبس ضيق مافيه وكعب بعد مافيه

وحتى زوج جوري مولازم تحضرين الازعاج ياثر على النونو

أمل / الا زواج جوري انا خلاص طلبت فستان ووصل والزوج الاسبوع الجاي تجي تقول مااحضر ذي جوري كيف مااحضر زواجها

نواف /انا خايف عليك طيب احضري غيري الفستان بشي واسع

امل /ماراح اغير الفستان

نواف /اجل مافيه زواج والماستر لما تولدين بعد

أمل /انا خلاص سلمت الرساله وحددوا موعد المناقشه حرام

نواف/ انا خايف عليك مابي تتعبين

أمل /نواف لاتجننيني عادي انا مامنعتني دكتورتي من اي شيء ماعلي منك

زواج جوري بحضر رسالتي بناقشها وبكيفك

وعلى سريرها وسبحت المفرش وصارت تبكي

نواف/ معصب ونزل تحت للحديقه جلس لين هدت اعصابه وطلع فوق الاامل نامت ودموعها بعيونها مسح دموعها وحضنها ونام

أمل /صحت الفجر وصلت صحت نواف ورجعت نامت

صحت الساعة 10 جلست تعدل شعرها الا نواف حس فيها وفتحت عيونه

نواف/صباح الورد

أمل /ماكنها تسمع. ونزلت من السرير ودخلت تاخذ شاور

نواف. /فديت الزعلانه دخل لها غرفة الملابس حاول يكلمها

نزلت وتركته اخذ شاور ولبس ونزل الا هي جالسه تفطر

نواف /افا حبيبتي تاكلون وتتركوني

أمل /تشوف مافيه بالغرفة الاهي ونواف من يقصد

أمل /بس انا بالغرفة معاك

نواف /من قال وفهودي

أمل /حطت له فطور وتركت السفره له

مسك يديها

نواف/ انا اللي زعلان مو انتِ

أمل /….وسبحت يدها وطلعت فوق

نواف / كمل اكله وطلع للمكتب متوقع امل تجي وتصالحه او مسويه له مفاجئه

وخلص اوراقه وانتظر ومل وأمل مانزلت له اتصل بالخدم قالوا نايمه

فقد الامل ومسك جواله وتمدد على الكنب اللي بالمكتب ونام

أمل /صحت الظهر غيرت وعلى بيت ام نواف مثل كل جمعة

ام نواف/كيفك اليوم على موعدك

أمل / كيفك اليوم قلتك امس بجي بدري واشوف الموضوع

ام نواف /لاعدمتك يابنتي وين زوجك

أمل /مااعرف اتصلت بالمصممه راح تجي الحين ونشوف التعديلات المطلوبه

جوري /أموله حبيبتي كيفك اليوم

وسلمت عليها

أمل /بخير الحمدلله

جلست امل مع ام نواف وجاتهم المصممه وعدلوا فستان جوري وجربته وماطولت

ثم نزلوا تحت وسوالف الا ندى جايه

وسوالف وضحك وثم هيفاء

ام نواف /غريبه نواف متاخر فيكم شيء

أمل /لا مافينا شيء

في كلامهم الا نواف جاي هو والعنود

سلموا وجلسوا

نواف /مفكر ان أمل قالت لامه لانها جات بدري

نواف/ كيفك يا الغاليه

ام نواف/ بخير الحمدلله ليه تاخرت

نواف /كنت نايم وبعض الناس ماكلفوا نفسهم حتى يصحوني

أمل /الخدم عندك وخبرتهم يصحونك

نواف /ذي مااهي شغلتهم ذي تبعك انتِ

ام نواف/نواف ليه على أموله

أمل /انا مالي دخل

ام نواف /وجنبها الاثنين أمل ونواف واحد على الايمين والثاني شمال

ماعليك منه يعرف يصحي نفسه

نواف/اصلا ليه معاها الحق المفروض تراضيني انا اللي زعلان منها

أمل /انا مازعلتك على شان اراضيك

نواف/ واللي سويتيه وشو يامدام شوفي الوالده الحق وانا اشك انها بتميل لك بس كلكم احكموا على شان تعرفون اني مظلوم

جوري/ انا مع امل

نواف/ يالغاليه انا وش قلت لها قلت مابي تحضرين زواج جوري

جوري /صاحي انت ليه ماتحضر وش الطاري

نواف/اسكتي انتِ يالغاليه افهميني مو من حقي اخاف عليها

ام نوااف /الا من حقكك بس ليه تمنعها من انها تحضر

نواف/ لاني مااابغى تلبس ضيق رفضت قلت اجل غيري فستانك والبسي جزمات مو عاليه عنددت وركبت راسها.ثم قلت مافيه مناقشه انا اخايف تتعبت هي والنونو

الكل صمت

نواف /مو من حقي اخاف عليها هي والنونو

ام نواف /النونو

نواف /باستغراب ليه أمل ماخبرتك انها حامل

ام نواف/حضنت امل تبكي مبرروك ياغاليه الحمدلله الحمدلله

نواف /عصب

ليه ماقلتي لهم

أمل /ليه تخرب علي انا انتظرك تجي ونقول سوى وانت جاي وخربت اوم المفاجئه

نواف/ ماكنت ادري والله

أمل /لانك لاعصبت ماتشوف اللي قدامك كاتبه لك

نواف/ بس برضوا انا زعلان

هيفاء /مو لازم ترضى وكلهم ضموا امل وباركوا لها

ثم رجعوا لنواف باركوا له

نواف/ امل تعالي هنا

أمل :No

نواف /أمل تعالي قبل اعصب

أمل جنب هيفاء وتاشر لا

نواف/ انا بجي اخذك

امل/ هربت منه وصارت تركض بالصاله وهو يلحقها عاد البزران يلعبون معهم

ام نواف/ أموله تعالي هنا ماراح يجيك ولا تركضين

أمل /من السرعة تبغى توصل بسرعة ومايمسكها نواف. بغت تطيح على الرخام لو لا ان الله ستر وامسكتهاام نواف من يدها

ام نواف /بسم الله عليك شفتي بغيتي تطيحين مابي تركضين ابد

أمل /ان شاءالله بغى يروح وتضحك وماسكها بطنها

هيفاء /اموله ارجوك لاتركضين والله بغيت اموت

أمل /هههههههههه

ام نواف /حضنتها اسمعي البسي اللي تبغين واحضري الزواج. وبعد انا بنفسي بحضر مناقشتك ونواف ماعليك منه

نواف / تقوينها علي الحين انا الزعلان ترضونها هي وانا صفر على الشمال

العنود/ نواف لاتخاف ان شاء الله بتكون بخخير وتقوم لنا بالسلامه بس لاتضايقها خلها على راحتتها

نواف /بس

ام نواف /لاتخاف امل تسمع الكلام وعارفه وش اللي يناسب

أمل /يالغاليه والله الدكتوره قالت لي كل شيء طبيعي ومافيه شيء ممنوع ليه يمنعي هو

أم نواف/الحمدلله بس مايمنع تهتمين بنفسك ولامايستاهل حفيدنا

أمل /الا يستاهل طبعا بس والله عصب فيني

هيفاء/ياقلبي انتِ بس اهم شيء لاتعصبين ونواف اذا ضايقك انا اوريه

نواف/ زعلان اخر شيء

طلعوا للغداء

أمل /نواف وين

جوري /زعلان وطالع بالحديقه اتركيه لازم تغذين نفسك الا نفسك ببنوته ولا ولد

أمل. /بعدين نواف ماراح ياكل وهو زعلان وطلعت له الاجالس متكي بالارجوحه

أمل /على حضنه وضمته

نواف/ بعدي عني المكان واسع

أمل /ضمته اكثر أنا اسفه

نواف/ انزلي نواف زعلان

أمل /قلت انا اسفه

نواف/ زعلان

أمل / جلست تناظر بعيونه وتضحك ثم ضمته

نواف/ المره سماح لعيون فهودي بس المره مابي يتكرر

أمل / سلامات طيب ليه مقرر فهد

نواف/ذي مافيها نقاش. اذا ولد على الوالد فهد

أمل /لا اقصد. ليه تبغى ولد يمكن تطلع بنوته جميله زيي

نواف/ عادي بس انا احس انه ولد

أمل /حبيبي تاخرنا عليهم

نواف /اوكي اصلا جوعان هههههههه

مسكها ودخلوا لغرفة الطعام

ام نواف/تاخرت يانواف

نواف/ سلم على راسها اسف يالغاليه

جوري/ عصافير الحب وش الوضع. تصالحتوا

نواف/ موشغلك وين عبدالعزيز مانشوفه

جوري / استحت وسكتت وحمر وجهها

العنود/ نواف عرفت تسكتها هههههه امس كان عندها

نواف/جوري

ام نواف/نواف اكل بدون صوت

بعد الغداء قلب نواف على جوري تعليقات

ثم نواف وامل استاذنوا وطلعوا

بالسيارة

أمل /حبيبي

نواف/ عيونه ودنيته امري دلللي

أمل / انا اسفه زعلان مني للحين

نواف/ لا ماني زعلان بس انتبهي لنفسك وعلى النونو

أمل / توصيني على للغالي

نواف/هههههههه فهودي امك اعترفت فيك

أمل / احب ضحكاتك احب عيونك كل شيء ابي ولدي نسختك

نواف/. خلاص بجلس قدامك لين تولدين على شان يكون زيي

أمل /ابي اشوف عمي سعود

نواف/. اوكي انا من زمان عنه وعلى بيت العم سعود

دخلو ا وجلسوا بالمجلس

الاعمها داخل أمل /اشتقت لك اخير رجعت طولت هالمره بمكة

العم سعود/وانا اشتقت لك يالغاليه رحت اللمدينه واهم شيء دعيت لك

ابي اشوفك مبسوطه دايم وافرح بعيالك بعد. —ضحكت امل

العم سعود /منتي ناويه طولتي. ترى

أمل /سلمت على راسه ويده الا ياعمي ابشرك انا حامل

العم سعود /حضنها بقوه لصدره الحمدلله الحمدلله. الله يبشرك فيه بخير وتقومين لنا بالسلامه احلى خبر

نواف/ عمي خلاص ولدي راح فيها فكها

العم سعود / مااوصيك انتبهي لنفسك تراك مسواله عنه اعرف مشغله نفسك وانت يانواف لاتخليها على كيفها خلها ترتاح

نواف/عمي. تراني زوجها وابو النونو. وش فيك

العم سعود/ نسيت مبروك يانواف والله يخليها لنا

نواف/ صراحة انا ماني غالي عندكم امل اغلى مني. الوالده وخواتي اهم شيء باركوا لها ثم بعدين ذكروني وانت بعد وانا

أمل /غيور

العم سعود /هي اللي بتتعب مو انت هي بتشيله تسع شهور وبتولده مو انت

نواف/ذي غلبتني. سوالف وضحك وتعليقات لين العشاء

نواف/عمي نستاذن

العم سعود /مافيه لين تتعشون على شرف ولدكم

أمل /لاجا ان شاءالله تكون العزيمه الحين نستاذن اخليك ترتاح

العم سعود/ ابيك ترتاحين طلعوا

نواف/ محمد اخوك عازمنا ترى

أمل/ خلنا نمرهم

فعلا على بيت محمد

محمد حي الله من جانا الله حيهم عاش من شافك يالنسيب ههه

نواف /ادري والله مقصر بس مشغول والله

أمل / وين ولدي مااشوفه

ودخلو نواف حياتي سلامات

محمد/وش فيك

نواف /مابيها تقولها مو عاجبني لما تقول ولدي

محمد/ أمل تموت بعبدالمجيد من ولد وش الطاري

نواف /تهتهم بولدنا

محمد /وحنا شفنا لكم عيال اقول وخربس وين اللي بيسافر معي. نقنص

نواف/ خلك من المقناص الحين مابي امل تتعلق بولدك كل ذا

محمد/ ههههههههه بخلي امل تاخذه معها مع هشام والجوهرة اسبوع عناد فيك وحنا نرتاح منهم

نواف /لا لا مالقيت ترسل ولدك الا الحين تتوحم عليه ويطلع ولدي على ولدك لا والله

محمد /وش تقول

نواف / افتح مخكك لي ساعة المح لك وانت مو معي

محمد /لا ماني مصدق اقول لازم اتاكد من امل مااصدقك انا

عبدالله سعود

عبدالله وسعود سم

محمد / خلكم مع عمكم بدخل اشوف عمتكم وراجع

محمد دخل. المجلس الا خلودوأمل وهند ورحاب ودلال ونورة وبناتها الكبار جالسين وسوالف

جلس نواف جنب أمل وجنبها هند

محمد /امل كيفك

أمل / بخير الحمدلله وش فيك.

محمد / أمل وش الجديد

أمل / ابد مشغوله بزواج جوري والشهر الجاي مناقشتي اخير

محمد/لاتلفين وتدورين هاتي من الاخير

أمل / من الاخير أنا حامل