كاتب الموضوع :
ااهات
المنتدى :
القصص المهجورة والغير مكتملة
رد: أنتٍ قدري
أنتِ قدري ( الثالث والثلاثون)
خبرتو حدن يبكي على واحدن يبكيه ..
وخبرتو حدن مسجون مايبغي افراجه
أحبه ولا ابغضته على شي (ن ) يسويه .
ولا زالت أرقاب الرجا فيه منعاجه
عسى منزلن ضمه حقوق الوسم تسقيه ..
وتضحك له الدنيا وهو يضحك أحجاجه
فقد خاطري شي من الضيقه مسليه ..
وغدت روحي من الناس والليل هجاجه
أروح المكان خابره خابره ياتيه
أسوق القدم صوبه وهي مالها حاجه
مكان نزيه واول امواجهي له فيه
وانا خابر مارجل مثله بدواجه
لعل وعسى ماحدني للمجي يدعيه
وأشوفه وانا ماودي أسبب أحراجه
يحب الجريح أخر أدروب القى ويجيه
وتحب القدم جيت مكان اول امواجه
مصعب /متعب الطيارة تنتظرنا وانت وين بتروح فينا
متعب /لبس نظارات كبيره وساكت طلع لسويدي
وقف قدام البيت
مصعب / ليه حنا هنا متعب اصحى
متعب / للحين احسها بغرفتها
مصعب / خلني اسوق لايطلع اخوها مشينا
البنت تزوجت ومع زوجها
حرك متعب وعلى الفيصله
مصعب /سكت عارف انه ماراح يسمع كلامه
وقف في البلوره وقدام الزجاج
مصعب / لا انا معة حنا في الفيصله مااعرف
لا والله الطيارة تنتظرنا بس ماادري وش يفكر اخوك
فيه
اعرف انه يبكي الحين
طيب باخذه غصب بس انا قلت يمكن بيودع الرياض
سكر مصعب من سلطان وراح لمتعب
مصعب / اخذ من جيبه منديل امسك
متعب /مشينا يامصعب انا غبي انا غبي ليت عندي جراءت نواف
وجنونه. كان ماتعبت الحين كانت معي موافقه وانا اللي تركتها
مصعب /مسكه وطلع فيه وعلى المطار
مصعب /متعب اهدى الله ماكتبها لك ماتعرف يمكن انت منت خير عليها
وهي ماهي خير عليك
ارضى بقضاءالله وقدره
نواف/ تعالي جنبي طلبت اكل على ذوقي
أمل / نواف ليه انا طفله
نواف/ لما توصفين لما تفرحين كل شيء فيك فيك براءة الاطفال فيك عقل وحلم الكبار وفيك طيبه ووحنونه حيل
حتى محمد وخواتك وعمك وصوني عليك نواف تراها طفله
أمل /مستحيه حيل
نواف/جيبي جوالي
أمل / نسيت جوالاتي بالرياض
نواف/ هههههه مانسيتها. انا رجعت جولات وحتى باقي جوالاتي تركتها معها واحد يكفي
جابت جواله واتصلت بامه حاكها وبعد امل حكتها
ثم اتصل بالعم سعود
نواف /بعد السلام وحنا بخير وكذا
والله ماعليها جنبي
ايوه تتدلع علي وماتسمع الكلام
ووصها علي ياعمي
طيب معك امل
أمل / حي الله ذا الصوت ياجعلني مااخلا منك
العم سعود /ولامنك طمنيني عنك
أمل /انا بخير الحمدلله لاتخاف علي
العم سعود/انبسطي مابي تبكين ولاتزعلين نواف
ومابي دلع انتي باحلا ايام عمرك مابي يشتكي منك مره ثانيه. تراني زعلان منك
أمل / والله ماسويت شيء اصلا
العم سعود/ انتي دلعوتي وحياتي كلها بس تعودي على اسلوب نواف مو تعاندينه يالله اعتذري منه
أمل / والله مازعلته بالعكس
العم سعود / امل
أمل /اللي تامر فيه نواف انا اسفه ماعاد تزعل مني ولاعاد اعاند ولا عاد اسوي شيء
العم سعود /فديت بنتي يالله انتبهي لزوجك وترجعين لنا بالسلامه
أمل / قفلت الجوال وعلى طول بكل الخديات اللي جنبها ترميها على نواف
نواف/ هههههههه احب لما تعصبين الاعتذار مايجي ساده
أمل /مازعلتك اصلا
شالها ورفعها فوق
أمل /انت تعبان نزلني
نواف/ بشرط انزلك
أمل /برمي نفسي نزلني اللي بعيونك لا لا
نواف /ههههه موفره علي اقول
ورماها على السرير
أمل / بطني يعورني وانكمشت على نفسها
هنا
مع جو الأحلام ومطباته ..ياول لقى
أخير الناس تلقاني …ارد قلبي عن الحب وملذاته !
معاي عمري
بعد يومين
نواف /أمل اموله حياتي ياحلوه اصحي
فتحت عيونها الا نواف بوجههها
أمل / ابي انام شوي وسحبت المفرش
نواف/ مافيه ويسحبها من رجوالها
أمل /مابي مابي ظهري
نواف /يالله عندنا موعد
أمل / جلست تعدل شعرها اي موعد كم الساعه
نواف./سبعة
أمل /صحيت طيب
اخذت شاور ولبست بنطلون جنز وبلوزه لونها احمر ومعطف لونه بيج من ببربري ولبست بوت مو طويل وبس روج وبوسط العين كحل
نواف/ جالس ينتظرها
أمل/ انا جاهزه
نواف/اوكي اول لازم تاكلين
أمل / جلست
نواف/حط لها بصحنها فطور بس مااكلت
نواف/ اكلي
أمل/ ماني جوعانه بشرب العصير يكفي
نواف/مافيه لازم تاكلين صحنك تاكلين ولا اكلتك غصب
امل/ طيب وماهي راضيه تتحلطم
نواف/ حلو شكلك وانتي ماتبغين
أمل/ مااحب احد يغصبني على الاكل
نواف/هههههههههههههه لو انك تاكلين زي الناس مااحد غصبك
أمل / صارت تقول له مواقفها مع خواتها واكثر شيء قهرها لما رحاب خلتها تشرب علبة الحليب كاملة
نواف/مات ضحك
والله بيض الله وجهها لما نرجع بقول لاختك
يالله تاخرنا
طلعوا وعلى المستشفى
أمل /انا مافيني شيء ليه كل ذا
نواف / انا من كنتي بالمستشفى وانا ماخذ لك موعد هنا بس الحمدلله انتي الحين احسن من قبل بس حلو لما اتطمن عليك
أمل /قالوا لك الدم مستوى طبيعي الارهاق شبه راح ارتاح
ابي اتطمن عليك يابو صدر مكسر
نواف/ انا بخير
أمل / سحبت يده وراحد للدكتور
سوو له. اشعه وفحص كامل شالو الضمادات اللي على الجروح
أمل / تبكي لما شافت الجروح
نواف/ يليل انا بخير لاتبكين شوفي خلاص التامت كلها واصلا كلها بسيطه الزجاج كذا الحمدلله بس اثنين لو شفتي عبدالرحمن ماقلتي شيء
أمل/ أنا ماعلي من عبدالرحمن اهم شي انت
نواف/ مابي تبكين وطلعوا من المستشفى
الظهر
نواف/ خلينا نتمشى شوي
أمل /ماابغى ابي ارجع للفندق
نواف/ وراك حنا شهر عسل
أمل/ اعرف مابي تتعب
بكره نطلع اليوم ابي ترتاح
نواف/ نرجع للفندق بس ابي اقص شعرك اول
أمل/ مابي خلاص هونت
نواف/ طيب ركبو سياره اجره ننواف قال للسائق على محل تصفيف شعر بالامانيه وامل مافهمت وش يقول
أمل /وين رايحين
نواف/محل ورد ونطلع للفندق
أمل / ساكته وهي شاكه
وقف عند المحل فعلا جنبه محل صغير فيه ورد
نزلوا
امل على الورد تتفرج عليه عليه فراشات واعجبها المنظر
نواف/ لما نخلص نرجع له تعالي ومسكها بيدها ودخلو ا
شرح للعامله القصه اللي ببغاها واذا تناسب امل او لا
قالت راح تكون عليها جميله
بدت تقص شعرها وامل مره مبسوطه
القصه
قص لها غره من قدام وجايه على جنب ومن فوق قصوه قصير ومدرجات يخف لين يوصل الكتف ويكون خفيف
اول كان شعرها لين اخر ظهرها والحين لين كتوفها فرق شاسع
أمل/ عجبتني
نواف/مره شكلك غير
طلعوا وامل تنقز من الفرحه وكل شوي تعدل ببشعرها
نواف/لو كنت ادري كل ذا فرحتك قصية وحنا بالرياض
أمل / انا كنت ابي بس عمي رفض وهند بعد
اخذوا ورد ورجعوا للفندق
أمل /اخذت شاور وطلعت
نواف/جالس يتفرج على التلفزيون
أمل /نواف خلصت بسرعة احس نفسي صرت خفيفه
نوا/ ههههههههههه دوم فرحتك طيب البسي وخلينا ننزل نتغدا تحت
لبست فستان مشجر وبوت وجلست ساعة تشوف نفسها بالمرايه
نواف/والله العظيم حلو شعرك
وطلعوا
احب عيونه
لاذبلت تبي النوم….. وأحب سواليفه
لاصار فاقد تركزيه
نواف/نامي ياروح نواف
أمل /ماني نعسانه وهي متمدده بحضن نواف
نواف/اول شيء من وحنا بالمطعم وانتي نعسانه و
عيونك النعسانه الجميله ذي ايش
أمل/مانمت امس زين مابي انام واتركك
نواف/ شالها وحطها على السرير
نامي انتي انا اصلا عندي كم شغله
باسها وطلع
أمل ونواف أجمل ثلاث اسابيع اسواق منتزهات
كل مكان راحوا له بعد نواف تحسنت صحة كثيروبعد امل
تعودت عليه وعلى كل شي فيه وهو نفس الشيء
نواف/حبيبتي
تاخرنا على الطياره
أمل /ماحصلت ساعتي متاكده اني خليتها عند جوالك امس
نواف/ لايكون تاركتها بمكان ثاني
أمل/متاكده كل اغراضي اللي تركتها هنا حصلتها الا هي
نواف/الساعة بداله ساعة تاخرنا
ونزلو
أمل طلعت وهي ضايق صدرها على الساعه
نواف/وش فيك لما نوصل لندن اختاري اللي تبغين
أمل/ عندي ساعات كثير بس ذي غاليه علي حيل
نواف/اي وحده
أمل / ساعتي الرولكس اللي فيها أسمك انا دايم البسها وماتفارق يدي
نواف/ هههههههه ولايهمك. اوديك للمصمم بنفسه ويسوي لك وحده ثانيه. بس لاتتضايقين
اول ماوصلوا لندن
أمل /الجو جميل
نواف/ نورت لندن يوم شافتك
طلع على سيارته وعلى الشقه
أمل /سرحانه
نواف/حياتي
أمل / عيونها
نواف/ تسلمين لي كلك تعرفين مهرك
أمل / تدري ماسالت عمي اصلا بس انت ارسلت البطاقه الفيزا
نواف/ ادري ذي الفلوس سويت لك حساب وحطيتها فيه بس باقي ذي
فتح لها الباب وشالها
أمل/وش فيك نواف نزلني بليز حبيبي فشيله
فيه اجناب في الشارع يحييونهم
نواف/ It bride
شارع اكسفورد بجماله المعهود وجمال خريف لندن
نواف/تفضلي ياحلا عروس
أمل /واااو مره جميله
نواف/ حضنها نورت برعيتها
أمل /الله لايحرمني منك. بس
نوف/باسها مابي بس اذا مادلعتك من ادلع
انتي دنيتي كلها كلي لك وبعدين كل فتره نجي هنا او باريس
واذا مليتي نغير
مسكها وصار يدور فيها في الشقه
ثم دخل للمرر لللي يوصل غرفة النوم
كله ورد وشموع
نواف/روحي لحالك
أمل / كملت بشويش وفتحت الباب
الا الغرفه كلها هدايا وورد
لونها كلاسيكي بني مع ذهبي ديكورها مره فخم
دخل وقفت قدام الهدايا طاوله صغيره عليها بوكيه ورد على شكل قلب
وفتحت العلبه
عمر الحكي مايوصف جمالك
من يشبهكك وانتِ مختصر كل النعم
احبك
مر اول شهر بحياتنا واحلى ايام عمري يوم عرفتك
الله يخليك لي
أمل / تمسح دموعها ولامنك ضمها من ورى احبك احبك
أمل /وانا اكثر الله لايحرمني منك
لفها نواف وهي ضمته بقوه
نواف/ليه تبكين الدموع ذي مابي اشوفها
رفع يديها وباسها
ثم اخذ الساعة ولبسها وباسها ثم لبسها اسوراه بعد
أمل /كنت شاكه فيك
نواف/ لو انتبهي شفتي ساعتي بعد تغيرت كيف الجديده
أمل/ احلى اكيد دام اسمي جنب اسمك
نواف/ وانا يهون علي زعل اموله
أمل/ نوافي احبك
نواف/ ياعيونه وروحه ودنيته. كلها فيه ناس عازمينا بكره
بالاصح عازمين نفسهم عندنا
امل /الله يحييهم
نواف/ بكره بالليل. راح يزورنا فيصل وزوجتة
أمل /الله يحييهم بس
نواف/وش بس افتحي الهدايا
أمل /صارت تفتح العلب وتقيس كل الملابس
جلسوا طول اليوم بالشقه ماطلعوا
نواف/ حياتي اصحي بنطلع
يالله صحت امل كسلانه واخذت شاور وطلعوا
افطروا تمشوا ابالشواع لين العصر ورجعوا
أمل /نسينا الورد
نواف/لاطلبت انا ماعليك انتِ بس غيري ملابسك
اخذت أمل شاور ولبست فستان أخضر توب والصدر تطريز
ضيق على جسمها وقصير فوق الركبه
وحطت ميكاج نعوم الانواف داخل
نواف/ امممممم اموله ماعجبني الفستان
أمل / اختار انت اجل
نواف/ذا قصير مره لي لحالي اغار عليك
مسكها ودخلوا غرفة الملابس وهي تقيس وهو ماعجبني غيري
أمل/حياتي. البس طويل احسن تعبت من كثر ماجربت
واخير استقروا على فستان الصدر مكسر ومشدودلين يطلع على الكتف يد ومحطوط ورد فضيه وعلى الخصر زي الشريط العريض المطرز بالفضي باشكال واسع من تحت وطويل
نواف /حياتي اقولك شيء وماتزعلين
أمل /اكيد
نواف/لو شعرك اطول بيطلع جنان صدق انتي احلى بشعرك الطويل
أمل /انا نفسك اول ماقصيته كنت فرحانه بس ماحبيته. فقدت شعري
نواف /فديتك ياعنيده محمد زعلان مني لاني سمحت لك تقصين يقول اني خربتك
أمل /لما نرجع ويشوفني بيغير رايه بعدين طول شوي الحين
نواف/ بغير انا عدلي مكياجك
نواف/ لبس بنطلون أسود وقميص سماوي ومشطت له امل شعره
نواف/حياتي خلاص
أمل/ كذا حلو
نواف/ شوفي وجلسها بحضنه
فيصل راح يعلق مابي تزعلين ومتعودين على بعض ولما اقول شيء مشيء معي
أمل /اوك
نواف /وبعد. نورة حبوبه وراح تنسجمين معاها بسرعة
جوها كتب ومفتاحها الاطفال
أمل /حلوه مفتاحها
نواف/ فيصل مفتاحه انا
أمل /ههههههههه نواف فديت الضحكه
أمل /خلاص بتخرب مكياجي وهربت للصاله
وصل فيصل وزوجتة
فتحت أمل الباب
فيصل /السلام عليكم مبروك ياعروس
أمل / وعليكم السلام وياهلا والله يحييكم
تفضلوا وسلمت على نوره
نزلت نوره معطفها الفرو وعدلت شعرها الاسود الطويل
نحيفه مره عيونها عادي جميل باين عليها ناعمه حيل وهاديه
نواف/ الله حيهه نورت لندن
فيصل / مو نوري ذا كيفك لاباين مره كويس
نواف/ ههههههههه بخير الحمدلله
فيصل/ بضل واقف نواف سلم على نورة
نواف/تبي تضل واقف بكيفك حنا بنجلس
فيصل / أمل وش مسويه فيه صاير مزيون وخفت سماجته
أمل /نواف اصلا مزيون والحمدلله الحين صدره كويس
نواف/ماعليك منه كيف هاواي
فيصل /كنت محتاج سفرها لها بس عجزان احجز كلك ذوق انت
نواف/ على شان تعرف قيمتي
نورة /ماتقصر والله
نواف/ على شانك انتِ
كيف شفتي حبيبتي
نورة / ماشاء الله الله يسعدك عسل مره
أمل / مستحيه مره على شان فيصل ماتعودت كذا تكشف على احد
من سافرت وهي عندنا ذا المشكله
سوالف وتعليقات فيصل على نواف وماعلق كثير عليها محذره نواف يويله ان قال لها شيء
ثم قدموا العشاء وبعد العشاء أمل جلست مع نورة بجلسه ثانيه وسوالف واغلبها عن الاطفال عاد نورة مبسوطه وامل بعد تحب الاطفال
نواف/ أمموله تعالي
أمل/امرني
وجلست جنبه
فيصل /عطاها علبه وسط لونها أحمر
أمل/ليه تكلفون على انفسكم زيارتكك والله تكفي
فيصل /ماعليك انتي عروس الله يسعدك مع ذا المرجوج
نواف /ليه تسب
افتحي ان عجبتنا ولا رجعناها
فتحت امل العلبة
طقم الماس وساعة لنواف وبعد عطور
نواف/ماكنها ساعتي اللي اخذتها مني
فيصل / حرام والله جديده
نواف/الا ساعتي وهو يجربها بيده
فيصل /أمل لايكون بعد الطقم لك
أمل / بشوف
نواف/ صار يناظر لها
أمل /قرت عيون نواف عرفت وش يبغى
أمل/ نواف مو ذا الطقم اللي قلت لي انك حجزته لي
نواف/ الاهو انا حاجزه لها وطلبت منك تجيبه معك
ماتعرف تشتري هدايا زي الناس نورة خابرك ذوق وش ذا
نورة /مااعرف انا هو قال لي انا بشتري لهم انا بس اخترت العطور
نواف/ دام العطور منك اقبل.
فيصل / الحق علي انا اللي تارك اشغالي وجاي اشوفك واتطمن عليك
نواف/ ماتقصر بس ارسل هدايا زي الناس مو تاخذ
اللي احجز موب ذا قدر زوجتي
أمل/ نواف خلاص مابي هدايا
نورة / لا والله هديتك مني راح توصلك
فيصل /اقول حنا بنمشي نستاذن
نواف /المره جايه جب ولدك معك
فيصل / تشوفه بالرياض باي
نواف /فيصل واشر له
فيصل /فهم وش يقصد وعطاه تحيه وابتسم وطلع
نورة/وش فيكم
فيصل /نواف عجبته هدية
نورة /انا وأمل ضايعين بينكم صراحة
فيصل/هههههههههه خليك زي امل تساند زوجها مو انتِ ياحظي
بس كيف قال لها تمشيء معه
نورة /تزوج وحدة تفهمك من عيونك
فيصل/ بسال نواف اذا لزوجة اخت بخطبها
نورة /هههههههه ارتاح خواتها كلهم متزوجات وهي اصغر وحده
فيصل/ حظي انا
أمل/ طلع صديقك زعلان
نواف/ لا قلت لك عارف اسلوبي اعجبك
أمل/ مره حلو
نواف/ روحي جربيه مع الفستان الاخضر
أمل /غيرت بسرعة وجت
نواف/ واقف يتاملها
بسم الله عليك
أمل /بالله شعر مابي باخر ذا الليل اطفش منه ترى
نواف/ههههههههه حضنها واذا ماتغزلت بذا الجمال وش فايدة شعري
أمل/ سكتت
نواف/ قولي اللي تبين
أمل/ مافيه شيء كملو سهرتهم وناموا
حديقه الهاي باركك
متعب جالس سرحان بشعره الطويل ولحيته مطولها ومعطفه الكحلي
بنطلون جنز وقميص ابيض
شده منظر وحده مع واحد ماسكها بيدها كان يتمنى يكون نفسه مع أمل
أمل أمل تزوجتي وتركتني وانا للحين اتخيلها بكل مكان. احسها قريبه مني
ليه احبك كل ذا يأمل
مارضيت أنساك
لوماني قنوع …لو لحقني
ليلة غيابك وجع!
كل سكه
شوق اخرها رجوع
وانتِ سكه من مشاها مارجع
قام وكل الحزن والحنين ليت بس ماتزوجت
سند ظهره ل شجره وصار يراقب عصفور
شته صوت يضحك من بعيد ذا صوت ضحكاتها
لاماني احلم وللحين بعقلي صوتها
يوه يامتعب احس اني انجنيت تركتها بالرياض وللحين أسمع ضحكاتها باذاني ليه يأمل
اخذ جواله وحط السماعات باذنه يمكن يختفي الصوت
ماتحمل خمس دقايق كل تفكيره بذا الصوت مشي بيرجع للبيت
بس الا أمل قدامه تركض ورا سنجاب وتضحك
متعب وقف ورى الشجرة يتاملها
أمل /نواف تعال ساعدني
لبسه فستان رسمي أزرق ومعطف مشجر وشعرها مفككوك نواف واقف ماسك شنطتها الصغير ويضحك عليها
أمل /حبيبي بليز
نواف /خليه وش تبغين فيه
ثم راحت يم الازهار
متعب /حقير كسر بخاطرها هذي وهي قايله حبيبي اي قلبي
هذي وش تقول ليتني مكانك ومشى متضايق
وعلى متجر الحيونات وشرا سنجاب وطلع
يضحك على نفسه شافهابالحديقه ولايعرف اصلا وين ساكنه وليش شرى السنجا ب. رجع لشقته وجلس يتفرج على السنجاب بالقفص
ثم راح وغير ملابسه ورجع وقف عند الشباك يتامل الناس اللي تمشي بالشارع الشقه لونها ابيض الاثاث كل جزء لون ومتنوع بين الكلاسيكي والمودرن
بين الناس اللي تمشي كانت أمل ونواف
متعب لا الحين مافي بلندن حي الا ذا وقفت على الحي ذا
ونزل بسرعة وهو يركض اللي فجع متعب ان شقة أمل ونواف بينها وبين شقة بس عمارتين بنفس الحي
متعب بعد ماعرف بيتهم. رجع لشقته وهو يررد لازم اسافر
لو اشوفها مره ثاني مااعرف وش بسوي بنواف
نواف وأمل بشقتهم. اخر وناسه
أمل/ صحت على صوت الجرس
نواف /مستغرف بنومه
غطته وباسته وسحبت نفسها من السرير على شان مايصحى
غيرت ملابسها واتجهة للباب
أمل / Part of
مااحد رد عليها شافت مع فتحت الباب مافيه احد
فتحت الباب الا باقة ورد كبيره وفوقهاعلبة هدايا
ومعها سنجاب مربوط عليه فيونه وومعلق فيه كرت
اخذت الهدايا وسكرت الباب
أمل/مسوي نايم. فديته
فتحت الكرت وشايله السنجاب
Do I love my Statnin
أمل ياربي مره جميل وانا احبك وبعتني فيك فتحت العلبه وشافت الطقم الفخم مره والورد الجميل رتبت الورد في الفازات
جهزت القهوة
ورجعت اخذت السنجاب واتجههت لغرف النوم لنواف تصحيه
أمل / حبيبي
باسته الله لايحرمني منك
نواف /ولامنك وضمها
أمل /خنقته لايموت
نواف/ من
أمل /سنجابي جميل مره حطته عليه
نواف/بعديه عني مااحبه. وش ذا
أمل /وش فيك عجبتي الهديه مره
نواف/ يفكر ما طلب لها هديه حتى لو طلب مو سنجاب
نواف/ مبسوطه مره اليوم
أمل /. بسرعة غير ملابسك بجهز الفطور
نواف/ اوك
اخذ شاور وطلع بروبه الاسود
اتصل بفيصل واكد له انه ماارسل هدايا لاهو ولا نورة زوجته
وحتى جوري قالت مو حنا. الهدايا اللي طلبناها لكم طلبناها للرياض
كمل اتصالات ومحد ارسل شيء
أمل / حياتي مو كل ذا وش تسوي
نواف/جوري تسلم عليك
أمل /الله يسلمها من كل شر وسحبت نواف بيده
نواف/ بلبس ملابسي
أمل/ مو لازم بعدين
نواف/ياكل ويتامل امل الي طايره من الفرحه والسنجاب على الطاوله ياكل
نواف /خليه بعدين لين تخلينه على الطاوله معانا
أمل /وين اخليه ماله بيت حبيبي ابي اشتري له بيت صغيرون جميل
نواف/مااحب الحيونات الصغيره ذي
أمل/انا ماطلبت تشتريه لي ليه زعلان
وقامت واخذت سنجابها وراحت لغرفة النوم اخذت شاور ولبست فستان قصير مشجر وربطت شعرها لبست الطقم ورورج. وتعطرت وطلعت. نواف بمكانه ماتحرك. يفكر من ارسل الهديه
أمل /حلو علي صح
نواف/ مره جميل وهو مو يمها
أمل /بنطلع اليوم ولا بنضل هنا
نواف/انا كسلان ابي اجلس هنا
أمل /طيب بس ابي اغراض للجميل ذا
نواف/بعد الظهر نطلع امري بس
أمل /نوافي مدري احس ماعجبك الطقم علي
نواف/ اي طقم
أمل / اللي اهديتي ذا
نواف قرب لها وتامله ماطلبت ابد ولايذكره ان طلب
جميل ياحياتي بس مصدع شوي لاتتضايقين
وباسها ورجع لبس بجامته ونام
أمل /نوافي غريب اليوم وش اسميك
وجلست بالصاله تعلب مع السنجاب وملت صلت الظهر وغيرت ملابسها لبست بنطلون جنز وبلوزه لونها اصفر مع رمادي واسود
وفكت شعرها ورسمت عيونها وروج وبلشر وتعطرت
نواف اصحى ابي اطلع
نواف/صاحي تعبان
أمل /تطلع معي ولا اطلع لحالي
نواف/ لاتضيعين اهم شيء اخذي جوالي معك
أمل /اوكي اجيب لك شيء معي
نواف /انتبهي لنفسك ولاتكلمين احد
معك بطاقتك
أمل /اخذت بطاقتك.
نواف/ ابتسم لها وين بوستي
باسته ولبس معطفها الاصفر ونزلت مع سنجابها
متعب واقف بشباك غرفته وشافها لما نزلت
ولاشاف نواف
متعب / وينه مخليها تنزل لها اخذ معطفه ونزل يركض
أمل /تمشي وتسال عن المحل تبع الحيونات اللي قريب من الحي هي سوت بحث لما كانت بالشقه
هي واقفه تسال بنت شابه والبنت صينيه ماتعرف انجلليزي
متعب/ ارسل لها ولد صغير دلها لين اخذها للمحل. شرت أغراض للسنجاب وطلبت يوصلونها للشقه ماتقدر تشيلها كلها
ثم طلعت لسوق قريب من المحل
متعب وراها من بعيد. شرت لها اغراض مفكره تطبخ وتتعلم في نواف وقال بسوي له شوربه دامه تعبان واخذت الوصفه من البائعه
متعب/ يضحك لا يامل والله بيروح فيها نواف. امل ماتعرف تطبخ
رجعت للشقه ودخلت
الا نواف /جالس بالصاله
أمل / السلام عليكم
نواف/ وعليكم السلام تاخرتي خفت عليك واتصلت ولا تردين
أمل /كيف ارد وانا شايله الاكياس
نواف/ لين كل ذا وصلت اغراض سنجابك
أمل / تركت الاغراض بالمطبخ وررتيت اغراض السنجاب ودخلته بالقفص
أمل / تبي الجد وسخ ملابسي بغير وارجع
اخذت شاور سريع لبست شورت قصير ووتيشرت أخضر نفس لبس نواف
نواف/ وين رحتي
أمل / قالت له. ونواف :يضحك عليها
لما قالت بطبخ لك
نواف/بننزل نتغدا بالمطعم
أمل / مابي ابي اطبخ
نواف / تحبين تتعبين نفسك ماله داعي الطباخه تجي تطبخ ليه ما طلبتي تجي الليوم
أمل/ مابي. انت ارتاح وانا بعد شوي اخلص
أمل راحت للمطبخ وحوسه واللي زاد الوضع حوسه انكب على الورقه مويه وطارت الوصفه
كملت امل من راسها. وسوت حساء بحريات على طريقتها
ورتبت السفره ونواف يتفرج وهو طالب اكل اصلا. بس مايبي يكسر خاطرها
أمل / حبيبي السفره جاهزه. بس دقايق اغير وراجع
لبس فستان عنابي قصير مره وفكت شعرها وتعطرت ورروج وطلعت
نواف/ الاكل وصل
أمل/ مافيه واللي انا مسويته
نواف /ماقلت اننا ماراح ناكله بس شوربه لحالها مو غداء
أمل /سكتب لنواف ولها تنتظر راي نواف
نواف/عندنا ليمون
أمل / ركضت للمطبخ وجابت ليمون وحطته عند نواف
نواف / الحين كذا اوكي
يجي منك ترى توقعت اسوى من كذا
أمل / جد عجبتك
نواف/ اول مره اشرب شيء زي كذا مدري كيف شرق وغرب
أمل ههههههه ذاقتها. مو شينه بس مو مره جميله
نواف/ اعرف بس انتي اصلا ماتعرفين تطبخين ولا ابي تدخلين للمطبخ اصلا
أمل /بس حلو لما نجي هنا اسوي لك شيء حلو
نواف /انتي قلتيها شيء حلو.
أمل / بخلي رحاب تعلمني. بصورها وارسلها لها
نواف/ ارسلي لمحمد خله يشوف تجاربك فيني
بعد الغداء سوالف وضحك خصوصا ان محمد اتصل وقال لنواف روح للمستشفى سوي غسيل معده وعلق على امل لين داخ
أمل جالسه. جنب نواف
نواف/ وش فيك
أمل /انت ومحمد علي والله يجي مني.
نواف/هههههههههه انا ماقلت شيء اخوك اللي تكلم اخذها ونزلوا تمشوا لين المغرب ورجعوا
أمل /نواف
نواف/ عيونه ماعاد ابي السنجاب مابي كذا محبوس اول كان سعيد لما كان برى القفص. وماعاد يلعب
نواف /بكره اخذك للحديقه ونتركه مع اخوانه اهم شي ء انك ماتتضايقين ورجعيه للقفص الحين. بعديه عني
أمل / انت غريب خيل تحبها صقر وفهود وذا تخاف منه
نواف/ مااحب السنجاب من وانا صغير جاتني عقده منه
أمل /بالعكس يجنن شوف صغيرون وحبوب
نواف /اعرف ترى انا من مواليد لندن وعشت فيها يمكن لين عمري 8 سنوات وبعدين رجعنا للرياض
كانت جنب غرفتي. شجره كبيره مره وكان فيها سناجب كثير
مره كنت صغير وتركت الشباك ومااحد انتيه له صحت الصبح لقيت غرفتي كلها سناجب وكنت ابكي احسب انهم بياكلوني
امل ماتت ضحك
كيف سنجاب صغير ياكل انسان
نواف/ تفكير طفل عمره خمس سنوات عاد. وصرت ابكي وجات الوالده والمربيه والوالد واخذوني.
أمل / ياقلبي على اللي خايف وحضنته
نواف/ بليز بعديه عني
أمل رجعته للقفص.
أمل /خلاص رجعته بس
نواف/ خلاص نرجعه بكره وروحي اشتري لك اي حيوان تبغينه
أمل / مابي
نواف/ بنام
أمل /مافيه نوم اجلس معي
وصارت تعانده واخر شيء انقلبت الى راسها
من الصبح ومن اول ماصحت وهي تصحي نواف على شان تاخذ السنجاب للحديقه
نواف / لسى بدري برد
أمل /حبيبي ابي نطلع احس نفسي مكتومه ومخنوقه
نواف/ بسم الله عليك وش فيك.
أمل /مافيه ابي اطلع
نواف /اجهزي انا بسرعة بخلص وبسرعه اخذ شاور ولبس ملابسه وطلع الاهي جالسه تتفرج على الصور اللي بالكمره
نواف /حبيبتي خلينا نطلع بالسيارة
نواف /كيفك الحين
أمل /وش فيك انا بخير بس ابي اطلع وطلعنا
نواف /سامجه روعتيني وقف واخذ لهم فطور وعلى الحديقه
أمل /نواف شوف كيف مبسوط مع اخوانه
بس يرجع لي مايروح بعيد
نواف /يحبك هههههههه
أمل /بس لازم يروح مع اخوانه شالته وقربت للشجره ورفعته فوق غصن ورجعت تركض
نواف / لاتطيحين
أمل / تشقلبت بلعبة وطاحت
نواف/ قلت لك لاتطيحين يعني شوفي دربك
أمل /رجلي تعورني
نواف/ يالله بلا دلع مشينا انا بسبقكك
ومشى.نواف على باله انها تتدلع تبغى يشيلها
متعب /يراقب الوضع كله
أمل / جالسه ممدده رجلينها وجاها ولد صغيرون اخذ لعبة ورجع لامه يركض
متعب / امل بالله تحركي قبل اتهور
أمل /حاولت تقوم بس رجلها فيها الم وتحاول تغطي الجرح اللي برجلها عارفه نواف راح يخانقها لانها لابسه صندل وهو قايل البسي جزمات
متعب /انهبل يوم شاف الدم برجلها. لبس نظارته ورفع معطفه. نزل القبعة على وجهه وبسرعه شالها وجالسها على الكرسي القريب واختفاء
أمل /مااستوعبت الا مختفي. خافت خافت حيل وصارت تبكي العطر مو غريب عليها بس خايفه خايفه يرجع الرجال ذا ويخطفها
الا نواف راجع
نواف /ليه تبكين وليه مالحقيني
أمل / ماصدقت تشوفه وضمته بقوه وهي تبكي
شالها وطلع من الحديقه
نواف /اهدي وش فيك على شان تركتك وش فيك
أمل / نواف رجعني للبيت انا خايفه
نواف /بسم الله عليك. طيب لاتبكين حنا بالسيارة ماراح احد يقرب لك
نواف شافها خايفه وتبكي. تركها ولاعاد سالها اول ماوصل الشقه غير ملابسها وضمد جرحها وضل حاضنها لين هدت ونامت
متعب /انا انجيت ليه شالتها لو اضل هنا بتهور مره ثانيه حجز له طيارة وعلى البحر الكاريبي في جزيرته
يمكن اذا انعزل عن الناس يخف صوت امل وطيفها من ذاكرته
متعب /عارف انها متزوجه بس يحبها ولاقدر حتى يكرهها لانها تزوجت نواف وتركته رغم كل شيء سواه لها
نواف/ فديت اللي صحت نمتي كثير
أمل / دفنت راسها بحضنه كم الساعة
نواف/ حضنها الساعه 6 الصبح من امس نايمه
أمل /للحين نعسانه
نواف/ بسك نوم مااحب كذا شالها وقفها بالحمام
امل /بس شوي انام
نواف/مافيه تتحمين لحالك ولا اجي
أمل / وش فيك لا خلاص اطلع
نواف/ هههههه يالله جالس على النت بالصاله
الا يوم طلعت برمودا زيتي وبلوزنه بيج
وشعرها مربوط
نواف /وش تسوين كل ذا
أمل /اصلي
نواف /تعالي
أجلست جنبه
سحبها نواف لين قربتها مرن وسحب رجالها
ليه شلتي الضماد
أمل /مايحتاج
نواف/راح وجاب ضماد وضمد الجرح
أمل / شديت عليه
نواف /ليه تبكين امس ليه ماقلتي لي انك. تنزفين
أمل / انا قلت لك رجلي تعورني وانت تركتني
نواف/ من مزحك الثقيل اللي تسوينه. احسبك تمزحين على شان اشيلك
أمل /توبه ماعاد اضحك عليك بس لاعاد تتركني لحالي اخاف احد يخطفني
وصارت تبكي
نواف/ بسم الله عليك وضمها من بيخطفك
أمل /قالت له ان الرجال الغريب
نواف/ لاتخافين ماراح اتركك ابد وبعد ماسوى لك شيء ساعدك
أمل/يساعدني يخليني اوقف مو يشيلني حاضني بين يديننه كني نونو والله حسيت خلاص بموت
نواف/بسم الله عليك راح اتكلم مع الشرطه لا تخافين ومن اليوم راح يكون فيه حرس لاتخافين تبين نرجع للرياض
أمل /مااعرف
نواف/ خلينا هنا انا مقرر نكمل هنا اسبوعين وبعدين فيه مفاجئه لك
أمل /قول وش
نواف/ مافيه بعد اسبوعين
أمل /بحضنه باسته كثير
نواف /هههههه خلاص بقول لك راح نسافر فرنسا
مو نفسك تشوفين برج ايفل والامنيه اللي تحته
أمل /وش عرفك فيها
نواف /هههههههه اعرفك اكثر من نفسك
مشكلتك تكتبين كل شيء بمذكرتك
أمل /مذكراتي من زمان ضايعه
نواف/عندي بالمزرعه
أمل /احيانا اخاف منك والله
نواف/ ليه على شان قريت اسرارك
أمل / ايوه
نواف /مايهمني كل اللي قريته بالمذكرات
اعرف قلبك معي وانا الحالي ملكته وغيري ماقدر يطولك
على شان كذا انا احبك
أمل /وانا احبك
شالها الا الخدم جهزوا السفره
وافطروا
امل بعد كذا صارت خوافه لازم نواف معاها واذا طلعت لازم ماسكه يده
وياكثر ماتصحى بالليل تبكي وخايفه
نواف /خاف عليها لها اسبوعين من السالفه وهي تصحى بالليل تبكي وخايفه واذا صحت ماتذكر ونواف مايقول لها شيء
نواف/فيصل وش عندك متصل
فيصل /انا بلندن تعال مشتاق لك ياخي
نواف/وش جايبك ماامداك تشتاق لي
فيصل /ماجيت على شانك اصلا وبكره مسافر. عندي كم شغله جايه اخلصها
نواف/ جايك بالفندق
فيصل /اللي خبرك. انتظرك
نواف/ حياتي انا طالع
أمل /اوك ورانا فرنسا لاتتاخر
نواف /ليه كذا عيونك
أمل /ابد صداع يمكن ماخذه برد من المطر امس وانت نفسي شوف نفسك
نواف /شاف نفسه بالمرايه. وضحك امس لعبنا بالمطر واليوم بناكلها. ارتاحي انتبهي لنفسك
وطلع
راح لفندق وسوالف مع فيصل وطبعا النقاش عند امل
نواف/هي قالت لي العطر شماته من قبل
وتبي الجد انا شاك فيه
فيصل /في من
نواف/ من غيره متعب
انا سالت وكان بلندن وبعدين سافر
فيصل/ مااعتقد انه يسويها
نواف/ اجل من مرسل الهديه لامل. اكيد شافنا بالحديقه وارسل لها السنجاب وامل على بالها انها مني
فيصل /شوف اذا اللي شالها متعب ترى زين على الاقل متعب عارفينه ومستحيل يسوي لها شيء وهو يحبها اخاف انه مو متعب واذا على الهدية اهم شيء امل وهي تعرف انها منك خلاص لاتقول لها
نواف /انا مسافر. بعد كم ساعة طول الاسبوعين مافيه احد يراقب امل حتى اني تركتها بالسوق لحالها بشوف اذا احد راح يجيها مافيه
فيصل /بتاكد انا. بس برضوا اقول انسى وتوصلون بالسلام بتنور الرياض
نواف/ ماني راجع للرياض
فيصل /اقول لك شهرين خلاص مامليت
نواف/ وش عليك انت بسافر فرنسا
فيصل/ اشتقنا لك العيال كلهم
نواف/ كلها اسبوع واجيكم ماراح اطول بفرنسا
اصلا على شانها ولا انا مااحب فرنسا وانت عارف
فيصل /اوك روح لها وسلم عليها اقول
نواف/وش عندك
فيصل / زوجتك مالها خوات
نواف /ههههههههه لا.
فيصل / بتزوج. ياخي دور لي وحده انت تعرف تختار
نواف /وزوجتك
فيصل /وش فيها ماعليها بس ماش ابي اتزوج
نواف /لارجعت للرياض خليت امل تخطب لك ولا زوجتك جوري
فيصل /لا جوري اختك لا تبي اتخانق معها كل جيت للبيت مافيها انوثه
نواف/ اصلا ماهي حاصله لك الوالده اعتقد انها تبغى ولد عمي
والولد يبغاها
فيصل/تاخرت على موعدي بسبتك. يالله نكمل بعدين
نواف وامل سافروا فرنسا
واول مانزلوا بمطار باريس مطر وبرد مره
أمل/ تاخر السواق بتجمد
نواف /ارجعي عن المطر وهو يعطس
أمل / بردانه لازم امشي ولا تجمد
كل حرف بدفتري ينساق لك
وكل دمع بعيني تطيّحه عيني
ما سهرت إلا وأنا مشتاق لك
وما بكيت إلا وفقدك محتويني
|
16-12-15, 07:32 PM
رد: أنتٍ قدري
رد: أنتٍ قدري
رد: أنتٍ قدري
رد: أنتٍ قدري
جديد مواضيع قسم القصص المهجورة والغير مكتملة
العرض العادي
