كاتب الموضوع :
ااهات
المنتدى :
القصص المهجورة والغير مكتملة
رد: أنتٍ قدري
نتِ قدري (التاسع والعشرون )
مجمل كل النعم أنتِ
•
•
•
•
جعل العوض في مقبلات الليالي
اكثر شطر .. ضم الجروح وزجرها
مير السوال اللي يساور خيالي
وش هو يعوض عن عيون ي بصرها
مصعب /لاتقطع قلبي
الله يوفقها ويسعدها مع زوجها
متعب / اللهم امين. ان شاء الله نواف يسعدها
مصعب / وش رايك نسافر
متعب /مو الحين
مصعب /الا الحين
متعب /لا بعد زواج الغاليه نسافر لامريكا
مصعب / صاحي انت بعقلك
متعب /بكامل عقلي لو يحق لي والله انا اللي اسلمها بيدي لنواف
مصعب / متعب منت لعقلك ابد وطلع
متعب / مالها بالملامح شبيه. سبحان من خلقها
نواف /شايلها بين يدينه وجلسها فوق السرير
وهي تضرب بيدينها ومسكره عيونها
نزل عبايتها ونزل جزماتها
حضنها وامل تصيح لا نواف لانواف
ممددها على السرير
والنيرس ترجع المغذي والدم
نواف /وش فيك خلاص افتحي عيونك تكسرت من كثر ماضربتيني
أمل /فتحت عيونها الا ورق جدران بالون الوردي جهه والثانيه فيها ورد وفازات كلها ورد
وطاوله صغيره عليها حوض سمك
وسجاده على شكل ورده
وريحه الغرفه عطر كوكو شانيل مع لافندر
والمفرش بيج فيه ورد كبار
وعلى الطاوله ايباد مشغل فيه موسيقا هاديه
أمل / روعة
نواف /عجبتك
أمل /مره حلوه
نواف /ابيك ترتاحين. طلعه من المستشفى مافيه
انا زوجك ولازم تسمعين كلامي وبعد يرضيك زوجك حبيبك يخسر
أمل /ساكته وماعاجبها الكلام
نواف /ممكن تنامين او عندك الايباد.
بليز حبيبتي ابي انام بس شوي والدموع اللي بعيونك مابيها تنزل
طلعه مافيه
غطاها وراح تمدد على الجلسه وتلحف وحاول ينام
محمد /صحى وشاف الوقت وجواله مافينه اتصال من نواف
محمد/معقول طلعها ولاقال لي
مستحيل انها للحين بالمستشفى
وعلى غرفة امل
دخل الا هي فاضيه
الا ممرضه بوجهه بالممر
سالها قالت خروج
مبسوط محمد
وهو يمسك جواله بيتصل بنواف
الا ذا نائب المستشفى يمشي
ومعه الدكتور المشرف على امل ومعه واحد ثاني اخصائي
يمشون بالممر
الدكتور /عارف محمد. صباح الخير
محمد /صباح النور. كيف اختي
الدكتور. /احسن بس مثل ماقلت لزوجها لازم راحه وان شاء الله ترتاح بالغرفه الجديدة
نائب المدير/اذا حابين نغير لها غرفه ثانيه نسويها لها اهم شيء راحتها
(اهم شيء الفلوس اللي دفعها نواف على الغرفة )
محمد/ وين غرفتها
الدكتور /بالدور الرابع
طلع محمد /سويتها يانواف
دخل الغرفه اول مافتح الباب جاته العطور
دخل الاامل تلعب بالايباد ونواف نايم
دخل بهدوء على راس رجوله لين وصل امل
محمد/كيفك الحين
امل / احسن
محمد /تبغين اطلعك من المستشفى الحين
نواف /انا هنا لاتخرب زوجتي علي
محمد /بسم الله الرحمن الرحيم
نواف /اعترف بالخسارة
محمد /صراحه. الغرفه جميله مره
نواف /جلس وعنده صداع فضيع
طلب مسكن وجت النيرس وقاست الضغط عنده
محمد /روح نام
نواف /هههههههههههه لا ماني متحرك. على شان تخربها من وراي
محمد /ههههههههه خلاص فزت علي. اسمع راح تجي القهوه الحين
نواف /يليت والله مصدع يمكن تخفف شوي
نواف ومحمد صلوا وكملوا سوالف
وتقهووا ثم جابوا غدا وتغدوا وامل نايمه
نواف /يسمي عليها فديت اللي نايمه زعلانه
باسها
محمد./هيه انت
نواف /وش فيك زوجتي ترى
محمد /اعرف لاجت ببيتك انت حر
نواف/ اقول خلنا ننزل نصلي. احسن
محمد/بس زين قدرت فيها. انا مااقدر عليها ترى
نواف /عنيده حيل ماهي راضيه بس ممشيتها هي تعبانه بس تكابر
صلوا وطلعوا نواف طالب لها دب وطلع شايله
محمد / تراني مااحب الدباديب ذي
زوجتك كبيره ليه شاريه
نواف/ماتحس انك غيور وملقوف
محمد /انا
نواف / ايوه
الفجر / تقول زوجتك وانت تصرف
والحين
محمد /طيب عرفنا والله
نواف /دلعوتي وانا حر
محمد /ازعجتني والله
نواف/ هههههههههههههههههههه
دخلوا عليها الاهي تصلي
كملوا جدال وعناد في بعض
دخل العم سعود
اول مادخل وشافته امل
نزلت بسرعة
حتى مافكت شي وطاحت من السرير وجرت بسرعه الابر منها الا يدها كلها تنزف
ورجلها من الزجاج اللي انكسر
العم سعود/ حضنها بقوه بسم الله عليك
وهي تبكي بكاء. من قلب
نواف/ طلع بسرعة وطلب الممرضه جات بسرعه وهي تحاول تضمد الجروح بس امل بحضن عمها تبكي
العم سعود /اشر للممرضة تتركها
لما حس انها هدت شوي
العم سعود/ امل امل امل وش فيك قولي لي من مزعلك. لاتبكين ياعيون عمكك رجعت ضمته بقوه وتبكي
العم سعود نزل راسه على راسها لاتخافين انا معك ماراح اتررك لاتبكين من اللي قاهرك ورفع راسها وجلسها
الممرضه بسرعه تضمد الجروح وتشيل قطع الزجاج من رجلها ويدينها
مسح دموعها.
العم سعود /عدل جلستهاوشعرها المنثور على وجهها كنها طفله صغيره
من مزعلك يالغاليه وبعد شعرها عن وجهها
أمل /تاشر لنواف ومحمد
العم سعود
نواف
نواف /سم ياعمي
العم سعود /على بيتك ومابي اشوفك هنا
العم سعود / محمد
محمد /سم
العم سعود/ مثل نواف مابي اشوفكم انتم الاثنين هنا. مفهوم
محمد طلع مع نواف. وهم يضحكون
محمد/عمي معصب مره
والله ان قالت له امل. ان تروح فيها انت اكثر مني
نواف / ههههههههههه. مااي دخل اعرف اصرف نفسي
وان اطريت اخذت زوجتي وعلى برى. ويسوي طيارة
العم سعود / وطردتهم لعيونك
لاتزعلين
نظفوا الغرفه
العم سعود كل ثوبه دم من جروح امل.
وهي بعد
طلع والممرضات يغيرون لها ملابسها. اتصل بثامر
ولده وقال يجيب له ملابس ورجع لامل
الا هي بسريرها
جلس عندها
العم سعود/نواف مغير غرفتك
أمل /ايوه
العم سعود /وعرف ذوقك وغير مزاجك
بس ليه زعلانه عليه بالعكس. اللي سواه حلو
امل /عمي انا مو لعبه عندهم يتراهنون علي
العم سعود / افا انا اهاوشهم كل شيء الا زعلك
انتِ بس ارتاحي ابيك بخير وهذا المهم اخوك فالها مع زوجك
أمل /عمي الله لايحرمني منك
العم سعود/ولامنك ويخليك لي يااحلى العرايس. مابي تبكين
وجلس عندها بعد المغرب. كل شوي جاي احد خواتها
البنات ريما وريم ونوف
ثم جات الهنوف وعبير
وامل نامت تقريبا 10
بشاير نامت عند خالتها
نواف /من طلع من المستشفى وهو على البيت ونومه
صحى قبل اذان الفجر اخذ شاور ونزل الا جوري جالسه تتابع لها فلم ومعليه الصوت.
وغرفته قريبه من المكان
نواف /فيه ناس نايمه
جوري /من وين طلعت لي منه احسبك مسافر
نواف /ههههههههههههههههههه بايخه وش تاكلين
جوري/ مكرونه
نواف /ابي معك
جوري /ذا صحني. بخلي الطباخ يسوي لك بعد عني
نواف / اي شيء يمشي جوعان
جوري /نواف. وش فيك. احس فيك شيء
نواف /مافيه شيء
جوري//نواف قول خلصني
نواف / اموله بالمستشفى
جوري/ او ماي قارد
وش فيها سلامتها
نواف /ارهاق شديد وتخيلي الدم عندها نازل مره ويعبونها دم
جوري /جلست جنب نواف. ماعليك راح تكون بخير لاتشيل هم
نواف /ان شاء الله.
جابوا له الاكل وجلس ياكل. ويعطي جوري
ثم طلع صلى الفجر ورجع
جلس مع الجوري شوي
واتصل بالمستشفى
تطمن عليها
نواف /جوري تطلعين معي نتمشى بالرياض الحين
جوري / بذا الصبح الناس كلها نايمه
نواف /احسن شيء ذا الوقت وبعد ناخذ فطور ونطلع لامل
جوري موافقه
وطلعوا غيروا ملابسهم وطلعوا
جوري /سوالف وتعليقات على نواف
ثم اخذوا فطور وورد. وعلى المستشفى
نزلو
نواف /جوري اطلعي اول اخاف عمي سعود عند اموله المشكله محمد مايرد على جواله
جوري / هههههههههه تستاهل
نواف /خليك محضر خير
جوري /ابشر. اخذت الورد ودخلت وعلى غرفة امل
امل صاحية تتفرج على جوالها
جوري /ممكن ادخل تقريبا الساعة 8
أمل /تفضلي
جوري /الحمدلله على اللسلامة
بسم الله عليك ماتشوفين شر
امل/ الله يسلممك ومايجيك
جوري /بسم الله عليك افا ليه كذا تعبانه اصبري نوافي ينتظر
جوري /الو مافيه تعال امان
نواف /اوكي جايكم
نواف /دخل شايل الاكياس
اخذتها جوري وقرب لامل
السلام عليكم
كيفك اليوم حبيبتي
أمل /بخير
نواف/مسك يدها. وباسها
افا زعلانه مني
أمل / بعد عني
جوري /عصافير الحب زعلانين
نواف/ جهزي الفطور ومالك دخل
نواف/ حياتي نفطر عندك هنا ولاتنزلين
أمل / ماني جوعانه
نواف /لازم تاكلين مايصير على المغذي.
شالها والجوري ماسكك المغذيات وجلسواها بالجلسه
نواف بعد شعرها عن وجههها
نواف /جوري معك شيء اربط شعرها
أمل /اترك شعري
نواف /ربط شعرها ونزل لها خصله
نواف /شعرك يبغا له قص شوي
أمل /من داخل فرحانه لان عمها وهند ومحمد رافضين تقص شعرها حتى بتجهيز الزوج بس مابينت فرحتها
افطروا امل مطنشه نواف كل كلامها مع جوري
نواف / بس عيونه عليها ويبتسم
نواف/حبيبتي انا عندي شغل. استاذن اخذي راحتك مع جوري
طلع نواف وعلى الشركة
جوري سوالف مع أمل
جوري /اموله بليز ارتاحي انتي تعبانه
أمل / انا بخير بس صداع
جو غيروا الورد وحطوا جديد
والنيرس عطرا الغرفه وفتحت الستاير
جوري /أموله ذا كتاب تحبين القصص الانجليزيه
امل /ايوه احبها
جوري / حلو انا احبها كثير نواف دائما يطلبها لي
مسكت يدها لاتزعلين على نواف بليز
أمل /مازعلت منه
جوري/ اوكي. وجلست تحكي لها عن نواف. كيف يفكر كلامه الاشياء اللي يحبها واللي يكرها واللي يعصب به
أمل /لاعصب يخوف
جوري / هههههههههه. مره انا الضحيه دايما
قبل امس انا اول مارجع كلمته. المهم. صرت اعانده عندك تدرين اخذ جوالي وبالجدار
فديته طلب لي اخر موديل اسمعي طالب لك بعد
أمل / جوري مااعرف كيف اقول
جوري/ الله يسعدكم.ويوفقكم انتِ عسوله حيل.
انا استاذن ارتاحي ولا تتعبين نفسك باستها وطلعت
امل /نومه ماصحت. الا على صوت هند ودلال
أمل /كم الساعه
هند /بسم الله عليك الحين 10 بالليل
أمل / نمت كثير
دلال /مره نمتي جاك ضيوف كثير وانتي نايمه
أمل / جلست وساعدتها هند ونزلت
امل / هند ابي اخذ شاور
هند/ اول لازم النيرس تفك المغذي من يدك وانا بساعدك
جت النيرس وفكت المغذي والدم
المرافقه جهزت الحمام
هند/ تقدرين لحالك ولا اجي معك
أمل /بلحالي
دخلت امل الحمام
دلال وهند سوالف
الا صوتها طايحه وركضوا لها اغمى عليها
لما صحت ساعدتها هند ولبستها بجامتها وشالوها لسريرها
هند/ ارتاحي بسم الله عليك
دلال / الو
بخير الحمدلله
لا
من شوي اغمى عليها
لاتخاف احسن الحين الدكتور عندها
طيب تعال
لا ماراح يجي كان هنا المغرب
ههههههههههه
طيب. هي تحب البيتزا
اوكي عادي جبهم معك
بحفظ الرحمن
هند / من
دلال /محمد يتطمن على امل
هند/ هههههههههه. من بيجيب معه
دلال /هشوم وجوجو
هند / زين. يغيرون نفسيتها شوي
كلها ساعة ومحمد عندهم
محمد /اموله كيفك الحين
أمل / الحمدلله
محمد /زعلانه مني
أمل / شوي
محمد /طيب جايب لك هديه
وطلع وجاب الاثنين
من دخلوا صياح
أمل /احلى هديه
هند /شالت الاثنين وخلتهم عند امل على سريرها
عاد جوجو انا انا وكلامها نصفه كذب وتاشر بيدها
امل /تسلك لهم ثم صاروا يغنون لها
محمد /اهم شيء انها تضحك ومبسوطه
دلال /واكلت ولاقالت شيء شكلنا بنجيبهم كل يوم
هند /اكيد
هند / أموله لازم ترتاحين. وشالت هشام ونزلته وجوجو تعلقت بعمتها
محمد/ نامي وبكره اجيبهم لك
وشال بنته وهي تبكي وطلعت معه دلال وجلست هند عندها
جلست تسولف. مع هند
ثم رجعت نامت
العم سعود / الو
نواف /هلاوالله بذا الصوت
الله حيه
العم سعود /السلام عليكم
نواف/ وعليكم السلام
العم سعود /نواف ابيك بكره اي وقت.
نواف /لو تبغاني الحين ماعندي مشكله اللي تامر فيه
العم سعود / الحين الوقت متاخر
نواف/ يناسبك بعد الظهر
العم سعود /يناسبني تعال لي بالمكتب
نواف /اوك بكره ان شاء الله اكون عندك
نواف /نام وصحى 11 غير ملابسه خلص كم شغله وطلع بعد الظهر لمكتب العم سعود
عبدالله بن سعود /حي الله من جانا حي الله العديل
نواف /هلا يابو مشعل كيفك
عبدالله / بخير الحمدلله. الوالد ينتظرك. الله لنا
نواف / لاتقارن
عبدالله / ياخي خف من غرورك ههههههههههههه
نواف /ماني مغرور بس ثقه
سيو
ودخل
سلم على العم سعود وجلس
سوالف عاديه اول شيء
العم سعود/
نواف صراحة انا الحين مطمئن على امل معك.
ماانكر خوفي عليها منك. بس الحمدلله
نواف / سلم على راسه الله يخليها لي وان شاء الله اكون قد ثقتك
العم سعود /تراك اعجبتني اهم شيء اقنعتها تجلس بالمستشفى
نواف/بس للحين زعلانه مني
العم سعود/ ههههههههههه. ماعليك منها بترضى اهم شيء صحتها
نواف/عمي اقدر اقدم موعد الزواج
العم سعود / ليه
نواف /مابيها تتعب وبعد انا اخذت لها موعد بمستشفى بألمانيا
العم سعود /امل بس محتاجه راحة لاتخاف كل ذا
نواف /اعرف بس خايف عليها
العم سعود /بس لاتقدمه مره ابيها تصير كويسه مايصير. العروس تعبانه
نواف /ماعليك. بس انت وافق وكل شيءانا بتصرف فيه
العم سعود /الله يوفقكم ويسعدكم بحياتكم ونعم النسب يانواف
نواف /سلم على راسه ويده
عمي الله لايحرمنا منك. انا واموله
بس مابي امل تعرف اننا قدامنا موعد الزواج
العم سعود/ ان عرفت بتتعب اصلا
نواف/ مره متوتره فديتها
طلع نواف مبسوط
عبدالله/ وش عندك
نواف /انا مشغول مو فاضي لك
نواف انشغل بتجهزيات الزواج والبيت وحتى يطلب من اغلى الماركات. على شان. يجون للرياض وا مل تختار اللي. تبغا
بعد اسبوع
العم سعود / أموله
أمل /امرني يالغالي
العم سعود / عندي لك خبر حلو
امل /قول لي.
العم سعود /الدكتور كتب لك خروج راح اخذك معي
امل/ وانا اقول مااحد من خواتي زارني اليوم
العم سعود/عارفين اني بجي اخذكك
أمل /الله لايحرمني منك المره انا ماقلت شيء
العم سعود/ههههههههههه المره انا اللي مطلعك من نفسي
ولا انتي ماتبين على شان زوجك
بس نواف مسافر وماقدر يجي
أمل /ماقال لي شيء وحتى مايرسل اول يتصل
العم سعود/ماعليك كل يوم مزعجني انا.
شوفي ابي تغيرين ملابسك وتلبسين فستان حلو
رحاب مجهزته لك مع اغراضك انا نازل للدكتور
أمل /فرحانه حيل
بس حاسه فيه شيء ينتظرها شافت الفستان تركواز مره فخم
من فساتين نواف اللي طلبها من المصمم الكسندر ماكوين.
وتوقعت انها بتشوف نواف
لبست الفستان. المرافقه سوت شعرها رسمت عيونها وحواجبها وروج وبلاشر
وحطت لها لمعه بسيطه
العم سعود
بسم الله ماشاء الله الله يحفظك يا أحلا العرايس
أمل /عمي استحي وضمته
العم سعود/ ياقلبي على اللي تستحي
مااعرف كيف بسلمك لنواف بتكونين بعيده عني
وذا النواف ماخذ عقلك هههههههههههه
أمل / انت رقم واحد أنت ابوي واخوي وعمي وكل شيء
العم سعود/ يالله. خلينا نطلع
طالعوا
سكوت
أمل /عمي احس فيه شيء
عمها سعود/ الصراحة. انتِ معزومه
أمل /اعرف نواف
العم سعود/ لا والله نواف بلندن من ساعة محاكين
مو حبيب القلب
أمل / محمد اخوي
العم سعود /لاتستعجلين. ارتاحي بس
من زمان ماسمعت صوتك الحلو
أمل /طيب بس ترى صوتي مو مره
عمها سعود/ بسم الله عليك من كل تعب
أمل : جلست تغني. لين وصلوا للبيت
وقف العم سعود عند الباب
الا محمد مسوي نفسه توه جايه ونازله من سيارته
أمل /ذا محمد
فتح محمد باب لامل ونزلت
سلم عليها
محمد/ الحمدلله على سلامتك توه نور البيت
أمل / الله يسلمك ياغلاي. وش ذا الزين
على وين
محمد /بس لاتقولين لخلود رايح اخطب
أمل /افا. تتزوج على خلود ازعل انا
محمد /شالهاودخل
نزلها ونزل عبايتها
امل: ليه النور طافي
محمد /عبدالله ناسي فاتوره الكهرب وعلمي فيه راح يسدد
أمل /مو بالعاده ينساها انا خايفه
محمد /انا معك وعمي بعد
وقفها على السجاده الحمراء
أمل ماتشوف شيء بس محمد عارف دوره
محمد/ مبروك ياعروستنا
الا الانوار من كل مكان والالعاب الناريه
وعبدالمحسن بالرشاش يطلقه
وولعت الانوار الصغيره الملونه حاولين السجاده الحمراء
غير الوردود المنثوره
اي والله انك غير عن باقي الناس ….
هم في المحيط وانت بين المحاني
ياللي خذيت من الغلا الوان واجناس
لك منزل ن بالقلب ماهو لثاني
|
09-10-15, 10:46 AM
رد: أنتٍ قدري
رد: أنتٍ قدري
رد: أنتٍ قدري
رد: أنتٍ قدري
جديد مواضيع قسم القصص المهجورة والغير مكتملة
العرض العادي
