لبارت الواحد والعشرون

أنتِ لي وحدي

•

•

•

•

ما تخيل ان عيني مره تغفى وما تشوفك وما اتخيل

لو يطول الصمت ما اسمع حروفك تدري

احساسي بخوفك هو اماني لما تسأل

عني ليله عن مكاني

أمل /صحت الظهر لقت الابيات بجوالها

أمل /يليل بيزعجني بالقصائد

اخذت شاور غيرت ملابسها لبست فستان أورانج قصير

وبعد حممت الثنائي ولبسهم ولبست عبايتها وطلعت

اخذت حلويات والعاب واغراض مواليد وورد

وعلى المزاحمية \

جوجو وهشوم انبسطوا بزران كثير

أمل /سوالف مع خواتها ويضحكون عليها هي وعيالها هي تقول انا امهم بسوي لهم غرفه جنبي وقلت لمحمد

نوال /ههههههههههههه عاد رحاب وخلود وش رايهم

امل /هههههههههههه يقولون فكه اصلا من جاء مجود وهم مسوين اضراب يخافون يرجعون للبيت اخذ مجود أنا

نوره / هههههههههههه بس يجننون كنهم توؤم

أمل /بعد ملابسهم اخترتها زي بعض ههههههههههه صرت اتسلى فيهم ما عندي الاهم

نواف /نايم ولما صحى قالوا له ان أمل بالمزاحمية

نواف /ليه ماقتوا لي

خالد /انا بالمزاحمية وانت كنت تعبان ماقدرنا نصحيك

نواف /انا جاي

نواف /اخذ له شاور ولبس ثوب وشماغ ابيض وساعة رولكس وتعطر و

لبس نظارته وعلى سيارته الفراري

خالد/ الحمدلله على سلامتك

نواف / الله يسلمك الحين ذا بيت اهلها

خالد /ايوه طال عمرك

نواف /مو شين بعد المكان حلو وهادي من متى وهي هنا

خالد /من بعد الظهر

نواف /اتوقع ما يمدي اروح اخذ لي فره بالمزاحمية

خالد/ ما اعرف بس معها هشام والجوهرة ما راح تطول

نواف/ طيب شوف لي مطعم هنا جوعان انا

راح خالد لشتري لنواف بيتزا

ونواف نزل وجلس يدور في الحارة

الا امل طالعة مع البزران وطلعت مع السواق

نواف /قلبي كان عارف فديت اللي ماخيبت ضني ياحبني لك

ورجع ركض وعلى سيارته

لين صار موازي لسيارة اللي فيها امل

كتب لها يسعد مساءك ياحياتي مره حلوه المزاحمية

أمل / بسم الله الرحمن الرحيم من وين طلع لي

نواف/ كتب شوفي اللي على يمينك

أمل /التفتت الا نواف

أمل /وش ذا المصيبة وين ما اروح وراي

نواف / ما يقدر يكتب وهو يسوق ومسرع

فسجل لها فديو

أموله وش رايك بسيارتي اول مره استخدمها وش رايك تجربينها بعلمك كيف تسوقين

ثم أسوي معك سباق

ثم أسرع قدامهم بسرعه

أمل /بسم الله وش فيه مطيور ذا

ما عاد شافته

ثم ووصلوا البيت الا هو واقف عند الباب يأكل له ايس كريم

لما نزل هشوم وجوجو

نواف/ هشوم هشوم تعال

هشوم يناظر فيه من فوق لتحت

ومعه كيس كون زون

أمل /مسكت هشام ودخلت بالغصب وهو يبكي يبغا يأخذ الايس كريم

أمل /بشتري لك لا تأخذ من أحد رحاب وش فيه

هشام / ابي اسكليم

أمل /خليه يبكي اخذت التلفون وطلبت ايس كريم والاثنين يبكون

رحاب /هههههههههههه وش فيك معصبه

أمل/بطلع اصلي

طلعت صلت غيرت ملابسها ونزلت الا الايس كريم وصل

جلست تأكل معهم

رحاب/ ما غيرتي رايك

أمل /قلت لكم مشغولة نبي نلحق الموسم والافتتاح بكره ان شاء الله نسيت

رحاب / وش نسيتي

امل /انا ما عاد باقي معي فلوس صفر حسابي محتاجة 300الف

على شان المشروع باقي فلوس ما اندفعت كل البنات دفعوا الا انا

رحاب /بس المبلغ كبير

أمل /بشوف عمي اذا يقدر

رحاب /امل صح عمي ماسك فلوسك بس ترى يعطيك اكثر من الحقيقي ترى

أمل /طيب

طيب بطلب ميه الف والباقي بشوف كم طقم عندي راح يجيبها اصلا

ولا تدرين ما راح اطلب من عمي شيء راح ابيع طقم متعب ذا بيجب فلوس كثير

رحاب /وذا الطقم على راسك تبغين تصرفينه الهديه ما تباع والله ياأمل ان بعتي طقم متعب ازعل عليك

أمل /بكره لازم ادفع لريما منين أجيب اذا ما بعته

رحاب /اول شيء انتي تصرفين كثير خففي من الملابس الغاليه اللي ما تنلبس الأمرة وحده وبعدين تصرفينها على البنات تدرين بنات ريم ونوره وهند ومها ما عاد يشترون من كثر ما تصرفين

أمل /امممممممممممم طيب عمي يقول يحب ذوقي كثير واطلبي الغالي يرخص لك

رحاب / وانتي ما تصدقين عاد ابي تخفين على عمي سعود شوي بعد عنده مسؤوليات كثير

أمل /وش فيك علي اليوم

رحاب /اموله اسمعيني ابيك واعيه صح حنا مدلعينك ومأبي تلبسين اقل من صديقاتك ولا ابي ينقص عليك شيء

وتعرفين كل وحده منا مسويه له لك جزء من راتبها ابيك تنبسطين

بس ابيك تعرفين قيمه الفلوس خفي الصرف شوي

أمل /صح انا اشتري اشياء كثيره مااحتاجها واغلبها تنرمي بالزباله

أنا اسفه رحاب

رحاب /يابعد قلبي انتي ابي تنبسطين تكشخين بس لا تشترين شيء ما تحتاجين ما ندري اخاف تتزوجين واحد ما يقدر يدلعك نفسنا الدنيا ما نعرف

وبعدين تراك مخربه البزران

امل/ ذي لا عاد هههههههههههه

على العموم راح يشتغل المشروع وراح يكون لي دخل واصير بزنس

وبعدين انا اتعلم من ريما وبدخل سوق الاسهم اطقطق فيها

رحاب/ فديت سيدة الاعمال

عاد نبي منك عشاء بذا المناسبة

أمل/ ما فيه مسويه تقشف

رحاب/وقفت علي انا وعيالي

اسمعي حنا بنسافر بكره راح نترك عندك الشغالة

أمل /اوكي توصلون بالسلامة

رحاب /وهشام وجوجو راح نأخذهم معانا راح يجننونك وانتي مشغولة

امل/ حرام عاد كلكم تسافرون واجلس بالبيت لحالي

انتي وامي ومحمد وعيالكم وهند بعد تقول سعود يباخذ امه وخواته معهم ويسافرون لابها

وريم وعيالها بسافرون ماليزيا وش فيكم المرة كلكم مسافرين

ودلال وسارة بيرحون ينبع ومها وهدى لدبي

رحاب /خلينا ما صدقنا يوافقون ههههههههههه والله لما قالي عبدالله جلست ساعة مو مستوعبه

أمل /هههههههههه المهم لا تنسوني من الهدايا

رحاب /ابشري كم اموله عندنا

أمل/هههههههههه ذي ريما تتصل

الو ريوم

ريما/هلا اموله اخبارك

أمل /بخير الحمد لله

ريما/ اموله الحين انا قلت حولي لي 300 الف ليه تحويلين ل500

أمل /وش تقولين

ريما/ وش وضعك انتي ليه محوله لي دبل المبلغ اللي قلت لك

امل<نواف العله اكيد

امل /ريوم معي اتصال بحاكيك شوي

ريما /اوكي اشوفك بكره الظهر لا تتأخرين

أمل/ ان شاء الله

أمل طلعت ركض لغرفتها ولبست عبأتها وطلعت مع السواق وعلى الصرافة

هي عارفه حسابها ما فيه الا 500 ريال

بس اللي صدمها حسابها فيه 5 مليون

امل / انا احلم مضيعه اكيد

راحت لصرافه ثانيه ونفس الرقم

رجعت للبيت وفي الطريق اتصل نواف

نواف /هههههههههههه وش فيك من صرافه للثانية

الرقم صحيح

أمل /نواف انت من وين طلعت لي

نواف /هههههههههههه من الدنيا المهم ما بي شيء ينقصك دامني حي

أمل /ما بي منك ريال واحد فهمت بعد عني ما تفهم

نواف / لا ما افهم ما افهم

أمل / راح ارجع الفلوس وليه تحول الفلوس لريما من طلب منك

نواف /قلت لك أنا المسؤول عنك تفهمين ولا لا

أمل/مابغى افهم وهي تبكي

دخلت للبيت

وهي طالعه على الدرج

جلي الشغالة /

هذا ورد تبع انتي

أمل /من جاب هذا

جلي ما يعرف انا قول لماما امل

امل /هاتي

طلعت لغرفتها ورمت الباقة على سريره ورمت نفسها وكملت بكي

وقررت تبيع الاطقم اللي عندها وترجع الفلوس اللي دفعها لريما واول ما يفتح البنك ترجع تحول الفلوس لحساب نواف

اخذت شاور طلعت شغلت الفواحات برائحه اللافندر وهدت اعصابها

جلست على الكرسي المعلق اللي مغطى بمفرش فروا وجلست تقرا كتاب

الا جوالها معلق رن

شافته نواف وكملت قرأيه بس مره صار ازعاج

أمل/ وش تبغى مني ازعجتني

نواف /ما بي تتضايقين مني

أمل /نواف الله يخليك لك عين ترجيك ابعد عني

نواف /امولة حياتي انتِ ودنيتي افهميني انا احبك واموت فيك ما اقدر اعيش بدونك والله احبك وابغاك زوجتي حبيبتي

أمل /وانا ما أبغاك

نواف /وانا نواف اهون عليك وترديني

امل /ومن انت اصلا منت اول واحد يخطبني ولا انت اخر

نواف/ الا اخر واحد انتِ لي تفهمين ويالله نامي وراك شغل بكره وانا ما اقدر انام وانتي صاحية وراي شغل بكره لازم اصحى بدري

أمل /وش دخلني فيك عمرك ما نمت

نواف/ افا

أمل/ تفهم ابعد عني

نواف /اموله انا ابي اتغير شوفي اعرف نفسي العاب وما اتحمل مسوليه وتارك الشركة على الجوري والوالدة ما تدري

ودايم مع العيال أموله انا من حبيتك وانا تغيرت كثير صرت اروح للشركة صح دايم معك بس اول ماكنت اروح اصلا

أمل /وش دخلني عمرك ما تغيرت ولا عمرك ما رحت بعد عني ياولد الناس والله ان ما بعت ما يحصل طيب وفلوسك برجعها لك بكره

نواف /أي فلوس

أمل /لاتستهبل اللي بحسابي واللي دفعتها لريما

نواف/ انا ما أرسلت لريما شيء الفلوس اللي بالبنك بس انا اللي محولها لك

أمل /من أجل دافعها عني 500 الف

نواف/ هههههههههههه ما اعرف يالله ياميرتي نامي خليني انام

أمل /ماني نايمه وش عندك

نواف /ابد وانا بعد ماني نايم وبجي اجلس تحت شباكك اجل اشتقت للبسه اللي بحارتكم

أمل /أنا اكرههك

نواف /وأنا اعشقكك

وسكر

أمل لبست بجامتها وتمددت على سريرها ذكرت الورد

اخذته وشافت الكرت

الى اميرتي الفاتنة اعشقك حد الجنون

نواف

امل /مع الشباك رمت الورد

خالد / ياطول العمر

نواف /نامت

خالد/ ما اعرف بس الورد كالعادة بالشارع رمته ماودك نغير لها يمكن تكره الورد

نواف /هههههههههههههه

طفت النور والا باقي

خالد /ما أشوف من الستارة بس كانت خافت لما فتحت الشباك

نواف /تقدر تنام

سكر منه

نواف

الو فيصل

فيصل / هلا والله بأبو فهد وينك ما عاد تنشاف

نواف/غبي انت وش قلت لك

فيصل /والله حولت لريما الفلوس

نواف / يافالح المطلوب 300 بس

فيصل /وانا وش درأني عن قطتهم انت قلت فلوسي

اللي عندك حولها لأختك باسم امل ولك عندي 500

نواف/ مأمنك فأيده والله لازم تخرب علي

فيصل/لا تعصب

نواف /نا بغيت الامر سري وانت واختك وش اقول بس

فيصل /يليل اصلا دايم تحطها براسي

وش سالفتك انت مع امل

نواف /مالك شغل

فيصل /سكر منه وعلى بيت نواف

ودخل عليه بمكتبه

نواف /من قال لك تعال

فيصل /وش فيك معصب اهدى

نواف/ انا أبني منا تجي تهدم من وراي

فيصل /نواف اسمع التحدي خلص وحنا سافرنا وخلصنا والكل نسى السالفة بعد عن أمل

نواف /انت ما تدري السحر انقلب على الساحر

فيصل انا احبها والله صدق احبها نواف يحب تخيل

فيصل /

بطلب لك الدكتور

فيصل/ما فيني شيء ماني تعبان

فيصل / اجلس فهمني من متى تخبي عني شيء

نواف. /فيصل انا احب امل وميت فيها واعشقها واعشق الارض اللي تمشي عليها بعد

فيصل /كل ذا بعد هههههههههههههههه والله طحت ي

نواف ولا احد سمى عليك

نواف /مره تصدق ما أنام لين اعرف انها نامت وماعدا انام كثير لازم اعرف وينها فيه طول اليوم وراها شفت اماكن ما عمري شفتها

وجلس يتكلم عن امل وفيصل ميت ضحك

صديقه نواف العنيد والمغرور اللي دايم يقول ما راح يحب بيتزوج أي بنت من العائلة وخلصنا لا وبعد قايل انه بس خمس سنوات ويطلقها وخلاص بس ذي الزواج

فيصل /اقول يالحبيب

ترى بكره افتتاح محلهم

نواف للأسف ما اقدر اشتري لها شيء لأنها زعلانه مني تقول تكرهني

لأني دفعت عنها

فيصل /ههههههههههههههههه احسن تستأهل من وين لوين تدفع لها

امل مو من اللي تغرهم الفلوس اهلها مد لعينها

ريما تقول انها لبسها كله من اغلى شيء حتى افخم من ملابس اختي

ريما اذا جت تشتري ملابس امل اللي تطلب لها

انت ما تعرف امل

نواف / فيصل تكفى انا صديقك واخوك ابيها

فيصل/ صدق تحبها

نواف /انا خطبتها ورفضت

فيصل /ههههههههههههه منت اول واحد

اسمع تعرف من امل مخطوبه له ورفضته

نواف /من

فيصل /متعب بن عبدالعزيز

ورفضته تبيها توافق عليك انت

نواف / من متعب

فيصل / تعرف عمتي سارة

نواف/ ايه وش فيها

فيصل / يصير ولد اخو زوجها

ولد عم نوف بنت بنت خالي واخو زوجها

نواف /أومأ رفضته

فيصل /ريما قالت لي

نواف /مو هو طيار

فيصل /ايوه هو بنفسه نسيت رتبته بس الوالد ذا ما فيه شيء ينعاب ومافيه بنت من بنات العائلة ما تبغاه

نواف /واذا عاد وانا بعد مزيون موهو لحاله

فيصل /نواف خل عنك منت زي متعب نسينا

نواف /عصب مالي دخل امل لي لحالي وماراح احد يخذها مني لي لحالي لو اموت من دونها

فيصل /منت صاحي ارجع لبيتي احسن

يا فكري السّاهي .. يا دعوة الـ امين

لا قالو عسى اللي مشغل البال يتهنى..

أنتِ قدري (الثاني والعشرون )
الامل

•

•

•

•

رجواي يظل

وجودي بقلبك مثل ما كان ..

ومناي أحيا معك رفيق لآخر العُمُر ..

أمل صحت قبل الظهر أخذت شاور ولبست بنطلون جنز وبلوزه شيفون لونها أزرق ولبست جزمات سبورت وربطت شعرها وجهزت لها ملابس بشنطه ونزلت

ودعت امها ورحاب وعيالها ورفضوا تروح معهم للمطار

محمد /ترى بتاخر

رحاب /انا وعيالي جاهزين وامي بعد عبدالله يحوس يدور له أوراق

محمد/اموله انتبهي على نفسك

أمل/سلمتت على راسه لاتخاف علي

محمد /ولازم تاكلين زين طيب وش تبين هدية من مصر

أمل /ههههههههههههه ابي هرم

محمد /طيب نجيب لك هرم بس وين نحطه فيه

أمل/ ههههههههههههه جنب الفيصليه والمملكه

باست عيالهم وطلعوا

امل /بعد طلعت على المحل

وتجهزيات تشرف على اخر شيء

ريما /انا أسفه راحت علي نومه

ريم/ مافيه احد يصحيك كلنا صحينا وجينا انتي ونوف تتدلعون

ريما/ههههههههههههه نوف اكيد ماراح تجي الا المغرب على الافتتاح وتشوفين

المهم تغديتوا ولا اطلب

عبير/لا مافضينا نطلب او نتغدى

نوف/حنا جينا الغداء العنود عازمتكم على الغداء

أمل /ياقلبي انا نور المكان كله

سلمت على نوفه وعلى طوول اخذت العنود من المربيه

نوف /وش فيكم سحبتوا علي

عبير/ههههههههه الحين الغلا كله لبنتك راحت عليك

نوف /وانا اللي جايبه لكم الغداء من البيت انا وبنتي واخرتها تسحبون

ريما /اقول خلونا نتغداء بس ورانا شغل كثير

تغدوا كلهم ثم صلو العصر وكملوا شغل ترتين الورد وأماكن الضيوف

وكل شيء

أمل/خلاص كل شيء جاهز

ريم/اموله اللي خبرك جاهز بعد

عبير/بنات بما اننا خلصنا بدري خلونا نتقهوى اطلب لكم

ريم /لا اول خلينا نتجهز بيجنا ضيوف الحين

الكل لبس وجهز

أمل /فستان أسود طويل بيد وحده فيه كرستال يجي من اليمين لين يطلع للكتف ثم طبقه من الشيفون ثم الكرستال ومشدود من الصدر وتحت واسع بقصات

سوت مكياجها بنفسها ظل احمر وروج احمر وبلشر ورسمت عيونها وحواجبها و جالسه تلبس الطقم

عبير/اموله خلصتي

أمل/ بس ذا واخلص

عبير/مره حلو فستانكك

كل البنات متفقين يلبسون فساتين أسود وعبير ماتدري طبعا

عبير لبسه فستان أحمر قصير صدره كله تل وخرز وكرستال وتحت قصه فرنسيه

أمل/ ليه ماحطيتي مكياج

عبير/تسوينه لي

أمل /هههههههههههه الحين المحل محلنا ليه ماخليتهم يسوون لك

عبير /لاخلي كل شيء جديد

وكل البنات بعد كذا مانبي تخرب

أمل/سوت لها مكياج ملكي وخلصت طلعوا الا كل البنات طلعوا

عبير/اموله وين البنات

أمل/ماعليك البسي عبايتك وخلينا نطلع

عبير/وين حنا المغرب بيجون الضيوف بعد شوي

أمل/ اعرف ماراح نطول

لبسوا عبايتهم وطلعوا ودخلت فيها امل للمحل

عبير/اموله بنحضر عند ذولا

أمل /نزلي عبايتك بسرعة الناس تنتظر

عبير/ امل وش السالفة

أمل/ سوت لمسه اخيره على شعر عبير ومسكتها ومشت

البنات سبرايز

عبير/وش ذا

ريما/مبروك عبورة تستاهلين أكثر واعذرينا على القصور

نوف /مسكت عبير اللي مومستوعبه

مبروك ياحلا مصممه نبي نشوف أبدااعك المكان ذا كله هديه منا لك

عبير/لا مومعقول

ريم/ ضمتها هي والهنوف لاتبيكن وبعدين ترى الارباح النصف بالنصف هههههههههههههههه

عبير /الله لايحرمني منكم

أمل/ ولامنك بلاش دموع يروح تعبي من اليوم اسوي لك مكياجك

ثم تجمعوا على الكيك وصور مع عبير

وصور جماعيه عاد مره طلعت حلوه لانهم كلهم فساتينهم سوداء ماعاد عبير والعنود بنت نوف فستانها أحمر صغيرون

عبير/ فديت النتفه اللي حاضرة معنا

نوف /ههههههههههه اليوم ما نامت كل يوم نايمه طول الوقت

أمل /على شاننا صحت وشايلتها لين نامت

فتحوا الباب اللي بين المركز الريئسي وبين دارHope (الامل)

البنات اختاروا الاسم مو على شان أمل على شان كل المشروع راح يفتح الامل بحياة كثير من الاطفال المرضى والايتام بحياة فيها فرح وسعادة

وبعد نوف تقول لامل لأنها اول من قال الفكرة

ريما/عبوره عاد زواج اختي وانا وخواتي كلنا راح نطلب من تصاميمك

ريم /بعد انا ابي فستان

نوف /وانا بعد ابي فستان لي وللعنود

عبير/اصبروا علي

الهنوف /استني بنات عمي كلهم راح يطلبون من عندك فا خليك مستعده

والله يوفقكك

عبير/ضمت أمل وتبكي

أمل /وش فيك ليه تبكين الحين حستي اوم الدنيا

ريما /هههههههههه ماصير ماتبكي اوم دميعه

عبير/امل ما ادري وين اودي جمايلك علي

أمل /وش ذا الكلام وترى المره مو مني ريم اللي اختارت المكان وفكرتها اننا نخلي لك مبنى لحالك

ريم /يعني دايم مامني فايدة هههههههههههه ترى يطلع مني

عبير/الله يحرمني منك

بعد البنات صلوا العشاء وطلعوا للمبنى الاول وكل شوي جاي ضيوف

عاد بس اليوم للضيوف بالدعوات الدخول

مركزهم بالعليا وبمكان حلو وراقي

واصلا راح يكون زباينههم من أهل الدخل المرتفع

الكل معجب بالمكان وبذوق البنات وجاتهم حجوزات لين شهرين قدام

وعبير/عندها مره زحمة

ريما/ جاتها بااقات ورد من خطيبها ومن اخوها فيصل ومن أبوها

ريم /بعد من امها وابوها واختها موضي

عبير/ من أمها

الهنوف/من ابوها وبوكيه كبير من اخوانها

نوف /باقه من سلطان وهديه لها مع هدايا للبنات وهديه خاصه وصغيرونه للعنود

ومن أخوانها عبدالعزيز وسعد ومن خواتها ومن امها وابوها

وبعد من الجوهرة وامها اللي حضروا الافتتاح ومن جود ومن متعب

متعب طالب لنوف وأمل

المرسل طبع سلطان

أمل/ جاتها من عمها سعود وعمها علي

من عيال مها اختها عبدالمحسن ورائد

جاتها من متعب باقة ورد وهديه

ومن نواف باقه مع هدية

والبنات جاتهم هدايا اطقم الماس من الجدة لولوة

ريم/ هههههههههه اموله انتي ونوف اكثر الهدايا والورد

أمل/ ههههههههههههه ياغيوره

ريم /وناس باسبانيا ترسل يويل حالي شوفي وش لقيت بالباقه

أمل /وش حصلتي فراشه هههههههههههههه

ريم/يس

طلعتها فراشه الماس عقد

مره يجنن نعوم حيل

أمل /من أي باقه

امل/ شافت هدية نواف

ريم /مكتوب بالبطاقه محبك متعب بن عبدالعزيز وبيتين شعر

أمل /طيب وانقلب مزاجها

جمعت اغراضها وطلعت

نواف /ارسل لها رساله

بعد قلبي مبروك الى مزيد من النجاح ان شاء الله تفرحين بالفرع الثاني والله لايحرمني منك يالغاليه

أمل /معصبه اسلت له

بعد عني والله مايصير طيب

نواف /ماراح ابعد وش تبغين تسوين وبعدين ليه معصبه

أمل /بعد عني مو خطبت وانا رفضت بعد عني بتلاقي مليون بنت غيري

نواف /مافي الا أمل وحدة

أمل / ارسلت فيس معصب

رجعت للبيت وعلى غرفتها تبكي بفستانها

طلعت الشغاله بالاغراض ونزلت

نواف /ارسل رسايل ماردت عليه علق اتصالات وبعد ما ترد

أمل /قفلت كل جولاتها وكملت بكي

ماحست الا شيء يضرب بالشباك

امل /يمه وش ذا

قربت للشباك الا احد يرمي عليه

طلعت من غرفتها ودخلت بغرفه اللي جنبها ومن حسن الحظ ان الشغاله تاركه الشباك مفتوح لما كانت تنظفها وامل ماشغلت اناره فيها وطالعت الا نواف برمي حصى صغار على شباكها

رجعت لغرفتها فتحت جوالها الا 100 مكالمه من جوالات نواف

امل /الو كسرت الشباك

نواف / ههههههههههه الشباك بداله شباك

امل /وش تبغى مني بعد عني ابعد عني تفهم وسكرت بوجهه

ارسل لها فيس حزين

ونام بسيارته والفجر رجع للبيت

أمن صحت وهي تخطط وعزمت البنات

عندها بالبيت

ومشغوله ترتب وتفكر وتحجز

نواف / بعد مشغول معها

طلب لها فستان احمر من المصمم ايلي صعب

وطلب لها طقم الماس

وطلب حلويات من فرنسا

فيصل /وينك لي يومين ادورك اتصالات ما ترد اجي البيت مو موجود

نواف/ مشغول ياخي وش تبي

فيصل /وش مشغلك

نواف/عندي عزيمه هههههههههههه

فيصل /ليه ما عزمتني وين العزيمه بالبيت والمزرعة

نواف /ههههههههههههههههه اسمع ابغى لي بيت فرنسا

ماني فاضي ادور لي مكاتب دور لي

فيصل / وش وضعك علمني من متى تخبي علي

نواف /وش فيك ابي بيت للوالده موصيتي لها شهر وناسي

واليوم سالتي وش صار عليه وصرفت نفسي كالعادة

فيصل / كل شيء على راسي بتصل بخالتي واقول لها ولدك ماخذه عقله بنت ويلاحقها

نواف /روح من مسكك وبتعرف وش راح يصير فيه

فيصل /داايم ماسكني ياخي طيب وين تبغى البيت

نواف /شوف لي بيت كبير بباريس وابي واحد في مرسيليا

وشوف لي معك بعد شقه بلندن على ذوقك وافرشها

فيصل /شقة لندن لك مو

نواف /ايوه ابيها للعروس

فيصل /اوك راح افرشها على ذوقي

نواف/ تكفى مو على ذوقك لاتكرها اموله

فيصل /الحق مو عليك الحق علي اللي معطيك وجهه

نواف /اقول خلص اللي قلته ولايكثر

فيصل /ولسان طويل بعد على الاقل قول بشتري لك شقه

نواف/ ما فكرت

لاجا ولدك ابشر بالهديه

فيصل /هههههههههه

يالله بروح أشوف موضوعك

نواف/ ابي عزيمه اموله احس شيء فديت ذوقها

طلع وحجز زيادة حلويات وقف حجز امل للعشاء والحلويات

أمل /طلعت من المحل وعلى البيت تعبانه اليوم زحمة مره وهي كل شيء على راسها

وبعد يومين العزيمه

جمعتها بالمناسبات كلهاا

على شان الهنوف اللي ملكتها بعد أسبوع وبعد على شان نوف وبنتها

وريما من خطبتها ماسوت لها عزيمه وبعد احتفال بالنجاح للمحل له أسبوع ومره حلو الاقبال

طلبت هدايا للبنات

ما اهتمت بالفستان لان عندها كثير

نامت صحت الظهر خذت شاور ولبست فستان مشجر ورسمت عيونها وروج وبلاشر وطلعت للمزاحمية تشوف امها هياء

رجعت العصر وعلى طول للمحل جلست لحد 1 بالليل

ورجعت نامت

من صحت راحت للبنك

دخلت وعلى المكتب المديره

المديره /كيف اقدر اخدمك

أمل /انا عندي بحسابي غلط فيه خمسه مليون مولي

المديره /ممكن لو سمحتي بياناتك

أمل/ قالت كل البيانات

المديره /مافيه أي غلط تم التحويل لحسابك وقال الوقت والتاريخ وحتى أي فرع حول منه

أمل /طيب أنا أبي أرجع الفلوس للحساب اللي حول لي

المديره / ما اقدر اعطيك الحساب والامر نظامي اخذيه انتي وحلويه مالنا دخل

أمل طلعت معصبه

وراحت على السوق عندها ساعتين روالكس أصليه كل وحده ماكملت أربع لبسات باعتها

وباعت كم طقم ذهب لان رحاب حلفت ما تبيع طقم متعب

بس باعت الفرشة اللي جاتها بالافتتاح

وكملت وصار معها 900الف

رجعت للبيت

وانشغلت وهي ترتب وتجهز

رحاب/ الو وينك

امل /بالبيت امس اتصل عليك جوالاتكم مسكره

رحاب / حصلت مكالماتك مافيه شبكه كويسه وخلود جوالها طاح بالبحر وخرب

أمل /ههههههههههه كيفكم والله لكم وحشه

رحاب كلنا بخير الحمد لله حنا بشرم الحين

أمل/ حركات وين الصور

رحاب /لارجعنا تشوفينها اهم شيء انتي كيفك

أمل /والله بخير الحمد لله مجود كيفك وعيالي اشتقت لهم

رحاب/ والله ندمت انا وخلود اننا اخذناهم المره الجايه بترك عيالي كلهم عندك واخذ شهر عسل جديد

أمل /هههههههههههههههه وانا موافقه

رحاب /فديت اختي حبيبتي كلهم يسللمون عليك

أمل: سلمي عليهم انا عازمه البنات اليوم عندي بالبيت

رحاب / حلو اهم شيء ما تجلسين لحالك هندبعد

بكره راح يرجعون وحنا بعده

أمل /بجيكم بالمطار

وسكرت منها

ورجعت تكمل عندها أوراق وخلصتها الا المغرب ياذن

صلت ثم دخلت اخذت شاور وجلست تستشور شعرها ونزلت بالروب

الا الحلويات وصلت أستغربت الانواع وقالت يمكن نسيت وش طلبت

ورتبتها الشغاله بالمجلس

الا بالصاله ورد هي طالبه ورد بس مو وردها رجع فوق لبست فستان أرزق قصير وفيه لولو وسوت شعره كريلي

شافت نفسها بالمرايه ماعجبها الفستان رجعت غيرته لبست فستان أسود قصير مره وسادة

بعد ماعجبها رمته

لبست فستان تركواز قصير من قدام قصير فوق الركبه ومن ورى طويل

مو مره راضيه فيه صلت العشاء لبست صندل فضي وطقم نعوم وتعطرت ونزلت

الا الصاله علب والورد وسلات حلويات مزينه

وفتحت العلبة الا فستان أحمر

وفتحت االعلبه الثانيه الا طقم الماس

جوالها بيدها ويرنن

أمل/وش يبي ذا الحين

ردت عارفه انه يواصل اتصال فا قالت اتهاوشه معه الحين لا يسوي شيء

أمل/ الو

نواف/ يسعد لي مساءك ياغلاي ودنيتي وقلبي انتي

أمل /وش تبغى

نواف /روحي كيف الفستان والاغراض اذا ناقص شيء ارسله قبل يوصلون ضيوفك

أمل /مليون مره قلت مأبي منك شيء وبعد ابي حسابك

نواف /ناقصك شيء ياروحي احول لك

أمل /راحت روحك ان شاء الله

ابي ارجع فلوسك

نواف/لا تدعين علي ثم تبكين علي المهم البسي الفستان التركواز مو حلو عليك

وبعد الطقم مع الفستان وشاري لك صندل وعطر على ذوقي ترى ذا العطر ما بعد نزل بالسوق انتي أول وحده تعطر منه

أبي حبيبتي احلى وحدة بالكون

والعشاء طلبته على ذوقي وراح يجي المطعم بعد شوي يرتبون

أنا أسف لأني الغيت حجزك حياتي

أمل /هين خلني اخلص بس

نواف /صديقتك عبير عند الباب وانا واقف عند الباب اذا احتجت يشي عطيني رنة

باي حياتي

أمل تغلي عارفه ان نواف مخلي الشغالة جاسوس عليها

طلعت واستقبلت عبير

حاولت تكتم غضبها

سوالف مع عبير وجابت عصير

أمل /ما انتبهت وانكب العصير على فستانها

عبير/ هههههههههههههه وين عقلك

أمل/ ههههههه بغير البيت بيتك

عبير/ما شاء الله طقم الضيافة مره حلوين

أمل /هههههههههههه شركه فرنسيه

عبير/الله يأخذ بليسك

أمل بسرعه غيرت لبست فستان أحمر قصير ويدينه دانتيل وغيرت المكياج بسرعه ونزلت تركض الا ريما وريم وصلوا

أمل/ نور البيت أنا اسفه

ريما /بعد السلام وش فيك عبوره قامت بالواجب وقالت لنا

جلسوا سوالف الا الهنوف جايه وبعدها نوف وبنوتتها

سوالف وضحك لين قدمت امل العشاء هي ماهي راضيه عن اللي صاير بس مجبوره دام البنات هنا ما تسوي شوشره

بعد العشاء وقت الحلويات

ريما /اموله منتي صاحية ليه كل ذا وبعدين ليه طالبه من برى

صايرة مره تتكلفين ترى عادي لو خبر وجبن راضين

أمل /ما عليك عادي وهي بنفسها هين يا نواف اوريك

الحارة مسكره كلها سيارات نواف مأخذ راحته على الاخر

جالس يسولف مع الشباب

أمل أرسلت لنواف عشاء وحلويات

نواف/يابعد قلبي اللي خايفه علي

عاد نواف تباشر خير قالت اخير نفع فيها الدلع

البنات سوالف ثم قلبوها رقص

ثم الكل طلع تقريبا الساعة 2 الفجر

نواف بسيارته

انفتح الباب

طلعت الشغالة بالورد والفستان والطقم ومعها علبه جديده

جلي /ماما أمل قول روح نام

نواف /خلاص روحي وعطاها 500 وراحت

نواف /عرف العلب اللي أرسلها بس مبسوط اموله شاريه لي هديه رغم أنه مو راضي انها رجعت أغراضه

وطيران على البيت

وطلع بسرعه لغرفته

فتح العلبة

علبه لونها أورانج وعليها ورد من فوق

فتحها الا حبات الشوكلت اللي كان يرسلها كل يوم

وفوقها ظرفين

فتح لأول لقى 500 الف

فتحت الثاني لقى رساله ومعها 50 الف

فتح الرسالة

بخط يدها والورق بعطر كوكو شانيل

السلام عليكم ورحمة الله وبركاته

نواف أرجوك رجا اذا صدق تغليني بعد عني

أنا احب ولد عمي وانت تخرب علي بحركاتك

بليز بعد عني الله يخلي لك غاليك بعد عني أنا بعالم وانت بثاني

بعد عني

نواف /باس الرسالة وضحك ونومه

نواف/ ما صحى الا بعد الظهر

اخذشاور واول ما طلع من الحمام مسك جواله

واتصل عليها

جوالها مسكر

اتصل بجوالها الثاني بعد مسكر

اتصل بخالد

نواف /خالد وين اموله

خالد/ ما اعرف انت قلت لي امس أسافر لجدة على شان موضوع البضاعة

نواف /نسيت طيب خلص وتعال

خالد /انا بالطيارة الجايه خلصت كل شيء

نواف/ اتصل بالبيت وردت جلي

نواف /وين ماما امل

جلي /روح بيت ثاني مزاحمية

نواف /مأمنك فايدة وعصب

لبس ملابسة ونزل للشركة

خلص اجتماعات وشغل لين المغرب

وطلع للبيت غير وعلى جناح أمه جلس لين العشاء

غير ملابسه وصلى وطلع للعيال بالاستراحة

خالد /ياطويل العمرماطلعت من البيت بالمزاحمية

نواف /خلك هناك واذا فيه جديد قول لي

فيصل /وينك

نواف /خير وش فيك

فيصل /لقيت المطلوب

نواف /كويس انا جايك

سافر نواف لفرنسا خلص موضوع البيت ثم على لندن اشترى الاثاث بنفسه ثم طلب فساتين من المصمم الكسندر ماكوين بما فيها فستان زواج

ومن دنتيلا فيرساتشي وجورجيو أرماني

فيصل /ليه كل ذا اتفقت معها

نواف /لا بالعكس تاركه الرياض لي ههههههههههه

تقول انها تحب ولد عمها هههههههههههه

فيصل /وانت مهبول طيب البنت تبي ولد عمها انت ليه تشتري

نواف /وانت مصدق امل لو تبي ولد عمها تزوجته من زمان بس تبغى تصرفني

فيصل /المهم البنت ما تبغاك

نواف /يكفي انا أحبها وأمل لي لحالي ما راح احد يأخذها مني فهمت

الاوش صار على اليخت

فيصل /هههههههه سلطان حاول يصرفه ما قدر ياخي عينك فيه

نواف /ايوه خله يخليه هدية زواجي

فيصل/مالي دخل تزوج وبعدين أطلب هدايا

نواف /ان شاء الله قريب جهزوا انفسكم وجيبوا هدايا زي الناس

فيصل / بعد تتشرط انت وجهك

نواف /طنشه ومشى

خالد /الو

نواف /هلا خالد ايش الاخبار عندك

خالد /ياطويل العمر انا الحين بالرياض طلعت واتجهة للبيت اخذت اغراض

والحين بالمحل وعلى حسب معلوماتنا اليوم ملكة الهنوف راح تطلع على الملكه بس مانعرف بترجع للمزاحمية او تظل هنا

نواف /الله يعطيك العافيه لاتخلونها جهزتوا احد بالملكة

خالد /جهزت وان شاءالله الصور راح توصلك على جوالك

نواف/ كفو خلك معها

في ملكة الهنوف

امل /ريما

ريما /عيونها امري

أمل/ابي منك خدمة بس اوعديني ما تسالين

ريما/ امري بس

أمل / تعرفين نواف بن فهد

ريما / ايوه صديق اخوي فيصل وش فيه لا يكون رجع يضايقك

أمل / المهم ابي الآيبان حق حسابه فهمتي ابي تجيبنه لي ضروري

ريما /تبين اكلم فيصل يبعد عنك

أمل /لا انا تصرفت بس ابي اللي قلت ضروري

ريما /ابشري بس المشكلة فيصل مسافر معه بس بجيه لك بطريقتي

أمل /الله لا يحرمني منك ريوم

ريما /الليلة وهو عندك

أمل /مسكتها عمة ريم وطول الملكة معها سوالف

وطلعت

ريما اتصلت بفيصل وبطريقها اخذت الآيبان وبعد قال لها ان نواف يموت بأمل ويبغا يتزوجها بس لا تقول لاحد

امل رجعت للمزاحمية

ولما وصلت

الا ريما تتصل ارسلت الايبان

طلع ثاني يوم للبنك وحولت الفلوس لحساب نواف

نواف /فديت قلبها ياناس عنيدة رجعت الفلوس وانا برجعها بعد يالغاليه بس المره بحسابك الجديد

اليوم الثاني

نواف /خالد ايش الاخبار عندك

خالد

رجعت للرياض مع ولد عمها محمد

وراحت للمحل ثم طلعت ورجعت معه للبيت

نواف /طيب من اخذها للبنك

خالد/ولد اخوها سلمان

نواف /اوك انا جاي بكره

نواف طلع من لندن ورجع لفرنسا

لهيفاء اخته جلس يومين لأنها جايبه ولد ثم رجع للرياض

أمل/ جايه من المحل ونزلت الا نواف بوجها

نواف /الحمدلله على سلامتك

أمل /الله لا يسلمك

نواف/ هههههههههه ما فيه الحمدلله على سلامتك نوافي

أمل /طنشته ودخلت

نواف /رجع لسيارته واتصل عليها

وعلق اتصالات لين طفشت وردت

أمل /نواف بعد عن البيت محمد بيرجع الحين

نواف /بسلم على نسيبي

أمل /الله يخليك بعد عني

نواف /مشتاق لك كثير ومن كثر شوقي بنام عندكم اليوم

أمل /عارفه نواف يسويها

أمل /الله يخليك بعد عني

نواف/ لا تبكين طيب ابعد بس بشرط

ولا عاد تشوفيني بعدها بعد

أمل /بسرعة انا موافقه

نواف /هههههههه فديتك طيب متى تبغين أشوفك ياعمري

أمل /وش

نواف /انا قلت لي شرط وانتي وافقتي

بكره بنتغداء معك

أمل /مستحيل اطلع معك لو تموت

نواف /اجل بنام عند الباب واسلم على محمد

ترى ما يضرك على الاقل نصف ساعة معي ما راح اكلك ترى

وراح ترتاحين مني طول عمرك

أمل /اخر شيء وافقت بعد الضغط عليها

انتي اجمل من توصف بالوجود

والجمال اَصلاً ترى انتي منبعه

في حضوركـ تزهر الزهور ورود

وفي غيابكـ ليل موحش مبشعه

أنتِ قدري (الثالث والعشرون )
.من أجلك

•

•



•

•

من لمح بسمتك يعبر حدود. الخيال

ومن يشوفك ثواني ينفتن بك دهر ..!

أمل /ريما

ريما /امري ياقلبي وش فيك الايام منتي عاجبتني

أمل/ انا خايفه

أمل/ نواف ذا مجنون وقالت لها اللي صار

ريما/ ترها عنيد مره المهم اسمعي اطلعي معه بكره وانا بطلع معك وبعد معك حرس لو حاول يسوي شيء راح يوفقونه عند حده وبعدين وين مسدسك

امل/ معي

ريما /خلاص اخذيه معك ان اطريتي صوبيه برجله

أمل /ان شاء الله ما احتاجه

ريما /شوفي نواف صح عنيد مغرور وبعد اللي براسه يسويه ودلوع بس مو راعي حركات لما يقول كلمه راح يسويها لو يضر نفسه قلت لك اتصرف أنا وانتي رفضتي بس كيف صوروك بالملكه وبمحلنا وبالجامعه مو صاحي ذا

أمل /ان شاء الله مأبي مشاكل والله

ريما/يالله نامي ولا تخافين

أمل /غيرت ملابسها وماقدرت تنام

نواف/حاضن صورتها واحلا نومه

الوقت بطي حيل

العصر

امل لبست بنطلون أسود وبلوزه بيج شيفون وماحطت أي نوع من المكياج

عبايتها بعد بنقوش خفيفة

وجزمات ناعمه بيج وطلعت

نواف /كان بالموقع قبلها بساعة ينتظر

وكل شوي معدل شماغة شوي ينزل نظاراته شوي يلبسها مره متوتر

أمل /بالسيارة تدعي بكل دعاء قدرت تذكره ثم قرت آيه الكرسي وصارت ترددها مع سورة الانشراح

دخلت للمحل وهي ترجف وتحاول تخفي خوفها ريما جالسه تنتظر اشاره

نواف / هلا والله بنور عيوني

أمل/ اخلص وش تبغى مني

نواف /اول اجلسي

أمل /الله طولك ياروح جلسنا

نواف / حياتي وش تشربين ولا اختار على ذوقي

أمل / تتكلم ولا امشي

نواف /وش فيك معصبه الكلام اخذ وعطا وبعدين ياروح نواف

شيلي الغطاء عن عيون عيونك الحلوة

أمل /ما تستحي على دمك

وقامت

نواف /مسك يدها

أمل /صارت ترجف وقلبها يضرب بسرعة

نواف /قرب لها

شال الطرحة عن عيونها

نواف / اه ياعيونك اللي سحرتني بحور فيها

أمل/ تحاول تسحب يدها

بعد عني

نواف /ههههههههههه شال النقاب من على وجهها ورماه

ثم باسها على راسها

نواف /حبيبتي تجهزي لزوجنا

احبك ونزل راسه وباس يدها ثم تركها

أمل دموعها تنزل تمالكت نفسها

وكف على وجهه نواف

نواف / ههههههه مسح دموعها

وطلع

أمل /ظلت واقفه بمكانه ترجف ودموعها شلال

لما هدت شوي لبست نقابها عدلت طرحتها ورجعت للبيت كملت بكي بعد ماطمنت ريما

مر أسبوع من الكلام نواف

أمل /نواف مختفي ما فيه مراقبه ولا حتى اتصالات ولا رسائل

امل /الحمد لله وفى بوعده

ريما /قلت لك اذا قال كلام يسويه

أمل /بس ريوم تصدقين للحين خايفه حركاته تخوفني

ريما /ههههههههههههه والله عاد فيصل اخوي قالي كلام عنه

مجنون فيك ترى على العموم ارتحتي منه ولاتخافين

يوم الخميس

نواف /صحى قبل المغرب اخذ شاور ولبس ثوب أبيض وشماغ احمر

وكبك الماس وساعة رولكس

نواف معه خبر ان أمل باعت ساعتها الرولكس طلب لها ساعات جميع الماركات وبعد 5 رولكس وطلب طقم له ولها

اسم نواف بوسط ساعتها واسم امل بساعته

لبسها باس أسمها وتعطر وطلع على اخر شياكة

صلى المغرب وعلى بيت العم سعود

لما وصل الا الناس باخر ركعه بصلاة العشاء صلى معهم وطلع جلس يلف بالحارة شوي ثم نزل

طق الجرس

فتح الباب محمد بن سعود

نواف / السلام عليكم بيت العم سعود بن محمد

محمد/ وصلت

نواف /اقدر اقابله انا اسف اني جاي من غير موعد

محمد /تفضل الله يحيك الوالد موجود

دخله بالمجلس ودخل لأبوه

جاء العم سعود

هلا ومرحبا الله حي من جانا يامرحبا ومسهلا

نواف/ قام وسلم عليه

وجلسوا

نواف/ انا اسف اني جيت من غير موعد

العم سعود/الله يحيك بكل وقت

نواف /انا نواف بن فهد ….)

العم سعود/ والنعم والله يحيك

نواف/ ما عليك زود ياعمي والله يحييك زود

محمد/ يصب القهوة وماش مواعجبه نواف

نواف /انا أسف لأني اتصلت المرة اللي فاتت المفروض اجي بنفسي

واليوم جيت بنفسي

العم سعود/ ما صار الا الخير

نواف /عمي انا جاي اخطب أمل بنت اخوك

العم سعود /نواف يا ولدي طلبك على عيني وراسي وجيتك بعد

بس البنت ما تبغاك ما أقدر اغصبها الزواج مو بالغصب

نواف /بس ياعمي

العم سعود/ محمد

محمد بن سعود/ سم

العم سعود /اتصل بمحمد ولد عمك خله يجي بسرعة

اتصل محمد ومن حس الحظ محمد كان قريب ما كمل خمس دقائق الا هو داخل عليهم

دخل محمد الا عمه سعود جالس وجنبه ولد كشخة مزيون ما يعرفه

دخل وسلم الا محمد داخل وراه بالشاهي

محمد بن عبدالله / بعد السلام سم بغيتني

العم سعود/ محمد ذا نواف جاي يخطب اختك مره ثانيه

نواف /انا ابغى اختك امل زوجة لي على سنة الله ورسوله

محمد/البنت قالت لا واختي رايها بكيفها ما اقدر اغصبها مالك عندنا نصيب

نواف /طيب تذكروا اني جيت لكم وخطبتها

بعد الطاولة اللي قدامه

محمد /وش فيك الزواج قسمة ونصيب

نواف / اسمع لا تجي بعدين تقول اختي حامل تعال تزوجها انا جيت عارف غلطتي وجيت اصلحها

ما كمل كلامه الا محمد بن عبدالله ماسكه مع رقبته ومحمد بن سعود نفسه

العم سعود /فكوه ومسكك مع ثوبه

وش تقول

نواف/ انا ياعمي لعب فيني الشيطان وغلطت مع أمل عاد الشيطان شاطر المهم انا ابيها وشاريها

محمد بن سعود يغلي >لو تحط بيضه فوق راسة احترقت

محمدبن عبدالله / حاول يمسك نفسه بعد ماهاوشهم العم سعود اللي ماعاد قدر يتحرك من كلام نواف

مستحيل امل بنتي اللي ربيتها تسوي كذا

محمد بن سعود/ هاذي اخر دلعكم لها نزلت روسنا كلنا للأرض

العم سعود /محمد اسكت واطلع برى خاف يسوي بنواف شيء

محمد بن عبدالله/ما عاد قدر يمسك أعصابه

وعطا نواف كف وضربه على بطنه

نواف /المهم تزوجوني البنت والا اطلع

بطلع شوي اذا موافقين خبروني ولا ترى بروح

طلع نواف وجلس على درجات اللي قدام المجلس

نواف /هههههههههههههههههه كفو يانواف فديتني أي ياخدي كسر أسناني الجميلة

محمد بن عبدالله / عمي وش السواه مستحيل اختي تسويها

العم سعود /اللي دمعه بعيونه

محمد امل ما تسويها اكيد من اللي ما يخاف الله غصبها ولا مسوي لها شيء

محمد /اكيد

العم سعود /اسمع روح جيب العله ذا الله لا يعود اليوم اللي

شفناه فيه مالنا حيله نزوجه

محمد / نواف تعال

نواف/ اتصل بالشيخ اللي جايبه معه والشهود بعد جاهزين

ثم دخل للمجلس

نواف/ وش قررتوا

العم سعود/ خلاص بنزوجك الله يلا يبارك باليوم اللي شفتك فيه

نواف /ههههههههههه طيب لا تعصب

دخل الشيخ والشهود

الكلام ذا طبعا قبل يكون الكشف اجباري كان ذيك الايام مو الإلزامي

نواف /عمي كم تبون مهر أموله

العم سعود /كلها خربانة ما نبي شيء

نواف /اكتب مليون ريال وشقه بلندن

عقدوا وخلصوا طلع الشيخ والشهود

نواف /مبسوط اخر شيء ورايق اخر شيء بعد وصور الدفتر ودخل الدفتر الاخضر الصغير بجيبه

نواف /ما فيه مبروك صرنا نسايب

محمد بن عبدالله /وش نبارك فيك

محمد بن سعود /يازين المسدس براسك

نواف / سلم على راس العم سعود ومسح الدمعة الي نزلت من عيونه

وجلس قدامه على ركبه

نواف /عمي انا داخل على الله ثم عليك

ثم نزل شماغه وحطه بحضن العم سعود > تاثير المسلسلات البدوية

العم سعود/ دخلت ولا راح يجيك باس

العم سعود يحسب نواف خايف من تهديد محمد ولده

العم سعود/ محمد ادخل ادخل و يويلك ان تحركت او تكلمت بكلمة وحدة لاحد

محمد بن سعود /دخل وهو يغلى

نواف/ عمي والله العظيم رب العرش العظيم اني ما لمست أمل ولا حتى سويت فيها شيء بالعكس أمل والله ماعطتني وجهه

وقال لهم القصة من البداية من اول ما شاف أمل بالحفلة لين جاهم بالبيت

العم سعود/ ضحك ضحك من قلب ومحمد نفسه

العم سعود /انت مجنون

محمد /والله العظيم لو ما مسكت نفسي كان ذبحتك ولاهمني شيء

نواف /يضحك ويده على شعرها يعدله

والله عادي اموله طيرت عقلي

العم سعود/ياولدي لو جيتني وقلت لي كان تصرفت بس

اللي سويته تهور

نواف/ ادري والله بس أعرف امل عنيدة مراح ترضى فيني

وبعد خفت احد يأخذها مني ثم اموت قهر انا

محمد /منت صاحي والله انت تحفه

نواف/ كيف يعني تحفه

محمد/ يعني غريب بس لو ما مسكت نفسي كان الحين انت ميت

انت جيتني بشرف اختي

نواف/والله لي أسبوع افكر ما لقيت حل اهم شيء الحين انها زوجتي والحمد لله

العم سعود/ بس أمل ما تبغاك

نواف / وأنا اموت فيها عمي واللي يخليك ابي طلب صغير

العم سعود/ههههههههههه ابشر باللي تبي

نواف /امممممممم ابي اشوف اموله حبيبتي لما تقولون لها اني صرت زوجها

محمد/ انا اللي ابي أشوف وجيهكم الاثنين انت والله ما ادري كيف واصفك بس للحق شكلك بتغطي على أزواج خواتي

نواف /بس اموله وحدة ونواف واحد

العم سعود/نواف ومسكه من يده

يا ولدي أمل بنتي و الغالية علي انا زوجتك وانت عارف باللي صار بس أنا ما ارضى تعيش مجبوره على زوج ما تبغاه

نواف/ سلم على راسه ويده

وعد ياعمي قدام الله ثم أنتم ما خلي دمعتها تنزل ما ازعلها أبد لين أموت وبدلعها ضعاف أنا مو بس أحبها اعشق الارض اللي تمشي عليها

محمد /الحين انت المسؤول عنها وانا وعمي انتهى دورنا بس والله يانواف ان بس تضايقت امل ان تشوف شيء ما بعد شفته بحياتك

نواف /وانا اقول التهديد عند اموله من وين وطالعه عليك هههههههههههه

محمد /أختي دلوعتي وروح اخوها اكيد بتطلع علي

نواف/ عمي متى بتقول لزوجتي حبيبتي

محمد/ ما بعد كملنا ساعة زوجتي حبيبتي

نواف /هههههههه مره استحى وحمرت خدوده

العم سعود/اليوم أنا تعبان من ترويعك خلها بكره بعد صلاة العشاء نطلع من المسجد على البيت ونقول لها

نواف/ سلم على راس العم سعود وخشمه ويدينه الله لا يحرمني منك ياعمي ثم سلم على راس محمد

محمد /ههههههههههه والله تخلي الكل يحبك غصب

نواف/ فديتني

محمد بن سعود /لما سمع كلام نواف وموقفه

أستحقر نفسه

طلع من البيت ودموعه على خده انا ما استأهل امل ما استحقها انا ما سويت لها شيء ما كنت زي متعب ولا حتى نواف يستأهلك نواف يأمل يستأهلك اللي ضحى بنفسه على شانك الله يوفقك يالغالية الله يوفقك

نواف /طلع من بيت العم سعود موب فرحان الا طاير من الفرحة وده يقول لأهل الرياض كلهم انا تزوجت اموله

ومنن فرحته جلس يفر شوارع الرياض

العم سعود ومحمد أتفقوا ما احد يعرف بملكة أمل كتموا الخبر

على شان ما يتسرب لها

امل /بغرفتها مشغله موسيقا بتهوفن ومقصره عليها

جالسه تقرا كتاب وتلخص ملت ثم أخذت كتاب رواية جلست تقرا الا نوف تتصل عليها وجلست سوالف معها

ثم نامت وضعها طبيعي

نواف / رجع بعد الفجر

فرحان ويغني

وعلى جناح أمهه

لحظه ………………

نعرفكم على عائله نواف

الام / صيته حنونه حيل عاشقه الادب والخيل وشاعره نواف جاي عليها

مزيونة عيونها نفس نواف الرماديه وشعرها أسود

مقعدة بسبب حادث لما كان عمر نواف خمس سنوات كان معها بالسيارة

نواف ماجاته أي أصابه بس صارت فيه خط بحاجبه الايمن وصار جمالي وميزه اما ام نواف فا معاد قدرت تمشي بعدها

هيفاء /الكبيره متزوجة عيونها سوداء واسعه نحيفه وطويله بيضاء طبعا

خشمها سلت سيف متخرجه قسم لغات ومعها سبع لغات متزوجه ولد عمها وعندها أربع أولاد وبنتين

ندى/عيونها عسليه وشعرها بني عيونها واسعه خشمها سلت سيف

مجنونة اجهزه تخصصها سياسيه

متزوجة ولد خالتها وعندها أربع شباب

العنود/عيونها رماديه وشعرها أسود عيونها واسعه طويله مو نحيفه ولا سمينه خريجة علم نفس تحضر دكتوراه متزوجة من العائلة وحامل

جوري /اخر العنقود متخرجه أدراه أعمال تشتغل مع نواف بالشركة تقريبا كل شيء عليها

تفكيرها أكبر من سنها عيونها عسليه شعرها بني واسعه عيونها خشمها سلت سيف طويلة

نواف /أم نواف صاحية

ام نواف /تعال ياقلبي من متى أنام وانت خارج البيت

نواف /هههههههههه دايم متعبك معي أنا أسف وباس يدينها ورجوالها ثم تمدد بحضنها

ام نواف /وهي تداعب شعر نواف

نواف متى بتتحمل المسؤولية تارك كل الشركة على الجوري

نواف /هههههههههههههه انكشفت

ام نواف/ من زمان أعرف أبيك أشوفك عريس وافرح فيك وتتحمل المسؤولية

نواف/ هذاني تزوجت يالغاليه

ام نواف /خل عنك المزح من تبغى اخطب لك

نواف /جلس وباس يدها والله تزوجت اليوم

ام نواف/ ههههههههههههههه نواف اتكلم جد ياقلبي ابي اخطب لك بنت عمك رنا

نواف/ أنا تزوجت اللي أحبها وطلع من جيبه الدفتر الصغيرون وقف يدور فيه

أنا تزوجت اميرتي حياتي هي

هي لي انا لحالي صارت

اموله لي لحالي

ام نواف/ نواف تعال هنا من أمل

نواف /بقولك كل شيء اصبري علي

نواف جلس قدام أمه وقال لها كل شيء

ام نواف /اخيرا جت اللي خذت قلبك بس والله برافوا عليها

نواف/ افا وقفتي معها علي من الحين

ام نواف /اعجبتني بس ما اعرف يمكن انت من حبك لها

نواف/ لا تكملين أنا متأكد انك راح تحبينها وعد وتقولين ذوق ولدي غير

ام نواف /ان شاء الله تكون على كلامك يالله روح نام

نواف /طلع فرحان الا جوري بوجهه في الممر

نواف /يالله صباح خير وش عندك

جوري /نوافي اشم ريحة خبر

نواف /ما فيه وأشر بالدفتر ومشى

لغرفته

الجوري/ وراه تركض

دخل غرفته وسكر الباب

أمل /صحت الظهر خذت شاور

جلس على بحثها وماطلعت من غرفتها

محمد /اتصل على رحاب وقال لها الخبر وقال تستعد هي وعبدالله

رحاب نزلت بعد الظهر هي وعيالها يجهزون البيت امل ما فكرت بشيء غير طبيعي ولا خرجت من غرفتها نهائي

هشام يلعب عندها ثم نام

نواف/ أول من دخل لصلاة العشاء بعد المؤذن هو صلي ركعتين تحية المسجد ثم جلس يقرا قران

محمد والعم سعود وولده عبدالله صلوا وطلعوا ومعهم نواف

العم سعود / الله حي من جانا مبروك يا عريس

نواف /الله يبارك فيك كيفك اليوم يا عمي

العم سعود /بخير الحمدلله

عبدالله / والله حركات منت سهل بتخرب علينا محمد يمدحكك

نواف/ ياعديلي بلاش غيره نواف واحد بس واموله وحدة بس

عبدالله /هههههههههههه ما جمع الا وفق قدر ولقى غطاه بس امل مو مغرورره زيك والله

دخلوا البيت وجلسوا بالمجلس

عبدالله /جاب القهوة والحلويات والشاهي وكل شيء

عاد رحاب من الظهر تطبخ وتنزين

سوالف وضحك

العم سعود /محمد روح جيب أمل

محمد /اللي تامر فيه ودخل

الصالة فيها رحاب وعيالها

محمد/ سلم عليها وباركوا بعض بصوت واطي

محمد /وينها فيه

رحاب /ياقلبي عليها والله راسها بذا الكتب من صحت

محمد /كويس وطلع لها

محمد /ممكن أدخل

أمل /اكيد

نورت غرفتي المتواضعة

أمل جالسه على طاولة مكتبها صغير لابتوب ابل وعليه برج ايفل وبعد جنبه برج ايفل نحاسي وعلى الطاولة كاس كابتشينو وقلم طويل عليه نجمة وريش وردي وبحضنها كتاب تلخص منه

تركت الكتاب وسلمت على

محمد /كيفك فديت القمر

أمل /الحمدلله بخير

أمل لابسه بنطلون جنز ضيق و تيشرت ازرق ورابطه شعرها

محمد /اموله عمي سعود يبغاك في المجلس

أمل /عمي عندنا

محمد/أشتاق لك جاي بنفسه لك

أمل/ يوه لي أسبوع ما شفته فشيله

محمد /مسك يدها مشينا له

أمل/ اصبر بغير ملابسي

محمد /مو لازم ملابسك حلوه واخر شياكة

أمل /على الاقل روج وكحل

ورشت عطر

حطت روج وردي وكحل بوسط العين ورشت عطر ونزلت معه

المجلس

العم سعود جلس مقابل للباب

نواف جلس باخر المجلس على شان ما يكون بوجهه امل لما تدخل

عبدالله وقف مقابل لنواف حائط صد على شان لما تدخل ما تشوفه

دخلت أمل /وعلى عمها سعود سلمت على راسه ويدينه وعلى خشمه بعد

أمل/ والله انا مقصره سامحني

العم سعود /يأهلا بالغالية بسم الله عليك ماني زعلان منك

وجلسها عمها على الطاولة اللي قدامه بالعادة امل تجلس بجنب عمها لاصقه فيه

مسك يدينها

أمل /بعيونك كلام

العم سعود /فديت اللي تفهم عمها من عيونه

أمل/ الله لا يحرمني منك

يوه عبدالله كيفك

عبدالله /لنا الله من لقى احبابه نسى اصحابه ( يقصد نواف)

أمل /عمي الغالي

العم سعود/ اموله انتي كبرتي وصرتي احلى عروس

وانا

أمل /عمي انا ما اطلع من شورك ابد

العم سعود /خليني اكمل

أمل /ههه انا أسفه حقكك علي وباست راسه

العم سعود/ اموله أنا زوجتك

أمل /توسعت عيونها وفتحت فمها من الروعة

زواج زواج

العم سعود /ايوه ملكة والرجال كويس

أمل /بنفسها >مستحيل يكون متعب لأنه ما رجع ونوف ما قالت لها شيء امس

امل/ اكيد محمد ولد عمي

العم سعود/ وش فيك

امل /عمي ما اطلع من شورك واللي سويته يمشي على رقبتي

وولد عمي ما راح يقصر

العم سعود/ههههههههههههه ما زوجتك محمد

أمل/ اجل من زوجتني وخنقتها العبرة

نواف/ما عاد فيه يصبر اصلا من دخلت وهو ميت ضحك هو ومحمد

وعبدالله ماسك نفسه

نواف/وانا ما عجبتك يامدام

انا زوجك

أمل/ لفت جسمها لجهة الصوت

الا نواف جاي يمشي بثوبه الابيض وشماغة الاحمر وعطره اللي سابقة

امل /تجمد مو مستوعبة تحس انها بحلم

نواف /وش فيك

العم سعود /مسك يدها انا زوجتك نواف

أمل/ لما قالها عمها خلاص صدقت مو حلم حقيقه

انهارات واغمى عليها

نواف /على طول حضنها وجلس يفيق فيها وجنبه محمد

لما فتحت عيونها الانواف بوجها

رجعت اغمي عليها

محمد / بعد عن اختي مهبل فيها بسم الله عليها

نواف /والله ما هبل فيني الا هي

فاقت امل وجلس تبكي

نواف /حاول يهديها

محمد ساكت هو وعمه وعبدالله يتفرجون

امل / بعد عني طلقني ما بغاك وتزيد بكي

نواف/اهدي بس وكل اللي تبين يصير

وهي تبكي

نواف/شاف ما فيه فأيده من الكلام

مسكها من كتوفها وهزها امل اهدي اسمعيني

ارفعي عيونك شوفني

أمل /رفعت عيونها اللي كلها دموع

نواف/أموله بسوي اللي تبغين وبطلقك اذا تبين وبعد بترك السعودية كلها على شان ما تتضايقين

محمد/وعمه سعود من جده ذا وكلامه البارح وين راح معقول بتنازل عن حبه

نواف /امل اهدي لا تبكين ابي بس تحطين عيونك بعيوني وقولي نواف ما ابغاك طلقني وعد راح اطلقك قدامهم

أمل /وعد يانواف

نواف /وعد يا عيون نواف وفك يدينه وبعد عنها خطوه

امل /جالسه على ركبها ونواف اللي قريب منها ما بعد مره بنفس الوضع

أمل /رفعت عيونها لعيون نواف ثم جمعت قوتها

نواف انا ما أبغاك طلقني

من يناظر في عيونك

ما يتوب .. بَحَر عينك من توسط به هلك !

أنتِـ قدري (الرابع عشر)
أحبك بجنون

•

•

•

•

غار القمر من حسنك

وسمّا عليك والنّجوم ان شافتك تلحق وراك

المجلس

بيج مع زيتي

وسط سجادة إيرانية مورده

الطاولات عليها ورد وعلب شوكلت صغير

نواف وأمل

أمل /نواف وعيونها بعيونه ودموعها تنزل

وبوجه نواف اللي نزلت دمعه من عينه

طلقني أنا ما أبغاك

ثم رمت نفسها بحضنه

نواف /ضمها بكل قوته وخلاص انكسر غروره وصار يبكي

عبدالله /حط شماغه على وجهه مستحي وطلع

محمد /مات ضحك وبعد منحرج من تصرف أخته

العم سعود/ههههه بسم الله عليها والله بكاشه

اموله ليه كل ذا وانتي تبغينه

نواف/فاق وفك يدينه ومسح دموعها

محمد /هههههههههههه ويرمي عليه علبة المناديل

نواف /اخذها مسح دموعها ثم باسها على راسها

وقام ومسكها بيدها وهي زي القطه

البريئة ماسوت أي حركه بس تطالع فيه

غسل وجهها من المغسلة اللي جنب المجلس

وغسل وجهه

وفك الربطة من شعرها باس يدها ومسكها ورجع للمجلس

محمد/والله انتم الاثنين مجانين

العم سعود / تعالوا هنا

جلست امل جنب عمها وهي مره مستحيه

وجنبها نواف

العم سعود/ باسها مبروك يالغاليه وش قلتي تبغين يطلقك

أمل /نزلت راسها ونزل شعرها على وجهها

نواف /حياتي انتِ ورفع راسها وبعد شعرها

طلع من جيبه خاتم ألماس ولبسها بيدها

وباسها

محمد /استح شوي

نواف /زوجتي ما فيها شيء

محمد/نواف سالك تبغين يطلقك حنا جالسين عادي ما نبي نغصبك

نواف/ لا ما تبغا

العم سعود /اسكت انت

اموله جاوبيني تبغينه يطلقك وماسكها بيدها

أمل /ساكته

محمد/نواف بعد عنها اموله ما تبغاك

نواف/مسك يديها الثانية اموله صح تبغيني زوج وحبيب لك وراضيه فيني قولي لعمي

أمل /ما قدرت تتكلم وجهها صار فرواله

العم سعود /اموله تكلمي ما عليك منهم وضمها ورجعت تبكي

عمها سعود/همس بأذنها اعرف انك تبغينه وعاجبك

أمل /الله لا يحرمني منك

العم سعود/احلى عروس والله الله يوفقك ويسعدك مع ذا المجنون

نواف ما اوصيك عليها

نواف /امل بعيوني

محمد /دامك تحبينه وتبغينه ليه ما بيه ما بيه الوالد بغى يموت بسبتك

أمل /وانا وش دخلني

نواف/ انتي راس السالفه والله يا عمي حفظت الاحياء اللي عندكم كلها حفظت بنات الجامعة

كله منها نزل وزني من كثر ما امشي وراها

العم سعود/ هههههههههههههههه تستأهل

نواف/عمي اعرف كل شوي اطلب منك بس انا اعرف اني غالي عليك

العم سعود /غالي من غلا زوجتك

نواف/ ياقلبي يزينها يعمي

ممكن اخذ زوجتي اتعشا معها

محمد/ لا

نواف /انا طلبت من عمي

العم سعود/بس ساعة وترجعها

نواف/والله ما تجي انا حاجز المطعم وبس المسافة ساعة ما يمدي أوصل

العم سعود/ ياربي منك ما يأخذ الواحد منك حق من باطل

محمد/ههههههههههههههههه والله يعمي ذا بيخرب علينا أمل

نواف /حياتي انتي البسي عباءتك وخلينا نطلع

امل/ابي اغير ملابسي

نواف/ملابسك عجبتني ومره حلوه

أمل /لا ما بي ما يصير اطلع كذا

طلعت من المجلس

الا رحاب بالصالة تنتظر وش الاخبار

رحاب/ضمتها مبروك ياحلى عروس

أمل /الله يبارك فيك

رحاب /كيف شفتي العريس

أمل/ انرسمت عليها ابتسامه خجولة

رحاب /حركات

أمل /مدت يدها لرحاب للخاتم

رحاب /مره حلوه الله يوفقك ويسعدك يالغاليه

أمل /لازم اطلع اغير بسرعه سلمت على راسها وركض على الدرج

أمل /طلعت على غرفتها

لبست فستان أسود قصير عاري الصدر وفيه شريط فضي جاي على ورى ومن تحت واسع

رفعت شعرها وحطت مكياج خفيف وتعطرت ولبست الطقم اللي شاريه هديه الافتتاح

الماس ناعم فيها زي الورود صغيره

وصندل أسود بشرايط ربطت بساقها

ولبست عبأتها وأخذت شنطة فضيه صغيره بيدها ونزلت

محمد/بالصالة عند رحاب واقف يبغاها تستعجل امل اللي تأخرت على نواف

محمد /اخير نزلتي الرجال مل

أمل /أنا اسفه

محمد /الله يعنيه عليك والله

طلعت أمل مع نواف

نواف /تو ما نورت سيارتي

أمل /بنورك وهي خجلانة

نواف /أموله ومسك يدها احبك

أمل /ماردت عليه

نواف/ شوفي من الحين اقولك تستحين ما تمشي عندي بعدين وين راح لسانك لما كنتي تهدديني

أمل /صارت تضحك

نواف /فديت الضحكه الحلوة

نواف/ فتح الدرج اللي قدامها وطلع علبة صغيره

نواف /حياتي افتحيها

فتحتها أمل ساعة رولكس

نواف /البسيها شوفي أسمي منور فيها

أمل /مره حلوه

نواف /عجبك ذوقي

أمل /مشكور روعة

نواف/ ليه بعتي ساعاتك

أمل /انت عارف ليه

نواف/طيب لا تعصبين ياقلبي شوفي ساعتي حلوه اكيد دام أسمك منور فيها

نواف/ قاصد يمد يده تشوف الساعة وبعد يعني يبغى أمل تدلعه بس باءت محاولاته بالفشل كان يحلم انها تبوس يده

أمل/مره حلوه وقرصت يده لين بعدها

نواف/ أي مرهة تالمني

أمل /دلوع

نواف /ايوه دلوع وابيك تدلعيني زيادة عندك شيء

أمل /لا

نواف/ وصلنا انزلي

نزلت ونزل نواف ومسك يدها ومشوا

أمل /اترك يدي فشله

نواف/ وش فشلته رجال وزوجته بالله وين الفشيله

طلعوا على مطعم البلورة

المكان كله فاضي بس طاوله وحدة وحولها شموع وورد

نواف / ساكت مرتبك بس أنا وانتي هنا

أمل /نزلت عبايتها وجلست

نواف /ساكت مرتبك نواف نقطة ضعفه عيون أمل تضيع علومه لما يشوفها

نواف /حبيبتي نتعشى ولا نطلب عصير

أمل /على راحتك اللي تبغى

نواف /تبين الجد أنا جوعان ما اكلت من صحيت عندك

يا دوب الحلا والمعجنات عندكم

أمل /ههههههههههه طيب اطلب العشاء دامك جوعان

نواف /تسلمين لي ياروح نواف وطلب العشاء ثم جاء العشاء

نواف /اموله ممكن أسالك سؤال وتوعديني تقولين الصدق

أمل /انا ما اكذب

نواف/اعرف بس اخاف تصرفيني

أمل /أسئل

نواف /أمل من متى وانتي تحبيني

أمل /من أول ما نمت عندنا بالحارة عجبتني حيل يومها

نواف /أومأ من ذاك الوقت وانتي معذبتني

أمل /ايوه وانا وش درأني يمكن كنت تلعب علي وكذا وبعدين

نواف/خلاص بس جد الله لا يحرمني منك مسك يدها وباسها

أمل/سحبت يدها بسرعة

نواف /يا خوافه ما راح اكلها

أمل /ماني خوافه تبي دليل

نواف / رجع بظهره على الكرسي بكل ثقه هاتي طلعت من رجلها مسدس

نواف /مسك راسه

أمل /هههههههههههه خفت

نواف/ اموله بعديه ما بي معك أسلحه وش ذا وين راحت النعومة

أمل /عادي من زمان وهو معي بكل مكان وتبي الصدق كنت ناويه أفرغه فيك

نواف /اهون عليك تشوفيني ميت

أمل/ ازعجتني

نواف /ليه موافقتي لما خطبتك الاولى

أمل /كنت محتاره وكنت مره طفشانه منك

نواف /خلينا نرجع عمي يتصل تأخرنا عليه

نزلوا

طلعوا وبالسيارة

نواف/اموله انا أخذت أذن من عمي وبكره راح اجي اخذك الظهر

أمل /ليه وش له اطلع معك

نواف /هههههههههههه تراني زوجك عادي حتى ما اسوي زواج ولا شيء واخذك ونسافر تدرين فاتتني ما قلت لعمي بلا حفله بلا زواج واخذتك وسافرنا ولما نرجع نسوي

أمل /سلامات ما بي

نواف /المهم نرجع للسالفة انا بأخذك للوالدة تشوفك وبعد تتعرفين على خواتي

أمل /اخاف ما أعجبهم

نواف /لا تخافين أنا متأكد انهم راح يحبونك

واعرف راح تقول لي عرفت تختار يا ولدي

أمل /بس برضوا خايفه

جلس نواف /يتكلم عن أمه وخواته لين وصل للبيت

نواف /الو عمي

العم سعود/هلا بالنسيب

نواف /انا قدام البيت تامرني شيء

العم سعود/سلامتك وعلى وقتك

نواف /تصبح على خير وسكر

أمل/ تصبح على خير

نواف/ اموله انتظري

ونزل وفتح السيارة وطلع علبه كبيره

أمل /وش بعد

نواف /وش فيك ما تحبين الهدايا

أمل /بس انت جايب لي خاتم ثم ساعة تكفي والله

نواف /انتي زوجتي واصلا ما بي تجهزين شيء كل شيء خلاص طلبته من أسبوع

أمل /صاحي انت

نواف /هههههههههههههه يس المهم ذا فستان ومعه صندل وطقم

أبي أشوفها عليك بكره

أمل /ما بي اخذها عندي فساتين كثير

نواف/ ما بي عناد انا قلت تلبسينه

أمل /وأنا قلت لا

محمد/ وش فيكم عيب بالشارع حنا

نواف /وش اسوي فيها عنيدة

أمل / طنشته ودخلت

محمد /وش فيك

نواف/ ابد على شان الفستان

محمد /بس أمل عندها فساتين كثيره

نواف /اعرف وحاسب حسابي انها بتسوي كذا بس ذا فستان الحفلة الاسبوع الجاي هههههههههههه

محمد /فريت راسي منك لزوجتك

نواف/ فديت زوجتي العنيدة المهم اخذ الفستان

دخل محمد بالعلبة

أمل /اول ما دخلت الا موسيقى واغاني ورقص

هند /الف مليون مبروك ياموله الله يوفقك

خلود /احلى عروس الله يوفقك ويسعدك مع نواف مبروك يالغاليه

ريم / والله ماني مصدقه للحين مبروك يالغاليه

ثم جو بنت وعيال خواتها وسلموا وجلسوا رقص

محمد/وين عروستنا

أمل /امرني

رحاب /هههههههههه عارفه نفسها

محمد تعالي

جلست جنبه

محمد/ اموله الحين انتي متزوجة الحين ابي تكونين عاقله ما بي عناد

نواف حبيب عاد هو دلوع شوي وعنيد الرجال يبغا من يفهم من الحين ما بي و ما بي و تطنشينه

أمل /شكا لك

محمد /ههههههههههههه والله نواف حبيب انا للحق ماكنت ابغاه وعارفه كنت أبي متعب بس والله نواف ما شاء الله عليه حطيه بعيونك

أمل /طيب ترى أمداني حتى توصيني عليه

رحاب /محمد ما عليك انا وهند وخلود بفهمها

محمد /رحاب انتي المسؤولة

الخميس الجاي حفله صغيره راح يسويها نواف بس اهله وانتم بس وبعدها بشهر الزواج

أمل /موب على كيفه متى بتجهز وأشتري

محمد/ نواف طلب اكثر الاغراض وذا فستان الشبكة

هند /فتحت العلبة

فستان لحمي طويل عاري الصدر

الصدر كله نقوش بكرستال مغطي الصدر كامل ثم ينزل على جنب

ضيق ثم يتسع تحت بطبقات من الشيفون وبين الطبقات ورد وله ذيل من ورى

رحاب/ مره جميل

أمل /ما بيه

محمد /بتلبسينه غصب

أمل /رجعوه له

بنات ريم أنهبلو عليه

أمل /طلعت لغرفتها

غيرت ملابسها وتمددت على سريرها

هند /ممكن أدخل

أمل /تفضلي

هند /جلست جنبها على السرير

فديت العروس

أمل /خلاص ما صارت

هند /أموله نواف يحبك لا تعاندين ليه كذا

والله الفستان مره جنان

أمل /بس انا أبي اختار بنفسي ما بي يفرض علي رايه

شوفي كم رساله مرسل

إزعاج

هند /ههههههههههههههه امل اعلقي واعرف انك تحبينه تحمليه ومشي الامور مو كل شيء تدققين فيه وبعدين احمدي ربك شاري لك ومريحك يختي زوجك ذوق الله يخليه لك

امل /بكره بياخذني لأهله

هند/اعرف محمد قال لنا

أمل / خايفه ما يحبوني وما اعرف وش ألبس شيء يناسب

هند /اول شيء خلك على طبيعتك ومتأكدة راح يحبونك

أمل /نواف بعد قال كذا

هند /وبالنسبة لملابسك كل ملابسك حلوه

فيه الفساتين الأخيرة اللي طلبتها مره حلوه وما لبستي منها شيء

أمل /طيب وش رايك بفستاني الازرق ونطت من سريرها وطلعته من الدولاب

هند /حلو وناعم

بس خلي شعرك عادي شعرك حرير مو لازم تسوين له شيء

امل /ابي اقصه

هند /لا تقصينه انتي مره حلوه بشعرك وانا وعمي رافضين ممنوع تقصين شعرك

امل /ههههههههههههههههه نواف راح يخليني اقصه

هند/ لا رحتي بيتك قصيه براحتك

يالله نامي

أمل/ طيب طلعت هند

أمل /جلست تقرا رسايل نواف

نواف /ليه ما تدرين علي

أمل /وش اقول

نواف /اللي تبغين الحين أنا زوجك مو زي زمان تقولين ذا رجال غريب

أمل /طيب

نواف/اموله ممكن تلبسين الساعة وما تفارق يدك

أمل /من عيوني

نواف /تسلم لي العيون وراعيتها

احبك

أمل /ترى أستحي

نواف/يالله صلي وادعي لنا ونامي

أمل /طيب

نواف /وش طيب ذي قولي اللي تامرني فيه حبيبي

أمل /ارسلت له فيس مستحي

نواف /أرسل لها مقطع فيديو

واقف بالحديقة لابس شورت سماوي وتيشرت رالف روين أبيض

روحي أنتي أحبك ياروح نواف نامي ولاتخافين الوالدة اصلا قالت لي برافوا ولما شافت صورتك قالت مزيونة يعني الوالدة عطتك الموفقة من قبل تشوفك وترى بالقليل تمدح أحد قبل تشوفه نامي يا حياتي انتي

أمل /اوكي بنام تقدر تنام

نواف /نوم العوافي ياقلبي انتِ

أمل /توضأت جلست تقرا قران ثم أذن ودعت بعد الاذان لها بحياتها الجديدة ثم صلت وجلست على سجادتها تقرا الاذكار ثم نامت

نواف /بغرفته والجوري تعلق عليه اخر شيء مل منها وطلعها برى

رحاب /أموله اصحي

أمل /تسحب مفرشها على وجهها وكملت النومة

رحاب /متى بتصلين وتتجهزين بيوصل نواف وانتٍ نايمه

أمل /رمت المفرش و وركض على الحمام

رحاب /هههههههههههه وينك رايحه صاحيه ولا للحين نايمه

أمل /تعدل شعرها صحيت كم الساعة

رحاب/ 11ونصف

أمل /رجعت على سريرها وتخبت تحت المفرش

رحاب /سحبت رجلها

أمل/ لسي بدري

خليني أنام شوي

رحاب/ ما فيه وقت خلصي بدري احسن

ويالله بعد الويل صحت 12

خلود/مساء الخير

رحاب/ هلا والله

خلود /وين العروس

رحاب /توها دخلت تأخذ شاور جننتني ما تبي تصحى

خلود/ ما تعوده تصحى بدري لها فتره

رحاب /وين عيالك

خلود/ خليتهم بالبيت بس مجود معي

رحاب /زين أسمعي بانزل اسوي لها شيء تأكله

خلود/حلو فستانها بسوي شعرها وانتي ضبطي المكياج

رحاب/ لا تسوين لها كريلي خليه نفس ماهو ما يحتاج تعديل

خلود/اعرف هند قالت لي بس نرفعه من قدام وخصله صغيره يكون أحسن

رحاب /فديت ذوقك ياوم الذوق كله

نزلت رحاب للمطبخ

خلود/ جهزت ملابسها اختارت طقم نعوم ألماس وتجهزت ادوات المكياج والمناكير وكل شيء

طلعت أمل /بروبها العنابي

أمل /خلود هنا يامرحبا

خلود /عروستنا الحلوة يسعد مساءك يا اميرتنا

أمل /بخير الحمدلله بس وربي ابي أنام

خلود/هههههههههههههههههه صلي وخليني اسوي شعرك بسرعه

صلت امل ثم خلود أستشورت شعرها

أمل/خلود اممممممممم احس لو اخليه بدون الرفعة اللي قدام أحلى

خلود/ ذي رحاب تحكم

رحاب / كذا شكلك حلو يالله سويت لك ساندويش اللي تحبينه

أمل/ مالي نفس اكل شيء

رحاب/ لازم تأكلين ما يصير تروحين جوعانة والغذاء راح يتأخر اكيد بسرعه متأخرة مره

امل/بعد أصرار خلود ورحاب اكلت نصفه بالغصب وكملت كأسة العصير

ثم سوت لها رحاب المكياج نعوم اخر شيء ظل وردي مره هادي ورسمت عيونها وحواجبها وحطت لها بلشر وروج

رحاب/حطت لها مناكير ورسمت عليه

رحاب / خلصنا البسي فستانك

أمل/ لبست فستانها أزرق قصير تحت الركبة

من فوق عاري والصدر مسكر بس بالطول

ثم جاي شريط حرير فيه ورده ومن تحت طبقات

لبست جزمات كعب أزرق

ثم لبست طقمها

وعطرتها رحاب

وخلود/مسحت على يدينها بورد معتق

أمل/ خلصنا

خلود/زوجك تحت شوفيه

أمل/ جوالي معلق

نواف/مساء الخير حياتي

أمل/جالسه على سريرها تربط لها خلود الاسواره

أمل / سوت صوتها تعبان

مساء النور وتكح

نواف /اموله انزلي الوالدة تنتظرنا

أمل /وش تنتظرنا وتكح

نواف /وش فيك بسم الله عليك وش فيك صوتك كذا

امل /ما فيني شيء بس زكام وحراره بأخذ دواء وانام

نواف/ وش تسوين

أمل/ بسريري نايمه

نواف / ا لبسي عباءتك بأخذك للمستشفى خوفتني عليك

أمل/ ما اقدر امشي مو لازم

نواف/ اموله انزلي ببجامتك لاتغيرين عباءتك عليها ما يحتاج بسرعة انا تحت

خلود /حرام عليك

أمل/احسن جنني معه

لبست عبايتها واخذت شنطتها

ونزلت نواف اتصل بالمستشفى و خلاهم بحاله استعداد

طلعت امل وركبت جنبه

نواف/ من خوفه عليها ما انتبه طرف الفستان ولا للخواتم بيدها

نواف /حبيبتي وش تحسين فيه وين الم

ويحط يده على راسها ما فيه حراره

نواف /ما عندك حرارة ماسك يدها وعيونها تنتظر اجابه وفيها خوف عليها

أمل /ما قدرت تمثل اكثر من حركات نواف اللي مو قادر يسيطر على نفسه

نواف /وين الالم بطنك ولا راسك قولي ا اا

حلقك يعورك

أمل/ ههههههههههههه ما فيني شيء

نواف /امل ليه تضحكين

أمل /نواف لا تعصب كنت امزح

نواف /متأكدة ما فيك شيء

أمل /والله ما فيني شيء بس مسويه فيك مقلب

نواف: باين معصب مسك جواله

اتصل بالمستشفى واعتذر منهم وسكر

ونزل جواله ومشى

أمل /شايفه من مشو وهو ساكت ولاتقدر تشوف عيونه من النظارات

أمل / نواف زعلت

نواف/اكيد زعلت انا خفت عليك حيل وحتى اتصلت بالمستشفى على شانك واخر شيء تضحكين علي

أمل /والله كنت امزح وماكنت متوقعه انك بتزعل

نواف /الا زعلت مره بعد

أمل /نوافي بليز لا تزعلت

نواف/نوافي زعلان منك

وجلست تترجى فيه

نواف /مسوي الزعلان

دخلوا مع البوابة

امل/ انا خايفه

نواف /ليه خايفه

أمل/خايفه من امك وخواتك واول مره يشوفوني

نواف وقف السيارة

أنزلي

أمل/ وانت

نواف/بجلس هنا لما تدخلين ثم انزل انا محد قالك تزعليني

أمل /نواف بليز

نواف /انزل معك اذا رضيت

أمل /وش يرضي نوافي

نواف/ بوسه

أمل /ما بي وبعدين عيب حنا عند الباب

نواف /اجل انزلي لحالك بسرعة الوالدة تنتظرك

أمل /ماسكة يد نواف بليز حبيبي انزل معي

نواف /برضوا لا

ويأشرلمكان ا لبوسة

أمل/ مستحيل

نواف /وانا زعلان وانا حر

أمل /حرام كذا

نواف/ بسرعة ولا نزلت أنا وتركتك

وفتح بابه

أمل /بسرعة رفعت نقابها وباسته على خدة ونزلت

نواف/ نزل صح مو اللي أبي بس مقبولة هههههههه

ومسكها ودخلوا

اول ما دخلت المدخل كله رخام أبيض وفيه رسوم باللون الازرق

والاثاث المتناثر بعد بدرجات الازرق مع الذهبي والورد بكل مكان

نزلت عبايتها وزادت العطر

نواف /شعرك كذا مره حلو احس الشعر كذا على طبيعته

خلصتي

أمل /جاهزة

نواف /مسكها بيدها ودخلوا داخل جلسه عكس المدخل لونها عنابي مع ذهبي ولوحات كبار بالجدار مطلعه على الحديقة بجدار كله زجاج

نواف /السلام عليكم

الكل وعليكم السلام ياهلا ومرحبا بعروستنا

أمل /من الخوف متخبيه ورأى نواف

ام نواف /وين أمل

نواف/ سحبها قدامه بهدوء وهي من الخجل منزله راسها

يالغاليه ذي اموله جبتها تسلم عليك وتشوفينها

ام نواف /يأهلا و الله بزوجة ولدي

نواف /روحي ودفها >دفعها الى الامام

أمل /سلمت على راسها ويدها

أم نواف / بسم الله ما شاء الله والله عرفت تختار يانواف

نواف/بكل ثقه قلت لك

نواف/ مسك امل واتجه لخواته

نواف/ ذي ام عبدالرحمن هيفاء

هيفاء /يأهلا والله بعروستنا مبروك

أمل /الله يبارك فيك

نواف /ذي اختي ندى ام عبدالعزيز

ندى /بسم الله عليك مبروك يأمل الله يسعدكم نواف والله احلى من وصفك

نواف /هههههههههههه

سلمت أمل بهدوء وبرسميه

نواف/ وذي العنود قريبا

العنود/ ههههههههههه بطل قريبا ذي

مبروك يأمل الله يوفقك ويسعدكم ونورتينا

أمل/بنعومة الله يبارك فيك

نواف /وذي

جوري/ انا جوري المستشارة ومنافستك

أمل/ ابتسمت وسلمت

نواف /مسك امل ويبغى تجلس عنده

هيفاء مسكتها

نواف /بتجلس عندي

هيفاء /بدينا شغل الغيرة

نواف /انا اللي جايبها وزوجتي

ام نواف /امل تعالي جنبي

جوري/نواف راحت عليك

نواف /مسوي زعلان

ندى /تراها بعد زوجة اخوي مو لك لحالك

ام نواف /مسكت يدها

مبروك لما قالي نواف ما صدقته

أمل/زواج غريب

أم نواف /بس والله عجبتيني من اول ما تكلم عنك والحين اكثر

أمل/سلمت على راسها ويدها

ام نواف/ تراك بتني ان زعلك قولي لي

هيفاء/امل ترى نواف دلوعنا بتتعبين معه اكيد

نواف /اقول هيوف تراك اختي يعني

العنود/ تبي نكذب على البنت

نواف /ما بي بس

ندى /امل جنبها بينها ويين هيفاء وجلسوا سوالف معها

عاد أمل /راح التوتر ودخلت بالجو

خوات نواف حبوبات مره وامه بزيادة

ام نواف/ امل يابنتي تعالي

قامت وقفت عندها امري

جات وحده من المرافقات بعلب

وتركتها على الطاولة وطلعت

ام نواف اجلسي جنبي

نواف بعد جنب امه من الجهة الثانية

لبستها ام نواف أمل طقم الماس مرصع بزمرد

أم نواف /ذي مني لك

أمل /الله لا يحرمني منك مشكوره وسلمت عليها

وعطت نواف علبه ساعة ومفتاح سيارة

نواف/ الله لا يحرمني منك يالغالية

ثم صور مع امه وجوا خواته

ثم طلعوا للغداء

ام نواف براس السفرة

جنبها على اليمين نواف جنبه أمل

وجنبها جوري

الجهة الثانية على يسار ام نواف هيفاء

ثم العنود

ثم ندى

نواف يعرف نظام امه صار بالأكل ممنوع أي حركه

وعاد مسوي العاقل

وبس من تحت الطاولة برجل امل يضربها

امل /يضربها وهي تدفه

جوري / ميته ضحك على القتال اللي تحت الطاولة

ام نواف/ جوري احترمي الاكل

جوري /انا أسفه الغالية بس والله نواف السبب

ام نواف/دايما نواف

جوري/ والله نواف

ام نواف/أمل جنبه وماضحكت وش معني انتي

جوري /نزلت المنديل وقامت وقفت قدام نواف وهمست بأذنه هين أنا اوريك

ام نواف /جوري اعتذري من الكل

جوري /انا أسفه لأني أزعجتكم على الغداء اقبلوا اعتذاري

نواف/اخذ منديله ورماه ورا جوري

والكل ما انتبه له

رجعت جوري ورى بتطلع من الغرفة

وتعثرت بالمنديل وعلى الرخام طاحت

نواف/كاست المويه اللي عنده ما فيها شيء اخذ الكأسة حقت امل وعلى راس الجوري

الجوري /فشلتني قدام زوجتك

هيفاء/نواف والله بلاش حركات بزران

طلعت الجوري زعلانه

ندى / نواف من جد احرجتها

أمل/ تقرص نواف

نواف/ اي بعد انتي لا تخافين جوري بتاخذ حقها مني اعرف

ندى/تستأهل والله

ام نواف/نواف كلامي معك بعدين

الكل خرج من صاله الطعام وجلسوا بجلسه بيج مع وردي بدرجتين غامق وافتح شوي

نزلت جوري لبسه فستان قصير مشجر ورابطه شعرها ومعها الكمرة

جوري/اموله زوجك مو مصدق للحين انه تزوجك

أمل/ هههههههه

نواف /جوري يويلك الا أمل وبعدين اللكام حقتي من سمح لك

جوري/اول شيء انت اللي عطيتني لأنك كسرت الكمرة حقتي

وبعد بتشوفها امل على شان تعرف زوجها

ندى والعنود يتفرجون وميتي ضحك وامل

نواف جلس جنب امه اللي تمسح على راسه

هيفاء / ههههههههههههههه نواف مره صورك تضحك

جوري/ اصلا ما كان يعرف اني اصوره بعدين انتبه لي

ندى /جوري والله انك مسكتي على نواف اخير

جوري/مره كيف شفتي زوجك يامدام

أمل/هههههههههههههه واشرت ما تقدر تتكلم

ام نواف / جوري خليني أشوفها

جوري / بس وعد ما تعطينها نواف

ام نواف / اكيد

الصور نواف بغرفته يصور نفسه مع دفتر الزواج عاد منظره بالصور يموت ضحك حتى ام نواف ضحكت من قلب

نواف/صار وجهه فراولة والكل يعلق عليه

ثم طلعوا لجلسه بالحديقة

ثم جت تركض الشيتا لنواف شالها وجلسها بحضنه

نواف رماها على امل وصارت تصارخ

هيفاء / ما تخوف

أمل/انا خايفه بتعضني

جوري /جايه تمشي وجنبها وحده ثانيه اكبر

أمل /من الخوف وقفت فوق الكنب

نواف/حياتي والله ما تخوف شال امل ونزلها وخلى الصغيرة بحضها والثانية جنبها وجوري ماتت ضحك على امل

أمل/ جوري بلاش تصوير الله يخليك

جوري/بتتعودين عليها تراها تبعي بس نواف اخذ لوتي مني

نواف /وش لوتي مو حلو

جوري/انا حرة

ندى/أمل الله يصبرك على نواف ثم اخذت امل وصارت

تتمشى معها بالحديقة

نواف/امل تأخرنا

ندى/بدري لسي

نواف/لازم ارجعها بعدين الجايات اكثر

ندى /ضمتها الله يسعد ويوفقك جد حبيبتك وانتِ مره عسل

أمل/ تسلمين وياك

نواف /مسكها وسلمت على أمه وخواتي وطلعوا

بالسيارة

نواف/ كيف شفتي اهلي

أمل /مره مره عسل صراحه خوفي ماله داعي حبيتهم مره

نواف/والوالدة وخواتي بعد

نواف/ مسك يدها وباسها

اموله ما أوصيك

أمل /أهلك اهلي

نواف/ ههههههههههه اهم شيء عندي الوالدة

وبعدين جوري اختي وأنا وهي متعودين كذا مقالب

ما بي تزعلين وغيره والاشياء حقتكم يالحريم

أمل/هههههههههه اوكي بس نواف والله ماله داعي تحرج جوري

والله جات بخاطري انا ما احب احد يسوي لي كذا مزحك ثقيل

نواف /تقولين كذا

أمل/ ايوه

نواف/انا احس عادي

امل/انت تمزح مع ربعك عادي بس اختك نعومه بنت

فرق بيت العيال والبنات

نواف/

اللي تأمرين فيه

وعد ما عاد ازعل جوري

أمل/الله لا يحرمني منك

نواف/ولا منك ياقلبه

نواف/

غلاك ذبحني وأنا هايم فيك

خذيت قلبي وأنتٍ جيتي محله

وأن كنت تغليني مثل ماني أغليك

عز الله أني مالك الكون كله

نواف/يناظر في أمل يبغا جواب

أمل/مسسكت يده أغليك لا تناظر فيني كذا

نواف/باس يدها خلاص اجل ملكت الكون كله

الله لا يحرمني منك أبد أبد

أمل/ ولا منك

نواف وقف عند محل باسكن روبنز ونزل

أشترى علبه كبيره اول طبقه فانيلا وشوكلت اللي أسمعها ميدل ريبون (مره جنان جربوها )

ثم طبقه من الشكولاتة ثم طبقه من ستوبري تشيز كيك ثم طبقه من تيرامسو ثم الطبقة الأخيرة ورلد كلاس شكولاتة

خلطة نواف الشاطحه لما يروق دايما يأكلها مع بعض

ورجع بالعلبة للسيارة

نواف /امسكي ثلجت يدي

أمل/فتحت العلبة

ذي مو نكهتي

نواف/اخذ ملعقة وجلس يأكل

اكلي خلطتي السرية هههههههههه

أمل/ما احب كذا ابي غزل البنات

نواف/اعرف بس لازم تغيرين التنويع حلو

أمل/اكل انت بالعافية

نواف/بكيفك بس راح يفوتك نصف عمرك

أمل/ما بي

نواف/جميله حيل

أمل/ههههههههههههه

نواف: جربي على شأني واخذ بالملعقة وعطاها

أمل/طيب بجرب ان رجعت بسيارتك مالي دخل

نواف/ههههه حلاوتها بغربتهاى يويلك ان سويتها خلك عاقله وبعدين تصدقيني والله جميله

أمل /فتحت فمها واكلت

نواف /بحماس كيف

أمل/النكهات غريبه

نواف/اعرف حلاوتها بغربتها

أمل/نواف والله حلوه من جد لازم أنوع بكل شيء

نواف/فديت زوجتي العاقلة

جلسوا سوالف ويأكلون ايس كريم

نواف/اموله

أمل/عيونها

نواف/تسلم لي عيونها يأرب

أنا طلبت لك ملابس اعرف ذوقك والله انا ابي ما تتعبين نفسك اعرفك لو تفرين بالأسواق والطلبات بتتعبين وانتي ما تتحملين وانتِ ناحفه والله

أمل /ما نحفت

نواف/الا اول مره شفتك كنتي أسمن من الحين

أمل/ما لاحظت

نواف/طيب وصلنا ابي ترتاحين

نزلت أمل

نواف/اموله

أمل/امرني

نواف/الاسبوع الجاي بس خالاتي وعماتي والوالدة وخواتي ما فيه ضيوف كثير

بس خواتك واللي تبين اعزمي

أمل/ ان شاء الله

ودخلت للبيت

أمل/على غرفتها غيرت ملابسها صلت ونومه

بعد العشاء

ريما جالسه تتفرج بفلم

ومتمدده تأكل بوب كورن

فيصل/ السلام عليكم الوالدة موجوده

ريما/سلمت على فيصل ورجعت لمكانها ما أعرف

توني رجعت من المحل ما اعرف

جوال فيصل رن

فيصل /وعليكم السلام يأهلا والله بأبو فهد

بشر وش الاخبار

الف مبروك ههههههههههههههه منك المال ومنها العيال

اخيرا ما بغيت

ما شاء الله

والله حركات ياولد

والله فرحت لك من كل قلبي

اكيد جايك الحين

ايوه

أبشر ياعريس والله ماني مصدق انك تزوجتها

الله يسعد ويوفقك يالغالي

ساعة وانا عندك

فيصل الحمد لله اخيرا ما بغينا

ريما/هههههه وش السالفة

فيصل /ما باركتي لصديقتك

ريما /من باستغراب

فيصل /أمل صديقتك تزوجت

ريما/ أومأ اموله تزوجت وانت من قال لك

فيصل /العريس طبعا قالي ههههههههههههه

ريما/ من تزوجت

فيصل /نواف

ريما / أومأ ما اصدق ما اصدق

فيصل /عمري كذبت عليك من شوي نواف قال

لي انه ملك قبل يومين على أمل

ريما/جلست مو مستوعبه الخبر

فيصل/عمرك ما صدقتي بروح نحتفل بالعريس فديت نواف

اخيرا وشفتك عريس وطلع

ريما /على طول بجوالها سوت اتصالاتها

ثم اتصلت ب نوف

نوف جالسه بالحديقة هي وسلطان وعندهم جود جالسين سوالف وضحك

نوف/ ذي ريما غريبه وش عندها

نوف /الو ريوم

ريما /السلام عليكم

نوف/وعليكم السلام يأهلا وش فيه صوتك ليه تبكين

ريما/نوف اخر خبر

نوف/وش فيك فجعتيني

ريما/أمل تزوجت

نوف/ريما مالي خلق مزحك الثقيل

ريما/والله ملكة لها يومين على نواف بن فهد…(

نوف/دموعها نزلت وصارت تبكي نوف تبغاها لمتعب

ريما/والله فيصل قال لي واتصلت بعبدالعزيز بعد اكد لي الخبر

واتصلت بأختي غادة تعرف جوري اخت نواف وبعد نفس الكلام وكانت امل عندهم بالبيت اليوم وتعرفوا عليها

نوف/ لا مو معقول وجلست تبكي

سلطان/وش فيك اذكري الله وحضنها وصار هدي فيها

جود/ نوف وش فيك قولي

نوف/أمل اه تزوجت غير متعب

سلطان /كيف حنا خطبناها لمتعب وللحين على الخطبه

نوف/هي رافضه بكل مره خطبنها

جود/هي قالت لي بعد سفر متعب ما تبغا الزواج من متعب

سلطان/ انتٍ متأكدة انها تزوجت

نوف /ريما قالت لي من إخوانها

سلطان / ماني مصدق < سلطان نسى ان عمها سعود متصل عليه وقال أنه ماتبغى متعب

جود /بعد تبكي وضمت نوف و كملوا بكي

سلطان /سوى اتصالاته اكد الخبر

وتضايق عارف ان الزواج قسمه ونصيب بس كيف يفاتح متعب اللي كل مره يتصل اول ما يسال عن أمل

البنات عجزوا يدقون على أمل نايمه وما جاب خبر العالم

ثاني يوم

نوف وسلطان ما قدروا ينامون

نوف كل شوس ترجع تبكي

سلطان /نوف خلاص من امس تبكين الله يسعدها ويوفقها

نوف/ ادري والله بس أنا ما ابكي على امل ابكي على متعب

سلطان /والله شايل هم كيف بقوله الخبر

تدرين انه له شهر بالمستشفى ولأقال لنا

نواف/ رجعت تبكي وضمت سلطان بسم الله عليه

سلطان/لا تخافين كسر بسيط الحمد لله ستر الله

انا ما عرفت الا قبل أسبوع

نوف/ لما كنت تبغى تسافر له

سلطان /ايوه ورفض اجيه يقول انا بخير وعلى أساس بيجي اخر الشهر

نوف /كيف بنقول له

سلطان انا حجزت وطالع له

حلمت اني ألبسها عقد وسواره

وفسرت حلمي وقالوا عرسها بكره

أنتِ قدري (البارت الخامس والعشرون)
.جرح عمره مايطيب

•

•

•

•

احاول أنساك محتاجك تساعدني

شفت كيف حتى وأنا بنساك محتاجك.!

مصعب /دوم وناستك

متعب /ههههههه أشتقت لها حيل حيل

شوف انا فكرت طول الليل

مصعب /ايوه وش فكرت فيه

متعب / شوف ان شاءالله بنرجع اخر الشهر

بتصل بسلطان يشوف اذا اموله موافقه يجهز كل شيء

واول مانرجع اتزوجها واسافر وش رايك

مصعب /حلو كثير الله يسعدك ويكتب لك اللي فيه الخير

متعب /ههههه بسوي بعد زواج بلندن غير اللي في الرياض

امممم وش بعد وبالجزيره بعد انا وهي بس

مصعب /هههههه ماصارت الف ليلة ولليله

متعب /يمكن تجي براسي واسويها وكم أمل عندي

مصعب /الله يسعدك يالغالي مشينا لانتاخر

متعب/اشتقت لحبيبتي

مصعب /اخاف امل تغار منها بعدين

متعب /لما نرجع باخذه عليها واخليها تشوف الرياض من فوق

ومشى متعب وهو في عالم أحلامه الورديه

سلطان /اتصل على جوال متعب

الو

مصعب / هلا والله

سلطان/ السلام عليكم وين متعب

مصعب /وعليكم السلام

متعب اليوم اول اقلاع له والحين اشوفه بالسماء

سلطان بتصل عليه بوقت ثاني او خله لما يخلص يتصل علي

مصعب / انتظر

متعب أصلا يبغاك ضروري اتصل عليك امس و ما رديت

بحولك له

سلطان / لا احسن بوقت ثاني

مصعب /سلطان متعب مروق اخر شيء ثواني بس انا ببرج المراقبة احاكيه هو اصلا يبغى يتكلم معك

مصعب /متعب سلطان على جوالك

متعب /على متن ال f15

متعب / حوله لي ابي اكلمه باللي قللناه

مصعب /الله يوفقك ويسعدك يالغالي

وحول المكالمه

متعب/ حي الله ذا الصوت

سلطان /صوتك مو مره واضح

متعب /هههههههههههههه طيب انت كيفك ونوف والعنود

سلطان / كلنا بخير مشتاقه لعمها

متعب /باجي واكلها ذ النتفة

سلطان /انت كيفك

متعب/ بخير الحمد لله دامني على حبيبتي

سلطان /متعب

متعب /اسمع ابيك بشغله

سلطان /امرني

متعب/ابي تشوف اموله اذا موافقه اتفق مع محمد وجهزوا كل شيء

سلطان /بنبرة حزن متعب أنسى امل

متعب /وش فيك اموله فيها شيء

متعب /متعب ما فيها الا العافية والله لا تخاف

متعب / اجل ليه أنساها قولي

سلطان /متعب الزواج قسمة ونصيب أمل تزوجت

متعب /هههههههههههههه سلطان وش فيك قلبت علي

سلطان /والله ما امزح هذا اللي حصل امل ملكة على نواف بن فهد

متعب/ قول قسم

سلطان /قسم بالله ملك عليه قبل يومين خلاص امل لغيرك

متعب /قفل الاتصال

ما عاد يحس بشيء

مو مستوعب ان امل ما تكون له

جلس دقيقه بالجو تارك كل شيء

مصعب /انهبل يشوف الطيارة تنزل لتحت بسرعة جنونيه ومو قادر يتصل فيه

امرأة…… وما يأتي بعدها مجرَّد إناث !

مصعب /متعب متعب رد علي

فاق متعب من صدمته ومسك مقود الطيارة

ورفعها لمستواها

مصعب /متعب رد علي

متعب بصوت يبكي انا بخير

مصعب /انزل خلاص

متعب /ماخلص وقتي للحين

مصعب /بالله انزل

متعب /ظل ساعتين بالجو وسلطان ومصعب على أعصابهم

مصعب / من اول هبطت المقاتله وهو طالع يركض له

مصعب /بالله وش قالك سلطان

متعب /ساكت ونزل وباين دموعه بعيونه

نزل /وطلع للقائد خلص أوراقه ورجع لغرفته

مصعب /متعب ليه ماتحاكيني

متعب/صارت دموعة تنزل

مصعب /افا اذكر الله انت رجال وش فيك

متعب /راحت الغاليه الله يسعدها أنا راجع للرياض

وطلع أخذ شور وطلع غير ملابسه

مصعب انت طيب

متعب /اتصل بسلطان خله يجهز لي طياره الحين وطلع

متعب /طلع القادة وشرح انه لازم يرجع للرياض بسرعة

سلطان/قول كيفه الحين

مصعب /متماسك بس منهار جوى يقول يبغى يرجع للرياض

سلطان /انا جايك الحين

مصعب /انت هنا عندنا

سلطان /توني وصلت بالمطار

مصعب /متعب قال لي اقولك لك تجهز له طيارة

سلطان /جاهزه جايكم الحين

مصعب / لاتجي خلك بمدريد راح نجيك حنا مطر الحين

سلطان / بس أنا خايف عليه

مصعب / ما عليك متعب قوي والله ماني مصدق للحين

سلطان أنا معه دايما لما كان تعبان كان كل همه امل ماتعرف كان يهذي بأسمها احيانا اسمعه يحاكيها

سلطان /عاد ماهي من نصيبه مافي يدي شيء الله يصبرك ياخوي

سكر منه

متعب /رجع وبعد اربع ساعات الا هو بمدريد

طلع وعلى مطعم جوكي

سلطان / حضنه متعب خلاص من شاف سلطان بكى

طالع فيه سلطان

سلطان /متعب اهدى بس متعب خلاص ماعادت أعصابه تتحمل اكثر

أنهاروعلى المستشفى

عطوه مهديات

مصعب /للدرجة يحبهاا

سلطان / باين اكثر من كذا

نوف /الو

سلطان /هلا حبيبتي

نوف /وينك مااتصلت علي شفت متعب

سلطان /والله نسيت اتصل متعب بالمستشفى وانا عنده

نوف /صارت تبكي

سلطان /اذكري الله مافيه شيء اعصابه تعبانه

نوف/ ياقلبي عليه أنا جايه لكم أنا وجود وحجزنا طيارتنا بعد ساعة

سلطان / ليه تجين كنسلي الطيارة متعب يبغى يرجع للرياض

نوف/ لا ترجعه ماراح يتحمل

سلطان /لازم يتحمل غصب

جود/ تبكي جنب نوف واخذت الجوال

سلطان/جود لا تبكين متعب كويس وراح يعدي الازمه لا تخافين

جود/خايفه عليه

سلطان /لا تخافين انا معه وراح نرجع بس يصحى بنرجع وبعد لارجعنا مابي احدد يبكي نبهي الوالد ة وخواتي

واللي عندك بعد من سمعت الخبر تبكي

جود /أن شاء الله

وسكرت

أمل /الظهر صحت واخذت شاور وصلت مروقه من زمان مانمت زين ونزلت الاخواتها عندهم أستنفار

أمل /وش فيكم

هند /اسمعي بنطلع نختار الهدايا وتصميم الديكورات

وبعدين جوالك ماوقف رن

أمل/وينه

رحاب /انتي تاركته بالممر

أمل /ما أذكر

طلع مشعل يركض وجاب جوالات خالته

أمل /وش صاير البنات فجروا الجوال ونواف وعمي سعود وش صاير عندكم

اول شيء اتصلت على عمها سعود

امل /مساء الخير

العم سعود /ياهلا بعروستنا

امل /كيفك يالغالي

العم سعود/ بخير دامك بخير

أمل /امرني

العم سعود /مافيه شيء اتطمن عليك واذا ناقصك شيء

أمل /انا والله بخير ما تقصر ماني محتاجة شيء

العم سعود/طيب ابيك تمريني بالليل

أمل/ان شاء الله

وسكرت

اتصل بنوف

امل/الو

نوف /اخيرا رديتي

أمل/ وش فيك توني صحيت

نوف/ تبكي

أمل/نست سالفة زواجها

وش فيك عسى ماشر

نوف/وش فيك بكل برود تقولين وش فيني

أمل /لا تروعيني اهدي وقولي لي

نوف/امل بالله صدق انتي ملكتي خلاص

أمل/ روعتيني ايوه والله نسيت اقولك

نوف/ رجعت تبكي

أمل/ وش فيك اهدي نوف نوف

نوف/حرام اموله متعب بالله وش فيه

أمل/نوف والله متعب مافيه أي عيب بس قلت مليون مره

ما قدرت اغصب نفسي عليه

نوف/متعب منهار بالمسشفى

أمل/أنام يومين اصحى الاقي الدنيا مقلوبه

نوف /امل سامحيني انتي غاليه ومتعب غالي الله يوفقك بس والله انقهرت ابيك لمتعب متعب يحبك حيل

أمل/الله يشفيه ويسعده بزوجة تسعده وتحبه اكثر مني

نوف/ جود تبغا تكلمك

أمل/ هاتي

جود/ مساء الخير

أمل / مساء النور

جود/ الف مبروك ياعروس

أمل/ الله يبارك فيك متعب كيفه

جود/سلطان يقول عنده انهيار وراح يرجعه للرياض

جود/اموله تراك غاليه الله يوفقك ويسعدك مع زوجك يعلم الله

كلنا تمنيا انك لمتعب بس الله ماكتب

أمل/الله يرزقه اللي احسن مني

جود/ تبكي مافيه مثلك احد وسكرت

أتصلت بريما

امل/ الو

ريما /هلا والله بالعروس اخير وينك مختفيه

أمل /بعد انتي تبكين وش فيكم

ريما / أمل ما ادري ليه ابكي بس من شفت رقمك دموعي نزلت

أمل/نوف وجود اعرف موقفهم

بس انتي وش وضعك

ريما/ كنت ابيك لعمي فهد

أمل/يليل تزوجت ارتاحوا

ريما/ هههههههههههههههه الف مبروك يالغاليه

منه المال ومنك العيال

أمل/وانتي بعد نشوف وش بتسوين

ريما/كل ماذكرت الزواج قرب يجيني رعب

المهم انتي بخير

أمل /والله بخير

ريما/ طيب الحمدلله والله مدري حتى جدتي لولوة لما قلت لها صارت تبكي

أمل/اقلبي وجهكك

ريما/ههههههههههههه طيب ماعاد ابيكي

سكرت امل

واتصلت بمحمد

الا هو داخل

محمد/ انا جيت

أمل /سلمت امرني متصل علي

محمد/سلم على خواته امل أبيك لحالك

وطلعوا لغرفتها

أمل/ امرني وش بغيت

محمد/

أمل مدري وش أقول بس متعب بالمستشفى

أمل/اعرف من شوي قالت لي نوف وهي تبكي

محمد/ سلطان قال لي والله مااعرف وش اقول بس انا شهدتي بمتعب مجروحة والله يوفقك

امل /محمد انا قلت لجود ونوف من سافر متعب انا مابيه وهم يعرفون حتى سلطان

كلهم يعرفون وكل يوم يقولون فكري

محمد/عاد ماكنتي من نصيبه

أمل/والله العظيم حاولت احبه بس والله العظيم كان فيه شيء يمنعني من متعب مافي بنت ماتتمنى متعب بس ذا قدر اللي خلاني اوفق على نواف

محمد/ضمها بقوه الله يسعدك يالغاليه

أمل من طلع محمد من عندها وهي متضايقه

هند/اموله حنا حاجزين لك وتاخرتي

أمل/وين

هند/ وين بعد تسوين قناعات وتتدلعين وراك حفله انتي عروس

أمل/ما يحتاج

هند/ وش فيك واخذت عبايتها ونزلتها بالغصب وراحت فيها

نواف/فيصل بشر

فيصل والله كل القاعات اللي قلتها لي فل محجوزه اللي زوجات واللي موتمرات الظاهر كل الرياض احتفالات

نواف /طيب شوف لي أي قاعة خلاص

فيصل /حجزت لك بنيارة

نواف / المهم اتصل بعبدالرحمن خله يضبطها بسرعة انا تفقت معه

فيصل /اوكي انت بس هدي كل شيء بيخلص بوقته

نواف/أنا بسافر دبي عندي كم شغله لاتحوس من وراى

فيصل/ هههههههههههههههههه من متى عندك شغل

نواف/من اليوم صرت اداوم

فيصل /ماراح تستمر ههههههههههه

نواف/اقول وش بتجيب لي هدية زواجي بس

فيصل /انا برتب لك القاعات ومع المصمم واخر شيء بعد تبي هدية

نواف /ماراح اقول شيء شوف مكاني بقلبك واشتري لي

فيصل /تعرف كيف تجيبني على راسي تعرف انت اخوي وصديقتي الغالي

نواف /اوك سيو

نواف/ اختار الديكورات والتصميم مع المصصم الكبير عبدالرحمن الزير

الالوان أبيض مع رمادي فاتح حيل ووردي وبنفسجي

أمل/طلعت الساعة عشره من المركز وعلى بيت عمها سعود

دخلت له بالمجلس وسلمت وجلست جنبه

وجنب عمها فيه بوكيه طبقات ورد جوري أحمر مع أبيض بصندوق فيه حبات شكولاته بشكل قلوب

وعلبه طقم وجنبها علبة صغيره

العم سعود/اموله ذا مهرك نواف أرسله

أمل /مهري

العم سعود /أيوه مهرك وش فيك

أمل /بس لسى بدري

العم سعود/نواف مستعجل روحي جيبي الورد

أمل/ ثقيل ماقدرت اشيله

قام العم سعود

وجا يمها

أمل /فتحت العلبة الصغيره الا بطاقة فيزا

ومعها /بطاقة صغيره

خذا الله شوف

من شافك ولا سمَّى

.. بسم الله الرحمن

من عينه وشيطانه !

أمل /أبتسمت

العم سعود /وش كاتب لك

أمل /ولا شيء بس شعر

العم سعود /ههههههههههه افتحي العلبة الثانيه

فتحتها طقم ألماس حيل حيل نعوم وهادي

أمل /مره جميل

العم سعود/ والله نواف ذوق

أمل اخذت حلاوه وجلست تاكل وعطت عمها

عمها خلاص وحدة تكفي عارفه السكر يرتفع

أمل/ الله يعطيك الصحه و العافيه

ثم جنت جنبه

العم سعود / حط يده علي ظهرها أمل مااعرف شعوري بس والله فرحتي بزواجك كبيره

الله يوفقك مع نواف الوالد طيب وانتِ اطيب حطي نواف بعيونك

أمل/ كلكم توصوني عليه وأنا

العم سعود/هههههههههههههه ياغيوره انتي كل الغلا

ثم سوالف وعمها يعلق عليها

أمل/ عمي والله استحي

جو البنات وهبال وضحك وجابو قهوة زيادة

العم سعود /خلا ص خلصتوا الحلاو حقها

غدي/بس يجنن مااقدر أوقف والله

امل /ههههههههههه خلاص بعورك بنطن وتصيرين دبه وثم تبلشين بفستانك

غند /اموله بتعزمينا على زواج

أمل/اكيد بس ماادري كم كرت بيرسلون لنا

العم سعود/اسمعي الااللويه لخواتك والحريم الكبار

غند/وحنا حرام

أمل/ الزواج راح تحضرين نواف قال لي بيسويه بالفيصليه وهي راح تكفي ناس كثير

تعشت عندهم وطلعت للبيت

من وصلت للبيت وهي حايسه تدور فستان راكبه راسها

وما تبي فستان نواف رغم انه من المصمم العالمي زهير مراد بس عناد

وجلست لين الظهر تدور وكل شي فيه عيب

طلعت للمزاحمية

وجلست عندهم لين العصر

ثم طلعت للمحل عند البنات

كلهم مجتمعين

ثم طلعت للبيت تقريبا الساعة 11 بالليل

نواف/الو حياتي

أمل/هلا نواف

نواف/كيفك اليوم

أمل/ بخير الحمد لله

نواف/ صوتك ماعجبني

أمل /بس للحين مانمت مواصله

نواف/بسرعة نامي والله لو كنت بالرياض كنت عندك الحين

أمل/ ههههههههههههه أنا بالطريق

نواف/ زين

أمل/ وينك فيه

نواف/انا بدبي الحين عندي الحين عشاء عمل وتوني خلصت وطلع من الفندق

تعشيتي انتِ

أمل/اكلت حلويات وكيك عند البنات مسوين بارتي لي

نواف/ كويس شوفي الصور بجوالك اللي أرسلت اختاري واعطيني خبر

أمل /أي صور

نواف/قاعة الزواج الديكورات

أمل/ طيب بنزل الحين بطلع لغرفتي واختار

طلعت لغرفتها اخذت شاور لبست بجامتها وفتحت جوالها وساعة وهي تختار

وتعدل

نواف /اوكي الحين نامي حياتي ياعساه نوم عافيه

اقول

لعيونك الحلوه/

أبسهراحرسك !

وأنتٍ على خد السماء نامي

أمل/والله تمددت وبنام نواف

نواف/ عيونه وروحه ودنيته كلها امري

أمل /ذا شعرك ولا

نواف/الا شعري ليه مايطلع مني

أمل/ من جدك انت

نواف/من عمري 8 سنوات وانا اكتب شعر

امل/ هههههههههههه والله احسبك بس حافظ كم بيت وتقولها

نواف/افا وانا ابو فهد لا والله كل قصايد قلتها لك فيك من شعري

أمل/ماتقول كثير شعر

نواف/عادي نامي لاحقين على السوالف وبتملين مني سوالفي وقصايدي

سكر منها

أمل /حاولت تنام ماقدرت تنام

نزلت تحت شربت لها كاس حليب مانامت

واذن الفجر وهي مرهقه وماقدرت تنام

ويالله غفت تقريبا الساعة 7

وصحت مفزوعه الساعة 9 ولا عاد قدرت تنام وصارت تبكي

جوال أمل يدق

أمل رفعت المفرش وسحبته

الو

نواف /صباح الخير يا احلى صباحاتي

صباح الورد وكل الشوق والغيره

أنا احبك وابي اهدي لك كتاباتي

ياأحلى انسان بعمري وما ابدل بغيره

أمل/صباح النور يانواف

نواف/ افا ليه تبكين حبيبتي

أمل/ مانمت يمكن بس ساعة وشوي تعبانه

نواف/ بسم الله عليك انا عندي الحين اجتماع مهم حبيت اسمع الصوت الحلو واصبح عليك

دعواتك ياوجهه السعد

أمل/ الله يسعد ويوفقك ويفتح لك كل باب مغلق

نواف /ههههههههههههه والله انفتح

أمل/وش

نواف/الله أستجاب دعوتك والباب اللي قدامي انفتح

أمل/ ههههههههههههههههه يابكاش

نوف/ فديت الضحكه الحلوه لاتبكين ياعيون نواف

أمل/راحت البكيه

نواف/ حبيبتي ممكن طلب صغيرون

أمل/ امرني

نواف/ ممكن تقدمين اعتذار الترم ذا

أمل/اصلا انا مقرره لان فاتني كثير وماارح استوعب شيء

نواف/الحمدلله

أمل/من عيوني اروح الحين للجامعة واسويه رسمي

نواف/مشتاق لك كثير

أمل /بتمل مني وبعدين كلها يومين وتشوفني

نواف/ انتظرها بالحظه يا لله أستودعتك الله يالغاليه

أمل/تعدل المزاج

ودخلت اخذت شاور بفقاعات وأستعملت مجموعتها المفضله من Bath and bode

_Twihight Woods

ثم طلعت بروبها الاصفر الفاتح وأستشورت شعرها ورفعته ولبست تيور أسود وتي شرت أزرق من رالف روالين

ورسمت عيونها وروج وبلشر خوخي ولبست عبايتها واخذت شنطتها ورجع لبست الساعة وباست أسم نواف ونزلت

وعلى الجامعه خلصت بعد الظهر ورجعت للبيت

دخلت الا هند ورحاب جالسين والصاله كلها كتالوجات

أمل/ وش السالفه

هند/ هلا بعروستنا تعالي جيتي بوقتك نختار الهدايا

وجلسوا يختارون الهدايا لين العصر

رحاب/اموله بطلع انا وهند للمصممه تروحين معانا

أمل/ ايوه بطلع معكم

لبست عباتها وطلعت معهم ولين بعد العشاء فر في الاسواق

أمل /رجعوني ما عاد اقدر اتحرك احس الارض تدور فيني

جلسوها على الكرسي

هند / وش فيك

رحاب /راحت وجابت لها عصير

رحاب /اموله أشربي

أمل/ احس اني برجع رجعوني للبيت بس

بالسيارة وهي نايمه على رجول هند

عبدالله /امل اوديك للمستشفى

أمل/ مابي أروح

رجعوا للبيت وماقدرت تمشي بس تبكي

هند /أمل وش فيك

أمل: مدري كل شيء ورجعت تبكي

جاء سعود ولد ريم الكبير: وشال خالته أمل وطلعها فوق

ريم/ بسم الله عليك وش فيك

هند/ اخاف انها ما اكلت شيء

هند/ امل انتي تغديتي

أمل/تاشر بيدها لا

نزلت رحاب وسوت لها شوربة وجابت شوي

من المكرونة اللي جايبتها ريم

اكلوها بالغصب بس صارت ترجع وبعد ساعة هدت ونامت

رحاب/وربي ماأددري كيف بتكون في بيت لحاله و مسؤليه

هند/ مااعرف نزلوا وكملو سوالف بالصاله ساعة الا امل نازله

ريم /وش مصحيك

أمل/ما اعرف ما عاد اقدر انام

وتمددت عندهم بالصاله

رحاب /جابت لها مفرش وغطتها وهند منيمتها على رجوالها وتقرا عليها قران

حاولت تنام كل ماغفت شوي صحت لين وحده بالليل ثم جلست تسولف مع ريم اللي خافت عليها ولا رجعت للبيت

ريم/ دامك منتي نايمة لازم تاكلين

أمل/ ماني مشتهيه شيء

ريم/ راحت على المطبخ سوت لها بيتزا وجابت لها عصير الا أمل منسجمه مع فلم

ريم/ أموله يالله اكلي

أمل/ جلست تاكل وكملت مع ريم الفلم

وأذن الفجر وطلعت على غرفتها

توضت صلت وجلست على سجادتها تقران قران ثم اذكارها

ريم/ لازم تنامين أشربي ذا ماء زمزم مقري فيه لازم تشربينه كله

أمل/وش له

ريم /على شان تنامين

أمل/طيب شربتت وتمددت على سريرها ريم غطتها بسم الله عليك وطلعت

مسكت جوالها تتفرج على الرسايل

واهم شي تقرا كلام نواف

اتصل عليها

نواف/صباح الحب والشوق

أمل/صباح النور

نواف/ يسعد لي صباحكك

أمل/وصباحك

نواف/ انا بالرياض رايح للبيت الحين تعبان حيل ولا كان مريتك

أمل/ الحمد لله على سلامتك

نواف/ الله يسلمك ياعيون نواف

كيفك انتِ

أمل/بخير الحمد لله

نواف/دوم يا روحي ودنيتي

امل/استحي ترى

نواف/ ههههههههه احبك احبك ومجنون فيك

أمل:………………….

نواف/وانتِ ماتحبيني

أمل/الا احبك

نواف/اجل ليه ما تقولين لي

أمل/ وش أقول

نواف/ هين اوريك تستهبلين علي نوافي زعل بايات

امل/هههههههههههه بحفظ الله

حاولت تنام وكل ماتغفى تصحى كذا لين الظهر

صلت الظهر وجلست تدور يائسه عن فستان بس مافيه شي والطلب صعب راح ياخذ وقت لين يجي من برى

طلعت العصر تغدت مع عيال رحاب الا هدى ومها جاين هم وبزراينهم والبيت ازعاج ومن بعد العشاء تجمعوا خواتها وقالبينها رقص ومسوين حفله