كاتب الموضوع :
ااهات
المنتدى :
القصص المهجورة والغير مكتملة
رد: أنتٍ قدري
أنتِ قدري ( البارت التاسع عشر)
صراع ..!
•
•
•
•
ترتوي بك
روح وعيون وضلوع
كن حكيك
لأجمل أشيائي حياة ..!
أمل /مو صاحي يويل قلبي مهبول وربي
شافت نواف يسقي البسه مويه تحت
نواف مل طول الليل يا نزل يتمشى ياجلس بسيارته سولف مع كل
بساس الحارة
حتى صار يفتح علب المويه ويسقيها
ثم رجع وفتحت الفتحة ومدد
أمل /الحمدلله محمد موهنا يويلي
عبدالله بيصحى ويشوف العلة هنا
مسكت جوالها
راحت لرقمه واتصلت
نواف /ياحي الله ذا الصوت
أموله اسمعي
ان وصفتك من وين ابتديك
وإكتبتك مايكفيك شعر
أمل/ نواف انقلع من الحارة > امل جاتها عقده من الشعر بسبب متعب
نواف/ على الاقل خليني اكمل القصيدة زعلت
أمل /بلاش استبهال والله ان ما حركت ان الم عليك الحارة كلها
نوف /ههههههه اول شيء محمد أخوك مسافر واذا على عبدالله بقوله انا احب بنت عمك وابيها زوجة لي لا هو حرام ولا عيب
واهل الحارة راح يشهدون لنا على الزواج هههههههههه زواج بصلاة الفجر راح يكون زواج مبارك
أمل /نواف الله يخليك بعد عني
نواف /اموله لا تعصبين ي قلبي ما راح اتحرك
الا لما تنزلين وتأخذين الهدية
وعد ما اخطفك بس اعطيك الهديه والله اطلع من الحارة
امل /وعد تروح
نواف /وعد وياشر لها بيده
امل /طيب بنزل
امل لابسه بجامه بنطلونها بيج وفيه رسوم باللون البني ونفسها بالبلوزة كبيره
نزلت وهي خايفه ومسدسها بيدها
نواف الورد ذبل رماه بالزبالة
وقرب للباب بالعلبة
نواف /ليه انا خايف الحين وقلبي ينبض بقوه اركد يولد
أمل / فتحت الباب بشويش نواف مد يديه بالعلبة وهو ما قرب مره للباب عارف انها خايفه
أمل /موت خايفه وترجف
طاحت العلبة من ديدينها وانفتح الباب نواف المرة شافها من قريب
راح فيها بزياده
نواف /وفى بوعده على سيارية وعلى بيتهم
مبسوط ويغني رغم انه مره تعبان
امل طلعت وهي تبكي وترجف
رمت العلبة بالغرفة وكملت بكي على سريرها
نواف /على غرفته ونام بملابسه بعد ما باس صورتها بجواله ونومه
أمل صحت الظهر وهي مشغولة بولدها على قولتها
خلود عندهم بالبيت
العالم بعالم وامل مع مجود
ريم /خلود اخذي ولدك حرام بيموت من كثر ما تبوسه
خلود /هههههههههههههه ما راح يجيه شيء الحين من
جي والكل يبوسه ما شفتي غير امل
ريم /أمل مره ما فكته رحمته
أمل /ذا ولدي حبيب عمته وبعدين خلود ومحمد عطوني
مجود راح انيمه معي وكل شيء أنا وشالته وطلع لغرفتها
جلست تلعبه ومعها هشام والجوهرة
حممته ولبسه ثم رضعته ونام وامل تصوره
وطلول اليوم معه
هند /نامي وراك دوام بكره
أمل /نسيت الجامعة طيب كيف اروح واخلي مجود لحاله
هند /ههههههههه اختي انهبلت لا وش رايك
تأخذينه معك للجامعة
أمل /موشينه بس شمس عليه وريما راح تأكله بوس
هند /هههههههههههههه نامي اخذته منها ونيمته ونزلت تحت
رحاب /ههههههههههههه اخير انقذتيه
هند /وربي بزره تقول كيف اداوم واخليه صراحه امل ما دري
كيف مع البزران تروح فيها عاقله وذكيه ونعومه بس للحين طفله
رحاب / اصلا من جاء مجود الكل ساحب هشوم جامع ملابسه وعند خالته
هند /حتى ذا النتفة
خلود /شايله عبدالمجيد الجوهرة ارتحت منها توقعت تضربه بس تعلقت بعمتها
رحاب /ليتك جايبه ولد من زمان والله جننتنا عن عشره الله يصلحها راكان مهمه شيء ولاكان عندنا ولد
سوالف ثم طلعت رحاب شيكت على أمل والبزران وطلعت لبيتها
وهند بعد طلعت نامت
وخلود طلعت فوق مع ولدها ونامت
أمل صح الساعة 8 وعلى طول شاور ولبست بسرعه وطلعت بهدوء اخذت مجود وحممته وغيرت له وهو نايم سلمت عليه وطلعت اول ما فتحت الباب
الا ورده جوري حمراء وحبه شوكلت على شكل قلب بعلبه شفافة وعليه عبارة احبك
رمت الوردة بالزبالة واخذت القلب
وطلعت للجامعة
كل يوم نفس الحال ورده وقلب على الباب الصبح
مراقبه أي مكان تروح له
نواف /صاحي متأخر كالعادة وعلى الشركة
نواف /خالد وينك فيه
خالد /ياطويل العمر انا عند الجامعة تأخرت اليوم
نواف /ليه المفروض تكون بالبيت ويناظر الساعة
خالد /ياطويل العمر سالت فيه ندوه وطويلة العمر مشاركه فيها
نواف / ليه ماقلتوا لي
خالد /والله ما معنا خبر عنها
نواف /المرة بمشيها لك وش صار على الورد الصبح
خالد /نفس ما قلت لك
نواف /طيب بكره انا بجي بنفسي اسمع ازرع لي مراقبه بالجامعة
خالد /بس بكره الوضع صعب لان راح تطلع الصبح بدري على طلعت محمد
نواف /صرف لي محمد بجي بنفسي واحجزوا لي الورد من الحين
انا جايك للجامعة
خالد /ما يحتاج خلصت الندوة واجيك الحين بتطلع
نواف /طيب سمعت بتطلع او بتروح مكان
خالد /على حسب علمي اليوم لا
نواف /كمل شغلك ولما ترجع للبيت عطني خبر
خالد /اللي تامر فيه
نواف /أرسل لها رساله
يا عساني فدى اللي تلقي الندوة و ياحظ من سمعك ليتني معهم
وراح اكون اول واحد بمناقشتك ياروح نواف
أمل جاتها الرسالة وهي طالعة
فتحتها
أمل/ ذا مهبول ولا مجنون وش الله بلاني فيه
نواف /وصلت له صورة جديده لأمل وهي شايله مجود وصور كثيره ظل فيها سرحان
نواف / عز الله ان انك يأم نواف داعيه لي بلية القدر فديتك
وطلع كمل أشغاله
أمل /من رجعت مشغولة بمجود وهشوم وجوجو اللي لاصقين فيها ولازم تلبسنا نفسه ونبي ننام معك
طفشوها
واذا شالت الصغير صاروا بحضنها
أمل /رحاب الحقي علي جننوني الاثنين
بليز والله ابي بس انام مجود نايم وصحوه وصار يبكي
وبعدين اليوم من جيت وهو يبكي
وصارت تبكي معه
رحاب /عادي كل البزران يبكون نامي انتي انا بأخذه عنك
أمل /انا المسؤولة عنه
رحاب/امل اسمعي حتى لا تزوجتي وتعبتي بأخذ عيالك عنك
أمل /ما بي اتزوج وصارت تبكي
وعاد الثنائي يبكون معها
رحاب /اخذ الصغير وتركت الاثنين
امل /وانتم ليه تبكون
هشوم /مدلي
جوجو /جلست تضحك
امل يالله كل واحد يجيب بجامته بسرعة ركض
غيرت لهم ونامت ونامو معها
صحوا وهي نايمه وقلبوا الغرفة فوق تحت
الكل ما توقعوا انهم صحوا
بنات محمد مع بنات رحاب بالغرفة اللي جنبهم يسمعون صوت خفيف بس ما توقعوا ان فيه ناس بمهمه
صحت أمل مفجوعة على شيء طاح
امل صاحت
هند دلال وريم وبنات محمد وخلود ومحمد
كلهم ركضوا على غرفة أمل
امل / لأحرام حرام مو كذا
وجلست تبكي
رحاب / من بينظف ذا
كل الكاكاو والمكياج والاقلام وكل شيء بالارض منكب راسمين على الرخام الغرفة انعدمت الغرفة النعومة الراقية صارت خراب
محمد /ابشري بالعوض
احلام ما قدرت تشيل جوجو كلها من الى شكولاتة الوان راحت جابت فوطه هي ولمياء وشالوا هشوم وجوجو هم مبسوطين
محمد /اهدي اهدي راح يتنظف والغرفة بدالها وحده
امل الكمرة وين بس اهم شيء ء
عبدالله عمه انا اخذتها بالمجلس
سعود /عمه فساتينك راحت كلها
دلال /اخذت امل برى الغرفة
خلود /طلعت هي ورحاب
هند /خلت الشغلات ينظفون
هند /نامي مع البنات لين نغير لك الغرفة
أمل ابي اطلع من البيت
محمد /طيب لا تبكين ما فسدهم الاانتِ
أمل /اعرف
بس ان اللي ججنتي كتب الجامعة ملازمي لابتووتي كلها انعدمت
من وين جابوا المويه
دلال /اصحي غرفتك فيها حمام كيف من وين جابوا المويه
محمد /غيري ملابسك وامشي خلينا نطلع
أمل /طلعت لغرفتها ولبست بنطلون جنز وبلوزة سوداء
شيفون ولسبت عبايتها وطلعت
أمل /الحمد لله ان جوالاتي مو بالغرفة
محمد /بس كيف خربوا كل ذا ما اعرف
أمل /المشكلة انا عندهم نايمه ما حسيت بشيء
لازم اشتري لاب جديد وارجع اكتب ابحاثي من جديد لي أسبوعين اكتبها حرام والله بقفل غرفتي
محمد/ اسمعي بسوي لك شيء حلوه مره بس اصبري
أمل /قول لي
محمد /لا انا بسوية لك مفاجئة
امل /جلست تسوي اتصالاتها بالبنات اللي بالجامعة تبي الملازم والمحاضرات واخذت لها لابتوب جديد
ومحمد يضحك عليها ثم جابوا عشى ورجعوا للبيت
لما دخلت الا اثنين بوجهها شالتهم ودخلت
هند /ههههههههههه رضيتي عليهم
أمل /ما اقدر ازعل عليهم رغم انهم مجننيني
سعود /عمه الحين عيال عماتي هادين وانتي ماتعلقتي
الا بذولا وش اقول بس
امل /تبوسهم وطلعت غيرت ونزلت
وجلست تلعب مع البزان
تعشت ونامت
امل /مبسوطة لان طول اليوم عيال محمد عندها وعيال رحاب وعيال هند من المغرب وهو موجودين
صحت الصبح
اخذت شاور
ولبست برمودة جيشي وتيشرت زيتي
ونزلت الا البزران يفطرون
خلود /اكلي وراك محاضره
أمل /ليه تشربون بكأستي
سعود /هشوم اخذها
أمل/ صارت تركض تلحقه وهو يهرب
وآكلووطلعوا على مدارسهم
وأمل طلعت لبست ملابسها
تيور أسود وقميص دانتيل عنابي
ورسمت عيونها وبلاشر وروج
ورسمت حواجبها ونزلت
محمد طلع بدري جاته مكاملة كان ناوي يوصل امل معه
طلعت الا باقة ورد وحبة الشوكلت
رمت الباقة بالزبالة
وهي شايفه سيارة اللكزسس
مرت جنب نواف
ورمت الحلاوة بوجهه ومشت
نواف /يضحك اموله يسعد لي جوك ياروحي أنتِ
أمل /طنشته وطلعت مع السواق
نواف /عنيد ورايق اخر شيء من شاف الحب
لما يشوف أمل يروح بعالم ثاني مشى وراها
ومسك جواله وارسل لها
يسعد لي صباحك ياروح نواف ودنيته
أمل /ياربي وش المجنون ذا
أرسل لها رساله ثانيه
نواف /أموله ياعمري انتي ليه معصبه طيب
أنا احبكك موت تدرين طحت ولا احد سمى عليه وحاط فيس يضحك
أمل /الله يخارجنا من اليوم ذا
نواف /اموله انا جوعان تدرين ياروحي من أمس ما أكلت شيء
لا تخافين علي اتحمل اعجبك
امس كنت مشغول مره ما فضيت اكل
أمل /وانا وش دخلني مهبول وجلست تضحك
نواف /يصور نفسه ويرسل لها
أمل /ههههههههههه مغرور
نواف /اموله انتبهي لنفسك بالجامعة ياروح نواف
استودعتك الله سمي لا دخلتي من الباب
امل /لما نزلت وحطت رجلها باب ذكرت كلام نواف ابتسمت وسمت
نواف /يسمي عليها ورجع الكرسي لورى وكمل نومه
نواف استاجر الشقه اللي في بيت ابو محمد جارهم اللي بيتهم مقابل بيت أمل على شان اهل الحارة اذا وقف محد يشك فيه
امل /عندها لين 10 محاضره وخلصت طلعت على المكتبة
وجلست هناك لين اذن الظهر
نواف /صحى 10 لما قالوا له انها دخلت بالمكتبة طلب له فطور
صور وارسل
اموله انا جالس عند الباب افطر اكلت ياروح نواف لا تخافين
أمل جولها مسكر
طلعت صلت الظهر
ثم سولفت مع وحدة من البنات لين وقفت عند الباب
فتحت جوالها على شان تتصل بالسواق
50 مكالمه من نواف
4 من ريما
7 من ريم
4 من محمد
أمل وش فيهم ذلوا
اتصلت على محمد أمل /الو
محمد/وينك لي ساعة اتصل
أمل :كنت با لمكتبه
محمد /اسمعي الليله عندنا عشاء لا تخافين السواق معي مشغول
أمل /بطلع مع ريما لاتخاف
محمد/ اوكي انتبهي على نفسك
سكرت اتصلت على ريما
ريما/ اخيرا وينك فيه
أمل /وش فيك
ريما / وينك فيه
أمل /عند البوابه امري
ريما/ اسمعي كنت ابيك تطلعين معي انا وريما نروح للمهندسه المهم
الحين اطلعي تلاقين السيارة تنتظرك تعالي نتظرك انا وريم
أمل /اوكي
لبست عباتها وطلعت
نواف /اخيرا حبيبتي
يا حبك للكتب فديت قلبك
طلعت امل لفندق الفور سيزون
الا البنات جالسات في المطعم
سلموا وجلسوا
ريما /وينك خلصت المحاضره واختفيتي
أمل /وراي بحث مو زيك فاضيه
ريما/اسمعي انا رحت وسويت اعتذار مليت ماني قادرة اتحمل
أمل/ مهبوله باقي شوي ونخلص
ريم /بكفيها المهم شوفي
أمل/جوعانه اول اطلبي لنا شيء اكله
نواف /وراهم لبس نظارات متلطم بشماغ أحمر
ومتكي
امل /جلست تاكل الرافيولي
وتشوف الاوراق
أمل / انا امس خلصت أوراق دراسة الجدول باقي لي يومين ويكون كل شيء جاهز
بعد اسم المحل ونسجل بالغرفه التجاريه
ريم /خلاص ذي خليها على الهنوف تخلصها
امل /اوكي وش باقي
ريما /خليك من المشروع
وش صار فيك أمس هههههههههههههه
ريم /الصوره اللي شفناها مره كارثه
أمل/ مره
وصارت تحكي لهم ونواف طبعا معهم بالسالفه
ريم /الحين وش بتسوين
امل /ابد محمد بيغير لي غرفتي كلها
وبعد بطلب لي بدال اللي انكسر وانكب
ريما / صراحة انتي اغراض ذوق وتختارين احسن شيء والنادر
أمل /الحمد لله ماوصلت للعطورر
بس راحت علبتين وصحيت
ريم / بنات خلونا نطلع لمحل عبوره نشوف اخر التطورات
نواف كان مشغول باتصالاته
ومالحق الا لما طلعوا
أمل /ريم مره حلو
ريما / مره عجبني
اتصلت بنوف تقول تعبانه مااقدر اجي
أمل /بشوف الهنوف
مسكت جوالها
الو
الهنوف /هلا اموله
أمل/ وينك حنا بمحل عبوره
الهنوف /دقايق وانا عندكم بس اطلب لكم شيء حلو
امل /فديتك عارفه جوهم ههههههههههه
الهنوف /أنا جوعانه مو عليهم
جلسوا البنات وصلوا الا الهنوف جايه
جايبه موكا ودونات وتشيز كيك
وعصير مويه
ريما /انا جوعانه
أمل/ الحين جاين من الفندق مااكلتوا والحين جوعانه
ريما/ ماكنت جوعانه طيب
ريم /شربنا عصير وجاب العيد
ريما /المشكله اعرف نفسي ما احبه ولازم اطلبه
الهنوف /مهبوله المهم اكلي
جلسوا سوالف وضحك ثم طلعوا لنوف
نوف / وش فيكم من دخلتوا وانتم تضحكون
أمل/ ريما مهبوله
ريما /نوف اطلبي لي قهوه راسي
نوف /ابشري كل شيء حاضر بس اجلسي
أمل/ ريما وش وضعك اليوم
ريما/ههههههههههههههه جوعانه
ريم /اقول البنت ذي منتهيه صلاحيتها
نوف /ايش الاخبار
أمل : كل شيء اوكي بالنسبه لمحل عبوره جاهز باقي العاملات بس
اما محلنا يبغا شوي اثاث ورسوم يعني تشطيبات
جلسوا سوالف ثم طلعوا لغرفة النونو
أمل /مره ذوقك حلو نوفه ياقلبي أنا مااحلاها
ريما /مره تجنن نعومه فديتها هي وامها
ريم /جلست تلعب بالالعاب وتشغل الانورا
نوف / هيه لاتحوسين علينا لنا أسبوع نجهز
ريم /تجنن تدرين انا اموت بالاشياء ذي
كل خواتي انا اللي جهزت اغراض النونوات حقاتهم
ريما /اروح من امل تجي ريم
وش فيكم المشكله كل وحده عندها بزارين كثير
أمل /مجود غير
نوف /ههههههههههه ولما جت جوجو وهشوم قلتي كذا بعد
أمل /ضحكت واستحت حيل
امل/ انا لازم اطلع للبيت
نوف /وين حتى العشاء للحين مااذن
أمل /اول انا من الصبح عن حبيبي مجودي
وثاني شيء عندنا عزيمه
وطلعت
نواف /وراها لين وصلت للبيت
نواف/ تارك كل شيء وبس حياته أمل واذا فيه
اوراق يخلصها بالسيارة والا يروح يخلصها ويرجع
امل على طول لبيت محمد
لان محمد قال ان البيت فيه عمال يعدلون غرفتها
ومن دخلت بيت محمد وهي شايله مجود
لما نام ررحت غيرت ملابسها ثم رجعت له
والعالم بالعزيمه وهي مو يمهم
نواف /عارف انها بتطلع من بيت محمد وترجع لبيتهم
ورجع للبيت
خلصت العزيمه وطلعوا الناس
أمل/جهزت ملابس مجود وطلعت للبيت شايلته
ودخلت وطلعت لغرفتها
الا هي مره نعومه
محمد جايب ورق جدران وري ساده والجهه الثانيه مورد
والثالث بويه أصفر باهت مايل للسكري
والسرير بيج والمفرش بيج بورد كبيره وردي والارض خشبيه
وكنبه وردي مفرش سكري وخدايدات منوعه
والكومدينه عليها باقه ورد كبيره
اموله نورتي غرفتك يالغاليه
اخوك محمد
أمل باست الورد الله لايحرمني منك
والدولاب نفس الغرفه
بنات خواتها رتبوا كل شيء
لقت علب هدايا فوق السرير
أمل: فديتك يأمحمد اكيد هو وخلود شارين لي مكياج
فتحت العلب
اغلى ماركات المكياج كل نوع كرتون
امل /وش اسوي بكل ذا
وعلبة كلها عطور
غيرت ملابسها وغيرت لمجود ونام
ورجعت تتفرج بالعلب
مره اشياء حلوه
جاتها رساله
نواف /اموله روحي كيف الاغراض اذا فيه
شي ناقص ارسله انا
أمل /يليل النشبه ذا
الا نواف يتصل
امل /معصبه
الو
نواف /ياروحي انتِ ودنيتي احبك
أمل /مااحب ادعي بس بعد عني ومابي منك شيء
واغراضك خذها
نواف/ بس انااطلبتها لك
أمل/ وانا ماطلبت منك
نواف /بس انتي مسؤله مني الحين
أمل /تاخذها وولا ارميها بالزباله
نواف /تراها غاليه حرام
أمل /ماطلبت منك تشتري لي
نواف /أمل اهدي اهدي اعرف ماطلبتي مني وانا شاريها لك هديه
انتِ روحي ودنيتي كلها بالله اذا ما شريت لك من اشتري له
امل /نواف والله ان مابعد عني مايحصل طيب
نواف /ههههههههههه وش بتسوين ابي اخاف هاتي
بتقولين لمحمد نواف يلاحقني
بقول له انا احب اختك وابيها زوجتي وحبيبتي وام عيالي
بتتصلين بالهيئه مايقدرون يسوون شيء
أمل /هههههههههه لا والله
نواف/ عادي مشكلتك انتي حبيتك فديتني
أمل /مغرور
نواف / كثير وش ابي اكثر دامك حبيبتي الله يخليك لي بس ويخليني لك
أمل /شارب شيء
نواف /والله سفن أب بارد مع ليمون بطني احس بماغص
اخاف عندي بس تسمم يويلي بطلب الدكتور
أمل /ههههههههههه
المهم بعد عني والعلب مابيها تصرف مثل ماجبتها اخذها
نواف / والله ماترجع عطيها بنات خواتك
وسكر
طلب الدكتور
الدكتور/وش اخر شيء اكلت
نوافك بس عشاء عادي ستيك وسلطه وعصير اناناس
الدكتور / بس انت ياطويل العمر عندك حساسيه منه ليه تشربه
نواف /نسيت وجلس يرجع وعاد هو خواف جاب له مرض مو فيه
بعد ساعة
نواف / ارسل لها رساله
اموله /انا عندي حساسيه من الاناناس انتبهي لي
تعبان اموله دايخ رجعت لين دخت اموله ابي اسمع صوتك
أمل /طنشته وجلست شايله مجود يبكي وما تعرف وش فيه
جا الفجر وهو يبكي \لبست عبايتها وشالته وعلى بيت محمد
امل تبكي ماهو راضي يسكت
خلود/طيب ماعليك لاتبكين
خلود/ اخذت وشوي الا هو ساكت
خلود/ بس عنده مغص
امل /مااعرف انا
جلست تتفرج عليه وهو نايم ونامت بالصاله
محمد /دخل بعد الصلاة الا امل نايمه وخلود شايله مجود
محمد/ ههههههههههههههه ملت منه
خلود /ياقلبي جايه تبكي تقول ماهو راضي يسكت
محمد/شال امل ورجعها للبيت نيمها على سريرها ورجع
أمل /صحت خذت شاور ونزلت الظهر الاخواتها مجمعات
أمل /بنات فيه خمس علب لونها موف نزلوها وتعالوا
طلعوا البنات يركضون بنات ريم وبنات نوره وبنات مها وهدى
جابوها وجلسوها عند خالتهم
أمل اول المبزره ذي جنا جيبي لهم حلاو من غرفتي وخليهم يطلعون يلعبون
جنا وامجاد طلعوا وجابوا للبزران حلاو وانواع بسكوت والبزران طلعوا عند عيال رحاب
أمل /فتحت العلبة وطلعت الكراتين
رحاب /وش ذا كله ليه شاريه كل ذا
امل/ ماشريتها اصلا المهم كل اللي يبغا ياخذ منها
روان / خاله ذي لنا
أمل/ اخذي اللي تبغين بس خلي اول خالاتك ياخذون
هند/ انا امس شريت
وجلسوا الكل يختار امل جلست جنب امها حصه وماش جوها بس تضحك عى بنات خواتها
العصر طلعوا لبيت محمد وامل جلست على اوراق المشروع
صلت المغرب
وجلست تكلم ريم وترتب معها الاوراق
ريم /اموله انت ِخلصتي
الحين لازم نسوي شركة احسن بأسمينا كلنا
بكره انا من الصبح اجهزها وبعد الظهر نسجلها وتكون أوراق رسميه
امل / اوكي
سكرت منها طلبت من النت مكياج ثم خلصت وطلبت حلويات ومن نواع الشكولت البلجكيه الفاخره
أمل/ اخيرا خلصت اشغالي
خذت شاور برغوه بالفرواله
ولبست بجامه برمودا مربعات وبلوزه علاقي بيج
صلت ونزلت تتفرج على التلفزيون
هند الو أمل تبغين نرسل لك عشاء
أمل /لا مابي بطلب بيتزا
هند/طيب محتاجة شيء
أمل /سلامتك
سكرت وراحت للمطبخ وسوت لها كاس كابتشينوا وجلست
الا جوالها معلق رسايل
نواف /حياتي ودنيتي يسعد لي مساءك حبي
الثانيه اموله انا طلبت لك بيتزا
تعشي ياروح نواف ودنيته
وارسل لها مقطع فيديو
نواف /بغرفته يعدل شماغة
أموله حياتي وش رايك ياروحي بملابسي ولا اغير الشماغ
والعطر وش احسن شي اموله اختاري لي
ويتميلح على المرايه
أمل /ههههههههههههه مغرور ياناس وش دخلني
بس للحق مزيون
بذا اللحظه في مدريد
متعب /وش فيك مابغى احد يعرف كله كسر بسيط
مصعب /بس انت تعبان
متعب /وش فيك حنا تدريبات لازم اصابات وبعدين انت اكثر
مني وقلقان علي ارتاح ياخي
ههههههههههههههههه
مصعب/ انت صديقي واخوي
متعب /ونعم الصديق يا مصعب اشتقت لها حيل
مصعب /كان المفروض نرجع الشهر الجاي
متعب /كان بس مع الاصابة راح نتاخر مافاد تقصير المده الله مو كاتب ارجع لها بسرعة
مصعب / متعب خايف عليك والله
متعب /سرح بعالم ثاني
نواف /أرسل مقطع ثاني
نواف: /اموله خلصت شوفي رسمي وراي زواج احضره تعشي اوكي ياروح نواف بالله مااخفق بسم الله علي
لاتخافين القلب معك لاتغارين
أمل/ مهبول واثق من نفسه ذا الوالد
جرس الباب ووصلت البيتزا ومعها علبة خاصه آيس كريم غزل البنات
أمل /بيجلطني الوالد ذا كل الاشياء اللي احبها يعرفها
حتى نوع البيتزا الايس
نواف يخوف
دخلت الايس كريم بالثلاجة واخذت لها كولا وجلست على الفلم
وانسجمت معه خلص و بداء واحد ثاني وتتابع
نواف /اموله ملل مره ويصور لها من الزواج
حياتي انتِ وش سوين
بعد ساعة طلعت لغرفتها
وجلست تتفرج على اللاب موديلات وعروض أزياء
الساعة 12
نواف /حياتي انا بالبيت تدرين اول مره اجي بدري بالعادة ماايشوفوني الا بعد الفجر
ههههههههههههههه
بطلع للوالده وارجع لك
أمل /اوم الازعاج انا وش دخلني وش يسوي
وين يروح مسوي زحمة والشارع فاضي
نزلت جابت الايس كريم وجلست ممددت رجوالها وجلست تاكل
الا نواف مرسل
أموله تدرين الوالدة مو بالبيت يقولون معزومة
عاد انا غيرت ملابسي وصور نفسه
برمود كروهات زرقاء وتيشرت أزرق
أمل / الولد موطبيعي
ارسل مقطع فيديو ممدر رجوله على السرير وياكل نفس العلبة ايس كريم
نواف اموله تصدقين اول مره بحياتي اكل النكهه ذي انا احب الكرميل والشكولت وبعد احب الكيوي مرات
بس مو شينه نكهتك حلاها انتي
أمل /بيجلطني
طفشت من كثر ما يرسل لها وسكرت جوالها ونامت
أمل /صحت الظهر اخذت شاور ولبست فستان مقلم وجزمه نعومه وربطت شعرها ولبست عبايتها وعلى بيت محمد
جلست لحد العصر ثم طلعت مع السواق للبنات في المحل وطلعت الساعة 10 وعلى البيت ونواف معها
أمل /مايطفش ماعنده شغل الا انا وش اسوي فيه
ذي عقوبتي بمتعب مودب وطيب والله بلاني بذا
يارب انا وش سويت بدنيتي حتى يجيني واحد مهبول مثل نواف
رجعت للبيت غيرت وحاولت تنام ماقدرت
جلست تسولف مع نوف وبعد جود حصلتها وسوالف لين 2 ونواف كل شوي يرسل لها رساله
مرسل لها مقطع فيديو جالس بالحديقه معه فهد صغيرون
نواف / اموله ذي بستي بتي بيتي سلمي على اميرتي ويرفع يدها
ثم مصور نفسه يلعب معها
أمل /انام احسن لي من المهبول ذا
نواف /اقدر اقول اني مجنون فيك
تدرين ما عمري فكرت اني بيوم بحب وانجن في بنت
امل بقولك لك الصدق انا عرفت بنات كثير من العايله وخارج
حتى اجانب وياكثر بنات يبغون بس أعطيهم وجهه
بس قلبي اخذتيه جد اول مره شفتك واقفه بالحفله حسيت بشي غريب
بس ماخطر على بالي اني احب
بس لما عطيتيني كف وجات عيوني بعيونك والله
رحت فيها ذا اليوم حسيت حياتي كلها انقلبت
احبك اموله
امل لما صحت أمل ولقت الفيديو
وشافته
امل / من جده ذا ياصبر الارض
خذت شاور وطلعت بعد الظهر للمكتبه عندها بحث
وجلست ساعة ورجعت
نواف واراها
رجعت على بيت محمد جلست لين العصر
طلعت من بيتهم ومعها الجوهره ونزل لها هشوم واخذتهم لملاهي
ونواف معها
أمل /بعد عني استح على وجهكك
نواف /يبوس هشوم وجوجو
مااقدر اخليك بالملاهي لحالك المول كبير واخاف عليك
أمل /بعد عني ولا لميت خلق الله
نواف/ وش فيك واحد وزوجته وعيالهم وش فيها الحين
أمل /طلعت من المول وتركته له
نواف شاري بلونات وحلاو قطن
وهشام وجوجو يمشون ووهم على وراى لنواف اللي ياشر لهم
هشام سحب يده من خالته وركض لنواف
نواف /فديت الامور ربط البلونات بيده وعطاه الحلاو ورجع يركض
امل / بعد عنهم
نواف /ارجعي للبيت ياعسل
جوجو /ياعثل
نواف /عض خدودها انتِ العسل
ومشى
رجعت للبيت أمل تغلي دخلت للبيت وعلى غرفتها غيرت ملابسها وبسريرها تبكي
ونامت وهي تبكي
صحت الفجر صلت وجلست تقرا قران واذكارها ونزلت سوت لها ساندوش وجلست تتفرج على فلم
لما وصلت الساعة ثمنيه طلعت وغيرت ملابسها وطلعت كالعادة الورده بالزباله واخذت القلب
نواف /نعسان وماقدر يصحى الصبح ولحقها على الجامعة
نواف /كمل نومته بالسياره
أمل /خلصت محاضرتها وطلعت من الباب الا ريما تتصل
أمل / الو ريوم
ريما /صباح الاخبار الحلوه
أمل/ صباح النور غريبه صاحيه
ريما/ انا جايتك
أمل /وش فيك قولي لي
ريما/ نوفه ولدت وشرفت العنود الصغيرونه
أمل / اخيرا من قال لكك
ريما /انا اتصلت عليها عليها اتطمن عليها لانها كانت تعبانه امس
أمل /انا بعد اتصلت ورفضت ازورها بالمستشفى
ريما /المهم ولدت وهي بخير والبنوته بخير بمرك ونزورها
أمل: اوك بصلي الظهر فيما توصلين
صلت وبسرعه طلعت الاريما تنتظرها
ريما وامل من محل لمحل يشترون ورد وهدايا
ونواف وراهم
أمل /طفشني وراي من طلعنا من الجامعة
ريما / لاتخافين ماراح يقدر يدخل من البوابه الحين
دخلت السيارة من بوابه المستشفى وذي مخصصه
بس بروضوا ماقدر يوقفون نواف
طلع بطاقته ودخلوه على طول
نزلت امل وريما
أمل /ريوم ورانا
ريما /انا اوريك فيه امسكي الورد وادخلي لنوف
أمل /ريوم لاتتهورين
ريما /ماعليك
دخلت أمل وعلى جناح نوف
دخلت الا سلطان جالسه مع البنوته
أمل / الحمدلله على سلامة نوف ومبروك البنوته الحلوه
سلطان/ الله يبارك فيك وعقبال ما نفرح فيكك
أمل /ممكن اخذها
سلطان /شال العنود وعطها أمل
أمل / بسم الله ماشاء الله
يا جمالها ياقلبي سلطان وربي نوف صغيرونه ماتشبه لك
سلطان /من قال شوفي يدينها خشمها على ابوها
أمل / مومره اهم شيء انها شرفت مابغت
باستها ورجعتها لسريرها
ثم دخلت على نوم بغرفتها
أمل /الحمدلله على سلامتك ياحلا أم بالدنيا كلها
نوف / الله يسلمك
أمل /جد اموره اموره بسم الله عليها
نوف /صغيرونه حيل
أمل/ مره
صارت تبكي وجات المربيه فيها لنوف
امل /وش سوى سلطان
نوف /اساليه عندك
أمل / سلطان كيفك مع البنوته
سلطان /انا ونوف صرنا احسن من الوالد والوالده والجوهره ماوقفت بكي
متعب من شاف صورها ومسوي فيها قصيده ياجعلني اشوف عيالكم يامل
أمل/ سكتت
سلطان /متعب يسلمك عليك يأمل
أمل /الله يسلمه من كل شر
نوف /تخيلي جود تركت الامتحان وجايه الحين
سلطان /باقي ساعة وتوصل
امل/ الله يخليها لكم يارب واخذت العنود وباستها ثم رجعتها بسريرها بالغرفه الثانيه وصورتها وصورت مع نوف الا ريما جايه ميته ضحك
سلمت على سلطان وعلى طول لغرفة نوف
ريما / الحمد لله على سلامتك
مبروك البنوته
نوف /الله يسلمك من كل شر والله يبارك فيك
ريما/ بصوت واطي للامل
الوضع تحت السيطره
نوف /كيف شفتي اميرتنا
ريما /ماشفتها وينها
أمل/ ريوم بالله ماشفتيها
ريما /والله سلمت على سلطان ودخلت احسبها عندكم
أمل /على قولت هند اختي مايشوف الا القلب
البنوته عند سلطان
ريما /بطلع أشوفها
أمل /جلست سوالف مع نوف
وريما تعلق على سلطان وبنته
بعدين
جا أخوان نوف
أمل / حنا نستأن نجيك وقت ثاني اهم شيء تطمنا
عليك وعلى الاموره
وطلعوا
امل/ريوم وش سويتي قولي لي
ريما / أبد تلاقينه بالطوراى يخيطون جروحه
أمل /حرام مو كذا عاد
ريما/ وش فيه حرام لايكون رحمتيه
أمل/ بس مااحد احد يتذا بسببي
خذني جريح شعور يعشق وصالك
ينزف جروح العشق وأيامه شهود !
خذني غريق أحلام عانق خيالك .
يرجي سحاب إيديك والشوق موقود !
|
21-09-15, 06:48 PM
رد: أنتٍ قدري
رد: أنتٍ قدري
رد: أنتٍ قدري
رد: أنتٍ قدري
جديد مواضيع قسم القصص المهجورة والغير مكتملة
العرض العادي
