كاتب الموضوع :
simpleness
المنتدى :
القصص المكتمله من وحي قلم الاعضاء
رد: ذات مُقيّدة حوّل عُنُقِ امْرَأة / بقلمي
السلام عليكم و رحمة الله و بركاته
مســاء الحُب و الراحة النفسية
شخباركم جميلات و شخبار الامتحانات ؟ عساكم بخير يارب..
عندي هذرة طويلة عريضة،ان شاء الله ما اسبب لكم إزعاج=))
بس اتعودت اشارككم أي شي يخص الرواية..،
،
أول شي اعترف لكم ما كتبت من الجزء القادم سوى رقمه ! قضيت هاليومين ما بين دوامي المتبهذل في الجامعة و قراءة الأجزاء السابقة..
استرجعت الأحداث و أنعشت أفكاري و أعدت تظليل الأفكار المُهمة عشان اعرف شنو اللي لازم ابدأ أحيك خيوطه..،
بالنسبة للأبطال..للعلم تراهم ناقصين للحين..في منهم اللي انذكر بدون معلومات إضافية فقط في مواقف،و في منهم للآن ما صار وقت ظهورهم..
و كذلك التلميحات اللي ذكرتها خلال الأجزاء الماضية،بعضها امسكتون طرف خيطها و بعضها للحين ما شفت احد ذكرها..و صرت اشك اني ما ذكرتها بطريقة واضحة =(
على العموم بنعيد هالتلميحات بطريقة ثانية ليش لا..في النهاية الرواية قضية و لازم كل المعلومات تكون متوافرة عندكم عشان تقدرون توصلون لحل،طبعاً ما يصير نقص على عقل القارئ و نُلقي أمامه نصف الأدلة و بعدين نطالبه بحل و نلومه لعدم كَشفه !
،
ثاني شي
علاقة جنان بأحمد..جنان البطلة المُعقدة في شخصيتها و في حياتها و علاقاتها
كل مرة اقول لكم قريب بنسترجع بداية علاقتهم و اكيد في اسئلة داخلكم عن طريقة ارتباطهم و شلون جنان وصلت له..بس لأن الأخت جنان انعقدت في أكثر من مُشكلة ابي بس انتهي من بنتها عشان اقدر اتفرغ للأمور الثانية اللي تخصها..،
،
محمد
فقد ذات كان لمحات من ماضيه المُبهَم،ذكرت خَمس قَضايا:
- قضية الرَجُل اللي دخل بيته فَجراً و هدده بالسلاح
- قضية والد ايــلي
- قضية المصرف
- قضية عَجوز موسكو اللي استضافته في فيلاتها
- و أخيراً أولى القضايا عملية السطو في أحد محلات الملابس
هذي القضايا كلها بنرجع لها بطريقة مـا،لا تغفلون عنها..،
،
الطالبة سُمية،هي مُفترق طريق في الرواية لبيان طبيعة شخصية ملاك
بنستكملها ان شاء الله الجزء القادم
،
ثالث شي
الرواية كَكُل،صراحة انا احب الالتزام لأن يخليني انجز،بدون نظام و التزام و من غير ما يكون احد فوق راسي او احد ينتظر مني اقدم شي ما انجز او نقدر نقول ضميري ينام ما يوعى =))
الرواية بالنسبة لي اشياء كثيرة و من ضمنها الالتزام،و انا استرجع الأجزاء لوهلة حسيت نفسي بخيلة في الأجزاء من بدأت الدراسة و انتوا ما قصرتون تفهمتون و اتقبلتون الأعذار..و انا بطبعي ما احب اوعد واخلف و اصف أعذار بس للأسف هذا اللي صار =|
لذلك فكرت انهي الرواية في عطلة الربيع،و اعترف ان كانت فكرة مجنــونة لأني للحين في بداية الأحداث،يعني عدَّة أبطال ما بدأت قصتهم فعلياً و غير اللي للحين ما طلعوا،فاكتشفت اني اذا حاولت انهيها في هالفترة تعبي كله بيروح هباءً منثورا..فالهداوة احسن و ندعي ان شاء الله ان الظروف تكون ويانا مو ضدنا و ننهيها على خير..،
،
رابع شي و هو المُهم <ادري جبت لكم وجع راس بس ما عليه آخر شي ^_^
الجزء التاسع و العشرون الي هو الجزء القادم
خبرتكم نهاية الجزء اللي راح اني بعطيكم خبر بخصوصه..
من زمـــــان اوعدكم بجزء متكامل من جميع النواحي،و اهم شي يكون شامل لكل الأبطال
لكن كل مرة أخلف وعدي و هذا مضايقني..فالجزء الجاي قررت اخذ وقتي فيه
و بما أن امتحاناتي قَرَّبت و يا دوب احصل وقت ادرس فيه فقررت اخليه لبعد ما انتهي على خير ان شاء الله،
خصوصاً اني ابي من خلاله انتهي من لقاء جنان و جَنـى،و عرس جود و علي
و عشان ابي اوصل لسفرة نـور و اللي بتنقلنا لأحداث صادمة لي قبل لا تكون صادمة لكم =(
*اللي يقرون بصمت اتوقع عندكم توقعات و تعليقات،حابــة جداً اعرفها،لا تبخلون علي ^_^
،
في النهاية..
السنة باقي عليها يومين و تنتهي،و في هالسنة اتعرفت على قارآت دخلوا قلبي بسرعة،فعلاً احمل لكم وسط قلبي محبة ما يعلم بها الا الله..ان شاء الله السنة الجديدة تكون زاخرة بالسعادة و الحاجات المقضية و يارب كل امنياتكم تتحقق..
مُوفقين في امتحاناتكم و ان شاء الله الدرجات العالية،و مُوفقين لكُل خير غالياتي
لنــا لقاء قَريب
كونــوا بخير جميلات
أحبكم و قُبلات
سلمتن
،
|
29-12-15, 06:54 PM
جديد مواضيع قسم القصص المكتمله من وحي قلم الاعضاء
العرض العادي
