كاتب الموضوع :
simpleness
المنتدى :
القصص المكتمله من وحي قلم الاعضاء
رد: ذات مُقيّدة حوّل عُنُقِ امْرَأة / بقلمي
اقتباس :-
المشاركة الأصلية كتبت بواسطة طُعُوْن  |
مساء الخير..
امس خلصت الجزء وطاقتي قد انتهت و على طول نمت.. واليوم حسيت اني
ماركزت فيه زين.. والسبب ابداع انثى يوم قالت جرح بفخذ نور.. قلت اكيد طافني
شيء وما ركزت.. وانا في نص موقفهم تذكرت انها جنان اللي مجروحه بفخذها😭
..
صراحة بارت صادم بالأحداث.. من ياسمين لوعد للطفل المجهول للحين.. لقوة
حور المفاجأة وتصريح يوسف برغبته بقتلها لضربه ملاك ووحشيته مع مخلوقات
ربي ..
..
نور.. يا ترى ممكن تكون مسحورة..؟ يعني من عشق شديد لكره مفاجئ و
ايش سالفة الريحة اللي تشمها وايش رابطها مع المطر والبحر..! اتوقع ابو نور
كلم عبدالله ويبي يستفسر عنه عن حياتهم قبل وايش سبب الطلاق وايش صار
او بيسأله كيف كانت علاقتهم مع بعض..
..
جنان.. انا راحمتها عشان شيء واحد.. وهو بنتها.. أما الباقي مره اقول انها
تستاهل ومره اقول لا.. احسها كتلة تناقضات وماقد فهمتها ابد.. بالذات علاقتها
مع فيصل.. يعني اذا تحبه ليش قالت له انها ماتبي حملها منه.. وش سبب انكسار
علاقتهم وجروحههم اللي واضح انهم امتلوا منها..
،
زوجة أحمد.. انا عذرتها.. بالذات انها تحاول تحافظ على بيتها .. بس اذا جد
ياسمين اللي حظر حفل تخرجها فيصل تكون خطيبته فعلًا.. ومع انه سألها وقتها
اذا قالت لأهلها كل شيء وقالت له لسى.. فـ احترت ايش عرّف فيصل فيها و
جنان بأحمد.. يعني كنا ندري انها وهي مراهقة معجبة بكتاباته.. بس كيف
وصلوا لبعض..! بس ليش هم بالذات..! والا هي مجرد صدف.. مع اني استبعد
من فيصل اي صدف.. وواضح انو زوجة احمد الأولى تعرف عن حياتهم الكثير..
يعني واضح معرفتهم قديمة من ثرثرة جنان بالبارتات اللي قبل وانها قد شافتها
مره..
..
فيصل.. متى الوقت المناسب اللي رح يقول لجنان.. اذا تمم خطبته والا شو..!
..
وعد.. مين تكون..! ومين المجهول اللي معها..! احس انه من الأبطال اللي نعرفهم
او انه هذاك رجل الأعمال.. ايش سالفتهم وايش سالفة الهوية..؟ يعني هي ماعندها
هوية والا مش بحرينية يعني..؟
..
الطفل.. احسه من سلسلة الأخوان اللي في الرواية.. ويمكن انو اخو ام عبدالله->
محد شرير غيرها🔫🌚.. بس يا ترى كم عمره الحين..! ووش صار على حياته.؟
..
حور.. يا بنتي حطي رجلك ولا توقفين الا بغرفتك ببيت ابوك.. دا انتي متقوزة
راقل وحش أوي.. اظنتي تجيها سكتة قلبية من الرعب😂👌🏻
..
يوسف.. يمه متوحش.. وش ذنب المخلوقات البريئة .. بس عاد الصدق يوم قريت
كذا ارتحت انه مو قاتل بشر.. صحيح يبقى حرام يعذب الحيوانات بس شيء
اهون من شيء.. واضح انه متأثر من وفاة ابوه بشكل كبير اكبر من اللي تصورته..
..
محمد.. في فقد ذات.. احتاج ارجع اقرا الجزئية اللي منه في البارتات السابقة..
تعرفين بأي بارت بالضبط هي موجوده..؟
،
آستور.. معقولة يوصل فيه انو يبي يزوج محمد وبدون علم أهله وكأنه هو أبوه..!
عاد اتوقع يخليه يتزوج ملاك عشان يتابع قضية أبوها.. بس مارح يتزوجها بالسر
أكيد..
..
حنين.. يعني اذا تبين الصراحة اكره سوالف الحموات واخوات الزوج.. بس
ترا عداوتهم مالها اساس حتى.. يعني كانوا صغار وطبيعي هذي تغار من ذي
بس خلاص كبروا عالحركات ذي..
منال أخت بسام.. وش قصدها من انو حنين فضلة غيره.. يعني كانت مخطوبة
او متملكة..؟ واذا ايه ليش محد قال لبسام..؟ لا ابوها ولا اخواته.. يعني اخواته
يكرهون حنين فـ مستغربة انو محد حكى لبسام شيء للحين..
،
اتمنى مانسيت أحد..💜
تحياتي لك يا جميلة.. و بالتوفيق لك باختباراتك .. احنا منتظرينك
وقت تفضين ومنتظرين تمطرين علينا من فتنة حرفك المميز..
|
مساء الخيـرات
ههههه انا خفت اني لخبطت في الاسماء مرة ثانية
الجزء كان صادم لي قبل لا يكون صادم لكم
احس ان مع احتدام الأحداث الأجزاء باتت تستنزف مشاعري
نور،تبادر الى ذهنكم من استفراغها و الريحة اللي شمتها ان ممكن تكون مسحورة
ما اقدر اقول ان مسحورة و لا اقدر انكر،الأحداث بتأكد لنا
جنـان مألمة قلبي من اللي قاعدة اسويه فيها
كل ما اتذكر انها بتلتقي ببنتها اللي ظنتها ميتة لخمس سنين اشعر برغبة بالبكاء
ما اجذب اذا قلت ماني عارفة اكتب مشهد اللقاء،احتاج اكون ام لقت بنتها بعد فقد عشان اوصل الاحساس !
ان شاء الله كلماتي ما تخذلني
اي نعم ياسمين هي نفسها اللي حضر حفل تخرجها
صحيـح خبرته انها للحين ما قالت شي لأهلها..بس الواضح ان اختها خارج القائمة !
عشان اكون صريحة صلة القرابة صارت صدفة،بس لقاء جنان بأحمد بنتناقشه في جُزئيات الماضي القادمة
فيصل يمكن ما يقول لها..على قولته ما تهمه !
فيعني عرفت ما عرفت مو مهم عنده..ما ندري الكلام من داخل قلبه و لا من وراه ؟!
وعد ذي شخصية أكثر تعقيد من جنان اللي معقدتكم
انا نفسي الكاتبة لازم اكون حذرة بخصوصها
داهية المرأة !
هويتها بعدين بنعرف شنو سالفتها بالضبط
ههههه ايــه والله لحد الآن محد شرير غيرها
هالطفل هذا يمكن أحب بطل على قلبي،على الرغم اني مقررة ما اتحيز لأي بطل
بس هذا اخذ قلبي ^_^
و في نفس الوقت قصته حزنتني و مَسَّت شي جداً حساس في شخصيتي
شوي شوي بنعرفه
حـور و الله انه جاها كَسر و تحطيم و تشويه قلب =((
الله يستر هاليوسف لين وين بيخليها توصل
لأي درجة من العذاب !
ايـــه،استغفر الله شي اهون من شي
صحيـح متأثر بشكل جداً كبير
على الرغم ان الشي مر عليه عشرين سنة
اتأخرت على الرد صح ؟
موجودة في فقد ذات الجزء العاشر
آستور يمثل دور أب محمد في مسلسله على قولة محمد
لو صار زواج..بنشوف بالسر ولا لا
حقيقة بالنسبة للعداوة بين حنين و حمواتها
في ناس في الحياة هذا طبعهم و نفسهم عفنة بشكل ما يصدقه العقل
يكرهون زوجة الابن بدون سبب و لا مُبرر هم بالأم !
لدرجة يسوون مشاكل بينهم توصل بعضهم انهم يشككون الزوج في شرف زوجته !
يعني عادي الزوجة تولد يقولون له هذا مو لدك !
و في بعضهم بعد ما تنجح خططهم و يتم الطلاق ينقلبون مئة و ثمانين درجة مع هالزوجة اللي بهدلوها
و كأنهم ابداً ما كرهوها !
نقدر نقول مرض نفسي !
للأسف في كثيــر مثل هالعينات في المجتمع،و حالياً اخوات بسام عداوتهم على الشاطىء
ما غرقوا فيها
بيتوضح كل شي بخصوص حنين و سبب صمت اخت بسام
،
حبيبتي مانسيتي احد
و اعشق هالتفاصيل فعلاً تحسسيني ان تقرأين بتدقيق
يعطيش العافية يا قمر
و التوفيق للجميع يارب
*قُبلة لكِ كجمالكِ
سلمتِ
،
|
04-11-15, 10:08 PM
جديد مواضيع قسم القصص المكتمله من وحي قلم الاعضاء
العرض العادي
