كل الحجج وتصوير نفسها ضحية وموجوعة وان الكل تخلى عنها اللي قاعدة تسوقها جنان عن نفسها مااقنعني أبدا بعض البنات من كثر الدلال الي عايشته اقل أمر يحدث يخليها تلجأ للفت النظر عن طريق تكوين علاقة محرمة يعني ايش المطلوب من فيصل أنه يسويه وهو شايف الصورة والكلام يجي يمسح على راسك ويقولك ليه كذا ياشاطرة لا والاخ الثاني بكل بجاحة يقولها ليه ماقلت عن طبيعة علاقتنا ياسلام من متى في شرعنا علاقة الصداقة بين الرجل والمرأة والأغرب من كذا لما تزوجو ليه ماتزوجو في النور وجا خطبها من اهلها ولا لازم الشغل اللي في الظلام هذا عشان تحس بالمتعة الحلال والنور أحيانا مايقنع بعض الشخصيات النرجسية اللي زي جنان .
الكلام اللي بقوله الآن سيبملنس ماله دخل بروايتك بس هو استطراد للكلام السابق ... اعلامنا العربي والاعلام بشكل عام يستخدم أسلوب الإعلام الموجه بحيث يجعل الفكرة الغير سائغة والي يرفضها المسلم بطبيعته فكرة مقبولة بل وفي داخله يشعر بالتأييد لها مثال الأفلام من بداية الستينات تصور الزوج بمظهر الرجل الجاف الغليظ ..السيء المعشر.. الكريه المنظر بينما العشيق جميل مهذب نظيف أخلاقه عالية وتجعل الأحداث تتصاعد تدريجيا حتى في النهاية يلتقي العشيق بالزوجة بعد القضاء على الزوج ويبتسم المشاهد ويشعر بالراحة لهذي النهاية !! تخيلو كيف قدرو يقلبون كل المفاهيم ويحولونها لشيء يراد له وأجندة خفية نعلم من وراءها .
جنان هنا في الرواية تمارس نفس الشيء تصويرها بالانسانة الجميلة اللي تتنقل من رجل لرجل ولازم نتفهم كل دوافعها لدرجة كل البنات كانو يشتمون أنفال زوجة أحمد رغم شرعية دفاعها عن حقوقها وزوجها وماأحد التفت لانفلات جنان وتصرفاتها السيئة اذا هو الاعلام الموجه .

طبعا جمال الرواية والابداع الغير عادي هو مادعاني أنا أكتب ماكتبت لو كانت رواية عادية لما التفت إليها ... لكن حقا سيمبلنس تدهشيني كل مرة بروعة قلمك .. دمت على هذا الابداع غاليتي

متى البارت الجاي واااي متحمسه 😻

أكيد أختي أبها أنا نقدي للشخصيات كشخوص واقعية تتحرك أمامي مانقدت فكر سيمبلنس أبدا لكن جالسة أبين عوار هذي الشخصيات وكأننا نتكلم عن ناس قاعدين نعايشهم بالواقع ونبين سلبيات هذي الشخصيات .