صباح الخير ياعسل .
اذكر في مره من ذات فقد انه كان في واحده ع البحر يجي جنبها واحد ومبين انها تحبه ومتعلقه فيه بس المشكله استهتاره بالحلال والحرام وكان وده يسبح معاه ولمن جا وقت الصلاه ماقام وهذا خلاها تتضايق اظنهم طلال ونور .

وعد تبغى تنتقم من ابو حور .
فاتن هي اللي ولدت وساعدوها الجيران.
غموض ابداع لا تتأخري علينا .

مسيتو بالخير🙋🏻

يمسيش ربي بالسعــادة

،

يوسف.. بدأت اقتنع اكثر و اكثر انو عنده انفصام بالشخصية.. هو اللي عندهم
انفصام اللي يغيرون كلامهم كذا.. او انو من تأثير كلام الدكتور عن انو يتوهم وكذا..

في النهاية هو كان طفل و سهل يأثر عليه كلام الدكتور.. لأنه ما بيكون واثق من اللي
شافه أو عقله يحاول ينكر الواقع و ياخذ الطريق الأسهل للهروب.. واللي هو قاعد يقنع
نفسه فيه انو ابوه انتحر.. بس كل ما اقنع نفسه تجي صورة انو كان فيه واحد ثالث
معهم و تشتت عليه تفكيره.. تصرفاته وقت يتذكر اللي صار تكون مؤذية و كأنه ينفصل
بعقله عن الواقع او يصير شخص ثاني..

صَحيح..قد يُكون هذا التغيير في أقوال يُوسف بسبب عِلَّة في شخصيته الطبيعية
أو تأثُّره بكلام الطبيب..
بالنسبة لتصرفاته هذي قد تَكون لها علاقة بعدم اتزان شخصيته النفسية

حور قاعدة تورط نفسها بشيء أكبر منها.. من جهة يوسف و من جهة ابوها.. يعني قاعدة
تناطح لها ثورين وهي تلوح لهم بعلم أحمر.. بس يمكن تكون هي مفتاح كشف أبوها و اللي
قاعد يسويه..

ايــه..ماهي واعية بحجم المُشكلة،همها يُوسف و ترشيح حياتهم من السُوء و الغرابة
عَجبني التشبيه =)
يمكن تكون هي المفتاح..،

،

حنين.. وش سبب اختناقها..؟ يعني من الصدمة ببسام والا هي عندها ربو..؟

لا والله ما هو ربو..البنت كرامتها ما تحملت نظرة الاستهزاء و نبرة بَسَّام
فكانت هذي ردة الفعل ^_^

و عرفنا انو راشد الزفت تخلى عنها يوم الملكة وما حضر عقد القرآن حقهم.. بس ليش سوا
كذا..؟ أول شيء علقها فيه وبعدها تخلى عنها بأصعب موقف و خذلها.. يعني دام سوا لها
كذا ليش لسى محتفظة برسايله..؟ لو انا منها قطعتها و رميتها بوجهه و خليه يبلها و يشرب
مويتها مو كمان يجي يتبجح و كأنه فرحان باللي سواه..

اهنــي في شيء مُعَقَّد..نقدر نقول إن الرياح جَرَت بما لا تشتيه حَنين
في شيء خطأ صار أنتج هالشربكة ذي كلها..،
الرسايل لنا حَديث عنهم..قد يكون رجوع للماضي

بسام.. يختي حنين ما تستاهله.. مغروره وما تشوف ابعد من خشمها.. وهو قلبه وش كبره..
حتى وهو مجروح و مخذول منها و لسى يراعيها.. يعني ماكو اصعب من انو يعرف انو قلب زوجته
يحتله شخص ثاني و كانت تجافيه عشان هالشخص.. مع اني اظن انها كانت تجافيه عشان
ما تتعلق فيه و يخذلها زي راشد..

يا عُمـري بَسَّام أرق و أحن قَلب من أبطالي الرجال
تمــام..أعجبني انش ما ركزتين فقط على موضوع ان قلبها كان لرجُل ثاني
مُمكن فعلاً ظنش الثاني هو الصحيح
و مُمكن لو ترجعون لحديث نفسها في بداية الأجزاء تربطون الأمور

،

نور..كانت تحب طلال.. و انصدمت فيه يوم قالت له عن خطبتها و ما لقت منه الا الإستهزاء..
بس كلام طلال اللي قاله لها واضح انو شخص قاله هالحكي وهو بس يردده عليها.. او
انو هو مقتنع انه شخص فاشل وهي بتصير دكتوره.. عالعموم يمكن ام عبدالله هي اللي قالت
لطلال هالحكي.. و يمكن انها اقنعت نور انها تخون عبدالله بمشاعرها لطلال.. انا ماعاد
عرفت اعطف على مين.. عبدالله والا طلال.. كلهم مدلهين بحب نور.. و نور كانت تحب
طلال و بعد الزواج حبت عبدالله.. بس مين اللي حبه كان اقوى بقلبها..؟

بالضبـط..يمكن هي توقعت ان علاقته فيها مو مُجَرَّد تعلق بفتاة رَبَت أمام عينيه
توقعت إنه في شي في قلبه لها..و يوم خبرته عن الخطبة انصدمت فيه يبارك لها !
و اعتقد وضح لكم تَخَبَط مشاعر طلال لحظتها
مُمكن فعلاً تكون أم عبدالله قايلة هالكلام
الشكوك حولها للحين في موضوع الثلاثة

،

فاتن.. صراحة صراحة.. انصدمت جدًا جدًا جدًا فيها.. من مواقفها اللي قبل تخيلتها
كذا وقوره .. و اذا تبين الصدق بدأت اقتنع انو فاتن ووعد شخص واحد.. يعني نفس
تبرج وعد.. كمان عمرها تقريبًا زي وعد.. و تذكرت شيء.. مره طلال قال لرائد انو وعد
عرفت تختار اسمها.. يعني واضح انو يعرف اسمها الحقيقي .. ويمكن كمان انو يعرف انها
اخته بس ماهو مهتم او انو ما يعرفها.. يعني ما يعرف انها اخته.. مدري حسيت شخصيتها
في الحفل قريبة جدًا من شخصية وعد..

انا كنت ابي هذي الصَدمة ^_^
يعني الموقف الأخير كان فرق بين مواقفها اللي ذكرتها سابقاً
و هذا غير ان تبين لكم تقارب الشخصيتين بينها و بين وعد
مُمكن يكون طلال يعرفها ليش لا

،

جنان.. اصلًا ما تستاهل أحمد.. و مثل ما يقولون.. النار تحرق رجل واطيها.. يعني قبل
ماكانت تحس باللي يحسونه أولاد أحمد وهي تاخذ ابوهم منهم.. بس وقت عرفت طعم
الأمومة صارت تبي تجنب بنتها هالشيء.. بس يا ترى فيصل له نفس تفكيرها والا رح
يستمر بخطوبته..؟ و جنان رح تكتفي بأمومتها والا..!

أكيـد ما تستاهله..يعن استغلته و أوهمته بنسيانها لفيصل لين خلته يبتعد عن عايلته
يعني شتان مابين علاقتهم قبل عودة فيصل و بعد عودته
حتى انا الكاتبة صدقت انها تعشق احمد =))
موضوع الخطبة مُمكن يتأخر شوي
عندنا أحداث قوية قبله

،

جود وعلي.. عالبركة انتو يا الخبلان.. بس فكينا يا جود من مخططاتك لين تتطلق جنان..

ههههه فعلاً خبلان و مافي على خبال جُود
اكتشفت إن أبطالي مهووسين بالتخطيط ماشاء الله عليهم !

،


محمد.. هههههههههههههههههههه ماعنده وقت.. على طول تتزوجيني.. البنت توها غاسلة
شراعك و انت على طول تتزوجيني.. انا قاعدة اتخيل كم طريقة رح تضرب فيها ملاك محمد..
يا ترى بتختار كعبها والا الشنطة..؟ والا يمكن تدعسه بالسياره رايح جاي.. والا رح تعطيه
مخمس يطيح اسنانه..!

بس يمكن يقنعها بإنو رح يساعدها بقضية أبوها.. وهي دام امها و اخوها رافضين
يمكن توافق.. يعني ما اشوف سبب ممكن يخليها توافق على محمد غير هالشيء بالذات
انها ما تعرف عنه شيء و ظهوره بحياتها كان بموقف يأكد لها انو يعرف عن قضية
ابوها..

بس نشوف كيف رح يغير تعامله معها.. يعني كيف رح ينجبر يغير معاملته اللي تعود
عليها..

..

ههههههه الأخ فاهم الوضع غلط يحسب نفسه بعده في برلين !
يعني أسلوب غلط غلط غلط.. من متى رجالنا يطلبون يد البنت بهالطريقة ؟
ههههههههه والله صار خاطري اخليها تسوي فيه كل اللي ذكرتيه
بالتأكيد..يعني هي بين ضغط امها و اخوها و ضغط مشاعرها اللي رافضة تجريم ابوها
فلو وافقت مافي غير هالسبب يخليها توافق
ايـه بنشــووف..و عند نقطة المعاملة هذي لا تنسون شخصية محمد من بداية الأجزاء لين قبل ما تظهر قضية والد ملاك

بانتظار القادم بشوق..💜

الصراحة بشكل عام يبين غياب البعد الديني عن أغلب أبطال القصة ... وكون القصة القصة اصلا في مجتمع مفتوح يسهل حدوث كثير من المخالفات الشرعية بس مهما كان تظل المسلمة اللي في قلبها عفة حريصة في حياها وحجابها ..
بالاضافة بصراحة لأن بطلات القصة قلوبهم فنادق كل وحدة متزوجة وحاطة لها حبيب احتياط يعني حنين ونور وجنان كل وحدة مسوية نفسها ضحية ومظلومة وكآبة الكون فيها وهي موزعة نفسها بين حبيب وزوج وعادي شايفين الوضع إن لازم الرجل يتقبل هذا الأمر .
عموما احييك حبيبتي قلمك رائع ويصل للقلب بقوة بس حبيت اوضح نقدي لبعض الأفكار في القصة ... ودي وحبي لك