كاتب الموضوع :
simpleness
المنتدى :
القصص المكتمله من وحي قلم الاعضاء
رد: ذات مُقيّدة حوّل عُنُقِ امْرَأة / بقلمي
اقتباس :-
المشاركة الأصلية كتبت بواسطة طُعُوْن  |
مساء الخير..
اول شيء.. صراحة تفاجأت الفجر انو فيه بارت.. بس بارتاتك كنها حلاوة
عيد..
،
فيصل.. قال انو عرف خطأه بحق جنان.. هو قصده عارف انو ظلمها بشكه فيها
والا قصده حرمانها من بنتها..؟ سواء ذا والا ذا كلها كبرياءه مانعته من انو يعترف
لها..
بس ايش سبب كره جنان لفيصل لبعد الخطوبة بفتره.. يعني اذا تكرهه ليش وافقت
على خطبته اساسًا..؟
صراحة موقفهم محد يتمنى يصير له.. بس جنان وراها قاعدة و ممدده رجولها
قدامها.. كان جلست جلسة ما تبين سيقانها دامها ما فكرت بغطا يسترها..
احس ماضيهم مليان وجع..
،
أحمد مختفي من الأجواء.. صراحة ودي ما يطلق جنان بسرعة.. ودي انفال
تحترق زود لما تشوف أحمد متمسك بجنان.. لسى مقهورة منها من الطريقة
اللي قالت لجنان عن بنتها.. و بعدها طريقتها و هي تقول لأحمد عن بنت جنان..
يعني حتى ما رف لها جفن أو أنبها ضميرها..
،
نور.. كبرت قدام طلال.. وهو ينتظرها لحد ما تكبر أكثر .. بعدها يجون يفجعونه
بخبر خطبتها.. و من مين..! من ولد اخته اللي ساكن معها..
أم عبدالله.. اظنها كانت تعرف عن مشاعر طلال لنور.. بس سبب كرهها لنور مدري..!
اما عن كيف اقنعت نور انها خانت عبدالله.. يعني نور كانت تشوف بطلال صديق
لها عكس طلال اللي يشوف نور حبيبة له.. يمكن انها استغلت مشاعر طلال لنور..
او يمكن نور عرفت بأي طريقة عن مشاعر طلال.. و بكذا اقنعتها أم عبدالله بخيانتها..
بس مدري ليش احس السالفة أكبر من كذا..
عبدالله.. في البارت اللي قبل هذا.. ذكر شيء عن انو اسم مروة مرتبط بطلاقه هو و نور..
يعني قال شيء عن انو مرتبط بالقصة اللي كتبتها نور له.. الزبدة انو مروة لها علاقة كبيرة
بطلاقهم.. و الدفتر اللي معها فيه سبب طلاق نور و عبدالله..
أما مروة عليها غرور يجيب لي حموضة.. بس هل ممكن ينجح مخططها بلحظة يأس
من عبدالله..؟
،
حنين.. جاها السؤال مباغت.. بس الخوف مو من انها كانت متملكة.. خوفها بيكون
من مشاعرها لراشد-> مدري هو اسمه والا لا😂
بسام.. احس وده يخنق حنين من الحرة😂😂.. بس اللي مستغربة منه انو اخوات
بسام يعرفون الخبر وما قالوا له.. يعني دامهم يكرهون حنين ليش ما استغلوا الفرصة..؟
كمان سؤال ثاني.. راشد خطيب حنين الأول هو تركها والا هي تركته .. يمكن انو
خانها بعد ملكتهم .. يعني احسه ما ينوثق فيه..
،
محمد.. اظن أول موقف تعرض له هو موقف السطو.. و ممكن بسبب المعلومة
اللي سمع العصابة يحكون فيها و قالهم عنها في المخفر هي سبب انهم ورطوه
بالشنطة اللي كانت معاه واللي فيها مواد ممنوعة.. بعدها جا دور آستور عشان
يطلعه من السجن و اللي اشترط عليه فيها انو يعمل لصالحه.. و اللي اتضح لنا
ببارت اليوم و البارت اللي قبل انو محمد ماكان اختياره عشوائي ابد.. يمكن آستور
قد حكى للعصابة اللي بالبارت عنه.. بس على كذا بيكون آستور متورط معهم..
و محمد قال لهاينز انو آستور نظيف..
احس الخيوط بدأت تتوضح بس ماني قادرة اجمعها مع بعض..
ملاك و يوسف و زيارتهم لبرلين وهي صغيرة.. واللي اظن انو الصورة اللي مع محمد
وهي صغيرة اللي صورها هو آستور.. ممكن انو ابو ملاك كان صديق آستور..
و عشان كذا هو يبحث ورا القضية.. يعني في النهاية وش دخل آستور بواحد عربي
مات مقتول الا اذا فيه صلة بينهم او انو تقاطعت طرقهم و التقوا قبل يموت.. يعني
اللي واضح جدًا انو السالفة من زمان ماهي من تو..
تدرين احسك رامية لنا كل الخيوط و على كم جهة و تبينا نجمعها..
،
يوسف.. زين انه ما هف حور بكف🌚.. ابو يوسف قبل يموت كانوا يتعرضون
له.. يمكن انو اذا رفض لهم طلب تعرضوا له عشان يسويه بالغصب..
اما كلام يوسف عن انو كان في شخص ثالث معهم اظن انه صحيح.. و الدكتور
ليش يصر هالقد انو يوسف يتوهم.. ليش ما يعطيه فرصة يحكي. الا لو كان من
طرف ابو حور..
حور.. رح تصدق يوسف أكيد.. دام عندها حاسة سادسة بأي شيء يتعلق بيوسف😅
هه كأني عرفت ليش ابو حور مخلي حور عند يوسف.. يمكن عشان يخليه تحت
مراقبته.. يعني اذا بقى زوج لحور بيكون الوصول له أسهل من لو افترقوا..
،
احس فيه كثير احداث نسيت اعلق عليها😁
..
اما عن موعد البارتات انا افضل انك تكتبين على راحتك و اذا قربتي تخلصين
تقولين لنا.. لأنك اذا حددتي يوم محدد رح تنضغطين و يمكن ما تكون مرضية
زي اذا عطيناك وقت مفتوح..
..
|
هلا حبيبتي مسـاء النــور
انا كنت عاطية خبر إنه بيكون الجمعة..أول بالأحرى فجر السبت
و عُذراً على اللخبطة الا سويتها لكم =|
بنتها..إلى الآن موضوع مُشكلتهم السابقة ما تطرقت له بشكل فعلي
حالياً الموضوع يدور حُول بنتهم..،
ذكرت جُملتين هي نطقت بهم في ذكرى سابقة،فيهم تلقون الجواب
هي بَيَّنت له خوفها من إنها تفقده مثل ابوها و محمد
فاهني نقدر نقول إنها تعمدت في البداية ما تحبه..،
صـراحة بالنسبة لموضوع السِتر..مثل ما بينت للجميلة أبها إني كنت بستعين بالستارة
بس بعدين غَيَّرت رايي..صحيح إنها انتهبت لملابسها الغير مُناسبة
بس اللاوعي و الهذيان اللي كانت عايشة فيه وَقَّف عقلها عند شيء واحد و هو الخروج هَرباً من مشاعرها..لا غير
اضطريت أكون واقعية في هذا الموقف..،
من خلال موقف الماضي هذا اللي توضح لكم
بس هل فعلاً كانت نُور تعتبره صديق لا غير ؟
و لا كان صديق لفترة و بعدين تحول لشيء ثاني ؟
موقف البحر اللي ذكرته سابقاً اعتقد إنه يكشف مشاعرها *_^
فعلاً السالفة أكبر و أكبر..ما اقدر افصح عنها حالياً
اهني صار التباس..الموقف اللي قبل هذا كانت مروة تتكلم عن نور و علاقتها بالدكتور فهد قدام عبدالله
و عشان هالسبب لحقها يبي يعرف ليش أقحمت نور في الموضوع و قدامه..شنو تبي يعني ؟!
فهي من أين لها أن تعرف بعلاقته بنور ؟ تشابه الأسماء غير كافي لتصل لفكرة طلاقهما المَشؤوم ! و ليَكون صريحاً مع نفسه فوجود نُور مع فَهد يُلاحظه الجميع و ليست هي فقط
هذا كان حديثه مع نفسه،انتِ و قارئة أخرى كان تعليقكم على إنه اهني تشابه الأسماء يُقصد به اسم مَروة..اتوقع اني ما أصغت الجُملة بشكل صح
ان شاء الله القارءات الأخريات فهموا إني اقصد نُور
المقصد إن تشابه الأسماء بين عبدالله و نور مو كفيل في إنه يخلي مَروة تعرف بطلاقهم و من هذا المُنطلق تجي تذكر اسم نور قدامه تحاول لفت انتباهه ؟
تمام اللحين لو كالعادة ما اعرف اشرح و عَقَّدت السالفة أكثر =)) ؟
مروة غرورها هذا أساس وجودها في الرواية..بنشوف بعدين شنو بيصير
حَنين مُمكن تكون ردَّة فعلها صادمة لكُم،أو يمكن تكون عادية و مُتوقعة
ههههه لا صح اسمه راشد
أخوات بَسَّام قد يُكونون استغلوا الفرصة بطريقة أُخرى *_^
مُمكن الجزء القادم تحصلين الإجابة بخصوص مين اللي ترك الثاني
اي بالضبط موقف السطو هو الأول..و مو بس لأنه محمد ادلى بمعلومة عنهم فهم طلبوه
يكفي إنه شاف وجوههم و حفظها..و طبعاً عرفتون شنو نهاية اللي يتعَرَّف على إجرامهم..،
قَريــب بتنكشف الأمور
و بالنسبة لأبو يُوسف و آستور..صحيح في علاقة بينهم
بس شلون صارت هذي العلاقة ؟ اقدر اقول لكم إن الأمر مرتبط بجميع الشخصيات اللي ذكرتها بفقد ذات..،
صُورة ملاك..لها دور في الجزء القادم
صحيح أنا رامية خيوط بس شكله حتى خيوطي غامضة ما منها فايدة
ههههه اتوقع يُوسف صدمكم مثل ما صدمني باسترساله
تكملة الموقف في الجزء القادم ان شاء الله
احنا لحد الآن ما ندري اذا كان يُوسف فعلاً يتوهم ولا لا
فما نقدر نقول إن الطبيب غلطان
و حُور بنشوف بتكون معاه و لا مع راي الطبيب
وارد جـداً اللي قلتيه..خصوصاً إنه متكفل في أمور حياتهم تقريباً بشكل كُلي
،
بالضبط..أنا اتضايق اذا اوعدكم بيوم و يقرب هاليوم و من الضغط اكون ما انهيت الجزء
فأخجل من كثرة اعتذاري
و مثل هالمرة حمدت ربي اني ما حددت لكم يوم لأني صراحة للحين ما بدأت في الجزء =(
جدولي مأساوي.. اقضي نصف يومي في الجامعة من الصبح لين المغرب
ارجع البيت ابي بس السرير :"(
ان شاء الله اليوم ابدأ فيه و يكون متسامح معاي و انتهي منه بسرعة
و ادعوا لي يتعدل الجَدول
مَشكورة حبيبتي طُعون
لا خلا و لا عدم يا قَمر
كوني بخيـر
سلمتِ
،
|
20-02-16, 10:52 PM
جديد مواضيع قسم القصص المكتمله من وحي قلم الاعضاء
العرض العادي
