كاتب الموضوع :
simpleness
المنتدى :
القصص المكتمله من وحي قلم الاعضاء
رد: ذات مُقيّدة حوّل عُنُقِ امْرَأة / بقلمي
اقتباس :-
المشاركة الأصلية كتبت بواسطة طُعُوْن  |
صباح الخير..
نور.. و بداية خيط جديد.. و الواضح انو بداية تعمقنا بالماضي.. طلبت
الطلاق عشان أم عبدالله اقنعتها انها خانت عبدالله.. بس كيف اقنعتها..؟
طلال مين يكون لهم..! هل هو زوج غيداء..؟ أنا صراحة نسيت اسم زوجها
او انك ما قد ذكرتيه مدري.. بس من كلام غيداء انو اشتاقت له.. ما لقيت
حل الا انه زوجها أو يقرب لها.. بس كان يعيش معهم مو..!
تذكرت وقت كان طلال و رائد في القارب و قاله رائد انه مجنون عشانه مشى
معها في خطتها.. اتوقع اللي يقصدونها أم عبدالله.. بس هو ايش علاقته
بالعايلة..! واضح انو علاقته قوية فيهم.. ما اظن انه اخو عبدالله.. لأنو مستحيل
أم تبعد ولدها عنها.. يمكن يكون ولد خال أو عم.. اللي مو فاهمته هو وضع
نور وكيف اقنعتها أم عبدالله انها خانته.. يعني ما بتقتنع الا وحدة خبلة.. أما
وحدة صاحية بتدري انها ما خانت ولا رح تقتنع بهالشيء مهما صار..
بس بسألك.. أم عبدالله و فيصل وش يكونون لبعض..! وش سالفتهم مع الخيانة
ذي.. قبل كنت احس انو قصة نور و جنان تتشابه.. مطلقات و عشقانات.. و الحين
كمان جمعتهم تهمة " الخيانة".. ولو نقول انو فيصل يمكن عنده عذر بشكه واعتقاده
بخيانة جنان بس أم عبدالله..!
،
أم ملاك.. صراحة تفاجأت انو زوجها كان مطلقها قبل يموت.. بس
وش سالفة المختبرات و المحاليل اللي كان يحكي عنها.. ما فهمت😁
ملاك.. طريقك طويل لين تعرفين قاتل أبوك.. بس صراحة انها مجنونة..
طالعة الساعة 2 من البيت.. ما تخاف ذي..! والا تشوف انو الموضوع يستحق
المجازفة..
البنك ألماني مو..؟ و ماكو فيه ولا مستثمر عربي.. مدري ليش قلبي يقولي
انو ورا السالفة ذي واقف ابو حور.. ماني مقتنعة انه بريء.. احساسي يقولي
انه متورط جدًا.. هذا ما اهتم لبنته وهو يدري انها متزوجة مريض نفسي
بيهتم لأحد ثاني يعني.. و بعدين العايلتين تربطهم صداقة قوية.. ومو بعيدة انو
ابو يوسف كان صديق ابو حور.. و ابو حور الحين مخلي يوسف تحت مراقبته
و يمكن انو حالة الذبح اللي عند يوسف رح تفيد ابو حور بعدين و عشان كذا هو
ساكت.. قناع الطيبة ما اقنعني وهو لابسه..
ملاك.. و أكيد رح تتفاجأ انو محمد يعرف اسمها.. ووقتها ماهو بس بتكون شاكة
بالحريق.. بتكون متأكدة انه مفتعل.. و يمكن تفكر انو محمد مشترك معهم و تحسب
نفسها بخطر و تحط رجلها للسيارة-> الإدرينالين رح يصير في التوب عندها وتدعس
بأعلى سرعة بسيقانها لين تدخل السيارة😂 و بينطبق عليها كلمة " اطلقت سيقانها
للريح"
محمد.. معقول اختياره مش عشوائي..! و قضية ابو ملاك رح تكون خلاصه..
هذا اذا ماكانت هلاكه.. بس ايش علاقتها بالـ 26 قضية اللي قبل..؟ أكيد في
خيط رفيع يربطهم ببعض.. و لو نلاحظ انو اغلبهم اذا مو كلهم من الطبقة
المخملية.. زي ابو حور-> غصب الصقه في القضية..
،
حنين.. ممكن تكون مع هشام في البارت اللي قبل في جزئية الماضي.. يعني
احس انو راشد هو اللي ما يهمه شيء.. بس مع عدم احترامي لها بس انها
غبية.. لو تخلصت من الرسايل كان افضل.. اهم شيء ما تروح و تتهور و تاخذها
معها لبيتها.. ما اظن تتخلص منها الا لما يكون بسام متعمق بأعمق نقطة فيها
و يكون راشد مجرد ذكرى باهته ماعاد تأثر فيها..
،
أنفال.. حقيرة.. حتى بعد اللي سوته ما حست بنقطة تأنيب ضمير.. الا زود قالت
لأحمد كمان.. أما أحمد اظن نهايته مع جنان قربت.. الا لو كان حاب يصعب الوضع
وما يتنازل عن جنان بسهولة.. مع اني احس انو هذي مو اخلاقه.. بس مين يدري..!
ياسمين.. هي كمان رح تنضم لأبو حور.. مو لايق عليها قناع البراءة.. تحط عينها
على واحد كان متزوج و فوق كذا يعشق زوجته.. و الحين تسوي نفسها تتألم.. معليش
بس ماني قادرة اتعاطف معها.. اكره اللي كذا.. هذي نتيجة اللي تتعلق بواحد
يحب زوجته..
،
فيصل.. يللا ماعندك الا شوف و حر جوف.. ينطبق عليه " يداك أوكتا و فوك نفخ" ل
انه صدق جنان أو خلاها تبرر بوقتها و توضح موقفها كان اصرف له.. بس لا
كبرياءه الغالي رح ينجرح.. يللا حس بالوجع و قول آه يا إمي..
أم فيصل تخطط وما تدري انو الوضع معقد.. اظن جنان رح تطلب الطلاق من احمد
عشان بنتها.. حتى لو ماكان فيه أي أمل من فيصل بس رح تطلبه عشان بنتها..
و يمكن بنتها تطلب تجي معها.. لأنو مهما كان ما يصير تبقى أكثر ببيت فيصل..
،
هذيك الدكتورة الوقحة-> نسيت اسمها.. الزبدة اتضح لنا انها كذابة.. و عبدالله
ما يشبه اخوها اللي توفى ولاشيء.. يمكن ظنت انو اذا دخلت له من هالطريق رح
يهتم.. وواضح انو الغرور عندها في التوب.. كنا بحنين ومو بالعتها و تجي ذي زود..
بس ايش سر المذكرة.. و حقت مين..! و البنت آمالها قوية لدرجة انو حاطة خلاص
انو رح ينعقد عليها مع عبدالله..
،
حور.. يا بنتي انتي غبية والا شو..! قال احساسها يقولها انو يوسف ضايع..
حطي رجلك يختي.. الرجال واضح انو جاب فيها العيد من ليلة زواجهم.. وهي
لسى معاه للحين..!
،
طلال.. لو كان طلال هو نفسه أخو فاتن.. فـ نستبعد انو فاتن تكون وعد.. اصلًا
وعد شخصيتها غير عن فاتن و من قبل مش مقتنعة انها بتكون نفس الشخص..
بس لو كان طلال اخو فاتن وينه عنها..! و ايش سبب العلامات اللي بظهره..!
انا اتوقع انو طلال هو نفسه الطفل اللي اخواته 5 .. ايش اللي جعمه برائد..! صداقة
من زمان والا..؟
،
وعد.. و رائد.. اظن الشخص اللي كلهم يبونه هو " ابو حور" .. طيب خلاص
لا تدفون.. بس والله عقلي مو مقتنع انه بريء وش اسوي..!
..
احس اني نسيت احداث كثير ما علقت عليها.. و أكيد بعد ما ارسل التعليق رح
اتذكر شيء كالعادة..
..
اشوفكم على خير💜
|
مسـاء الخير حبيبتي
تحررت شوي من مُعضلة فيصل وجنان و ركزت على باقي الشخصيات
و أوَّلهم نور اللي بدأت قصتها تتوضح شوي شوي..،
صحيح أم عبد الله اقنعتها انها تخون عبدالله،بس شلون اقنعتها هذي متروكة للأحداث
لا ماهو زوج غيداء..و اذا تذكرين في احد المواقف ذّكرت ان زوج غيداء مُتوفي
الموقف اللي كان جايها خطيب..،
شكيت اني غلطت في صياغة الجُملة..رائد كان يلوم طلال لأن "وافقه" و ليس "وافقها"
كانوا يتكلمون عن رَجُل و ليس امْرأة..فهني أم عبد الله بريئة =)
علاقته في العايلة يعني نقول مو هالجزء،يَمكن اللي بعده تتوضح
و لو تنتبهون مُمكن تعرفون شنو العلاقة..في شخصية ذُكرتها في الماضي لا تغفلون عنها بتدليكم على علاقته فيهم *_^
قلتيها انتِ "وحده صاحية" لازم ما تصدق اللي قالته ام عبد الله =))
ههههه أم عبد الله تصير زوجة عم فيصل..زوجة عمه يعني
فيصل اللي حسيت اني ابي اعطيه كف في ومضة "الماضي" اللي ذكرته =((
الأخ غروره مو سامح له يسمع تبريرات جنان و صدق كلام نفسه
و أم عبد الله عاد ذي بنرجع لموضوعها بعدين..،
في الأجزاء الأولى،اتوقع الجزء الأول ذكرت الموقف اللي ابو يوسف طلق زوجته
بس ما كنت موضحة مين هالشخصيتين..
المختبرات و المحاليل لها علاقة بقضايا برلين *_^
ايــه والله هالملاك مجنونة و غبية و كل الصفات تنطبق عليها
يعني كل بطلاتي عاشقات،الا هي تركض ورا الدم و المُجرمين هههههه
ابتسامة عريــضة و انا اقرا تحليلك لأبو حـور
فعلاً هو وابو يوسف أصدقاء..عاد سالفة انه تارك بنته عند مريض نفسي
هذي الحديث عنها مو اللحين
ههههههه والله اني قعدت اتخيلها..هي خايفة من محمد و شاكة فيه
بعد ماتعرف انه يعرف اسمها ماندري شلون بتكون ردة فعلها..،
مثل ماقلت لهموس اختيار محمد مو عشوائي و في نفس الوقت مو مُخطط له
صحيح في خيط يربط بين القضايا..
الصقيه و لا تتخلين عن توقعش..يَمكن يطلع صح
لحظة من هشام ؟!
حنيـن،الاخت متعلقة بالرسائل و ذايبة بين الكلمات لسنوات
حتى مع صدمتها في راشد مو قادرة تتخلص منهم..
يمكن انها بتحاول مرة ثانية
بتصير تطورات بخصوص أنفال،أحمد و جنان..قريــب
ايــه والله انا بعد ما حبيت حركتها هالياسمين
بس هي عندها رؤيتها الخاصة..على الرغم هي وجنان مسوين نفس الغلط
شفتين شلون،طوَّل السالفة،اهني يبين الفرق بين الشخصيات
مُمكن يعيشون مثل الموقف بس واحد تكون ردة فعله "طفولية"
و الآخر منطقية و عقلانية..،و طبعاً معروفة ردة فعل فيصل شنو =|
صحيح الوضع مُعقد جداً..وجنان في ايدها حل هذه العُقد
مروة..من الشخصيات اللي يبي لها شغل عشان تتعدل
من اولها جذابة..ما يندرى شنو بتسوي باقي الأجزاء
المذكرة بعدين بنعرف حق مين..قوية الا بس موصلة للسما آمالها هالمروة
بعد عُمري حور على رغم اللي سواه فيها متمسكة فيه
عندها هدف بنشوف بتوصل له ولا لا
ماعندي غير طلال واحد.. يعني اكيد هو اخو فاتن
بس ان فاتن هي نفسها وعد ماعندي جواب حالياً..و مثل ما ذكرتين الشخصيتين مختلفتين جداً
العلامات اللي بظهر طلال سببها مُمكن يكرهكم فيه =(
انا صراحة ما كرهته =)
زين انكم للحين تذكرون الطفل..ايــه نفسه
و صداقته برائد من الطفولة..ولد الجيران كان
هههههه..ياختي احسش تقرين أفكاري *_^
الأفضل ان عقلش ما يقتنع ببراءته =)
يا عُمري انتِ يعطيش ألف عافية
وحشتني تعليقاتش من فترة ما شفتها..،
ربي لا يحرمني
*قُبلات
سلمتِ
،
|
30-01-16, 11:45 PM
جديد مواضيع قسم القصص المكتمله من وحي قلم الاعضاء
العرض العادي
