السلام عليكم ورحمه الله وبركاته

احبتي اعضاء المنتدى اتشرف بوجودي بينكم ..
روايتي حصريه في هذا المنتدى المتميز ..
ولا استبيح النقل الى اي منتدى اخر دون الاذن وذكر الحقوق ..

بسم الله الرحمن الرحيم ....

البـــــــــــارت الثـــــــــاني ....
ليست حقيقة الانسان بما يظهره لك، بل بما لا يستطيع أن يظهره، لذلك إذا أردت أن تعرفه فلا تصغ إلى ما يقوله بل إلى ما لا يقوله.
جبران خليل جبران

يدخل بخطى واثقه :طلبتني طال عمرك ..
الرئيس :اي تفضل اجلس ..
:خير طال عمرك..
الرئيس:وش اسم طليقتك..
:عفوا ..
الرئيس :جاوب على سؤالي
:اسمها درر عبدالعزيز..

الرئيس :طيب احنى جانا بلاغ من الاستخبارات التركيه عن بنت سعوديه الجنسيه تحمل هالاسم معتقله عندهم بتهمه الانضمام الى تنظيمات ارهابيه ...عرفنا كل البنات الموجودات الي بنفس اسمها وتحرينا عنهم وعن اماكن اقامتهم ..ووجدنا ثنتين وحده تدرس ببريطانيا والثانيه بالاردن..وعرفت بالصدفه ان طليقتك اسمها درر عبدالعزيز ..فمااتوقع احد ممكن ينفذ هالعمليه غيرك ..
:طيب طال عمرك وش المطلوب مني ..
الرئيس :ابي تروح تتعرف على هذي البنت اذا هي طليقتك او لا لأنهم قالو لنا بالخطاب ان البنت واضح انها ماتعرف شي ..
:طيب طال عمرك ..مع اني اتوقع انه مجرد تشابه اسماء لا اكثر انا بالفعل مااعرف عن طليقتي اي شي بس ااكد لك انه اجرد تشابه اسماء..
......
.
.
كل هذا كان يدور ببال بطلنا سيف

يااه اهي انتي؟؟..كيف اتيتي الى هنا ..انتي اضعف من كل هذا ..لما تلك الدموع لاتريد ان تتوقف من عينيك؟؟ لما كل هذا الضعف ؟؟درر التى كنت اعرفها لم تكن تشبه التى امامي ..كنتي اقوى كنتي مشاكسه ..كنتي تشبهين كل شيء جميل ..مالذي اراه ماذا فعلتي وماذا فعلو بك ؟؟ كيف القت بك الحياه اي هذا المكان ؟؟ كيف انتي ياصغيره ؟؟

سيف(بجديه قاسيه):درر انتي وش تسوين هنا ؟؟وش سويتي ؟؟
درر (بتشتت ودموع لاتتوقف):سيف خذني من هنا الله يخليك ..انا ماسويت شي خطا وذاك الملف والله مب لي ..سيف تكفى ابي امي ..انا ماقد طلبتك قبل ..خذني لامي ..
سيف:طيب هدي هدي وامسحي دموعك ..بروح شوي وراجع ..
درر(تمسكت بيده بخوف وعيون لاترى من الدمع وبصراخ )الله يخليك لاتخليني وتروح ..
سيف (بصرخه وهو ينظر الى يديها اللتان تمسكان بذراعه العريض ):اهدي بروح اشوف وش السالفه وارجع ماني بطاير
استسلمت لامره وافلتت يديها ..كثير من الاسئله ببالها ولكن كيف تساله ..انه الرجل الذي لا يعرف الاجابات ابدا فقط يعرف كيف يسال وكيف يصرخ ويامر ..تعرفه حق معرفه ولكن لاتملك اي حق بسؤاله باي شي ..

ذهب سيف الى المسؤال ..ليعرف مالذي يحصل ..طرق الباب ..
المسؤل بعربيه ركيكه:ادخول..
سيف:السلام عليكم ..
المسؤل :واليكم سلام ..
سيف :مقدم كنان ..معك الضابط سيف يوسف من الاستخبارات السعوديه ..
المسؤل :اهلا وسهلا
سيف :انا اتيت بطلب منكم بسب الفتاه السعوديه ..
المسؤل:نعم تلك الفتاه لقد اتابنا (اتعبنا )التحقيق ماها(معها) لقد تهرينا(تحرينا)انها ولم نجد في سجلها اي نشاط سياسي ..ولكن مايهدث لايمكن ان نتهاون به ,,لقد وجد ماها ملف يهتوي (يحتوي) الا مخططات للقيام بامليات(بعمليات)تفجير بتركيا ..وهي ااترف ان هذا الملف لها ..لقد كانت مراقبه من قبل الاستخبارات الاردنيه والتركيه ..ااتت لنا تاليملات تفيد ان هذا الملف الذي معاها لايجوز ان يخرج من الاردن الانه يحتوي على الكسير من المشاريع والمخططات التى من الممكن ان تظر بتركيا ..وايضا كانت التاليمات (التعليمات
)ان اي فتاه تخرج من تلك العماره مثلمه يتم التحقيق معها وبالتعاون مع الشرطه الاردنيه اقمنا التفتيش لكي نقبض اليها ..ووجدنا ماهاهذا الملف واعترفت ايضا انه لها ولكن هي لاتعرف محتواه ..احضرنا ايضا الاستاذ وتمم التحقيق معه وهو ايضا لا يعرف شي ..
سيف:وهل انتم متاكدين انها تنظم الى ذالك النتظيم ..
المسؤل :لا نحن لانالم(لانعلم)..ولكن بين ايدنا دليل قاطع ..
سيف:هل تسمح لي بالتحقيق معها ..
المسؤل : طبعا تفزل ..
خرج سيف من المسؤل ومئات الافكار تدور بذهنه ..
كيف لملاك مثلها ان تفعل كل هذا ؟؟..كيف يعقل ان تكون مشاركه بتنظيم خطير مثل هذا التنظيم ..هي ارق من كل هذا هي اللطف واحن من ان تكون مع قتله مثلهم ..
ولكن كثير من الناس مثل الحرباء لهم عده وجوه وعده اللوان ..لاتنسى مافعلت معك لاتسى كل تلك الجراح التى اهدتها لك دون ان تفكر بك ..ولاتنسى ايضا ان فتاه مثلها من الممكن ان تفعل كل شي ..

دخل عليها سيف وهي على حالها الدموع لاتفارق عينيها
سيف :درر لازم تعترفين بكل شي عشان تخف عقوبتك ..
درر(وبدون اي شعور او اي تعبير):سيف شتقول انت ..انت مصدق الي يقولونه اني انا منظمه الى تنظيم او شي غيره ..
سيف (بقسوه ):انا ممكن اصدق كل شي يقال ضدك ..الان وحده مثلك ممكن تسوي كل شي ..
درر (بالم):انت تصدق كل شي عني لكن ولامره عطيتني حق اني اتكلم ..
سيف (بجمود):مو هذا موضوعنا..الحين تقولين لي كل شي ..تدرين انا ماني خايف الا عاى خالي اذا درى بافكار بنته وتخريبها ..
درر :انت شقاعد تقول ..انا والله مدري عن ايش تتكلمون ..
سيف:طيب قوليلي كل شي من اول ماجيتي هنا الى ماامسكوك ..
درر:انا جيت بشهر 11 واحمد كان معاي واستاجرت شقه مع عوايل واحمد ضل عندي فتره شهرين وبعدها تعرفت بالجامعه على صديقتي لبنى واقترحت انها تعيش معاي على اساس ان احمد بيرجع السعوديه ومابي اجلس لحالي ..
سيف (بمقاطعه):طيب لبنى هذي وش تعرفين عنها ..
درر:بنت حبوبه وطيوبه حيل ..هي سوريه وجايه تدرس هنا ..
سيف :طيب وش اسم ابوها واي قسم هي ابي معلومات من هنوع شتفيدنا فيه حبوبه وغيرها
درر(بقهر):طيب طيب اعصابك بعدين ابي حجاب او نقاب ابي اي شي اتستر فيه وانت مو من حقك انك تشوفني كذا ..
سيف (باستهتار):لا محترمه حيل ماشاء الله
درر (بعصبيه):محترمه غصبا عنك ..وما اسمحلك تتكلم عني كذا
سيف (بعصبيه ):ولاحرف مابقى الا انتي ترفعين صوتك علي ..المهم قولي لي وش تعرفين عن صاحبتك هذي
درر:لبنى كل الي اعرفه عنها اسمها لبنى محمد تدرس حقوق بس ..
سيف :طيب كملي
درر:عشت انا ولبنى حوالي 3 شهور مبسوطات ومثل الخوات ..وبس وذاك اليوم اخذت ملفي عشان اسلم البحث ومسكوني والباقي متاكده انك تعرفه ..
سيف:طيب هذي لبنى ليش ماراحت معك الجامعه ..
درر:عشان هي حولت مسائي الصبح هي تشتغل
سيف :وين تشتغل
درر:بمول قريب لنا ..
سيف :بس بالتحقيق يقلون ان الشقه كانت خاليه من اي علامات تبين ان فيه احد غيرك يعيش فيها ..حتى انهم سئلو الجيران وقالو انهم ماشافو احد يعيش معك
درر:ايه الان لبى ماكانت تطلع للجيران تقول ماتحب تختلط بالناس ..
سيف :طيب عطيني اسم المكان الي تشتغل فيه ..
درر:مول ...بمحل.....
سيف :طيب ..
خرج من الغرفه وثم عاد بعد دقائق بحجاب ..
سيف(بجمود):خذي البسي واستري عمرك...
خرج ونظرتها تلاحقه ..تنتظر ان يلتفت لطمئنها لكن ..كما هو متوقع منه لاشي سوى الجمود..انسال دمعها بصمت ..الى متى سيستمر غضبك ..متى ستسامحني ..متى تنظر الي ..ياه كم هو مؤلم هذا الشعور عندما تتمنى شي وتراه امامك ولكن لاتملك الحق فيه ..لاحق لك ان تقترب..انت فقط تشاهد بصمت ..تتحسر بصمت ..حتى الكلام لاتملك الحق به ..
يارب ساعدني على ان اتحمل كل هذا انت تعرف انني مظلومه نني لم افعل شي مما يتهمونني به ..
اتت سيدتان واخذنها الى تلك الغرفه البائسه لتمضي ليله باره اخرى
.
.
في مكان بعيد وفي اغلى ارض واغلى البلدان ..
ام درر قلقه عليها اسبوع باكمله لم تتصل ..ولم حتى تبعث رساله واحده ..
ام درر ..ساره ..كاي ام بهذه الدنيا حنونه طيبه رائحه الجنه ثنبعث منها ..
ساره:عبدالعزيز قوم الله يخليك مب قادره انام خايفه على درر حيل ..قلبي اكلني عليها
عبدالعزيز (بتكاسل ):ساره الله يهديك اكيد مافيها شي البنت مو قايله لكانها مقبله على الامتحانات اكيد مشغوله نامي وعيني خير ..
ساره (بقلق حنون ):الله كريم يالله تصبح على خير ..

نعود الى ارض الاردن ..
والى ذلك المكان الذي يحتجز درر..
عندما عادت الى تلك الغرفه ..بدئت تتذكر كل شي وكأن رؤيتها لسيف قد فتحت ذاكرتها التى تحاول ان تنساها ..
تتذكر كيف كانت حياتها قبل سنه من اليوم ..
قبل سنتين من تاريخ اليوم ...
وفي السعوديه وتحديدا بالمنطقه الشرقيه ..مدينه الظهران
..كانت درر تنزل الدرج وهي تركض وتضحك وتنادي :يبه يبه يبه ..فكني من ولدك ..يبه والله ماسويت له شي ..
سمع ابيها صرخاها الضاحك ..وكان يجلس في الصالحه وبيده الجريده ..انزل جريدته عندما اتت در خلف كرسيه تحتمي به
عبدالعزيز(ابيها):درر انتي وش فيك كن فيه ذيبا يحلقك ..
درر:الذيب ولدك والله يابو احمد ..
عبدالعزيز:بنت اعقلي
درر:طي.....قاطع حديثها دخول اخيها الذي يصغرها بسنتين ..
حاتم :درروه لا تحتمين بابوي ترى يجي يوم ويكون مب موجود ..انا ذابحك ذابحك ..
عبدالعزيز (بصرخه): ولد احترمني اقل شي بعدين ليش تصارخ على اختك ..
كانت درر تغمز لحاتم بمشاغبه طفوليه
حاتم :يبه الله يطول عمرك السموحه منك بس بنتك هذي يبي من يكفخها الحين انا اللعب بالبلاي ستيشن وهي تجي بكل برود وتفصله ..
عبدالعزيز(وهو يلتفت الى درر):جد هالكلام
درر (بدلع طفولي):يبــــــه امزح معه بس ولدك ثقيل طينه مايحب المزح..
حاتم (بعصبيه):وش مزحه انتي وراسك..
عبدالعزيز:درر اعتذري من اخوك
درر (بعصبيه طفوليه):يبـــــــــــــــــــــــــــــه
عبدالعزيز:بسرعه بدون نقاش
حاتم (بابتسامه نصر):يالله قدمي اعتذار يليق فيني ..
درر(تقرب له وتبوسه مع خده ):اسفه اخ حويتم ..قرصته مع مكان البوسه وهربت
حاتم عصب عليها حيل ولحقها ..وابوهم يضحك عليهم
دخلت ساره وهي شايله بايدها صينيه القهوه ..
جلست وصبت فنجان وقدمته لزوجها
ساره :ابو احمد اليوم اختك ام سيف كلمت خالتي تقول انهم بيجون بكره عشان يسلمون على خالتي ..
عبدالعزيز :حياهم الله ..الا على طاري امي وينها ..
ساره :داخل تصلي قيامها ..
عبدالعزيز: طيب بقوم اشوفها وجهزي كل شي لجيت اختي والله الله فيهم ..
ذهب عبدالعزيز لرؤيه والدته ..
دخل غرفتها ..ووجدها الى الان تصلي ..عندما انتهت قام ليقبل راسها وقال:تقبل الله يمه ..لاتنسيني انا وعيالي من دعواتك..
الجده:الله يوفقك ي وليدي ويرضى عليك قد منت مرضيني انت وحرمتك ..
عبدالعزيز:قالت لي ساره ان نوره جايه بكره ..
الجده:ايوالله كلمتني تقول مشتاقه لي وجايه بتشوفني ..
عبدالعزيز :الله يحيهم ..عسى مانقصهم شي يمه ..انا اخاف انها تستحي مني وماتقول لي شي
الجده :لاوالله يوليدي انا اكلمها تقول سيف مو مخلي عليهم قاصر ..الله يخليه لهم والله هالوليد شايل همهم فوق راسه
عبدالعزيز :الله يخليه لهم ماعليه خوف رجال ماشاء الله عليه الكل يمدح فيه ..
الجده:يالله يوليدي ساعدني عشان نتعشى ..
اخذها عبدالعزيز الى الصاله ..والكل مجتمع على طاوله الطعام ..
دخل عبدالعزيز والجده ..
الجده :سلام عليكم ..
الجميع (ساره ,حاتم ,درر,واحمد(الابن الاكبر لعبدالعزيز وساره) ولمى (اخر العنقود )):وعليكم السلام
درر(قامت تساعد جدتها على الجلوس):جده عطيني يدك
الجده :الله يرضى عليك يمه ..شلون امتحانك اليوم ..
درر(بمرح):الحمدلله كان مره حلو زي الي قبله الحمدلله اخر امتحان بمسيرتي الدراسيه
حاتم :اي نيالك رح تتخرجين عقبالي
درر :قول ماشاء الله
انتهى الجميع من اكله .. وجلسو يشربون الشاي
عبدالعزيز :يعيال ترى بكره عمتكم ام سيف جايه
احدهم قرع قلبه عده مرات عند ذكر اسم سيف ..سيف حبيب الطفوله سري الوحيد ..بطلي وكل شي جميل في حياتي ..كل هذا كان يدور في بال درر
تكلم احمد:حياهم الله ابرك الساعات والله من زمان عنهم..
اكملو حديثم ودرر غارقه بالتفكير بسيف حبيب طفولتها وهي لاتعلم ان كان اساس يعرف ان له ابنه خال تدعى درر
...
نهايه البارت الثاني ...

لي عودة بتعليق لاحقا

عدناااا


السلام عليكم ورحمه الله وبركاته


مفاجأة سيف يكون طليقها وقبلها ابن عمتها وعى ما يبدو انه في سوء تفاهم صار بينهم وانها سقطت من نظره وما عاد يهتم فيها.

في سر في لبنى وشكلها هي اللي ورطتها وما في اي دليل ضدها وبتوقع لما يروحو عالمحل ما يلاقو انها تشتغل عندهم من اﻷساس.

فعلا محتارة هي ممسوكة بتركيا ولا اﻷردن ؟!



متشوقة للقادم

يسلمو إيديك حبيبتي

تقبلي مروري وخالص ودي

°•○اللهم أغفر لي هزلي وجدي، وخطئي وعمدي، وكل ذلك عندي○•°

طيب انا عندي سؤال
الحين درر وين ممسوكه .. في نركيا و لا الاردن؟؟

اتوقع ان درر هتقع في مشكله كبيره وسيف هيضطر يرجعها علي زمته
وننتظر البارت القادم باذن الله

السلام عليكم ورحمه الله..


شكرا لمروركم عزيزاتي ..بالنسبه لسؤالك حبيبتي همس الريح ..فانا ذكرت انها بالاردن وتم القبض عليها تحت علم الشرطه والاستخبارات الاردنيه ..لكن هي مقبوض عليها من قبل الاستخبارات التركيه ..والبارتات القادمه رح يوضح كل شي ..
بالنسبه لتوقعاتكم..انا بصراحه من النوع الي مايعرف يخبي ياقول كل شي او اسكت مااعرف المح ..المهم اتركم مع البارت وانتو شوفو كل شي بنفسكم..
وبالنسبه ل لمارا ..ماقدرت ارد عليك خاص بسبب شروط المنتدى ..بس اوكي حبيبتي سوي الي تبين حسب شرطي ..والله يوفقك



البارت الثالث.........................

إن الذاكرة والألم توأمان، لا تستطيع قتل الألم دون سحق الذاكرة...............
غادة السمان


بعض الاخبار ..قد تشتتنا,تبعث في ارواحنا الكثير من الاحاسيس الكثير من التفكير ..والكثير من الحنين ..والكثير من الترقب ..
هو قادم بعد كل تلك السنين لطاما حلمت بالكثير معه ..سوف اراه هل تغير ام انه الى الان عصبي ولايحب المزح وجاد كثيرا ..طالما كانت تضحكني ردات فعله كان يغضب من كل شي وانا كنت استمتع بغضبه ..
كان هذا تفكير درر عندما استيقظت من النوم بعد ليله كثيره الاحلام..
نزلت الى الدور الارضي
دخلت الصاله ..ووجدت امها وجدتها..
درر(بابتسامه ساحره):صباح الخير الاحلى ثنتين بالدنيا ..(قبلت راس جدتها ثم امها)..
امها والجده:صباح النور ..
ساره :ماشاء الله وش كل هالنشاط ..
درر:يوه يمه وحده مبسوطه اكيد بتكون نشيطه ..
ساره :وممكن نعرف سر هالنشاط والانبساط
درر:يكفي وجودكم بحياتي هذا يخليني كل يوم مبسوطه
الجده : الله يبسطك ويسعدك دوم ي بنيتي ويرزقك ابن الحلال الي يسعدكه
درر (بتمثيل حالم):امين مب بؤك لبواب السماء يارب
ساره(وهي تضربها بخفه على راسها) :بنت استحي
درر :طيب ..الا جده متى تجي عمتي ..
الجده :والله مادري ي بنتي كلمتها قبل شوي تقول نمشي بعد الغداء يعني ان شاء الله العصر وهم عندنا..
اشرق وجهها والابتسامه لاتفارق محياها ..تشعر كأن العالم يشارك معاها فرحتها بقدومه كل شي جميل اليوم ..
بعد ثلاث ساعات ..درر بغرفتها تتجهز لاستقبال عمتها مع انه لازال هناك الكثير من الوقت ..هي محتره فيما تلبس ..
دخلت عليها اختها لمى ذات الـ12 عام ..
لمى :درر شتسوين
درر (بحيره):ادور لبس عشان اذا جت عمتي..
لمى :ماكثر من الخلاقين عندك ,,وبعدين توها عمتي على ماتوصل وش فيك مسعجله على اللبس
درر:وانتي وش عليك ,,وبعدين وش جايبك غرفتي وش تبين
لمى :جيت اقولك ان امي تبيك تجين تشرفين على الخدامات بالتجهيز هي بتروح تنام ..
درر:طيب يالله شويات وانزل لهم بس اكمل لبسي
خرجت لمى ودرر لاتزال بحيرتها..بعد وقت قصير ..قررت ان تلبس فستان طويل باللون السماوي الفاتح منقط بالابيض بدون اكمام )مقطوع من النص وفوقه لبست بلوزه كوروشيه بيضا الى نص الظهر وصندل ابيض ولبست معاه عقد لولو..
نزلت الى الخدم واشرفت على جميع التحضيرات وخصوصا مجلس الرجال ..اخبرتهم اين يضعون القهوه ووزعت هي علب الماء وطلبت من السائق ان يذهب لحضر بعض الحلويات الفاخره من احد المحال ..
بعد ان انتهت من كل شي رجعت لغرفتها وإلتقت باحمد ..
احمد:درر شوفي خلي الخدم يجهزون غرفه الخدم الخرجيه وتاكدي انهم نظفوها كويس عشان سيف الاني كلمته وقالي انهم بيقعدون كم يوم ..
قرع قلبها كثيرا عندما ذكر اسمه حتى امها خافت ان يسمعه اخوها ..
درر:طيب من عيوني ..
احمد:ماشاء الله وش هالرضى
درر:احمد الله يهديك الي يسمعك يقول اني مااسوي شي الا بدون نفس
احمد بضحكه :لا شدعوه اختي درر انت تسوينه مو بدون نفس الا بدون حتى خلق معاها ..
درر(بعصبيه):احــــــــــــــمد
احمد :طيب طيب اعصابك
..
رجعت درر الى جناح الضيوف الخارجي ونضفت هي كل شي غيرت مفارش السرير وعطرتها وجهزت دوره المياه بالمناشف وجميع انواع الصابون والشامبو الفاخره وبخرت الجناح واشعلت بعض من الشموع الفواحه ..
نظرت الي القسم بنظره رضى ثم خرجت ..
رجعت الى غرفتها بابتسامه حالمه ..هي تعرف انها مجرد احلام تعيش بها وان سيف لا يفكر بها حتى ..ولكن هي تعرف ان حبها لسيف يجعلها سعيده حتى وان كان حب من طرفها فقط ..
بعض الناس يحب ليسعد ويستطيع ان يكمل حياته الان فتاه مثلها برقتها واحلامها لايمكن ان يكون قلبها خالي من الحب ..
بدات بتجهيز نفسها..وضعت كحل داخل العين اسود ومسكره وبلشر باللون الوردي الفاتح وروج باللون الوري الفاتح ..كانت انيقه بشكل بسيط..
كانت الساعه تشير الى الرابعه والنصف عصرا ..
نزلت وجدت جدتها وامها بالصاله يشربون القهوه ..
درر :السلام عليكم مساكم الله بالخير ..
الجده والام : وعليكم السلام مساء النور
درر:يمه شفتي التجهيزات عسى مافيه شي ناقص ..
ساره :اي الله يعطيك العافيه كل شي تمام ..
الجده :درر يمه تعالي دقي على عمتك شوفي وين وصلو..
درر(بفرحه خفيه ):تامرين يام عبدالعزيز..
تناولت هاتف جدتها واتصلت بعمتها ..
يرن ..ويرن ..ويرن ..لااحد يجيب
درر:جده ماترد..
الجده:طيب دقي عليها مره ثانيه بس انتظري شوي ..
درر :طيب ..
بعد حوالي خمس دقائق ..اخذت الهاتف واتصلت من جديد..
يرن ...ويرن ....,
:الو
اتاها صوت رجولي ..تسارعت نبضات قلبها..احقا هذا صوتك..
:الوو يمه امي نزلت تصلي اذا جت اخليها تدق عليك..
كادت ان تشل من الفرحه والصدمه بنفس الوقت ..
لم تستطيع ان تتحدث
سيف :الو الو يمه ..
اغلقت الخط بوجهه لم تتحمل ان تسمع صوته اكثر تخاف ان يحصل لها شي من فرط خجلها وخوفها وسعادتها ..
انتبهت لها امها ..
ساره :درر وش فيك وجهك احمر..
درر(انتبهت على نفسها ):هاه لا مافيني شي بس يمكن حر ايه حر مره بروح اشرب ماء ..
استغربت امها تصرفها ..
خرجت درر تريد ان تختلي بنفسها تريد ان تتشارك مع نفسها تلك الفرحه ياه كم هو عذب صوته وكيف له ان يكون بكل هذا الجمال كل هذه الرجوله الطاغيه وهذا الاتزان ..هل يفعل صوته كل هذا بي كيف لصوته ان يبعثرني هكذا ....
.....................
عند سيف ..استغرب هذا الاتصال من جدته فهو لم يسمع شي ..قد يكون بالخطاء ..
بهذه الاثناء ركبت امه واخته ابرار السياره...
نوره وابرار:السلام عليك..
سيف :وعليكم السلام ..
نوره :عسى ماتاخرنا عليك ..
سيف :لا يبعدي انتي ..بس يمه ترى جدتي اتصلت فيك مرتين ..
نوره :بعدي امي تلاقيها تسال وين احنا ..
تناولت هاتفها واتصلت بوالدتها ..
الجده :الوو
نوره :هلا يمه كنت اصلي يالغاليه يوم دقيتي ..امريني
الجده :ياهلا فيك يمه ..بس اتصلت اتطمن عليكم وينكم
نوره :احنى باقي لنا ساعه او اقل ونوصل ان شاء الله ..
الجده:توصلون بالسلامه ..
....
في مكان ما في العاصمه الحبيبه ..
تدخل رولا..تلك الفتاه المتهجرفه المغروره الاصطناعيه ..الى صاله الجلوس حيث تجلس امها..
رولا :مامي سدق ان بيت عمي راحو الشرقيه ..
امها(عبير):اي حبيبتي تقول نوره انها مشتاقه لامها واخوها وعياله
رولا:تيب مامي ماتعرفين كم يوم بيقعدون..
عبير:لاوالله ماسالت بس اكيد ماراح يتاخرون عشان دوام سيف
رولا:يالله رح اشتاق لسيوف مره
عبير (بضحكه مشجعه):لاحقه عليه ..
رولا:مامي يعني اكيد هو رح يتزوجني
عبير:اكيد حبيبتي انتي بنت عمه ..
..................
وصل سيف واهله اخيرا الشرقيه بسلامه ..
دخل سيف مجلس الرجال وكان باستقباله خاله عبدالعزيز وعياله .. رحبو فيه بشكل يستحقه وتبادلو سؤال الحال والى اخره..........
اما بداخل البيت دخلت ام سيف وابرار وكان باستقبالهم درر وجدتها وامها واختها ..
بعد السؤال عن الحال ..
نوره :ماشاء الله يدرر كبرتي وصرتي عروس
نزلت درر راسها بخجل ..وهي تقول بداخلها(الحمدالله انك شفتي يالله اخطبيني لولدك )..
الجده:الله يهديك ي نوره فشلتي البنيه..
نوره: وانا صادقه يمه الله يوفقك يروح عمتك ويحميك .ز
الجميع :امين ..
الجده:نوره فارس وعلي ماجو معكم ...
نوره :لاوالله يمه فارس للحين ماخلصت امتحاناته وعلي تعرفينه مايحب الروحات والجيات كثير
ساره :الا ينوره وش يدرس فارس
نوره :ماجستير اداره اعمال ..
ساره :ماشاء الله الله يوفقه ..
تبادلو الكثير من الاحاديث ..
بعد صلاه العشاء دعت ساره اختها سلمى وبعض من جاراتها ...
كانت درر تكاد تطير من الفرحه ..الان حبيبها السري موجود معها بنفس البيت ..اشرفت على العشاء وكل شي يخص عشاء الرجال ...
قدمو العشاء ....
بعد ساعتين ..حوالي الساعه الــ11 ونصف ..
اخذت درر عمتها وابرار الى غرفه الضيف ..
درر:ابرار شرايك تنامين عندي..
ابرار :لاوالله درر مااقدر اخاف امي تحتاجني بالليل تعرفين امي فيها السكر واخاف عليها
درر :الله يخليها لك ..
ابرار :امين ..بكره انشاء الله نسهر جهزي كل شي اليوم تعبانه من السفر ..
درر:ولايهمك كل شي على مزاجك..يالله تصبحين على خير ..
ابرار:تلاقين الخير..
عندما خرجت درر..ركضت ابرار الى امها ..
ابرار:هاه يمه وش رايك لاتقولين غير الي ابي اسمعه ..
نوره:ههههههه..الله يقطع شرك لا مب قايله شي غير الي تبينه ..البنت مناسبه حيل ومااتوقع بنلقى احلى منها ولا انسب منها...
..................................
دخل سيف الى جناح الضيوف واستقبلته الروائح الاكثر من جميله ...اعجبه المكان والتنظيم والاهم من كل هذا نظافه المكان ....
امضى ليلته الاولى بكثير من الراحه وهو يدعو لم فعل كل هذا الجمال ...
...............
اما عند درر ففي نهايه هذا اليوم المتعب بالنسبه لها كان هناك ماهي قلقه بشانه ..ترى هل اعجبه الجناح هل هو مرتاح ..
يالله كم احن الى رؤيته هل تغير كيف اصبح شكله ..هل مازال يخفي غمازته ...كانت تنظر من الشباك امله رؤيته لكن يبدو ان الحظ ليس حليفها الليله
...
نهاااااااايه البارت الثالث