كاتب الموضوع :
تؤام القمر
المنتدى :
الاقتراحات والطلبات والمواضيع الجانبية
رد: مناقشه عن اجمل الروايات اللي قارينها واجمل الابطال
اقتباس :-
المشاركة الأصلية كتبت بواسطة نانا نوشا  |
اهلا بيكي توأم القمر وموضوع حلو وفكره روعه ^_^
احم احم طلاما سألتي بقى فأنا هرغي وهطول معلش بقى استحمليني :.
بصي يا ستي انا بالنسبه ليا روايات عبير واحلام كانو تقريبا معايا في كل مواقف حياتي يعني انا من الناس الي بقرأ روايات في جميع الاحوال سواء على النت او على الواقع .. فكل رواية مرتبطة معايا بفترة معينه .. وفي الاغلب الروايات دي بتثبت في دماغي جدا .. زي مثلا رواية الطيور المهاجره بحب الرواية دي جدا
وفي كمان رواية معبود النساء دي البطل بتاعها كان مطلع عيني ومع كدا بحبو جدااااا ..
وفي بقى رواية القمر الازرق .. الرواية دي على الاخص مميزه جداااا عندي , ليها حاله لوحدها كدا لما بقرأها بنسى الناس وبعيش الاحداث وكأني معاهم ..
بالنسبه لروايات احلام :. سلسلة جيسكا هارت , من احلى السلاسل الي قرأتها في حياتي ..
وكمان في رواية احببت عدوي . دي قمة في الجمال .. يعني بصراحة الواحد لو قعد يتكلم من هنا لبكره مش هنخلص .. بالنسبة للابطال فانا دايما بشوف ان البطل المغرور المستفز الي دمو خفيف بيبقى جاااامد ,, وبيعجبني دائما نوع الروايات الي بتدور في احداث مناخية غريبة . عاصفة تلجية , سفينه وسط بحر .. همممم مش عارفه ايه الي انا بقولو دا بس دا الي بيعجبني ^_^
رغيت كتير انا صح ^^ بس صراحة موضوع حلو ^^ اهنيكي عليه يا قمر :*
|
ميرسي ياحبيبتى لمشاركتك ومبسوطه ان الموضوع عاجبك وبعدين ولا يهمك ارغي براحتك انا كمان راغايه جدا هههههههههه مش شايفه ده انا حاكيه بالتفصيل في اول الموضوع عن كل الروايات اللي قاريتها والابطال اللي بحبهم
بصي انا كل ظروف بطل مختلفه معايا مفيش بطل معين بحبه يعنى القاسي المغرور زي مثلا روبرتو بطل روايه الدوامه او ارماندو بطل روايه لن اكون لك مش قاسي بس كان مغرور كان يجنن بردو بموت كمان في البطل اللي هو مابين قاسي وحنين زي برايان بطل روايه ليل المرايا كان يجنن في اول الروايه من حنيته علي كارين كمان وهو قاسي انا عن نفسي مكرهتوش لانى مقدره موقفه بس كارين كانت بتصعب عليا
وجريج بطل روايه بحر الهوي ده بردو حنين في اول الروايه وبعد مابتكتشف حقيقته شويه قاسي وشويه حنين كمان بيرس بطل روايه القدر القاسي علي اد ماكان قاسي في اول الروايه علي اد مابعد بيرجع لحياتها تانى حنين جدا ولازم تتعاطفي معاه ده انا عن نفسي ده اللي حصل معايا
كمان البطل الحنين علي طول زي بطل روايه لن نلتقي البطل ده بجد انا بحبه جدا مفيش حنيه كده حتى مش قادر يزعل منها كان اسمه غراي باين وكانت اول روايه اقراها البطل فيها حنين كده يمكن المره الوحيده اللي يعتبر خد فيها موقف لما لاقها اللي هو اول مره يشوفها فيها بعد سنتين
كمان اللي زيه كده نيل بطل روايه النار النائمه بس انا بحب بطل روايه لن نلتقي اكتر يمكن علشان قاريتها الاول يعنى انا علي حسب احداث الروايه معنديش بطل مفضل وفيه ابطال كتير بحبهم وروايات قاريتها تانيه وعاجبنى فيها البطل بردو مش دول بس لو اتكلمت هرغي اكتر من كده كمان شوفتى علشان كده قولتلك ارغي براحتك لان انا كمان راغايه ههههههههههههه
|
23-05-15, 01:51 AM
جديد مواضيع قسم الاقتراحات والطلبات والمواضيع الجانبية
العرض العادي
