تعليقي علي البارت الاخير بانزله مجزا .."فيس ما يبي الرواية تخلص" ..

نبدا بحبايب قلبي ..اللي قسموا العشق و الوجع بينهم بالتساوي ..نواس ووسن ..
اذا قلت ابدعتي في جزئيتهم ..بيكون قليل في حق الروعةا اللي كتبتيها ..
طول ما اقرا و مشاعري متارجحه ..امل ..لوعه ..حزن ..لوعه ..ياس ..فجعه ..و في الاخر فرحة ..
وسن احست انها اعطت نواس كل شي و ما لقت منه اي شي ..و اللي فهمته من نص الكلام اللي سمعته اكد لها انه ما عندها مكان في قلبه ابد ..لاجل كذا بعدت و قررت نار الفراق و لا جنة نواس ..
و نواس ..احس بان كل حياته تنسرق منه في لحظة ..و لانه عاشق و العاشق مهوب اناني ابد ..قرر يضحي بنفسه و يتركها تروح ..
يعني اذا ما كانت وسن ردت ذيك الساعه ..كان مات نواس ..لان اللي صار معه مهوب جلطة ..لا ..اللي صار معه ان حبه راح منه للابد ..
يا الله قد ايش ابدعتي ميشو ..

و هاذي الابيات تعبر عن حالة نواس وقتها

ألا أيّها النـوّام وَيْحَـكُمُ هُبّوا * * * أُسائِلُكُمْ هل يَقْتُلُ الرّجلَ الحُبُّ؟
فقالوا : نعم حتّى يَسُلَّ عظامه * * * ويتركه حيـران ليس له لُـبُّ

من اجمل ما قرات كل الشخصيات تجعلك مشتاقة لمعرفة
مايحدث فى حياتها اتمنى لك الافضل دائما شكراااااااااااا

مي و وليد ..
مي مع اني ما بلعتها من اول ما ظهرت في الرواية ..يمكن لانها ارتبطت بنواس و قهرت وسن ..
بس عقب اعجبت بها ..و انا الصراحه قلبي رهيف ..و اي قصة حب تذوبني ..
الختام كان منطقي بالنسبه لهم اثنينهم ..و الوم وليد ..لانه اذا كان خذاها من البداية ما كان خسرها في النهايه
تمنيتهم يصيرون لبعض في الاخر ..لكن ..
ليس كل ما يتمني المرء يلقاه
تجري الرياح بما لا تشتهي السفن ..

و هاذي الابيات علي لسان وليد لمي

محبتك في فؤادي مالها آخر

مهما افترقنا وغبت أنت عن أنظاره

أنت حياتي ويومي وأمسي وباكر

وانت المطر والشجر و الشمس وأقماره

خاطر ..الصراحه حبيته ...ميشو ليش ما جبتي عنه لمحه .زحتي لو زيارة و تجديد شهر العسل ..قصدي يومين العسل بين نواس ووسن