من ذا اللي يخطو و يحبو في عالم العشاق .. جابر ؟؟
الفار واقف علي بعد 10 كيلو من باب العشق و ما يبي يتحرك و يوصله ..مالت ثم مالت ثم مالت عليه
اما نواس .. حبيب قلبي .. احس ذا البيت بينطبق عليه و علي وسن
و قد يجمع الله الشتيتين بعدما يظنان كل الظن الا تلاقيا

وش صاير هنا 😏 الحرب قايمه على جابر ونواس ... طبعا مافيه احد بيلومكم خاصه ميشو اللي تعبتنا مع ابطالها .. يعني كان مكفينا نواس وجابر تدخلين نزار معهم ليه !

جابر انا كنت بصفه قبل .. وكنت اقول مسكين ومعه حق ووو إلخ .. لكن اللحين لا والف لاء اللي قاعد يسوويه جابر في ارجوان اسمه تعذيب مع سابق الاصرار والترصد .. يعني لو هو مسكين صدق كان بيسكت مو شرط انك تحبها بس ماتقولها بوجهها انك ماتعترف بهالشيء .. يعني لو انا مكانها شليت شنطتي وطلعت وخليته بقريح .. اكرره هالشخصيه الفضيعه اللي ماتعترف بالحب بين شخصين .. ومع ذلك يصرح بهالشيء وهو عارف قد ايش هالموضوع جارح .. يعني كللش قههر ..
طبعا ارجوان كعادتها صبوره لابعد حد .. لكن عجبتني بطريقتها الجديده معاه .. فعلا هذا اللي يستحقه جابر مو الزوجه اللي تخدمه وتدلله .. يستاهل اللي تسفهه وتضرب راسه بالحيط .. طبعا اتمنى ارجوان تطبق مقولة رجاجيل مايجون الا بالعين الحمرا هههههه .. وما اتوقع تنفع مع جابر لا عين حمرا ولا خضرا .. هذا يبي له وحده مثل حسنا تهج بعيالها منه وترتاح ..
انا معك ارجوان قلبا وقالبا .. ومعك هموس في كل كلمه بتقولينها ضد جابر .. اعلنت انسحابي .. وغضبي عليه ..

نواس...وش اقول ووش اسوي !انت من جدك فيه احد يدور العذاب لنفسه مثلك .. فيه احد قلبه اسود مثلك .. فيه احد يشوف حبيبته تتعذب قدامه وبيده الحل ويسكت ! فيه احد يدري ان حبيبته ندمانه ومالها ذنب ويصر على الانتقام مثلك ! وأهم شيء فيه احد مايعرف نفسه مثلك .. ؟!!
الشخصيه الغريبه العجيبه اللي مادريت اوقف معها او ضدها احن عليها والا اقسى .. هي شخصية نواس ..
شخص يعذب نفسه بنفسه ويعذب اللي حوله ...وفي نفس الوقت له مواقف تخلينا نحب شخصيته غصب ..
طبعا لو حصل لوسن شيء اكثر من اللي صاير فيها اللحين فانا اول وحده بوقف ضده .. اصلا مدري كيف راضي عن نفسه وهو يدري ان وسن مريضه وبسببه هو .. ويعذبها اكثر بعد .. آخ مدري وش اقول بس ..
وسن حبيت علاقتها بالوسن .. يالله وكانها بشر صدق .. ماقدرت اتوقع وش تبي تقول لمي .. ولا قدرت اتخيل وش ممكن يسوي نواس بالوسن .. لانه لو ذبحها بيكون كذا ذبح وسن معها .. وهذا احساسي .. او يمكن تكون صحوه له يتلاحق على وسن .. طبعا فيه توقع ثاني .. ممكن وسن تكون هي اللي اخذت الوسن معاها وبسببها بتصير المشكله بين الاثنين ..

نزار .. وآخخخ من نزار .. من جدك والا تستهبل .. نزار حرام عليك كسرت قلب البنيه .. ماعندك احساس انت .. طبعا اتوقع بعد كلامه اللي قاله يكون فعلا كسر قلب سما وعشان كذا هي اللي بتطلب رقم جابر وبتحاول تبتعد عن نزار قد ماتقدر..جابر مستحيل يرضى باللي قاعد يصير واكيد هو اللي بيجبر الاثنين على الحل ..

معتصم..هو الوحيد اللي يبرد القلب برومانسيته .. ومهما قالت بتول تلقينها يتحمل ويصبر .. مو مثل اخوه الجلمود..

زهور ورضا .. رغم اني حقدت على رضا .. بس ماقدرت اكرهه .. احس بشعوره اللي حاس بالذتب وييبي يكفر عنه بس ماقدر لان زهور ماعطته المجال وما اتوقع بتعطيه .. ولو اجبرها علر قربه بتكرهه اكثر .. ماله الا الكلام .. مثل ماكان يكتب .. هو اللحين بيتكلم وبيتكلم وبيتكلم ويمكن وقتها زهور تحس بشيء وترجع تحبه .. او بالاصح تشيل هالحقد المزيف من قلبها .. وترجع زهرة رضا مثل ماكانت ..

وبس هذا اللي عندي ...

الا صدق تعالو البارت اربعا والا خميس !

في رمضان كان بينزل في مثل هذه الساعات من يوم الاربعاء
تفاحه فواحه قالت انه ينزل يوم الاحد والخميس