السلام عليكم رحمة الله وبركاته ...


صباح الخير ميشو انتي وكل متابعين رائعتج الايديدة ...




ما شاء الله تبارك الرحمن ... الصراحة الصراحة ... هالرواية حسيتها بتلامس جوانب "انا احبها شخصياً في حياتي" .. يعني اكشن وجنائيات وجرايم والغاز وتحليل .. هههههههههههههههه انا عشقي هالامور وفرحت انج دخلتيها في هالرواية ...


حبيت نزار وجابر وهم يحللون القضية .. واو واو ... مبدعة ميشو ... احييج الصراحة ... ما شاء الله عليج ...


خلاص يلا بنرد حق ابطالنا وبنرمس بشكل مرتب ولبق لوووول .....


احم .....


ببدا بـ جابر ونزار بحكم اني بديت الرمسة فيهم ....


جابر ... امممممم واحد طبعه حار .. جلف .. خشن .. ما عنده حس الرقة واللباقة مع الحريم ... شوفي يا ستي .. انا أقول محد بييب راسه الا ارجوان ... ويمكن ياخذها بحكم انها اكثر وحده تعرف لعياله .. او يمكن عياله يجبرونه ياخذها عقب ما يفقد الامل فيهم انهم يسمعون كلامه او يحسون بأبوته لهم .. هو قاسي صحيح .. بس اممممممم .. احس في حنية مالها حدود بس يحتاج انامل صغيرة وحريرية تظهر له هالحنية .... وبتكون انامل ارجوان ان شاء الله وانامل عياله ...

بس ويت ... ما فهمت نقطة .. هل هو تزوج هاذيج من غير علم اهله ولا بعلمهم ...؟!


نزار ... على فكرة احس شخصيته قريبة من شخصية جابر بس على غموض اكثر وطيبة اكبر .... غامض وما عرفت للحين احلل شخصيته بشكل دقيق ... امممممم بس احساسي يقول ان طرقه مع سما بتتلاقى اكثر ... واقدارهم بتتشابك ...

اشوفه ذكي .. طموح .. صارم .. عصامي .. وما يحب الاتكال على حد ... مواصفاتي رجولية بمستوى عالي ...

اترقب مواقف اكثر منه عشان صورته تتوضح في مخيلتي اكثر ....


نواس .... وه قلبي ... مجروح يا حبة عيني .... تذكرت احمداني في روايتي <<<< العدو اللدود لـ ميشو هههههههههههه

لا لا .. امزح ... امممممم نواس يا نواس شو أقول عنك .....

الصراحة معذور .. يعني الحين يا متوحشين الريال يزهب حق عرسه ومستانس ويدور بين الأسواق والمحلات وعقله طاير من الفرحة اتون انتو وتهدمون روحه ببساطة جيه ...!!!
انزين ليش ما خبروه قبل ...!! ليش ما مهدوله السالفة ..!! ليش يخلونه يحس بمرارة الإهانة والجرح والألم من الاغراب ..!!! يعني حرام ما يجوز هالشي .... ووسن ليش سكتت وقتها ما فهمت ...!! هل هي ما كانت تعرف بحقارة ابوها يعني ...!!! انصدمت مثل نواس بالخبر اللي انتشر ....!!!!

يا قلبي عليه .. ما يستاهل الصراحة شو ها ...!!! :(


جواد ... ههههههههههه احسه على نياته ويركض دوم ورا رضا فرح ام لسان طويل ... الله يهداها بتخرب علاقته بـ اخوه بسبب حقدها وكرهها على نواس ...


معتصم ..... هههههههه نخلة وفسيلة ...!!! يا ربي ليش تغايظ بتول حرام عليييك ههههههههههههه المسكينة شكلها تعقدت منه ...

امممممم شخصيته متمردة وشفنا تمرده من اول موقف بينه وبين اخوه جابر ... برافو ... انا معاه قلباً وقالباً ... بس اهم شي ما يعصي امه ولا يقطع اهله وارحامه ....




نيي الحين حق بطلاتج الحلوات ... واللي كل وحده تقول الزود عندي .... كلهن قويات ما شاء الله بس قوتهن تختلف باختلاف ظروفهن ..




وسن .... اممممم بعدني تبين الصدق مب فاهمة ماضيها وسر اللي صار معاها هي ونواس .. يعني ما اعرف هل هي ظالمة ولا مظلومة .. بس مع ها .. شخصيتها رائعة رغم انها تقسى على نفسها وايد لانها تكتم اللي فيها بشكل فظيع لدرجة يتها القرحة النفسية وعلل في جسمها .. غلط هالشي غلط غلط ... الكبت يسبب مصايب في الجسم لازم كل الناس تعرف هالشي ...

امممممم مع هذا .... اشوف ان نواس هو الوحيد اللي يخليها تتكلم .. تنفجر .. تنطلق .. اطير ... هو اللي يخليها تحس انها فرس جامحة وما يردها الا هو .. فارسها وحبيبها ... أتمنى الأمور تتصلح امبينهم لانهم واضح انهم يعشقون بعض ...


ارجوان .... ياربي ... قلبي عورني عليها .. ميشو لا تخلين جابر يحرمها من عيالها .. هم عيالها هي مب عيال حد ثاني ... ربتهم وسهرت عليهم وعاشت اجمل ايامها معاهم .... قلبها بينكسر اذا انحرمت منهم فجأة :(


سما .... قوية يا بنت ... عجبتيني يوم قدرتي في الأخير توقفين البنات المتنمرات عند حدهن ... ماحب هالتصرفات الطفولية النذلة ترفع ضغططططي .. اممممممم بس شو سرج يا حلوة ..؟! ليش ابوج عزلج كلياً عن جنس الرياييل وما خلاج تعيشين الحياة الواقعية بشكلها الحقيقي ...؟! هل السبب بس لكونكم كنتو في الهند وبعيد عن بلادكم والناس فيها ...؟! اممممم الله اعلم ...


فرح .... مسسسسستفزة هههههههههه تقهر الصراحة كل ما شافت المسكين نواس او تسمع عنه تسبه ... ليش يا ماما ليش .. اعتقي الريال وخليه في حاله هو مب ناقصنج أصلا :(


بتول .. كيووووت .... احسها نعومة وحبوبة ومشاكسة ... انتظر مواقف اكثر عنها عشان اعرفها اكثر واكثر ....




سلمت يدينج يا قمررر .. كعادتج مبدعة ومذهلة ورااااااائعة في كتاباتج ..... اترقب الفصول القادمة بفارغ الصبر


صافي محبتي/ودي ..

السلام عليكم و رحمة الله و بركاته
اكيد نواس مجروح ... لكن وسن مجروحة ايضا ليش ما يعطيها العذر او حتي يسالها بدل ذا التعذيب
ارجوان اعتقد سيعرض عليها جابر زواج او ترتيب معين مع اخوتها
سما ابي اعرف ويش قصتها