كاتب الموضوع :
فيتامين سي
المنتدى :
القصص المكتمله
رد: عشق بلا قيود للكاتبة شخصية خيالية
اقتباس :-
المشاركة الأصلية كتبت بواسطة زارا  |
السلام عليكم
حيا الله الحامل والمحمول ماراح نرحب فيه لان فيه اشياء مزعلتنا..هخهخهخهخه
اييييييييه ياا ام جمال ..الله يرحم زمان كاتبات كانن يسمعن الكلام ويرضخن للاحزاب ويسوون اللي يبوونه المتابعات وهن بقمة السعااده والونااااسه من تجاااوب القارئات الجميلات مثلي وشرواااي >>فيس يتشره على رشا اللي ماتدري عن هوا دارنا ..>>فيس حزين
المهم الصدق ان البارت جميل وحلوووو ويهبل لكن مادبل كبدي فيه الا العود حاكم والعجوز ام فهد..عايشين جووو الحب العفيف والحب على النقى والناس كلها تشجعهم على قلة الحيا ذي ..
وسالفه خطبة دحوم لصيوت.. مع ان لو اني للحين ماحبيت عناد كان بستانس لكن يووم شفت عناد سمع كلام امه واخته وجته التكه والضيقه وقام يضيق نفسه كنه وحده بتولد ونفسها ضاع ..ضيق صدري وتنكدت وانقهرت عليه..
وقلت هذي دعوتي عليه باول القصه يوم اقول جعله ياخذ له وحده يموت فيها وتاخذ غيره وينقهر ويعاقبه ربي على الحريم اللي يتزوجهن ويطلقهن بس مادريت ان رشا بتسمع كلامنا الاولي وتخلي التالي>> الفيس الحزين مستمر.
خالد وتميم حلووو ان تميم قال اللي بخاطره لابوه . رحمتتتتتتتته مرره تميموووو وهو يعلم ابوه عن سالفته يوم يودي امه للمستشفى عشان تولد دلال . وابوه يعننني متاثر ومتضايق وسامحني . تعبت رووحك ياخالد.. انا ماسامحتك لانك السبب باللي عناد فيه الحين يااقليل خوف الله .. انت ورشا مشتركين بالذنب والاثم وتعبنا يا القراء ..>>فيس حاقد
وافي >> صبحه بالخير وينك عايش انت ياا اللي بتجيب شغاله؟؟ ماتدري اننا عايشين بازمة شغالات الله يشغل من قطعهن عنا بنفسه؟ والله عاد ياوافي ان كان الموضوع فيه شغاله اناا بتزوجك وخل هيا تسمع كلام عجز الديره وان اللي تجيب شغاله رفلا.. اناا رفلاا انقذني بشغاله يرحم امك.
الجوهره : شوفي عاد يااا الجوهره زواج وافي من هيا كله كان بسببتس يعني استحي على وجهتس وخلي الحرمه تعيش براحتها وانتي في بيتس وهي في بيتها.. الخوف انه يجمعكن في بيت واحد وهالشي متوقع لكن ان سواها بهو حمااار لان باين انه انتي الربحانه.. وغير كذا هيا ماراح يقدر مواهبها الا واحد بيته مفتوح يعزم وهذا داخل وذاك طالع .يعني انت بمواهبتس هذي حسافه على وافي صراحه
هزاع ووصايف / مبروك البنوته وسموها اسم زين ومرتب
صقر / المقلب ميه ميا .. هههههههههه .. صراحه يهبل وحلوو بس لوو انه بدلال وراجس كان بستااانس عليه لكن لانه بصيته ودحيم ضيق صدري..>>فيس يدمع
ايه ام جمال علمي رشا اننا بنزوج راجس لدلال مهوب بعد ماندري الا هي قالعه راجس لوحده ثانيه وتخرب خططتنا هنا بعد..>>فيس عصب من الفكره.
عناد / الله يعوووضك بابرك واحلى واحسن والله يرزقك 10 من العيال والبنات . وتنسى صيته وايام صيته.. معليه ياااا عناد حزبنا وقف معك لكن رشا ماتبي تجمعك بصيته>> فيس يناظر رشا بنص عين.
ولو ان القصه باقي فيها كم جزء والله مانوقف بالمطالبه بزواجك من صيته حتى لو انها تزوجت دحيم وحملت منه>>فيس ماعنده وقت ويقاتل لاخر قطره بحياته..ههههههههه
المهم ياا ام جمال تسلمين على النقل وانتي ياارشا ان كنتي تقرين كلامي الله يسامحتس حزنتي قلبي وكسرتيه>>فيس يبي يكسر خاطرها..هخهخهخه
وبعدين القصه الجايه ان الله احيانا نبيها هنا بقصص من وحي قلم الاعضاء ..ونشارك مشاركه فعاله ونخليتس تحت الضغط العام والسلاح المباشر>>اتوقع عقب هالكلام ماراح تكتبين ولا باي منتدى..هخهخهخه
ام جمااال ماقصرتي على النقل الاكثر من رائع كنتي يمنتهى الجمال ياا ام جمال وباذن الله ربي يتم هالرائعه ونبراك لتس بنهايه النقل..
بانتظار البارت الاخير اللي اتمنى ان صيته ترجع فيه لعناد>>فيس شعاره لايأس مع الحياة ولا حياة مع اليأس .
النوووري حبيبة قلب الزوري تراني من اول اقووول راجس لدلال.. بس مدري ليه كنت اسمه برجس..هههههههههههه
|
ماشاءالله زارا وش هالرد المزيون معلقه
أقرأ ردك وأنا كذا  شفتي سنيناتي
تسلم يمينك زارا لا خلا ولا عدم منك يارب
والله ياآل ليلاس تستاهلون من يتعب ويتعنى لكم
على هالردود المميزه والمثريه واللي توسع الصدر
ونستمتع بقراءتها كأنها بارت 
|
13-02-16, 10:19 PM
جديد مواضيع قسم القصص المكتمله
العرض العادي
