كاتب الموضوع :
عبير قائد
المنتدى :
سلاسل روائع عبق الرومانسية
رد: رواية .. ترنيمة عذاب سلسلة أسياد الغرام لعبير قائد .. الفصل العاشر
السلام عليكم ورحمة الله وبركاته
ازيك يا بيرو كل عام وانتى بخير ، الصراحة العيديه جميله للغايه احل عيديه امتعتنى بالفعل
اولا اوس اكبرر مهررررج فى العالم جاب كبار عيلته على ملا وشهم من غير حتى ما يعرفوا السبب و بعدين فاجئهم كلهم بخبر زواجه من ترنيم الراجى بطريقه تثير الريبه والشك بعدين اقنعهم بسبب بسيط انهم ماصدقوا ان والدها وافق ااااااه لو عرفوا الحقيقه وان رجل زى مختار الراجى هدد اوس عشان يتزوج بنته اعتقد ان مختار الراجى فعلا زى ما قال والد اوس يبحث عن شرف نسب الذئب و فى نفس الوقت ما تنازلش عن مصالحه اللى تتحقق بزواج ترنيم من اشرف ابن عمها دة مجرد تخمين نرجع لمسار احداث الروايه
ترنيم حاقدة جدا على عائلتها مش بس على مختار الراجى لا دى غاضبه من والدتها الخاضعه المستسلمة لوالدها المتسلط وكمان اخوها عديم الشخصيه وشايفه انها هى اللى بتدفع الثمن من حياتها ترنيم بتحمل والدها ذنب شىء ما لم نعرفه بعد واعتقد هو نفس الشىء اللى مختار بيهددها بيه
الفرح والله على الفرح اوس كان فخور للغايه بوجود عائلته اللى حضرت من المشارق الارض ومغاربها لحضور حفل زفافه المفاجئ دة شىء اعجبنى جدا فى عائله الشيب فهى قبيله من الذئاب المتآزرة واعتقد ان لو اوس قال ان والد ترنيم هو اللى ضربه كان زمان الذئاب اكلته و ريحتنا منه طبعا كان فى تحدى واضح جدا فى نظرات مختار واوس لبعض وكان نفسى التحدى دة يوصل لتهديد اوس لمختار انه يحاول يقرب منه مرة اخرى او من ترنيم
كان شىء جميل جدا انك سلطى الضوء مرة اخرى على حياه قحطان وعمرو ماشاء الله قحطان عنده 5 اطفال ربنا يزيد ويبارك لكن قحطان كان يتذمر من طلب مختار منه ان يشهد على العقد و السبب ببساطة ان ترنيم كانت خطيبه على وهى اللى سابته بس لااسف مختار الراج بيوصل لمآربه بطرق ملتويه و لولا طلبه فى مجلس العرب ما كان قحطان ليوافق
ما انساش ابدا السخريه الرهييييبه لكل المعدعوين من حاله العريس المكسح هههههههههههههههه بصراحة كل كلمه قالوها كان عندهم حق فيها هههههههههههههههه شكله هيقضى سعر العسل فى المستشفى
اما عن لقاء اوس وترنيم فى الفرح فواضح اوى ان هما الاتنين خيبوا توقعات بعض اوس متخرشم و ترنيم شكلها زى البهلوان بالوان الزينة المبهرجة و الفستان المبالغ فيه و الكعب الخارق الطول هههههههههههههههه عجبنى لوى الموقف اثناء زفتهم وهى بتقول له انه لو سابها وتقع و لو وقعت تضربه بالكعب الخارق الطول فوق رأس و الىىعجبنى اكتر رده الرومانسى المشتعل حسيت ان اوس وترنيم مش بيمثلوا الحب زى ماهو مفروض مع اتنين مجبرين على الزواج بل بالعكس حسيت انهم فعلا بيحبوا بعض جدا و طبعا اوس الشاب العابث كان قاصد كل شىء قاله وعمله وقت الفرح برضو عجبنى جدا محاولته "لكيد العوازل" اللى قعدوا يضايقوا ترنيم بتعليقاتهم حول زواجها السريع المفاجئ وتوقعاتهم بزواجها من اشرف منه لله مختار هو السبب فى ان الناس تتكلم عن بنته بالشكل دة
طبعا الفرح انتهى بفضيحة او كارثة رهيبه ودة شىء طبيعى جدا من اوس يعنى واحد عمل الفضايح دى كلها فى فرح اخته لازم وحتما ولا بد ينهى فرح بخطف العروس هههههههههههههههه م قادرة اقول لك ضحكت قد ايه على الموقف دة
عاوزة اسالك سؤال واحد يا بيرو اوس عمل كل دة وهو متكسح طب لو سليم كان عمل ايه ؟
نروح بقى للبنات اولا سارة رؤيتها ان ترنيم لا تليق بمستوى اوس هو شىء مجحف قليلا فى حق ترنيم لكن احب اقول لها حاجة وهى ان بيرو ديما بتجمع اتنين فى الظروف العاظيه ماكانوش ممكن ابدا يتقابلوا وبتحطهم فى طريق بعض و تخليهم يحبوا بعض حتى لو هما عكس بعض فى كل حاجة ودة شىء احييها عليه يعنى مثلا انتى يا سارة ما كنش ممكن تقابلى ركان لولا موضوع المجله
سارة وركان عاوزة اقول حاجة وهى ان سارة هبله بجرد ما شافت زوجها رتمت فر حضنه حتى من غير لو او عتاب انا مع انهم لازم يبعدوا الشغل عن حياتهم و مع ان فى ظل وجود طفل جاى فى الطريق لازم يعيدوا بناء حياتهم بس برضو هم محتاجين يلوموا بعض ويعاتبوا بعض
اما عن مقابله نرجس وصوان وشيماء زى ما قلت عن نرجس فهى حماة مصريه اصيله و عاوزة تزوج جساس بشيماء فهى بتختار لابنها الزوجة اللى تكون طيعة لها قبل ان تكون طيعة لزوجها
كره نرجس لصوان حتى الان غير واضح الاسباب لكن العداوة بينهم واصله لدرجة انها عاوزة تقحم شيماء فى حياة جساس وتوصل من خلال وجودها رساله واضحة المعانى لصوان شيماء حتى الان ماسوفتش منها شىء سئ بالعكس انا عندى احساس انها هتتظلم جدا بسبب خالتها
و اعتقد انها هيكون لها دور كبير فى تقريب صوان من جساس
نرجع لاوس وترنين والضحك اللى ما بيوقفش بصراحة دخلت فى هسيرية ضحك لما دخل المنزل واستأذن تىنيم انه يعمل حاحة بسيطة لافاجأبه يصرخ!!!!!!
هههههههههههههههه
اوس الشخصيه المقدرة اللى محتويه لترنيم جاب لها اغراضها من روما و كمان دقتر مذكراتها اللى اتساءل ايه اللى مكتوب فيه ممكن يخلى اوس يفر بلا رجعه ايه حجم البلوى اللى عملتها ترنيم فى حياتها يخلى والدها يهدددها بيها عماله افكر مش لاقيه حاجة يا رب يتفك اللغز دة بسرعه اوس طلب من ترنيم انها تحزن على كماله يوم عشان بعد كدة يكملوا حياتهم مع بعض دون خزن او بكاء فعلا شخصيه مقدرة بس يا ترى هيفضل التقدير دة عل طول ولا هيتحول لشىء اخر
طولت عليكى يا بيرو بس فعلا الفصل دسم وممتع
اشوفك الاسبوع القادم
السلام عليكم ورحمة الله وبركاته
|
24-09-15, 09:28 PM
رد: رواية .. ترنيمة عذاب سلسلة أسياد الغرام لعبير قائد .. الفصل العاشر
جديد مواضيع قسم سلاسل روائع عبق الرومانسية
العرض العادي
