كاتب الموضوع :
عبير قائد
المنتدى :
سلاسل روائع عبق الرومانسية
رد: رواية .. ترنيمة عذاب سلسلة أسياد الغرام لعبير قائد .. الفصل التاسع
السلام عليكم ورحمة الله وبركاته
ازيك يا بيرو اخبارك ايه
ارجو ان تكونى بخير
كل عام وانتى بخير بمناسبه اقتراب عيد الاضحى المبارك
اعاده الله علينا جميعا بالخير
انا قرات الفصل الثامن مع الفصل التاسع و الحمد لله انى عملت كدة لانى ماكنتش هاستحمل النهايه الكارثيه للفصل الثامن بدون تكمله 😀😀😀😀😀
الفصل الثامن
اوس راح لترنيم بسرعه قياسيه بعد مكلمتها له وهى بتبكى موت عمتها اللى كانت سندها و الحاجز اللى واقف امام والدها كانت بتكلمه وهى مش عارفه ان دة الشىء المنطقى لان اوس هيبقى السند الثانى لها طبعا وصفك لشكلها وهى تحت تاثير الصدمة ومحاولات اوس انه يواسيها كان رائع  رغم استنكارها بعد ذلك لجوأها لرجل مهما كان
وجود اوس مع ترنيم لم يخلو من المشاكسات المرحة على الرغم من الظرف القاسى اللى مرت به ترنيم ودة اعجبنى جداااااا بصراحة اوس لما يبقى موجود ف اى مشهد فى الروايه الابتسامة ترتسم على وجهى تلقائيا
اما عن مختار الراجى غانا لم اتوقع ان يكون بمثل هذه القسوة حتى مع موت اخته الوحيدة لم يسافر لدفنها حتى لم يوقف احتفالات عقد قران ابنه هو لايعترف بوجود اخت له اساسا وانا لا استنكر موقفه فقط بل استنكر ايضا موقف خالد فعلا عديم الشخصيه مجرد لعبه فى يد الاب لها حق ترتيم تكرههم وتخرج عن سيطرتهم بل كانت تتمنى ان تخرج عن سيطرة والدها المستبد فى وقت ابكر من هذا
لا والأسوأ من كل ذلك انه يتخذ وجود اوس معها ذريعه لاعادتها للمنزل بالقوة و تزويجها رغما عنها فى حين انه لم يكن بجوارها يدعمها عند موت عمتها فوجدت بدلا عنه اوس الذى كانت الاب والاخ والصديق فى هذه المحنه الصعبه
ربنا يجحمه فى جحيمه (انا بدعى عليه ساعة آذان الجمعة )
سارة وركان
احنا اتفقنا قبل كدة انهم المفروض يفصلوا شغلهم عن حياتهم معا بس انا شايفه ان بدايتهم اصلا خطأ هو تزوجها لتنفيذ مخطط الاستيلاء على المجله وهى تزوجته من اجل عملها فى المقام الاول دة مايمنعش انهم حبوا بعض جدا بس ولا واحد فيهم قرر يتنازل عن مخططاته عشان حياتهم مع بعض تستمر يعنى اساس حياتهم الزوجيه خطأ من البدايه لانه مبن على المصلحة
اما عن الفصل التاسع فهو فصل مليان مفاجآت بالنسبه لى
المفاجأة الاولى هى اجبار مختار الراجى لاوس على الزواج من ترنيم و دى كانت اخر حاجة اتوقعها للا دة كمان بيهدده عشان يرضى
بس هو مايعرفش انه بيدى ترنيم مفتاح الخروج بايده لانها لما تتزوج اوس هيكون خبر حام لها وخير ملاذ بعيدا عن والدها رغم انه بيهدد ترنيم انها لو لم تسعى للطلاق خلال شهرين سيخبر اوس بكل شىء لكن لو ترنيم قالت لاوس من البظايه فدة هيضعف جبهة والدها اتمنى انها تقول له دة اول شىء ثانى شىء زى ما مختار الراجى بيهدد اوس بشيوخ القبائل فلو حاول مختار انه يطلق بنته من اوس ممكن اوس يستخدم نفس التهديد عشان كدة انا شايفه ان مختار الرراجى بيحفر الحفرة لنفسه
يارب يقع فيها عشان نخلص منه بقى 
جساس الذى ذهب الى والدته فى مصر وبذلك تكتمل اطراف الحكايه وقريب جدا هنعرف اسباب رفضها لزواج ابنها من صوان
طبعا الام هتبقى عاوزة تزوج ابنها من شيماء ابنة خالته الجميله بصراحة شيماء عجبتنى مبدأيا لكن مش عاوزاها تتظلم مع جساس (والدة جستس تذكرنى بالحماة المصريه الاءصيله اللى بتحب ابنها جدا لدرجة انها تختار له العروسه اللى تعجبها هى و لو هو اختار على غي هواها توريها النجوم فى عز الظهر ربنا يعينك يا جساس )
بالنسبه لسارة وخبر حملها المفروض انه يغير كل حسابات سارة وركان ويبدأوا يبن ا حياتهممع بعض من الاول على اسس سليمة مفيهاش خسابات المصالح الاى ماليه دماغهم
طبعا من المفاجآت التى لم اكن اتوقعها ان سييرا تكون خاينه لسارة وانها تكون متفقه مع ركان عشان يوصل لسارة ومن ثم المجله
انا من البدايه اصلا سييرا دى مش عجبانى الحمد لله انها بعدت عن طريق سارة
طولت عليكى يا جميل بس معلش اغذريتى
اسوفك ان شاء الله يوم الخميس القادم فى العيد و منتظرة حفل زواج اوس و ترنيم هاحضر الفستان من دلوقتى
السلام عليكم ورحمة الله وبركاته
|
18-09-15, 08:50 AM
رد: رواية .. ترنيمة عذاب سلسلة أسياد الغرام لعبير قائد .. الفصل التاسع
جديد مواضيع قسم سلاسل روائع عبق الرومانسية
العرض العادي
