ان شاء الله تستمتعون بالقراءه..
..البارت الثالث والستون..
اليد الي حول خصري بعدتني عن شوق بالقوه
التفت اشوف مين كان ليث اكيد مين يتجراء يمسكني كذا غيره لاني كنت متٲكده انه رجال
ترك خصري وحاول يعدل طرحتي بيده اليسار وبنظراته واضح انه ماسك نفسه
بعدت عنه خطوه وانا اعدل طرحتي ال(سبه)للحين احس شعري يوجعني اكيد الحين تحس بنفس الوجع
طالعت فيها بتشفي وانا اخذ انفاسي بسرعه كذا بردة قلبي
ماكانو ماسكينها البنات بس واقفين جنبها وهذا حسسني انهم بطرفها
وهي بعد كانت تٲخذ انفاسها غصب بس قالت فجاءه وهي تطالع بجهة الباب""قول لهم انك تحبني قول لهم ان كلامك امس مزحه انت تحبني صح""
كانت تبكي
شوق تبكي
طالعت بالمكان الي تطالع فيه ولما شفت خالد الي واقف عند الباب فهمت كل شي
كرهته ضعف كرهي الاول
لما تٲخر الرد من خالد رجعت سمعت شوق تقول بأنهيار""والله يحبني غصب عنه يحبني""
وقفت قدام شوق علشان مايشوف دموعها و وضعفها مايستاهلها ال(سبه)
قلت بعصبيتي كلها توجهة له""تلعب عليها طول هذي الفتره تلعب عليها""
قالت شوق وواضح من صوتها انها منهاره""لا يحبني انا متٲكده""
تذكرت كلامها زمان لما تقول انها تلعب ع اي شخص بسهوله وتخليه يحبها ماقدرت بخالد هذا
طالعت فيه بحقد وانا انتظر رده
لما ماتكلم ماادري ليش ساكت مايبرر موقفه
قلت وانا اتقدم خطوه""جبان متخلف م....""
قاطع كلامي ليث لما مسك ذراعي وقال بنبره امره وحازمه""تعالي وانتي انسه شوق خذي باقي اليوم اجازه وانت ارجع مكتبك""
وسحبني معاه كلامه ونبرة صوته هي الي خلتني امشي معاه
بس قبل ماامر من عند خالد سويت حركت كٲني احط اصبعي في فمي علشان استفرغ غصب
طلعت من المكتب بالاصح ليث ساحبني معاه
وانا اعصابي لسى فايره علشان كذا شوق مو ع بعضها ومعصبه اش قال لها امس مخليها منهاره كذا ال(سبه)
مرينا من عند سكرتيره الي وقف اول ماشاف ليث ورجع جلس لما شافني وطالع بالجهاز قدامه
كيف عرف ليث اكيد خالد هو الي قاله
ترك يدي وفتح باب المكتب رجعت خطوه ورا وقلت""تطرد خالد من الشركه""
لما حرك راسه بطريقة لا
رجعت خطوه ثانيه ورا ماراح ادخل
بس هو قال وهو ضاغط ع اسنانه""بنقله""
دخلت ومشيت لطاولة الاجتماعات علشان بعدل طرحتي
جلست ع الكرسي ونزلت طرحتي ع اكتافي علشان بعدل شعري
فتحته علشان ارجع المه بس تركته لانه اوجعني والتفت بقوه لليث الي جلس ع الكرسي جنبي ولفه علي وانا اسمعه يقول بنبرة مسخره""ياحبك للمشاكل تدورينها وتلقطينها""
قلت بصدمه""انا""
هو لو شاف من البدايه ان مالي دخل كل السبب خالد قال وهو يحرك راسه بطريقة ايوه""ايوه انتي الي فهمته ان المشكله بين خالد وشوق وش دخلك فيها""
قلبت شفايفي بعدم استحسان لطاري خالد وقلت بقرف""تنقله""
هذا المهم عندي
قال بٲبتسامه خفيفه""يعني تبغين تقنعيني انك تحبين شوق وهذا علشانها""
علشاني زمان وعلشانها الحين يعني السبب هي
للحظه فكرة انه مو معصب ع الموقف مثل العاده وانا بشركته وبين موظفينه وماعصب لسمعته مثل مايهمه دايما وهذا ريحني
قلت بصراحه لسؤاله""ايوه طبعا احبها شوق""
من شهور وانا معاها كل يوم اكيد احبها
ويمكن هي اكثر البنات معزه بقلبي
قال وهو يطالع بيدي""وشعرها للحين بيدك اش الحب الغريب""
طالعت بيدي الي حطيتهم ع الطاوله مع ربطة شعري اتٲكد من كلامه هو وصف ولا حقيقه
بس طلعت وصف
رجعت طالعت فيه بحده وقلت وانا ضاغطه ع اسناني من مسخرته للموقف كله""احب بكيفي وهذا هو اسلوبي""
قال بٲبتسامه""يعني لا مديتي يدك اعرف ا....""
سكت فجاءه ومد يده اليسار طبعا ولمس خدي بٲصابعه وطلع شعره من فمي وهو لسى بٲبتسامته
لما رفع عيونه لعيوني حسيت الجو ثقل يمكن علشانه مليان توتر
نسيت اش كان يقول علشان ارد عليه بس رجعت قلت نفس الكلام الاول""ايوه احبها شوق""
بدون تركيز قلته وحسيت هو بعد ماسمع اش قلت
تعلقت عيوني بعيونه لثواني
كانت نظرته تختلف عن ذيك المره ع سريره مو نظرة فضول واستكشاف
لا نظرات عميقه حسيت كٲنه يقول لي شي
كانت الثواني ثقيله وكٲنها عرفت دورها واهميتها
لما نزل عيونه لفمي بعد وقت فهمت اش كانت تقول عيونه
والصراحه كنت انتظره يقرب يمكن فضول اعرف احساسها ويمكن نظراته هي الي خلتني انتظر
المهم اني ابغى اجربها معاه هو بالذات ابغى احس بقربه واجربه
فضول اكيد
رجع رفع عيونه لعيوني ثواني وحسيت بيده ع يدي بعفويه اخذت نظره عليها ورجعت اطالع بعيونه بتركيز
انتظرته يقرب بس هو ماتحرك فكرت انه يبغى يحس بموافقتي
قلبت يدي من ع المكتب ومسكت يده
رفع يدي ووقفني بيده اتبعت يده وقفت بدون مااعرف اش اسوي
سحبني له وجلسني بحضنه لما جلست وهو حمل وزني كامل
حسيت بيده اليمين الي مجبس كفه حول خصري ومريح كفه ع رجلي
وبيده اليسار يبعد شعري عن وجهي ورقبتي
كنت ارمش بسرعه مو مصدقه احساسي العنيف هذا ولا الي خلاني اجلس بحضنه واكون بهذا القرب من ليث
حسيت كٲني تعديت الحدود وهذا معطي لمحة من احساس التحرر والمغامره
كنت جالسه بحضنه ويدي بحضني مو عارفه اش اسوي
بس كنت منتظره بكل مشاعري منتظره
وعيوني متعلقه بعيونه وانا احس بدقات قلبي سريعه واحسها مزعجه الناس كلها
متى يقرب خليه يخلص بسرعه
كان الجو كله محمل توتر مو طبيعي مني ومن ليث الي باصابعه يرجع شعري ورا اذني ويبعده عن رقبتي وعن كتفي
بطريقة كٲن هذا اهم شي يسويه بحياته
من غير مااحس رفعت يدي ارجع شعري ورا اساعده
كل شي فيني يقول لليث يلله بسرعه
مسك يدي ورجعها لحظني ورجع رفع يده لشعري
وكٲن شعري كله ع وجهي من محاولاته
بس حسيت دقات قلبي سرعت اكثر لما حط يده ع رقبتي واصابعه بشعري ونزل راسي شوي بتجاهه
..نهاية البارت..
..عافاكم..
..عجايب..
الحمدلله.


..بأذن الله لي حسنه ولك حسنه..
(أسأل الله أن يكتب لنا فيه من القول رشاده ، ومن الأمر سداده ، ومن الخير والاجر ازدياده ، وعن الشر ابتعاده..امين..)*

ان شاء الله تستمتعون بالقراءه..
..البارت الرابع والستون..
نزل راسي بتجاهه ببطء وكٲن عندنا النهار بطوله
انا ناويه بس اجرب وابعد عنه يعني مو شي غلط انا زوجته
علشان كذا قربت راسي اسرع من ضغط يده وانا مغمضه عيوني خلينا نخلص
كانت كلها لمسه خفيفه بس وبعد وجهه عني
فتحت عيوني وانا احس بٲنفاسه الدافيه ع وجهي كان وجهه لسى قريب مني
طالعت بعيونه احاول افهم ليش بعد بسرعه
مايبغى يعني
بس عيونه وطريقة نظراته واصابعه الي ع رقبتي كانت تدل ع العكس جدا
طيب ليش
بعد مافكرت كثير رفعت يدي وحطيتها ع كتفه وقربت وجهي منه
بس قبل مااوصل له سمعت باب المكتب لما دق وقال""بعد دقيقتين يبدا الاجتماع""
كان السكرتير حسيت منجد اني تعديت الحدود والسكرتير كشفني
في البدايه اللتفت بسرعه ع الباب وانا بنفس مكاني وبنفس قرب وجهي منه وكٲنه بيدخل علينا
ولما خلص كلامه رجعت طالعت بليث بصدمه ودفيت كتفه بطريقه عنيفه كنت بطيحه من ع الكرسي
ونسيت ان انا الي جالسه بحضنه
مسك بالطاوله وهو يقول بصرخه تقريبا""تاج""
استوعبت بسرعه وقمت بطريقه غريبه خلتني غصب اتوازن ومااتعثر
وبخطوات سريعه وبعيده عن بعضها فتحت باب المكتب وطلعت
بدون مااخذ ولا نظره عليه
وانا ماسكه طرحتي علشان ماتطيح
ماشفت احد بطريقي لقسمنا او بالاصح ماانتبهت والله لشي
دخلت الحمام بسرعه بدون مااطالع بالبنات انا البلهاء ليش اسوي كذا
اش هذا الفضول الي تحكم فيني ولا بعد مصره
زواجنا فتره وتنتهي ولا راح اخليه يستغلني راح استفيد من هذا الزواج بدون مااخسر شي بس فايده
يكفيني بعدين اسم مطلقه ماابغى اكون مجروحه وحاسه بالخيانه
عند هذي النقطه غسلت وجهي وبعدها عدلت طرحتي بحزم وانا احاول ابعد الي صار في المكتب من راسي
بجد اني بلهاء ليش لما سحب يدي وقفت معاه
وكٲني دميه محشوه ولا بعد مركزه بٲحساسي ابغى اعرف اش بحس فيه
يعني كٲني بستفيد شي اذا عرفت
كل هذا كوم ولما حاولت اقوم كوم ثاني احس بٲحراج مو طبيعي حتى من نفسي كيف من ليث
ياربي من اول ماحاولت ابعد الفكره من راسي كنت اول شي افكر فيه
معقوله انا سطحيه مثل كل البنات مايهمهم الا الاهتمام والحب
انا غير
كل الي يهمني هو الفلوس فقط لا غير
وكل هذا كان مجرد فضول يعني خلينا نقول تجربه
طلعت من الحمام وجلست ع مكتبي وانا اطالع بالبنات محد رفع عيونه عن شغله وشوق مو موجوده ع مكتبها
يعني راحت مثل ماقال لها ليث
المهم اني استفدت نقلة خالد من هذا القسم
وبعد تذكرت راتبي مع المبلغ مع ان المفروض يعطيني بعد يومين علشان يكون كملنا شهر من زواجنا
بس يلله مع الراتب احسن ابغى الصرافه علشان من اليوم نروح انا وامي نجدد الاثاث
ع الطاري ماادري امي اش سوت في المستشفى اليوم
اتصلت ع جولها من اول ماكلمتني عرفت من فرحتها ان طلعت التحاليل وكل شي تمام الحمدلله كذا ارتاحت
سكرت وطالعت بالبنات مستغربه الهدوء الصاير شكل سوت شوق شي بعد مارحت قلت""اش صاير بنات""
وبعد محد رد علي مع السلامه
رجعت لشغلي وبنص الشغل جاء في بالي ارسل لليث يعطيني الصرافه لان مافي شي في بالي الا هي
وكأني ادور سبب علشان اروح له ولا اكلمه
لا ابدا انا من اول ناويه اطلبه وعصبت علشانها والحين مافي بالي الا هي انا متأكده مو علشانه لا ابغاها ابغى ابدا لتجديد
متحمسه لحماس امي والبيت اكيد بالنهايه بيكون ملك
دام هذا شرطي وانا واثقه من كلام ليث ومتٲكده ان اذا قال شي ينفذه
وقفت عن شغلي ثواني من متى يعني وانا اعرفه ولا اثق بكلامه هو للحين ماتحرك ووكل يوم بيٲخرها حتى انسى انا
رجعت لشغلي وانا محتاره كيف اطلب منه الصرافه ان شاء الله وهو يتذكر وحده
رجعت البيت بدون مااتكلم مع البنات ولا هم يتكلمون كلمه وحده يعني زعلانين مني
مو وحدي حتى شوق هي الي غلطت بالكلام علي
الا ع الطاري اش صار بينها وبين خالد ليش كذا منهاره
دخلت البيت ع بال مااخذت دش الا سوناتا جابت لي الاكل الغرفه
لاني طلبتها
اكلت ع سريري وبعد ماصليت العصر نمت وصحيت للمنبه الي عدلته لصلاة المغرب ورجعت نمت ماصحيت الا الساعه عشره ونص صليت العشى
وحاولت ارجع انام قبل مايرجع ليث لانه للحين مارجع
وعلشان اكون صريحه معاكم احس اليوم مااقدر اشوفه ولا اتكلم معاه
بكره ان شاء الله اكلمه عن الصرافه
ورجعت نمت لساعه وحده بعد محاولات
واول ماصحيت لفيت لسرير ليث بهدوء وكٲني نايمه لسى لقيته نايم
تسحبت وطلعت من الغرفه ونزلت المطبخ تحت
ومثل العاده بمثل هذا الوقت سويت لي بيضه اكلتها ع توست و عصير في الصاله وانا مشغله التلفزيون
بس طبعا مخفظه الصوت اكثر من العاده احتياط
مع انه اكيد ماراح يصحى وهو رجع بعد الساعه عشره
وبعدها بنص ساعه تجهزت لدوام مع ان بقي تقريبا ثلاث ساعات
بس جلست ع الجوال وانا اقلب بالنت حتى سمعت اذان الفجر
بعد الصلاه بروح عند امي وبداوم من عندها وبالمره اعرف اخبار عبدالرحمن
صليت الفجر وبعدها دخلت اخذ عبايتي وشنطتي
طالعت بطاولة بليث لما شفت جواله منور وكٲن وصله شي
بس مو هذا الي شد انتباهي قد صرافتي الي جنبها من الفرحه ان بٲخذها من غير مااكلمه او اطلبها كنت بصفق
بس تذكرت ماابغى اصحي ليث الي نايم
اخذتها بهدوء وبعدها طالعت بليث لثواني بتفكير غريب علي
وبعدها طلعت من الغرفه ونزلت من الدرج بنشاط
الحين عندي سالفه مهمه لامي
ومنجد لاحظت حماس امي من الفكره من اول ماقلت لها
بس بعد ثواني رفضت وقالت ان لو احفظها احسن يمكن احتاجها
وبعد محاولات مني ومن عبدالرحمن الي متحمس لغرفته
وهي اساسا بتكون اخر شي في البيت اسويه
ان ليث مايقصر وان اش بسوي فيها ليث يصرف علي مااحتاجها
وانا في بالي مبلغ معين بحتفظ فيه يعني اذا احتجت شي
غصب رضيت واول شي بنبدا فيه غرفة الاستقبال وبعدها المجلس يعني المقدم وباقي المبلغ اذا كانت غاليه الشهر الجاي
وقلت لها اني بجيها بعد الدوام علشان نبدا
وطلعت لدوامي بدون مااجلس مع عبدالرحمن وحدنا علشان يحكي لي اش صار
مع اني متٲكده لو تقدم خطوه كان ماوفر مدح بنفسه
قبل ماانزل من السياره جاتني رساله من رقم غريب فتحتها كان مكتوب فيها(شكرا لانك تذكرتيني لازم نتقابل قريب/موضي)
رديت عليها برساله ان شاء الله وسجلت رقمها
دخلت المكتب وخالد لسى ماداوم او ماادري اذا نقلوه
وشوق بعد ماجات
سلمت والي ردت علي حنان بس كيفهم اذا بيزعلون يزعلون
انا ماغلطت ع احد ونسيو ان ولا وحده فيهم دافعت عن شوق قدام خالد
وبديت شغلي والصمت الموجود خلاني مركزه اكثر بشغلي
انتهى الدوام وشوق ماجات اليوم المفروض احد يوصلها ان خالد نقلوه علشان تقدر تداوم
طلعت من من قسمنا وانا اطالع بظهر الموظف الجديد لانه كان يرتب اوراق بالدرج الي وراه
ليش ماعرف عن نفسه يمكن بكره
المهم ان ليث نفذ كلامه ونقله
بس ماادري مثل ماهو ولا علاه مرته ولا نزله مرتبه المهم انقلع من قسمنا
لما ركبت قلت لسايق""بيت امي""
بتغدا عندها ونطلع سوا
واستمريت اسبوع وعليها ع هذا النظام اتغدا عند امي بعد مااقنعتها انه ليث مايتغدا في البيت ابدا
وبعدها نطلع السوق نلف حتى المغرب
وبعدها ارجع البيت اتعشى مع سوناتا وانام قبل مايجي ليث
واصحى وهو مو موجود تعودت ع هذا النظام
بس احنا خلصنا
حجزنا لغرفة الحريم والمجلس
واخترنا بعد دولاب مطبخ بس الشهر الجاي ان شاء الله احجزه هو ولصاله
والشهر الي بعده ان شاء الله غرفة امي
والي بعده غرفة جدتي وغرفة عبدالرحمن
والشهر الخامس من زواجنا بتكون غرفتي وتعديل البيت من برا
يبقى شهرين بحفظهم ان شاء الله لمشروعي وكذا اكون مشيت ع التخطيط الي قبل زواجنا
مع اني فكرت اشتري سياره لابوي بس صعبه كذا احس كفايه وراح ابدا بمشروعي الي نسيته تقريبا
يمكن علشان مشغوله هذي الفتره الا انا متٲكده من هذي الفكره وفكرت فيها زمان كثير
بس خليني اخلص من هذا الزواج واحط كل تفكيري وتركيزي وجهدي فيها واكيد انها بتنجح
طالعت بليث الي طالع الدرج بستغراب طالعت في الساعه اتٲكد
قبل حتى صلاة العشى رجع
ليش راجع بدري اليوم
..نهاية البارت..
..عافاكم..
..عجايب..
الحمدلله.


..بأذن الله لي حسنه ولك حسنه..
(في الحياة لا مجال للتوقف فإن لم تكن تتقدم إلى الله فاعلم انك تتأخر #تدبر ""لمن شاء منكم أن يتقدم أو يتأخر"" فانشغالك بغيرالله تأخُر)*

السلام عليكم ورحمه الله وبركاته

الله يسعد صباحك يالغلااا وجميع اوقاتك.


يا الله شو هاد في البداية فكرت أني في رواية ثانية من وين جبتي هالبطل أكيد كومبارس لوووووول

لا عن جد شو هالتفهم والروقان شي عجيييييييب .

بس تاج راااائعة انقلبت فجأة على خالد ونست كل سبات شوق وهوشتها معها ههههههه

عن جد إنها طيوبة بس لو تترك حبها للفلوس الزايد عن حده.

والموقف في المكتب كان متهور منهم يعني السكرتير محشوم ﻷنه ما فكر يدخل مع انه مكان عمل المفروض ما يكون في مانع لدخوله.

وبعدين اﻷفكار اللي اتضاربت في عقل تاج وتركيزها على تجهيز بيتهم .

انا خايفة من ليث مماطلته ما بتطمن وحتى تاج حاسه هسك بس بتقول انه قد كلمته وما رح يخذلها.

في الشغل البنات مقاطعينها بسبب ايش ؟! هل انغاظو من عجرفتها وتكبرها ؟! اتوقع نعم.

المهم انه خالد انتقل وارتاحت منه.

وشوق وقعت في شر اعمالها .

أختفاء ليث الظاهر انه انتبه لغلطه ومتل ما فكرت هو كمان ما بدو يتورط مع جشعة مثلها هههههه

بس اليوم رجع بدري الظاهر في تمو حكي .


وأخيرا المواجهة رح تصير بينهم .


متشوقة للقادم

تقبلي مروري و ودي

°•○اللهم أغفر لي هزلي وجدي، وخطئي وعمدي، وكل ذلك عندي○•°

السلام عليكم ورحمة الله وبركاته
ياعسل ياذوق ياجنان يانتي
انت مبدعه راقيه جميله جميله جميله
روايتك تجنن السرد عندك روووعه انا حسيت انه منجذب لها من اول ماشافها في المستشفى. عند ابوه لانه ضغط عليها علشان يتزوجها.وكمان حكاية انها ماتحب العطور وسواله لها لما قال لها ابدا يعني الرجال ماكان ينام جمبها وبس اممممممم تفكيري منحرف شويه😇😇😇
انا سجلت علشان ارد عليك ماقدرت اقاوم مارد ماقدرت الصراحه .
الله يصبرني الي نزول البارات الليله
تحياتي لك

السلام عليكم ورحمة الله وبركاته
ي قلبي على هالبارت
معقول هذا ليث لا لا لا مااصدق
ي قلبي ي تاج جالسه تنتظر وش يطلع منه فديتها هههههههههه
تصدقي لسى مو مصدقه ان هالبارد يطلع عنده مشاعر ويحس
والله حاسه انه بدا ينجذب لها وحتى هي بدت
اااه على طيبة قلبها متهاوشه مع شوق وهي الوحيده اللي تتدافع عنها
ياويلي عليهاا عسل عسل
مكشورة حياتي على تعبك معنا
وعلى اسعادك لنا بذا الابداع
ربي يعطيك الف عافيه