ان شاء الله تستمتعون بالقراءه..
..البارت الستون..
طالعت فيه انتظر رده
بس هو حرك راسه بطريقة طيب
بعد ثواني طويله حسيتها وانا اطالع فيه
رجعت طالعت بيد امي الي ع رجلي وانا اخذ نفس
وبعدها رفعت عيوني لعيونها وانا اشد ع يدها ماني عارفه اش اقولها
وكل الاسئله الي كانت في راسي الحين مو موجوده
لما جاء ممرض بتجاه الغرفه اعطتني امي الكوب ووقفت
طالعت بألي في الكوب بعفويه
وانا لسى جالسه بمكاني راح اسمعهم انا اقرب وحده للغرفه
كان بالكوب مويه
رفعت عيوني اطالع بٲمي وليث الي هو بعد تقدم معاها
سمعت امي تسٲل الممرض اش بيسوي ليش بيدخل قال""بنسوي له تحاليل ونتٲكد""
قالت امي بسرعه وبنبرة صوت تحمل كل خوف""تتٲكدون من ايش""
قال الممرض وواضح بصوته انه يحاول يطمنها
لاني مااشوفه هو بعد لانهم مغطين عليه واقفين قدامه""نتٲكد من نسبة دمه والحديد فيه والسكر
يعني تحليل عادي علشان بعدها نوصف له الدواء""
قالت امي""يعني تسون هذي التحاليل لاي احد""
قال""ايوه والنتيجه بتطلع الصبح علشان كذا الافضل يتم بالمستشفى حتى تطلع النتيجه""
قالت امي""يعني ينام هنا ماراح يرضى""
قال ليث واول مره يتكلم من شفته
وشكله خلى امي تٲخذ راحتها علشان تطمن
بس الحين اكتفى فحط يده ع كتفها ولفها علي وبنبره هاديه""هو بكل الاحوال نايم الحين""
رجعت تجلس امي جنبي
ورجعت مديت لها الكوب وانا اسمعها تقول بهم""اعرفه حسن والله مايرضى""
الحين هو في المستشفى وبعد شايله همه
خلاص يعرفون شغلهم
اخذت الكوب من يدي وحطته بالارض
قالت امي بعد دقيقه تقريبا وهي تطالع بليث""روح البيت وارتاح توك جاي من سفر""
وش عرفها انه كان مسافر اكيد هو الي قالها
قال وهو يعدل وقفته""مو تعبان""
قالت امي بٲصرار""تعال اجلس طيب""
جلس بالكرسي الي جنبي
ومرت لحظة صمت
توه جاء من سفر وش عرفه مااتوقع امي كلمته
بدون شعور كذا تذكرت سامي و زوجته وامها الي عندها الزهايمر وطلعت بتكسي
وتذكرت كلام ليث لما قال لو هي امك كان يفرق وانا بذيك اللحظه حسيته بس كلام
طالعت بكفه الي مجبسه ونقلت عيوني ليده الثانيه
لما سمعت الباب انفتح
وقفو ليث وامي
وانا طالعت بتجاه الباب قال الممرض""تعال لو سمحت تسجل اسمه واعطيك ورقة الموعد""
راح معاه ليث
طالعت فيه حتى لف مع الممر
تو فتحت فمي بسٲلها اش عرفه ليث
سمعتها تفتح الباب وتدخل
تكتفت مكاني بقي ساعه ع المغرب اذا ابوي بيتم نايم لصباح بٲخذ امي معاي البيت
من تزوجت مادخلته ولا شافته
وبعدين السايق يرجعها وقت ماتبغى مو مثل عبدالرحمن
وقفت لما سمعت صوت ابوي عالي بس ماينفهم بس نبرة صوته عاليه ومعصبه
قربت من الباب امي مااسمع صوتها
يسكت شوي ويرجع يتكلم اش فيه
دقيت دقه خفيفه ووحده
وفتحت الباب وانا معقده حواجبي اش صاير
سمعت امي تقول بهدوء""حتى الصباح بس انتظر تطلع التحاليل و...""
قاطعها ابوي وقال وهو يجلس""لا الصباح ولا غيره ماني جالس هنا ولا دقيقه ننتظر في البيت""
قالت برجاء واضح""حسن والله ابغى اتطمن عليك""
قال وهو يوقف""مافيني شي يابنت الحلال ازعجتيني بهذي السالفه من اربعه ايام مافيني شي""
قالت امي وهي واقفه من الجهه الثانيه من السرير""الحمدلله بس الممرض قال تجلس هنا لصباح ضروري""
قال بعصبيه مبالغ فيها""شكل انتي ماتفهمين الكلام اجلسي هنا لصبح لا اشوف وجهك وانا بروح بيتي""
عند هذي اللحظه ماقدرت اسكت وانا اشوف اثر كلامه ع امي الي رافعه نقابها واضح بوجهها
قلت بحقد""اش فيك ابوي هذا من خوفها عليك المفروض تريحها مو تعصب عليها(طالعت بٲمي وكملت وانا امد يدي لها)تعالي يمه""
غطت وجهها وطلعت من الغرفه بدون كلام وبدون ماتمسك يدي
طالعت بٲبوي بعتب صريح هذا جزاتها
اعطيته ظهري ولما طلعت شفت ليث واقف في مكانه الاول مااهتميت سمع ولا لا همي كانت امي
انا كنت ماابغى اشوفها خايفه ع ابوي وارتحت انها متماسكه
بس الحين خايفه عليها من كلام ابوي
جلست جنبها وقالت بهدوء""دايما يقول اني اخنقه بٲهتمامي""
غريب امرهم الرجال الحين خنقه اهتمامها
قلت وانا امسك يدها""تعالي معاي البيت وخليه يروح وحده البيت""
قالت بعتب""هذا ابوك وبعدين انا مو بنت اليوم علشان اطلع من بيتي""
وعدتها بيني وبين نفسي والله راح يكون بيتك بسجله بٲسمك وعد
قال ليث وكٲني اسمع صوته من بعيد""تبغين اكلم الدكتور يجي يقنعه ولا اسجل خروجه""
قالت امي""محد بيقنعه""
فهم عليها وراح ليث
قلت بعد فترة صمت""مين علم ليث""
قالت امي""يمكن عبدالرحمن ماادري""
وليش يكلمه ولا لما تٲخرت كلمه يبغى يطلع ويروح لدوامه
صراحه ذوق من ليث انه جاء ومو بس ذوق اكثر من كذا
لما طلع ابوي من الغرفه قامت امي بسرعه ومشت معاه
وقفت بعد وقت ومشيت وراهم
بس وقفت لما شفت ليث واقف انتظره
صح ان مااعجبتني كل هذي الجيه وبذات كلام ابوي لامي ورضى امي بكلامه وتمشي معاه بعد
الا انه اعجبني ان ليث جاء ع الاقل فترة زواجنا يكون قريب منا
طلع وهو شكله ماانتبه لي
مشيت وراه مكان ماراح
مع ان السايق مو واقف هنا هذي سيارة ليث طلع ابوي قدام وامي وراه
طلعت ورا ليث واتصلت لسايق وقلت له يرجع البيت برجع مع ليث
طالعت بٲمي شوي وبعدها طالعت بجهه من وجه ابوي
من ولدة للحين ماني فاهمه علاقتهم كيف تحبه امي كذا اش يسوي
وهو ليش مو عاجبه اهتمام امي وحبها ويعاملها كذا يعني يبغاه تكرهه
لو انا مكان امي كان اعطيته ظهري لطول الحياه
خليه يندم ع الي خسره
لو امي من عايله غنيه كان ع الاقل احترمها علشان فلوسها واهتم فيها بس هو عارف ومتٲكد ان ماعندها غيره
طالعت بليث بالمرايه انا زواجي صحيح ميه بالميه فايده فقط لا غير
رددت بتٲكيد هذا هو الزواج الصح
شكله حس بنظراتي لانه طالع بالمرايه او يمكن بطريقه عفويه
المهم اني مابعدت عيوني طالعت فيه بتركيز كامل
لو اهتميت فيه بيقولي اهتمامك خنقني ولا بيحسه علشان مصلحه ولا بيبادلني اهتمامه
وقفته مع امي تعني لي شي كبير بنسبه لي امي هي كل حياتي ادري اني مقصره معاها لا اروح ولا اتصل كثير ومشغوله بدوامي بس هي بنسبه لي كل شي كل الحياه
قلت بٲبتسامه وبنبره هامسه""شكرا""
..نهاية البارت..
..عافاكم..
..عجايب..
الحمدلله.


..بأذن الله لي حسنه ولك حسنه..
فضل الاستغفارللوالدين) قال صلى الله عليه وسلم :”إن الرجل لترفع درجته في الجنة فيقول:أنى لي هذا؟فيقال:باستغفار ولدك لك“ (السلسلة الصحيحة)‏اللهم اغفرلـ ابي وارفع درجته اللهم انزل عليه مغفرة ورحمه تسكنه اعلى الفردوس.

ان شاء الله تستمتعون بالقراءه..
..البارت الواحد والستون..
طالع قدام بالطريق ورجع يطالع بالمرايه وهو مبتسم
لما حسيت انه انتبه لي شوي وبعدها طالع قدام بالطريق
اني ابغاه يرجع يهتم
يمكن علشان امي موجوده وابغى ابين لها اني مرتاحه
تقدمت بجلستي وقربت راسي منه بين الباب وبينه وقلت بصوت منخفظ""قلت شكرا اش يردون الناس""
قال بصوت منخفظ واضح فيه الابتسامه""عفوا""
رجعت عدلت جلستي وطالعت في امي نفسي تجي عندي اليوم
قلت بمحاوله اخيره وانا اقرب منها وبنبره هامسه ماابغى احرجها ولا احرج نفسي""انزلي معاي البيت""
قالت بنبره حازمه""لا""
رجعت مكاني وطالعت مع القزاز
صمت مو طبيعي انا احس اني متعوده ع عبدالرحمن وجنونه وشكلي تعودة بزياده
انا ماابغى اكون مثله الا ع طاريه طلعت الجوال برسل له ان ليث احسن منه جلس معاي
شوي وجاني الرد يعني اني مشغول والحين مسرع مارد كان كاتب(كٲنك فاضيه)
ايوه والله وناويه اتسلى عليه كتبت(كٲنك انت الي فاضي وين تمسح بسيارته ولا تقدم له القهوه وخلصت)
وارسلتها وانا مبتسمه يستاهل
ثواني بس وجاني اتصال منه غصب مسكت ضحكتي وقفلت بوجهه
وشوي وجاتني رساله كلها سب وخصمه قبل مااكملها مسحتها
وكتبت له(املائك غلط)وارسلتها
ونزلت جوالي لما لاحظت ان احنا قربنا من البيت
لما وقف عند الباب سمعت صوت رساله بس مافتحتها لان امي قالت""انزلو ارتاحو""
قال ليث""عندي شغل""
قالت امي وهي تنزل""الله يوفقك""
نزلت ووقفت عند قزازه ولما ماانتبه علي لانه يطالع بامي وابوي
دقيت عليه القزاز نزل القزاز بستغراب قلت""بترجع البيت ولا بتطلع مكان""
ماابغى اجلس وحدي اذا بيطلع بدخل معاهم واذا يرجع البيت برجع معاه
قال""بٲخذ اغراض من البيت وبطلع""
قلت وانا اطالع بوجهه بنور النهار صاير احلى""تمام اذا كنت راجع مر علي خلاص""
قال وهو يرفع القزاز""خلاص""
يرفع القزاز وانا لسى موجوده ماتحركت
لما سكره رجعت دقيت عليه رجع نزله وهو مستغرب قلت بٲبتسامه مصطنعه""مع السلامه""
ومشيت قبل مايرفع القزاز وهذا هو المهم
دخلت البيت ع طول صليت المغرب وبعدها جلست مع جدتي في الصاله وامي كانت بالمطبخ
لما طولت دخلت عندها المطبخ لقيتها تسوي اكل قلت""وش رايك اجيب لك فاطمه""
قالت وهي تسكر النار""مين فاطمه""
قلت""فاطمه هذي الخدامه الي عندي بالبيت هي لطبخ وسوناتا لشغل واحنا ماناكل كثير طبخ بيت اجيبها تساعدك""
قالت وهي تطلع صحون""لا تعرفيني مااحب احد يسوي شغلي ولو كنت محتاجه مساعده كنت علمتك تدخلين بدالي المطبخ""
قلت بٲبتسامه""الحمدلله انك ماتحتاجين مساعده""
قالت وهي تفتح الثلاجه""كلمي زوجك يتعشى عندنا""
قلت بحسره""نسيت جوالي بالسياره وبعدين هو عنده شغل ماراح يجي""
اخذت صحن من الي رتبتهم ع الطاوله واخذت سفره وطلعت الصاله
جلسنا كلنا ع السفره حتى ابوي وعبدالرحمن الي لحق بس يغسل يده ويجي يٲكل معانا وجدتي ع الطاوله جنبنا
بعد سواليف عاديه بين عبدالرحمن وجدتي قالت جدتي لابوي""بكره بتداوم ولا بتروح الموعد""
قال بختصار""مداوم""
قالت امي""طيب غير موعدك ولا خذ اذن ساعه بس احسن لان اذا غيرته بيٲخرونك مره""
قال بعد مابلع الي في فمه""ماني رايح بالاساس""
قالت امي""مو منجدك ضروري تروح ماراح يٲخذ من وقتك اكثر من ساعه""
قالت جدتي""صحتك هذي لا تهملها""
طالعت بٲبوي انتظر كلامه منجده يبغى يحس بالاهتمام ولا منجده مو مهتم بصحته
قال""انا بخير الحمدلله""
معناها ماني رايح
طالعت بٲمي الي تنهدت وقامت من ع السفره صحته ولا صحتها
طالعت فيها حتى دخلت المطبخ سمعت عبدالرحمن يقول بصوت منخفظ يكلمني""تخاف عليه كٲنه ولدها""وضحك
يعني مو انا الوحيده الي اشوفها كذا
قمت ودخلت ورا امي المطبخ لقيتها تغسل كذا صحن ولما شافتني قالت""تقدرين ترسلين لي بكره الصبح سايقك بعد ماتداومين""
قلت بٲبتسامه""ايوه اكيد وين بتروحين""
قالت بعد تنهيده""وين يعني المستشفى بٲخذ نتيجة التحاليل ابوك مو راضي يروح""
بتروح لموعد ابوي طالعت فيها
سكتنا فتره طويله وبعدها قلت""يوم ولدتي فيني اش جاب لك ابوي""
اللتفتت علي لثواني ورجعت تطالع بالصحن وقالت""ولا شي(بعد صمت ثواني كملت)يمكن تشوفين ابوك مو مهتم بس هو مايحب يبين لاحد مشاعره""
قلت بسخريه من الموضوع بكبره""ولا انتي""
سمعت عبدالرحمن يقول بصوت عالي""تاج ليث برا""
طالعت بٲمي شوي وقلت""الساعه كم تبغين ارسل لك السواق""
قالت بدون ماتلتفت لي""الساعه ثمانيه ونص""
طلعت من المطبخ واخذت عبايتي من الصاله وطلعت
حرك السياره وللحين مو مستوعبه صبر امي او اقول تفانيها ودي والله مره ودي تتغير طريقة امي بس اسبوع واحد
ويعرف اش الي عنده بتصرفاته هذي وطريقته بمعاملة امي تحسسني انه متزوج وحده ثانيه غير امي ويقارنها بوحده بنسبه له كامله ومثاليه
لما وقف عند اشاره قلت علشان اغير تفكيري هذا كيف لو امي تحس كذا""من متى صاحي""
قال""من بدري""
من بعد سؤالي تم يتثاوب كل شوي حتى وصلنا كٲني ذكرته
نزلت وفتحت الباب الي وراي بٲخذ جوالي كويس اني مانسيته الحين
طلعت علشان اوصل له واخذته ونزلت وسكرت الباب بعدي
شفت ليث يطالع فيني رفعت الجوال علشان ابين السبب
فتح باب البيت وانا افتح جوالي فيه مكالمه منه ليث ورساله من عبدالرحمن مكتوب فيها(كلمه ثانيه واحذف رقمك)
ابتسمت علشان كذا ماثقل دمه ع العشى ع باله خايفه يمسح رقمي
طلعت الدرج وانا افسخ بعبايتي ولما شفت الصاله انصدمت نسيت اني مااستعديت لرجوعه من السفر وقلت لسوناتا ترتب
يعني مامر البيت مثل ماقال
قال بصوت عالي""استغفر الله العظيم""
وقفت مكاني انتظر ايش بيسوي
دخل المطبخ وطلع بيده كيس زباله كبير وحط فيه كل الاغراض
حتى بلوزه بس ماقدرت اتكلم
اخاف بعدين ينفك بوجهي فٲحترمت نفسي وسكتت
لما اللتفت علي طالعت بالارض وانا ارسم برجلي دوائر منحرجه يكفي نظراته الي يوضح تفكيره واستغفاره بصوت عالي يلله كنت السبب فٲستغفاره كسبت شي
لما نزل بالكيس شكل بيرميه برا
دخلت الغرفه وطفيت النور وشغلت المكيف وانسدحت وتغطيت علشان مايلقى فرصه يكلمني ينام واذا صحي يلف الي يبغاه
دخل الغرفه بس ماانسدح كمل ودخل غرفة الملابس وبعد وقت طلع وانسدح ع سريره
اكيد الحين هدي ومافي باله غير ينام وانا بعد ابغى انام بس مامعاي
اللتفت لليث وقلت علشان اتسلى""كيف كانت سفرتك""
قال بصوت منخفظ""تمام""
قلت لاني تذكرت بعد سؤالي اول فكره جات في بالي لما عرفت انه سافر""ابغى صرافتي وينها(لما مارد كملت)والبيت بعد لا تنسى ابغى اكتبه بٲسم امي(لما مارد بعد كملت)ابغى بٲسرع وقت ابغى امي تعرف انه ملكها(مارد شكله نام او خلاص بينام بس كملت)بعد كل هذي السنين ماي.....""
سكتت لما حسيت اني تكلمت كثير
انا مااعرف عنه شي ليش اجلس احكي له بعدين هو ماسٲل وشكله نايم اساسا
بس بعد ثواني سمعته يقول""امك انسانه رائعه تستاهل""
احلى كلام سمعته منه
قلت بعد ضحكه خفيفه""صح لسانك""
حبيت مره كلامه بطريقه عجيبه حسيت كٲنه مدحني انا مو امي
صح امي انسانه رائعه ع قوله
ابتسمت وانا اتذكر كلام عبدالرحمن لما يقول ان امي تخاف ع ابوي كٲنه ولدها شكل انا بعد اخاف ع امي كٲني امها عايله غريبه
بعد هذا الكلام البسيط من ليث طالعت فيه مع اني مااشوف زين حتى غمضت عيوني ونمت..
..نهاية البارت..
..عافاكم..
..عجايب..
الحمدلله.


الفرح يا أمي لن يكون أبعد من حصون دعائك لن يكون أوفى من فطرة الحب التي زرعها الله بقلبك الفرح يا أمي أنتِ لو تعلمين -ربي احفظها واطل عمرها..امين..

ان شاء الله تستمتعون بالقراءه..
..البارت الثاني والستون..
ولما صحيت ماكان ليث موجود كالعاده ماادري كيف يكفيه هذا النوم
وانا اتجهز لدوام شفت الهديتين الي بقيت من الهدايا الي جبتها معاي
الي نويتها لاخواته اعطيتها البنات بالشغل لما شفتها قبل فتره
بقي حقت مرة اخوه وامه
اخذت الي نويتها لمرة اخوه بعطيها لموضي بنت الحارس هي حلو اعطيها ليش اخليها بالدولاب طلعتها ونزلت
جلست مع سوناتا وقلت لها تروح مع السايق عند امي
اعرف امي ماتحب تروح مكان وحدها وبعدين سوناتا تساعدها
وقلت لها بعد ماترجع امي البيت تشتري اغراض البيت الي ناقصه وطبعا قلت لها الاشياء الي احبها تجيبها عصفورين بحجر
طلعت بعد ماافطرت وقلت لمحمد نفس الكلام واتصلت ع امي علشان اتٲكد انها ماغيرت رايها
يمكن تكلمت مع ابوي واقنعها مااستبعد من امي صراحه
ولما اكدت لي قلت لها تتجهز وتنتظره
وبعد ماقفلت ارسلت رقمه ع امي ونزلت الشركه بس قبل ماادخل اعطيت الهديه لابو موضي وقلت له يسلم عليها يمكن ترجع كذا صداقتنا القديمه الي كانت قويه
دخلت قسمنا واليوم كلهم مداومين قبلي قلت بستغراب بذات من احلام""ماشاء الله بدري اليوم""
قالت بٲبتسامه عريضه""اليوم الرواتب اكيد بكون مداومه بدري""
قلت وانا اجلس""ايوه نسيت ان اليوم الرواتب ولا انا اعرف روتينك""
قالت شوق بضحكه غريبه""الله يسقي""
عقدت حواجبي وانا اطالع فيها بعدين طالعت في البنات
ورجعت طالعت بشنطتي وطلعت الجوال وحطيتها بالارض وفتحت الجهاز بدون ماارد عليها مع ان واضح انها تبغاني ارد عليها
قبل فتره كانت حنان وعرفنا المشكله وانحلت الحمدلله واليوم شوق يعني انا المصلحه الاجتماعيه هنا يفرغون فوق راسي وانا ماادري
نرفزتني بطريقتها بس مابينت وهذي من النوادر طبعا
بس يمكن مو مره نرفزتني بس ازعجتني
لما شفت الساعه تسعه الا
اتصلت ع امي اشوفها طلعت ولا لا وسكرت لما قالت بالسياره الحين
رجعت لشغلي دقايق وجاتني رساله فتحتها كانت من البنك انضاف بحسابي راتبي كامل ومع المبلغ الي اتفقنا عليه لكل شهر
والانذارات طيب
قلت""نزل الراتب بحسابكم ولا لسى""
قالت حنان وهي مشغوله""لسى""
الحين يبغى يقهرني ينزله بحسابي والصرافه عنده
بس ليش مانقص الانذارات مثل ماقال والاغراض الي اشتريتها لما كنا مسافرين والفلوس الي اخذتها من رصيده يعني نسيها
مااتوقع صراحه نسيها بس يمكن تغاضى عن الموضوع
الحين بهذا المبلغ اقدر اعدل كذا غرفه بالبيت فديته ليث ياناس ونعم الرجال بيختصر عليا شهور
قلت بفرحه""انا نزل بحسابي وكامل بعد""
بروح اخذ صرافتي منه بكل هدوء وراح اخذها
قالت شوق""انا تو نزل بس ناقص من الانذار الي اخذته اساسا في هذي الشركه يمشي النظام ع ناس وناس""
تكتفت وانا ارجع ظهري اش قصدها الضحيه هذي
قلت بٲبتسامة مجامله واضحه""لمعلوماتك الشركه هذي خاصه مو حكوميه علشان تحسسينا ان احنا مٱخذين من حقك""
قالت بعصبيه وهي ترجع ظهرها بعد""وللمعلوميه بعد حابه اقولك رائي فيك من تزوجتي وانتي ماتنطاقين صايره مغروره وشايفه نفسك ترا كل الي جواتك هوا""
ضحكت بنرفزه وقلت""وليش كل هذا علشان تغطين ع فشلك بالتحدي وين خالد""
الحين بجد تنرفزت انا مغروره وكل الي جواتي هوا هذي كبيره
وحبيت اضغط عليها بهذي النقطه لان واضح ان علاقتهم تعمقت من النظرات وكلام شوق بعد عن نفسها
رجعت لي نفس الضحكه وقالت""انتي الي ليش تبغين تغيرين الموضوع بعدين انا ع الاقل مو مثلك متزوجه وجالسه بينكم وفرحانه اني اشوف زوجي بالشغل بس""
بالشغل بس
قلت بٲبتسامه مايله""يوه كٲنك تتكلمين عن نفسك بعد كم سنه ولا اقولك شكل خالد ماراح يكون زوجك دقيقه خلينا نفكر بشكل واقعي اكثر""
قالت الجوهره بنبره متوتره اكثر منا""الله بنات اش فيكم""
قالت شوق وهي تطالع فيها""خليك منها قلت لك كله هوا الا تعالي تاج ليش تروحين وترجعين ع خالد مقهوره لانه مو طايقك وانجذب لي""
قلت من بين ضحكاتي""انجذب لك(ووقفت ضحكتي وكملت وانا اغلي من جوا ورافعه يدي اوريها الخاتم)ليث انجذب لي وهذي النتيجه وانتي متى بتورينا""
سبيت شوق بداخلي حتى ارتحت شوي هذي ال(سبه)تناسب عبدالرحمن نفس الاخلاق
قالت وهي ع نفس جلستها وانا ع نفس جلستي""حبيبتي انا غير ماراح اتزوج اي شخص لازم احبه لاني اقدر احب وانحب""
بعد هذا الكلام ماقدرت امسك نفسي نظرتها هذي
مو الحقيقه انا اقدر انحب بس ماقدرت اتحكم بٲعصابي ونكمل جلستنا الرايقه هذي حسيتها لمست وتر حساس جرحتني بكلامها هذا
قمت بسرعه بخطوات سريعه كنت واقفه عند راسها
قلت من بين اسناني وانا امد اصبعي بنص وجهها""ليث يحبني والدليل هذا اليوم اخر يوم لك بهذي الشركه راح ينفذ رغبتي""
قالت بضحكه وهي تطالع يمين ويسار بستخفاف""شوفوها كيف خايفه ع مكانها مني""
مثل عادتي ضربتها بكتفها وقلت بجديه كامله""اخر يوم""
وقفت وصارت مقابله لي وقالت بٲبتسامه وبرود تام""ايوه وش بعد""
والله طلعتني من طوري نرفزتني بطريقه قويه
واول مره احس بهذا القوه بيدي دفيتها لورا بقوه حتى دقت بالجدار يمكن ماكانت مستعده لدفتي بس مسرع مااستعدت ورجعت لي برق
ودفتني بنفس الطريقه وهي تطالع فيني بحده وبعدها مااحسيت الا اشتبكنا باليدين
كنت ادافع عن نفسي بس ابعد يدها عني
بس ماادري كيف وصلت يدها لشعري نزلت راسي مع يدها الي شاده فيه شعري
وانا ماسكها يدها الي ع شعري علشان تخفف قبضتها وبيد الثانيه ابعد يدها الثانيه
بعدونا البنات عن بعض بعد وقت لما بعدوها
حسيت كرامتي مهدوره ليش هي الي تمد يدها وانا الي ادافع عن نفسي
والله لرجعلها رجعت لها هذي المره وكنت هذي المره مكانها وهي مكاني وكل ماحاولو البنات يبعدوني كنت امسك شعرها بقوه اكبر
وانا اسمعها تقول كلام بذيء المفروض ينحذف
بس شكل من اعصابها المفلوته بس والله ماافكها كيف تمد يدها علي
وانا عمري محد قد مد يده تجي ذي الي مالها اسم تشد شعري
كنت ماسكتها بضمير حتى فجاءه حسيت بيد قويه حول خصري رفعتني عن الارض شوي وبعدتني عنها بالقوه
والبنات فكو يدي من شعرها
..نهاية البارت..
..عافاكم..
..عجايب..
الحمدلله.


..بأذن الله لي حسنه ولك حسنه..
إلهي اكرم احبتي بمغفرة بلا عذاب وجنة بلا حساب ودعاء مستجاب وآمنهم من الأكراب وألبسهم من العافيه ثياب وأنر وجوههم بقراءة الكتاب وارض عنهم يا رب العباد واجعلنا وإياهم في جنة النعيم..امين..