ان شاء الله تستمتعون بالقراءه..
..البارت الخامس والخمسون..
طالعت بعيونه بصدمه من سحبته ليدي
ومن اختلال توازني ومن القرب المفاجئ
بس اشتبكت نظراتنا لثواني
كانت نظرته نظرة استكشاف ونظرات عميقه
وانا تحولت نظرتي من الصدمه لفضول كنت حاسه بضغطه لمعصم يدي
وكٲنه يمنعني ابعد وانا انقل نظراتي بين عيونه الثنتين
وكنت انتظر بس مااعرف اش انتظر كلام ولا فعل
وللحين موازنه نفسي ع يدي الي ع صدره ولا حركتها
ومو بس هي حتى مارمشت كثير من تركيزي معاه
ويمكن نسيت حتى اتنفس
كنت انتظر شي متٲكده اني انتظر شي
بس مو عارفه اش هو
فهذي اللحظات انتبهت لكل شي لعيونه لرموشه ولرسمة حواجبه
ولريحته ولقوة صدره ووسعه ع يدي
بعد لحظه بديت استوعبت الوضع
اني انا الي قريبه منه مو العكس
رجعت راسي ورا شوي بتردد
وانا اسحب يدي الى ع صدره وهو ترك يدي الثانيه
وبعدت عنه بهدوء وانا اخذ نفس عميق
ووقفت وانا لسى اطالع فيه مو متذكره كنا نتكلم بٲيش
للحظه حسيت بتشتت بٲفكاري وشعور غريب انتهى بسرعه
هو شال نظراته من اول ماسحبت يدي وطالع بجهه من السقف
اول مره اشوف عيونه من قريب
قال بعد ماوقفت زين وهو لسى مايطالع فيني عيونه بالسقف
بنبره رسميه جدا ويمكن اكثر""شكرا لمساعدتك""
شكرا لاختيارك هذا المستشفى والله نفس النبره ونفس الاسلوب ونفس المعنى توكلي ع الله قصدهم
بعد كلامه تذكرت كنا نتكلم عن ايش
قلنا نبغى شكر بس مو كذا
رجع كل شي لمكانه الطبيعي الي بلحظات اختل وكان راح يتغير مكانه
قلت بملامحه مشدوده""عفوا""
وانا امشي بتجاه لسريري انسدحت
و ع طول بقصد فكرت بدوامي
الحين الساعه حوالي وحده ونص ولا حولها
بداوم بكره ان شاء الله ماابغى اتعود ع جلست البيت
لاني بسرعه اتعود واتكيف
وانا وراي مشروع ماادري من متى مافكرت فيه
توقعت من حماسي اني بليلة زواجي اتكلم عن الموضوع والا اسوي دراسه عن كل شي يخص الموضوع
اساسا ماجات الفكره لراسي لي من تزوجت
اكثر من اسبوعين وكل الي استفدته شغل ابوي ونظرة الاحترام والتقدير من الكل
بقي البيت وتعديله والمشروع يعني اهم اولوياتي ماسويت منها شي
بقي ع نهاية الشهر ثلاثه ايام مع الانذار راح يخف
بخليه في البنك بس ان شاء الله ماينزل راتبي الثاني الا البيت قد صار ملك
واقدر براحتي اعدله مع الزياده عليه من راتب هذا الشهر يكون سويت شي
ابغى اجدد البيت كليا بس اكيد ع فترات
ببدا بالصاله وغرفة الحريم ان شاء الله
واخر شي غرفتي بسوي فيها كل شي كنت احلم فيه طالعت بالغرفه هذي ماكنت متوقعه هذا الاثاث ولا هذا التصميم ابدا
ليش مايعدلها ويخليها بمستوى الدور الي تحت غريب هذا الشخص
اخذت نظره ع ليث اشوفه معطيني ظهره لازم انام مثله علشان اداوم
ماابغى ولا انذار ثاني وليث مايقصر
وشكل علشان تعديت وقت وانا مانمت احس نفسي نشيطه
قمت من السرير خلاص بجلس هذي الثلاث ساعات ويٲذن الفجر واستعد لدوام ان شاء الله
والحين خليني اشوف اغراضي الي اشتريتهم مافتحتهم من رجعت
طلعت من الغرفه ونزلت الاكياس بالارض وجلست انا بعد بالارض وفتحتها
وطالعت فيها هذي الشنطه حلوه بداوم فيها اليوم ان شاء الله
ابغى اكلم البنات يجون عندي بيوم
والبس هذا حلو طلعت كيس الاكل وفتحته
انا رجعت البيت الساعه عشره تقريبا يعني يحتاج له تسخين بس
شلت الكيس ودخلت المطبخ سخنته وفتحت الثلاجه لقيت عصيرات طبيعيه وانا مااحبها
اش هذا الذوق مع ليث
تذكرت تعليق عبدالرحمن لما يقول ماعنده ذوق ترك الجازي مع هذي الاخلاق اتوقع هي تركته
ماادري كيف بتوافق عليه وكيف بيشوفها و يكلمها علشان ينفذ خططه الفاشله
اذا هي تركت ليث بتطالع بعبدالرحمن مره مغرور بنفسه
سكرت الثلاجه ونزلت ولقيت مثل العاده الانوار طافيه
شغلتها وفتحت الثلاجه وعرضت ابتسامتي من الي موجود فيها
احترت بين كم عصير مو مثل فوق
لما قررت اخذته واخذت اربعه غيره كنت حاضنتهم وسكرت الثلاجه برجلي
وطلعت الدرج وعيوني عليهم اخاف تطيح
بٲخر خطواتي من الدرج شميت ريحة الاكل الحمدلله ع الاقل مو ريحة حريقه
سرعت بٲكثر طريقه ممكنه وحطيت العصيرات ع الطاوله وطفيت النار بسرعه
وفتحت الثلاجه ورجعت عصيرات ليث الطبيعيه ورا
وحطيت عصيراتي مو كل شوي بنزل
سكرت الثلاجه ولما لفيت بدور صحن شفت الماكرويف موجود ع الزاويه ماادري كيف ماشفته
اخذت صحني وعصيري وطلعت من المطبخ وجلست ع الكنبه الي تقابل التلفزيون بعد ماشغلته
وعدلت جلستي وانا افك العصير كذا ماراح انام بجلس حتى اداوم ان شاء الله
لقيت فلم حلو اندمجت عليه بعد وقت سمعت ليث يقول بصوت عالي وهو بالغرفه لسى""خفظي الصوت ابغى انام""
هو للحين مانام
قلت بصوت عالي وانا بعد بمكاني""ايش""
مو هو يقول مافيني شي ليش عاد انا اعامله مثل المريض اتفاول عليه
سمعته بس اعطيه فرصه يعيد سياغة كلامه رجع قال بصوت عالي""""ابغى انام ""
ع الاقل ماامر اخفظ الصوت
خففته بس طبعا ماكتمته ابغى اندمج
بعد ماخلصت اكلي انسدحت ع الكنبه وانا اتفرج بعد ماخلص الفلم
سحبت شنطتي برجلي وقربتها وفتحتها وطلعت الجوال اشوف الساعه كم
ليش مايحط ساعه لازم اشوف بالجوال كل مره
كانت الساعه اربعه ونص خلاص بٲخذ دش وكذا يرجع لي نشاطي
واليوم بداوم بدري ان شاء الله
وقفت بعد ماسحبت نفسي سحب اول لما ابغى انام مو معاي والحين معاي النوم
دخلت الغرفه وانا ماره للحمام وقفت عند سرير ليث واستغربت بقوه لتردد الي حسيت فيه
ليش اش فيه بس بشوف درجة حرارته مافيها شي وليش التردد
واستغربت بعد لكيس الادويه الي ع الطاوله عنده ماشفته لما رجع
يمكن علشان اني معصبه ماانتبهت عليه
لفيت حول سريره وفتحت الكيس وشفت الادويه كانت كلها حبوب وكلها ثلاث مرات للاستخدام الا وحده علبتها صغيره مره فتحتها
وكان فيها شريط فيه ست حبات ووحده مكانها فاضي يعني اخذها
ومكتوب ع العلبه كل اربع ساعات
استغربت اول مره اشوف كذا مااعرف هو متى اخذها تقريبا احنا طلعنا من المستشفى تقريبا وحده وعليها
وهو اخذها اكيد قبل مايطلع من المستشفى
لاني ماشفته وهو يٲخذها ومافي مويه هنا علشان افكر انه اخذها بعد ماطلعت من الغرفه
يعني بعد نص ساعه وقتها
بٲخذ دش وبعدها اصحيه ان شاءالله ولاني احب راحتي اخذت بجامه مثل العاده
واخذت دش وطلعت وانا احس بشوية نشاط مو مثل اول
لما مريت من عند ليث النايم لسى اكتشفت اني اول ماقست حرارته مايحتاج الحين اصحيه يٲخذ حبوبه ويصلي الفجر ويرجع ينام
رحت جبت له مويه وحطيته ع الطاوله وناديت بٲسمه مرتين
لما فتح عيونه قلت وانا ااشر ع الطاوله""خذ حبوبك وصلي الفجر""
وفرشت السجاده وصليت الفجر
بعد ماسلمت اللتفت لليث الي لسى ع سريره
قمت ورفعت السجاده وانا اناديه قال بخمول واضح""خلاص بقوم""
نايم تقريبا من بعد المغرب ماشاء الله
طلعت الصاله جهزت شنطتي الجديده يعني حطيتها فيها اغراضي وخلاص مابقي الا البس عبايتي واكون جاهزه
طالعت بالساعه دوامي الساعه سبعه والحين الساعه سته الا حتى بقي اكثر من ساعه
خلاص اروح اسلم ع امي ومن هناك اروح الشركه اكيد احتاج هذا الوقت علشان طريق الروحه والرجعه والجلسه
وقفت وانا عاجبتني الفكره بلبس عبايتي واروح ان شاء الله
دخلت الغرفه وماشفت ليث اكيد بالحمام دخلت غرفة الملابس اخذ عبايه غير الي رحت فيها المستشفى لان اكيد فيها ريحتها
لقيت ليث واقف عند دولابه بنفس طريقته لما رجع من الدوام امس
ماقدرت اسيطر ع نفسي واكون معصبه من اسلوبه امس
قلت بعد ضحكه""اذا تحتاجني ناديني""
..نهاية البارت..
..عافاكم..
..عجايب..
الحمدلله.


..بأذن الله لي حسنه ولك حسنه..
﴿ونضع الموازين﴾
قامت الساعة، ونُصب الميزان،
ولا تدري أي كفتيه ترجح!
تذكر الآن أن:
"سبحان الله وبحمده، سبحان الله العظيم"
ثقيلتان في الميزان

ان شاء الله تستمتعون بالقراءه..
..البارت السادس والخمسون..
اللتفت علي وبعدها رجع طالع بالدولاب وقال""لا بتعود استخدم يدي اليسار""
انا احب اعتمد ع اي احد لو انا بمكانه اتوقع ان انتظر كل شي يجي لي
مشيت بتجاه دولابي هو له جزء وانا جزء طبعا عرفت من ترتيب سوناتا
فتحت الدولاب وانا اقول""متى تفك الجبس""
قال وانا اطلع العبايه""اسبوعين(شاف عبايتي شكله لانه كمل)وين رايحه""
قلت""عند امي"
قال بنبرة استغراب قويه""الحين""
قلت بضحكه من استغرابه""ايوه الحين اش فيها امي وبزورها""
قال""كيف وش فيها لاتروحين انتظريني ونروح الشركه سوا مافي وقت""
اخيرا هذا الي ابغاه قلت بٲبتسامه""تمام""
شفته شكله متورط بس مصر يعتمد ع نفسه اخذت عبايتي ومشيت بخطوات هاديه علشان يطلب مساعدتي
بس طلعت وهو ماتكلم يلله صفه حلوه لنفسه
طلعت الصاله ولما شفت الشنطه تذكرت ان الصرافه معاي بعطيه بالسياره ان شاء الله
جلست انتظر ليث حتى طلع من الغرفه وهو لابس ثوب وشماغه بيده اليسار
اعجبني صراحه انه قدر ثوب ولبسه توقعت مايلبس كذا كيف دخل يده
وقفت وقلت""يلله""
قال بعدم صبر""اش فيك مستعجله لسى بدري""
رجعت جلست اكيد هذي اثار تعبه من المحاولات وغصب قدر بس والله شي حلو
بعدين بيداوم وهو امس كان بالمستشفى يلله هو كبير كفايه يعرف مصلحته
وطالعت فيه وانا اشوفه يدخل المطبخ شوي وطلع وبيده واحد من عصيراته الطبيعيه
ورجع دخل غرفة النوم تكتفت ورجعت ظهري شكله مطول
مع انه حلو يطول علشان يشوفونا اكثر ناس ممكن
بلحظه فكرة ليش لازم احد يشوفنا وكٲني ابغى اثبت لهم انه زواج صحيح هو
وش عرفهم اساسا يكفي اني تزوجته وخلاص
انتظرت وقت وهو ماطلع من الغرفه جاني فضول اعرف اش يسوي هذا الوقت كله
طالعت من عند الباب بعد مامشيت بخطوات هاديه ماشفته
مشيت بعد بخطوات هاديه وشفته واقف عند المرايه يحاول يعدل الشماغ بيد وحده
دخلت وقلت بحماس""الله يخليك بسويلك انا""
ياما حاولت بعبدالرحمن ويرفض واساسا هو مايلبسه الا بالعيد
علشان كذا يٲخذ وقت وهو يعدله وانا واقفه عنده وبعد يرفض يخليني اجرب
لف علي بكامل جسمه بدون مايتكلم ونزل يده علامة موافقه
اكيد تعب مره ولا هو مايرضى
ومع كذا تحمست زود
تقدمت ووقفت قدامه انا صح طويله وتقريبا قربت من طوله بس الشماغ فوق راسه ماراح اعرف اضبطه قلت""اجلس بالارض""
حرك راسه بطريقة لا وهو يقول""لا يخرب الكوي""
صح مهمه المظاهر
بس هو بجلس بالسياره وطول النهار بيجلس في مكتبه
كفايه ماخلاني اوقع ع جبسه لازم اعدله شماغه لازم قلت بجديه""اذا نزلت راسك ماراح اضبطها""
قال""خلاص بخلي محمد يضبطها""
قلت""ومين هذا""
قال وهو يمشي خطوه""السايق""
بس وقفت قدامه وقلت بأصرار""لا ماتروح خلاص مو ضروري بالارض اجلس بالصاله ع الكنبه وانا اعدلها""
حرك راسه بطريقة طيب
طبعا هذا بعد مااخذت شماغه الي بالعقال من يده
شكله طفش ويبغى يروح
قبل شوي كان يقول لي ليش مستعجله هو الي مستعجل الحين
مشيت قدامه لصاله وانا معاي ضحكه شكل ع باله اعرف مو اول مره اجرب
لما جلس وقفت قدامه بابتسامه وبديت اعدله مثل مذيع شفته في التلفزيون واعجبني
بس ماعرفت رجعت فتحتها خلاص بسويله مثل عبدالرحمن شفته يسويها قدامي
قلت وانااعدل العقال""مين يبخر لك الشماغ""
ريحة بخور فخمه
قال بهدوء وبصوت منخفظ""هذا عطر""
قلت وانا مشغوله بضمير""اش اسمه ابغى مثله""
قال""بتعطرين فيه ايش""
انا من النوع الي ماحط اعطار دايما الي اخذ فيها دش ريحتها حلوه من سنين عليها قلت""بعطيه امي انا مااحب الاعطار لا استخدمها ولا اعرف لها""
قال بنبرة صوت خلتني انزل راسي شوي واطالع بعيونه""ابدا""
رجعت رفعت راسي الي شاغلني الحين اني ابغاه يضبط قلت""ابدا""
وبعدت عنه خطوه مااعجبتني رجعت مكاني برجع افتحها
الا ليث حط يده ع بطني ورجعني ورا خطوه
وهو يقول""خلاص خليني اشوفها""
ووقف رجعت خطوه ثانيه علشان يمر وانا اقول""ماخليتني اعدلها غلط والله""
ومشيت وراه وهو يقول""من اول تعدلينها""
لما شافها بالمرايه سحبها من ع راسه وهو يقول""اساسا مقلوبه""
ضحكت ع الاقل جربت
ونظرة التٲنيب ضحكتني اكثر وقلت""هذا اول تجربه خلاص خلي محمد يعدلها لك""
ورجعت طلعت الصاله عند عبايتي لبستها وانا مبتسمه واشوف ليث طالع من الغرفه وبيده شنطة الاب
لبست طرحتي وليث يقول""اذا رجعتي شيلي اغراضك من الصاله""
قصده اكياس السوق امس ع الاقل في تطور ماقال الحين شيليها
قلت بنيه خفيه""ان شاء الله""
ونزلت بعده وانا قاصده ااخر نفسي
بس لما وصلت اخر الدرج كان واقف عند الباب ينتظر قلت""بشرب مويه والحقك خلي محمد يسوي لك الشماغ""
شفته حط شنطة الاب في الارض وفتح الباب ورجع شال الشنطه وطلع
دحلت المطبخ وشفت سوناتا قلت لها""اطلعي رتبي الدور الي فوق قبل ماارجع تكفين""
قلت اخر كلمه بستعطاف علشان تسرع
قالت وهي مبتسمه""ان شاء الله""
مشيت للباب وتذكرت قلت""شكرا لترتيب الملابس ريحتيني""واعطيتها بوسه من بعيد
ومشيت بسرعه بس رجعت اسرع اخذت عصيري من الثلاجه وطلعت وانا ااشر لها بباي
لا اتأخر ع ليث وينضرب مزاجه
فتحت الباب وشفت ليث هو بمكان السايق توقعت محمد هو الي يودينا
استغربت انه بيسوق هو
عارفه انه يحب يعتمد ع نفسه بس اتذكر انه عصب لما بس ضغطت اشارة اليمين علشان يلف ويقول حياة ناس وكذا
والحين بيسوق بيد وحده يلله قام يتقدم ويسيب المبالغه
دخلت السياره وهو حرك اول ماسكرت الباب قلت بضحكه خفيفه""شماغك ضابط""
ابتسم واحس اني اول مره اشوف ابتسامته وحبيت تستمر ابتسامته
فقلت""لو ماخليتك تشوفه بالمرايه وداومت كذا كان احلى""
عرضت ابتسامته وقال""هذي اخر مره تجربين""
قلت بدفاع عن نفسي وانا افتح العصير""يعني انت لو خليتك تجرب تمشط لي شعري بتعرف تضبطه من اول مره""
قال بعد مااخذ نظره علي""راح تكون احسن من تجربتك الاولى""
قلت وانا افتح عيوني لاخرها والف عليه بكامل جسمي""لا ياشيخ اتحداك والله الشعر اصعب من الشماغ""
قال وهو يوقف عند اشاره ويطالع فيني""اش فيها صعب حتى انا عندي شعر وامشطه""
يتمسخر
قلت بتفاعل""وتظفره""
قال وهو يرفع كتف""وانتي تحلقين لي""
لا هذي صعبه مااعرف
بس تحمست بعد اجرب عادي اذا جرحته يستاهل قلت""وتوك تقول الشعر اسهل من تعديل الشماغ ليش غيرت رائيك ومع كذا موافقه وهذي نقطه لي من قبل مايبدا التحدي""
وهو يحرك السياره قال""بالطريقه الي ابغاها""
قلت بحماس""وانابعد بالطريقه الي ابغاها والي يربح له الي يبغاه""
قال وهو يدخل مواقف الشركه""بتنسحبين""
قلت""اذا نسحبت تعتبر انت الي ربحت وانا مابخليك تربح تعرفني""
وقف السياره وهو يقول""نشوف""
قلت""نشوف""
وانا افتح باب السياره لان هو بعد فتحه
نزلت بعد مااخذت اخر رشفه وخليته بالسياره
ونزلت وانا اثبت الشنطه ع كتفي ودخلت وراه هو راح بتجاه مكتبه وانا بتجاه قسمي
من تزوجت وانا صرت ادخل مع الباب الرئيسي
لا مو من تزوجت من قال لي ليث عن فكرته يوه احس مر وقت طويل
وبعد ليث تغيرت نظرتي عنه من اول ماقال الفكره للحين
اليوم شوي جاته روح من بعد تعبه ان شاء الله يستمر كذا ع الاقل اعيش مع انسان مو مع شبه انسان
دخلت قسمنا ماكان خالد موجود ومافي من البنات الا حنان
سلمت وجلست طالعت بحنان وقلت""ماشاء الله مداومه بدري""
حركت راسها بطريقة ايوه بدون ماتتكلم
البنت فيها شي من يومين قلت علشان الفت نظرها بالموضوع الي يهمها""كيف عيالك وامك""
قالت بصوت منخفظ""الحمدلله""
قمت ورحت وجلست ع مكتبها قريب من كرسيها وقلت""قول لي اش فيك يمكن اقدر اساعدك""
قالت وهي تطالع فيني""الموضوع المعتاد راعي البيت يبغى يطلعنا علشان يسكن ولده وكل مره يصبر علينا بس هذي المره قال هذا اخر شهر ولنا فتره ندور ع بيت كلها تبغى دفعه اولا""
توقعت الموضوع موضوع فلوس مافي شي يصعب بالحياه الا اذا كان له دخل بالفلوس
متٲكده وهذي السالفه مو غريبه علي قد سمعتها منها قبل هذي المره
قلت""طيب كم جمعتي وكم تحتاجين""
قالت المبلغ الي تحتاجه وبعدها كملت""لو ينتظر لشهر الجاي كان قدرت بس هو رافض والموضوع شاغلني""
قلت بٲهتمام""وزوجك""
قالت بٲبتسامة مسخره""زوجي مشغول دايما بس كلامه المعتاد انتي لك البيت يعني الاجار وانا علي كل شي ثاني""
علشان كذا ابغى بيتنا ملك علشان ماافكر او اشيل هم مثلها
قلت وانا اقوم من مكتبها""انا اقدر اساعدك بالمبلغ الي تقولينه وتقدرين ترجعينه ع راحتك""
الصرافه لسى بشنطتي هو ماطلبها وانا نسيتها
والفلوس الي اخذتها احتياط بعطيها لها
هي محتاجتها وراح اصرف زياده وليث ماراح يلاحظ ع باله انا اخذتها بالسوق
..نهاية البارت..
..عافاكم..
..عجايب..
الحمدلله.


..بأذن الله لي حسنه ولك حسنه..

‏﴿ومن يتوكل على الله فهو حسبه﴾

‏#أذكارُكم أحرُفٌ في زواياها
حفظٌ وأمٓانٌ من الله
وتوكل عليه

السلام عليكم ورحمة الله وبركاته

الله يسعدك ويبارك فيك


يا الله قديش مبسوووطة


عن جد إنك مبدعة شوقتينا وخليتينا نحط سيناريوهات ولكن تفوقتي عليها بجمال فائق

حبيت المشاعر اللي أتضاربت في نفس تاج وحتى ليث أظنه استغرب تصرفه ولكن مثل ما قلت قبل تاج بتحرك الصخر ببرائتها وعفويتها الزايدة

هو جامد و هي نابضة بالحيوية والنشاط فأكيد بتجذب اهتمامه

واتوقع بروده في معاملتها ﻷنه يخاف ما يمسك نفسه ويسيء التصرف لانه بنظره عندهم اتفاق وهو رجل دغري وبحترم كلمته.



حبيت تمضيتها للوقت عشان ما جاها نوم ... الأكل اللي كان رح يحترق وهي عندها مكروييف قات ما انتبهت له ﻷنك يا الأخت ما تجلسي في بيتك ولا تدرين عنه وإنت محتلة الطابق السفلي لوووول

ضلت تحاول تساعده وهو رافض بس عند الشماغ استسلم ههههههه

روعة تاج حبيبتها وهي بتتعمل فيه ههههههههه يا حلاتها

عرفتها لما حكتله يسبقها انها بدها تحكي لسوناتا تجي ترتب ﻷنه عقدتها النظام هههههه

بس حتى ليث اتغير انتظرها ولا عصب عليها


وفي السيارة حسيت حالي برواية ثانية هههههه ماشاء الله شو هالروقان ليكون هذا زيد لا شو سمه هذاك ماخذ دور ليث هههههه


يا سلام حبيتك تاج ﻷنك رغم كل شي بتضلك طيبة وبتحسي بالغير

حبيت سؤالها لحنان ومساعدتها

بس غلط تصرفها واكيد ليث رح يشك فيها وهي تفكر أنه ما بلاحظ

لا يختي غلطانة وبمسكها عليك.

بس تصرف نبيل منها بس كالعادة اخطأت بالطريقة.


يسلمو جوجو عن جد إنك رائعة ربي لا يحرمنا منك

تقبلي خالص ودي


°•○اللهم أغفر لي هزلي وجدي، وخطئي وعمدي، وكل ذلك عندي○•°

الذين يشاهدون محتوى الموضوع الآن : 20*( الأعضاء 5 والزوار 15)‏


حياكم الله



عوافي جوجو