ان شاء الله تستمتعون بالقراءه..
..البارت الواحد والخمسون..
بلع نص الحروف من صدمته من قلك
مشيت حتى جلست ع طرف سريره بعد مابعد رجله شوي
هو صح جالس بس ممدد رجوله قلت""ام الجازي""
علشان يتكلم واضح من صدمته ان محد يتكلم بهذا الموضوع
وماابغى اقول امك ويسٲلها وام الجازي تستاهل اي كلام عنها مااحبها
طالع فيني شوي وبعدها
قال وهو يسكر الاب بس لسى بحضه مابعده""وش قالت بعد""
يعني الموضوع يهمه
قلت بٲهتمام""ليش طيب تشتغل بشركة الافلاك(تذكرت شغله وتفانيه فيه كملت)انت تحب الشغل فيها صح""
صراحه الموضوع شدني كيف غير اهتمامه بالعسكريه
دام للحين تٲثيرها واضح عليه وليش
حرك راسه بطريقة ايوه بدون كلام وهذا ماارضاني
قلت وانا اتربع ع السرير""اقول ليث متى بديت تشتغل بشركة ابوك مو الافلاك طبعا""
قال وهو يرجع يفتح الاب""من سنين""
يعني خلاص اخذ الي يبغى يعرفه ويبغى يرجع لشغله
شلت الاب من حضنه وحطيته وراي وقلت""تبغى طيب ترجع العسكريه تقدر اذا تبغى""
احب لما يكون الشخص يحب شي ويحاول يحصل عليه مثل مشروعي
قال وهو يحط يده الثنتين تحت راسه ويسنده وبنبرة صوت واضح فيه التصغير لافكاري""ارتاحي ولا تحاولين مابطلع من شركة الافلاك""
قلت وانا اضغط ع الحروف""كل واحد يرا الناس بعين طبعه انا مااحاول اطلعك من الشركه مثل ماتسوي انت بٲلانذارات وتفكيرك للغي القسم وايام الغياب الي اعطيتني اياها بدون معنى و ع فكره قلت الليله بتشوف موضوع البيت""
ضحك ضحكه قصيره وقال""وتبغين تقنعيني انك ماتحاولين""
لفيت واخذت الاب من وراي وحطيته ع رجله وقلت""مايهمني اش بتسوي بحياتك الي يهمني شرطي وبس""
ووقفت ورحت انسدحت ع سريري وش دخلني فيه هو كبير كفايه علشان يتحمل نتيجة قراراته
طالعت في السقف شوي وبعدها وقفت وطفيت النور ورجعت لسريري
كذا كل الرجال ابوي عبدالرحمن والحين ليث مايهمهم الا انفسهم وبس وحتى خالد بعد
قلت وانا مغمضه عيوني""كيف شغل ابوي""
والله علشان امي بس مااحس ابوي قريب مني
قال""تمام""
لفيت عليه وطالعت فيه فاتح الاب ويشتغل فيه
اليوم مره كان طويل بس الغريب ان مامعاي النوم مع اني اول مارجعت كان معاي النوم مره
لو كنت الحين في غرفتي كان جلست ع النت حتى جاني النوم
قمت وشغلت النور وقلت وانا اشوفه يطالع فيني بستغراب""ابغى الاب حقي""
تم ساكت لثواني وبعدها قال بطريقة سؤال""طيب""
قلت""بيتنا بعيد والحين اهلي اكيد نايمين""
قال مره ثانيه""طيب""
قلت بٲبتسامه واسعه""يطيب حالك ابغى الاب هذا""واشرت ع حقه
قال وهو رجع يطالع بالشاشه""نامي""
رجعت طفيت النور وقلت وانا امشي لسريري بصوت منخفظ بس مسموع""بخيل""
اقدر افتح الجوال بس الاب غير
انسدحت وانا ماسمعته علق ع الكلمه مع اني متٲكده انه سمعها
قلت""كيف قدرت تبعد عن الاب بفترة تدريبات العسكريه كذا اسمها صح""
ابغى انرفزه لاني شفته مايبغى يتكلم بهذا الموضوع
قال بٲختصار""تاج ابغى اكمل شغلي""
قصده يعني سكري فمك قلت""اطلع الصاله طيب كمل شغلك""
قال وهو يقوم عرفت من نور الشاشه""وهذا الي بيصير""
كذا ارتحت مو يجلس قدامي وماعندي انا
غمضت عيوني بس شوي فتحتها شكل ماراح اقدر انام حتى ادخل النت
دورت جوالي وينه تذكرت اني حطيته بجيب ثوبي وانا غيرت قبل ماادخل اوضي
قمت ودخلت غرفة الملابس كنت حاطته بجنب شنطتي الي ماادري متى بيرتبونها بالادراج
طلعت الجوال من الجيب ورجعت الثوب مكانه ورجعت الغرفه وشغلت النور علشان اقدر اجلس ع الجوال بدون ماتوجعني عيوني
انسدحت ع سريري ودخلت النت معد حسيت بالوقت حتى شفت ليث داخل الغرفه وهو رافع حاجب
طالعت بساعة الجوال كانت الساعه وحده ونص
سكرت الجوال بعد ماعدلت المنبه وانا اتثاوب وحطيته بالارض علشان مااطيحه مثل مالقيته اليوم الصبح
وتغطيت وغمضت عيوني مااخذت وقت الا وانا نايمه..
صحيت الفجر صليت ورجعت نمت بدون مااشوف ليث الي شكله قام من قبلي
وصحيت صليت الظهر ورجعت نمت
ماصحصحت الا الساعه ثلاثه الا
قمت نشيطه نزلت تحت لقيتهم مسوين غدا تغديت معاهم وانا استفسر عن ليث وامه وابوه واخوه
مااستفدت شي من الكلام
وقلت لسوناتا ترتب ملابسي
قالت ان ليث مايرضى يطلعون فوق
حلو حلو اش ع باله برتب له انا اساسا ماتزوجته الا علشان اتدلل وهذا الشي طبيعي في بيتنا
قلت لها عادي تطلع وتنزل قبل مايرجع وكل يومين تسوي كذا حتى لو انا بالشغل
وافقت بعد تردد
اتصلت ع امي وكلمتها وقت سكرت شفت ليث داخل
طلع فوق حتى بدون مايسلم السلام لله
تذكرت سوناتا لا يكون بس يشوفها
طلعت الدرج جري ماانتبهت نزلت ولا لا
الوضع هدوء دخلت الغرفه ماكان موجود دخلت غرفة الملابس او غرفة المرايه مثل مااحب اسميها
لقيته فاتح الدولاب وواقف عنده وهو التفت علي شكله سمع خطواتي
شفته مجبس كفه والكم مرفوع شوي
قلت بستغراب""اش هذا""
قال ببساطه""جبس""
..نهاية البارت..
..عافاكم..
..عجايب..
الحمدلله.


(ي امي كل ما أتمناه أن أصنع فرحة صغيرة.. كبيرة ف عينيك . أن لايزور الحزن قلبك ولا تدمع عيناك..)

ان شاء الله تستمتعون بالقراءه..
..البارت الثاني والخمسون..
قلت وانا اتقدم خطوه""عارفه انه جبس ليش طيب""
قال وهو يرجع يطالع بالدولاب""حاجه بسيطه""
قلت وانا اتقدم""يعني ماتوجعك""
قال بختصار""لا""
قلت وانا اتقدم اكثر حتى صرت واقفه جنبه واطالع بيده""قول الحمدلله(لما كرر كلامي كملت)وخر طيب خليني اطلع لك البلوزه شكلك متورط بيدك اليسار""
رجع خطوه وهو يقول""ماتعودت""
وقفت قدامه وطلعت البلوزه ولما لفيت عليه رجع خطوه ثانيه ورا
مددت البلوزه قدام وجهه ولما طالعت بكفه قلت""ماراح تدخل(جمعتها ولفيت لدولاب ورميتها فيه وانا اكمل)دقيقه ادور لك غيره""
مسك ذراعي وبعدني عن الدولاب بجهة اليسار وهو يقول""لا شكرا حوستك خليها لاغراضك""
تكتفت وقلت وانا اطالع فيه""يلله طيب وريني كيف بتتصرف""
ابتسمت لما شفت محاولاته البائسه كفه اليمين هي المجبسه واكيد متعود ع استخدامها
بس اليسار صعبه عليه بس مصر انه يقدر طالعت بالجبس
وقلت""اش صار بالضبط ليش انكسرت""
ماعلق ع كلامي وهو لسى يحاول خليه يتعب وبعدين يطلبني اساعده هو الي رفض بالبدايه وماراح اكرر العرض
قلت بابتسامه عريضه لما جات في بالي فكره""بوقع لك""
ومشيت بخطوات سريعه للغرفه وفتحت الادراج وطلعت قلم عريض يناسب مره لتوقيع
رجعت دخلت غرفة الملابس وهو لسى واقف مكانه
قربت وانا اجهز القلم لما شافني شكله تو يستوعب كلامي
قال بحده""تاج بلا استهبال""
قلت بضحكه""مااستهبل والله متعه جرب وبكتب بخط صغير مره""
قال وهو يرجع يلف لدولاب بعصبيه""ماني ناقصك""
رجعت سكرت القلم وانا اقول""انت اساسا ماتعرف شي اسمه متعه""
بس مع كذا رحمته هذا اول يوم اكيد صعب عليه
ومو معقوله ماتوجعه بس هو يخبي
تقدمت وصرت جنبه وقلت بهدوء""راح ارتبها وانت واقف هنا تأكد بنفسك""
رجع خطوه بدون مايتكلم عرفت انها موافقه
مايثمر فيه الخير اذا ماقال شكرا اذا اعطيته بتٲكد
وقفت قدام الدولاب وحاولت اقلبها بهدوء بدون مااحوسها علشان حضرة هذا المنظم
بالنهايه طلعت بلوزه بدون كم وواسعه تدخل
لما لفيت عليه رجع خطوه لورا بسرعه
طالعت فيه بستغراب اش فيه اعطيته البلوزه وقلت""هذي تمام""
حرك راسه بطريقة ايوه وراح بتجاه الحمام
اش فيه بيلبس بس بلوزه قلت بضحكه""بنطلون""
علشان اذكره التفت وقال""ايش""
قلت وانا ااشر ع الدولاب""مااخذت بنطلون""
ومشيت بتجاه الباب اش الي شاغل باله اكيد موضوع كسر يده ماجاء من الهواء تضارب مع مين
وبعدين كيف احد يتجراء يضربه وهو بمكتبه الا اذا كان موضوع ثاني وهو مو في مكتبه
بس بسرعه غيرت رائي ليث ويتضراب مستحيل لو عبدالرحمن ايوه اما ليث يمكن شي عارض
نزلت تحت قلت لكم احب الدور الاول مثل خيالي مو الي فوق مره غير بسيط بزياده
جلست ورفعت جوالي الي كان ع الطاوله بعد ماشغلت التلفزيون انشغلت وماطلعت فوق الا علشان صلاة المغرب
شفت ليث يصلي بالغرفه جنب سريره ويقول حاجه بسيطه كيفه
وضيت وصليت بالصاله طالعت بالساعه بقي وقت كثير لساعه عشره علشان انام
دخلت الغرفه وقلت لليث المنسدح ع سريره""ابغى فلوس محتاجه اغراض""
صح مابقي ع نهاية الشهر الا كم يوم واخذ راتبي بس هو بعد ملزوم يصرف علي حتى تنتهي المده
فتح الدرج الي جنبه وطلع صرافه وحطها ع الطاوله بدون مايتكلم
تقدمت وانا مبتسمه لاني كنت مجهزه نفسي للحوار الحاد
بس ماشاء الله يازينه اليوم ويازين التعب الي خل هذا الثقه فيني
اخذتها وانا اقول""شكرا""
بس الرقم السري ماقاله طالعه فيه لقيته مغمض عيونه غريبه بينام الحين مو طبعه يمكن تعبان بزياده قلت""تعبان""
قال وهو لسى مغمض عيونه""لا روحي والرقم السري برسله لجوالك""
صوته مو طبيعي واضح انه تعبان ليش يعاند قلت""اش الي يوجعك يدك ليش ماتروح المستشفى دام يوجعك""
قال من بين اسنانه""فكيني تاج""
بالطقاق هو مو صغير علشان انتبه له
دخلت غرفة الملابس طلعت عبايتي وشنطتي وحذياتي
نزلت تحت وحطيت جوالي بالشنطه بعد مااتصلت ع السايق
وبما اني وحدي خلصت بسرعه اشتريت لي لبسين وكم شنطه هي الي تجذبني دايما ماافكر اشتري بس لما اشوفها مااقاومها واخذت طبعا كم بجامه يعني دللت نفسي دام صرافته معاي وعارفه انه ماراح يكررها بستغل الفرصه
وماتٲخرت مثل ماانا ناويه خلصت تسعه بسرعه صح اول صرفت الفلوس وبعدها ع طول رحت السوق ولما خلصت مريت اخذت اكل وطبعا حسبت ليث معاي
احب اكل المطاعم مو اكل البيت وياما في بيتنا اشتري وناكل انا وعبدالرحمن
بس امي وجدتي مايرضون
رجعت البيت ومثل العاده دقيت الجرس لما اوصل عند الباب اتذكر اني اطلب المفتاح واذا دخلت نسيت السالفه
دخلت وبيدي كم كيس طلعت فوق ع طول حطيت الاكياس ع الكنبه ومعاهم عبايتي وشنطتي
ودخلت الغرفه بهدوء بشوف ليث نايم ولا طلع من البيت
وشكله كان نايم خلاص ماراح اصحيه اذا صحي ان شاء الله ياكل اهم شي ارتاح الحين
يعني اش فيها لو قال ايوه توجعني بينقص منه شي الموضوع طبيعي هو انسان وغصب عنه بيمرض
دخلت الحمام وضيت بصلي العشى وبعدها اكل واستعد لنوم لان بكره ابغى اداوم ان شاء الله
وانا اصلي سمعت صوت من ليث وكٲنه يتنهد بقوه او يٲن
لما خلصت الصلاه قمت وقربت منه ووقفت عند راسه انتظر اسمع صوت منه يمكن يتحلم او الصوت من خيالي
انتظرت ثواني وماسمعت منه شي فكرت انه احتمال تعبان تشجعت شوي وحطيت يدي ع جبهته اتٲكد فيه حراره ولا لا
اول مالمست جبهته فتح عيونه قلت وانا ابعد يدي""الله ليث اش هذي الحراره يلله المستشفى""
..نهاية البارت..
..عافاكم..
..عجايب..
الحمدلله.


..بأذن الله لي حسنه ولك حسنه..
(يارب؛ يامن تملك حوائج السائلين، وتعلمُ ضمائر الصامتين، ارزقنا سرورًا لا يشوُبه حزن، وسعادةً لا يُعكرها شقاء، وعافية لا تزول..امين يارب العالمين..)

ان شاء الله تستمتعون بالقراءه..
..البارت الثالث والخمسون..
رجع غمض عيونه بدون مايتكلم من متى مستحمل وساكت
الحين عرفت ليش الثقه واعطاني الرقم السري يبغاني انقلع وافكه
رجعت قلت""يلله ليث""
مالقيت منه اي استجابه شكله منجد تعبان حتى مو قادر يتكلم
ضروري نروح المستشفى جلست ع حافة السرير وحطيت يدي ع اكتافه احاول اجلسه قلت بثقل""مو بكيفك بنروح المستشفى (لما تعبت كملت)ليث ساعدني""
بس بعد مافي ولا شي منه
طيب هو قبل شوي فتح عيونه والحين مافتح ليش
قربت بجلستي منه اكثر علشان اشده اقوى
وسحبته غصب جلسته بدون مايساعدني بس بدل مايجلس ويثبت طاح علي حضنته بسرعه علشان مايطيح
وانا بجد والله اخترعت عليه حرارته مره عاليه حتى ملابسه وملابسي حسيت بحرارته اخاف يصير شي كبير
قلت بصوت عالي""ليث اصحى ويلله ساعدني اوديك المستشفى""
وبعدت راسه عن كتفي وطالعت بوجهه كان مغمض عيونه مو معقوله يكون مغمي عليه
وشي طبيعي يعني اذا واحد انكسر يده ولا رجله ترتفع حرارته انا ماجربت علشان كذا مااعرف وهذا لانه سكت ع نفسه
بس يمكن امي تعرف وهو ابدا مايتحرك معاي
قلت كمحاوله""ليث""
وانا اطالع بعيونه انتظره يفتح
طالعت فيه ثواني وبعدها رجعته ع المخده بشويش وانا انحني معاه
بتصل ع امي هي تعرف تتصرف بسٲلها
طلعت من الغرفه بخطوات سريعه واخذت جوالي من الشنطه واتصلت ع امي
و انا راجعه الغرفه هو لو تكلم من البدايه كان رحنا المستشفى مو يجلس هنا حتى معد يتحرك
عصبت من تفكيره وعصبت اكثر ان امي ماردت
رميت جوالي ع سريري وتقدمت لليث وقلت""ليث فتح عيونك""
وانا افكر بحل لازم نروح الستشفى مابخليه كذا
طيب السواق يطلع يساعدني ايوه يطلع يساعدني رجعت اخذت جوالي واتصلت عليه وانا طالعه الصاله
بلبس عبايتي ع بال مايجي اول مارد علي قلت""ليث تعبان تعال تساعدني نوديه المستشفى""
وسكرت قبل مااسمع رده
لبستها بسرعه ونزلت تحت فتحت الباب ورجعت طلعت جري لو تٲخرت مثلا ولا لو ماسمعت صوته كنت نايمه كان ارتاح يعني
مايقدر يتصل ع سكرتيره الي بكل مكان معاه يجي له وانا مو في البيت
جلست ع حافة السرير بٲخر محاوله وانا اقول""ليث اصحى تسمعني يلله ضروري تساعدني""
واخيرا فتح عيونه قلت بسرعه""ساعدني""
مااقدر اوقفه وحدي وهذا السايق ليش تٲخر كذا ياربي
قال ليث بصوت منخفظ""مافيني شي بس انام اصحى تمام""
مره صدقته
قلت وانا احاول اجلسه بنفس الطريقه""اجلس طيب""
سمعت السايق ينادي ليث وشكله واقف عند الدرج
انا قلت له تعبان يروح يناديه ماادري اش فيهم باردين وهذا الي عندي يقول مافيني شي بعد
تركت اكتافه انا يٲست اقومه
وقلت بصوت عالي وانا اوقف""تعال فوق""
وعدلت طرحتي وثبتها قبل ماانسى طلعت اخذ شنطتي لان الصرافه فيها اكيد بنروح مستشفى خاص اقرب واسرع
وشفت السايق يطلع الدرج بهدوء قلت له""بسرعه""
ورجعت دخلت الغرفه وانا كل ثانيه اللتفت له علشان يسرع زياده
و لما وقف عند السرير يطالع فيه قلت بعصبيه""اش فيك يلله بسرعه""
هذي المره ساعده ليث جلس وقال بتعب""دقيقه""
قلت""لا يلله بسرعه""
وقف وذراعه ع كتف السايق الحمدلله وقف ع رجوله مع ان قبل اكلمه مايرد علي ان شاء الله انه احسن
مشيت قدامهم بكم خطوه وكل شوي اللتفت عليهم
رجعت فتحت باب الشارع وطلعت قبلهم ولقيت السياره عند الباب فتحت باب السياره الي ورا
طلع ليث السياره وسكرت الباب بعده ولفيت للجهه الثانيه ودخلت السياره وسكرت الباب
وهو يحرك السياره فتحت الشنطه اتٲكد من الصرافه ولقيتها موجوده رجعت سكرتها وطالعت بليث كان مفتح عيونه ع خفيف بس جلسته ثابته
كان الصمت هو سيد الموقف اول ماوقف السياره عند باب المستشفى قلت""انتظر بنادي الممرضين يجيبون لك كرسي""
ونزلت من السياره بسرعه ودخلت وثواني وطلعت ومعاي ممرض يدف كرسي بسرعه بتجاه السياره
لقيت ليث واقف عند باب السياره شكله ماكان ناوي ينتظرني ابدا
ماعلينا المهم وصلنا المستشفى ولا تٲخرت عليه
لما دخلت مع ليث نادتني وحده من الرسيبشن بكلمة يااخت
مشيت لها بستغراب مدت ورقه ع الحاجز الي يفصل مكتبها عني وقالت""ياليت تعبينها ببيانات المريض""
ايوه نسيت انها مستشفى خاص اعطتني قلم وبعدت شوي عنها لان جاء شخص وقف عندها
عبيتها بالبيانات مثل ماتفضلت ووقعت عليها
وقالت بعد مااعطيتها الورقه""انتبهتي للاسعار لانها مهمه مو بعدين تجادلون""
هذي مستشفى ولا ايش
رجعت سحبت الورقه لاني ماانتبهت عليها لاني بالاساس مو متعوده ع خاص
وقريتها فلوس ليث وهو التعبان انا اش يدخلني
رجعت مديت الورقه لها وحركت راسي بطريقة طيب رجعت قالت""نستلمها قبل مايطلع المريض من المستشفى وسلامة مريضكم""
وفقدت اهتمامها فيني وراحت لشخص الثاني هذا شغلها يعني شي طبيعي
بعدت عنها لازم اصرف لان مامعاي في الشنطه فلوس وليث خلاص دخل وكل شي تمام
طلعت من المستشفى ورحت لسياره فتحتها وطلعت وانا اقول""ابغى اقرب صرافه""
وحرك السياره بس قبل ماانزل تذكرت ان الرقم السري بالجوال فتحت شنطتي ادور ع الجوال بقلة صبر
ياربي نسيته في البيت
قلت بصوت منخفظ""اول وديني البيت""
كويس انه مو ليث ولا عبدالرحمن علشان يسٲل ليش
لان بصدق تصرف غبي المفروض اتذكر
دخلت البيت واخذت جوالي ورجعت نزلت بوقت قياسي من سرعتي
وسكرت الباب وانا اقول""الصرافه""
اخذت نفس وانا اعدل طرحتي ضيعت وقت كثير وانا ماابغى اتٲخر ع ليث يمديه خلاص كشف عليه الدكتور
ومع اصراره ان مافيه شي يمكن ينتظرنا عند باب المستشفى
ابتسمت من الفكره صرفت الفلوس واخذت اكثر من الي احتاجه احتياط
ونزلت من السياره وانا اقول""خلاص روح واذا احتجت بتصل عليك""
دخلت وسٲلت نفس البنت ليث بٲي غرفه قالت لي رقمها
مشيت ادور عليها وبسرعه لقيتها فتحت الباب بهدوء
..نهاية البارت..
..عافاكم..
..عجايب..
الحملله.


..بأذن الله لي حسنه ولك حسنه..
(الأوقاتُ الصعبة والضيقه لاتدُوم ان استعنت بالدعاء والاستغفار إنّها تأتي لتعبُر فقط،لا لتُقيم"" دعها تعبر محمله بالحسنات باستعانتك واستغفارك..)

ان شاء الله تستمتعون بالقراءه..
..البارت الرابع والخمسون..
شفته منسدح ع السرير شكله نايم وبيده مغذيه
ويقول مافيني شي
سكرت الباب بعدي بهدوء وعيوني عليه
ودخلت وجلست ع حافة السرير وحطيت يدي ع جبهته اقيس حرارته لسى مرتفعه وليش جبناه المستشفى ان شاء الله
وقفت وفتحت باب الغرفه عاد مايحتاج الهدوء لانه اكيد مثل لما كان في البيت مايحس بشي
شفت ممرضه ماره وقفتها وسٲلتها ليش ماتخف حرارته للحين قالت انه شي طبيعي بتخف حرارته بتدريج
شكرتها بعد ماسٲلتها متى بيصحى ومتى بنطلع
قالت ساعتين تقريبا
رجعت دخلت الغرفه وسكرت الباب وشفت كنبه صغيره بزاوية الغرفه
سحبتها وقربتها من سريره وجلست عليها وانا اتثاوب ساعتين كثير
صح انا قمت ثلاثه العصر بس لفت السوق وهذي الحوسه بعد خلتني كسلانه ونفسي انام
بعدين انا مااكلت اكيد هنا في شي ينٲكل
وقفت وانا مافيني بس جيعانه واكلي الي رجعت فيه البيت ماشميت ريحته حتى
دورت واخيرا لقيت واخذت عصير وفطيره رجعت الغرفه وسكرت الباب هذي المره وانا ناويه انزل طرحتي
جلست ع الكنبه وطالعت بليث شوي اتٲكد انه نايم لسى ولما تٲكدت
خففت لفة طرحتي بس مانزلتها ع كتفي وحطيت شنطتي بالارض عند رجلي وبديت اكل وانا اطالع بارجاء الغرفه بملل
ولما شبعت الحمدلله حطيت علبة العصير ع الطاوله
ووقفت وانا احرك رقبتي وقربت من ليث وحطيت يدي ع جبهته صح خفت بس ليش بهذا البطء
رجعت جلست ع الكنبه ماعندي الا انتظر
رفعت راسي وطالعت بالسقف
شوي ومديت رجلي ع الطاوله الي جنب السرير وهي مو مرتفعه
وغمضت عيوني وبين وقت ووقت كنت اقول بصوت هادي""ليث""
علشان لو صاحي رد واذا نايم ماراح يصحى ع صوتي
لان مافيني افتح عيوني واطالع فيه بريح شوي وكل مره مااسمع منه رد الا اخر مره لما قلت""ليث""
بس ماكان رده علي رد ع الباب الي اندق""تفضلي""
فتحت عيون وحده وطالعت فيه ليش مارد اذا هو صاحي
كنت ناويه اعدل طرحتي واعدل جلستي ع بالي دكتور
بس الي دخلت ومن قبل ماتدخل كانت تتكلم مع احد برا وبلهجه مو سعوديه
لما دخلت سٲلت ليث عن صحته وقال انه تمام مثل العاده طبعا
قاست حرارته وشالت المغذيه من يده واعطتنا خبر وهي طالعه ان شوي وبيدخل الدكتور
ماعدلت جلستي الا لما طلعت نزلت رجلي بثقل وانا اقول""لازم تكافئني ع هذا التعب""
عدلت طرحتي وغمضت عيوني ورجعت فتحتها علشان اصحصح
وقفت لما دخل الدكتور ووقفت شوي بعيد عنهم
جلس ليث اول ماكلمه الدكتور وطمنه عن حالته وسٲله كذا سؤال ومن ضمنهم يوجعه شي ورده صدمني
لانه اشتكى من الم يده يعني لو ماسٲله تكلم
وبعد لما سٲلته الممرضه ماقال شي قال الدكتور ان بيرسل له الحين دكتور العظام وهو يشوفها
طلع الدكتور وطالعت بليث ورجعت سٲلته نفس لسؤال بفضول وانا اتقدم خطوتين""اش سبب الكسر""
قال بهدوء""حاجه بسيطه""
نفس الكلام ليش مو راضي يتكلم
قلت وانا احط يدي ع ظهر الكنبه""واذا بسيطه ليش يجبسونها""
رفع كتف بدون مايتكلم
معد تكلمت اساسا شوي وجاء دكتور العظام مثل ماعرف عن نفسه
ولما شاف يده قال ضروري يروح معاه قسمه لان لازم يسوي اشاعه ويتٲكد
عرفت انهم يطولون السواليف
وقف ليث كعلامه ع الموافقه طالعت بكف ليث والحين تٲكدة انها توجعه
لما مشى خطوتين لفيت ع الكنبه وانحنيت اخذ الشنطه بس لما حطيتها ع كتفي
قال ليث""انتظري هنا""
قالها بطريقة امر
خير ان شاء الله ليش هذا الاسلوب حتى شكرا ماسمعتها منه وبعد يتٲمر
اساسا وفر علي مع السلامه
طلع من الغرفه وانا جلست ع طرف السرير بس بعد وقت مددت رجلي ورجعت ظهري شوي بعد ماطلعت الجوال ولعبت فيه حتى جات الممرضه تناديني بٲسمي لان الرسيبشن كلموها
طلعت من الغرفه مستغربه ليش في شي مستعجل
ولما وصلت عندها اعطتني ورقه فتحتها كانت مثل الفاتوره
عرفت انها تبغى الفلوس اعطيتها من الشنطه مثل ماشفت المجموع وقالت بالحرف الواحد""شكرا لاختيارك هذا المستشفى وزوجك ينتظرك برا""
تذكرت وبقوة لما صحتني المضيفه لما كنت بالطايره
مو هو قال انتظريني هنا اساسا السايق راح البيت
ولاني انقهرت من تصرفه مشيت ع اقل من مهلي خلي ينتظر برا
بس لما طلعت لقيت السياره واقفه برا وليث جالس قدام
انقهرت اكثر كل هذا الاهتمام بصحته يقابله بهذا التصرف
طلعت السياره وسكرت الباب بقوه تحركت السياره وانا ضاغطه ع اسناني وماقلت حرف
وصلنا البيت نزلت ودقيت الجرس مااخذت وقت مثل مااتوقع
دخلت وطلعت الدرج ومشيت للغرفه وانا افسخ عبايتي وطرحتي وحطيتها كلها جنب سريري بالارض وانسدحت
دقيقه تقريبا وبعدين شفته دخل الغرفه اول ماشفته ماقدرت امسك هذا الكلام
وقلته بعصبيه""لا حمد ولا شكورا""
قال بسخريه بعد ماانسدح ع سريره""مايحتاج شكر انتي قلتي تبغين مكافاءه حددي شكر ولا مكافاءه وانا اتوقع تختارين الثانيه طبعا""
قلت وانا معقده حواجبي بعد مالفيت عليه""قلتها بوصف يعني لتعبي بس""
لانه فهم كلامي غلط حبيت اوضح ماكنت اقصد الكلمه بالمعنى وليش شالها بقلبه
قال وهو يعطيني ظهره""اعرفك زين تاج ولا تشيلين هم راح تشوفين برصيدك مكافاءه كبيره لشغلك هذا""
لشغلك هذا ماحبيت كلامه مره ولا حبيت كيف حول الموضوع لغير انساني
خلاني كٲني جشعه مافيني ذرة انسانيه انا صح احب الفلوس ماانكر بس في هذا الموقف نرفزني كلامه كٲنه يسب
ماقدرت اقدر مرضه واخلي الحوار بكره
قمت بسرعه ولفيت حول سريره علشان اقابل وجهه وقلت""ليث اش هذا الكلام الي سويته مو شغل""
قال بسرعه""اش تصنفينه يعني""
قلت بعد تفكير لثواني لاني ماابغى اغلط ابغى علاقتنا مثل ماهي هاديه
صح يعني في حده بحواراتنا بس ماابغى زعل او يعني ماابغى هذا الي سويته مايقدره
اذا كنت بمكانه ابغى كذا مو علشان شغل""مشاعر انسانيه""
طالع فيني لثواني وهو ينقل نظراته بين عيوني الثنتين مافهمت عليه يبغى يفهم ايش
حرك راسه بطريقة لا وقال بعد ثواني طويله""شكرا""
واعطاني ظهره جلست ع ركبي بطرف سريره وانا احط يدي ع كتفه وارجع اسدحه ع ظهره واقول""مافيني الف مره ثانيه طالع فيني وقول لي اش الي مو عاجبك""
مافهمته الحين مين المفروض هو الي يعطي ظهره لثاني
اهتميت فيه ويعاتب بعد
قال وهو يطالع بالسقف""مو عاجبتني مشاعرك الانسانيه""
قالها بسخريع يعني انا الي ميته ع تقديرك ولا اعجبك بشي
مع السلامه اساسا الحين ابغاه يعتبره شغل
ماقدرت امنع نفسي ضربته ع كتفه باطراف اصابعي مرتين ورا بعض بسرعه
وانا اقول بعصبيه""انقلع""
انا الي مهتمه استاهل منجد كل الي بيننا شغل وابغى مكافائتي برصيدي بكره من الصبح
كنت ناويه اقوم من سريره وانام
بس قبل مااقوم ليث مسك يدي الي كنت مثبته نفسي فيها ع سريره وسحبها
اختل توازني كان راسي بيضرب براسه لولا يدي الثانيه الي حطيتها ع صدره علشان اوازن نفسي واثبت
..نهاية البارت..
..عافاكم..
..عجايب..
الحمدلله.



(صباحكم طاعة و رضا ..و همَّة تعلو بكم إلى جنة عرضها السموات والأرض .....

#صباح الخير أحبتي)