ان شاء الله تستمتعون بالقراءه..
..البارت التاسع والاربعون..
اللتفت اشوف ليث لقيته تو يحرك السياره
طالعت فيه حتى بعد ليش ماينزل يسلم ع خالته
رجعت طالعت في الباب لما انفتح دخلت عمتي قبلي
واشرت للخدامه تدخل الاغراض حتى ماتكلمت
دخلت وراها انا جايه معاها ماراح انتظر احد يجي
جلست ع كنبات من فخامتها كان نفسي اصورها واحطها بموقعنا الاكتروني
شاطر عبدالرحمن عرف يختار وينها الجازي ابغى اشوفها
جلست وانا احاول اطالع بالبيت بطريقه عاديه ماتلاحظ ام ليث
وهي كانت تطلع جوالها من شنطتها وتضغط فيه ماادري اش تسوي
ولا كأنها قبل شوي تضحك معاي
لما جات حرمه اكبر من ام ليث واضح من شكلها
قامت وقمت معاها سلمت بطريقه عاديه وجلست
انا جلست قبلها بس طريقتها وكٲنها تسمح لنا نجلس بحركت يدها
تكلمنا بطريقه الرسميه المعتاده
وبعدها سكتنا احس باردين مره مع بعض مو كأن تو واصله عندهم
ليش تجي طيب تنام عندها احس طريقتها بالكلام غير لما كنا مع ليث صايره تتكلم بغرور بنفس درجة غرور اختها
معقوله اخوات وكل وحده جلست ع جوالها
يمكن لاني موجوده
طلعت جوالي من جيبي من غير مااوقف وكتبت(انا الحين في بيت ام الجازي دخلت مع ام ليث)
وارسلتها لعبدالرحمن اقهره
مااخذت ثواني الا جاتني منه رساله فتحتها كاتب فيها(طيب انا برجعك البيت..تكفين)
كتبت وانا مبتسمه(اكثر)
وطول هذي المره ع بال ماجاء لي الرد كان مكتوب فيها(طيب بس توعديني اول تطلعين الجازي معاك عند الباب)
حطيت جوالي جنبي بدون ماارد عليه وانا احط رجل ع رجل واطالع بالجالسات والطاوله الي عندي جايبين كل شي هنا
والجو صامت مليت والله جو عبدالحمن احسن منهن
واخذت جوالي لما سمعت رساله فتحتها كانت من عبدالرحمن كاتب فيها
(خلاص طيب الله يخليك يا اروع مخلوقه ياجميلة الجميلات ويا رهيبه خليها تطلع معاك عند الباب)
كتبت له(قول تاج اذكى مني واحسن مني بكل شي)
وارسلتها وانا امسك ضحكتي لو يدري اني ماشفتها حتى
وانتظرت الرساله ومااخذ وقت ماشاء الله بسرعه جاني الرد واضح انه مسح كلمة قول ورجع ارسلها
المهم اعترف كتبت له(طيب خلاص اذا جيت طالعه ارسلت لك)
هذا كله علشان بس يجي لي اما ان تطلع معاي مستحيل
حطيت جوالي جنبي ولا حرف
طلع من فمهم غير الكلام الرسمي الي بالبدابه
قلت بٲبتسامه لاني افكر بعبدالرحمن""وينها الجازي ابغى اسلم عليها قبل مااروح""
طالعو الثنتين فيني بستغراب
بس اختها شوي وتحولت نظرتها لشي ثاني كٲنه تحدي وقالت""شوي وبتنزل""
حركت راسي بطريقة طيب بدون كلام بنتظرها اش ورايه
اذا مارجعت بدري ماراح اداوم هو معطيني اجازه اساسا حتى لو في وقت ماراح اداوم وانا اعتذرت قدامهم كلهم بٲن عندي ام ليث كيف اداوم
بس بعده ان شاء الله اكيد بداوم
شوي وشفت وحده نازله مع الدرج ليش هذي الشياكه كلها
ياحبهم للمبالغه انا مااغير من البجايمه الا اذا شي ضروري بس
بعد لابسه فستان طويل ضيق لو ايش مالبسه ابدا مو مريح واضح من شكله
سلمت ع عمتي بروح اكثر من امها بشوي
وانا بما انها ماتعرفني سلمت عادي
جلست جنب ام ليث رفعت الجوال وكتبت(خلاص تعال لي اكيد تعرف العنوان)
وارسلتها لعبدالرحمن وخليت الجوال بيدي
رفعت راسي وطالعت بالجازي بنظره تقيميه ماادري كيف بيخلها تنتبه له
ابتسمت لها لما طالعت فيني
قالت""كيفك وكيف ليث طبعا هذا سؤال بريء""
وضحكت وضحكت معها امها
ابتسمت بعدم فهم وقلت""كلنا بخير الحمدلله""
قالت وهي تطالعني بنظره تقيميه""لسى تشتغلين مع ليث""
حركت راسي بطريقة ايوه بدون مااتكلم
ماحبيتها قالتها بٲسلوب تصغير
رجعت قالت وهي تطالع بٲمها""اوكي زمان ضروري تشتغلين بس الحين ليش""
فهمت عليك ياحلوه قصدك علشان مستوانا
كيف بتنتبه لعبدالرحمن وهذي نظرتها ومعاها حق
بس لا تتكلم كذا
قلت وانا احط رجل ع رجل ورافعه ذقني شوي""حبيبتي الجوهره(قاصده اقول اسمها غلط)تعرفت ع ليث بهذا المكان وحابته وهو بعد مايبغاني اجلس بالبيت نشتغل سوا ونرجع سوا""
قالت بٲبتسامه""الجازي اسمي الجازي""
قلت ببرائه مصطنعه""اسفه""
قالت ام الجازي""بس كذا يمل منك بسرعه""
مو بكيفه بيننا اتفاق
قلت وانا اطالع فيها بطرف عيوني""ارتاحي لا تشيلين همي""
مابلعتهم حتى ام ليث بعد من دخلت البيت تغيرت ولا تكلمت معاي وين احسن البنات
ماصدقت لما دق جوالي رفعته كان عبدالرحمن قلت""ايوه""
قال بحماس""انا عند الباب خليها تطلع معاك وقولي خالي برا مااقدر اتأخر عليه""
قلت مع اني ماابغى اكلمها""طيب يلله""
قفلت الجوال وانا اقوم واقول""خالي عند الباب""
ماراح احاول مع هذي
وعدلت طرحتي وانا اسمع ام الجازي تقول لبنتها""وصليها لباب ماتعرف هي بيتنا""
جات من حظ عبدالرحمن مع ان طريقتها واضح المعنى فيها
قلت وانا اطالع فيها""صدق مااعرف البيت تو داخله اهم شي تعالو بيتي تشرفوني""
اذكرها وين ساكنه انا
وطالعت بالجازي وشفتها واقفه مشت قدامي بخطوه
كيف الحين بتطلع مامعاها عبايه ولا طرحه يعني ماراح تطلع
بس قبل ماتفتح الباب سحبت طرحه موجوده عند الباب ماانتبهت عليها حطتها ع شعرها
وفتحت الباب طيب والعبايه الفستان مره ضيق موضح معالم جسمها
طلعت قبلها وهي فتحت الباب اكثر بس ماطالعت بس كانت واضحه
طالعت فيها ورجعت طالعت بعبدالرحمن الي فتح الباب ونزل
ياسلام سلم البنت بدون عبايه وعادي عندها وعبدالرحمن ينزل من السياره ليه لما شافته مادخلت
تكتفت وانا اطالع بعبدالرحمن انتظره شلون بيتصرف
اخذ نظره سريعه ع الجازي وبعدها طالع فيني
وقال بصوت واضح الاهتمام وطبعا هذا غريب عليه""تٲخرت عليك""
غصب مسكت ضحكتي بس قلت بٲبتسامه""لا""
وانا لسى واقفه مكاني انتظر الجازي تدخل مااعجبني منظرها
قلت يمكن تستحي مني بس الغريب ان الجازي هي الي تكلمت وقالت بصوت واضح فيه الابتسامه""ماتخاف عليها(اللتفت عليها)قالت خالها توقعت شي ثاني انا الجازي بنت خالة ليث""
رجعت طالعت بعبدالرحمن جاته فرصه ع طبق من ذهب
حرك راسه بطريقة طيب وقال""يلله تاج""
طالعت فيه بصدمه اش فيه مع ان اعجبني فيها صراحه
لفيت عليها وقلت""تصبحين ع خير""
ابتسمت لي وكٲن عبدالرحمن ماطنشها قدامي
طلع عبدالرحمن السياره قدامي وفتح لي الباب وهو في مكانه
ورجع عدل جلسته بدون مايلتفت علينا لو ماارسل لي قبل مايجي كان قلت مستعجل
طلعت السياره وسكرت الباب وطالعت بالجازي الي هي بعد واقفه ابدا مو فاهمه شي
ليش ماتدخل لما حرك السياره قلت بستغراب كبير وانا الف عليه""من اول خليها تطلع خليها تطلع والحين تطنشها""
قال بٲبتسامة غرور""انتي ماتفهمين شي انا قاصد مااعطيها وجه لو اعطيتها ماراح افرق معاها مابتتذكرني بعدين""
قلت بمسخره""ياشيخ البنات يحبون الاهتمام""
قال بعد ماطالع فيني""البنات يحبون الشي الي مو عندهم وهي عندها الاهتمام وش رايك فيني""
طالعت فيه بطرف عيوني وقلت""وش عرفك انت""
قال بعد ضحكه""وخري راسك بس خليني اشوف""
ولف بالسياره يسوي فيها قلت""اقول عبدالرحمن ليش ماتشتغل سواق عندها""
وضحكت خفف السرعه فجاءه صكيت قدام والتفت عليه وانا اقول""اعمى انت""
قال""هذا منك مابعدتي راسك""
لما رجع يسوق طبيعي
قال""اخس فكره سمعتها""
قلت""اهم شي انا الي لي الفضل كله ولا ننسى طبعا الرسايل خليتك تشوفها(تذكرت شكلها)البنت طلعت بدون عبايه""
قال بٲبتسامه""يحق لها""
قلت وانا اطالع فيه بعصبيه""استغفر الله اش يحق لها البنت بدون عبايه عادي""
قال بعد مااخذ لمحه علي""ماطلعت من البيت وبعدين يعني انتي الي مغطيه وجهك اسكتي بس بلله عليك""
ماقدرت ارد عليه ثاني مره اسمع كلام بهذا الموضوع وانا ع بالي محد مهتم او ملاحظ علي
ماادري انا الي كنت مو منتبهه اول والحين ركزت
بس صدق بدت الفكره تزيد فراسي بس ابغى الشجاعه علشان اذا تغطيت ماارجع مره ثاني ومااتحسس من التعليقات والكلام
قال لما قربنا من البيت""ماراح يروح تعبي ع الفاضي لو انتظر سنه فلوس وجمال ماادري ليش سابها ليث ماعنده ذوق صراحه(وطالع فيني وضحك وكمل)صدق ماعنده ذوق""
..نهاية البارت..
..عافاكم..
..عجايب..
الحمدلله.



..بأذن الله لي حسنه ولك حسنه..
(ارفعوا ايديكم واسعدوا قلوبا لم تعد تنبض اذكروهم بدعوه رحم الله ابي الغالي واختي الحبيبه وجميع موتئ المسلمين ربي اجعل الجنه لهم مثوى والفردوس مستقر..)

ان شاء الله تستمتعون بالقراءه..
..البارت الخمسون..
يعني هي
صدق اني غبيه المفروض اعرف من قال امي تبغى ترجع بنت اختها ماادري ليش ماركبت الكلام ع بعضه
تذكرت شكلها مو حلوه ابدا
ضربته ع كتفه وانا اقول""اش قصدك بعدين لو كانت الجازي ابشع وحده تزوجتها يعني زواج منطق مثل زواجنا""
قال بعد ضحكه""اخيرا اعترفتي انك ابشع وحده""
رجعت ضربته ع كتفه بس هذي المره اقوى وقلت""الكلام ينسي بس الرساله بتكون محفوظه عندي وبرجع ارسلها لك كل مانسيت الحقيقه""
وقف السياره عند الباب وقال""يلله انزلي بس""
قلت وانا الف عليه""بتكمل جامعتك ولا بس كلام ذيك الليله""
قال""اكيد بكملها بعيش حياتي انا""
تذكرت وقلت""ع فكره سبب طلاقهم انه مهتم بشغله وانت تقول(خشنت صوتي بس بطريقه بشعه يعنني اقلده)البنات يحبون الشي الي مو عن...""
قاطعني وقال وهو يلف علي براسه""هذا كان زوجها اكيد يعني تبغى اهتمام بس انا واحد ماتعرفه يعني(حرك راسه بطريقة لا وكمل)مااعرف ليش احاول اشرح لك توكلي بس""
قلت وانا افتح الباب وانزل""لو حاولت مليون سنه انت ماتعرف تشرح ارتاح بس""
سكرت الباب وهو ع طول تحرك ماانتظرني ابعد حتى غبي
لين الحين مااعطاني مفتاح البيت ماادري اش ينتظره بكلمه الحين
عاد هذا اذا هو في البيت
دقيت الجرس وانتظرت حتى فتحت لي الباب سوناتا
دخلت وانا اقول""ليث هنا""
حركت راسها بطريقة ايوه قلت بٲبتسامه""خلاص كملي نومك""
ومشيت بتجاه الدرج شكلهم ينامون بدري الساعه عشره الا وانا بعد بنام بدري مانمت من رجعت من الدوام
طلعت الدرج وانا افسخ بعبايتي بصلي وانام ان شاء الله
قبل ماوصل شفت ليث جالس بالصاله ومعطيني ظهره والاب بحضنه ويطقطق فيه شكله مركز
تذكرت لماخرعني الحين اخرعه
فسخت حذياتي احتياط علشان ماتطلع صوت
وخليتها ع الدرج ورميت عبايتي جنبها وطلعت بهدوء
لما قربت منه قلت بصوت عالي""اش تسوي""
قال ببرود""اشتغل""
ماتحركت منه شعره قلت بستغراب""مااخترعت""
قال بعد سكوت ثواني لانه واضح انه مركز بقوه""اولا انا اعطيت عبدالرحمن العنوان وتو سمعت الجرس""
قلت بصوت منخفظ وانا امشي للغرفه""ويسوي فيها عبدالرحمن انه الخارق لو ادري بس""
اش ردة فعل ليث لما يعرف اش يسوي عبدالرحمن
مااهتميت كثير دخلت الحمام وضيت وطلعت صليت العشى في الغرفه بعد ماخلصت الصلاه
قررت اتعشى وبعدين انام ونفسي مثل فطور اليوم سريع وطعمه حلو
يمكن علشان كنت جيعانه الصبح حسيت حلو بجرب واحكم
طلعت من الغرفه وانا اقول""تعشيت""
مارد علي وانا ماطالعت فيه ماادري اذا حرك راسه ولا لا المهم انه ماتكلم وهو الخسران
وتو كنت بنزل الدرج سمعته يقول بستغراب""وين رايحه""
قلت وانا انزل""المطبخ""
مااعطيته فرصه نزلت بسرعه ودخلت المطبخ الي اضائته خفيفه
دورت ع مكان تشغيلها حتى لقيته وشغلت كل الانوار كذا حلو
فتحت الثلاجه علشان اطلع بيضه لي سمعت صوت ليث يقول وشكله عند الباب""ياحبك للاسراف نور واحد يكفيك""
قلت وانا اسكر الثلاجه""تبغاني المس علشان اعرف طريقي""
ادري مبالغه بس يعني وصف
قال""في مطبخ فوق هذا مو لنا""
ذاك لك هذا لي قلت وانا ادور لزيت""ادري بس هذا احلى وينظفونه من قريب(مااعطيته فرصه يعلق وعارفه شلون بيكون تعليقه فكملت)احسب لك معاي ومن الحين اقولك تراه خفيف مره لان معاي النوم""
قال""انا تعشيت""
يلله الاختصار احسن من المحاضرات
قليت البيضه وطفيت النار واخذت توست وفتحت الثلاجه علشان ادهنها جبنه سمعته يقول""ليش خليتيها كذا تتشرب الزيت""
اش فيهم اليوم كل الي قابلتهم يسون فيها ان انا الفاهم
قلت علشان اذكره وانا ارجع خطوه علشان اشوف وجهه""تعرف تطبخ""
قال وهو لسى واقف عند الباب""ايوه اعرف""
قلت بصدمه وبصراحه فرحت""كذاب""
مو متخيلته يعرف احسه بس يعرف للاوراق ولاب
حرك كتفه بدون مايتكلم
قلت وانا اسكر باب الثلاجه برجلي وانا اطالع فيه""حلو بكره العشى عليك لازم اذوق طبخك""
قال وهو معقد حواجبه""ليش لابسه حذياة الحمام هنا""
ابتسمت غصب عني ياانه بيتعب بحياته اذا ركز ع التفاصيل كذا
قلت وانا لسى مبتسمه""اسمها حذياه يعني اكيد بلبسها اش بسوي فيها(كملت بضحكه)لا تٲخرني ويتشرب البيض الزيت اكثر""
حطيت البيض بالتوست وسكرته وانا اسمعه يقول""مين ياكل التوست بدون تحميص""هذا جاء يقيمني ولا ايش
قلت وانا اطالعه بطرف عيوني""انا وجربه مابتندم صدقني(وكملت بضحكه)لين""
رجعت فتحت الثلاجه علشان اطلع عصيري سمعت يقول""مره ثانيه افتحي الثلاجه مره وحده وطلعي كل الاغراض الي تبغينها""
سكرت الثلاجه بقوه ياحب هذا الرجال للانتقاد ويحلى طبعا اذا كان فيني يتفنن مو هو مطبخه فوق لا يتكلم هنا
ورجعت فتحتها بس كذا عناد وانا اطالع فيه بٲبتسامه مصطنعه وسكرتها كنت ماسكه العصير وحاطه التوست فوقه كان بيطيح غصب مسكته
كله من عيون ليث طالعت فيه بطرف عيوني وقلت""من عيونك""
قال وهو متكتف ويطالع فيني وكٲني مجنونه""لو حاطته بصحن مثل الناس ماقلتي من عيونك""
قلبت شفايفي بعدم استحسان لكلامه ليش الصحن توست وعصير وين احط الصحن فيه
قلت بأبتسامه وانا امشي بتجاه الباب يعني بتجاهه""جرب""
واضح من شكله ان مو عاجبه ع كل هذا الانتقاد يعني ماانتظرت رده
هو بعد قبل مااقرب منه
طلعت الدرج وتو اجلس ع كنبة الصاله شفته طالع وبيده عبايتي وحذياتي الي كانت ع الدرج
قال بصوت واضح فيه نبرة اليٲس""ماادري كيف انتي عايشه""
وحطها ع الكنبه الي كان جالس عليها واخذ الاب ودخل الغرفه
وانا عيوني عليه انا الي ماادري كيف للحين عايش هذا وماجاته جلطه ولا ارتفع ضغطه
كيف يحافظ ع صحته وهو كل شي يعطيه مجهود
بالنهايه مااهتميت بكلامه اكلت بتلذذ بعد ماشغلت التلفزيون
اذا خلصت بنام احس اني كسلانه بعد ماخلصت اكلي الحلو يعني مو علشاني جيعانه اعجبني حتى الحين اعجبني
دخلت الغرفه كان ليث جالس ع سريره والاب معاه صاير يده الثالثه لازم كل مكان معاه
دخلت الحمام علشان افرش اسناني وانتبهت للفرق بين معجوني ومعجون ليث
معجوني مضغوط من كل جهه وحقه مضغوط بس من النهايه
ضحكت ع خفيف وانا ارجع فرشتي صدق انه فاضي قلت اول مادخلت الغرفه""انت تدربت مع العسكريه صح""
قلتها بمسخره واثبات مو بطريقة سؤال بسبب حياته النظاميه بزياده
قال بصدمه""من قالك""
..نهاية البارت..
..عافاكم..
..عجايب..
الحمدلله.


..بأذن الله لي حسنه ولك حسنه..
(لا تنسى نفسك في زحام الحياة : وتنسى لما خُلقت. تذكّر نفسك بصدقة أو استغفار يكفر ذنوبك فالموت لايعرف موعدًا ولا طرقَ باب .)