ان شاء الله تستمتعون بالقراءه..
..البارت السابع والاربعون..
قال باكثر نبرة استغراب سمعتها بحياتي""كيف""
ماقدرت امسك ضحكتي ع استغرابه قلت بضحكه""ملابس ليث(وطلعت يدي ااشر فيه ع شنطتي الي بالارض نسيت مااقول للخدامه ترتبها الصبح)يلله لا نتٲخر""
قال وهو يبعد عن الباب صرت اسمع صوته بس مااشوفه""مااعرف""
قلت بستطعاف""اي لبس انا اذا طلعت بختار""
انتظر لين متى
قال بعصبيه""قلت لك مااعرف""
استغربت من عصبيته ولا يمكن علشان تٲخرت قلت""دخل يدك الشنطه والي يطلع لك جيبها بس""
قال وانا اسمع صوته يبعد""بنادي لك سونيتا""
منجده والله كان هو جاب اش فيه
ذيك المره ماقصر فتش شنطتي والحين يروح يناديها
يلله احسن منه تفهم ع الاقل شوي
وجات قلت اول ماشفتها لاني كنت لسى واقفه بمكاني
عند الباب وفاتحته خفيف""جيبي لي ملابس من الشنطه لو سمحتي""
هذي هي الي فتحت لنا الباب اول ماجيت عرفت اسمها الحين
فتحت شنطتي وانا اطالع فيها قلت لما شفتها تقلب فيها""اي شي اذا طلعت انا بختار ايوه ايوه جيبي هذي البجامه""
اعطتني قلت لها شكرا وانا اسكر باب الحمام
لبست وطلعت وجلست بالارض عند شنطتي وفتحتها وطلعت لي ملابس بسرعه احس اني تأخرت
واخذتها ووقفت واول مالفيت شفت ليث واقف عند الباب وقال بسرعه""تٲخرنا""
اخترعت وكلمته زادت الخرعه كانه قال(بـو)
رجعت خطوه ورا وتعثرت وجلست ع الملابس في الشنطه بما انها كانت مفتوحه
ضحكت وانا اقوم واقول""خرعتني""
بس كانت ملامح وجهه ماتدل ع الاستمتاع ولا المرح ولا حتى ريحة ضحكه من بعيد
قال بملامح وجه جامد بدون تعابير مع انه شافني كيف اخترعت يعني الموقف شوي يضحك""انا قلت لك ساعه وتكونين جاهزه والحين فوقها بنص ساعه""
لسى بمزاج الشغل والكلام الي قاله بالمكتب الصبح مايعرف ينسى مثلي قد روقت
قلت وانا امشي للحمام""عشر دقايق واكون جاهزه""
ماانتظرته يرد سكرت باب الحمام وغيرت وطلعت بسرعه ضبطت شعري
ماحطيت مكياج خلاص قد شافتني بمكياج
لبست عبايتي وفتحت شنطتي الي ع سريري جنب الاكل لسى ماشالته
اخذت الجوال واخذته بيدي ونزلت تحت بدون مااشوف ليث شكله ينتظر بالسياره
ناديت ع سوناتا ليث يسميها سونيتا مع ان سوناتا احلى نطقا
قلت اول ماجات""الاكل ع سريري شيليه تكفين وبعد رتبي ملابسي بدولاب لو سمحتي""
قالت""ان شاء الله""وهي تحرك راسها بطريقة طيب
مشيت خطوه ورجعت لها بسرعه وقلت""تعرفين ام ليث تجي هنا كثير""
انفتح باب الشارع فمشيت بخطوات سريعه بكرامتي احسن من يسحبني
معصب لين متى معصب
طلعت السياره قبله فتحت الطرحه ورجعت عدلتها مره ثانيه وهو يحرك السياره
قلت بعد فترة سكوت وانا اشوف انوار الشارع شغاله""شوي ويٲذن المغرب""
ماعلق ع كلامي يسوق ساكت هذا وجه واحد يستقبل امه من فتره ماشافها
وكذا بعد بيستقبل ابوه اذا رجع من السفر ان شاء الله
قلت""امك دايما تزورك""
ووين تجلس بس قلت السؤال الاول الثاني اجلته لوقت ثاني
قال بدون مايتكرم ويطالع فيني""اسمها خالتك""
قلت""احنا نقول عمه""
ماعلق ع كلامي فرجعت اقوله""اناديها عمه ولا خاله""
قال من طرف خشمه""خاله""
قلت بضحكه""وانا بعد اقول عمه حلو""
طالع فيني بنظرة قرف الله الواحد مايروق
قلت وانا اطالع قدام""ايوه قابل امك بهذا الوجه علشان تروح لجهاد""
قال بعصبيه مبالغه حتى الكلام طلع من بين اسنانه""مالك دخل بعايلتي كلها""
حسيت الكلام طلع من قلبه وكٲني لمست وتر حساس فيه انا مااعرف علاقته باخوه ولا يهمني اذا بيجلس يصرخ فوق راسي كذا
قلت اول ماخلص اخر حرف""حاضر""
هذا الرجال ماينعاش معاه
شكل امه ولدته بمكتب مكانه الطبيعي هناك
منجدهاوالله طليقته يعني هي مو مطلقه بس مملكه المفروض يكون لها صفه غير مطلقه
وانا بعد المفروض مايسموني زوجه ولا بعدين طليقه لازم نخترع وصف للحاله هذي
سمعت الناس يٲذنون المغرب طالعت فيه وقلت""يٲذنون""
قال وكٲنه يشتم""سمعت""
اش هذا الاسلوب نرفزني قلت بعصبيه""دام سمعت مر صلي بمسجد لازم اقولك يعني""
ماادري كيف احنا بنتفاهم
طالع فيني بطرف عيونه وقال""
ترا تغطيت الوجه للحرمه اهم من الصلاه جماعه بالمسجد لرجال""
استغربت من كلامه بدرجه قويه
ابدا ماجاء في بالي ان هذي نظرته ولا فكرت ان له رٲي بهذا الموضوع اساسا
طالعت فيه شوي بعد امي هو اول واحد يكلمني بهذا الموضوع
قلت""يعني تبغاني اتغطى""
قال وهو يمر لمسجد""كيفك هذا الموضوع يخصك""
قلت بهتمام""رايك طيب""
محتاجه شوي تشجيع
وقف السياره وفتح الباب وقال وانا لسى اطالع فيه انتظره يعلق""صلي وارجعي المفتاح فيها كفايه التٲخير في البيت""
ونزل وسكر الباب بدون مايقول رائيه
لو بموضوع ثاني كٲن نشبت له بحلقه حتى يتكلم
بس هذا الموضوع لا
نزلت صليت وحدي ورجعت طلعت السياره انتظره
فتحت جوالي وجلست عليه حتى لما رجع ليث تميت اطقطق فيه وجاتني رساله فتحتها
كانت من عبدالرحمن مكتوب فيها(بكره بروح شركة ابو الجازي مااحتاج مساعدتك عرفت اوصل لها وعندي سبب مقنع يوضفني ماقلتي لي كيف دوام اول يوم وش حسيتي عقبالي يارب)
ابتسمت وكتب له(بتوفيق بس عاد لاتستغل قرابتك فيني خليني اشوف شطارتك والدوام اليوم مره غير ماراح انساه مااعجبني الا الاحترام من خالد وانا الحين بروح المطار استقبل ام ليث بتجلس عندنا يومين ماادري عاد كيف بتكون هي المهم بكره ابغى اعرف الاخبار)
وارسلتها صدق اليوم غير ماكذبت بس امسح دخولي لليث المرتين كلها ولانذار
ايوه صح تذكرت البيت هو قال لي الليله ماشكل بتصير الليله يلله اذا سافرت امه ان شاء الله برجع اكلمه
حطيت الجوال في جيبي لما شفت ان احنا قربنا من المطار
لما نزل نزلت معاه
..نهاية البارت..
..عافاكم..
..عجايب..
الحمدلله.


..بأذن الله لي حسنه ولك حسنه..
(شفتي ""فلانة""؟ -اي استغفرالله! يقول ابن القيم: كم من مستغفرٍ يأثم في استغفاره قالوا وكيف؟ قال: يقال فلان عنده، فيقول استغفرالله.)

ان شاء الله تستمتعون بالقراءه..
..البارت الثامن والاربعون..
ومشيت جنبه وماانتظرنا كثير مثل ماكنت متوقعه
وطول الوقت ليث مقضي الوقت يكلم بجواله وطبعا نبرة الاوامر ماتبعد عنه
شوي وجات امه بشنطه وحده وسط اقرب لصغيره يعني مو مطوله مثل ماقال يومين
توقعت تطول اكثر وبعد كاشفه وجهها مثلي
علشان كذا يقول ليث هذا موضوع يخصك ومايبغى يقول رائيه
سلم عليها ليث اول وبعدها سلمت عليها انا
وبعد الكلام المعتاد الرسمي طلعنا وخلال الطريق هي تتكلم مع ليث وتسٲله
وهو حكى لها عن سفرنا بختصار الدوله وكم يوم استغربت مره لما
قال لها""ماطولنا خلصت الشغل الي هناك ورجعنا""
عقدت حواجبي وانا اطالع فيه ليش يتكلم كذا
بس هو كٲن يطالع قدام ماانتبه لي لان بيني وبينه امه
فخففت خطواتي حتى تقدمو شوي ومشيت حتى صرت جنب ليث من الجهه الثانيه
اذا تكلم بهذي الطريقه بنبهه هذي امه لا ينسى ويقول لها
قالت ام ليث""اهم شي سافرت وغيرت جو""
ولدها بس
اساسا ماغير جو مااختلف عليه كلها اوراق ومكاتب انا الي غيرت
مع اني بالنهايه ابغى ارجع
قلت كذا بس اذكرها اني سافرت معه""ايوه الحمدلله انبسطنا وقبل مانرجع جبت معي تذكارات لك وللبنات ولزوجة جهاد مانسيتكم وان شاء الله تعجبك ايام حلوه ابغى الكل يكون عنده شي منها(ولفيت اطالع فيها)اش اخبارهم البنات وليش ماجو معاك ابغى اتعرف عليهم""
كذا اكون خففت كلام ليث ماعنده عقل مو اتفاقنا ان احنا مانبين لاحد
قالت بختصار""ايام دوامات ايام ثانيه ان شاء الله""
ماعلقت لان وصلنا السياره بعدين حتى لو ماوصلنا مارديت ع كلامها المختصر
تذكرت الحين انها تبغاه يرجع لخطيبته خلينا نسميها كذا
طلعت ورا بما ان ليث فتح الباب الي قدام فهمت انه يبغى امه
لما حرك ليث السياره قالت امه""وديني بيت اختي""
قال لها""ان شاء الله""
اش فيه ماعنده ذوق هذا الشخص تقدمت شوي وقلت""ليش تعالي معانا وبكره ع الاقل روحي""
قال ليث""خليها ع راحتها""
منجده ليث اش فيه زعلان منها ولا ليش يتكلم كذا
مااعجبني كلامه اي ام تبغى ولدها يلزم عليها تجي بيته
قلت""خليك من ليث وتعالي معانا هو بس مايبغى يضغط عليك""
قالت ام ليث بٲبتسامه شفتها بما اني متقدمه بجلستي""خلاص كذا شفتكم وتطمنت عليكم بروح عند اختي اتطمن عليها وبرجع اسافر""
حركت كتفي بمعنى كيفكم وانا اعدل جلستي وارجع ظهري
ماادري شلون ذول العالم
اكيد زعلت من ليث للحظه تخيلت امي بموقفها مااعجبني مره
قلت بعد سكوت دام وقت""طيب تعشي عندنا وبعدها روحي""
قال ليث بنبره حاده شوي""خلاص تاج""
رجعت تقدمت بجلستي السالفه صارت سالفة مبدا هذي امه حتى لو ايش بينهم لازم يحاول فيها وينسى كل شي
قلت وانا اطالع بجهه من وجهه""لا مو خلاص تنزل معاي ولا بنزل معاها ابغى اجلس معاها""
نسيت انها ام ليث او اني مااعرفها علشان ادافع عنها
بس الاسلوب نفسه مااعجبني ونرفزني كيف يكلمها كذا هذي امه يعرف شلون امه
قالت ام ليث بأبتسامه عريضه""انزلي معاي اعرفك ع اختي وبنتها و وليث يرجع لك بعد ساعه""
طالعت بليث انتظر اجابته لما مرت ثانيتين وهو مارد
دقيته بٲصبعي بكتفه علشان انبهه بس كل الي سواه بعد كتفه عني بدون مايتكلم
ويقول عني اني لا مباليه واتصرف تصرفات اطفال مايشوف نفسه
قربت منه شوي وقلت بصوت منخفظ هامس علشان ماتسمعني امه لانه قهرني صراحه""لا تخليها تندم انها جات""
ماتكلم ولا علق بس لاحظت انه شد يده ع المقود وقرب منه
رجعت ظهري انا ماادري اش دخلني فيه وبٲمه
انا اول فكرت ان الحمدلله ماراح اسكن مع امه وطلعت امه مسكينه كذا جايه من سفر وولدها مايقول لها تعالي ارتاحي
اش هذي الاخلاق
ماعرفت ان احنا قربنا الا لما خفف سرعته طول الطريق كان الصمت سيد الموقف ماادري اش تفكر فيه امه
لو امي كانت بمكانها ماادري كيف بتتصرف اتوقع انها معد ترجع ولعد اشوفها
لما وقف السياره قالت ام ليث""يلله تاج تنزلين معاي""
قال ليث قبل مااتكلم""لا تصبحين ع خير""
كانت كٲنها طرده كرهته بهذي اللحظه
وقلت وانا افتح الباب""الا بنزل معاها""
احنا من غير علاقتنا متوتر اليوم ماراح يزيد هذا التصرف شي
وبعدين هو قال تكونين تحت تصرفها هذي اليومين وانا انفذ طلبه
وبعدين بذكره بكلامه هذا
نزلت قبل مايتكلم وسكرت الباب وراي
بس لما تقدمت ووقفت عند باب ام ليث علشان تنزل اول مافتحت الباب
سمعت ليث يقول""بعدين خلي السواق يرجعك""
قالها وكٲنه يهدد ياناس
حركت راسي بطريقة طيب بدون مااتكلم
ماادري ليش اخاف من اسلوب التهديد حتى لو كان شي تافهه
افكر بالتهديد شوي
لما نزل يطلع الشنطه طلعت جوالي من جيبي وكتبت برساله لليث(انت قلت لي خليك هذي اليومين تحت تصرفها حتى الدوام لا تجين وانا انفذ طلبك ساعه كذا وبرجع بس علشان الواجب)
وارسلتها له خلينا ننتهي من هذي السالفه
لما حط الشنطه عند الباب ورجع بتجاه السياره مشيت لاني سويت نفسي مشغوله بالجوال
لما سمعتها تكلم ولدها بصوت منخفظ
وقفت عند الباب حتى جات ووقفت عندي نزلت الجوال وطالعت فيها انتظرها تدق الجرس
بس هي قالت وهي تمد يدها لي""انتي احسن البنات""
ضحكت وانا امسك يدها واقول""ان شاء الله يركز ليث بس""
ضحكت وتركت يدي ودقت الجرس
..نهاية البارت..
..عافاكم..
..عجايب..
الحمدلله.


..بأذن الله لي حسنه ولك حسنه..
(اللهمّ اجعلنا من أهل النفوس الطاهرة ، والقلوب الشاكرة ، والوجوه المستبشرة الباسمة ، وارزقنا طِيب المقام وحُسن الحياه وحسن الرحيل وطيب الاثر..امين يارب العالمين..)

ي هلا وغلالا بجوجو

الله أكثثثر بارتين مروووو بسلاممه بدوون خطر وظربات قلب عاليه وضغط مرتفع خخخخ


في نقطتين خايفتن منها الاولى أخاف ان ليث مثبت برنامج تجسس بجوال المزيونه تاج لأن من الاساس واضح انها استغلاليه تبي فلوس وبس وبكذا يعرف بكل رساله واتصال يوصلها


اثاني حاجه اعجبني اصرارها لتحسين العلاقه بينه وبين امه طبعا من وجهه نظرها

ولا للامانه ما أحب بتاتا ادخل نفسي بأمور عائليه واضح انها مرتبكه بينهم

بس عرفنا شخصيه تاج ههههههه اذ م تدخلت بشي تموووت ي عاااالم

تسلمم ايديك ي عسسل

السلام عليكم
ابشر قراء رواية من المستفيد ان السبد ليث حب الانسه تاج
والدليل هو غيرته عليها وتلميحه عن التغطي
بس هي ذكيه كالعاده ما راح تفهم بسرعه
لا وكنه ذربه تبي تواجب عمتها....اجمل ما فيها قلبها صافي وهذا اللي بيجيب راس ليث
مشكوره عجايب