ان شاء الله تستمتعون بالقراءه..
..البارت الرابع والاربعون..
رفع ليث راسه وسماعة التلفون ع اذنه يسمع لطرف الثاني
سكرت الباب بعدي وتقدمت حتى جلست ع الكرسي الي مقابل له وابتسمت بوجهه بدون نفس وتعمدت اوضحها
من نظراته المستغربه وين الغريب في الموضوع قال برسميه""شكرا ع العرض افكر واكلمك بعدين(رجع السماعه ولما تٲكد انه حطها رفع راسه وكمل بنفس النبره)نعم ليش جيتي""
قلت وانا ارجع راسي""دوامي كيف مااجي والاجازه خلصت المهم خالد يدري""
قال بعد ضحكة صدمه""انتي ماسمعتي اش قلت لك امس""
قلت""الا سمعت وسمعت زين كلمة افكر ويمكن(لفيت بكامل جسمي بتجاهه)احد يدري عن اتفاقنا قلت لاحد""
وقف وواضح ع ملامحه انرفزه وقال""اطلعي من المكتب ولا اطلعك انا من الشركه""
رجعت ظهري ورا ورفعت راسي اطالع فيه من وقف يهدد
مع تحفظي لكلامه الا اني قلت وانا اعدل جلستي""اش فيك عصبت هو سؤال جاوب عليه بٳيوه ولا لا""
قال وهو رافع حواجبه بستغراب من قلب واضح من نبرة صوته""انتي غبيه ولا تتغيبين انا اكثر منك ماابغى احد يعرف وانفذ كل شروطك علشان تسكتين""
قال اخر كلمه وكٲنها شتيمه قويه
استغليت الوقت
وقلت وانا اوقف بعد وماسكه شنطتي بيدي""بقي البيت متى ان شاء الله""
طالع فيني لثواني وكٲنه يعد لعشره علشان ماينفجر
بس بعد مااهتميت وقفت مكاني انتظر رده كفايه اني ماخليتها ع ورق
قال من بين اسنانه""الليله""
قلت بتٲكيد""الليله""وانا فرحانه بصراحه
بس تفاجاءة لما لف حول المكتب بخطوات سريعه بعد ماقال بصوت منخفظ (سبه) بس سمعتها
ومسك ذراعي ومشى بخطوات سريعه لباب وانا وراه
فتح الباب واشر عليه بيده بعد ماترك ذراعي
من الصدمه ماعلقت ع كلمته ولا سحبت ذراعي من يده
مشيت وراه بدون تفكير طالعت بالباب ورجعت طالعت بوجهه
رفع حواجبه بنرفزه بطريقة اطلعي
طلعت من المكتب بدون مااتكلم للحين مستغربه من مزاجه
بس لما وقف وراي وقال وواضح من كلامه انه موجهه لسكرتير""لا تخليها تدخل مره ثانيه بدون اذن""
قلت بسرعه علشان يسمعني ليث""لاني اشتت تركيزه""
وابتسمت لسكرتير وانا اسمع صوت الباب لما تسكر
وواضح ع السكرتير الارتباك من الوضع
طلعت واخذت نفس وانا احط الشنطه ع كتفي
ليش كذا يطلعني من مكتبه ماحسيت اني ارتحت ولا بردة قلبي لما قلت اشتت تركيزه عذر لسكرتير
مع اني عارفه مستحيل يتكلم بٲي شي بس علشان موية وجهي
واما انه يسبني قويه طلعت الجوال من الشنطه وكتبت برساله(انا مو(سبته) والبيت الليله انتظر ولا يطلع مني تصرف ماراح يعجبك)
وارسلتها لليث حتى انا اعرف اهدد علشان يعرف حدوده اذا سبني برجعها له ماني من نوعية امي الي تتحمل كل شي من زوجها
اساسا انا رضيت بهذا الزواج بعد الفلوس وٲامن مستقبلي ان احنا متساوين
مثل مو مطلوب مني شي هو بعد مطلوب منه يعني اخذ وعطي اما انه يجي يقول لي كذا ويعاملني بهذا الاسلوب ويهدد انه بيطردني
انا بهدده اني اعلم اهله والبادي اظلم انا مااتنازل عن اي شي لي
مشيت كم خطوه حتى سمعت صوت رساله بجوالي الي لسى بيدي
وقفت وفتحتها كانت من ليث مكتوب فيها(كل تصرفاتك ماتعجبني)
معقوله ماتٲثر بالتهديد وهو عارف كيف تصرفاتي ماتعجبه
بعد يرد كذا انقهرت لفيت اطالع من المكان الي طلعت فيه اذا مايتٲثر بالتهديد
اذا البرود بيفيد معاه يتفاعل هو من نوعه فتحت رساله جديده وكتبت(اذا بترجع البيت بٲي وقت ارسلي نرجع سوا تعجبني سيارتك)
وارسلتها كذا احس السالفه انتهت وبردت تماما اكيد كذا قهرته
رجعت الجوال الشنطه وانا اخذ نفس بعمق لازم لما اقابل البنات مايبان شي علي
دخلت قسمنا ومريت من عند خالد بدون مااطالع فيه وانا احس براحه مايدري ويسوي فيها
دخلت سلمت ع البنات احس اشتقت لهم اكثر ماهم اشتاقو لي
يعني كان سلامهم عادي مع انهم كلهم قامو وجو لي بس حسيت ان في شي واقف بينتا
جلست ع الكرسي بعد ماحطيت شنطتي تحت عند رجلي
اشتقت لشغلي اكثر شي ابتسمت لهم وقلت بحماس وانا اطالع بوجيههم كلهم""قولو لي اش سويتو من اول مااخذت الاجازه للحين""
بس قبل محد يتكلم دخل خالد وبيده ورقه حطها ع مكتبي بكل رقه
وقال بٲبتسامه عريضه""انذار لتٲخيرك بقي ثلاثه وينخفظ راتبك لنص بشكل دايم وهذا انا حذرتك""
مسكت الورقه وطالعت فيها وقريتها وكانت صدق انذار
بيجيني فوبيا الانذارات
رجعت طالعت بوجه خالد بحقد
بس قلت بٲبتسامه مايله""مااحتاج الراتب وانت اكثر واحد يدري وشكرا ع تحذيرك""
صح قلت هذا الكلام بس علشان اقهره بس انا مقهوره وبقوه من الانذار هذا
قالت احلام بضحكه بعد ماطلع خالد""يعني هنا كلنا سواسيه وانا الي ع بالي ان خلاص عندنا واسطه وناوين نحتفل برا من الحين""
وضحكت انقهرت من كلامها زود كافي احساسي واحراجي من الموقف قدامهم
مو يلله هي بعد تحس وتقول كذا علني
انا بعد ع بالي اختلف وضعي وهذاك بس كلام علشان مااغلط وصرت غير ومعاملتي تختلف
من دخلت وانا اشوف الاختلاف بوضعي بس ليث بيخرب كل شي
هو كذا الي بيوضح ان احنا مو طبيعين بتصرفاته هذي بيخليهم يشكون
وانا رتبت كل شي بخيالي ع اني المميزه زوجته
قلت بضحكه حاولت اطلعها من ورا قلبي وانا اوقف""والله اوريكم فيه اصبرو علي اساسا هو اخرني وهو الي بيعوضها يعطينا باقي اليوم اجازه""
قالت شوق بضحكه هي بعد وتصفق بحماس""ايوه كذا خليك قويه من اول الايام لا تخلينه يمشي عليك شي""
طلعت من المكتب وانا امشي بٲصرار والله مايفشلني قدامهم ابدا
اذا اضطريت منجد هذي المره اتصرف تصرف ماراح يعجبه بعد احنا مو اطفال وبيننا اتفاق
..نهاية البارت..
..عافاكم..
..عجايب..
الحمدلله.


..بأذن الله لي حسنه ولك حسنه..
(مستوعبين بساطه ديننا ؟ مجرد كلمه بسيطه سبع مرات تغفر لك كل ذنوبك ، - آستغفر الله الذي لا إله إلا هو الحي القيوم و آتوب إليه ..)

ان شاء الله تستمتعون بالقراءه..
..البارت الخامس والاربعون..
وقفت قبل ماالف للمكتب وانا اخذ لحظة تفكير
كيف اتكلم معاه بٲي اسلوب ضروري واكثر من ضروري ان نطلع اليوم
وغير هذا اليوم ماراح ارضى انا بس هذي المره لازم اثبت لهم مكانتي قدامه وبهذا المكان
بس كيف اقنع ليث اخذت نفس وكملت مشي الكلام بيجي وحده
بس افتح فمي ولا هو بس بيشوفني بيقول لي روحي فكيني منك تو مداومه وهذي ثاني مره اروح له مع انه طردني
بس شكل انا تعودت ع هذي المعامله من عبدالرحمن وجدتي تبرمجت عليها وبعد مثل ماقلت انا مااتنازل وكل شي يجي مع الاصرار
ماشفت السكرتير ع مكتبه ولا ليث ع مكتبه ماادري اذا جالس ع طاولة الاجتماع ماتنشاف من هنا
بس لو كان جوه كان السكرتير ينتظر هنا مثل ذيك المره
اكيد مو موجود مع انه قال لسكرتيره لا تدخل الا بٲذن يقصدني انا طبعا
بس خلاص صار هو من ضمن العايله الكريمه يعرف كل شي مو هو الي يرد علي من جوال ليث
وشافه بعد لما طلعني ليث من المكتب
يعني واثق فيه بزياده يعني مامنه خوف
فكرت ادخل وانتظره جوه كذا غصب عنه بيسمعني بس لو هنا يمر من عندي ويقول لسكرتيره نادي لي فلان وانتهى الكلام
بس اخاف بهذي الطريقه يصلب ويعند اكثر ويصر ان مافي طلعه
طيب هو جاني انذار اني تٲخرت يعني ماراح تفرق معاه لو جبت جوالي بس كان اتصلت عليه الاتصال اسهل
هذا اذا مارد علي السكرتير قربت من المكتب وريحت ذراعي عليه انتظر ليث يجي
بعفويه طالعت بالاغراض الموجوده وبعدت ورقه اشوف اش تحتها بفضول
وين القى ورقة مواعيده او دفتر ملاحظاته علشان اعرف نظامه ولا القى شي امسكه عليها ولا ع الاقل اعرف وينه الحين
بعد ثواني وانا ابعد بيدي الورق تٲكدت ان مافيها شي مهم بعدين بالعقل بيحط اوراق مهمه ويروح يتركها هنا
رجعت رتبتها بنفس اليد بس بالنهايه لفيت عليها بكامل جسمي وانا ناويه ارتبها صح
بس شفت بطرف عيوني احد داخل بعدت عن المكتب بسرعه
وانا اطالع طلع بس السكرتير اخذت نفس وقلت""وين ليث""
علشان مايفكر يسٲل اش كنت اسوي
قال وهو يمشي بتجاه مكتبه وبيده ملف وواضح عليه انه مشغول لانه مااهتم بشي""في مكتبه""
بسرعه طالعت بجهة مكتب ليث شفته واقف ومتكتف ويطالع فيني
من متى وهو واقف هناك وانا انتظر حضرته ضيعت وقت ع الفاضي
شفت سكرتيره راح بتجاه مكتب ليث ومعاه غير الملف الي جاء فيه واحد ثاني فوقه
فتح الباب ودخل مشيت بعده ودخلت وراه المكتب وانا اتكتف بقول الي عندي سوا اعجبه ولالا
قال ليث وهو يطالع فيني""حط الملفات هنا""
حطها السكرتير ع المكتب وقال بتوتر""في اوراق مستعجله ضروري تشوفها الحين""
قلت وانا اجلس بعيد شوي عنهم""عادي خذ راحتك""
وابتسمت لليث الي اكيد اعجبه موقفي مو هو عنده الشغل في الاولاويات هذا انا جلست انتظر عادي
والصدق علشان يخلص شغله ويفضى لكلامي الكثير
لازم يقتنع هذي المره طالعت بليث وهو يجلس ع كرسيه والسكرتير واقف قريب منه يفتح له الصفحه وهو يقراها شوي ويوقع بدون كلام
استمر بهذي الطريقه لمدة نص ساعه طول مره وهو يقرا بوحده وطلع ملف من الدرج يقارن بينهم
مليت بطريقه عنيفه بس صبرت وحاولت ماابين طفشي وبنفس الوقت حسيته حلو اني تٲخرت هنا بتفكير البنات حتى لو ماوافق ع الاقل انه بنظرهم جلس معاي
اللتفت اطالع وراي اذا احد مر بيشوف ان السكرتير بعد موجود ان شاء الله محد يمر
وقفت وانا اقلب بشفايفي بعدم استحسان طول بشغله هذا
قلت بملل وانا اتكتف""ماخلصتو""
مارفع راسه ليث من الورق الي قدامه بس قال""هنا مكان الشغل ماراح نخلص وياليت انتي بعد تروحين تخلصين شغلك""
قلت وانا اتقدم كم خطوه وانا لسى متكتفه""انت لو سمعت الي ابغى اقوله كان من زمان طلعت""
قال وهو يقلب الورقه""طيب قولي""
طالعت بسكرتيره ورجعت طالعت فيه منجده والله مره مره ماهمه المظهر
وهو مدخله بيننا ويقول ايش اول لا تغلطين بالكلام لانه بيوصلني
ولا يهمه بس مظهره وكٲني انا الي بس مهتمه ورايحه جايه عنده
مايدرون ان ليث ماله دخل بالسبب يحب يحسس الناس انه المشغول الي ماعنده وقت وكلهم ينتظرون
بس دام اني منتظره من اكثر من نص ساعه تقريبا هنا ماراح تكون بدون فايده
قلت""بنطلع انا والبنات بنفطر ونرجع انا عزمتهم ساعه وبنرجع""
قال""لا""
قبل مااقول اخر حرف حتى من كلامي
قلت""نص ساعه طيب""
قال وهو يوقع""لا""
قلت بقهر""والله مانتٲ....""
سكتت لما قاطعني بكلمة""لا""
قبل مااخلص كلامي قلت وانا اتقدم خطوه""ليش""
سكر الملف واعطى سكرتيره وقال""ارسلها قبل مايخلص اجتماعهم""
قال""حاضر""وهو طالع
ماانتظرته يطلع رجعت قلت""ليش""
اخذ اوراق وقام وحطها بدرج وفتح الي فوقه وطلع ورق ثانيه ومشى وجلس ع الكرسي ولسى عيونه عليها بدون مايتكلم
قلت بقهر""ليث""
قال وكٲني تو بديت اتكلم""نعم""
قلت وانا اتقدم خطوه واصير لاصقه بمكتبه العريض""والله ماراح نتٲخر نص ساعه""
واخيرا رفع راسه وانتبه لكلامي
بس قال نفس الحروف الاولى""لا""
غمضت عيوني لثواني ورجعت فتحتها وقلت""ليث بس نص ساعه""
قال هذي المره بعد مارجع ظهره""لا""
قلت من بين اسناني بقهر""كيف اقنعك""
قال بعد ابتسامه قصيره""انا اقولك بختصار مايٲثر فيني هذا الاسلوب تكررين من اول نفس الكلام هذا اسلوب اطفال استخدمي عقلك استفيدي منه مو بس اصرار بدون تفكير""
قلت بٲبتسامه واضح انها بدون نفس""شكرا ع الافاده""
سد نفسي قلت لكم مايعجبه لا اسلوبي ولا كلامي ولا تفكيري
رجعت قلت بسرعه قبل مايعلق لما جاء في بالي كلام ومنجد بعت راتب هذا الشهر""وانا بعد بقولك بختصار بطلع انا والبنات واذا بترسل انذارات كلها ارسلها علي انا الغلطانه الي معطيتك مكانه وجايه استأذن""
اخذت انفاسي بقهر لازم اخسر شي
يلله راتب هذا الشهر هو الي بخسره بس المهم يعرف ان لازم يكون لي رائ هنا
حتى لو مو ع كيفه ورضاه كل شي
قال بكل هدوء العالم""ع فكره للحين انتي موظفه هنا واسم انك زوجتي مايشفع لكلامك هذا ولا ع رسالتك واذا سكتت فهو بكيفي بس انا مابسكت والمكانه الي تتكلمين عنها مو انتي اعطيتيني اياه العكس هو الصحيح""
..نهاية البارت..
..عافاكم..
..عجايب..
الحمدلله.



..بأذن الله لي حسنه ولك حسنه..
(ربي و ان عظم الاشتياق لمن فارقونا ، فحلاوة الصبر على البلا اعظم ، يارب اجعل مصير كل صابرا لقاء في الجنة لا وداع فيه ! ربي ارحم ابي واختي واغفرلهما واسكنهما فردوسك الاعلى..امين يارب العالمين..*)

ان شاء الله تستمتعون بالقراءه..
..البارت السادس والاربعون..
رجعت خطوه وانا اسمع كلامه الي قاله بهدوء تهديدي
ونظرة الحزم والاثبات واضحه قال كلامه وكانه مرتب من زمان يعني نتيجة قرار مو كذا يدفعه بوجهي
تميت اطالع فيه وانا احس بالخوف من كلامه لا بتعبير ادق حاسه بالرعب كيف ماراح يسكت
انا شلون طلع مني هذا الكلام كيف
وبعد نص الرساله الي بردت فيه قلبي وكان مجرد كلام يعني رد بس بعد شايله في راسه
لما سمعت جوال ليث يدق عرفت ان لازم اعتذر وبسرعه قبل مايرد ع الجوال وينشغل وينتهي هذا الموضوع بنسبه له
تنحنحت وقلت""اسفه ماادر....""
سكتت لما سمعته قال""الو""
وهو يرجع ظهره بدون مايطالع فيني تميت واقفه مكاني انتظره يخلص مكالمته بدون مااركز بكلامه
كنت افكر كيف اعتذر وينسى الموضوع صح لما عندت وقلت له بطلع والبنات معاي كنت متوقع يخاصم بس مو بهذا الاسلوب
صدق اخترعت من كلامه هو من غير يتصرف كذا كيف لو عنده سبب
بس لما شفته ابتسم للمتصل ولا كٲنه قبل شوي مشدوده ملامح وجهه ركزت بكلامه""اكيد بنتظرك في المطار متى بتوصلين،وحدك،خلاص ولا يهمك،مع السلامه""
عقدت حواجبي وانا اسمعه بدون فهم مين هذي الي يكلمها وانا لسى واقفه في مكاني
حط الجوال ع المكتب ووقف وطالع فيني بنظرات مالها معنى فارغه
وقال بدون مايستغرب وجودي ولا حتى كٲني كنت موجوده قبل شوي يعني حذف الي يبغى يحذفه""امي بتجي اليوم المغرب بتروحين معاي نستقبلها في المطار وبتجلس يومين بتكونين تحت تصرفها يعني ماراح تداومين والحين ع مكتبك ومافي طلعه الا وقت انتهاء الوقت الرسمي مفهوم""
من اول مابدا اوامره وانا احرك راسي بطريقة طيب ولما خلص كلامه قلت""حاضر ان شاء الله""
وطلعت من مكتبه بااكثر سرعه تبان انها طبيعيه مو هروب مثل مااحس الحين
لو وقت ثاني كان ماخليته يتكلم بهذي الطريقه واقوله حاضر بس الحين عصبته كفايه
واهتمامي بٲمه ووجودها ينسيه هذا الموضوع شوي بس البيت هو قال الليله يعني مايقدر
وقفت قبل مااقرب قسمنا عدلت طرحتي ومسحت وجهي
وكملت مشي بعد ماابتسمت مريت بدون مااشوف خالد ع مكتبه ماادري اش يسوي
دخلت ع البنات وقلت قبل مااجلس ع كرسي حتى""نٲجل طلعتنا يوم ثاني ان شاء الله لان بكره وبعده ماراح اقدر اداوم وراح الوقت وانا عند ليث بخلص الشغل الي علي قبل مااطلع""
وابتسمت باعتذار كان منحد نفسي نطلع بس اش اقول
قالت الجوهره""وليش مابتداومين""
قلت وانا تو افتح جهازي مع اني مداومه من اكثر من ساعه تقريبا""بتجي ام ليث واكيد بكون معاها""
قالت احلام بصوت واضح فيه التحلطم""اجازات وغياب ع كيفك والانذارات تسكيت لنا صح""
ان شاء الله يحسون كذا ع طول مايعرفون الحقيقه
ماعلقت ع كلامها علشان يثبت يعني مادافعت عن نفسي
قالت حنان وانا مااشوفها الجهاز بيني وبينها""اهم شي لا تنسينا بعدين""
بعدت الكرسي وانا جالسه عليه علشان اشوفها وقلت""الي يسمعك يقول صرت حرم الملك انا كل يوم بداوم هنا ان شاء الله""
بعد ماخلصت كلامي رجعت فكرت فيه بستغراب
انا قبل مااتزوج ليث كنت افكر بذي الطريقه مركز وحياه غير وناس جدد
بس الحين يمكن علشان جربت ولقيت هي نفس الحياه اشوف حنان كذا
قال حنان بصوت منخفظ بس ينسمع""الا بكره وبعده طبعا""
طالعت فيها وانا معقده حواجبي وقلت""اش فيك حنان""
قالت""ولا شي""
وقامت راحت بجهة الحمام طالعت بالبنات
قالت احلام""كذا لها يومين""
طالعت بالجهه الي راحت منها ورجعت كرسي مكانه وبديت شغلي ماكان في اشياء متٲخره
قلت وانا ارفع راسي ع الجهاز""مين استلم مكاني""
قالت شوق""انا ليش""
قلت وانا ارجع اطالع بالجهاز""ولا شي بس اسٲل لان الشغل منظم وماقلتي لي متى تبغين نبدا تصوير""
قالت""وقت ماتخلصين""
قلت""عشر دقايق ونطلع وطبعا روحي استٲذني من الاستاذ خالد""
بعد نص ساعه طلعنا بعد ماانتظرنا خالد حتى يخلص
ومشى قدامنا مثل العاده بس لما دخلنا نسينا وجوده وركزنا بشغلنا
ماطلعنا الا لما سمعت اذان الظهر
مجبورين بعد الصلاه بنرجع نكمل ان شاء الله
دخلنا مكتبنا صلينا وانتظرنا تنتهي الاستراحه
واحنا نطالع بالصور الي اخذتها في صوره اوحتلي بفكره قلتها لشوق واعجبتها وبكذا سهلت المهمه
اصعب شي الفكره رجعنا مره ثانيه وكملنا تصوير
وانا مستمتعه مره بالشغل مره مره اشتقت له
يوم نشيط لما خلصنا رجعنا ودخلتها الجهاز تعدلها وانا جالسه جنبها
بنص شغلنا سمعت احلام تقول""خلص وقت الدوام كملو بكره""
طبعا قالتها وهي طالعه طالعت بالساعه بقي ربع ساعه كملنا ماحسينا بالوقت الا بعد نص ساعه
رجعت لمكتبي وحفظت الصوره وسكرت الجهاز واخذت شنطتي من تحت
وفتحتها وطلعت جوالي بدق ع السايق بعد السالفه الي الصبح ماراح اروح مع ليث ولا احاول
خليني ابعد عنه شوي لما رد علي قال عشر دقايق ويجي
عدلت طرحتي ورجعت الجوال الشنطه وطلعت من القسم عشر دقايق وقت قليل
البيت يبعد اكثر من كذا لما طلعت كان حتى خالد مو موجود وقفت ع مكتبه
وشفت الاوراق الي مرتبه بجهه كذا بس اخذتها وخربطت ترتيب الاوراق وقسمتها لجزئين وحده خليتها مكانها والثاني حطيته بالدرج وطلعت
ومشيت للبوابه لما قربت سمعت جوالي يدق وقفت وطلعته من الشنطه كان ليث
طالعت بالرقم شوي وبعدها رديت بترقب اش عنده""ايوه""
قال""وينك""
قلت بستغراب""بالشركه الحين طالعه""
قال""ساعه وتكونين جاهزه عند الباب""
حسبتها براسي ع بال مااوصل البيت الا الناس قد صلو العصر
ساعه بعدها يكون المغرب بقي عليه ساعه مو توصل المغرب قال
قلت""ان شاء الله""
تفكيري احتفظت فيه لنفسي ماراح اتحاور معاه المغرب بكون جاهزه ان شاء الله
لما جاء السايق طلعت وانا ميته جوع الصبح فطرت بالسياره علشان كذا زاد جوعي
لما طلعت شفت لوحة مطعم اعجبتني قلت""خفف السرعه دقيقه""
علشان اتٲكد عندي فلوس ولا لا المفروض ابيع هذي السياره واخذ فلوسها
لقيت عندي من الي جبتها من غرفتي هذا حالي بلله
بكلم ليث يعطيني حتى ينتهي الشهر وبعدها بيكفيني الراتب مع المبلغ الشهري
قلت""ارجع ذاك المطعم""
وقلت له اسم اللوحه اخذ الدوار ورجعلها مره ثانيه
لقيناهم تو يفتحون بعد صلاة العصر نزل يشتريلي تربعت بالسياره انتظره
وناويه اكل دام بقي اكثر من ربع ساعه للبيت ماتٲخر رجع وبيده وجبتي فتح الباب وحطها جنبي
قبل مايحرك السياره الا انا فتحت الكيس وبديت اكل ماارتحت بٲكلي بس صبرت نفسي
بصلي واكل زين لما قربنا حطيته بالكيس استعد علشان انزل
لما وصلت فكرت ان ماعندي مفتاح بس من اول دقه فتحو لي الباب
طلعت لغرفتنا ع طول حطيت الكيس ع سريري
ودخلت الحمام وضيت وطلعت صليت بدون مااشوف ليث يسٲل وين انا بالجوال ع بالي في البيت
جلست وكملت اكلي بدون مااهتم بقي ساعه وابدا اتجهز لجيت امه
ماادري كيف بتكون هذي اليومين سمعت خطوات
رفعت راسي اطالع بالباب انتظر ليث يدخل بس طلعت الخدامه
قالت وهي لسى عند الباب بدون ماتدخل ماادري اش اسمها والله ماسٲلتها وراح اسٲلها اكيد ان شاء الله كيف اناديها بعدين
""مدام سيد ليث ينتظر انتي""
ينتظرني انا قلت بستغراب""وين ينتظرني""
قالت""السياره""
الحين بنروح
فزيت فز من ع السرير ماابغى اقابل امه بهذا الشكل لازم اتجهز
دخلت بسرعه الحمام اخذ لي دش سريع ولازم اعدل شعري بعد
واطلع لي احلى الملابس يوه بعد ماخلصت كل شي تذكرت اني مااخذت ملابس معاي
بعد ايش كان وانا لابسه عباتي طالعه اتذكر احسن
سمعت ليث يناديني جيت وجابك الله
قلت وانا افتح الباب بسيط وجسمي ورا الباب""ليث تعال انا هنا""
سمعت صوته يقول قبل مااشوفه""تٲخرنا يلله""
قلت بٲبتسامه واسعه""خلاص خلصت بس جيب لي ملابس""
..نهاية البارت..
..عافاكم..
..عجايب..
الحمدلله.


..بأذن الله لي حسنه ولك حسنه..
(الله ملاذنا إن سرّ حالنا أو ساء، بـ الله يكتمل الشعور و يستقيم...لا اله الا الله..)

السلام عليكم
مرحبا ي احلااا كاتبه
فديتك اعذريني توني اقرا البارتات
والله كان عندي مناسبة ملكة اخت زوجي
وانحسنا فيهااا هههههه
بس جيت ولقيت شيء اسميه ابداع ماشاءالله عليك
ربي يعطيك الف عافية
ويازين ليثت وتاج ي حبي لهن والله
لك ودي
نوني

اللهم أغفر لجميع موتى المسلمين ونور قبورهم وأجعلها روضه من رياض لجنه

غفر الله لوالدي ووالدك واختك واسكنهم فسيح جناته



اليوم في تطووور في تصرفاتها قدرت تمسك لسانها شوي ..وانشغلت بدوامها

صراحه ليث يوضح لها من البدايه ان مكانتها نفسها تبقى

لكن هي تحب تعيش نفسها بوهم أكبر ولازم الكل تحت أمرها

مممراا متأمله بليث يجيب لها ملابسها صدق بزر هههههههههه

ربي يسلمك ويحرم ايديك عن النار ألف شكر لك جوجووو