ان شاء الله تستمتعون بالقراءه..
..البارت الواحد والاربعون..
لما شفته حرك السياره وهو مارد علي
هذي مو اول مره اسٲله عصبت الموضوع يعني لي كل شي وهو يطنش ولا كٲنه يسمعني
مسكت معصم يده وسحبتها علشان الفه علي وانا اقول""اسٲلك انا""
سحب يده واللتفت علي ببرود وقال""حركات الاطفال الي تسوينها مع عبدالرحمن ماتمشي معاي اش هذي التفاهه الي سويتيها بمجلس ابوك""
بدل مايرد علي سٲل بعدين اش قصده بالحركات ماتمشي عليه واي تفاهه يتكلم عنها
قلت وانا مايهمني الا موضوع واحد""قسمنا بتلغيه ولا لا هذا سؤالي""
واخذت نفس لاني قلتها وانا ماسكه اعصابي لاخر درجه علشان مااصرخ وادخل الكلام راسه بالقوه
قال""ايوه بلغيه والحين زاد اصراري اكثر اذا قسمك مثل اطباعك ماادري كيف ابوي فكر يوظفكم""
اطباعي واخلاقي وتصرفاتي وافكاري وكلامي كلها ماتعجبه
يعني الكلام الي بقوله الحين ماراح يزيد شي اساسا مايهمني
عدلت جلستي وقلت""هذا انت قلتها ابوك وظفنا وهذي شركته هو الي يقرر مو انت واذا شفته اليوم راح اكلمه""
انصدمت لاني نويت استفزه واني انتظرت كلامه يعني تعليقه ولا قال حرف
اش قصده كلمي ابوي وشوفي انه نفس الفكره
توقعت يعصب لاني قلت الشركه لابوه بمعنى مالك دخل ولا علق
رجعت ظهري اكثر وطالعت بالطريق وانا احس بٲحساس مو حلو ابدا بدرجات
اول شي ان مافي امان بتصرفات ليث احسه ماينفذ شروطي بطريقتي وهذا الشرط قاله ابوي له
كٲنه يلعب فيني بعدين كيف اقابل صاحباتي وانا مااقدر اغير رائيه مثل ماالمفروض يصير بما اني عروسه
وكيف امشي ع مخططي حتى استلم المبلغ الاخير
مااقدر اجلس في البيت ولا اتوقع القى وظيفه بسرعه
رجعت طالعت بليث وقلت بهدوء احاول اقنعه ع الاقل فترة ثلاثه شهور""من تجربه وحده بتقرر احنا لنا سنوات نشتغل بهذي الشغله وعندنا خبره حتى لو قل حماسنا بس علشان لهم اول شهر حطو كل طاقتهم بهذا الشهر المفروض مثل ماهم يدرون انه اختبار احنا بعد ندري متى يبدا ومتى ينتهى و ع كلام مدير قسمنا ان لهم اسبوعين بس ليش هذا الظلم""
لما خلصت كلامي بثواني
اخذ علي لمحه ورجع يطالع الطريق بدون مايعلق
انا مااعرفه علشان افهم ان سكوته ان مافي امل والسالفه منتهيه
ولا سكوته علشان يسمع ويمكن يٲثر عليه ويغير رائيه قلت بٲخر محاوله بعد ماقبضت يدي بقوه""ع الاقل بس هذي الفتره كم شهر مااتوقع الموضوع صعب عليك""
علشان حاجتي عنده مو قادره اتكلم بنبره مختلفه ولا اسلوب ثاني يبرد قلبي
بعد ماعلق اش فيه قلت وانا اضغط ع الحروف بعد مادفعت الهواء كله بضحكه قصيره مسخره""وتقول تصرفات اطفال ماتشوف نفسك""
تكتفت وانا ارجع اطالع قدام مو قادره ابلعه ياثقله
وليش هذا المسافه كلها مسافرين احنا وبكره انا مداومه وخلينا نشوف لاحرجه قدام كل الموظفين
لدخل مكتبه ولا اجلس برا عند سكرتيره العزيز الرايح والجاي يشوفني
معد تكلمت وهو بعد ولا حرف قاله اشوف جوله الي ع الصامت ينور بين فتره وفتره بدون مايرد عليه
يعني هذا مزاج معين ولا تعبان ولا اش سالفته
لما وقفنا عند اشاره فتح قارورة المويه وشرب ورجعها مكانها
وبعدها نزل شماغه وعقاله ع كتفه ومسك المقود بيده الثنتين وتقدم بجلسته وهو ياخذ نفس
طيب تعبان ولا متمشكل ولا طفشان ولا كسلان ولا مشغول لا يحط حرته فيني وبقسمي
راح يستمر ان شاء الله ماراح يكون عندي شغل هذا الشهر غير ان اثبتله ان رائيه غلط بقسمنا
هي فكرتي ماراح اتخلى عنها واشوف احد يجي بمكاني الا برضاي
للحين اتذكر كيف كتبت وفصلت وشرحت هذي الفكره
اخذت مني وقت وجهد علشان تكون بالصوره الي في راسي
اعرف ان الفكره متداوله بس بهذي الشركه لا ماعندها نشاط اكتروني تٲكدت ورحت
وانتظرت دوري علشان اعطيه الملف وهو فكر لمدة اسبوع وبعدها جاني اتصال ورحت وبديت اكون حياتي من هنا
ماابغى يتغير شي يمكن حتى اغير رائي بالمشروع ولا ااخره حتى اخلص من هنا
لما خفف سرعته تقدمت بجلستي حتى اشوف البيت
كان شي ثاني اهم شي واضح الغنى عليه من برا
كيف من جوه تحمست اشوفه
اول ماوقف السياره نزلت بسرعه وانا اطالع بكل شي بعيون تميز الغالي
احب الفلوس واعترف بصوت عالي اذا احتجتو اثبات
شي كذا يعيشك ماتحتاجين احد
ثبتت الشنطه ع كتفي وانا اطالع بكل تفصيله حتى شفته يمشي قدامي مشيت وراه
بعد ماالتفت لشنطة السياره ملابسي اكيد الخدامه هي الي بتنزلها
مشيت بخطوات سريعه علشان اكون قريبه منه لما ندخل
مافتح الباب دق الجرس اش فيه مو هذا بيته ليش ماعنده مفتاح ولا اكيد ناسيه
فتحت الباب خدامه واضح من لبسها وبعد من كلامه لما قال لها""في اغراض بالسياره جيبيها""
واعطاها مفتاح السياره انتظرته بفارغ الصبر يدخل
علشان ادخل وراه واشوف البيت من جوه
دخلت البيت وانا اقول بنفسي بٲخذ واحد مثله بعدين ان شاء الله
نزلت الطرحه ع كتفي وانا احاول ماابين انبهاري لان شفته يطالع فيني
قال بعد ثواني""هذا دور ابوي احنا دورنا فوق""
حركت راسي بطريقة طيب بدون مااتكلم
ومشيت وراه وانا بعيوني ادور لابوه بعد بقول له سالفة الشغل بس خليني اشوفه
زاد اصراري ع قوله
طلع الدرج وانا طلعت وراه كان واضح من اول خطوه ان الدور الاول افخم بمراحل من هذا المكان البسيط
عادي جدا مايسر العين مثل الي تحت
اخذت نظره ع الدرج ورجعت طالعت بالصاله الكبيره الي فيها اربعه ابواب من الجهات الاربعه
وفيها كنبات والتلفزيون بس مافي التحف الي تحت ولا الزوايا ولا السجادات كل الارض مفروشه بلون واحد ماحبيته مثل الرخام الي تحت
ليش الظلم هذا ابغى اسكن تحت احلى
مشى ليث وانا اطالع بالتفاصيل بتركيز علشان كذا ماانتبهت عليه حتى فتح باب وطلع صوت
ودخل وترك الباب بعده مفتوح مشيت وراه بفضول طبعا ماراح انام حتى اشوف البيت واحتمال كبير انزل اشوف الي تحت بعد
بدون مايحس ليث بشي الفضول جرني لان يمكن ينام ليث ويقفل الباب ومااشوفها
علشان كذا بشوفها بسرعه وبعده كيفه يقفل الباب ولا لا
وقفت عند الباب بعد ماسحبت طرحتي من حول رقبتي وانا اطالع بليث الي جالس ع واحد من السرر وفاتح درج جنبه ومنحني بظهره عليه
ماغلط قلت واحد من الاسره لان في هذي الغرفه الواسعه سريرين بس مو جنب بعض كل واحد يبعد عن الثاني بمسافة ست خطوات تقريبا ولا اكثر
قال وهو لسى يقلب بالدرج""هذي غرفتنا(طلع حبوب من الدرج وسكر الدرج وهو يكمل)شوي وتجي اغراضك رتبيها كيف ماتحبين""
..نهاية البارت..
..عافاكم..
..عجايب..
الحمدلله.



..بأذن الله لي حسنه ولك حسنه..
(سبحانك ربي إذ جعلت في ذكرك حياة للروح وسعة للصدر وراحة للعقل،لا إله إلا انت سبحانك إني كنت من الظالمين )

ان شاء الله تستمتعون بالقراءه..
..البارت الثاني والاربعون..
قال اخر كلمه بصوت منخفض لانه يقوم من السرير
يعني سريري الثاني ذاك الي قريب من الشباك الكبيره ذكرني بالفندق الي استٲجرنا فيه كذا شباكهم كبير بس مافي مناظر حلوه هنا
بعدت عن الباب حتى يمر وطالعت فيه حتى فتح باب ودخل وواضح من دولابه انه مطبخ
ليش غير الي تحت مافي اي شي فخم
دخلت الغرفه وانا اقلب بشفايفي بعدم استحسان
مشيت وجلست ع سريري ورميت الطرحه والشنطه جنبي وانا اطالع حولي
انزل ولاانتظر ليث ينام اخذت الشنطه فتحتها وطلعت الجوال علشان اشوف الساعه كم الحين
كانت عشره ونص اتوقع حتى ابو ليث لسى صاحي
متذكره كلام امي ان بنسكن مع ابوه وهو وحده في البيت وولده الكبير جهاد هو وزوجته بعد مو هنا
يعني تقريبا بيتي
رجعت ظهري وطالعت بالسقف وانا اثبت نفسي بيدي الثنتين عدلت جلستي لما شفت بطرف عيوني ليث يدخل الغرفه
طالعت فيه وانا اتكتف كان الشغل شاغل راسي وهو الي كنت افكر فيه بكل ثانيه من طالعت بالسقف
دخل الغرفه ومشى بالتجاه الباب الثاني اكيد الحمام بس لما ماسكر الباب اكيد مو حمام
وقفت بستغراب ومشيت حتى دخلت وشفت غرفه وسط تقريبا بس فيها دولاب كبير مره بعرض الجدار كامل وفيه مرايه بطولي بالزاويه شكلها مو طبيعي حبيتها قبل مااروح الدوام بشوف شكلي هنا وفيه باب مسكر مقابل لدولاب هو الحمام اكيد الي دخله
تقدمت خطوتين وفسخت عبايتي ورميتها ع الارض قريبه من الدولاب ووقفت قدام المرايه بس لما سمعت ليث يفتح باب الحمام اعطيت المرايه ظهري وتكتفت وانا اطالع فيه
طلع وسكر الباب وراه بعد مااخذ نظره سريعه علي وطلع للغرفه
ياربي من هذا الشخص مافي اي حماس
رديت اعطيته هو ظهري هو الي يستاهل مو المرايه
وفتحت شعري ولعبت فيه شوي مره ارفعه كله ومره احطه ع كتفي ومره انزله ع وجهي اشوف كل الاشكال كٲني اول مره اشوف مرايه
بس الصدق مو بهذا الحجم
اخذت نفس ولميت شعري وانا ماافكر غير اخذ دش وانام
بس وين ملابسي لفيت لقيت ليث نايم ع نفس وضعيته
مشيت حتى طلعت من الغرفه وشفت اغراضي عند الدرج مع شنطه سودا حجمها وسط اكيد حقت ليث الي مسافر فيها
فكرت افتحها واشوف اش فيها فضول بس غيرت رائي مالي دخل فيه مو كافي علشان كلام شك اني سرقت كيف لو شاف الدليل اني فتحتها والله الا ملبسني السرقه
مع انه يستاهل السرقه صراحه
مشيت وشلت نص اغراضي ودخلتها غرفة المرايه مثل ماافكرت اسميها لو يسمعني عبدالرحمن كان قال بصوته الشجي بنت فقر
ابتسمت وانا ارجع للباقي وحطيتها جنبها
جلست بالارض وانا افتح بااغراضي بكره اذا كنت مداومه ان شاء الله بقول للخدامه ترتبها انا مافيني
وبعدين حتى لو فيني بتدلل شوي
اخذت بجامه مع اغراضي الباقيه ودخلت الحمام واخذت دش خفيف وسريع وطلعت
مو بس من الحمام حتى من الغرفه لانها بارده اخذت جوله استكشافيه ع البيت
بديت بالمطبخ الي ماادري ليش رجع قفل بابه مين يقفل باب المطبخ لازم يكون ع طول مفتوح
كان عادي مثل ماقلت اول بس في تفاصيل اعجبتني مثل ماركات الاجهزه وبعد لما فتحت الثلاجه فيها مالذ وطاب
تفرجت فيها شوي واخذت لي شوكلاته لقيتها وماقدرت اقاومها مع اني فرشت اسناني وبنام
بس نفسي فيها بقوه وانا ماارد نفسي
وبعدها فتحت الباب الثاني كانت بعد فيه جلسات من نوع ثاني غير الي بالصاله حبيتها اكثر مع انها رسميه وحقت جلسه معتدله اكيد للحريم
يعني كٲني بستقبل احد هنا تحت ومافي غير تحت
خليت الباب ورحت للباب الثاني بعد باب غرفتنا كان حمام
رجعت سكرت الباب بس كذا خلصنا البيت ياصغره
بيتنا اكبر غرفه لامي وابوي وغرفه لي وغرفه لجدتي وغرفه لعبدالرحمن والمطبخ وغرفة الاستقبال غير الحمامين والصاله طبعا
اخذت نظره ع التلفزيون هو حلو البيت بس مو مثل ماتوقعت
رجعت الغرفه بنام علشان الدوام اقوم له نشيطه
نزلت شنطتي وطرحتي بالارض من جهة الشباك وطالعت بليث نايم منجد الرجال شكله كان تعبان
يمكن علشان كذا قال هذاك الكلام علشان يعصبني مثل ماعصبته في المجلس مع اني ماسويت له شي
بس هو قال اش التفاهه الي سويتيها
انسدحت واعطيته ظهري والجوال بيدي شفت الساعه كم وعدلته الساعه اربعه بقوم اتجهز لازم يكون شكلي غير
مثل لما رجعت احلام بعد اجازتها
حطيت الجوال تحت المخده وغمضت عيوني
بس من حماس التفكير اش بسوي واش بقول وكيف ببين لهم
خلاني اتم ساعتين صاحيه مابقي لساعه اربعه الا ثلاث ساعات ماادري كيف بقوم وانا بعد صاحيه من بدري
اعتمدت ع المنبه بس ماصحيت الا لما حسيت الشمس مركزه اشعتها بعيوني
فتحت عيوني وانا اتٲفف من حدتها
بس اول مااستوعبت كل شي طالعت بسرير ليث وشفته فاضي
جلست وانا ابعد مخدتي من ع سريري بس مالقيت الجوال مكان ماحطيته البارح
دورت حولي ع السرير وانا ارفع شعرات نازله ع وجهي
ورجعت ورا شوي يمكن يكون تحتي وينه ياربي
ابغى اعرف الساعه كم الحين تٲخرت ولا لا وليش ليث مو بسريره
لا يكون سبقني بس ابغى نروح سوا بنفس السياره
هذا اول يوم لنا
طالعت تحت بالارض حول السرير اول ماشفته
مديت يدي واخذته وانا منحنيه بظهري علشان اقدر اوصل له
شفت الساعه وانا اعدل جلستي كانت ثمانيه وكم دقيقه
قمت بسرعه من ع السرير ودخلت الحمام بعد ماتذكرت ان جوالي بيدي وحطيته عند باب الحمام في الارض
ودخلت وضيت وطلعت صليت الفجر
وبعدها فتحت الشنطه الي لقيتها مسكره
اكيد ليث انا متذكره تركتها مفتوحه البارح
بس شكله يحب الترتيب اخذت لي لبس حلو
يعني لبس مريح للحركه وغير عن الي البسهم دايما
عبايتي وشنطتي هي المهمه بسرعه غيرت وبعدها دخلت الحمام اغسل وجهي زين
ونشفت وجهي وطلعت شنطة الكياج الصغيره ماكثرت ولااخذت وقت طويل بس ضروري اليوم
مشطت شعري بسرعه ولميته وطلعت عبايتي الجديده
والشنطه والحذياه كلها تبان فخمه لبست كل شي وطلعت من الغرفه بعد ماحطيت جوالي بالشنطه
..نهاية البارت..
..عافاكم..
..عجايب..
الحمدلله.


..بأذن الله لي حسنه ولك حسنه..
يالراحلين .. الله يطيب ثراكم ويزيدكم من نوره نور ♡ يالراحلين.. الله يعلي مقامكم ويجعل لكم رحمه وفردوس وسرور♡ امين يارب العالمين..

ان شاء الله تستمتعون بالقراءه..
..البارت الثالث والاربعون..
طلعت لصاله وماشفت احد موجود اكيد الساعه يمكن تسعه الا
مو معقوله يكون في البيت نزلت بخطوات سريعه وانا اقول بصوت عالي""وقفي وقفي بنزل لك""
كانت نفس الخدامه الي فتحت لنا الباب شكل ماعندهم الا هذي
قلت لما قربت منها""ابو ليث هنا""
حركت راسها بطريقة لا قلت""وينه طيب""
قالت وهي تٲشر بيدها بطريقة طايره""سافر""
حركت شفايفي وانا اصغر عيوني واطالع بيدها بتفكير
علشان كذا امس مااهتم ليث لما قلت بقول لابوه
قلت وانا ارجع اطالع بوجهها""طيب وين السياره ابغى اروح الدوام تٲخرت""
حركت راسها بطريقة طيب ومشت بتجاه الجلسات وانا اتبعها بعيوني
ولسى واقفه بمكاني لما رفعت السماعه عرفت انها بتكلم السايق
قلت لها""قولي له بسرعه بنتظره عند الباب""
بس لما وصلت عند الباب غيرت طريقي
ودخلت من الباب الكبير الي مقابل له الثلاجه
لما دخلت شفت وحده واقفه عند النار ماادري اش تسوي
بس يعني ماطلعت خدامه وحده عندهم
فتحت الثلاجه وتميت اطالع فيها وقت ماني عارفه اش اخذ
نفسي بعصيري الغازي المفضل ونفسي اكل بيض
فطلعت وحده واعطيتها للي واقفه عند النار وقلت لها بٲبتسامه""بسرعه لو سمحتى(اخذتها وانا اتلفت ادور لتوست لما مالقيته)وين التوست""
اشرت بيدها عليه اخذت من التوست ورجعت
فتحت الثلاجه علشان الجبنه دهنتها وطلعت علبة العصير
وسكرت بابها برجلي واصبعي في فمي لما شفتهم يطالعوني بستغراب
قلت بمثل استغرابهم""اش فيه""
لفت الي تسوي لي البيض وقلبته للجهه الثانيه والثانيه فتحت الدرج الي عندها تدور شي
رفعت اكتافي بعدم اهتمام وقربت منها
وقلت وانا فاتحه التوست""خلاص حطيها هنا شكرا""
طالعت بالثانيه وبعدها اتبعت كلامي وحطتها
سكرت التوست وفتحت العصير
وطلعت من المطبخ بعد ماقلت""قلتي له لا يتٲخر(لما شفت نظرة عدم الاستيعاب عليها كملت)السواق""
حركت راسها بطريقة ايوه بسرعه
فتحت الباب وانا حاضنه العصير بذراعي وطلعت
بعد ماغمضت عيوني شوي من اشعت الشمس لما فتحت لقيت السياره واقفه عند الباب
فتحت الباب بنفس الطريقه ودخلت السياره وسكرت الباب بعد ماثبته بين رجولي قلت له""حرك ع الشركه طبعا""
بدون مايسٲل قلت وكٲن ليث راح يسمعني الحين من نبرة الاصرار هذي المتكلفه
لما كملت اكلي نفضت يدي واخذت اخر رشفه من العصير وحطيته بمكانه المخصص
ثبتت طرحتي عدل وطالعت بالسياره بنظره تقييميه زوجة ليث لازم انزل من سياره حلوه
مع ان الكل بشغله محد راح يشوفني كان ودي انزل من نفس سيارة ليث
بس يلله عادي كذا البنات يشوفوني مدلله وقت ماابغى اجي مو ضروري وقت الدوام الرسمي
مع ان اجازتي انتهت
بيتنا اقرب لشركه اكثر بمسافة عشر دقايق تقريبا
لما وقف السياره قلت له""اعطيني رقمك علشان اذا خلصت اتصل عليك""
قال""انا انتظر هنا""
تكفى يعني ماتبغى تعطيني رقمك والخدامه تعرفه اتصلت من التلفون يعني حافظته
قلت بعد ماطلعت جوالي من الشنطه""ماسمعت اول رقم عيد""
نقلي الرقم بدون اي كلمه ثانيه ماالعب انا
سجلته وفتحت باب السياره بس قبل مااطلع اخذت لي رشفه مره ثانيه من العصير وطلعت
وسكرت الباب ورفعت راسي اطالع بالشركه بنظره بنظره ثانيه
بنظرة الناس انها لزوجي صح هي كلها فتره وتنتهي بس انا ناويه استمتع بكل لحظه ان شاء الله
مشيت بخطوات هاديه وانا رافعه راسي
خالد لما سمع بس بالخطبه تغيرت معاملته كيف الحين ادخل وانا زوجته
بس انا ماراح اتغير هو السبب بهذا الاختبار لقسمنا من توظف وانا عارفه انه ضد عمل المرءه
ماراح يتغير علشان كذا ودي اشوته من هذا المكان
وبحاول ينقلونه بمكان ثاني ولو برا الشركه احسن
هذا اول خطواتي ان شاء الله
مشيت ودخلت وكل الي شفتهم بطريقي صبحو علي وباركو لي
صرت معروفه الحين من كل فرد بالشركه
لما وصلت عند مكتب خالد بطٲة مشيتي
تعمدت كذا علشان يكثر كلامه حتى امر من عند مكتبه
وطبعا بدون مااعطيه وجه ولا ارد عليه
ومنجد اول ماشافني وقف
وقال""صباح الخير ومبروك لزواجك تتهني فيه يارب ويتم طول العمر ان شاء الله""
كنت ناويه مااعطيه وجه بس كلامه استوقفني
مافهمت عليه توقعت غير هذا الكلام
قلت وانا اتكتف قبل ماامر من عنده بنظرة علو
انا ناويه صح ابين اني غير بس قدام خالد يتضخم ويبالغ هذا الاحساس""اش تقصد بكلامك""
حرك اكتافه بطريقة عدم اهتمام وجلس بدون مايقول حرف واحد
خفت انه يعرف بشي عن اتفاقنا انا وليث الي مايعرف عنه الا عبدالرحمن
وطبعا هو ماراح يوصل لخالد معقوله ليث قال له ولا عرف بالصدفه
كل الناس كلهم من اولهم لاخرهم يعرفون الا هو الا خالد الا هو
رجعت خطوه ورا وانا مركزه بملامح وجهه بس مااعرفه زين علشان افهمه
يعني كذا بيعتبر ماسك علي شي وبيهددني طول الفتره هذي ولا بيتشرط ومن اول يوم بعد
لفيت وانا اثبت الشنطه ع كتفي بدون ماابين احساسي
وقلت وانا معطيته ظهري""بصبح ع ليث يعني اذا تسٲلت""
مشيت لمكتب ليث بخطوات حاولت ماابين فيها العجله
ابتسمت بوجه الكل حتى دخلت عند سكرتيره قلت""ليث جوه""
قال وهو يوقف""جوه استاذه تفضلي""
فتحت الباب بدون ماادق
اذا قال السكرتير تفضلي اذا ليث مو معترض
..نهاية البارت..
..عافاكم..
..عجايب..
الحمدلله.



..بأذن الله لي حسنه ولك حسنه..
(تخيّل لو لم يبقى معك من نعمِ الله إلّا الذي شكرتهُ عليها .. بالأمس ؟ - كم نحن مقصِّرون بالشكر..ربي مااصبح بي من نعمت او باحدا من خلقك فهو منك وحدك لا شريك لك لك الحمد ولك الشكر)