يلا جيجي انتظر ودابحني النوم ‏

ان شاء الله تستمتعون بالقراءه..
..البارت التاسع والثلاثون..
تتلفت تدور عليها ماتدري اش سويت انا
لما استوعبت الموضوع نزلت من الدرج بسرعه بدون ماارد عليها
مع اني كنت متٲكده وشفت السياره لما طلعت الا عندي امل اوقفها
وقفت اخذ نفس واطالع بالشارع الي طلعت منه السياره
قالت البنت الي شكلها لحقتني""وينها""
قلت من بين انفاسي""هي تعرف طريق بيتكم""
حسيت اني ورطت نفسي بقوه من متى انا مهتمه بالناس ولا بضروفهم اش معنى اليوم الا اساعدها
شكلها مااستوعبت نزولي بسرعه ولا وقفتي هنا قالت""لا وينها""
بلعت ريقي وانا احس اني اضيع وقت
لو قلت لها بسرعه بلقاها بوقت اقل
فقلت بختصار وانا اطالع بالسيارات يمكن سايق التكسي يرجعها""قالت تعرف طريق بيتها وانها جات وحدها فساعدتها اوقف لها تكسي""
وقفت قدامي وقالت بعدم استيعاب""كيف يعني""
قلت وانا مستصعبه الموضوع الحين كيف ترجع
يمكن ينزلها في مكان وهي بتمشي ولا بتنتظر احد ماادري بس الي اعرفه اني بمشكله كبيره
""طلعت بسيارة تكسي""
رجعت خطوه ورا وهي تقول بصدمه""احلفي""
قلت وانا اشر ع الطريق""والله طلعت من هنا""
حطت يدها ع خدها من فوق النقاب وهي ترفع الجوال وشكلها بتكلم احد
شوي وقالت بصوت واضح فيه الخوف من الرجفه البسيطه""سامي امي طلعت بتكسي مدري وين راحت""
حطيت يدي ع خصري ويدي الثانيه امسح فيها خدي وانا الف عنها بجسمي كامل
وين بنلقاها جات في بالي فكره
اللتفت عليها وقلت وانا ادعي انها تقول ايوه""عندها جوال""
حركت راسها بطريقة لا وهي تسمع كلام الطرف الثاني
يعني لو عندها بدل ماتدق ع هذا دقت ع امها
حسيت نفسي مسئوله عن الموضوع ماراح ارجع حتى ترجع امها
حاولت القى فكره تساعدنا انا لو اعرف رقم لوحة السياره كان خليت عبدالرحمن يدور عليها
ع طاريه يمكن يعرف طريقه ولا شي يساعدنا
طلعت الجوال من الشنطه وبعدت كم خطوه عنها ودقيت ع عبدالرحمن اول مارد قال""ها خلصتو""
قلت بسرعه""لا لسى بس اسمع عبدالرحمن في حرمه كبيره عندها الزهايمر طلعت بتكسي تعرف كيف نخليها ترجع ولا ن....""
قاطعني وهو يقول""وش دخلك انتي خلصي امور امي واتصلي""
كان واضح من كلامه انه بيسكر رجعت قلت بسرعه""عبدالرحمن والله الموضوع ضروري انا الي وقفت لها التكسي كانت واقفه عند الصيدليه وانا الي استفسرت منها وقلت لها اهلك معاك ولا وحدك قالت انها وحدها وقلت لها بوقف لك تكسي تروحين البيت انا السبب لو سكتت كان جات لها بنتها بعد دقيقه وحده وابغاك تح....""
سكتت لما سمعت صوت البنت تقول بصوت عالي من القهر""وش دخلك انتي ها وش دخلك(اللتفت عليها ونزلت الجوال عن اذني)غبيه و......و......(سبات)والله لاشتكي عليك لا اخلي....""
قاطعها صوت رجال يقول""بس""
طالعت فيه كان يمشي بخطوات سريعه وقف جنبها وحط يده ع اكتافها
وهي تقول""هذي البنت(وهي تٲشر علي بدون ماتطالع فيني)هي الي خلت امي تطلع بالتكسي""
قلت بسرعه ابرر عن موقفي""والله كانت وحدها وكنت ناويه اساعدها بس وهي قالت انها وحدها و....""
سكتت لما قال الرجال للبنت""الشمس حار ادخلي جوه وانا اتصرف ماعليك والله ارجعها لك""
تو انتبه ان الحين الظهر واحنا واقفين في الشمس الحاره هذي
وانتبهت بعد انه ماسمع كلامي ولا اهتم يعني مو حاط المسئوليه علي
وهذا ريحني شوي صراحه بس كيف بيتصرف
كنت واقفه مكاني اشوفهم هي تحرك راسها بطريقة ايوه وهو يتكلم معاها بصوت منخفظ ماسمعتهم
وماتحركت لما شفت البنت طالعه الدرج انا بنتظر هنا حتى ترجع
سمعت جوالي الي بيدي يدق رفعته كان عبدالرحمن قال اول مارديت""غبيه انتي لو لما سٲلتك قلتي ماشفتها وخلاص""
قلت بعصبيه من الموقف بكبره""اذا مابتفيدني سكر""
قال""بسكر""وسكر الخط
نزلت الجوال وانا اطالع بالرجال الي سمعتها تقول له سامي وانا اقارن تصرفه بتصرف عبدالرحمن وطبعا كان سامي هو الي ناجح بهذي المقارنه
مسكت جوالي بيدي ماحطيته بالشنطه فكرت ان احتمال احتاجه بسرعه
قلت افيده لما شفته يطالع بالطريق بدون مايتصرف مثل ماقال""طلعت السياره من هذا الطريق(واشرت ع المكان)والحين الطريق زحمه اكيد مابتكون بعدت مره""
قال بدون مايلتفت علي لانه طلع جواله من جيبه""تعرفين رقم اللوحه ولا اي ساعه بتمام الي وقف التكسي""
قلت بستغراب من سؤاله عن الوقت""لا والله بس يمكن قبل خمس دقايق بالكثير""
قال""ادخلي خلاص بتصرف""
قلت بأهتمام حاسه اني المسؤله""كيف بتتصرف""
اللتفت علي وقال""ادخلي ماعندك احد من اهلك ينتظرك جوه""
تذكرت جدتي صح يمديها قلقت علي
قلت مع ان اسلوبه كان واضح انه انقلعي""الا بكلمها وارجع""
قبل مايتكلم مشيت بخطوات سريعه ودخلت لجدتي غرفة الانتظار
وقلت لها الي صار بالتفصيل قبل ماتتكلم حتى علشان مايضيع الوقت
وقلت بتتفهم وضعي وبتتفهم اني السبب ولازم اتاكد ان كل شي تمام
بس هي بدت تخاصم وبصوت عالي بعد ان وش دخلك انتي وماتسيبين احد بحاله واني راعية مشاكل
اعطيتها الابره بالكيس واعطيتها جوالي قلت اذا احتجتي شي دقي ع عبدالرحمن
ومشيت من عندها ولسى اسمع صوت خصمتها
طلعت برا المستشفى ووقفت نفس المكان الي كنت فيه
وماكان سامي موجود ماادري اش يسوي جات في بالي فكره
مشيت للحارس وسٲلته اذا عنهم ناس متعاونين معاهم معينين يمكن هو الي كان يسوق اليوم
فرحت لما قال ايوه اعطاني ارقامهم يمكن عشره
حسيت اني سويت شي رجعت ودخلت ووقفت عند الباب انتظر اشوفه ولا اشوف البنت
خمس دقايق كذا وشفتها رحت لها بسرعه
وقلت قبل ماتتكلم""معاي ارقام تكاسي دايما يشتغلون هنا""
بدون ماتكلمني رفعت جوالها
ودقت ع سامي اكيد وقالت له نفس الكلام الي قلته لها سكتت شوي تسمع كلامه
وسكرت بعد كم كلمه بنسبه لي بدون معنى وقالت""خلاص عرف رقم اللوحه من كاميرا المستشفى""
اعجبني تفكيره وذكائه ابتسمت وانا اجلس بعيد عنها بكرسي
كذا تقريبا انحلت بس يمكن يكون نزلها في مكان ولا شي بنتظر هنا حتى اتٲكد
ماتكلمت مع البنت لاني عارفه انها كارهتني طبعا مع اني كنت ناويه اساعد وهذا انا احاول اساعدهم ماتهربت
يمكن بعد نص ساعه من الملل وانا اتلفت يمين ويسار من غير معنى حتى جاء اتصال للبنت
ردت وتمت وقت ساكته وبعدها قالت""الحمدلله،وينكم طيب،انتظرك،ع اتفاقنا،مع السلامه""
قلت""لقيها""
قالت وهي توقف""ايوه وحاولي بعدين ماتساعدين احد""
الغلط علي الي جالسه للحين ومهتمه اساسا مثلي مثلها
الا انا اكثر حاولت وهذي جالسه هنا من اول
الا سامي هو الي تصرف لا تسوي فيها
انقهرت من اسلوبها بس هذي امها ومن حقها انا لو مكانها اتوقع امد يدي
يلله انتهينا من هذا الموضوع الحمدلله وخلاص ماراح افكر فيه
بس هذي البنت ماحبيتها صراحه
رحت لجدتي لقيتها للحين مارجعت عند الدكتور تنتظرني شكلها او ماعرفت تسوي شي
دخلتها عند الدكتور بعد مااخذت جوالي وانا مستغربه انها ماخاصمت ماتذكرت موضوع الابره الي مو في الصيدليه الا واحنا طالعين من القسم
دقيت ع عبدالرحمن اسٲله وينه ويقرب السياره لجدتي
وسكرت بدون مااعطيه فرصه يتكلم طلعنا مع بوابه ثانيه غير ذيك الي عند الصيدليه مع انها الاقرب بس علشانها درج
نزلت جدتي وانا اشوف عبدالرحمن يقرب السياره ساعدت جدتي وركبتها قدام وكرسيها حطيته ورا من جهة جدتي
ولما اخذت اللفه علشان اركب ورا عبدالرحمن شفت سامي وهو يفتح باب السياره بيدخل
اعجبني هذا الرجال بصراحه ماادري ذيك البنت اخته ولا زوجته
ركبت السياره وحرك عبدالرحمن قبله قال عبدالرحمن بضحكه""ها تاج حليتي مشكلتك الكبيره""
وين سامي ووين عبدالرحمن قلت بحقد""اتفاقنا امس والي ناوين نتغدا اليوم برا احتفالا فيه والله مااساعدك ولا بحرف دبر نفسك""
قال عبدالرحمن""يا ما ساعدتك جات ع هذي المره اساسا انا عارف من زمان ان مامنك فايده""
ماعلقت ع كلامه لانه جدتي مااعطتني فرصه ايدت كلامه وزادت عليه
قلت""انا الي اليوم خلصت امورك وولدك هذا مرتز بالسياره واساسا هذي سيارتي""
قهروني بكلامهم قال عبدالرحمن""تزوجتي واحد غني قلت بتعطينا شي دامنا اهلها كل الي شفته منك ساعه ونظاره وبعد قديمه واساسا تزوجتي انتي ولا لا لسى انتي في بيت اهلك ع فكره""
مديت يدي وشلت النظاره من عيونه ورميتها من الشباك وقلت""الساعه بتلحقها""
لاني شفت ان الساعه مو لابسها
قالت جدتي""متى بيجي رجالك لا تفضحينا بين الجيران اسبوع ورجعك بيت اهلك اكيد شاف فيك بلا دامه يدق عليك في امل قولي له يجي يشيلك""
ضحك عبدالرحمن ضحكه استفزازيه كانه يقول ماشفتي شي لسى الطلاق في الطريق
انا مايهمني كلام جدتي تعودت عليه بس الي استوقفني دامه يدق عليك
طلعت جوالي وشفت المكالمات المستلمه وشفت له مكالمه قلت""اش قلتي لليث لما دق""
قالت""قلت له دامك تزوجتها تعال شيلها""
ضحك عبدالرحمن واضح انه مقهور اني مابساعده بسالفة الجازي
خلينا نصل البيت ان شاء الله وادق ع ليث دام ان احنا مابنتغدا برا مثل اتفاقنا امس
لو جلست في البيت احسن لي
بس لما وصلنا فكرت ان رساله تكفي كتبت(كنت مشغوله وجوالي عند جدتي)فكرت اش ازيد عليها
ولا ماله داعي ارسلها كٲني اقول الجوال عندي لو تبغى تدق
طيب عادي هذا هو قصدي الجوال عندي اذا عنده شي مهم يدق ولا خلاص
ارسلتها وانتظرت شوي لما ماجاء منه رد
اخذت ملابس ودخلت الحمام اخذ دش بعد الوقفه بالشمس الحاره والتوتر
سمعت الجوال يدق وانا البس فستعجلت بسرعه وقلت""الو""
بٲخر الاتصال وانا اعدل في البلوزه قال""اش اخبارك""
قلت وانا ارجع شعري""تمام الحمدلله انت اخبارك""
قال""اتصلتي البارح كنتي تبغين شي""
هذا هو سبب الاتصال قلت""لا""
ابوي وداوم اليوم يعني خلاص مافي شي
قال""تاج اسمع مشاكلك حتى وانا بمدينه ثانيه""
كان كٲنه تٲنيب استاذ لطالب
قلت بعد مااخذت نفس يعني جدتي قالت له واكيد بكلامها المبالغ الدايم وصفت الموقف اكبر من حجمه""ماصار شي الحرمه رجعت لاهلها""
قال""لو انها مارجعت""
قلت وانا اضغط ع الحروف""بس هي رجعت""
بعد سكوت لثواني قال""لعاشر مره اقولك لا مبالاتك هذي تسبب مشاكل كثير غيري من نفسك""
قلت بدون تفكير""لو انك كنت قريب واتصلت عليك اطلب مساعدتك اش كنت بتسوي""
قال""كنت برد عليك بنفس هذا الكلام انتي السبب""
قلت بابتسامة سخريه""يعني مثل عبدالرحمن ماساعدني بس البنت اتصلت ع سامي وجاها وقال لها انا بتصرف ادخلي وانا تميت واقفه بالشمس الحاره تتذكر زمان لما زرت ابوك المستشفى خليتني واقفه ورحت يعني مو غريبه عليك""
قال""مين سامي""
تجاهل كل الكلام بس مااهتميت اهم شي سمعه قلت""البنت الي امها راحت بالتكسي اتصلت ع سامي""
قال""تفرق لو ان الي راحت بالتكسي مثل ماتقولين امك ووحده غيرك السبب كان وقفت معاك""
قلت""ماتفرق معاك الا طبعا اذا حطيته من ضمن الشروط اسمع ليث انا اليوم مااحتجت احد تصرفت بنفسي وانا متعوده ع كذا فلا تحط في بالك انا دايما سبب المشاكل مثل ماتقول بس انا الي احلها بعد مايحتاج اغير من نفسي من الحين ابريك انا من اي تصرف يطلع مني""
سكرت الخط وانا اخذ نفس بعصبيه بعد مابردت قلبي طلعت كل حرتي فيه
من كلامه من كلام عبدالرحمن وجدتي ومن كلام البنت وحتى من احساسي الي تٲثر لما سٲلته اش بيسوي ورد علي كذا
للحظه فكرت انه بيتصرف غير مو هو الي شل الجواز من الشنطه يعني ماكان اهتمام بتفاصيلي كان تصرف عملي لان حس ان مكانه غلط
اساسا انا اش ارجي من واحد تم اسبوع كامل معاي ولا يدري اش اسوي
يعني الحين بيهتم مثلا
بس لما سمعت صوت رساله بجوالي الي لسى ماسكته بيدي
جاتني عشرين فكره بمضمون الرساله ومن مين بس طلع مكتوب فيها(انا راجع الليله خليك جاهزه)
..نهاية البارت..
..عافاكم..
..عجايب..
الحمدلله.


..بأذن الله لي حسنه ولك حسنه..
بسم الله الرحمن الرحيم
قل هو الله احد()الله الصمد()لم يلد ولم يولد()ولم يكن له كفوا احد

ان شاء الله تستمتعون بالقراءه..
..البارت الاربعون..
طنش كل شي بس بجي اليوم
خلي يجي اليوم ع باله كذا انتهت السالفه ونسيت
والله لانكد عليه حتى اخليه يطلع اخر الليل يشتري هذا البيت دام ماعندي الا هذي النقطه الي اقدر اضغط عليها
مقهوره بس ماادري اش السبب ماهو جديد ان جدتي تخاصم ولا جديد اسلوب عبدالرحمن ولا جديد اني اتصرف بطريقه صحيحه بس تطلع غلط
بس منجد مقهوره اش قصدها البنت بطريقتها معاي انا مااحب البنات المغرورات
طيب هي اش سوت علشان حسيت كذا مالقيت شي بس الي عرفته اني مقهوره منها ماتعرف تتصرف واسلوبها مو حلو ليش تزوجها هذا سامي
لان بعد تفكير بالسياره اكتشفت انه زوجها كان واضح انها مو امه لانه هداها عادي وهو تصرف وحتى كلامه لما قالت له سامي امي طلعت تكسي قال برجعها لك وماادري اش بعد
بس يعني واضح انها تطلب مساعدته لو امه بعد ماكان هذا اسلوبها
وبعد ماخذ امها للمستشفى هذا اذا مو ساكنه معاهم
لو ليث بيرسل من ذيك الرسايل المنسوخه الي من حرفين مشغول ولا في اجتماع مابيوديني المستشفى ولا بيطالع في وجهي
تركت الجوال ع السرير وطلعت بٲكل جيعانه ماتغديت وقرب اذان العصر اكيد بعد جدتي وولدها بيتغدون
لقيت بالصاله امي جالسه وحدها
قلت لها وانا واقفه""وين الغدا""
قالت""في المطبخ احسبي جدتك وعبدالرحمن""
استغربت بالعاده تقول اجلسي واجيبه لك
قلت""اش فيك""
قالت بسرعه وكٲنها ماصدقت احد يسٲلها""ابوك للحين مارجع""
اذا موضوع ابوي فاكيد بتتكلم بدون حتى احد يسٲلها
قلت""اليوم اول يوم يعني اكيد في اشياء كثير يتعلمها""
ماسٲلتها ليش هي ماتتغدا اكيد بتنتظر ابوي
لو هو يبادلها كان قلت عادي
بس كذا حتى مافكر يكلمها اكيد واضح من قلقها انه ماكلمها ولا رد ع اتصالها
ماراح تصبر امي اعرفها بموضوع يخص ابوي
اكيد تحبه كذا لانها ماقد جلست معاه وقت طويل
مايجلس الا يوم في الاسبوع اكيد تشوف الا حسناته وحتى هذا الشغل اذا كل يوم مااستفدنا شي
بقول لليث يقلل وقته لنص ابغاه فتره يجلس مقابل امي علشان تروح هذي الغشاوه الي ع عيونها
وبعدين انرجعه لهذا الدوام
حطيت الغدا لي ولعبدالرحمن وصحن لجدتي علشان اعطيها فوق
فرشت السفره واكلت مع ان امي قالت انتظر عبدالرحمن ع اقل
بس يكفي اني حسبته بعد كلامه وسحبته علي المفروض يخدم نفسه
جاء عبدالرحمن وانا لسى بالبدايه كنت ناويه اخلص وارجعه المطبخ ندمت اني حسبته
جلس وبدا يبغى يخلي جدتي تخاصمني لانه فتح موضوع ليث اش يسوي وليش تٲخر
قبل مااعطيهم فرصه قلت""بيجي الليله""
وانا اطالع بعبد الرحمن بطرف عيوني
وامي لما سمعتني ركزت علي
لان بعد ماخلصت الغداء وصليت دخلت وراي الغرفه
وقالت لي اني البس لبس حلو واهم شي ركزت علي محتشم بتقابلين اهل زوجك
كٲن ملابسي كلها قمصان نوم ماعلقت
قلت ان شاء الله وخلاص
وقالت بعد ماطلعت من الشنطه البس الي تبغاني البسه
قالت بتسوي قهوه وحلا تقدمه
وراحت اولا كان طلعت اللبس من غير كلام دامها بتختار هي اساسا بعد ماراح شنطة ملابسي ذيك ومعد فيه حرية الاختيار تحددت
اسبوع وان شاء الله انزل السوق اشتري لي اغراض دام معاي لهذا الاسبوع جديده علشان الدوام
وثانيا مااتوقع ليث يدخل اتوقع يتصل علي ويقول اطلعي
وصدق توقعي بس الي جد ان وانا البس عبايتي دخلت الغرفه امي
وقالت""شوي مو الحين دخله ابوك المجلس""
توه رجع ابوي وقابله ودخل علشان الشغل لو ابوي مايشتغل لسى كان رص ذاك الكلام بالعذر وطلعنا
رجعت فسختها وحطيتها ع الكرسي وانا اسمع امي تقول""تعالي""
طلعت وراها دخلت المطبخ قابلتني وهي تمد صحن وتقول""القهوه بالمجلس بس بقي الحلا""
قلت بدون مااخذه منها""يمه ماله داعي صدقيني مايهمه هذي السواليف""
سمعت صوت عبدالرحمن من وراي يقول""خلاص اعطيني انا بشيلها""
لفيت عليه بعدم ثقه ووخرت له طريق اخذ الصحن من يد امي ومشى بتجاه المجلس
غريبه اكيد يبغى يتقرب علشان سالفة ابو الجازي
مشيت بسرعه وراه بشوف شلون يتصرف
وفوق هذا والله لخرب عليه
بس خففت خطواتي لما سمعت امي تقول""عدلي شعرك قبل تدخلين""
تذكرت اني لميته بطريقه عفويه لاني كنت بلبس عبايتي
شفت نفسي بالمرايه لمته احلى ماراح افتحه
اساسا الحين بنمشي وماحطيت مكياج بعد علشان بنطلع
بس لبسي الي حسيته غلط بالشكل
بس علشان امي الا ليث سوا اعجبه ولا لا كم شهر واطلق
علشان كذا بٲخذ راحتي واهم شي مايطلع عبدالرحمن هو الكسبان بزواج دايم من الجازي
كان باب المجلس مفتوح دخلت وسلمت علشان ينتبهون لوجودي
لان ابوي يتكلم وليث يسمعه وعبدالرحمن توه خلص وحط الصحن جنبه ع الكنبه
ردو السلام جلست قريب من ليث بس مو لاصقه فيه طبعا يعني مقابله لعبدالرحمن
كذا يبان انها بطريقه عفويه بس انا كنت قاصده علشان اخرب ع عبدالرحمن من قريب
واذا حسيت انه بيبدا في الموضوع بكلم ليث اني بداوم بكره ان شاء الله
حاطه هذا الموضوع قريب علشان بسرعه استخدمه
رفعت حجب وانا اطالع بعبدالرحمن اتحداه و ع طول قال اول ماتعدلت بالجلسه""وينك يارجال تٲخرت واعذرنا ع كلام امي اليوم معاك""
واضحه كان يذكرني ان اتفاق الزواج قصير وان ليث مايبغاني الا اقل فتره يقدر
قال""عادي ماقالت الا الحق انا كنت ناوي ارجع بدري(وطالع في ابوي)بس الشغل مسكني وشفت انت اليوم كيف الشغل""
وجه الكلام لابوي ع باله يدري بالاتصال ويبين الموقف عادي
لو بس عبدالرحمن الي يدري بكل شي كان قال انشغلت
بس بصراحه اعجبني رد ليث ماكلمه
وبنهايه غير الموضوع ابتسمت لعبدالرحمن بستفزاز
مااحتجت اتكلم اشر بعيونه ع جوال ليث فهمت قصده وحركت راسي بطريقة لا وانا ارجع ظهري
صرت كذا مااشوف ابوي لان ليث متقدم بجلسته ومايل بجسمه بتجاه ابوي
حركت شفايفي ببطء""لا تتحلم""
مستمتعه صراحه بهذي الجلسه
اشر ع ساعته الي لابسها الي اعطيته هديه انا
واشر ع ساعة ليث وقال بشفايفه""غاليه""
غصب مسكت ضحكتي وحركت شفايفي""قدره""
مافهم شكله حركت يدي وسويت مسافه صغيره بين يديني بشكل طولي واشرت له
وسويت مسافه كبيره واشرت لليث
وطالعت بطرف عيوني لليث كان يطالع بجواله مانتبه علي
وابوي مااشوفه ورجعت طالعت بعبدالرحمن الي شكله عصب
قال بابتسامه اعرفها زين""اش فيك تاج مستحيه تكلمي مافهمت حركتك قبل شوي مافي احد غريب""
ضحكت من كلامه واضح اني استفزيته منجد
وكذا ارتحت قلت وانا اتقدم بجلستي علشان اشوف ابوي""ابغاه يكلم ليث يخليني بكره اداوم(وطالعت بعدالرحمن وكملت)اذا كلمته انا يمكن يرفض بس لو تكلمونه انتم""
كذا ربحت الجوله عليه ودي اقوله وش رايك الحين
قال ابوي وانا من سمعت صوته طالعت فيه""ارتاحي بكره وبعده داومي""
كنت اشوف بطرف عيوني ليث مابان عليه شي علشان كذا ارتحت من كل الجوانب
قلت""انا لي فتره هنا ومرتاحه الحمدلله""
قال ليث بطريقه عاديه جدا""يمكن الغي قسمكم(طالع بابوي وكمل وانا فاتحه عيوني ع اخرها)خالد مدير قسمهم جاب لي اوراق مقارنه بينهم وبين موظفين جدد تحت التجربه وطلع شغلهم احسن""
تذكرت هذا الكلام لما خالد جاب لنا اوراق بهذا الكلام
اذا ماني غلطانه قالو من بداية الشهر الجديد ولمدة شهر كامل ماله من بدا الشهر اسبوعين
قال عبدالرحمن ماطالعت فيه لسى عيوني ع ليث اعيد كلامه براسي وافكر فيه بس كانت نبرة صوته واضح فيها الشماته""اهم شي الشركه الا الموظفين بيلقون شغل غيره""
حرك راسه بطريقة ايوه بدون كلام
قلت له بصوت منخفظ""منجدك ليث""
طالع فيني لمحه ورجع طالع بابوي
وقال""هذا انت جربت الشغل هذا وانا شفت نتايجه واعجبتني ومحد غيرك يملى هذا المكان داوم كل كل يوم""
كان يتكلم بصدق واضح عليه وكٲنه ماسمعني
يمكن صح ماسمعني قلت قبل مايتكلم ابوي""منجدك ليث بالكلام الي قلته""
قال وهو يوقف""يلله الوقت راح نكمل كلامنا بعدين(وطالع بٲبوي وكمل)يلله استٲذنك""
كمل كلامه وانا لسى جالسه وكنت معقده حواجبي بتفكير
وانا اطالع بالارض احاول احسب الايام صح منجد مر شهر ولا كذب
وكيف البنات يدرون اكيد خالد قال لهم كله من خالد من زمان مااطيقه بس الحين عندي سبب منطقي
لا مستحيل بعد ماتزوجته يلغيه ويروح تخطيطي كله في الهواء الراتب لشغل غير الاتفاقيه لا مستحيل
وقفت بعزم وانا اسمع كلامهم التقليدي وجات عيوني بعبدالرحمن الي شوي ويرقص بحركاته الي يقهرني فيها
طلعت ولبست عبايتي بنتكلم بهذا الموضوع وماراح ينتهي حتى ينسى ليث هذي الفكره وللابد
مو لما قربت للي ابغاه
لقيت اغراضي عند الباب طلعها عبدالرحمن وهو يكعكع اوكي قبل شوي كنا نتحدا بس الحين الموضوع غير في حياة ولا موت بنسبه لي
طلعت السياره وسكرت الباب قبل مايطلع قدرت امسك نفسي وانا اشوفه يركب ويسكر الباب ويشغل السياره
بس اول ماتحرك قلت وانا التفت عليه بكامل جسمي""منجدك ليث""
..نهاية البارت..
..عافاكم..
..عجايب..
الحمدلله.


..بأذن الله لي حسنه ولك حسنه..
(يارب كلما دعتك امي؟ ابسط لها كنوزك وأسعدها وأطل عمرها بعافيه فلا حياة لي بعدها..*!وجميع امهاتكم يارب)