ان شاء الله تستمتعون بالقراءه..
..البارت السابع والثلاثون..
مكتوب فيها(مايحتاج كل شي توصلينه لخالك الاتفاق بيننا وشروطك بتتنفذ)
شفت وقت استلام الرساله كانت الساعه سبعه وعليها يعني ماارسل اول ماكلمه عبدالرحمن بعد ماتكلم عن الشغل مع ابوي ارسل لي
ماراح امسح الرساله وبحفظها في مكان ثاني حتى اوريه اذا تزعزع كلامه
وبعدين ليش كذا جافه الرساله كلام مختصر هذا الرجال عملي بزياده
ابدا مو متخيلته يطقطق ع الجوال بتسليه فاكيد كتبها وعيونه ع الاوراق او الاب
فتحت انشاء رساله وكتبت(كنت اسولف مع عبدالرحمن وتكلمنا عن هذا الموضوع ومااعجبه كلامك مثل ماهو مااعجبني واتصل عليك علشان تستعجل
علشان ارتاح من هذا الموضوع وتمام انك كلمت ابوي كذا بالشغل بس يبي له ضغط اكثر وان شاء الله بيوافق وترتاح امي الي....)
لاحظت اني كتبت كلام كثير ماله داعي لدرجة وصلت لامي
رجعت قريته مره ثانيه ومسحتها كلها
وكتبت(ان شاء الله تكون قد كلامك هذا و....)
رفعت راسي لما شفت امي دخلت غرفتي عدلت جلستي وانا اسمعها تقول""انتي قلتي لزوجك يكلم ابوك""
حركت راسي بطريقة ايوه وانا احط الجوال جنبي
جلست امي ع طرف السرير ومقابله لي وقالت""اذا وافق ابوك(ماقدرت توصف الكلمه بس حركت يدها بطريقة كل شي وكملت)حاولي معاه""
اوكي ابوي مافيه اغلاط اعرفها كثير
بس معقوله يستاهل الحب هذا كله من امي لها كم من ماتزوجت وهي للحين ماعندها شي بالدنيا غيره
ضحت كثير علشانه بدراستها بمستقبلها ماجابت عيال مثل ماتتمنى غيري وهي تبغى عايله علشان ابوي قال لها مو الحين بسبب ضروفه
وهي رضيت حتى صار عندها مشاكل بالحمل بعد مااستعدو
واهم شي هو مسافر كل يوم تقريبا مايجلس عندها مايهتم فيها مايسٲل عنها حتى في البيت انا اشوف كيف اهتمامها باادق التفاصيل وهو مايشوفها تقريبا ابدا
ماابغى اكون في مكانها قلت بابتسامه بطيئه""اكيد ان شاء الله بحاول حتى يرضى""
قالت وهي تطالع في الغرفه""اطلعي سلمي عليه قبل شوي شفتيه موجود ولا سلمتي""
قلت وانا انسدح""كنت خايفه خرعني صوتكم العالي متى كلمه ليث""
قالت وهي تعدل شعري""يمكن قبل ساعه قولي لي اش سويتي بسفركم هذا وكيف ليث معاك""
قلت بٲبتسامه""مو اول مره تسٲلين هذا السؤال وقلت لك ان شاء الله نكررها""
قالت""طيب كيف يعاملك""
قلت وانا ارفع نفسي بذراعي""تمام اش سويتي من فطور""
قامت من ع السرير وهي تقول""تعالي شوفي بنفسك""
قمت وانا اشوفها تشيل عبايتي وتفتح الدرج وتحطها فيها
ابتسمت وانا انتظرها نطلع سوا والله سوتها بعفويه بدون تفكير تعودت تسوي لي كذا
وهي تمشي بتجاه الباب قالت""ع فكره عبدالرحمن كان بيٲخذ لاب قلت له لما تجي اكيد فيه اشياء مهمه لها""
قلت وانا امشي وراها واشوف عبدالرحمن جالس وحده بالصاله معاه الجوال
وتكلمت بصوت عالي علشان يركز معاي ماادري اش فيه ع هذا الجوال مركز فيه""الاب حقي مايٲخذه يتم بغرفتي اذا يبغى شي يدخل غرفتي ويستعمله""
دخلت امي المطبخ وانا اخذت نظره عليه ودخلت وراها المطبخ سٲلت عن جدتي وابوي وينهم
قالت جدتي بتريح شوي وعندها موعد العصر وابوي طلع ماتدري ليش قال طالع شوي وراجع
افطرت وجلسنا شوي وبعدها قامت امي تسوي الغداء
وانا طلعت الاب الصاله وجلست عليه وعلق عبدالرحمن ان تو اقول مايطلع من الغرفه هذا هو بالصاله
بس بعد شوي جلس جنبي وصار يوريني الاشياء المشهوره الي صارت مشهوره علشان هو واصحابه شافوها
وبعد العصر راحت جدتي مع عبدالرحمن وانا جلست مع امي حسيتها حياه طبيعيه مااختلف شي ماكٲني تزوجت ولا شي
جالسه ببيتنا ولا في اي اختلاف
يمكن كذا بعد المغرب اتصل عبدالرحمن وقال ان زحمه وبيطولون وبيتعشون برا ويسٲل اذا نبغى عشى من برا
طبعا امي الي ردت عليه وقالت لا وسكرت وقامت تطبخ في المطبخ ماادري ليش ماطلبت وريحت نفسها تدور الشقى دواره
بعد ماخلصت واخذت دش سمعتها تناديني من غرفتها لما كنت جالسه اتابع تلفزيون
دخلت غرفتها شفتها جالسه قدام المرايه
قالت اول ماشافتني بٲبتسامه واسعه""وش رايك بلون شعري""
صبغة لنفسها قلت وانا اقرب منها""حلو بس لو قلتي لي وديتك مشغل""
قالت وهي تحرك شعرها بيدها""تعودت دايما اصبغ في البيت طيب قولي لي ناسبني""
قلت بصراحه""ايوه والله حلو متى اشتريتيها""
قالت""من فتره بس كنت انتظر الوقت هذا""
ايوه لما يرجع ابوي طيب يمكن مايلاحظ
قلت بمستواى طموحها ترضيه وبس""واذا مااعجبه اللون""
قالت وهي تمشطه""ابوك يعجبه اي شي""
قلت وانا اجلس قدامها ع طرف الطاوله""للحين تحبين ابوي بنفس القوه وابوي شلون""
قالت بٲبتسامه""هو شغله بس الي مخرب علينا اذا استقر هنا بيكمل كل شي حسن مافيه مثله""
قلت وانا ارفع حاجب""ياما تكلمتي ع انه مايهتم بجواله ولا يطمنك ولا يدري عنك"
قالت وهي تسوي مكياج""واذا كلمته ارضاني""
قلت وانا ارجع ورا اكثر""هذا لانك ترضين بالقليل لو انتي تسوينها تنقلب الدنيا""
قالت وهي تطالع فيني""اش فيك تاج""
قلت بستغراب""مافيني شي ليش""
قالت وهي متجاهله سؤالي""ماكنتي تحلمين بواحد مثل ابوك""
قلت بصراحه""مو قصور في ابوي بس لا ماكنت احلم بواحد مثله""
قالت بأبتسامه""ابوك مافيه قصور ابدا(وسكتت ثواني وكملت)انا كنت احلم بواحد مثل ابوي الله يرحمه
مع ان امي ماكانت تقدر تمسك نفسها دايما يتخاصمون قدامنا
بس هو هادي ومتفهم
المهم ابوك ع وصول خليني اخلص واسخن العشى وبعدين نكمل هذي السالفه""
نطيت من ع الطاوله وطلعت من الغرفه بعد ماقلت""انا شكلي طالعه ع جدتي""
طلعت سكرت تلفزيون الصاله ودخلت غرفتي كل احلامي كانت بالمركز وحققته
بعد مااتطلق ادور ع واحد بصفات عميقه
انسدحت ع سرير وبعدت شوي لما حسيت بشي يضايقني ولما طلعته طلع جوالي
تذكرت رسالة ليث من الساعه سبعه تو ارد عليه مستحيل
فتحت الجوال ومسحتها انسدحت ع ظهري وانا ادق ع ليث بدون تفكير بس بقول له يضغط ع ابوي حتى يوافق مو بس اذا قال له كذا يعتبر نفذه يعني بختصار
كنت ادور شي اتسلى عليه
..نهاية البارت..
..عافاكم..
..عجايب..
الحمدلله.


..بأذن الله لي حسنه ولك حسنه..
(الناس يتخلون عن المريض وكان الله مع أيوب الناس يملون الكبير والله مع زكريا الناس يزهدون الفقير والله مع موسى وثق علاقتك بمن لن يتخلى عنك..)

ان شاء الله تستمتعون بالقراءه..
..البارت الثامن والثلاثون..
وماجاء في بالي غير ليث فهو اكثر واحد يستاهل احد يطقطق عليه
سمعت الجوال يرن انتظرته يرد وانا اطالع باظافري مااتذكر متى اخر مره حطيت مناكير فيها
تٲخر ليث ع بال مارد وقال بصوت مكتوم""الو""
كٲنه جالس بكهف ولا مغاره مافي خيار ثاني
قلت باستغراب""وينك ليش صوتك كذا""
قال بنفس الصوت""اش فيه صوتي""
قلت بعصبيه بٲول فكره جات في بالي""من عندك""
ليش يرد طيب اذا يحاول يكتم صوته علشان الي جنبه مايسمع
قال بعد مااخذ نفس بصوت واضح""تاج انتي ماتخليني ارتاح ابغى انام""
ارتحت لما سمعت اسمي يعني ماحوله احد
قلت بملل""نام""
وانا اطالع في الساعه بدري مره حتى جدتي لسى صاحيه ومو في البيت اساسا
سكر الخط بدون مايرد
نزلت الجوال من اذني ودقيت ع عبدالرحمن اسٲله وينهم طولو لو ادري رحت معاهم
قال انهم خلاص راجعين طلعت بالصاله واحنا نتعشى انا وامي وابوي
فتحو الباب وانا اسمع ابوي يقول""خلاص قولي له بكره ان شاء الله بروح""
قالت امي قبل مااتكلم""انت كلمه ليش تقول لها هو اتصل عليك انت اتصل عليه""
قلت بعفويه وانا اشوف امي تقرب جوال ابوي له بفرحه""ليث نايم الحين""
قال عبدالرحمن بغمزه""بوصل امي غرفتها وراجع""
دف جدتي بدون ماتتكلم شكلها تعبت وتبغى تنام
طالعت فيه بعدم استيعاب ورجعت كملت اكلي انا اسمع امي تقول""اذا اكيد بيصحى بدري قبل ماتروح تتصل عليه""
هذا الموضوع وخلصنا منه كليا حتى لو ابوي ترك الشغل بعدين مالي دخل فيه سويت كذا علشان امي وماراح اكررها هو الخسران
قمت اغسل يدي وشلت صحنين بعد ماحطتهم امي بيدي حط الا انا مافكرت
رجعت دخلت غرفتي انسدحت شوي وانا اطقطق بجوالي فكرت ارسل للبنات بس بٲخر لحظه غيرت رائي خلاص بعد بكره بداوم ان شاء الله
وحلو ابين اني مشغوله هذي الفتره ولا جو في بالي حطيت الجوال
وانتبهت ان الاب مو في الغرفه تذكرت انه بالصاله لما طلعت اخذه
قال عبدالرحمن وهو يمسح ع الكنبه جنبه""تعالي""
ما كان احد موجود غيره
طالعت فيه بترقب مو خالي فيه شي قلت وانا اتكتف""اش تبغى""
عرفت من طريقته انه طالب مصلحه قال بٲبتسامه واسعه""اول تعالي ارتاحي""
جلست جنبه وحطيت الاب بحضني وانا اطالع فيه انتظره يتكلم هو اكثر واحد يعرف يلف ويدور اذا يبغى
واكثر واحد يرمي الكلام رمي اذا يبغى والحين مو عارفه اش يبغى
قال""كٲني سمعت ابوك وافق ع الشغل""
يعني يبغى يلف ويدور قلت بٲنتظار""اممم""
كمل كلامه بنبرة استطعاف مبالغه""حتى انا ابغى اشتغل بليل والصبح جامعه ماراح اتركها""
طالعت فيه وانا مستغربه ماعرفته من متى هذا الاهتمام بالمستقبل لا بطريقه واضحه من متى يسعى للمستقبل مو ينتظره يكون جاهز له وينتظره بعد
قلت وانا اصغر عيوني""ليش""
قال بعد ضحكه""مشكله انك كاشفتني المهم هذي الفكره من برا حلوه ماله داعي تعرفين من جوه""
قلت وانا اتكتف""كٲنك طلبت مساعدتي اذا ماني غلطانه""
قال وهو يطالعني بطرف عيونه""انا ابغى اقول لك علشان تسهلين لي لو ماابغى اقول ماتقدرين تخليني اتكلم""
قالها بنبرة صوت قويه بس عرفت ان هذا الكلام يعزي نفسه فيه
قلت باهتمام بافكاره الغريبه""المهم""
قال بعد ماالتفت حوله بهذي الطريقه زاد الموضوع اهميه""ابغى اشتغل بس مو في شركة ليث ابغى ابغى بشركة زوج خالته""
قلت""ليش اش مجالهم""
قال بعد ماضربني بطرف اصابعه ع كتفي""غبيه انتي مايهم المجال بس الرجال غني وشفت بنته""
عقدت حواجبي لثواني وبعدها ابتسمت بتفكير عميق
قال ليث وهو يضحك""انتي الشبل من هذا(اشر ع نفسه)من ذاك الاسد(اول مافتحت فمي بتكلم كمل قبل مااقول شي)انا خالك يعني طالعه علي""
ضحك وبعدها سكتنا شوي بتفكير
وقلت""كيف اساعدك طيب""
قال وهو يلف علي بكامل جسمه""في وظايف عنده بس ابغى توصيه من ليث وراح يقبلني وانا اذا دخلت هناك بعرف اثبت نفسي""
قلت""اخاف يرفض ليث بيقول كثرت عليه طلبات ولا يوظفك ف....""
قاطعني وقال""مو ضروري يعرف انتي ارسلي من جواله ولا اتصلي انتي بصفتك زوجته والكلام انا بقول لك اش تقولين له اش قلتي""
طالعت فيه بتفكير وانا امسح طرف خشمي وهو يحرك راسه بطريقة ايوه
قلت""اسمع اول شي اعرف الكلام الي تبغين اقوله وبعدها احكم""
قال بحماس""خلاص تمام يلله افتحي الاب خلينا نبحث عن شركته وبعدها بيطلع الكلام من نفسه""
جلسنا ساعه ع النت وكل مالقينا شي يخص الشركه صوره عبدالرحمن بجواله
قلت وانا اتثاوب""انا بنام مليت تبغى كمل وحدك""
قال وهو يصور""خلاص هذي اخر صوره حتى انا ابغى انام بكره الظهر نتايج تحليل امي بروح له""
قلت وانا اطلع من بحثنا""جدتي معاك""
قال""ايوه""
سكرت الاب وقلت""وش رايك بمناسبة خطوتنا الاولى هذي اروح معاكم ونتغدى برا""
قال وهو يوقف""اذا ع حسابك مافي مشكله""
قلت وانا اوقف بعد""انا ماعندي فلوس""
قال وهو يلتفت علي""كذابه""
قلت وانا اقلب شفايفي""والله""
قال باستغراب""وين فلوسك""
قلت بعد ماتذكرت تحدينا انه بيعرف يختار وبيمشي حياته صح واختياره صحيح من الي عرفته بالنت عن غنى ابوها وانها وحيدته بقي شلون يمشيها""خلصتها لعبت فيها""
قال وهو يمشي بتجاه غرفته""خلاص هذي المره علي ومن الحين اقول لك بنزل امي البيت وانتي بتكلمين ابو الجازي قبل ماتنزلين""
قلت وانا امشي بتجاه غرفتي""يعني مو لوجه الله""
سكرنا الباب بوقت واحد وكلنا ع اتفاقنا
اول ماصحينا انا وجدتي افطرنا وعبدالرحمن راح الجامعه ساعه كذا وراجع
هذا كلامه ع الجوال قبل شوي
وطبعا انا ماصحيت بدري لاني نمت متٲخر وجدتي بعد علشان كذا مالحقت ع طلعت ابوي ولا اتصاله لليث
بس امي ماقصرت قالت لنا بالتفصيل وكان كل الكلام كله تعليمات ماادري شلون حفظتها
جات خاطره في بالي غريبه ان احتمال اقدر بعض الاحيان اعتمد ع امي بعدين ان شاء الله بمشروعي اذا خلصته طبعا
لما رجع عبدالرحمن يادوب اكل لقمتين واخذ دش ومشينا المستشفى
و هذي المره نزلت معاها وحدي وعبدالرحمن قال بينتظرنا في السياره
لما دخلنا بالانتظار خليت جدتي جالسه وقمت خلصت لها اوراق ماقال عنها عبدالرحمن
شكله مايدري او يدري بس عبدالرحمن عارف اني بتصرف
لما رجعت دخلنا عند الدكتور وكتب لها ابره اجيبها من صيدليه برا لانها مو موجده هنا بصيدلية المستشفى
شكيت بالموضوع فكرت ان الدكتور متعامل مع صيدليه معينه ويرسلنا لها لانه كتب اسمها حتى
علشان كذا قررت اسٲل اول بصيدلية المستشفى واشوف قبل قلت لجدتي بروح وبرجع بسرعه
وانا رايحه لصيدليه شفت حرمه كبيره واقفه عند الباب
رحت الصيدليه وكان موجود فيها يعني كان يكذب الدكتور وبس
حسيت نفسي انتصرت عليه خليني ارجع له واقول اني اخذتها من صيداية المستشفى واشوف رده شلون بيدافع عن نفسه
وانا راجعه شفت نفس الحرمه واقفه مكانها ووحدها فكرت انها مضيعه قربت منها
وقلت""تنتظرين احد هنا""
طالعت فيني وقالت""لا ابغى اروح بيتي""
قلت لها""طيب وين سيارتكم وانا اوصلك لها""
قالت""ماعندنا سياره""
عقدت حواجبي وقلت""انتي جايه وحدك""
حركت راسها بطريقة ايوه قلت لها""تعرفين طريق بيتكم اوقف لك تكسي""
حسيت نفسي تدخلت باشياء ماتخصني بس بسوي فيها خير بوقف لها تكسي
وبروح لجدتي اذا تبغى طبعا قالت""اعرفه بيتي""
مسكت بيدها ونزلتها مع الدرج وقلت لها تنتظرني هنا
ووقفت لها تكسي وقلت له يقرب لبوابة المستشفى
رجعت مالقيتها تنتظرني شفتها واقفه بنفس المكان الي شفتها فيه اول مره غلطانه انا منجدها من يجلس بالشمس الحاره تنتظر
طلعت الدرج بعد ماقلت له ينتظر
ومسكتها بيدها مره ثانيه ونزلتها الدرج ودخلتها السياره
وقلت له""امشي هي تعرف طريق بيتها""
وسكرت الباب بعد ماابتسمت لها وتٲكدت ان شنطتها موجوده علشان تحاسب التكسي
ورجعت طلعت الدرج بعد مااخذت نظره ع السياره وهي تطلع ع الشارع العام
فكرت للحظه ان شاء الله مااكون مثلها اذا كبرت ابغى عيالي حولي
عبست من فكرتي الغريبه هذي ونفضت عقلي حتى لو ماجاني عيال الفلوس تكفيني ومااحتاج احد
لما دخلت المستشفى وانا اطالع بكيس الصيدليه اتٲكد منها
سمعت صوت بنت تقول""لو سمحتي اختي(رفعت راسي وطالعت فيها كملت)شفتي حرمه كبيره(ووصفت شكلها)""
قلت لها وانا معقده حواجبي""ايوه شفتها انتي من اهلها قالت انها جات وحدها""
قالت براحه""الحمدلله شفتيها خفنا عليها لان معاها الزهايمر قالت لك انها وحدها
المهم وين شفتيها""قالتها وهي تتلفت تدور عليها
..نهاية البارت..
..عافاكم..
..عجايب..
الحمدلله.


..بأذن الله لي حسنه ولك حسنه..
(اللهم ارحم من ضمہ التراب واشفي من انهكہ الوجع ، واغِث من أثقلہ الهم , واهدي من غرتهہ الدنيا ..• آلّلـــــــہُـــم إرحم نفوسا كانت تتشوق لصوم رمضان و هي اليوم تحت الثرى آلّلـــــــہُـــم برد عليهم قبورهم و ٲفتح لهم ٲبوابا تهب منها نسائم الجنه اللهم امين"" ....صلو ع النبي...)