كاتب الموضوع :
عجااايب
المنتدى :
القصص المكتمله من وحي قلم الاعضاء
اقتباس :-
المشاركة الأصلية كتبت بواسطة معذبني حبك  |
*
*
*
السلام عليكم و رحمةُ الله ِ و بركاته () .
صباحك / مساءك مسك , و بعد :
شخبارك عجوبة يا عساكِ طيبة ؟
*
حس فكاهي اكثر من رائع حقيقة
ضحكت من قلبي على غباءها
بس جميل هالفباء الي فيها
اكثر شي ضحكني لما خربت غرفته و قالت خلاص كذا ارتحت
و لما نزلت تشتري شنطة و ما كان معاها فلوس بجد حسيت ساعتها بشعور ممتع و مسلي
كتابتك تتجسد قدام عيوني تخيلت تاج بالرغم انك ما وصفتيها و تخيلت ليث بالرغم من انك ماوصفتيه
تخيلت المكان الي يجلسون و لما قلتِ جلست فوق الشنطة والله شفت هالشي بعيوني
جد جد مبدعة الله يحفظك
ليث ياليث تصدقين مع انه للحين دوره غامض الا اني حبيته ولأول مرة احب البطل و البطلة !
مستغربة بجد اني ماني بصف واحد ضد الثاني
غيرتي روتيني في القراءة بقوة
اممممممم شوفي الصراحة انا تفكيري مو زي الناس الطبيعية > من الفضاء هههههههههه
لا جد مدري كيف افكر بالشقلوب المهم عندي توقعات خنفشارية بس احس انك حتضربيني عليها فخليها في دماغي اذا صارت صح بقولك هالشي توقعته بلاش اشوف الصدمة في عيون قرائك
بعدين بتتبرون مني وانا ما اقوى على فراقكم > لا اكتبي خاطرة يكون احسن
خلاص خلاص بوقف سماجة اليوم جوالي خربان ماني عارفة استهبل على مين فلقيتك قدامي قلت مافي الا عجوبة تتحمل غبائي مع غباء تاج كوكتيل ولا في احلامك
المهم نتوقع توقعات الناس الطبيعية العاقلة و الصاحية و نقول كالتالي :
ليث اتقصد يبعد السواق عن تاج بس مو عشانها خربت غرفته اتوقع عشان تتجهز من بدري للسفر
لكن الفلوس هو خباها عشانها خربت غرفته
بس شكيت بشي
لما طالع بالشنطة الصغيرة و هي قالت بنفسها شكله عرف وبعدين سكت ما قال لها شي
بصراحة حاجة مو منطقية انه نسي الشنطة وهو بالأمس فاتحها !
فأتوقع انه فاهم كل شي واتوقع التاكسي هو الي صرفه و الشنطة الكبيرة موجودة عنده
ايش رايكم بس ؟
ادري ادري اعجبكم بلاش تصفيق استحي الله وكيلكم
ياخي فكوني على عبدالرحمن يبي تكفيخ تفكيره قذر و ذي الخبلة مو دارية عن وحدة
واضح تاج بدت تحس بغلطها لكنها بالرغم من هذا تنكر هالشي والسبب انها بعيدة عن اهلها
و بيجي بكرة وبتكون مع أهلها لكن بتحس بنفس الشعور
لأنها بالآخر تنام ببيت زوجها مهما طالت ساعات سهرتها عند اهلها
بتحس انه الفلوس مو كل شي بالدنيا
لكن بتكتشف انها حبت ليث بظرف ما يسمح لها انها تحبه
شي حيرتيني فيه مثل الرواية الأولى هل ليث يحب تاج او لا ؟!
مدري ساعات افسر بعض تصرفاته بالحب ساعات اقول مستحيل لأن حقيقة ما أؤمن بالحب من اول نظرة
فمستحيل يكون تزوجها لانه حبها و ما خلى الزواج كصفقة الا عشان يجيب راسها
لكن المنطقي انه تزوجها عشان ابوه و عشان يبعدها عن ابوه
في نفس الوقت لو قلت هو حبها خلال هالأيام الي قضوها مع بعض فأيضًا شي غير منطقي
لانه طول اليوم بشغله و اذا رجع هي تكون خارج البيت و ان شافها دخل لغرفته على طول يعني ما يحتكون ببعض ابد
فكيف حبها ! و الي اعرفه الرجال يحب الإهتمام من المرأة و هي لا إهتمام و لا هم يحزنون
و غير كذا غير منظمة و هو انسان منظم غير جدية و هو انسان جدي و مصلحجية و واضح يكره المصلحة الي فيها يوم قال لها وهي فوق الشنطة كم أخذتي وقالت ولا هللة
لكن كمان اكثر العلاقات الزوجية الصحيحة الزوجين فيها يكونوا مختلفين بكل الصفات و التصرفات فتكون أخذ و عطاء
و على الرغم من اختلاف الصفات بينهم إلا انهم مفتقدين الأخذ والعطاء
لذلك استبعد انه يحبها لكن اقول يحس بشعور المسؤولية اتجاهها
و خصوصًا انه اهلها موصيينه عليها و اكيد هو ملاحظ انها انسانة هبلة و ينضحك عليها بسرعة
لكن مع الأيام بيحبها الي اعرفه الرجال يحب البنت الي تكون طفولية نوعًا ما
لكن هي فيها جرعتين زيادة تخففها وتحولها اهتمام فيه و تكسبه لها
اممم اتخيوا كذا ليث يمسك جوال تاج و يشوف الرسالة تبع ابوه احسن منه
مدري هو تفكير عبدالرحمن خبيث لما قال لها تنفهم غلط و لا بجد تنفهم غلط
لكن انا حقيقة لو مكان ليث بفهمها غلط وخصوصًا انها زرات ابوه اكثر من مرة بالمستشفى و سألت عنه يوم زواجهم
يعني واضح اهتمامها المبالغ
بيشك اذا كان مو عارف
اما اذا كان بالفعل اتزوجها عشان يبعدها عن ابوه فبيقولها انتِ ما تتوبين
لكن اقولكم عجوبة طيوبة و ما بتخليه يشوف شي و بتعدي السالفة على خير خليكم من افكاري الفضائية الي لسى ما كملتها عشان ما اتضرب
دمتِ بود | $
*
*
*
|
عليك السلام ورحمة الله وبركاته..
الحمدلله طيبه ومبسوطه شكرا لسؤالك..
حبيبتي اش هذا الكلام الي يشرح الصدر بجد كأنه نسمة هواء بارده تغلغلت فيني ربي يسلم من ع هذي الاخلاق والذوق رباك..
شكرا لوجودك وشكرا لمتابعتي وشكرا من اعماق قلبي ع هذا الرد الي اعطاني الثقه واعطاني دفعه تكفيني لنهاية الروايه..
حبيت تعليقك واستمتعت بروحك الحلوه ربي يخليك لاحبابك..
ان شاء الله مااخيب ظنك ابدا ودوم اشوف مرورك ولا تندمين ابدا ع هذا الكلام..
ربي يحفظك..
|
06-04-15, 10:55 AM
جديد مواضيع قسم القصص المكتمله من وحي قلم الاعضاء
العرض العادي
