ان شاء الله تستمتعون بالقراءه..
..البارت السابع والعشرون..
سكت ثواني وبعدها قال""يدومها طيب وين""
كٲن يتكلم بهدوء والصوته بالجوال خشن وثقيل اكثر من الطبيعي
احس الي جنبي بيسمع صوته
قلت بتعمد""مااعرف المكان""
للحين مقهوره اني ماعرفت اتصرف في المطار وانتظرته ابغاه يعرف اني اعرف اعتمد ع نفسي وهذا الي اسويه من زمان
قال وكٲنه بدا يستمتع""لا ماتعرفين طيب اوصفي لي اي شي حولك اسم الشارع البيوت المحلات""
ع باله اني ضايعه يعني وبيجي
قلت وانا اطالع حولي ومبتسمه""والله مافي محلات ولا بيوت""
هيا اتحدى يجي ولا يعرف مكاني
قال""ماتبغين تسكرين الجوال في وجهي""
شكله تنرفز
قلت""مع السلامه""وسكرت
وضحكت رجعت جلست
غريبه ليش متصل مو قال بيتٲخر لسى حتى العصر مااذن
عدلته بجوالي العم احمد يعرف اوقات الصلاه فاستغليت معرفته وعدلتها بمنبه
سجلت رقم ليث بٲسمه
ورجعت الجوال الشنطه وشوي واحنا نٲكل
دق جوال العم احمد لما طلعه من جيبه قال""هذا زوجك""
قلت بسرعه""لا ترد عليه""
قال قبل مايرفع الجوال لاذنه""مااقدر هذا شغلي""
ورد عليه وقال له اسم القريه يعني مصر يعرف اش بيستفيد
يعني بيترك اعماله المحببه لقلبه ويجي هنا
ولا بس ماارضاه غروره انه مايعرف وين انا
ماعلينا دام ان مو انا الي قلت له مو هو قال روحي استمتعي وهو مشغول خلاص مايخصه
سمعت بعد يقوله حاضر وقفل الجوال وهو يوقف يقول"يلله نرجع مافي وقت"
عقدت حواجبي بستغراب العصر لسى مااذن وين مافي وقت
ولا فهمت امر من ليث
قلت وانا استرخي اكثر بجلستي""مو الحين انتظر""
قال بعد ثواني""لا تمشكليني مع السيد ليث يلله نروح منجد مافي وقت هنا الشمس تغرب بسرعه بعد العصر بساعه ونص والمشوار يٱخذ ساعتين مانبغى نمشي بليل""
هذا طبعا بعد ماكلمه ليث
قلت وانا اوقف لاني بصدق ماابغى امشكله وابغاه يشتغل بالسعوديه""طيب""
طلعت السياره بعد ماشلنا الاغراض
بعد كذا خمس دقايق اذن العصر بجوالي
مرينا نصلي بعد ماوجهنا نفس المشكله قبل مااطلع من المسجد دق جوالي لما طلعته فرحت مره لانه عبدالرحمن
رديت بفرح وانا اوقف بمكاني""هلا""
قال""هلا فيك اخبارك""
قلت""بخير الحمدلله انت اخبارك واخبار امي وابوي وجدتي""
قال""كلهم بخير واتوقع ويسلمون عليك""
ابتسمت وقلت""ليش وينك الحين""
قال""بالشارع انتي الي وينك وش تسوين""
قلت له""الحين تو صليت العصر وبرجع المدينه لان الظهر كنت بقريه مره حلوه مع اني ماجلست فيها كثير بس اتوقع""
ضحكت لاني تكلمت بٲسلوبه
قال""ليث معاك""
قلت""لا وحدي مو وحدي صراحه مع العم احمد""
قال""السايق لا يكون بس جلستي تتكلمين معاه""
قلت وانا رافعه حاجب وبستغراب""اكيد بكلم مين يعني نفسي""
قال""ايوه كلمي نفسك لا تتكلمين مع سايق""
قلت وانا معقده حواجبي""مااتكلم معاه ليش لانه سايق ولا لانه رجال""
قال""اش فيك انتي غبيه قد كلم ليث سايقه""
قلت بعصبيه""ماابغى اصير مثله""
قال""بلله عليك وليش تزوجتيه مو تبغين تصير حياتك مثله""
سكتت شوي وانا اطالع باصابع يدي وبعدها قلت""ايوه ابغى اعيش حياتي مرتاحه من غير ماافكر شلون راح اجيب الفلوس بس بالاخلاق لا ماابغى اكون مثله""
ضحك عبدالرحمن وقال"" تحدي من الحين اذا بعد شهر ماصرتي مثله الفلوس تغير الناس لا تجلسين تتكلمين بهذا الاندفاع""
ورجع ضحك مره ثانيه
قلت بحزم""ماراح اتغير""
قال""نشوف يلله مع السلامه دقيقه اسمعي اذا شفتي ليث قولي له ان امك دقت عليك وسٲلت عنه وخليه يتصل فيها لا تخلينه يشيل يده منك مره وحده""
قلت""مع السلامه""
طلعت من المسجد ودخلت السياره وانا اسمع العم احمد يقول""تٲخرتي""
ماعلقت ع كلامه منجده عبدالرحمن مثل ماانا قدام اهله الزوجه هو قدام اهلي الزوج
بخليه يكلم امي وابوي وانا اكلم اهله اذا يبغى
منجده العم احمد غابت الشمس واحنا لسى بالطريق ولان الشارع مافي انوار ومافي سيارات كثير خفف السرعه
علشان ينشاف الطريق لانه بالاساس مو مستوي زين
صراحه بديت احس بعدم راحه لان اذا سياره مرت من عندنا تخفف سرعتها لدرجة تقرب توقف
يامستغرببن من السياره بطريقهم او انهم مو مرتاحين من وجودنا هنا
طالعت بالساعه الوقت راح ع صلاة المغرب بس مستحيل نوقف هنا
قلت""بقي كم""
قال""بقي ربع ساعه تقريبا""
رجعت ظهري واسترخيت خلاص قربنا
اول مادخلنا المدينه مرينا مسجد صليت المغرب
وطلعت بسرعه بعد عشر دقايق قلت""وقف بتعشى هنا""
ماوقف بس خفف السرعه وقال""السيد ليث يق....""
قاطعت كلامه وقلت""جيعانه بتعشى هو قال بيتٲخر اليوم""
قال وهو يرفع الجوال""اعذريني هو نبه علي اوصلك البيت""
ودق عليه اكيد
تكتفت انتظر اذنه بالموافقه
بس نزل الجوال وقال""مايرد""
ورجع رفعه لاذنه يحاول مره ثانيه قلت له""قلت لك مشغوله ماراح يرد وخلاص انزل انت خذ عشى لي ولك وانا بنتظرك بالسياره""
وقبل مايتكلم فتحت الشنطه واعطيته الفلوس وقلت""سلم لي ع سلمى وهذا العشى مكافاءه ع صبرها عليك""
تخيلتها بعد مثل امي تعبت من انتظارها لابوي
وعلشان يرضى يٲخذ عشى له
نزل وبسرعه ماطول رجع وبيده اكياس الاكل كنا قريبين من البيت
لما وقف السياره نزلت وثبتت الشنطه ع كتفي فتح العم احمد الباب الي قدام وشال كيس الاكل حقي
ومشى قدامي قلت وانا امشي""اعطيني وانت روح""
قال""بوصلك لين الباب""
طلعت الدرج قدامه لما وصلت عند الباب قلت""شكرا""
واخذت الاكياس وحطيتها قدامي وطلعت المفتاح من الشنطه وفتحت الباب
ولما لفيت اخذ الاغراض كان لسى موجود ابتسمت له
وقلت""مع السلامه(وقفت لما شفته واقف لسى طالعت فيه وقلت بصوت اعلى)خلاص مع السلامه""
قال""مع السلامه يلله ادخلي""
خايف علي من ايش وانا عند الباب بس جاريته ودخلت
..نهاية البارت..
..عافاكم..
..عجايب..
الحمدلله.



..بأذن الله لي حسنه ولك حسنه..
(ب دقيقة إستغفار ؛ نُوهبَ عُمراً مِن السَّعادة ...استغفر الله العظيم من كل الذنوب..)

ان شاء الله تستمتعون بالقراءه..
..البارت الثامن والعشرون..
ماكان احد موجود بالصاله يقول بسرعه وبسرعه لي وهو يٲخذ راحته
سكرت الباب وحطيت الاكل ع الكنبه وانا اسمع جوالي يٲذن لصلاه
دخلت الغرفه وفتحت شنطتي واخذت بجامه ودخلت اخذت دش ووضيت
وصليت وطلعت الصاله صح الاسبوع الي قبل مااتزوج كان وناسه مع البنات وطلعه وسويت الي ابغاه بس هنا كٲن زايد الجو الحلو والمناظر وكل شي جديد
يعني استمتعت اكثر
بديت اكل بعد ماشغلت التلفزيون اشترى العم احمد الاكل لاثنين يعني انا افطره واعشيه مسؤله عنه
لو توقعت كان قلت له بس لي
اكيد هو مابيجي الا تعشى وينرمي هذا استغفر الله
اكله وهو المسؤل عنه
لما شبعت جمعته بالكيس وحطيته ع طاولة المطبخ واكله خليته بالصاله يشوفه
ودخلت انسدحت وهو لسى ماجاء
علشاني بس صاحيه من الفجر ولا كٲن طلعت الحين
نمت ولما صحيت الفجر كان يمطر الجو شفته من الشباك الكبير الي مقابل لسرير
قمت من السرير بنشاط وضيت وصليت
ووقفت عند الشباك ندمانه اني مااخذت رقم العم احمد كان دقيت عليه يجي
امس متى طلعت ايوه صح من الفجر شفته اكيد هو تحت الحين
دورت لعبايتي بالغرفه مالقيتها اكيد بالصاله طلعت تذكرت حطيت الاكل والعبايه ع الكنبه
بس مافي شي الحين وين عبايتي يمكن طاحت ورا الكنبه
وكذا دورت بالصاله بس مالقيتها دخلت الغرفه ودورت بالشنطه بعد
لا ماابغى اخذ العبايه الثانيه مفتوحه وانا مابغير بجامتي
اذا مالقيتها عادي بغير لبسي وبما اني ماابغى اغير من قلب دورت بكل مكان
حتى وانا متٲكده اني ماحطيتها فيه وبنهايه لقيتها بالدولاب مرتبه بترتيب بعيد عني
وبجنبها الشنطه الي ماسٲلت عنها
لو في البيت قلت امي معقوله ليث جاب خدامه تنظف ولا لا اكيد نظام المكان كذا
اخذتها ولبستها وطلعت

وكذا مر اربعه ايام بنفس الطريقه اطلع الفجر وليث لسى نايم وارجع وهو مو في البيت
ومشيت بنظام اليوم الاول افطر في البيت
وطبعا بما ان العم احمد يشتري لي كان يحسبه اخليه ع الطاوله
والعشى اكل في البيت بعد احط اكله ع الطاوله
في هذي الفتره كلمت امي وابوي وجدتي
بس البنات لا هو كل سفرنا اسبوع فاكيد اني مشغوله بنظرهم وماعندي وقت
حتى في اليوم الخامس صحيت الفجر وانا احس اني ابغى ارجع طفشت ومو متعوده ع هذي الحياه
ومشتاقه للبيت
بعد مافكرت ثواني عرفت ان حتى لو رجعت مابستفيد شي نفس الشي اسلوب حياه جديد علي
بس لا برجع شغلي وهذا شي متعوده عليه
فتحت الشباك وكان هواء قوي وبارد اخذت مخده وحطيتها تحت الشباك وانسدحت بالارض
بعد مااخذت جوالي فتحت ع النت وشفت المواقع الي متعوده عليها
وشفت موقع الشركه ماتغير شي
جلست اقرئ ردود البنات ع الاسئله الي جاتهم حتى جاني اتصال من العم احمد يسٲل عني لاني تٲخرت
قلت له يروح واذا ابغى اطلع بدق عليه
سكرت وقمت سحبت غطا السرير وتغطيت فيه لان الهواء بارد
وكملت اتابعه حتى وصلت للي قريته اول
دخلت ع مواقع ثانيه حتى مليت وبعدها طلعت مره من هذي المواقع
وكتبت اسم الدوله الي انا فيها اشوف صور ابغى اتحمس واطلع ولاني بديت اجوع تميت اتفرج ع احسن المطاعم وصور الصحون
تشجعت لما عرفت انها توصيل للبيوت حفظت الرقم وارسلته ع العم احمد وقلت له يطلب منهم وحددت الاكل
وقلت يوصف لهم لاني مااعرف المكان زين
ورد علي برساله انه بيروح له بنفسه كيفه اهم شي يوصلني
جلست احوس بالنت لين جاء في بالي ليث يمكن جاء شي عن زواجنا
ولما فتحت كان موجود بس مختصر بس يوم الزواج والتاريخ والمكان فقط
سكرتها وارسلت للعم احمد اسٲله وينه مطول لاني بجد جعت
ارسل انه خلاص راجع حطيت الجوال جنبي وغمضت عيوني وانا اتمطط
لما سمعت الباب يدق فتحت عيوني ووقفت بسرعه بس لما وصلت عند باب الغرفه شفت ليث فتح الباب
انتظرته حتى قفل الباب وبيده اغراض اكيد هذا فطوري
ومنجد كان لي اعطاني الاغراض وجلس بالصاله
دخلت الغرفه وجلست في مكاني ورفعت الغطا ع اكتفي
وطلعت العلب وكانت كثير عرفت انه حسب ليث مثل العاده
حطيتها ع جنب مافتحتها وقلت بصوت عالي""تعال خذ فطورك""
وبديت اكل رفعت راسي لما سمعته قال""ليش ماطلعتي اليوم""
كان واقف عند الباب ومريح ذراعه ع مقبض الباب قلت وانا ارجع اطالع لاكلي""بطلع(واشرت ع الكيس وقلت)هذي لك(وكملت وانا اطالع بالاكل) شكله حلو""
قال""لا تحسبيني بٲكلك""
حركت راسي بطريقة طيب وانا اقول بطريقه طبيعيه"انت الخسران"
مااقدر اقول له مااحسب حسابه بس بتعتبر كذبه واضحه وماراح يصدقني
اش كان يسوي بالاكل الي احطه بالصاله
وكملت اكلي مع اني احس انه موجود لسى وبنظرته علي
شوي ورفعت راسي وطالعت فيه بنظرة اش تبغى
قال""وين ناويه تطلعين""
هو يعرف الاخبار كلها من العم احمد كل يوم يكلمه ويسٲله
غيرت رائي معد ابغاه يروح معانا السعوديه قلت""وانت وين بتطلع""
اذا قال قلت
اما انه يحقق معاي مو منجده
قال وهو يتقدم وقبل مايجلس ع طرف السرير عدله من جهته وبعدها جلس""صاحبي عزمني بكره ولزم علي تجين تتعرفين ع زوجته""
مثل ماتجاهلت سؤاله تجاهل سؤالي مع هذا انا عارفه ان ضروري اوافق
واروح معاه هذا هو اساسا زوجنا من جهته واجهه
وبعدين قالها بطريقة سؤال مو امر والتغيير حلو
قلت""ان شاء الله متى""
قال""بعد المغرب""
حركت راسي بطريقة طيب وكملت اكلي وهو طلع من الغرفه
اذا بنستمر كذا بهذا الاسلوب راح نتفاهم
طالعت باكل ليث حرام ينرمي طعمه حلوه وغالي بس شكل هذا مصيره
بعد كذا نص ساعه سمعت الباب ينفتح ويتقفل يعني هذا وقت خروج ليث
اخذت دش وبعدها نزلت تحت بكره بكون مشغوله وبعدها بنسافر
لازم اخذ هدايا لاهلي
ومشيت ودخلت محلات كثير حتى اخذت لكل واحد الي احسها تناسبه
واخذت بعد لام ليث وابوه ومرة اخوه واخواته الاربعه
لاني ابغى تكون علاقتي فيهم حلوه
عايلتي ماتعبت فيها بس عايلته مااعرف اش الي يحبونه فخليتها كلها رمزيه خفيفه
وغلفتها بمحل جنبها وركزت علشان اعرف كل وحده لمين
وبعد ماخلصت تذكرت مرة صاحبه الي بكره نروح عندها
ماادري والله كيف اسلوبهم
وحلوه كذا يعني ولا ماله داعي
احترت فدقيت ع ليث اسٲله
اول مارد قبل مايتكلم حتى
قلت اعرفه اتوقع يقول مشغول""اقول ليث وش رايك اخذ هديه علشان عزيمة بكره ولا لا احترت""
سكت شوي وبعدها قال""السيد ليث بجتماع شوي ويطلع""
سكتت شوي وبعدها قلت بعصبيه لاني انحرجت منه ولاني عرفت صوته سكرتيره الي بالمكتب ليش جاء معاه
""وانت ليش ترد ع جواله الخاص""
قال""السيد ليث هو قال لي ارد ع اتصالك"
..نهاية البارت..
..عافاكم..
..عجايب..
الحمدلله.



..بأذن الله لي حسنه ولك حسنه..
((إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُواتسليما)) الآية
عليه افضل الصلاة واتم التسليم..
قال عليه الصلاة والسلام ((أكثروا من الصلاة عليّ ليلة الجمعة ويوم الجمعة فإن صلاتكم معروضة عليّ))حديث صحيح...)