ان شاء الله تستمتعون بالقراءه..
..البارت الثالث..
وكلهم عيونهم عليه يبغون يشوفون ردة فعله لما كلنا كنا نطالع اللتفت شوق وشافته
بسرعه نزلت راسها حسيتها شوي وتنزل تحت المكتب
قال الاستاذ خالد بكل هدوء""نسيت اقول لكم ان من بكره بيداوم ولد طويل العمر حتى يرجع لنا بصحه فاستعدو لتغيير""
كذا بس وطلع كان واضح عليه انه سمع لانه يتكلم وهو يطالع شوق وحدها
بس الغريب انه من تكلم رفعت راسها شوق وتطالع فيه بعد
مافهمت اوكي خالد يطالع فيها يعلمها ان سمع كلامها ويتحدها اما هي ليش يعني تثبت له انها منجدها بكلامها
اول ماطلع ضحكة جوهره بقوه وقالت احلام""اخيرا راح اداوم بحماس""
قالت حنان بصوت منخفظ""ياربي كيف الحين اش بتسوين بتعتذرين""
كانها خافت يسمعها مع ان كلامها مافي غلط بس حذره
قلت""لا لاتعتذر بتزيد خلاص تنسى ولا كٲنه صار مايقدر يسوي شي""
قالت جوهره بابتسامه واسعه مره""وين تنسى مافي التحدي تحدي وهي رضيت مو ع كيفها ولا ماتقدرين""
قالت اريج بسرعه""حرام عليك جوهره لا تضغطين عليها الحين مستحيل لا تحرجينها""
قالت شوق وهي تطالع بجهة مكتب الاستاذ خالد""لا مو مستحيل صح صعبه بس مو علي""
ضحكنا كلنا تصرفها ونظراتها غير كلامها
قالت احلام""بنشوف""
طالعت بساعة يدي بقي نص ساعه وينتهي الدوام لما طالعت الجهاز قلت بقلبي ربي يشفيه
وكملت تركيزي ع كل شي صح هو شغلي عاجبني بس مو ممتع بس مريح وياخذ وقت بدون مااحس بس صدق صدق الي نفسي فيه هو مجله اشرف عليها هو حلمي
احس اني اعرف كيف انجحها اعرف اش الي يلفت النظر اعرف المواضيع الي محد تكلم عنها وراح اختار كل شي فيها بدقه
صح هذا حلمي بس يعني شغلي بهذي الشركه ودوامي وراتبي صراحه مايتعوض ولا يتبدل علشان كذا راضيه كامل الرضى عن شغلي
احس فيه لمحه منها بتصميم الصفحه والاختيارات بكل عرض وكل شي جديد وافكار بعد
لما سكرت جهازي اخذت شنطتي ووقفت وماكان موجود الا اريج وشوق
حنان واحلام مثل العاده لازم قبل الوقت وجوهره اليوم استعجلت لانها بتروح تتغدا عند اهل زوجها قلت""يلله""
وانا اطالع فيهم قالت شوق""لا انتم روحو قبلي""
وغمزة طالعت فيها شوي وانا افكر بشخصيتها هي من النوع اي شي في بالها لازم تسويه واي شي تبغاه تٲخذه
يعني من النوع المدلل اذا تحبه مو مشكله معاها تحاول بس تحدي يعني شوي مو فاهمته يعني تبغى تثبت لنفسها شي ولا للي حولها
قلت"" كيفك""
وطلعنا انا واريج من المكاتب قالت اريج بهمس""تكلمي معاي""
مافهمت و ع بالي سمعت غلط بس لما شفت سالم موجود عند البوابه عرفت احنا البنات نهاية دوامنا وهم عندهم وقت لصلاه
قلت""تكلمي معاه هو واذا ماكلمك خلاص مو لازم تكونين مشغوله بشي عادي شفتيه مثل ماشافك خليك طبيعيه""
قلت كلامي بسرعه علشان لما نوصل عنده احنا ساكتين ومرينا بدون مايتكلم شخصيتها عكس جدا شوق
وهي المفروض يكون عندها الحق انها نحاول حتى يخطبها ولا يتركها بس اريج ماتقدر شخصيتها من الي كل شي يجي حياه الله بس تنتظر دايما
وانا اش نوعي احس ان مافي شي مميز فيني بشخصيتي دايما عندي خيارات كثير ماعندي قرار فاصل ولا ردة فعل وحده حتى لو بنفس الموضوع وكثير اغير رائي اذا احد احد اقنعني ماعندي شي ثابت في شخصيتي
لا انا قائده ولا تابعه مرات كذا ومرات كذا يعني مثل ماقلت مافي شي مميز يمكن لاني مامرت بتجارب تكون شخصيتي
درست عادي اداوم وارجع وبعد اشتغلت قدمت فكره مع طلب وظيفه وتقبلو بسرعه بدون تعب يمكن علشان يجربون انفذ فكرتي وهي صفحه اكترونيه لشركه وشغلوني
والفكره بعد ماتعبت فيها لا حرام ليش استصغر كذا شغلي
مااعجبني المسار الي وصل فيه تفكيري ابغى اغير من نفسي ابغى امر بتجربه تصقل شخصيتي ولا ادخل دورة تنميه لذات ودي احب الي انا عليه يمكن لاني كنت ادرس بجد علشان اتوظف علشان طلع فلوس طول الوقت هذا الي في بالي خلاني ماافكر بنفسي ولا بحياتي
الان اهم شي عندي المستقبل وهو اني اامن فلوس لنا واذا جمعت اعيش حياتي بس مدري متى
طلعت السياره وقلت""سلام""
قال عبدالرحمن""وعليك بس علشانه واجب رديت""
ابتسمت وقلت""ياسلام ع الاخلاق وليش""
قال""مدري عنك ماتثقين فيني""
رفعت حواجبي بستغراب وانا اطالعةفيه بطرف عيوني""ومتى قلت لك كذا""
قال""مو لازم تقولين التصرفات توضح""
قلت بقلة صبر""عبدالرحمن ترا مو فاهمه عليك شي""
قال""انتي لو تثقين فيني تجربي اش بتخسرين بس تجربه""
ماييٲس ماعنده الا هذا الموضوع قلت اريحه من السالفه""الرجال تعبان في المستشفى""
قال وهو يفتح عيونه اخر شي""كذابه""
قلت""والله في المستشفى من امس""
قال بتعاطف""وكيف صحته""
قلت وانا ارجع ظهري""مدري والله جاء الاستاذ خالد وقال كل رئيس قسم بيروحون يزورونه اذا تحسنت صحته""
سكتنا فتره وبعدها قال""هو في اي في اي مستشفى""
قلت وانا ارفع اكتافي""مدري""
رفع الجوال واتصل بدون مايعلق طالعت فيه بعدم استيعاب وانا اسمعه يسٲل عن اي مستشفى موجود فيها ابو جهاد لما سكر قال""عرفت الحين نتصل ونسٲل عنه""
قلت بستغراب""ليش كل هذا الاهتمام ماراح يعرف""
كلم المستشفى وسكر وقال بحماس""طلع من العنايه من الصبح يعني تقدرين تزورينه""
ضحكة بصدمه وقلت""ازوره قلت لك قالو...""
قال وهو يمد يده""اعرف اعرف بس عادي زيارة المريض واجبه وبعدين مااتوقع يقولون شي اذا عرفو وهم اساسا ماراح يعرفون وانتي اذا دخلتي عنده قولي انك اتفقتي مع البنات يعني قسمك بس انتظرتي ومحد جاء وهذا الورد منا كلنا طبعا بيصدقك""
قلت وانا احرك راسي بطريقة لا""ماراح اكذب وبعدين ماراح يدخلوني""
قال وهو ياخذ لمحه علي""ماعليك انا ادخلك والكلام الي تقولينه كيفك اهم شي تدخلين عنده وانتي تقولين تحبينه راح تتصرفين""
طالعت فيه بصدمه وقلت""ماقلت احبه قلت قدوتي بالحياه مااعرفه علشان احبه ولا لا""
قال بقلة صبر""ماتفرق المهم بنروح عند المغرب وقت تبادل الموظفين راح يكون اسهل وماراح تطولين بس تعطينه وتطلعين""
حسيت بتوتر كبير وانا اعض شفايفي كيف اذا دخلت عنده مااعرف اتصرف بديت احس بحماس لما فكرت فيها اكثر انا تو اقول ابغى تجربه وهذي راح تكون كبيره وغير اذا تزوجته راح ابدا اعيش واستمتع بيومي
طول الغدا وانا افكر بكل الاحتمالات وكلها بعقلي لقيت لها حل بس بالحقيقه مدري راح اقدر كذا زاد حماسي ماراح اخسر شي ان شاء الله وبكل المقاييس عادي زيارة مريض اعرف قدوتي من قريب حتى لو مره وحده
وطول الوقت وعبدالرحمن نظره علي خايف اغير رائي وطول الوقت يقول لا تنامين حتى سٲلت امي""اش فيكم""
قال عبدالرحمن بسرعه""هي تبغى اغراض وماعندي شي اليوم بكره ماراح اكون فاضي علشان كذا انبهها ماتنام""
قالت جدتي""اتركها عنك بس تبذر هذي البنت وانت بتساعدها بتٲخذ ذنوبها""
قلت بتسأل لها""بمر الصيدليه في ادويه ناقصه""
قالت بعصبيه""المفروض تعرفين من غير ماتسٲلين الا انتي ماتدرين عني لو اموت مابتعرفين الا من الريحه""
ضحكت ع كلامها بس سكتت لما شفت ملامح وجهه امي
قالت امي بعد ماغمضت عيونها ثواني""ايوه انتهت بالدرج ذاك""وهي تٲشر بيدها..
ماقدرت اجلس ع النت مثل العاده فتحت ع صفحة الشركه اتصفح فيها من غير فايده حتى سمعت اذان العصر سكرته وصليت
وبما انه وقت نومي من فتره طويله كسلت مره صبرت شوي بس بعدها انسدحت مافيني وانا اقول ماله داعي يوم ثاني اروح
وتو غمضت عيوني واسترخيت دق باب غرفتي وانفتح الباب وانا بسرعه جلست وكٲني كنت اسوي شي غلط
قال عبدالرحمن""يلله ع بال ماناخذ الورد والطريق المستشفى بعيد نوصل المغرب""
وقفت ااكد له اني ماراح ارجع انام وقلت""انتظر بلبس""
دخلت الحمام وضيت لصلاة المغرب اصلي بالمستشفى ان شاء الله
وغسلت وجهي زين علشان اتنشط ولبست عبايتي وحذياتي وفكرت شوي مالها داعي الشنطه ولا الجوال
طلعت السياره بعد مااخذت ادوية جدتي وحطيتها بجيبي ماني عارفه اش احساسي يمكن لسى نايمه ماصحصحت
مرينا محل ورود ونزل عبدالرحمن اختار وحده باقه ولما جابها قال""حلو صح""
حركت راسي بطريقة ايوه وطلعنا للمستشفى..
..نهاية البارت..
..عافاكم..
..عجايب..
الحمدلله.


..بأذن الله لي حسنه ولك حسنه..
(أستغفر الله، تروي الأرض مطرًا، وتروي القلب فرحًا ، وتهدي النفس أمنًا ، وتملأ الصحف أجرًا ..استغفر الله كثيرا..)

يامرحباا مليوون بعجايب ولا يسدوونن

روايه جديده واحداث اكيد مثبييره

عبد الرحمن وافكاره الغريبه مثله وتااج اللي طااوعته بكل بسااطه
احس انهاا بتدخل عالم ابو جههااد بس مو مثل مااكان مخطط لها خالها
لكن اكيد انها بتفتح على نفسهاا بااب يجلب لها الحسراات

تحيااتي عجاايب

مساء الخير عجايب ‏

أنا سبق وقرأت روايتك نبي رد الثنى

وكانت أكثر من رائعة وأكيد هذي بتكون ‏

مثلها ‏








ثاج إنسانة مراقبتها لشخصيات غيرها

خلاها تتخبط بنفسها وتحاول تاخذ

النقاط الإيجابية عندهم واتقارنها

بنفسها وابشخصيتها ولو استمرت على ‏

هالحال بضيع شخصيتها وما زاد الأمود

سوء عبد الحمن وافكاره ‏

أتوقع إبن مدير الشركة هوا إلي بيكون ‏
بطل الرواية وممكن تصير مواقف أو ‏

مشادة كلامية بينها وبينه لما تروح المستشفى ‏



استمتعت بالأحداث بين موضفات القسم ‏

ومتشوقة أعرف مصير علاقة خالد

بشوق وسالم وأريج ‏






أجمل شي أنه البارت بيكون يوميا ‏

بس المشكلة إن قفلاتك خطيرة تزيد ‏

التشويق ‏







موفقة حبيبتي وفي انتظار البارت الجديد ‏

السلام عليكم
شلونك عجايب
يا حبي للكاتبه إللي تدلع قرائها ....وهم دايمن يطمعون بالمزيد
وهذي من طبايع البشر ما يشبعون من الجمال
جميل ما تكتبين عجايب
الصراحه انا ما احب اتدخل في مجريات القصه او اتوقع احب استمتع بس
وانا من جد مستمتعه بأبداعك
شكرا عجايب