السلام عليكم ورحمة الله وبركاته..
ان شاء الله انكم بخير وسعاده..
اعتذر حبايبي ع التأخير بس مشغوله شوي بنزل الحين بارتين ان شاء الله والصباح ارد عليكم وانزل بارت جديد ان شاء الله اني اقدر اسعدكم مثل ماتسعدوني بكلامكم وتشجيعكم..

ان شاء الله تستمتعون بالقراءه..
..البارت السابع عشر..
قال"عندك خوال غيره(حركت راسي بطريقة لا اعطاني سؤال ثاني قلت لكم جالس يستجوبني)واعمام""
رجعت حركت راسي بطريقة لا بدون مااقول حرف
طالع فيني لثواني وبعدها رجع ظهره ورفع المنيو الي ع الطاوله وتم يطالع فيه يعني انتهى الكلام
اخذ الي يبغاه من المعلومات عني وخلاص ماقال شي عن الشرط موافق مو عاجبه
دام الحين مافي اوراق مثل مااقترحت حضرتي لازم يقول انه موافق علشان يعتبر
اما انه يسكت كذا بعدين يقول انا ماوافقت عليه
كحيت كحه صغيره مصطنعه علشان تساعدني وقلت بتردد""موافق ع الشرط""
قال بشبه عصبيه استغربتها بدون مايبعد المنيو عنه""لو عندي اعتراض كان قلت""
ليش معصب يحس ان غصب عنه وافق
اذا يحس كذا انا وش عرفني باخلاقه يمكن مايمشي ع كلامه اذا موموافق كليا
ندمت ع كلامي مره ليش بدون اثباتات لو فكرت زين بس انا ماني واثقه فيه ابدا وهذا اهم شي عندي
قلت""انا ابغى ت.....""
سكتت لما قاطع كلامي ينادي النادل طالعت فيه لثواني
قصده انتهى الكلام بس هذا مو تصرف عملي منه اساسا انا مااعرف شلون يتصرف وقت العمل
بس هذا بعيد عن الاسلوب الناجح في العمل
انتظرت حتى طلب
ولاحظت انه كان يطلب لي ولعبدالرحمن ماراح اقول له شي اذا قال انه موافق مره بنرجع البيت لما راح النادل
قلت""ومتى راح تشغل ابوي""
قلت الجزء الاسهل علشان اشوف رده
لو في موضوع ثاني كان قمت ورحت من اول ماقاطعني بس ماراح اجي لين هنا بالوقت الي يبغاه واروح بدون مااكون مرتاحه ومتطمنه
تكتف ورجع ظهره ورا وقال""بعد الزواج""
وقفت وانا اقول""تمام""
وثبتت الشنطه ع كتفي وانا اطلع من الجلسه
كنت انتظره يعلق ع قومتي وانه طلب اكل وكذا
بس ماسمعت صوته ابدا
كملت خطواتي لباب المطعم وانا تو اكتشف ان الطلب كان لموعد ثاني بعدنا مو لنا
لان احنا قلنا مانبغى مدري ليش حسيت انه غلط بحقنا
يعني يحدد موعد مع موعدنا مع اني انا بنفسي عارفه ان احنا ماراح نطول واحنا الي قلنا مستعجلين
وحتى ماحسسنا ان لازم نستعجل لان وراه شي يعني ليش انزعج
فتحت باب السياره وكان عبدالرحمن ينتظرني فيها قال اول ماجلست""ها اش صار""
قلت وانا اللتفت عليه واطلع انزعاجي عليه""اول شي انت تسكت تصرفاتك وكلامك كله شوشني مافهمت اش تبغى توصل""
قال""تصرفت مثل ماالمفروض اسويه ماغلطت انا طلعت حتى يكون الشرط بينكم ومااعرفه حتى اعترض عليه المهم اش قال لك""
قلت وانا ارفع اكتافي""ولا شي ماعلق ولما سٲلته مره ثانيه قال لو عندي اعتراض كان قلت""
ابتسم وقال وهو يحرك السياره""تمام اذا اتفقتو ان شاء الله مافي شي يخرب ويتم هذا الزواج""
قالها من قلب كانت فرحته اكثر من ابوي
لما جاء العشى علشان بكره بيجون الرجال ع العشى سٲلني ابوي ان كان عندي شرط طالعت بعبدالرحمن ورجعت طالعت في ابوي
وقلت""ايوه مايمنعني اشتغل""
قال عبدالرحمن بسرعه""مايحتاج تقول هو مو من النوع هذا اكيد بيخليك تشتغلين""
قال ابوي وهو يقطع الموضوع""ماطلبت الا حقها""
طالعت بعبدالرحمن بطرف عيوني وانا امنع ابتسامتي
مافيها شي بس ابين له اني بشتغل بشركه مو ع باله بجلس في البيت دام فيه مبلغ شهري لي
لما دخلت غرفتي جاني عبدالرحمن يخاصم ليش اتشرط تبغين تنفرين الرجال منك ومن هذا الخوف الزايد
خلاص احنا اتفقنا وكل شي بيمشي ان شاء الله كلامه وتٲنيبه مامنغ النوم عني نمت براحه
وداومت وطول الوقت انتظر تلميحه ع خطوبتي بس كانو مشغولين بسالفة سالم الي ارسل ورد لمكتب اريج وهي كانت طايره فيها
وقامت شوق تتحدى انا ماينتهى الدوام الا معاها ورد مسكت جوالها مع ان مابينهم الا كم خطوه بس معروفه اخلاق خالد يستحي من الحريم
طلعت من الدوام وانا مو قادره استوعب ان الليله هي اهم خطوه بحياتي راح اصير زوجة ولد صاحب الشركه
ادري بعيد العلاقه بس ماعندي الا هذي وراح استغلها لاخر نفس
طول الطريق وعبدالرحمن وهو يوضح لي حماسه لهذا اليوم مو بس كلام حتى حركات
ولماوصلت البيت استقبلت اغرب استقبال
لانه كان من جدتي الي قالت لي ليش اتٲخر ماصار شي وكل هذا الاهتمام حتى في بيتي كيف في العمل
قلت لكم الفلوس كل شي رفعت ذقني وقلت وانا امشي لغرفتي""بٲخذ دش وبتغدا""
مو بس هذا كان حدود اهتمام جدتي الغريب علي زاد لما كانو الرجال عند ابوي
قلت بابتسامه وانا اطالع بجدتي""فجاءه كذا صرتي تحبيني""
كنت ابغى اسمع تفسيرها لمجرد الكلام لاني عارفه ومتٲكده ليش صارت كذا تحبني
قالت وهو تطالعني بحده مع نبرة صوت عاليه معتاده""الغلط مني الي اهتم فيك""
ولفت كرسيها وقامت امي بسرعه تساعدها ودخلت غرفتها لما طلعت امي قالت""ليش عليها يعني مااعجبك اهتمامها""
قلت وانا ابتسم بمسخره""لا مااعجبني كنت ابغاه علشاني مو علشان حساب زوج المستقبل""
قالت امي وهي تحرك راسها بطريقة لا""اش هذا التفكير جدتك تعرفينها تقدر الزواج وهي عارفه انها فتره وتروحين بيتك وبتشتاق لك""
ماغير قناعتي كلامها بس ماعلقت
بكره حتى لو ماعرفو انا بقول بس مااتوقع احتاج لان لما رجع ابوي كانت الامور جديه وحددو الزواج مع موافقة امي وابوي وانا مااعترضت
لاني حتى انا مستعجله لتحقيق شرطي وحلمي حددوه بنهاية الشهر يعني بعد عشرين يوم تقريبا
ومثل ماقال زواج بسيط للحظه فكرت اني اخليه يوم مميز وماينسي وفخم
بس بسرعه غيرت رائي لما ذكرت نفسي بنوع زواجنا ان شاء الله اذا تزوجت مره ثانيه بسوي الي نفسي فيه لان بيكون معاي فلوس وبسوي كل شي
كل شي يجي في بالي
لما صحيت الصبح كنت متحمسه اعرف ردة فعلهم عن الموضوع بدرجه كبيره
لما قربت من مكتب خالد رفعت ذقني وشديت ظهري هذا هو وقت التغيير
وكملت طريقي وانا مبتسمه بنصر لما وصلت اول ماشافني خالد
وقف وقال بكل احترام""الف مبروك اخت تاج""
كملت طريقي بدون ماارد عليه اساسا وهو يتكلم انا كنت امشي
الحين عرف الاحترام لما عرف ان غصب عليه يحترمني برجع له كل شي سواه فيني وتقليله بحقي
لما دخلت المكتب قالت الجوهره بصوت عالي""يال.....(سبه)ليش ماتقولين لما سمعت كنت بطيح في مكاني""
ماحبيت سبتها الميانه مو كذا انا مااحب هذا النوع من المزح من زمان بس الحين الموضوع صار اني استحق احترام اكثر
قلت بعد ماجلست بختصار""امس كانت الخطبه""
قالت احلام وهي توقف من كرسيها بصدمه""كيف اختارك انتي""
وجلست ع طاولتي اش افهم من سؤالها ان مااستحق انا اكون زوجته
قلت وانا افتح الجهاز بدون نفس""اسٲلي ليث""
تعمدت اقول اسمه اش هذا الاسلوب ادري انهم تفاجاءو بس مو كذا
سمعت حنان تقول بدون ماارفع راسي""مسرع انغريتي""
ماعلقت ع كلامها يعني علشان قلت اسٱليه صرت مغروره
قالت احلام""لا صدق كيف عرفك ووين شافك""
رفعت راسي وقلت""لما رحت مكتبه اعترض ع الانذار عرفني""
انا ماانغريت بس اسلوب الصدمه هذا مو حلو
صفقت جوهره وقالت بضحكه""ياسلام ياسلام حب من اول نظره""
ابتسمت بدون مااعلق
قالت احلام وهي تتكتف""الحين مافي غيري سنقل""
قالت اريج""الف مبروك تاج متى حددتو الزواج ولا فيه ملكه""
قلت بٲبتسامه""لا زواج نهاية الشهر ان شاء الله""
قالت احلام بضحكه""ماعنده صبر""
ضحكو البنات وانا معاهم بس مو نفس السبب الي ضحكهم
قالت حنان""مو كان مملك متى طلق ماسمعنا""
قالت احلام بعد غمزه""اول ماشاف تاج""
تذكرت صح انه مملك بس ع بالي متزوج وطلق
نسيت بس اخوه الي متزوج اتذكر بعد تكلمو عن فخامة ملكته ع مين نسيت اسمها هو قاله بس نسيت
بعد ماا تذكر اذا حدد وقت طلاقه بس اتذكر السبب هو اندماجه بشغله
طول اليوم ماتركت ابتسامتي كان الجو غير بنسبه لي وهم طول اليوم يعلقون ع الموضوع
اخيرا بيصير الي اتمناه الاحترام من كل الناس وانا طالعه من الدوام تٲكدت ان كل الي بالشركه عرفو من نظرتهم واحترامهم لي مو قادره اصدق ان الي اتمناه يصير
متى بس اجهز مشروعي
بس طبعا بعد خمسه شهور ابدا اجهز مشروعي ان شاء الله
وبعد شهرين اطلع من الشركه وخلاص ابدا لنفسي اش هذا النعيم ياناس
لما وصلت البيت كانت امي مشغوله تكتب كل الي تبغى تجدده في البيت قبل الزواج
حاولت اقنعها ان مايحتاج تجدد شي وتضيع الفلوس بعد الزواج انا بسوي لها كل هذا
بس رفضت ومو راضيه تسمعني تقول بيجون اهله وبعزم الجيران لازم كل شي يكون جاهز
عند هذي النقطه وقفت من الكلام ادري ان الخطوبه كانت طبيعيه وكذا بس ماابغى يجيب اهله عندنا البيت
اساسا ماابغى تزيد العلاقه هي فترة شهور ماله داعي يجون يكفي يوم الزواج يعرفون امي وخلاص
ماله داعي زيارات
دخلت غرفة عبدالرحمن وقلت له السالفه تفهم بسرعه وقال ان معاي حق يكفي الحي الي ساكنين فيه غير كليا عن الاحياء الي يسكنون فيه
منجده ماابغاهم يطالعون فيني بدونيه هي فترة شهور راح اعيشها مثلهم مثلي
قلت""طيب كيف""
قال وهو يٲخذ جواله من ع السرير""بكلم ليث وبقول له ان امك تعبانه هذي الفتره وماله داعي يجون اهله يكفي ليلة الزواج""
حركت راسي بطريقة لا وانا رافعه حواجبي وقلت""سلامتها مومنجد بتقول هذا الكلام وبهذا الاسلوب اش فيك""
ضحك وقال بغرور""لا طبعا للحين انتي ماتعرفيني وتعرفين اسلوبي الفريد هذا المنجز بس""
قلت بصدق""اعرفه طيب بتكلمه الحين""
وانا اطالع بالساعه كانت ثلاثه العصر يعني لسى بدوام
قال عبدالرحمن""ايوه الحين عادي""
قلت""بجلس هنا بسمعك""
قال وهو يرفع الجوال""اجلسي وتعلمي""
قلبت شفايفي بعدم استحسان بس هو ماطالع لانه دق عليه وتكلمو شوي بموضوع عام وبعدها سٲله عن اخبار امه ماادري اش رد عليه
بس قال عبدالرحمن""طيب راح تجي لزواجك""
وحطه سبيكر سمعت ليث يقول""لا مابتجي هي مو راضيه اساسا""
..نهاية البارت..
..عافاكم..
..عجايب..
الحمدلله.


..بأذن الله لي حسنه ولك حسنه..
(أيقظنِي يا الله على نُور الجنة .. إن غفت عيني بـ أمرك ولم تستيقظ ..امين يارب العالمين..)