كاتب الموضوع :
عجااايب
المنتدى :
القصص المكتمله من وحي قلم الاعضاء
رد: رواية من المستفيد
*
*
*
السلام عليكم و رحمةُ الله ِ و بركاته () .
صباحـك / مساءك ريحان , و بعد :
اخبارك ياقمرهم عساك ِ بخير ؟
اول شي اعتذر على عدم تواجدي بكل بارت والله اني مشغولة بالحيل و راح يقل تواجدي مع المدرسة :(
تعرفي عجوبة ذي اول رواية اقرأها بحياتي من بين ألف رواية سبق وقريتها سواء كانت كتاب او على الانترنت
احب فيها البطلة اكثر من البطل !
دايمًا دايمًا اكون بصف البطل حتى بروايتك السابقة انا كنت مع رماح و الباقيين مع رؤيا
لكن ذي البطلة تنحب على سذاجتها سبق وقلت ذي البطلة مو طماعة لكنها ان سمعت كلام و عجبها مشت فيه بدون ما تطالع بالعواقب هي الحين تفكيرها بالفلوس وكيف حتكون رؤية المجتمع لها بعد ما يصير عندها فلوس
لكن ما اتوقع ليث بيفتحلها المجال لهالدرجة بتآخذ على راسها مع الليث
يمكن لو منجد حصلت على الي تبيه من فايدة تبدأ تغتر بنفسها ساعتها يمكن البنات الي معاها بالقسم يغيرون نظرتهم عنها و ما يصيروا يحبوها مثل الحين و راح تبدأ تحس بالذنب بداخلها و بتصحى على نفسها الواضح انها من الحين بدت تغتر لأنه كل كلمة والثانية بين افكارها الصامتة تقول بصير زوجة المدير بصير زوجة المدير
امم اتوقع مثل الحلوات الي قبلي انه الليث بيجبرها على الغطا رغم انه بهالشي الواقع ماشي بالعكس يعني البنت في بيت اهلها تكون تتغطى ولما تصير ببيت زوجها تفسخ الحيا كثير ناس اعرفهم هذا هو حالهم مدري بصراحة عن المدن الأخرى بالسعودية انا كل كلامي على جدة فقط على الي عيوني تشوفه ومحد بيكذب زوج عيوني طبعًا
فدايمًا الروايات تصور الرجال يغار على محارمه و مدري وش لكن حقيقة انا بمجتمعي اشوف العكس يا البنت تخاف على نفسها يا محد اعطاها وجه عالعموم مو هذا كلامنا لكن قضية الحجاب تثير غضبي
حلو من تجو انها رفضت كلام عبدالرحمن و مشت على الي تقوله غريزتها و فطرتها كمسلمة تخاف ربها
عذر انه امها قالت لها غطي وهي كانت تقولها بعد شهر لمن امها يئست و تعودت عليها دون غطا ما دخل عقلي ولا اقنعني الأم ما تطلب الأم تأمر و هيا غصبًا عنها تنفذ مو برضاها لأنه هالشي من الأخلاقيات و الآداب الإسلامية
بعكس الناس الي يعتبرونه عادة و تقليد اظن هذا رأي أمها بالغطا عشان كذا طلبت و ما أمرت
ليث في شي في راسه انا مو قادرة افهمه زين هو احتمال انه منجد عارف نية تاج الحقيقية وبيبعدها عن ابوه وفي جانب واحساس فيني يقول انه كمان يحبها مو يحبها بمعنى العشق لأني ما أؤمن بالحب من اول نظرة كلام فاضي ><
اسمه اعجاب من اول نظرة مش حب
المهم يمكن بداخله شوية مشاعر لها وبتكبر مع الأيام اذا كانت تصرفاتها سليمة و صحيت على نفسها شوي او هو بيحبها بتصرفاتها و تفكيرها الأهبل و يبدأ يشكلها مثل ما هو يبي
اكثر غباء سوته لما كانت حتتصل على ابو جهاد وتقوله ابيك !!! خير وين عقلها انخبلت الحُرمة هههههههههههههههههههههههههه اتخيل لو منجد قالت له كذا وش كان بيصير وقتها ؟!
جد جد الفيوز ضاربة يا تجتوجة
ابوجهاد حس انه ليث بيتقدم لتاج هذا يعني انه لاحظ على ليث تغير بملامحه يوم يشوف تاج و هذا يعني انه الليث بالفعل يحمل شوي مشاعر لتاج و بيكتشف ان كانت هالمشاعر بمحلها الصحيح او لا اذا تزوجها
حاجة ثانية بالفعل كلن يرى الناس بعين طبعه الدليل تاجو صارت تشوف الكل يحبها لانها حتتزوج ليث والليث غني
جالسة تقول جدتي تغيرت للأحسن و كلهم فرحانين لأني بتزوج واحد غني
وكل هذا اوهام عقلها مو معقولة حُرمة عجوزة تفكيرها بس بولدها و عادي حفيدتها تتزوج مين ما كان المهم انه غني و بس
واضح تاج بدت توسوس وترسم لنفسها اوهام ما تمت للواقع بصلة مع الوقت بتتغير كثير على نفسها والناس الي حولها و بتحس بخطأها اكيد سبق وقلت الفايدة الي بتكسبها تاج انها بتعرف انها على خطأ
في شي تذكرته بخصوص عبدالرحمن نسيت اذكره بردودي السابقة
ذيك البنت الي اشرت لعبدالرحمن عند مدخل العمارة في بينها وبين عبدالرحمن مكالمات او ماشابهه
و هو على الأغلب يلعب عليها لو هو يكن لها ذرة مشاعر قدامه بيت اهلها بكل بساطة يتقدم لها و محد مانعه لكن لا مو هاذي نية امثاله الي زيه يبغى بنت عز ودلال اتمنى يصير شي بينه و بين البنت يخليه يندم و يعرف قد ايش تفكيره نجس
عجوبة حبيبتي اذا دخلنا بالأحداث اكثر لمن نوصل لبيت ليث
نبغى الرواية تقلب على لسان الليث منها يكون تغيير بأسلوبك الي ما اختلف عن الرواية السابقة بالجمال
ومنها نكون اكتشفنا دواخل ليث اكثر و اكثر
يعني حتى انتِ نفسك بتحسين بالتغيير
و غير كذا ياليت الرواية ما تنتهي بس على تاج و ليث
لازم نعرف وش نهاية عبود و شوق و خالد في اشياء لازم تتوضح ولازم الي غلط يتوب او يتعاقب لكن لا تنهين الرواية واحنا ما عرفنا وش هو مصيرهم بالضبط
فياليت الشخصيات تظهر اكثر وما تبقى الرواية متمركزة على هالبطلين فقط
دمتِ بسعادة | $
*
*
*
|
26-03-15, 10:58 AM
جديد مواضيع قسم القصص المكتمله من وحي قلم الاعضاء
العرض العادي
