السلام عليكم

وربي يسلم ايديك بارت روعة واستمتعت فيه كتير والله ..

حبيت اسجل حضوري رغم مرضي فأعذريني لعدم تعليقي بشكل يليق فيك حبيبتي ...


تقبلي خالص ودي

°•○اللهم أغفر لي هزلي وجدي، وخطئي وعمدي، وكل ذلك عندي○•°

ان شاء الله تستمتعون بالقراءه..
..البارت الخامس عشر..
قلت بسرعه""دقيقه دقيقه ماقلت لي برايك كم المفروض احدد بالشهر وكم بالنهايه""
عارفه اعتمدت كثير عليه بهذا الموضوع بس احسه اعرف مني بالخطوات اما النتايج انا اعرف منه
قال مبلغ ضعف راتبي لشهري
قلت بتردد""اخاف يرفض""
قال وعيونه ع باب المطبخ""لا مو كثير عليه ويلله روحي البسي نتكلم بالسياره""
رحت غرفتي وفتحت الدولاب غصب طلعت لي شي مناسب لبعض من الحوسه
سكرت الدولاب وغيرت بغرفتي بعد ماسكرت الباب ولبست عبايتي وحذياتي وانا احط الجوال بالشنطه الثانيه
دق الباب رحت فتحته وانا احط الشنطه ع كتفي وقلت لما شفت انه عبدالرحمن""كلمت امي""
قال وهو يطالع فيني بعدم رضى""ايوه انتي كذا بتروحين""
طالعت بعبايتي ورفعت عيوني وانا اقول بشك""ليش اغير عبايتي""
قال وهو يحرك راسه بطريقة لا""مو المشكله بالعبايه المشكله بوجهك منتي حاطه شي""
قلت وانا امشي قدامه""انا كذا عاجبني""
اسلوبه بعض الاحيان من كثر ماهو حلو يقنع وبعض الاحيان يتكلم عادي كٲنه يسب ع مزاجه
قال""وانا عاجبني بس لو تحطين كحل روج بيعجبني اكثر""
قلت وانا افتح باب الشارع واطالع فيه""منجدك انت تعرف اني مااحط شي بوجهي وانا طالعه من البيت""
يعني هو حلو اني امشي ع حسب قناعاتي بدون محد يتحكم فيني بس انه يقول لي كذا مااعجبني مره
قال وهو يطلع من الباب قبلي""ولا حتى في البيت""
قلت بعصبيه وانا اسكر الباب""كيفي""
ماعلق ع كلامي الا لما طلعنا السياره قال بهدوء وهو ناوي يقنعني""ادري كيفك بس اليوم يختلف اعتبريها نظره شرعيه الي تغطي وجهها تدخل عنده من غير عبايه انا قلت شوية مكياج مااتوقع فيها شي وبنروح قسم عوائل طبعا ومحد بيشوفك غيرنا بنتظرك هنا انزلي في وقت""
قلت بهدوء مثله""حرك عبدالرحمن مابنزل بذات في هذا الموضوع ماتقدر تغير رائي فيه اساسا افكر اغطي وجهي""
رفع اكتافه وهو يحرك السياره اول مره اقول لاحد عن هذي الفكره ومالقيت تفاعل المفروض يحمسني اكثر
لو اقول لامي بتفرح هي كانت تقول لي زمان غطي وجهك واقول لها السنه الجديده بداية الشهر الجاي حتى تعودت
وامي تعودت بعد بس ماراح اقول لها حتى اقرر وماراح تكون رجعه فيه ان شاء الله
وقفنا عند مسجد لصلاة العصر دايما عبدالرحمن مستعجل بس هذي المره بزياده يبغى يعلمه انه ع الموعد
بعد الصلاه رجعنا السياره قلت بستغراب لما ماتحرك""اش تنتظر""
قال وهو يطالع بالسيارات بتركيز""قربنا من المطعم بنتظر هنا ماابغى نتٲخر عن الموعد المحدد بس بعد ماابغى نجي قبله""
رجعت ظهري وقلت بعدم استحسان وانا اتكتف""مطعم بعد العصر""
قال وهو يطالع فيني بطرف عيونه""الرجال مشغول قال ان ماعنده الا هذا الوقت يٲكل ونتفق""
حاولت اتجاهل كل افكار ان يشوفنا ولا شي وانه يحس انه تفضل علينا بهذا الوقت وان يبغى يخلص وخلاص
وفكرت بنقطه معينه وهو شرطي ابغاه يشتري بيتنا نفسه الدور الي احنا فيه والي فوق كيفه وابغى شغل لابوي وبعدين انا اجدد سيارة ابوي وهذي السياره واعطيها لعبدالرحمن
ويبقى مشروعي هو وعدني يساعدني حتى يكبر والمبلغ الي مع الطلاق راح يكون محفوظ بالبنك وطبعا راتبي بعطيه ابوي مع راتبه لاربعه شهور لتعديل البيت
وبعدها راح اخليه لي مع المبلغ الشهري من ليث راح يكون اكثر من كافي
اخذت نفس عميق وقلت بابتسامه""راح يتغير كل شي""
قال عبدالرحمن بٲبتسامه واضحه بصوته""ايوه كل شي""
حسيت بصفاء هذا الجو حسيت بهدوء وسكينه
بس مااستمر هذا الاحساس لان اول ماقال عبدالرحمن بحماس""الحين الوقت المنتظر""
وحرك السياره حسيت بتوتر وكذا الم بمعدتي
مافي شي يخوف كل شي بيدبره عبدالرحمن انا بس جالسه
كنت اهدي نفسي بهذي الفكره وانا انزل من السياره
مشيت جنبه كان المطعم من جوه افخم بمراحل من برا شي يفتح النفس اول مادخلنا قابلنا شخص قال""اهلا بزيارتك نحجز لكم طاوله ولا محجوزه""
قال عبدالرحمن وواضح الثقه بصوته""محجوزه بٲسم ليث ابراهيم""
قلت له بصوت منخفظ""لا عبدالرحمن يمكن...""
سكتت لما قال""تفضلو الطاوله جاهزه""
ومشى قدامنا كان جزء من المطعم مكشوف لبعض وبجزء كل طاوله لها خصوصيتها واحنا اشر لنا ع وحده من هذا النوع
جلست قبل عبدالرحمن وهو جلس جنبي وانا اقول""شكلنا جينا بدري""
قبل مايتكلم عبدالرحمن جاء نادل وصب لنا مويه وحط ع الطاوله المنيو وراح فكرت لو انه ماقدر يجي مشغول مثل العاده ياان يكون موقفنا بايخ مره
عضيت ع شفايفي بتوتر بدا احساس التوتر يرتفع صرت مو مرتاحه بمكاني نفسي اوقف احرك رجلي شوي وبعدين ارجع اجلس
ان شاء الله يتٲخر شوي علشان اتعود ع الجو
بس طلع العكس كل مامرت ثانيه زياده زاد احساس عدم الراحه خلاص يجي وننتهي من هذا الموضوع
كنت جالسه بجنب عبدالرحمن قلت وانا اطالع فيه""تٲخر خلينا نروح لين متى بننتظره""
رفعت نظري اكثر لما سمعت صوت ليث يقول""اعتذر ع التٲخير""
وقف له عبدالرحمن وسلم عليه وهو يقول بابتسٲمه واضحه بصوته لانه كان معطيني ظهره""احنا مالنا وقت من جينا""
غمضت عيوني لثواني وجمعت كل قوتي وشجاعتي وخليت هدفي بين عيوني وفتحتها
لقيت ليث يطالع فيني مانزلت عيوني خليت الامر طبيعي
حط الشنطه جنبه بالكرسي المقابل لي وجلس هو بالكرسي الثاني
..نهاية البارت..
..عافاكم..
..عجايب..
الحمدلله.



..بأذن الله لي حسنه ولك حسنه..
( قال ربِّ اغفر لي وهب لي ملكا ) #كرم ربك يجعلك لا تتردد أن تجمع في دعاء واحد بين الاستغفار من ذنب كبير ، وطلب العطاء والخير الوفير

باااااااااااااارتيييييييييين

احبك يابت
😍😍😍😍😍😍😍😍😍😍
لي عودة بعد القراءة ..

ههههههههههه
ياربي ع هالتيته ..
خايفه انه ليث سمع عن تاج شي وبطل هالزواجه..
هههههه

ليث وتاج..

حلو انه طنشهم ليث 😍😍

وخلاها تضرب اخماس باسداس ..
وحلو انه فصل حياته الخاصه عن الشغل..
بس شو حركة الشنطه بالمطعم؟!
بانتظار زواجهم والاكشنات اللي حتصير..

شوق وخالد..
احسهم حيتزوجوا ..وحيطلع خالد حركاتها قبل الزواج من عيونها بشكوكه ..


وشو كمان وشو كمان !!!

نسيييييييت😔😭
ان تذكرت باقي التعليق اللي ببالي رجعت ..
السموحه منك ..
ويعطيكي العافيه ياعسل..

يسلمو إيديك يا عسل عن جد الأحداث عم بتطور بشكل سريع

ومتشوقة للجاي


سامحيني مروري لا يوفيك حقك يا رائعة

بس تأكدي أنه ما يقلل من روعة كتابتك ومن استمتاعي العميق بها رغم مرضي.


لك مني خالص الود

°•○اللهم أغفر لي هزلي وجدي، وخطئي وعمدي، وكل ذلك عندي○•°