ان شاء الله تستمتعون بالقراءه..
..البارت الرابع عشر..
ضحكت او بالاصح طلعت هواء
مو عارفه بيوقف وين عبدالرحمن
يعني ماكان ناوي يقول حتى اوافق
قلت""اش قلتو""
قال وهو يعني يسترجع كلامهم""اتصل وانا لسى بالسياره ماوصلت الجامعه(يعني اول مااعطاه الورقه السكرتير مو هو يسوي مشغول وماعنده وقت)وقت عرف عن نفسه(ضحك وكمل)سويت نفسي مو مهتم قلت اهلا وبس
بمعنى كلامه ان يبغى نحدد له يوم وكذا قلت له قصدك الصفقه""
فتحت عيوني لاخره وانا اقول""عبدالرحمن ليش كذا انا الغلطانه الي ق...""
قال بعدم صبر لما شاف صدمتي""اش فيك فكري اهم شي ان يكون معاك احد يعرف علشان مايلعب عليك في الاوراق قلت له اني اعرف لانك ماتخبين عني شي وان ع بالك هو جهاد علشان كذا بسرعه رفضتي لانك تعرفين ان عنده طفل وانتي تحبين الاطفال وماتبغين تخربين حياتهم بس يعني لما عرفتي انه ليث فكرتي في الموضوع علشان حالتنا وطبعا حكيت له عن ابوك وامك خليتك كٲنك تضحين بمستقبلك علشان اهلك""
غطيت بيدي عيوني وقلت بصوت منخفظ""كذا ع باله انا مثاليه بيتفاجاء لما يعرفني""
قال""بيكون تزوجك بعدين ليش كذا مهتمه في كل النواحي هو قالها حتى لي سبعه شهور سوا كنتي مثاليه او لا بينتهي الموضوع اهم شي الحين مايغير رايه""
وسكتنا بس عقلي مو راضي يوقف تفكير بهذا الموضوع
ماابغاه يتوقعني شي وبعدين يتفاجاء ابوه لما كلمته بالجوال قال ان الي اعجبه اني مااتبع النظام ومع انه حط حواجز ع قوله دخلت
والله هي جات كذا صدفه وعفويه ماكان احد موجود وجيت المستشفى مو بمعنى ان ماتهمني الاوامر مثل مافي راسه
ماخذ عني فكره مو قريبه من شخصيتي
يعني علشان كذا اختارني في باله اني وحده ماعندي حدود واحتمال اجرب
ولا انتبه ان عيوني ع ابوه احترت في الموضوع بقوه
لما وصلنا قال عبدالرحمن بابتسامه واسعه""كم يوم وبتجين لهذي الشركه وانتي بنظر الناس مو بس موظفه""
اخذت نفس عميق وفتحت الباب ماراح افكر الا بذي الطريقه هدفي وبس
شلون راح استفيد من هذي الفرصه
اما انه بيتفاجاء فما اتوقع مو هو يقول انه يبغى يشتغل طول الوقت بدون مايحس بتٲنيب الضمير يعني ماراح يعرفني بالاساس
اخذت نفس اطول وانا اطرد كل الافكار
وبس وحده الي استوطنت كل خليه وخلتني احس اني وصلت الي ابغاه
رفعت ذقني وانا امر من عند مكتب خالد خلينا نشوف شلون تتغير معاملتك معاي وشلون تحترمني
صبحت ع البنات وانا اجلس ع الكرسي وبعد هم نشوف شلون تكون ردة فعلهم اذا عرفو اني بصير زوجة رئيسهم
ابتسمت وانا افتح الجهاز كل شي بيتغير للافضل ان شاء الله
قالت حنان""اليوم رايقه ماشاء الله انا مانمت زين ودي ارجع البيت تقدرون تغطون علي""
ضحكت جوهره وقالت""انا بوصلك مره""
قالت احلام""وانا بغطيك""
ضحكت حنان وقالت""يعني مافي امل""
بعد فتره بترك هذا المكان واروح لمكان اهم
اشتغلت بحماس كبير فتره واترك هذا الشغل وابدا مشروعي
ياربي مو مصدقه و ع طاري هذا الكلام
دخل خالد وبيده اوراق حطها ع مكاتبنا وقال بصوت كريه بنسبه لي مدري اش هو السبب الاساسي الي خلاني اكرهه كذا
""هذي نتائج اجتماعنا اقروها وبتفهمون راح تبدا المقارنه من بداية الشهر الجديد يكون التغيير بعد شهر للافضل""
رفعت الورقه كان كلام كثير جدا فيها لما قريتها كلها فهمت انهم يبغون يكون شهر تجريبي بيننا وبين قسم فني واذا نتايج الشهر هذا هم افضل منا راح يستلمون شغلنا واحنا ندور ع شغل ثاني
كان هذا بمعنى التحدي لنا اكيد هذي فكرة خالد قال شلون نطلع البنات من الشركه ويجلسون في بيوتهم او بالاصح بالمطبخ
في بالهم ان الفنيين بيكون الافضل لهم نسيو الفتره الي لنا في هذا القسم وراح يكون الافضل لنا
رفعت عيوني وانا اطالع فيه وذقني مرفوع
مو عارف ان لي يد بذا الموضوع فتره واكون في بيت ليث واقول له وبما اني بكون زوجه طبيعيه قدام الناس فاكيد انه بيرضى يخلي القسم مثل ماهو دام انا اشتغل فيه بعد مااطلع كيفه
قال خالد""فيه سؤال""
قالت شوق بٲبتسامه""لا شكرا حبيبي""
قال خالد وهو طالع""استاذ خالد لو سمحتي""
ضحكت احلام بقوه وقالت جوهره وهي واضح انها تبلع ضحكتها""تقولين خلاص صار يحبك ولو ايش تطلبين يعطيك هذا هو حبه ""
قالت شوق بعصبيه""والله ماكذبت منجد هو غير بالجوال يقول في الشغل مايقدر يعاملني غير""
قالت حنان"" خلاص طيب حتى انتي في الشغل لا تقولين له كذا""
قالت شوق وهي تطالع بجهازها""طلعت عفويه تعودت اقول له كذا بالجوال""
مدري ع ايش شايف نفسه خالد هذا فشلها قدامنا حتى محد تكلم عن الموضوع الاساسي الي جاء علشانه
انا عن نفسي ضامنه مكانتي هم اش بيسوون لسى احنا قربنا من نص الشهر تقريبا بقي نص شهر لنجهز خططنا
بعد مااثبت مع البنات ان قسمنا افضل راح اطلع من الشركه وابدا مشروعي ان شاء الله
يعني اول شهر من زواجنا بكون مشغوله باثبات الذات وهو يكمل حملة التجديدات بالشركه..
نزلت من السياره وانا اقول""ماادري ماشفته وبس والله ماشفته""
طول اليوم كنت متوقعه اي شي من ليث امس كنت منتظره وطلع مع عبدالرحمن
واليوم عبدالرحمن متوقع عندي شي وماابغى اقوله
حلفت له علشان يتٲكد وتنتهي هذي السالفه
دخلت البيت وكان امي وجدتي بالصاله قالت امي اول ماشافتني""كلمت ابوك وبيجي اليوم ان شاء الله""
حركت راسي بطريقة طيب وانا رايحه غرفتي
قالت جدتي""لا تنامين تاج حتى تٲكلين وانت عبدالرحمن""
ادري ان جدتي تحبني ومهتمه فيني بس ولا مره وضحت بكلامها
يعني حتى جدتي تغيرت معاي بالمعامله لاني بتزوج واحد غني لانها امس ماقالت يابنتي الا لما سٲلت عبدالرحمن مره ثانيه مين هو
قلت لكم الفلوس اهم شي بالدنيا
قلت بابتسامه""ان شاء الله""
كل شي بيتغير للافضل ان شاء الله..
كل يوم اداوم انتظر اي لمحه تدل ع انه بيكمل في الموضوع من بعد ماكلمه عبدالرحمن وقال له حياك قال انه بينتظر ابوه يرجع من السفر توقعته مستعجل
بس للحين مافي شي بديت احس ان مشروعي بصدد اني اخسره
مو هو صفقه يعني الطرف الثاني له رائي وعبدالرحمن يدري بكل شي بكلمه يتصل عليه ويسٲله اذا غير رائيه
بس لما قلت كذا لعبدالرحمن عصب قال ماراح نتكلم ولا شي هو الي بدا الخطوه الاولى وكلمك يبغي يكمل ولا يرجع احنا بنفس مكاننا
بعدين المفروض مانوضح ان احنا موافقين بقوه
انا قلت له بتردد كٲني مو موافق بس انتي ماتسمعين الكلام
انسي الموضوع بعدين هو يعرف ان اثنين عرفو بخططه مستحيل يزيد العدد اكثر
يعني يسبك ويروح لوحده ثانيه
انتظري سمعت كلامه وهذاني انتظر من فتره حتى ابوي رجع سافر وقال وقت مايتصل الرجال بيرجع
قربنا ع بداية شهر المقارنه كذا سميناه وصرنا مشغولين اكثر نخطط وننفذ ونجدد ونحدد مسؤليات كل وحده
صح مشغوله لراسي بس كل لحظه اتوقع شي من ليث
يتصل يجي البيت يطلبني المكتب اقابله عند البوابه ولا صار شي من هذا
بس بنهاية الشهر لما استلمت راتبي وكان منخصم للانذارين
عضيت شفايفي وانا احطها بالشنطه راح ننظغط اكثر هذا الشهر الحين عرفت وتٲكدت ان في شي وان الافضل لي معد اتفائل
اول ماطلعت السياره بما ان عبدالرحمن هو الي سوا كل شي بهذا الموضوع قلت له وانا احاول مااحس بيٲس
مو معقوله يكلم اخوي وبعدين يغير رائيه هو يدير شركه اكيد انه تعود اذا قال شي ينفذه ليش تٲخر طيب
قال عبدالرحمن هو يحرك السياره""اليوم رجع ابو جهاد من السفر اذا مر يومين وهو ماجاء راح اتصرف""
قلت بطفش من انه مخلي الموضوع يخصه وحده""ماتتصرف حتى تقول لي""
مع اني اشك يقول بعد طيب اما قبل لا
بس هو مجتهد في الموضوع اكثر مني
عارف انه بيستفيد
واليوم كان هو اليوم المنتظر اتصل ليث ع عبدالرحمن كنت جالسه جنبه ع الغدا لما دق جواله وراني الشاشه وقام راح غرفته يكلم
يعني لسى ع كلامه بس كان ينتظر ابوه مثل ماقال
اخذت نفس عميق وانا احاول ماابين ابتسامتي
والله خفت الفتره الي راحت مره خفت ينتهي الموضوع عند هذا الحد
اول ماطلع من غرفته طالعت فيه ابتسم بعد ماغمز لي يعني ماشي الموضوع الحمدلله
قال اول ماجلس""هذا ليث يقول بكره بعد صلاة العشى بيجون""
قالت جدتي براحه""الحمدلله يعني بيجي ماسمع عنها شي""
طالعت فيها وانا معقده حواجبي صح جدتي كذا دايما اسلوبها بس من بعد ماسمعت بخطبتي تغيرت معاملتها علشان كذا ماادري ماتقبلتها منها
قالت امي بسرعه بضحكت توتر""قصدها فرحانه لك تعرفين جدتك عندها اهم شي البنت تتزوج""
حركت راسي بطريقة طيب بدون مااتكلم ماتغيرت معاملتها معاي الا لما عرفت مين
اوكي انا ابغى ابدا مشروع وحدي وعبدالرحمن يبغي يبدا حياته وامي تبغى ابوي يرجع البيت علشان كذا فرحانين انه غني بس جدتي ليش بس اتزوج وخلاص
يمكن علشان كذا ماتقبلت منها فرحتها وكٲنها تفكر في ولدها بس
هو صح ولدها يمكن له كل الفضل بس طبعا مابقول له
بس انا بعد بنتها قمت ودخلت المطبخ اغسل يدي وانتظر عبدالرحمن وماانتظرت اول مادخلت دخل وراي قال بفرحه""بكره بيجي مع ابوه يخطب علشان كذا يبغى اليوم نقابله نحدد كل شي وماعنده وقت الا العصر ووافقت الحين تجهزي وانا بقول لامك نروح نشتري لتقديم""
..نهاية البارت..
..عافاكم..
..عجايب..
الحمدلله.



..بأذن الله لي حسنه ولك حسنه..
(اللهم صُحبة صالحة تشدّ أزرنا تُساندنا لا ترتدي الغياب لأجل ألفِ عذر و زلة ، اللهم أصدقاء حتى الظلال حتى الجنّة *).