ان شاء الله تستمتعون بالقراءه..
..البارت الحادي عشر..
رفع اكتافه عبدالرحمن وهو يفكر
قلت بسرعه لما تذكرت""قال ابوي داخل المستشفى وهو بمكتب المدير اكيد جهاد""
عقد حواجبه وقال""اش قال لك بالتحديد""
اخذت نفس ابعد احساس الضياع الي احس فيه تخربط علي
وحكيت له الي اتذكر من كلامه حاولت اتذكر اسم الي طلقها بس نسيت
كان يمكن عرفت معقوله هذا غير جهاد وكله ابو جهاد ع الشغل ويقصد بابوه اي شخص كان
ولا يمكن يحترمه ولا مدري اش السالفه
قال عبدالرحمن لما سمع كلامي""دقيقه طيب اسٲل الحارس هذا""
كان يقصد ابو موضي اكيد بيقول له معد صرت احاول اطلع مين بس انتظر يرجع عبدالرحمن ويقول وعيوني عليه
اول مافتح الباب قلت وانا الف عليه بكامل جسمي""عرفت مين""
ضحك وقال""ياغبائنا معروفه هذا ولده الثاني ليث""
حرك السياره وانا اقول""بس قالو جهاد هو الي بيستلم الشركه""
قال بعد ماطلعنا من المواقف""ترتيبات بينهم اكيد المهم كويس انك رفضتي في البدايه هذا بيخليك في عيونه ماتهمك الفلوس لهذي الدرجه وبعدين توافقين بسبب ظروفك""
قلت بقوه""ماراح اوافق بس سبع شهور بعدين انا متٲكده انه ماقال كذا الا علشان يبعدني عن ابوه
واساسا هذا الشي بقوله لابو جهاد واخليه يعرف اني مارضيت
طريقته غريبه مو مرتاحه ابدا من كلامه في شي مو طبيعي""
قال عبدالرحمن بثقه""بيصير يتجنبك لانه مستحي من تصرف ولده ولا يقدر يتزوجك وولده فكر فيك خلاص انسي ابو جهاد وفكري فعرض ليث انتي بتحددين المبالغ مثل ماقلتي لي وبتسوين مشروع الخاص ومعد تحتاجين شي وكذا اسهل لك من حياتك مع ابو جهاد""
قلت وانا احرك راسي بطريقة لا""ع كيفك تفسر الامور انا ماابغى شي مؤقت ابغى شي دايم
وبعدين كل شي بيد ابو جهاد مو في يد اولاده لا بنتظر ابو جهاد يرجع من السفر""
قال بعد ماقلب شفايفه بعدم استحسان""ايوه خليك كذا حتى كل الاثنين يروحون من يدك وش دراك يمكن يطول ابو جهاد يمكن يرجع المستشفى يمكن معد فيه وقت هو رجال كبير""
قلت وانا اطالع فيه بطرف عيوني""رجال كبير الحين تقول كذا قلت لك تقلب الامور ع كيفك""
قال بعد ماطالع فيني شوي ورجع يطالع قدام""لا ماغيرت رائي ولا قلبته بس في امور استجدت اول كان مو موجود غيره بس الحين ليث اساسا حتى عند اهلنا كيف نظرتهم لو جاء خطب ليث ولا ابو جهاد يمكن مايوافقون عليه وحتى قدام صاحباتك ليث احسن لك وفكرت ان سبعه شهور الي معقده الموضوع
وش دراك يمكن تكون دايما بشطارتك مثل مالفتتي نظر ابو جهاد مو صعبه تلفتين نظر واحد عايش معاك لفتره ويمكن حتى تربطينه بولد""
حركت راسي بطريقة لا وانا اضحك بستهزاء مو معقول هذا الرجال
قلت""اول شي واهم شي ماابغى اظلم احد وتقول اربطيه بولد والولد هذا كيف يعيش برايك
مستحيل اذا بوافق بوافق ع شروطه كاملها هذي اتفاقيه فقط مو زواج""
قال بصوت منخفظ بس اسمعه""غبيه""
قلت بابتسامه""انت الغبي هدفي واضح ومحدد ماراح اغيره""
قال وهو يحرك راسه بطريقة طيب""قدامك اسبوع تغيرين رايك فيه""
يعني هو ع باله بغير رائي مثل ماجهاد اقصد ليث قال بثقه ان بعد اسبوع اقول رائي
بس انا ماراح اغيره مهما كان سبحان الله لو بنت ثانيه في مكاني كان حست بالاهانه لانه يعرض زواج مثل كذا
بس انا حسيت انه يلعب علي انا مااشوف الزواج مثل ماتشوفه حنان وجوهره ولا حتى شوق الي فاجائتني ذيك المره بنظرتها انا احس اذا ماكٲنو الطرفين استفادو شي من الزواج فالزواج غلط
لازم يكون خطوه لقدام مو لورا امي كانت تدرس ولما تزوجت ابوي قطعت دراستها ووقفت مكانها وابوي تو اشتغل بدل مايكون نفسه تزوجت وتدين
يعني بنظري زواجهم غلط كلهم رجعو لورا
انا اذا تزوجت ابو جهاد ببداء بمشروعي الخاص وهو المجله يعني خطوه لقدام هو اذا وافق فان اكيد في باله الي بيستفيده لاني ماني عارفه اش ناقصه
وهو رجال ذكي اكيد بيحدد اهدافه
لما وصلنا البيت دخلت الحمام وضيت وصليت الظهر وجلست النت وبحثت عن ابو جهاد بشوف منجد سافر ووين اتوقع موجود شي له
ولقيت كلام مختصر عن مرضه وسفره لنقاها واستلام ولده ليث لشغله
رجعت بحثت عن ليث مالقيت له شي وبحثت عن جهاد لقيت انه حظر مع ابوه مناسبات كثير يعني هو الي يعرف الشغل ليش صار ليث
بحثت عن صوره لجهاد جاني فضول اعرف شكله دامه جاء بمناسبات يعني فيه اكيد
تو لقيت له صوره مع ابو جهاد سمعت باب الغرفه ينفتح
بسرعه سكرته واللتفت اشوف مين قالت امي وهي تدخل""رجعتي اليوم بدري ليش""
قلت وانا الف عليها بالكرسي""حسيت راسي يوجعني بس الحين تمام الحمدلله""
قلت نفس السبب للبنات علشان كذا طلع بسهوله قالت وهي تعدل سريري""طيب قومي تغدي وارتاحي شوي""
وقفت وقلت""خلاص طيب سيبي السرير الحين بنام عليه ويرجع يخرب""
تنهدت بعدم رضى وطلعت وراي تغديت وعبدالرحمن يسولف واندمجت معاه
حتى سمعت جدتي تقول""ياولدي لاتخلي قلبك ابيض كذا غلطت عليك وجالس تسولف معاها""
قال عبدالرحمن بابتسامه""تعرف تاج تعتذر""
رفعت حواجبي وقلت""الا ياجده ولدك راعي مصالح قرر يرضى علي لحاجه في نفسه""
قالت جدتي بعصبيه""شفت كيف ماينفع معاها الطيب اعطيها ذاك الكف الي يخليها تعرف قيمتك""
حركت راسي بطريقة لا بعدم رضى وانا اكمل اكلي قالت امي""لا تدخلين بينهم يمه خلاص تراضو انتهى الموضوع""
ع بالي كذا انتهى الموضوع بتدخل امي
بس قال عبدالرحمن""لا ماانتهى الموضوع بس اش اسوي هي تهددني""
لما رفعت عيوني له بصدمه غمز لي
يحب احساس احد يدافع عنه فيه هرمونات انثويه كثيره
قالت جدتي وواضح لو بيدها قامت لي""والله ياتاج والله وهذاني حلفت برب الناس كلها لو اسمع عبدالرحمن....""
قاطعها عبدالرحمن لما شاف جدية حلف جدتي""امزح يمه امزح انا الي غلطت عليها بالاول وخلاص تراضينا""
قالت جدتي بطرف خشمها""لا تغطي عليها""
ضحك عبدالرحمن بقوه
قالت امي وهي توقف وتشيل الصحن بيدها""ماادري متى بتكبرون انتم""
قال عبدالرحمن وهو يطالع فيني تكلم بصوت منخفظ اتوقع بس انا الي سمعته""بعد اسبوع تكبر""
قلت بصوت منخفظ له""وقت مايرجع ابو جهاد من السفر اكبر""
مدري شلون ماخذ الموضوع تحدي لقدرات اقناعه اعرف اسلوبه علشان كذا ماراح اسمع كلامه مره ووقفت ورحت غرفتي عدلت المنبه لصلاة العصر ونمت..
اول مادخلت المكتب كنت انتظر اسٲلتهم واستفساراتهم ولا انهم عرفو شي كنت متوقعه كل شي بس محد تكلم الكل مشغول حتى احلام تشتغل
جلست ع الكرسي وحطيت شنطتي ع الارض وانا اشوف ورقه حسيت بخوف منها وتوتر لانها ذكرتني بورقة الانذار ذيك الي اخذتها قبل ايام رفعت الورقه ماكانت تشبه بس ذيك كانت نفسها انذار
بس السبب عدم الالتزام بمواعيد الخروج بدون استٲذان او عذر واضح
غمضت عيوني لثواني احاول اتماسك هم نص الراتب خصموه والحين زادو عليه خصم مايفيد شي الي بقي من الراتب
..نهاية البارت..
..عافاكم..
..عجايب..
الحمدلله.



..بأذن الله لي حسنه ولك حسنه..
(إلى اللذين كثرت مشاغلهم وتزاحمت مواعيدهم ، . يقول الله تعالى.. . "" فاقرءوا ماتيسر منه "". ..لاتهجروا القران ففيه بركه ومثوبه وراحه..)

ان شاء الله تستمتعون بالقراءه..
..البارت الثاني عشر..
يعني اش افهم من هذا اسلوب ضغط
يعني ع باله كذا راح اوافق اش هذا الاسلوب وش بيستفيد مااقنعني كلامه في شي ولا ليش كذا مصر
يستخدم كل شي بيده هذا غش
خلاص مااعجبني العرض انتهينا ماله داعي هذا الاسلوب الملتوي
ماراح اتزوج الا ابو جهاد ويشوف وكل هذا بوصله لابوه
يستغل اني اشتغل هنا اخذت الورقه وقمت مافي بالي الا اقول له اش يسوي بهذي الورقه وكيف يٲكلها
اش معنى انا الي تجيني الانذارات بين الكل
ليش علشان ماوراي احد عارف ان مالي رائ انا مجرد موظفه بس ماراح استمر كذا
وينه ابو جهاد الحين
طلعت من المكتب ومريت من مكتب خالد بدون مايسٲل شكله فهم لان اكيد الورقه وصلته هو الي حطها ع مكتبي
يداوم من بدري مديرنا كفو عليه صراحه لما شافني السكرتير قال""المدير بجتماع""
من الفجريه اجتماع قلت بعد ماسكرت فمي ثواني علشان مااسب مع ان عمري ماقد سبيت بس الحين توقعت من القهر اش معنى يختارني انا بس يبغى يخرب علي احلامي
قلت""متى ينتهي""
قال""نص ساعه""
جلست ع الكنبه بنتظره ماراح ابدا شغل حتى ادخل عنده رفعت يدي اطالع بالساعه علشان احسب الوقت وطالعت بمكتبه لما دخلت امس شفت طاوله كبيره للاجتماع بزاويه ماتبان من مكاني يمكن يكونون فيها ويمكن بمكان ثانيه المهم انه بالحالتين راح اعرف اذا خلص
يا هم يطلعون يا هو يرجع مكتبه
جاء السكرتير كذا اتصال وهو بعد اتصل يرتب موعد ع الغداء مع اشخاص بعد ماحجز في المطعم شكل شغله حلو وممتع بس طبعا مايناسبني انا مستحيل اعرف ارتب وقت لمواعيد والتزامات دايما مااعرف الوقت المناسب
بس غريبه ماراح معاه الاجتماع
اللتفتت ع الباب لما سمعت اصوات وكانو رجالين وهو
وقفت لما طلعو من الباب مرو من عندنا كان واحد يتكلم بصوت منخفظ شوي وبعفويه وبشكل طبيعي يعني اني اطالع فيهم حتى يلفون
بس اللتفت لسكرتير لما سمعته يقول""الاخت تاج حسن في انتظارك من نص ساعه""
طالعت بليث وانا احاول استرجع عصبيتي وشجاعتي بس بعد النص ساعه هذي والتفكير بشي ثاني هديت خلاص
بس انا ابغى اعترض بقوه وثقه وعصبيه عقدت حواجبي يعني بخطوه اولا
بس ماكنت محتاجه خطوه ثانيه لان كلامه رجع عصبني حقيقه
قال بنبرة صوت عمليه""خليها تنتظر اطلب رئيس قسم المبيعات""
ودخل مكتبه طالعت فيه وهو معطيني ظهره وراجع لمكتبه حتى جلس
كنت اغلي من القهر كل شي ممنوع لانه رئيسي بالشغل مااقدر ادخل مكتبه بدون اذنه
ماابغى اطلع من الشركه حتى اثبت وجودي عند ابو جهاد اذا رجع
خلاص مو مشكله مشيت بجهة السكرتير وحطيت ورقة الانذار عليه وقلت له بكل هدوء""اعطيني قلم لو سمحت""
طالع فيني بستغراب وهو يمد القلم قلبت ورقة الانذار وكتبت
(رائ اهلي مهم بسٲلهم
واتوقع اني مااستاهل هذا الانذار)
حطيت القلم وقلت""لو سمحت اعطيه هذي الورقه اذا صار عنده وقت""
وطلعت من مكتبه انا مو موافقه
بس ابغى اكسب وقت اذا كنت رافضه بقوه راح يحاول يضغط علي بٲي طريقه بس اذا يعني ماعندي مانع ماراح يستخدم هذا الاسلوب
وقت مايعرف برفضي ان شاء الله مايتٲخر ابو جهاد ولا لا بٲخذ رقمه الخاص من ليث نفسه اذا ع باله موافقه بيعطيني وذاك الوقت هي فرصتي
حسيت براحه اني تصرفت كذا وبصراحه حسيت بعد بغرور شوي اني بلعب عليه لان شي جواتي يقول انه جالس يلعب بس ماني عارفه كيف
كذا راح اسكته عني حتى يعرف ابو جهاد
مريت من عند خالد الي طالع من كتبنا وطالعت فيه بطرف عيوني
بعد الحين ماراح يوصل اوراق مثل كذا وماراح نشوف السعاده ع وجهه بسبب توصيل اوراق مثل كذا
دخلت المكتب وانا اسمع صوت غريب علي مو البنات بس طلعت الي بالقسم الي جنبنا كانو يشوفون شي بجهاز شوق
واول ماطلعو قالت احلام""ها اش سويتي""
قلت وانا افتح جهازي""اعترضت وهو قال بنشوف""
قالت جوهره بصدمه""غير رائيه كذابه مستحيل يغير رائيه هذا ليث معروف انه مايغير قرار طلعه مهما كان الا اذا هو شاف انه غلط مو احد يقول له""
تعرف انه ليث ليش ماتكلمت طيب من زمان حتى اني قلت اسم جهاد بس هو ماعلق يعني اعجبه اني طلعت غبيه قدامه
قلت علشان ارفع معنوياتي""بستثنائي طبعا قال بيشوف ماقال لي لا""
قالت حنان بابتسامه بارده""هو بس قالك بنشوف ماقال من عيوني ليش هذي الثقه""
طالعت فيها وقلت بصرامه""لان الحق معاي""
رجعت قالت حنان وهو تطالع بجهازها""اذا تبغين الحق انتي طلعتي قبل الموعد بساعتين وبدون عذر او استٲذان احنا توقعنا تٲخذين نفس مثل العاده وترجعين""
قلت وانا اطالع فيها بحده وهي مارفعت عيونها""يعني احمد الله ان مو انتي المسؤله""
هي ماتدري عن شي ليش تتكلم كذا يعني بعد كلامه اكيد ماراح ارجع المكتب ولا كٲن صار شي
وبما انه المسؤال عن خروجي غصب عنه يقدر موقفي
شكلي طالعه ع ابوي مااحب احد يتٲمر علي ويتشرط علشان كذا ابغى شغلي الخاص
قالت جوهره بضحكه""ايوه والله الحمدلله انها مو هي ولا كان من شروط قبول الوظيفه يكون عندها كامل الاستعداد لسماع محاضراتها اليوميه ولا تعلق""
شكلها تبغى تغير الموضوع وتخففه ومنجد معد تكلمنا..
ركبت السياره وانا احس بتملل طول وقتي كنت انتظر تعليق ع الورقه اكيد يمديه شافها الحين نهاية الدوام معقوله نسي السكرتير ولا مالقي وقت ولا يمكن تناسها من قصد
احس اذا شاف الورقه راح يكون له ردة فعل ع الاقل تعلمني انه شافها
بس مافي ولا شي يوم عادي مر بلحظه جات في بالي فكرة انه احتمال غير رايه
يعني هو قال ردك بعد اسبوع وجيته ثاني يوم يعني اكيد حس بفضول او نقول عرف ليش جيت كان سمع الكلام مني
بس بسرعه نفيتها مااتوقع انه يتكلم عن موضوع مثل كذا الا فكر فيها كثير
اكيد فهم علشان الانذار وهذي مو اول مره اعترض
طالعت بعبدالرحمن الي يسوق بتركيز بطريقه غريبه عليه اكيد يفكر مو مركز قلت""اش فيك""
حرك راسه بطريقة ولا شي
رجعت طالعت قدام ماراح اقول لعبدالرحمن اش سويت بيفكر انه اقنعني بكلامه طيب خلينا نكون واقعيين شوي ليث مافيه عيب شاب غني شكله مقبول واهم شي ولد ابو جهاد يعني ابراهيم
لو ماحطيت في بالي ابوجهاد كان مستحيل اتردد ثانيه عريس لقطه بس بوضعي لا ابو جهاد وبس
قلت بشوية حماس""تقدر تجيب رقم ابو جهاد الخاص""
لازم اكون في باله علشان كذا ابغى اذكر بنفسي
قال بعد سكوت ثواني""ايوه بس بعد وقت""
عدلت جلستي وانا مبتسمه صراحه احساس حلو اني العب ع ليث ياما فكرت اني اصبح ع سكرتير ابو جهاد ويرد علي بس
الحين وين وصلت لازم اهني نفسي
لما وصلت البيت نزلنا وانا اشوف بعد البنت الي ساكنه فوقنا تنزل من السياره حركت لي يدها بطريقة سلام
لما التفتت وشافتني رجعت لها نفس الحركه بدون احساس وبسرعه نزلت يدي
ومشيت للبيت صح استغربت من حركتها مااعرفها علشان تسلم بس كان استغرابي اكثر من عبد الرحمن هو دايما لما نشوف اي احد اعرفه يسٲل حتى يجمع خلفيه كامله عن الشخص
اش فيه الحين دخل بدون حتى يلتفت او يمكن حتى ينتبه لوجودها
لما دخلنا البيت كانت امي وجدتي بالصاله جالسين جلس عبدالرحمن عندهم وانا مثل العاده رايحه غرفتي اخذ دش قبل مااتغدا
بس وقفت لما سمعت عبدالرحمن يقول""تعالي اجلسي تاج شوي""
طالعت فيه وانا معقده حواجبي اش صاير اول مره يقول كذا
قالت امي بقلق""اش فيه عبدالرحمن اش صار""
قالت جدتي وهي ترفع يدها""معروفه اش يجي من ورا بنتك""
قال عبدالرحمن بقلة صبر""تعالي تاج""
لاني لسى واقفه بمكاني رجعت وجلست وانا مو قادره احدد بٲي موضوع يتكلم
قالت امي""لا تخوفني""
قال عبدالرحمن بابتسامه واسعه""مايخوف الموضوع الا يفرح اليوم ليث ولد ابو جهاد صاحب شركة الافلاك الي تشتغل فيها تاج اتصل علي وطلب نحدد يوم يجي يخطب تاج""
..نهاية البارت..
..عافاكم..
..عجايب..
الحمدلله.



..بأذن الله لي حسنه ولك حسنه..
(امي حظ جميل قٌطف لي من بساتين الجنه اعيذك يا أمي من ليل يهديك هماً ،وانيناً يلبسك تعباً وحزناً يستوطن قلبك .""يارب تخليها لي وتطول بعمرها..)

اجل ليث اسمه ...
مثل ماتعب ابوه وجننه حيجنن تاج😆
واحسه اما حيعقلها او يدخلها مصحه ههههه..
وحتكون الاكشنات نار ♨♨♨ 👏👏👏👏
حبييييته 😍😍😍

تستاهل الخصم تاج..
ايه التسيب دا..
مخططه ع الشايب وصدقت حالها ..
انها خلاص صاحبة الحلال ..😠..

عبدالرحمن ..
مارجع كلمها عادي الا عشان مصلحته ..
وعامل فيها زعلااان اول ..
ياحيف عالرجال بس ...
من اول وهو طايح من عيني..

نجي للجدة..
هههههه احبها ...
دايم تبرد خاطري بتاج 😂😂..

بارت هادي ...
يسلموا عيوني ..
خلي القفلات هاديه عشان الاسلاك ماتخرب
هههههههه...

وبانتظار البارت التاني 😉
😍😍😍