ان شاء الله تستمتعون بالقراءه..
..البارت العاشر..
طالعت في البنات ابغى افهم منهم
بس هم بعد يطالعون فيني يبغون يفهمون
معقوله جاء ابو جهاد
غصب منعت ابتسامتي تطلع صح امس طلع من المستشفى ويمكن جاء اليوم يشوف اوضاع الشركه وطلبني علشان
يمكن علشان ماادري بروح واشوف
وقفت بعد ماسمعت خالد يقول""الحين""
طلعت من المكتب وانا احاول اكون طبيعيه لاني ابغى اطلع بسرعه اخاف يقول بٲي طريقه اني امس رحت عنده
شديت الطرحه ع شعري وكملت مشي وانا
اتمنى انه ناداني لسبب مو قوي او واضح علشان اتٲكد اني اثرت عليه
دخلت وانا عيوني ع مكتب المدير بس مافي احد طالعت بالسكرتير وقلت بستغراب""طالبني المدير""
قال""ايوه تفضلي اجلسي دقيقه ويرجع""
جلست ع الكنبه الفرديه لما رجع السكرتير لشغله
يعني تٲخرت ولا لا يمكن يبغى يخلص شغله وبعدها اشوفه
تحمست اقول شي يعجبه مره فكرت وبعدها قررت اذا سٲل عن امس بقول ان اخوي تٲخر بس انا قلت لكم جاء علشان تروح ترتاح حلو صح يعني مهتمه
طيب اطلبه رقمه كيف اطلبه اقوله بتطمن ع صحتك من فتره لفتره اذا قال بيسافر بس اذا هنا بيجلس ماادري
بس ابو جهاد سهل الكلام معاه يتسلسل الكلام بطريقه طبيعيه
وقفت لما وقف السكرتير لاني كنت سرحانه وانا اطالع فيه ولما تحرك انتبهت
هنا هدوء مو طبيعي حتى الكيبورد ماله صوت طالعت بالداخل وكان جهاد انتظرت يدخل ابو جهاد وراه حتى سمعت جهاد يقول لسكرتير""لا تحول اتصالات علي واتصل ع يوسف الاحمد وقول له يرسل الطلبيه وقت مايكون جاهز احنا ننتظر""
قال""حاضر""
دام هو الي يشتغل يعني ماجاء ابو جهاد
طالعت بجهاد وهو كمل مشي ودخل مكتبه مافهمت يعني محد طالبني بس قال السكرتير بعد ماجلس ورفع التلفون لاذنه""تفضلي ادخلي""
وانشغل بمكالمته حسيت بتردد كبيره وانا امشي بتجاه المكتب واشوف جهاد جالس ع الكرسي ويرتب الورق بملف
ماني متٲكده انه طلبني اخاف اتفشل بس السكرتير قال تفضلي اكيد يعني طلبني ولا كان سٲله عن مقابلتي
دقيت الباب المفتوح دقه بسيطه ودخلت
وقف وهو يقول""اجلسي""
جلست بنفس مكاني امس وانا اشوفه يجمعها سوا الاوراق واخذها ومشى لدولاب صغير فتح الدرج وحط الملف فيها وسكره
وانا اطالع فيه بترقب اش بيقول بيحملني شي علشان الصفقه الي يقول خربتها
لف وقال وهو راجع ع كرسيه""متى رجع لك اخوك""
قلت وانا معقده حواجبي""ماتٲخر""
اكيد ماناداني علشان هذا
يعني الموضوع مو عمل يمكن يقول بعدي عن ابوي مثل مايقول عبدالرحمن اذا عرفو عياله بيصيرون حوله
طيب ليش في المكتب علشان يبين سلطته علي من الحين اقول اني ماراح اغير رائي مهما سوا
تكتفت لما جلس ع كرسيه وقال""فهمت""
فتح الدرج وطلع ورقه وحطها ع المكتب وريح يدينه ع المكتب وطالع فيني
في هذا الوقت حطيت في بالي كل شي واستعديت له لو طلع مسدس مااستغرب
بس انا قلت ماراح اغير رائي ودامه بيتكلم يعني شاف التٲثير ع ابوه يعني اتقدم انا
قلت بعدم راحه لما شفته يطالع فيني بتركيز شوفني اذا جيت بيتكم""طلبتني""
حرك راسه بطريقة ايوه ورجع ظهره ع الكرسي وقال""عرفت انك طموحه وذا الشي ابدا مو عيب فيك بس في طرق اسهل واضمن""
بديت اتوتر يعني مثل ماتوقعت بيبعدني عن ابوه
في هذي اللحظه تٲكدت ان لي مكانه عند ابو جهاد يعني عادي اذا طلعني من الشركه جهاد وكم يوم ويرجعني ابو جهاد
قلت وانا ارفع راسي""وانا مؤمنه بذا الشي""
قال بشبه ابتسامه""يعني اضمن موافقتك""
قلت لاني خفت من ابتسامته""ع ايش""
قال وهو يقدم كرسيه وياخذ الورقه الي طلعها من الدرج""صفقه والربح فيها مضمون""
طالعت بالورقه بس طبعا مافهمت شي لانه معكوسه بنسبه لي صفقه ومعاي
قلت بعد مافتحت فمي كذا مره بتكلم وارجع اسكره ماني عارفه اش اقول بالنهايه قلت""من اي نوع""
صراحه انتبهت مع كلامه ومع المقصد لدرجة نسيت انه رئيس الشركه الحالي
شكل انا طبعي كذا لما جلست مع ابو جهاد نسيت والحين نسيت يمكن لاني مشغوله جدا بمعنى كلامه
اش قصده باسهل واضمن
قال""الموضوع سهل ماراح اطلب منك شي انتي راح تكونين المستفيده اكثر مني""
حركت راسي بطريقة طيب علشان يكمل كلامه مع اني مو فاهمه كيف مستفيده اكثر منه
مو قادره افهمه وهو متعمد يمدد في السالفه ماوراه شغل ولا هذا اسلوبه التجاري
كمل كلامه وهو يمد الورقه لي""هذي الورقه فيها قيمة فوائدك""
اخذتها وانااسمع كلامه كانت مرقمه الورقه
(1-دخل شهري بمبلغ...........
،2-راتب شغلك ملكك
،3-تعويض بمبلغ..........نهاية الاتفاق
،و4-.............)
كمل كلامه لما رفعت راسي اطالع فيه وانا احس نفسي غبيه لاني مو فاهمه شي
""نحدد الدخل الشهري بالي يرضيك هو ونهاية الاتفاق ورقم اربعه راح تحطين فيها اي طلب تبغينه وراح نوقع عليها بشهود والي يخل بالاتفاق راح يدفع غرامه نحددها برضانا""
فهمت كل شي قاله بس اش مطلوب مني هذا الي مافهمته
قلت بالي جاء في بالي""واش مطلوب مني""
قال بسهوله""ولا شي تعرفين ابوي كان بالمستشفى وسبب دخوله انا ولا ابغى ارفض له طلب وارجع ادخله المستشفى بسبب رفض ولا لعب الناس عليه قلبه مايتحمل(وسكت ثواني واخذ نظره تحذيريه مافهمتها هو يعرض علي ويحذرني اوافق يعني) ووهو طلب اتزوج وانا طلقت الجازي من شهرين تقريبا
لانها ماقدرت تتٲقلم مع وقت شغلي وانا ماابغى اغير شي من حياتي كذا مرتاح
بس علشانه قررت ادور لي وحده تعتبر هذا الزواج اتفاقيه
لمدة خلينا نقول حول سبعه شهور وبعدها ننفصل
وبكذا ابوي يفهم اني ماانفع لزواج ومايحس بتأنيب الظمير
وانتي فيك هذي المواصفات فهمت انك تحبين الشغل والفلوس راح تستفيدين بالي تطلعين فيه من هذي الاتفاقيه
تقدرين حتى تبدين شغلك الخاص وراح اساعدك حتى يكبر
وزواجنا راح يكون كامل قدام اهلك مثل قدام اهلي ماله داعي تقولين عن اتفاقنا واي طلب تطلبينه خلال الفتره راح انفذه لك
كذا انا استفيد راحت بالي اشتغل بدون مااحس اني ظالمك ونفذت رغبة ابويه وانتي بتستفيدين مشروع خاص
وراح ينتهي الزواج مثل ماانتي وبعدها تقدرين تكملين حياتك""
خليته يتكلم حتى يخلص اخذت نفس عميق وقلت""ابوك يدري""
قال بحرص شديد""لا بس لمحة له اذا سمعت موافقتك بقول له وطبعا بنظره راح يكون زواج كامل""
حركت راسي بطريقة طيب وانا اعض ع شفايفي بقوه امنع اي كلمه تطلع
قال بعد سكوت شوي وانا اطالع بالارض""اش قلتي ماراح نٲخذ وقت كثير بتجهيز راح يكون هادي بما ان ابوي تو طالع من المستشفى""
اش راح يكون ردة فعلي في بالكم جهاد يعطيني شي مؤقت وابو جهاد يعطيني شي دايما اش بختار يعني اكيد الدايم ابغى الراحه طول العمر مو بس فتره اجربه ويروح من يدي اذا تعودت عليه وبعدين هذا جهاد مايناسبني
قلت وانا اوقف""مايناسبني عرضك جهاد""
تعمدت اقول اسمه ابين له ان مو هذا طموحي واستصغره
تغيرت نظرته بطريقه غريبه مافهمت يعني تفاجاء اني رفضت ولا معصب ولا يتوعدني ماني عارفه
حطيت الورقه ع المكتب وكل الي في بالي احطها واطلع بسرعه
لما وصلت عند الباب سمعته يقول بصوت هادي""ردك اسمعه بعد اسبوع""
مارديت عليه طلعت من جهة مكتبه وانا اطالع بالساعه كانت وحده الا دخلت المكتب وانا حاطه في بالي ارد ع سؤالهم قلت اول ماطالعو كلهم فيني""طول الوقت يتكلم عن اهمية الصفقه الي خسرها بسببي علشان الاعلان راسي اوجعني من تٲنيبه""
اخذت شنطتي وطلعت جوالي وانا طالعه من المكتب محد كلمني ع بالهم مثل العاده اخذ نفس عميق وارجع
دقيت ع عبدالرحمن ولا رد كتبت رساله(تعال لي في موضوع قوي يخص ابو جهاد)
شوي ودق مارديت عليه لاني رجعت جوالي الشنطه ماراح اطلعه ابغاه يجي باسرع وقت
ماني عارفه اش اسوي وقفت عند البوابه وكلام جهاد في راسي يدور مو قادره اوقفه
جاء عبدالرحمن باسرع من العاده محد يعرف عن الموضوع الا هو طبعا راح اكلمه مااقدر اخلي الموضوع لي وحدي
اول ماطلعت السياره قال بدون مايتنفس""ها اش صار""
قلت بختصار""جهاد عرض علي الزواج لفترة مع فوائد طبعا""
قلت اخر كلامي يتريقه من عرضه ع باله كذا خلاص اقنعني
قال بستغراب""مين جهاد هذا""
قلت بعصبيه من عقله المقفل""مين يعني اش فيك جهاد رئيس الشركه الحالي ولد ابو جهاد""
قال وهو يطالع فيني بعدم فهم""جهاد مو هنا سافر مع ابوه اليوم""
حسيت العالم سكت حولي قلت"شكلك مخربط شفته قبل شوي"
قال"والله سافر"
قلت بصوت منخفظ متقطع""مين ذاك طيب""
..نهاية البارت..
..عافاكم..
..عجايب..
الحمدلله.


..بأذن الله لي حسنه ولك حسنه..
(قال تعالى : { فسبحان الله حين تمسون وحين تصبحون } سبحان الله • سبحان الله • سبحان الله سبحان الله • سبحان الله • سبحان الله سبحان الله • سبحان الله •*)

جلطتني القفلة يا عجايب وش هذا الإجرام !!!!!!

راجعلتك ان شاء الله اول ما افضى بإذنه تعالى

كنت عارفه إنه لقائهم فيه تطور كبير

بس ما توقعته بهالشكل ومعقول ماهو

حهاد ‏ما بقى غير أخوه ‏



الله عليك عالقفلة جيجي يا شريرة ‏



بالنسبة لشخصية تاج بالعكس أعطت ‏

للرواية طابع مختلف أنا أحب الشخصيات ‏

إلي تكون مختلفة عن العادة ‏




في انتظارك جيجي وشكرا على الكلمات ‏

الرائعة في حقي وأعطيتيني أكبر من ‏

حجمي وروايتك من الروايات إلي

تستاهل أعطيها من وقتي ‏