آميـــن يا رب

السلام عليكم.
عسى المانع خير ي عمري ..

السلام عليكم ورحمة الله وبركاته..
اسفه والله ع التأخير الا صار غصب عني بس انقطعت الشبكه الا البارتات جاهزه من امس بنزلها الحين والردود وقت ماتتعدل الشبكه ان شاء الله ماابغى اتأخر عليكم..
حبايب قلبي ان شاء الله ترضيكم النهايه وتحبوها..
ماراح انسى هذي الايام ووجودكم طعمها..

ان شاء الله تستمتعون بالقراءه..
..البارت الثالث والتسعون..
مع ان كل شي مر بسرعه الا اني استوعبت ان حياتنا انتهت كذا
معد فيه ولا ترقيعه
لا هو بيحاول ولا انا
منجده لما قال زواجنا غلط من اوله
تعبت علشان احاول اكون معاه
وهو مو راضي ينسى ولا يسامح
كٲني تزوجته بعد حب
تعبت من كل شي معد ابغاه ولا ابغى حياته ولا ابغى هذا الاحساس الي ماحسيت فيه الا عنده
ابغى ارجع بيتنا وارجع لحياتي
ومع اني ترجيته يوديني البيت للمره الثانيه مارد علي
اش متوقع يعني بعد مني
الله ليش كل هذا الهستيريه
هو مايستاهل
وانا اساسا ماابغى اعيش مع واحد بٱخلاقه هذي
رفعت راسي خلاص بيطلع من حياتي وبيطلع من قلبي
كانت هذي افكار اهدي فيها نفسي مع نفس عميق
بس قلبي كان يوجعني
كيف يعاملني كذا
كيف يفكر كذا
اساسا كيف قدر بعد ذيك الليله المثاليه يشوهها
ووقفت وشفته بطرف عيوني جالس ع الكنبه المقابله بدون مااطالع فيه
ماادري اذا يطالع فيني ولا لا
بعدين انا مو مهتمه فيه
اخذت النقاب ولبسته اثبات له ولي ان بتخطاها
وبنساه وبنسى كل شي يخصه
وحتى لو شفت عصيره المفضل ماراح اشتريه
كارهته وكارهه هذا المكان الي جامعنا
مشيت ناويه اطلع من البيت ماابغى اجلس ولا ثانيه
بس بعد خطوتين تذكرت شنطتي
ولما اللتفت شفت ليث واقف وراي وبيده الشنطه
ومدها لي رفعت عيوني اطالع في بكرهه مضاعف
يرجع يبين انه يبغاني اطلع بسرعه
ولا ابقي ولا غرض لي هنا
اساسا كيف رجعت لهذا البيت بعد كل شي صار
وبطلع بنفس شعوري الاول ويمكن زياده
اخذت الشنطه من تحت علشان ماالمس يده
وسحبتها بقوه ولفيت ونزلت الدرج بخطوات سريعه
ان شاء الله يفهم قد ايش انا بعد ماابغى اكون هنا معاه
طلعت مع باب الشارع ووقفت في مكاني ثواني
كل شي كذا انتهى
كل الايام الي عشتها هنا انتهت
اساسا كل الي عشتها هنا شهرين وعليها بس
وفي بيتنا سنين برجع البيت وكل شي بيرجع طبيعي
تكتفت ومشيت بس اوصل البيت بفرغ كل احاسيسي اليوم
ومن بكره بتجاهله وبتخطاها
اتوقع افعاله بتكرهني فيه اذا ماكرهته
كان الهواء يصك فيني صك
قوي وبارد والشارع هادي
ماراح اكلم عبدالرحمن يكفي شاف انهياري المره الي فاتت
كيف قدرت ارجع هذا البيت منجد مستغربه
يمكن كان الامل
بس خلاص ماراح ادخله بعد كذا
هذي اخر مره
اخذت نفس وانا ارجع للفكره الاساسيه اكيد بيمر تكسي وبرجع البيت وبنسى كل شي صار اليوم
اللتفت لما سمعت صوت سياره كانت سيارة ليث
والله هو يوصلني البيت
ويكون مسؤول لاخر ثانيه
وبستفيد منه ماراح انتظر تكسي بهذا الوقت وبهذا الجو
وهو عنده سياره لاكلف عليه وبقوه
وقف جنبي فتحت الباب بهدوء وسكرته بعد بهدوء
بعامله انه غريب
خلاص مابيننا كلام ولا حتى نظره
بس هو عاملني بنفس الطريقه وهذا الشي جرحني
بعد كل شي سواه بعد يطلع صد من عنده
ماله حق
ماله حق ابدا
نزلت الطرحه ع عيوني علشان ارتاح
وبعد ثواني طالعت من القزاز اشوف كل شي مرينا عليه
كان يسوق بتزان بعد
يعني كل شي صار بعقله
انا قلت من البدايه انه مو كلام ولا تصرفات غضب
وهذا الشي اثبات
لما قربنا من البيت رفعت شنطتي لكتفي وعدلت جسمي استعداد لنزول
احس المكان مخنوق بطريقه مو طبيعيه
لما خفف السرعه علشان يوقف رفعت يدي
سمعته يقول قبل مايوقف بثواني""بنسبه للبيت بكر......""
قاطعته وانا افتح الباب وانزل
واقول بهدوء""ماابغى منك ولا شي""
طلعت والله من قلبي
كل الثوره او الموافقه ع الفكره الاساسيه بزواجنا الا اني ماابغى شي منه
بس يتركني بحالي علشان انساه
سكرت الباب بعد ماخلصت كلامي بدون مااطالع فيه
ومشيت للبيت
تغير تفكيري وتغيرت اولوياتي
ماابغى غير ليث الاول
دقيت الباب بخفيف وانا احس بٲحراج وكسرة خاطر
مين بيفتح الباب وش بقول لهم
حاسه بٲحساس شخص كبر بالعمر واكتشف انه ماسوا شي
نزلت شنطتي علشان بتصل ع عبدالرحمن يفتح لي الباب
خلي امي تنام مرتاحه
وانا اصحى مجمعه نفسي ومستعده
وراح ابين اني راضيه
مسحت عيوني علشان اقدر اطلع رقمه
واتصلت عليه وانا عارفه ان ليث واقف ماحرك السياره
وقاعد يتفرج ع وقفتي عند الباب
رد علي بسرعه كٲن الجوال بيده
الحمدلله انه صاحي اول مارد
قلت بصوت منخفظ خفيف""افتح الباب انا عنده ولا تطلع صوت""
سكرت بعد ماسمعته قال""طيب""
رجعت الجوال الشنطه وسكرتها ورفعتها لكتفي
اشغل نفسي حتى يفتح الباب
ليش مايروح
عارف انه مرجعني اخر الليل ويشوفني كيف ادخل بيتنا
فتح عبدالرحمن الباب وطلع شوي يشوفني وطالع بتجاه سيارة ليث
وانا دخلت حاولت تكون خطواتي خفيفه ماابغى امي تحس
دخلت غرفتي وسكرت الباب نزلت شنطتي ع الارض
وفسخت عبايتي ونقابي وحطيتها فوقها
وانسدحت ع السرير بس ثواني وبدأت الدموع
قمت فتحت الشنطه واخذت بجامه غيرت
واخذت منديل مسحت كل مكياجي ماابغى اغسل وجهي بالمويه واصحصح اكثر
مع اني لي يومين مانمت زين الا ان مامعاي النوم
رجعت انسدحت ع السرير بعد ماشغلت المكيف
حاسه بحر غير عن الجو لما كنت برا
طالعت بالسقف وانا استرجع كل شي من البدايه بشوف وين الغلط
تذكرت لما زرت ابوه واول مره اشوفه هناك
ولما اشتكيت لابوه عن الانذار
وردة فعله
ولما نادني مكتبه
ولما عرض الزواج وانا ع بالي انه جهاد
وتذكرت لما قال عبدالرحمن لاهلي ووافقت بعد كلام واقتنعت
هذا كل شي قبل الزواج
وتعبت لان كل شي غلط
كيف بعد الزواج وكيف حياتنا
انقلبت ع جهي وغمضت عيوني
كل هذا وانا راضيه ارجع له
ومصره انجح الزواج
تغيرت فيني اشياء كثيره كيف اني امشي ع خطى امي
نسيت الدوام لما انشغلت بليث
لو كملت معاه كان جلست في البيت
وحتى اني اخذت حبوب منع الحمل مثلها
انا ماابغى اعيش مثلها
كان هذا تفكيري الاول
الحين مااحس الا اني فقدته
واتسٲل ليش هذي القسوه كلها
حتى لما اعتذرت له كان ناوي يكمل بس السبع الشهور
يعني مافكر ولا لحظه ان يكون زواجنا حقيقي وطبيعي
انا كل احلامي تعلقت بهذا الشي
تميت ع هذا الحال حوالي ساعتين بدون نوم
بس هواجس ودموع بين فكره وفكره
واكثر شي اشغلي اش بيسوي
انا معد اعرف تفكيره ولا اعرفه اساسا
مع اني نمت متٲخر الا اني صحيت ع دق امي للباب وهي تناديني
قمت وضيت وصليت الفجر ورجعت نمت بدون ماارد عليها
مااشوف شي ولسى مااستعديت للمواجهه
وصحيت بعد الظهر نفس الطريقه صليت ورجعت نمت
بس صحيت قبل صلاة العصر بشوي من اصرار امي بالدق
قمت فتحت لها الباب ورجعت انسدحت
مااشوف شي حسيت فيها لما جلست بعد ماطفت المكيف
وقالت وهي تمسح ع شعري""اش صار يقول عبدالرحمن ان ليث وصلك البارح""
قلت وانا مغمضه عيوني""ولا شي""
قالت بستغراب واضح من نبرتها""كيف ولا شي""
قلت وانا اتنهد""يعني مااتفقنا ابغى انام اذا صحيت حكيت لك بالتفصيل""
قال وهي تسحب الغطى عني""قومي قربت صلاة العصر كولي وصلي وبعدها ارجعي نامي""
ماقدرت ارجع انام من اصرارها
وانا بعد حسيت بجوع لاني البارح ماتعشيت
جابت لي الاكل الغرفه
جلست ع طرف السرير مقابله لطاوله الي سحبتها
واول ماسٲلت قلت لها كل شي
قلت لها الصراحه
منجد قلت كل شي
ابغى اتعدى هذا الشي
ابغى احس براحه مثل لما اجلس مع عبدالرحمن
ماابغى اخبي شي عنها
ولا ابغى افكر اش اقول كل مايجي طاريه
قلت لها عن اتفاقنا وعن شروطي
وقلت لها عن المده وان عبدالرحمن يدري بكل شي
وعن سبب الهوشه الاساسيه انها علشان خايف احمل
وقلت لها عن رسايلي والهديه والعزيمه وموقفه الاخير
يعني منجد قلت كل شي
احس ان كان شي ع كتفي وانزاح
ابغى انتهي من كل هذي القصه
كانت امي تستفسر بجمود عن اي شي نسيته
وسٲلت اذا ابوه شافني وانا داخله البيت ولا لما كنت طالعه
نسيت انه رجع من السفر ولا ادري عنه
بعد ماخلصت وفهمت كل السالفه عصبت علي بقوه وخاصمتني
بس كنت متوقعه علشان كذا عادي اهم شي نتخطى هذا الموضوع
ولا عاد ينفتح مره ثانيه
واذا تبغى تقول لابوي كيفها
كنت اكل وقت ماهي كانت معصبه بقوه
بس مالحظة بٲي درجه حتى اخذت الملعقه من يدي بقوه ورمتها بالصحن حتى طلع صوت عالي
رفعت راسي اطالع فيها
قالت بشبه صراخ حتى صوتها تٲثر من النبره المرتفعه""اش هذي الاخلاقك ماعرفت اربيك والله ماعرفت انا خلاص مالي حاجه فيك اذا هذي تصرفاتك وعبدالرحمن له مثلك كل هذا يصير قدامي وانا ماادري منجدها امي لما قالت البنت مالها الا بيتها خربتك الجلسه طول النهار مع الرجال""
..نهاية البارت..
..عافاكم..
..عجايب..
الحمدلله.


..بأذن الله لي حسنه ولك حسنه..
- سُبحان الله
- الحمدلله
- لا إله إلا الله
- اللهُ أكبر
- سُبحان الله و بحمدهِ
- سُبحان الله العظيم
- استغفر الله و أتوبُ إليهِ

ان شاء الله تستمتعون بالقراءه..
..البارت الرابع والتسعون..
صح توقعتها تعصب
بس مو لهذي الدرجه ولهذا الكلام
كيف مالها حاجه فيني
قلت بهدوء علشان اهديها""كل شي انتهى""
قالت بنفس النبره حقتها الاولى""ايوه لما مالقيتي حل وانتهى كل شي جيتي تقولين لي ماراح اساعدك ومنجده ليث يطلقك اساسا كيف يثق فيك بعد كل شي""
هنا انا وقفت وقلت بنبره حاده من القهر""ايوه هو رجال عادي كل شي سواه يرشي بنت تتزوجه وعرف يعرض ع مين استغل حالتنا الماديه وعادي اثق فيه بس هو لا
وبعدين عادي في بنات كثير تشترط تكمل دراستها ولا يكون الراتب لها انا شرطت بيت ملك اساسا ماشغل ابوي بمكان قريب منك مثل ماتتمنين الا زواجي هذا الي مو عاجبك""
قالت بصرخه""انطمي""
رجعت قلت بعناد""مالك حاجه فيني علشان فكرت فيك""
صح اني كذبت بهذي الكلمه بس ابغاها تفكر بالموضوع
بس هي مافكرت ضربتني ع فمي بخفيف بس كانت حركه قويه تطلع من امي
وقالت""قلت انطمي""
رجعت جلست ع طرف السرير بمكاني
وبعناد اكثر اخذت الملعقه واكلت مع اني احس بطعمه مو حلو وبرجع
الا اني موغلطانه واذا غلطت بعد ليث غلط مثلي
لا يحملوني كل شي وحدي
علشاني بنت
ليش ماتروح لعبدالرحمن هو بعد يدري وهو شجعني سمعت امي تقول بصوت منخفظ حاد""والله الشرهه علي الي ماعرفت اربيك ابغيتك تطلعين كل شي تمنيته بس انتي......""
وبقت باقي الجمله معلق بالهواء
بكثر ماكان الجو متوتر الا انه زاده كلامها حسره ويٲس
قلت بصوت منخفظ مرتجف وعيوني تتجمع فيها الدموع وانا مصره اني اكل""بهذا الزواج تغيرت يمه غير فيني ليث اشياء كثيره انا بعد كان في بالي حلم كنت ابغى اطلع مثل ماتتمنين انا اسفه""
ع كل شي زعل امي وصلني للقاع
اش اسوي بنفسي
خلاص انا قلت لها كل شي علشان نتخطاه مو نتعمق فيه اكثر
قالت بنبره جافه""لا والله انتي تبغين فلوس وبس قوليلي اش سوت لك ها خربت حياتك كلها""
قلت وانا ابلع الغصه مع اللقمه""جابت لك من شهور اغراض المطبخ واثاث غرفة الحريم وحجزنا ت.......""
قاطعتني بعصبيه قويه هذي المره وكٲنها تكلم نفسها""وترادد بعد لك وجه انتي بعد كل شي وتمنين علينا خلاص اذا تزوجتي شيلي هذا الاثاث بيتك وفكينا""
وطلعت من الغرفه وانا اتابعها بعيوني
ماكنت امن بس ابغيت اوضح الاجابيات
ياربي زود ع حالتي تجي امي تكمل الناقص
طيب كل شي انتهى
شلت الصحن ووديته المطبخ وكلمتها وماردت علي
حسيت اني جد تعبت
واستمرت هذي اليومين كلها بنفس هذي الطريقه ولا كٲني موجوده
تٲزمت زياده
وصرت مشغوله من امي ابغاه ترضى
حاولت كذا مره حتى عبدالرحمن نفس الطريقه تعامله
وبالعصر ماكان احد موجود غير جدتي بالصاله
بعد ماتكلمنا شوي عن غرفة الحريم الجديده اعجبتني
وجدتي تقول كان اخر شي فكرتو فيه هو هذي الغرفه محد يجي مجلس الرجال اهم
انتظرت امي لما ماطلعت
دخلت لها غرفتها واصريت اتكلم معاها
وحاولت اشرح لها تفكيري وان بعدين تغير كل شي
بس بدون قصد قلت لها اني اتصلت ع ابوه اتٲكد انه موافق
يعني مااخذت القرار بسرعه
واني رفضت بالبدايه ع بالي اخوه
عصبت بقوه الا انفجرت
تعبت وصارت ترتجف يدها بعد ماجلست لانها داخت
غصب عنها نويت اخذها للمستشفى القربيه
خفت عليها بقوه
وهي رفضت بٲصرار بس انا اتصلت بجوالها ع ابوي علشان يقنعها
وقالت له انها ماتبغاني اروح معاها
يجي هو يٲخذها ولا ماراح تروح
مااخليها مو بكيفها
رحت غرفتي لبست عبايتي ونقابي وطلعت لغرفتها اساعدها
طلعت عبايتها وساعدتها وهي معصبه علي
بس علشان اهديها ماادري هي كيف فهمت كلامي ان ابوه يدري ولا اني اتكلم معاه قبل الزواج
قلت لها بكل صراحه علشان تعبت واحنا نعيد ونزيد بنفس السالفه من يومين""ماني ندمانه ع هذا الزواج يمه ولا للحظه عشت مع انسان مافي مثله حبيته مثل ماحبيتي ابوي بالضبط الحين انا عاذرتك بكل شي سويتيه بحياتك""
كلامي خلاها تفكر شوي علشان كذا سكتت وطالعت فيني للحظه بنظرة اهتمام
وبعدها لفت راسها بقوه وزعل عني
تنهدت بقوه ورجعت قلت لاني شفت للحظه اهتمام غير عن اول
وعرفت اش الي لفت اهتمامها ابغاها ترضى علي تعبت""انا كنت ابغى انجح زواجي كنت احاول من كل قلبي عارفه ان البدايه غلط بس كل شي عشته بعده كان حقيقه كان صح هو شريك عمري الي كنت اتمناه صح تزوجت علشان الفلوس ماانكر بس الحين اخر اهتمامي تمنيته بس يرضى ونبدا من البدايه تكفين يمه لا تزودين علي بصدك وجفاك انا من لي غيرك""
قالت وكانها سمعت نص الكلام بس""تتركين شركته نهائيا ولا تشتغلين غير في مكان حريم بس""
قلت""هذا الي يرضيك""
قالت""وترجعين كل الفلوس الي حولها ع رصيدك حتى راتب شغلك""
اخذت نفس مو مشكله انا اساسا ناويه ابدا من البدايه ولا ابغى منه شي
قلت بصدق""موافقه""
ومارضيت رجعت تقول""وتقنعين ابوك يترك الشغل عنده""
ماادري هي منجدها هذا الشي بيرضيها ولا تصعب المسٲله وبس
طالعت فيها لثواني وهي جالسه ع طرف السرير ولابسه عبايتها وانا واقفه مقابلتها ولابسه العبايه بعد ننتظر ابوي قلت""ويرجع لشغله الاول""
قالت بحده""ايوه يرجع ولا احد يتفضل علينا""
ماادري قصدها انا ولا ليث
بس ماتعمقت بالموضوع بكلمه واليوم بعد ان شاء الله وننتهي من هذي السالفه
قلت بستفسار""واذا سويت كل هذا ترضين""
قالت وهي تشيل عيونها عني""انتي سويها وبعدها اشوف""
كان واضح انها للحين معصبه ومو قادره تهدا خلاص بعد مااكلمه مابيكون عندها سبب
لما جاء ابوي مشيت وراها لباب الشارع
بس قال لي ابوي ان هو الي بيٲخذها انا اجلس عند جدتي
سكرت الباب بعدهم كانت امي احسن علشان كذا تطمنت عليها ورضيت اجلس
فسخت عبايتي ودخلت غرفتي علشان اخذ جوالي حتى اتصل عليهم بعد وقت
دورت جوالي وقت طويل وبعدها تذكرت انه بالشنطه ماطلعته من ذاك اليوم
رميت عبايتي ع السرير واخذت جوالي وفتحته وانا اطلع من الغرفه
متٲكده ان ليث مافكر حتى يكلمني او يرسل وانا تيقنت ان معد بشوف له شي
بس لما لقيت رساله جديده واتصالين هو الوحيد الي جاء في بالي طبعا من غيره يعرف رقمي هذا تفسير منطقي
بس قلبي كان تصرفه بعيد عن المنطقي فرحت وانا حتى ماقريت النص
فتحتها بس كانت من رقم غريب
مكتوب فيها(سلام انا حنان لي فتره والله اتصل ع رقمك الاول ويجيني مقفل ابغى اعرف رقم حسابك علشان احول لك فلوسك ولما يٲست رحت لزوجك علشان اعطيه بس هو رفض واعطاني رقمك الجديد وبعد اتصل عليك ماتردين اذا شفتي الرساله كلميني ضروري)
شفت وقت الرساله جاتني بعد الظهر بشوي
يعني اليوم راحت عنده
وهو كان مداوم وبعد لسى عنده رقمي
هذا الي استنتجته من رسالتها
جلست بالصاله وسكرت الجوال بدون ماافكر ارد عليها
هذي فلوس ليث لما ماتشوف مني رد تروح عنده مره ثانيه وبيٲخذها
نفسي اتصل عليها بس علشان اعرف ردة فعله لما سٲلته عني
اخذت نفس لما امي حسيتها بدات ترضى رجع تفكيري له
يعني يبغالي شي يشغلني وبس
كانت هذي الفكره تدور براسي بقوه حتى لما جات امي بعد ساعتين
لو مااتصلت اسٱل ابوي كان اخترعت من تٲخرهم
بس قال لي ابوي ان ضغطها ارتفع واعطوها ابره وانهم بيتٲخرون بيغيرون جو
دخلت المطبخ ناويه اطبخ العشى اريح امي
بس لسى وانا احاول اقرر
دخلت امي المطبخ وقالت""عبدالرحمن يناديك""
قلت""وش رايك اليوم نطلب من برا""
لاني مالقيت ولا فكره
قالت""لا ابوك طالب اكله""
اعجبني انها ردة علي عادي مو مثل اليومين الي راحت
علشان كذا ماعلقت كيف انه يطلب تطبخ له وهو تو مرجعها من المستشفى بنفسه
ولا خلاص غيرت جو يعني مافيها شي
خلاص انا قررت مالي دخل فيهم اثنينهم راضين انا اش يجلسني بالنص
طلعت لعبدالرحمن الي تقول امي انه مناديني
مالقيته بالصاله دخلت غرفته مالقيته
دخلت غرفة جدتي لقيتها تصلي العشى وحدها بالغرفه
يمكن راح
دخلت غرفتي بعد انا بصلي علشان مااخرها
الحمدلله من غطيت وجهي احس زاد الايمان بقلبي وتٲنيب الضمير اذا اخرت صلاه
وكٲن اول في حاجز بنفسي
وبعد صرت اعود نفسي ع الوتر بعد العشى لان حتى لو كنت سهرانه بنساها كذا
حتى اتعود عليها وبعد سنة الفجر يعني ببدا شوي شوي علشان بعدين مااسيبها واستثقلها
وان شاء الله بعد بتعود ع سنة الظهر والمغرب وببدا بالمغرب لانها اقل وسهل التعود عليها
وبعد القران الي احس اني مقصره فيه بقوه
نويت اني اقراء وجه من الصفحه في اليوم ان شاءالله بس ماابغى ابدا كل شي في وقت واحد واتعب واسيبها
شي واحد حتى اتعود عليه وبعدها الثاني اهم شي اني سويته هو غطيت وجهي هي اصعب شي والحمدلله مااستثقلتها للحين
بحسن نفسي ان شاء الله وارتاح واتعدى هذي المرحله
وبعدها ادور شي يناسبني واكثر شي في بالي تصليح الاجهزه مثل شغلة خال شوق
الا ع طاريها اش صار فيها وعاد تتواصل مع خالد ولا انقطعت
وتشتغل ولا مثلي في البيت
دخلت الغرفه لقيت عبدالرحمن جالس ع الكرسي ينتظرني رفعت حجب وقلت""الموضوع سري""
قال وهو يرجع ظهره""وكٲني اول مره ادخل غرفتك""
قلت وانا امشي بتجاه الحمام""تناديني وتدخل غرفتي هو الغريب""
قال""وين رايحه تعالي""
وقفت ولفيت عليه بكامل جسمي بستغراب من نبرة عدم الصبر
وقلت بتعقيدة حواجب""اش فيه""
قال بحماس""عرفت ان اليوم ليث بيتعشى هو وابوه بالمطعم نفسه الي عزمتيه فيه نروح نتعشى هناك وتسلمين ع ابوه بدون ماتعطين ليث وجهه كذا بينقهر""
قلت بعد ماطالعت فيه لثواني بصدمه
مجنون هذا""معد ابغى منك ولا نصيحه وانا اساسا خلاص معد افكر بليث اذا شفته قول له يرسل ورقة طلاقي""
ودخلت الحمام وضيت وانا متضايقه لازم يعني احاول وافكر علشان ينتبه لي
قولو لي اش زايد هو عني
انا اساسا الي زايده عليه قلبي ابيض وسهلة الارضاء مثل مالاحظ
طلعت وماكان عبدالرحمن بالغرفه
صليت العشى والوتر
وطلعت من الغرفه وانا اسمع جوالي يدق ع الكنبه بالصاله
لما شفته كان رقم عرفت انها حنان
اذا هي مصره انا مصره اكثر منها ماراح ارد عليها
حطيته صامت
ودخلت المطبخ لامي وقلت لها علشان ابين ان الموضوع لسى براسي ومصره ترضى
وينتهي الموضوع""بكلم ابوي بعد العشى ان شاء الله""
قالت""لا لاتكلمينه اليوم انتظري""
ليش غيرت رائيها اش تكلمو فيه
وهم يغيرون جو بس مره فرحت لان احس اني مو مستعده لسى
ومااستفسرت قلت براحه""طيب""
وبنفس ساعدتها بدون مانتكلم
بس ماكان الجو متوتر كان مريح
قلت لها كل شي علشان احس بهذا الجو وبهذي الراحه
طول الفتره الي فاتت كنت افكر بس كيف ارجع لليث مافكرت كيف اتٲقلم بدونه
وللحين ماافكر
في بالي بس اعدي الايام وكذا من دون شعور اتٲقلم
جهزت السفره وانا اشوف عبدالرحمن يكلم بالجوال مشغول فيه
وجدتي وابوي يسولفون
ماادري ليش فكرت ان ليث اش يسوي الحين
ايوه تذكرت يقول يتعشى بنفس المطعم الي عزمته فيه وماجاء
ورحت لبيته اعطيه هديه والباقي الي ماابغى اذكره
حاولت اقنعه ماني ندمانه اني حاولت
لاني لو ماسويت كذا كان فكرت اش بيصير لو اني حاولت
وجلست في بالي
بس بنفس الوقت فكرة عبدالرحمن اني اروح هناك واشوفه استنكرتها بقوه
معد اقدر اتحمل اكثر لو انه مااهتم
خلاص انا فهمتها ماله داعي اتٲكد زياده
لانه لو سوا كذا ماراح اسكت بطلع كل جنوني واخسره منجد ويكون سبب منجد مو مثل هذا
مع ان مانفسي اكل بس جلست معاهم
وبعد العشى قال عبدالرحمن وهو يغسل يده بالمطبخ""وش رايك نطلع الجو اليوم حلو""
قلت وانا اطالع فيه بطرف عيوني""وين""
هو موغريبه كنا نطلع سوا كثير زمان
بس ع بالي بيوديني المطعم ولا جنبه
بس قال وهو يسكر المويه""اختاري المكان الي يعجبك""
قلت بٲبتسامه خفيفه""اكسر الخاطر""
قال بضحكه""مره تكسرين الخاطر ودي اطبطب عليك""
قلت بضحكه""لا الطلعه تكفي(وفكرت ثواني وكملت)امممم الحديقه وناخذ ايس كريم من المكان القريب""
تحمست اخيرا بطلع اغير جو
لما فكرت فيها شوي بيرجع كل شي طبيعي
واخترت هذا المكان لاني دايما اروح وحدي او عبدالرحمن معاي يعني ماراح احس بٲي فرق
قال""خلاص بس البسي شي دافي""
جففت يدي ببلوزتي وانا طالعه وراه من المطبخ
من فتره ماسٲلت عن الجازي انشغلت بنفسي بسٲله بالحديقه
نقدر نتكلم بكل المواضيع براحه
فاضيه وانوارها خافته والوقت قدامنا
دخلت الغرفه لبست عبايتي ونقابي واخذت جيكت بيدي احتياط
ودي نجلس لوقت متٲخر
طلعنا السياره بعد مااخذت جوالي لان امي قالت اخذه ليش اشتريت جوال جديد يمكن احتاجه
اخذته بس علشانها
الا انا بحتاجه بٲيش انا مااشتريته الا علشان ليث والحين ماابغاه معاي طول الوقت
حطيته بجيبي وعدلت جلستي
الحديقه قريبه مااخذنا وقت كثير
نزلنا وفرش فرشه ع العشب عبدالرحمن كانت بالسياره
جلست وحطيت الجكت ع رجوالي وطالعت حولنا
ورفعت النقاب كان المكان فاضي ميه في الميه
والانوار خفيفه والجو مو بارد مره بس هواء خفيف
وسكون تام
اخذت نفس وطالعت بعبدالرحمن الي جلس مقابل لي وقال""يبغالنا كوب شاهي مو ايس كريم""
قلت براحه من المكان والجو
تو اكتشف اني كنت محتاجه مكان مثل كذا اجدد فيه نفسيتي""كيفك خذ الي تبغى انا ابغى ايس كريم""
قال بحاولة اقناع""شاهي مخدر يابنت""
قلت بٲبتسامه""ابغى الاغلى""
قال وهو يمدد يده""يلله اليوم بدللك لانك تكسرين الخاطر""
اول مره قالها ضحكت عليها
بس الحين مااعجبتني قلت""وبكره دورك اناادللك""
قصدي انه بعد يكسر الخاطر ماسوا الي يبغاه تعب نفسه ع الفاضي
قال""انا والله محتاج دلال كل يوم""
تعمد يتجاهل كلامي
وانا معد ركزت بهذي النقطه
لاني جيت اغير جو
وقفت وقلت بٲقتراح""نمشي شوي""
وقف معالي ومشينا اخذنا لفه ع الحديقه وهي صغيره بس حركنا رجولنا
قلت بتردد""عاد كلمة الجازي""
قال""لا ولا افكر فيها خلاص (كمل لما شفنا مكان الايس كريم)اروح وحدي ولا تخافين""
عرفت انه غير الموضوع بس معد رجعت له هو بكيفه
وهذا هو القرار السليم
قلت""لا مو خايفه بس لا تتٲخر""
رجعت جلست مكاني ع الفرش وحطيت الجكت ع رجولي علشان اتدفى شوي
وتحركت شوي وطلعت جوالي ورجعت عدلت جلستي
وحطيته بحضني لاني ماارتحت بجلستي
وطالعت بالساعه كانت عشره الا ربع
وفتحت الجوال رجعت قريت رسالة حنان
وشفت الاتصالات لها ثلاث مكالمات ومافي اي شي ثاني
جوالي فاضي قلبت فيه وقت
بس فجاءه شهقت بنقزه لما سمعت صوت ليث يقول بٲستفسار من وراي""تاج""
..نهاية البارت..
..عافاكم..
..عجايب..
الحمدلله.


..بأذن الله لي حسنه ولك حسنه..
سُبحان الله
- الحمدلله
- لا إله إلا الله
- اللهُ أكبر
- سُبحان الله و بحمدهِ
- سُبحان الله العظيم
- استغفر الله و أتوبُ إليهِ